رواية الطاغية والمغرور الفصل الثالث بقلم يارا الياسري
إن الله خلق خلقًا، فخلقهم بقدر، وقسم الآجال بقدر، وقسم أرزاقهم بقدر، والبلاء والعافية بقدر.
إن الخيرة فيما اختاره الله، فقد يقدر على المؤمن مصيبة فيحزن، ولا يدري كم من المصالح العظيمة
التي تحصل له بسببها، وكم صُرف عنه من شرور، والعكس كذلك.
_____________________________________
گام وايده بيدي بس خدران ومرتخي بسرعة مني سحبت السجينة لبي الفواكه ووووو.نبتتها بكفه الي لازمني قووي
هو رغم ان مرتخي الا ان بنية جسمه قوية رد ولوى
ايدي الي لازمها بقيت بيد وحده جرريت روحي
منه حسيت بنفسي اتملخت وشلت صحن الكرزات
نيمته براسه هيتني ولزم راسه وصاح بت الكلب گ** ويفشر اخذت صحن ثاني كسىرته براسه
والكلاص طكيته بالطاولة بعصبية هوو يصيح
والدم جرى من راسه لرگبته صرت اقاوم بجنون
وبحركات قطة برية شرسة اضربه بيدي ورجلية
بقيت اروح منه واجي منه بضل هالفوضى جل مااحس بي خفقان گلبي الثائر
وگان يتضاهر ضدي
ويعلن تعبه عن الضجيج لبحياتي ام اعصابي
فهن بالاساس تالفات بحركة مني لزمت سلاحه
الي مخلي على الطاولة من كعد رگزت بي
من اول مافتت الهم صار هو يباوعله
واني بس گان قريب
من جهتي خمطته بسررعة وثبتت ايدي بي .
بقووة باثنين ايدي وماخليتهن يرجفن أذگرت كلام
امينة.
كوني قووية الرجال مثل الكلب من يشوف ضعف
ينهش بالضحية بس من يشوف قووة يرتدع خوفج
رجفتج اخفيها خلي عيونج قوويات وايديج اقووى
اذ انجبرتي بيوم علمود شرفج تقتلين قتلي .
بكل ثقه نطقت حروفي. خليك بعيد لا تقرب وارفع
حواجبي بحدية اقتلك والله ولااهتم لرتبتك .
الدم على راسه ينزل وهوو صار نار وعروكه منتفضه
لج گح** تبيعين شرف براسي .
اني شريفة مو منهن هن خطفني واللة مو منهن .
رد بزنجره ولامبالاة واني شكوو دفعت فلوس اريد اخذ ليلتي والا اخذج .
بحلمك سيادة الضابط ياحماة الوطن والشرف وتنهشون بلحم البنات والبشر
رتبگم لماتحمي ضعيف ويستنجد بيگم
شلگم بيها ؟!!!
اندار وايده على راسه عوفي السلاح ساقطة
باوعتله بحدية وثبات واني موجهته علي بدون ماترمشلي عين اتحرك گدامي .
فوت على المطبخ لا والله اطلق نيران هالسلاح .
فات وهو يخوزرني ويهدد تندمين والله اللعب ويا سلطان مو سهل .
ضحكت باستهزاء وسخرية على قدري اندم!!؟
ماتخوفني اني مسلمه روحي ليد المووت ايكون هناك مايرعب كثر المووت؟!!
باوعلي بحقارة اتذكري الاسم زين سلطان راح يجي
ويكسر عينج وتكونين ذليلة جووا بفراشه ..
خلي يجي هاليوم ووعدك ان لحضتها أكون مطاعة الك .
فات وقفلت الباب بقيت ادورر على مستمسكاتي واغراضي ادور الى ان لكيتهن تنهدت وگان
باب الفرج انفتح لي اخذت عبايتي الي اشتريتها فووك ملابسي ولبست حذاء رياضي مشمور بالغرفة
مااعرف المن وبي كبر لكن ضبيت القيطان علي طلعت منه الغرفة ركض فتحت الباب وفلتت مااحس الا صووت سلطان اجه من خلف الحاوية
اهربي اذ تكدرين من شفته حسيت شي صاح براسي رحيق ارگضي. رگضت بكل ماوتيت من قوووة
ركض قووي انداريت اشووف يركض وراية
ويتوقف شووية يلزم راسه هاي النقطه فادتني واني مستمرة بالركض شمرت السلاح من ايدي بنص الشارع
وفتت بين الدرابين
والافرع بين فرع وفرع اضلم وبعض بيهم بيوت
مشتغله أضاءة
وقليل ناس برررا لان المنطقة مو شعبية أركض
وبرودة الهوة تلفح بوجهي شهر ثالث بدايته
الجو بارد
مع ضجيج السياراات الي يجي من بعيد مع صووت حركة الاشجار
وصرصر الحشرات
مع توتر وركض مستمر كاني تكوت على الركض دون توقف
واگو ناس برااا
من يشوفني بس يباوعون ويبقون واحد بالخ
واني مستمرة الى ان دخلت بفررع بي ضووة بس
ولا قطه بي شارع فارغ كنت مجبرة اگمل طريقي
بي بيوت منهن مطلعين حدايق ومنهن طابقين
ومنهن التعبانات واني اركض واتحرك من يمهن
مثل قطار سريع يعبرهن بسرعته .
اركض بجنون وانفاسي تلهثث
الهث وريگي يبس واحس بفحط عجيب وقلبي
احس. بعد مايدك الا انما يطير دكاته قووية اخترقت قفصي الصدري ووصلت لمسمعي ام عبايتي
عباية باتمان طايرة ياريت لو مثل باتمان عندي قووة خارقة .
وگفت وگعدت على صبة احد البيبان محاولة التقط انفاسي بقيت اشاهك واحاول التقط نسمات هووة العليل ليلعب بالاشجار .
واتلفت يمين يسار وصفنت شلون طلع سلطان ؟؟؟! واذكرت ان للمطبخ باب يطلع منه درج للجوة نازل غميت جبيني
لغبائي بس صرت اباوع يمنى يسرى واغمضت عيوني بتعب ورجعت فتحتهم بانتباه
أنهمگت لزمت رجلي بايدي ادلكهم كاني اوسيهن واطلب منهم ان يعينيني وما
يغدرن بية وتخوور قواهن
شفت البيت المقابيلي مادين صوونده
مي ماطور للحديقة گمت اسحب بجسدي المهلك
وعبايتي ورحتلها غسلت وجهي بالمي وشربت منه
وعيوني مانزلت دمعتهن بس يغدقن بنظرات خوف وأستغراب وتساؤلات لووين وكعت نفسي ؟!!
نهايتي شنوووو؟!!!
گمت بتعب امشي ومن كد التعب والصدمة راسي
احس يصوفررر مااحس الا سيارة لزمت بريگ
بوجهي شهكتتت وللحضة صورلي عقلي هذا سلطان
لو ام فضة رجعت ارگض
لكن صوتها ااي طلع من الجامة ريحني عيني
صارلج شي ؟؟؟
انداريت أطمن باوعتلها بنية بشعر أشقر ومكياج قووي نزلت من السيارة بكعبها الاسود اللماع
صرت انتبه للكلشي وهاي عادة عندي ادقق بكلشي
شهكت وتنفست نفس قوووي وزفرت بقووة وكان
ازفر كل ماعشته خلال هاليوم .
اباوع يمين يسار والنية تأشرلي صارلج شي ؟؟؟!
احجي حبابة ترى وراية شغل .
توسلت بيها عفية دليني فندق شي اخذيني للامام
الكاظم ع باوعتلها بعيون متوسله وجسمي احس
خانس من تعب الركض .
ضحكت حشى الامام اتوجهله بلبسي هذا اصعدي
اصعدي اشوفلج فندق قريب منه .
نزيت لا لا لا مااريد قريب منه اريد ابتعد .
لاحضت خوفي صغرت عيونها بأستغراب احد معتدي عليج هنا؟؟؟؟
شجابج انتي بت ليل ؟؟؟؟
نفيت بانتفاض لا وايدي تسوي حركة لا والرفض
بقيت مترددة وواگفة بس محتاجة من يوصلني
على مكان ائتمن بي يعني وين اروح بهالليل
لوحدي والخوف ينهش أفگاري خفت لاتطلع هاي
همات وحده مو زينه والواضح من لبسها انها
محترمة لابسة قميص ابيض وبنطلون اسود
ومناظر رغم مكياجها .
اردفت تعالي بيبي صعدت يمها واني متخوفة
اتصادمنه اثنين نحجي ضحكت وگالت احجي اول
بقيت اهزز رجلية اريد فندق زين ومحترم .
مدت ايدها بسللام اني نيسان ااام مأعرف
بالضبط شرايج تجين يمنه وبعدين .
اشوفلج فندق صراحة مو هالكد اندل بفنادق بغداد
وقليل اطلع بسيارتي الخاصة اغلب الوقت مع سواق
دتحجي ورن جهازها من احدث الاجهزه فتحت سبيكر تحجي الووو هلا باباتي .
بصوت حنين وخشن ورخامة رجولية
وينج نيسان؟؟؟
رحت لعند عمتي بابا ضووجة وملل أصف
اليوم سافر ماما رجعت سافرت
هذا تبرير بابا اطلعين بدون حماية ؟؟!!
نيسان بغنج ودلع اعرف مو تبرير بابا بس والله
اخاف مرات من كثر الحماية الناس ونظراتهم حبيت
اطلع بصورة طبيعية .
سمعت تنهيدات ابوها وخوفة ولزمتني خووفة حماية وناس .
رد عليها يلة بابا ارجعي على وقت .
نيسان تمام حبيبي وقفلت الخط .ورگزت تسوق
باوعت بخووف وجزع اكولج انتي منوووو؟!!
نيسان بابتسامة اني نيسان بس اسمج ماعرفته
رحيق اسمي رحيق
نيسان حلو وخفيف هالاسم بس بالسؤال ا
قصدي حماية وحرس يعني منو انتي ؟!!
ضحگت بابا مسؤؤل بالدولة بس مراح أگول وين
وهالحماية امر طبيعي لحمايتي .
بلعت ريك نزليني الله يخليج .
اخذت بريك ليش ؟؟ وين ترحين ترى بغداد وشوراعها. على بنت بالليل ذئاب مفترسة
جوعانه وهايجة وانتي حتكونين لحمه طرية
سهل ينهشوها .
رحيق بس أخاف مااريد اتورط بشي گلشي اريد اوصل لاي مرقد لاهل البيت گولشي مااريد .
نيسان برطمت بضيق واردفت: سووري حب قلبي
ماأكدر سمعتي ايش گلت لازم ارجع للبيت على وقت
انزلج هنا اذ تحبين .
شفت شارع وبي شباب ومن طرف اكو مجاميع
بيدهم بطاله منه هووسة ضللم ودرابين
اذ أنزل من صدوك ينهشوني لااندل لا اعرف .
لا اخذيني وياج بس كون باجر أگدر اوصل للامام
تنهدت كثير لحيتي بهالسيرة على فكرة بالامام
تكدرين تبقين يوم عشر شهر بس مو. مگان سگن .
تنهدت بضيق وكالت ترى اني مفضلة عليج ان اخذج لبيتنا واني ماصارلي اعرفج الا دقايق شي مايتقبل العقل .
رديت عليها بنفس الحماس وبسرعة اي هو ليش تردين تاخذيني شتردين مني ؟؟؟؟
ضحكت اني اريد منج انتي منو بلة واريد منج
شبيج عيني بت مسؤل كد الدنيا شتريد
وباوعلتي بنظرة انتقاص
من انسانة غريبة اطوار بس ساعدتج
لان اتوسلتي ولان وضعج مريب ومن الممكن بابا يگدر يتوسطلج ويخليج باحد دور الايتام والرعاية .
باوعتلها بلهفة يقبلون حتى لو عمري گبير
باوعت ماادري بس انتي قصتج شنووو ؟؟؟
فترت طاقتي اني الزمن الي جار بية
وصار لماصار لبشر عليه
نيسان اسمعي اذ سالوج من نوصل گولي انتي
اخت لصديقة الي واجيتي من غير محافظة
والا ماراح يقبلون تبقين .
اندرايتلها بتساؤل ليش تساعديني مامجبورة؟؟!!
سوت حرگة بعيونها مااعرف بس حبيت اغامر
وأعيش هيج جوو أن اساعد احد وكذا .
باوعتلها بقهر بالنسبة الهه هالتصرف كسر روتين
تغير من الرتابة لبحياتها أومأت براسي مستنگرة
الوضع الي اني بي وحزت بنفسي هوواي يعني
هاي معتبرتني مثل فليم بسينما طلعت موول
تغير جوو بيها .
صدوك لايد بالمي مو مثل الي ايده بالنار
نيسان بتساؤل زين عادي اذ تشتغلين بمطعم بشي .
ويوفرولج مگان تنامين بي .
رحيق المهم اامان مااريد غير امان وتنهدت بحسرة
عقلي مايستوعب لصار ولا جاي استوعب بشنوو
مريت تحرشات اعتداءت حاولت اطرد كلشي
من راسي واتنفس الهووة ليدخل من الجامة.
وصلنا ببيت مو بيت الا فيلا من ضخامته بمنطقة
راقية جددداً من رقيها استحي اغدقها بنظرات
عبارة عن جنة كل بيوت حديثه حدائق وترتيبات
تبليط اضاءات كانه مكان هارب من المسلسلات
الترگية .
بس بوابة بيها ٣ أمتار وبي حررس
باوعتلهم .
هم فتحولها باب الگراج صفت سيارتها واردفت
يله نزلي. نزلت ودخلت على حديقتهم من الباب
الكراج لمطلى على الحديقة بقيت مرتچفة وخطواتي
متررردة بينما نيسان الي اول ماحطت
رجلها بالحديقة نزعت كعبها ولزمته بيدها وراحت تمشي باريحية
بقيت اتصفن الحديقة من كبرها يصعب قياسها
كبيرة وكلها مزروعة ورود وثيل واشجار منسقة
كانها لوحة فنية من منظر طبيعي خلاب
اشجارها مقصوصات قصات فنية
التناسق بي المرجوحة وبين الطاولة والكراسي بيها شبه من مدخل فيلا نور ومهند ووساعه حديقتهم
نفس الدازين بس احدث شفت سيدة گاعدة على الكراسي منطية الضهر وملتهيه هي وشاب يمها
بقيت امشي خطوات بطئية خلف سرعه وحماسة
نيسان .
الي حضنت الشاب بحررگة اخوية وهي تضربه
بكفها على رقبته بحركة مشاكسة
شو مختفي ضلع ؟؟
رفع راسه بنظرات مغرورة وانصدم من شافني
بعدت نظري عنهم واردف وهو يناضرني من فوك
ليجووة وكان يقول من وين هاي هاربة ؟
العباية ألمتربة والشال المضبوب باحكام على
وجهي والا الفستان الي من طوله صاير تراب من
جووة وطالع من العباية والا وجهي الي صاير زرق ورق أنتبهتله بمراية نيسان الگحل مسيول صاير
مع عيوني الزرك لوحة والحمرة متمدده شووية
عن تحديد شفتي .
بقى ينتقل بنظراته وهو يرتخي بگعدت محاول اخفاء صفحة من وجهه .
اندار عني للنيسان وهو يخزرها بدهشة منوو هاي ؟؟!
نيسان حولت عيونها بملل وضجر وهي گاعده على الكرسي ومخلية ايديها على الطاولة تلعب
بالورد الي على الطاولة وتشلع بورقاته
رجع سألها المغرور منووو هاي نيسو؟!
انطتها المرة نظرة نيسان غياب امج انطاج الحق بالتصرف الطايش؟؟؟!
نيسان رفعت حاجبها بغرور وكانها متحضرة للهجوم الي حق اسوي ليعجبني .
ليش مجفولين اخت صديقتي من غير محافظه
واجت زيارة لهنا واستقبلتها .
رجع الشاب يباوعلي نزلت راسي ورجعت باوعت
والمرة ليم تباوع كاني فد شي حشرة بية مرض معدي بطريقة شنيعة .
رد الشاب ليش اخت صديقتج مبهذلة هااشكل منين
جايبتها نيسان احجي ابوج يدري جايبة على بيته
وحده مامعروف شنوو وضعها ؟؟!
نيسان برطمت والله العظيم حبيت اغامر واعيش
اجواء وجبتها وياية بس ليلة تضل من بكرة
تروح تشوفلها مگان .
اندارت عليها المرة عجيب نيسان عجيب طيش طيش طيش وصلت بيج ادخلين للبيت انسانه
مامعروفة ايش اعتبريها مجرمة انسانه مطلوبة
مؤذية .
نيسان وتكدر تسوي شي وكل هالحرس بالبيت
شوفيها شكد مسكينة ومبينة فقيرة وبعدين
احنه مو محتاجين خدم بالبيت خلي تشتغل
عاط بيها المغرور وهو ينهض بغضب نيسان صمي
حلكج انتي وافكارج المزبلة .
اتصل بعمي وخلي يجي يشووف تصرفاتج .
لزمت ايده قبل لا يلزم موبايله حباب حباب
خلي يجي ونكوله .
وسوتله حركة طفولية متوسلة
أومأ براسه تمام .
باثناء هالكلام أني واقفة وتنفسي يعلى وخجلي موتني موقف ذلة واهانة بس تحملت ولا اوكع
بناس يشغلوني دعارة تنهدت وتشكرت الله ان نقذني
من دون مااتقذر بيد سلطان او غيره .
صاحت نيسان امشي وراي لكن خلف تصرفها
الراقي هذا گان اگو غاية ثانية وگان العالم اصبح
غابة الجميع يبحث عن مصلحته .
دخلت وراها واني اشوف جمال النعمه الي عايشين بيها فتحت الباب بالوسط طقم قنفات ومنه اليمين واليسار بيبان مغلقة الواضح انهم استقبال بعد
واللون الابيض يطغى على المكان معةفخامة التصميم التركي وهدوء الالوان
بعد ماعبرنه طقم القنفات. للدرج المموج بقت عيوني
شاردة وتنظر بعين فارغة مكان ماگنت اشوف
الا بالافلام المسلسلات مشيت خلف نيسان الي
غرفتها بنهاية الممر دخلت وراها وهي ترمي جاكيتها
باريحية وتسد الباب .
غرفتها دزاينها تركي بامتياز غرفة بيضة ناصعة البياض. كرسي بشكل كورة مترجحة عند الشباك
بلكونه يدخل الهووة المنعش منها. مراية طوويلة
مع ميز علي اقووى العطور والمارگات مع لمسات
باللون الازرق المخملي على بعض الصور
وعلى السرير ارتمت نيسان بجسدها واتصلت ببنت
وهي تكلها.ثريا صعديلي للغرفة .
لحضات واندق الباب ودخلت ثريا امراة يجي
عمرها بالاربعين لابسة بنطلون اسود وقميص
اسود طويل للرگب مع شال اسود يغطي خصلاتها
وگفت بخضوع اتفضلي .
نيسان وهي بفراشها گامت كعدت بملل ومياعة
وتحجي بنرفزة ثريا خذي هالحلوة خلي تغير
ملابسها وتسبح بحمامكم ورجعيها لهنا عندي شغل
بيها .
گلامها ثأر الرعب والريبة بداخلي
ثريا اتفضلي وياية .
مشيت ورا ثريا الي تمشي وتدردم
ابو الفلوس ماعند هم وابو التعب شابع غم
ناس تجي مرتاحة باخر الليل ولمثلنا بتعب يگعد الصبح .
اندارت علية شنو انتي خدامة ؟!! لو شنو جايبتج
وياها .
اني ماادري شنو ماادري خالة صديقة اختي تصير .
ثريا واللة ياعيني هالجمالةلعدج كون تسلمين
من ايدين أصف .
باوعتلها بخووف منو أصف؟؟؟!
هالكلام واني انزل وياها وصلنا لباب جووة بعيد عن
الدرج واردفت وهي تتحسر وقاطعها صووت .
بنت حلوة صغيرة وتأشر بعيونها علية هاي جديدة
لاصف .
ضحكت ثريا هالمرة نيسان جابتها اله .
البنية بشهگة احلفي .
ضربتها ثريا بعصبية صدكتي يالغبية واردفت
دخلي دخلي. دخلت للغرفة وياها
بخوف وايدي يضغطن على العباية بقووة رجعت
سألتها أصف منو ؟!!!
ردت البنية الي اجت. أصف گ** يعني اذ شافج
بهالجمال ياخذج ياخذج ورا يومين ٣ يشمرج
واحد يموت على **صاحت ثريا بيها
زينة صوتج ماينسمع
زينب بعد خضوع انتبهي على نفسج وطلعت بقيت
مصفنه وين وگعت وين جبت نفسي ااووف الهي
افرجها عاد عني .صاحت ثريا وهي تفتح الكنتور
مالتها طلعتلي بنطلون اسود ولكوني جسمي بي
طول ماانطتني من ملابس زينة لان زينة ناعمة
و جسمها قصير طلعلتي من خانة ثانية
بدي بهاري باللون الزيتوني وشال اسود وداخليات
مع خاولي گالت اكو حمام بصف الغرفة .
اخذتهن ودخلت اول مادخلت وفتحت المي
ومنه سراميك تلمع والبخار تناثر ارتاحيت نزعت
ملابسي. بديت ازبد صابون جووه الدوش الدافي
حسيت جسمي ارتاح گل تعبي سقط عني
بس تعب تفكيري وعقلي مستمر خلصت سبح
نشفت جسمي بالفستان الي نزعته رغم قرفانه
منه وشعري نشفته بالمنشفة الي انطتنيها ولفيت
بيها لبست الملابس وطلعت تنهدت بجزع
وخوف مريب ان اعيش هالهدوء تحضير للعاصفة
أكبر وماطول وصولها هالعاصفة .
رحت ركض للدرج ومااحس الا صووت
اجاني من خلف اووووف نيزك لامع بسماء القصر
البارد .
وصاح بقرف ثرررياااااا بقيت متجمدة بمگاني ماگدرت حتى ادور وجهي وأشوف خلقة هالمقرف
اجت ثريا وصوتها نبهه عن وجودها
ثريا أصف ؟!!
ضحك بهستيريا ليش مصدومة ؟!!
گملت صعدتي للدرج لگن صووته رجع وقفني وهو
يكول ديري ديري بله خدامة جديدو هاي ثرثر
ثريا لا صديقة نيسان .
حسيت لهجه ونبرته تغيرت شنوووو؟!!
مو قصدي يابنية بساول مرة اشوفج مادري
انداريت علية بجدية وحدية
انتبهت لعيونه الي انفتحن بوسعهن بالون
بني وطوله متوسط جسمه متناسق لبسه انيق
قابلني بنظرات صدمة وانبهار متعوده على هالنظرات
من كل من يقابلني لجمالي المثير والنادر الوجود
ابعدت عن مخيلتي ضعفي واستمديت القسوة
من الماضي التعيس فتحت عيوني بكبرهن
وحديتهن باستحقار لعقلية المتخلف لكدامي
ونطقت بحروف شديدة الوضوح
ان كنت خدامة او صديقة لنيسان
بالحالتين اني بشر وانسانه عدي كرامة
مو عاهرة بملهى ولا عارضة نفسي عليك
حتى تتصرف بقرافه مفرطة.
وكانك اتي من غابة وترى جنس حواء لاول مرة
ضحك باستهزاء وهو يرمي بجسده على القنفة
ويسوي حركات عدم مبالاة نيسان وبنات يتفلسفن
كيف انجمعتوا ؟!!!
رفع اصبعه بتهديد هاي اخر مرة تحاولين تنطيني
محاظرة كلجن گدام المال عاهرات وغمز بحقارة .
لحضات من القرف بالتفكير من تفكير دنيئ بالمراة
صعدت بغضب عارم وگاني يعاد الماضي علية
التحرشات الكلامية ذاتها .
صعدت ودقيت الباب بحرگة غاضبة وفتت
گعدت نيسان باعتدال على سريرها .
نيسان نعيماً
الله ينعم بحالج .
نيسان تعالي رحوقة گعدي يمي
گعدت مقابيلها وجه بوجه بس احس هاللحظات استفتاح لموضوع أكبر
نيسان جوعانة رحيق؟!!!
حسيت من لصار اليوم تشبعت حتى الاكل ماقابل
يدخل معدتي أومأت بالرفض .
نيسان تمام رحيق سألتيني سؤال ليش ساعدتيني ؟؟!
باوعتلها اي وانتي جاوبتي .
تنهدت اي صح بس وصارت تبعد عيونها يمين ويسار .
محتاجة خدمة منج صغيرة بس وعد بعدها اوفرلج
مگان عمل .
شنوووو. هي ؟!!!
نيسان هووو ان.
يتبع ...
لقلوبكم السعادة
صور مقاربة لفيلا المسؤل الحديقة
دخولية البيت كزولش مقاربة للتصميم نفسةلكن يختلف بموديل القنفات ولونهن والدرج نسخه من هالدرج
اوووه! هذه الصورة لا تتبع إرشادات المحتوى الخاصة بنا. لمتابعة النشر ، يرجى إزالته أو تحميل صورة أخرى.
دخولية البيت كزولش مقاربة للتصميم نفسة
لكن يختلف بموديل القنفات ولونهن والدرج نسخه من هالدرج .
دخولية البيت كزولش مقاربة للتصميم نفسةلكن يختلف بموديل القنفات ولونهن والدرج نسخه من
اوووه! هذه الصورة لا تتبع إرشادات المحتوى الخاصة بنا. لمتابعة النشر ، يرجى إزالته أو تحميل صورة أخرى.
هالبيت مو بالخضراء بمنطقة راقية ثانية هالامور ننطرقلها بعدين من تتعمق بالعائلة للتوضيح
انطوني ارائكم نيسان ليش ساعدتها وهل ياترى
نيسان كانت تبحث عن بت ليل للمخطط
لبراسها ؟؟!!!
ام انها تصرفت بطيبة وطيش معتاد لدلعها ؟!!
ومنو برايگم مغرور الرواية أصف لو غيره ؟!!
