رواية الرجل الاخر الفصل الثالث بقلم جوهرة
اخاف ان تمطر الدنيا ولست معي..
فمنذ رحتي وعندي عقدة المطر..
ـــــــــــــــــــ
نشوان /
رن موبايله من شاف المتصل فتح خط بسرعة وهو يسمع الطرف الثاني /السلام عليكم شلونك
ابتسم نشوان ورد / وعليكم السلااااام شخبارك مشتاقلك والله.
فارس / عتبان عليك تنزل اجازتين وماشوفك
نشوان / ابو الشباب ترا اني سألت عليك وانت جنت مسافر ، اضيعك الكاك بعمان متكلي شعندك يوميه مسافر للاردن ، نت مو سنين عشت هناك مامليت ؟!!!
فارس / يمعود والله شغل تدري معرض السيارات وهوسة العقود لازم اسافر .
نشوان وعلى باله سوالف صاحبه وأخوه / ههههه والله انت مو راحه بحجه الشغل ومكضيها ونسات وطربكة لاتكلي ازوجت هناك وعفتها وراك ؟!!
فارس / ههههه يول شبيك هاي سالفه صارلها سنين لاتخاف مليت مناك وحولت عالعراقي ماكو احلى منه ، اااخ وشلون صاكة راح تخبلني عنوديه .
نشوان بجدية / فاااارس بطل يول لاتضحك على بنات العالم .
فارس / شبيك نشوان لوما انت تعرفني زين الحرام ما اتقرب عليه علاقاتي الراحن كلهن بالحلال
نشوان / ايييييه وانت الصادك عقد سيد وبعدين ادعبلها.
فارس / هسه اني اتصلت اسأل عليك لو تفتحلي تحقيق حضرة النقيب.
نشوان / فارس والله لان صاحبي واعزك اريدلك الخير ، انت وحداني اشو حتى اخوتك ما تلتقي بيهم وبما انو اني اخوك وصاحبك واجب وفرض انصحك
فارس / اااخ لاتكلب المواجع صار جم سنه ما شايفهم مرات اكول خل اصير احسن منهم وازورهم بعدين اغض النظر اشو هو بس عموري الله يرحمه جان گلبه طيب واني جنت احبه صدك جان اخويه ومن اندعم ومات جنت بالاردن محد كلف خاطره وخابرني الا ورى سبوعين من رجعت يلا ، واني اكول ليش اتصل عليه وموبايله مغلق اووف هيجت علية المواجع
نشوان / اي الله يرحمه بوكتها اني هم جنت بالدوام وعندي مهمة ومادريت بي
فارس / هاي هي لاتكلب عليه المواجع اخوتي من ابويه على كتر ههه عود اني اخوهم الجبير ، المهم هسة انت وين وديتنا شوكت تنزل عازمك على غدا بالبستان وشلون ونسه تخبل
نشوان / يابه اذا بالبستان اجي ركض ونسبح بديالى
فارس / هاي هي ومنسوب المي مرتفع صار يومين ههههه دير بالك اخاف عليك تغرك.
نشوان / امشي لك خاف على روحك.هههه اني هالاسبوع نازل ان شاء الله.
فارس بود كبير / ديلا عيوني دير بالك على روحك الله وياك.
،،،،
فارس صديقه لنشوان من زمان هو اكبر عمره ٣٥ سنه ، وحداني رغم عنده اهل اخوان ٤ وخوات ٢ ماعايش وياهم من صغير امه توفت وابوه تزوج جانت قاسية عليه متريده فأخذته جديته ام امه ربته ، ابوه جان ياخذه يبقى فتره ويرجع يم خواله عايشين بغير منطقه بس بديالى جان ميتوالم ويه اخوته بس عمر الصغير علاقته زينه بي وخواته البنات هم ومن كبر ابوه توفى وبعد ماراجعهم لان صارت مشاكل
عالورث اخوته اصغر منه فرق اربع سنين حاقدين عليه ميردونه يورث وياهم رغم هو الجبير بس ناس كاتلهم الطمع والحقد امهم تقرا بعقولهم
فارس اعتمد على روحه خلص معهد ادارة وجان يشتغل ويه خاله بالسيارات وكدر يوكف على رجله ومشت وياه وصار يلعب بالفلوس لعب يتعاقد ويه جماعه بالاردن وكثرت سفراته وكدر يكون علاقات لان صارله سنين بالشغل جديته توفت وقرر يطلع
وحده بعيد عن خاله الوحيد رغم معارضة خاله بس ماقبل لان عائله خاله جبيرة مرة وجهال خير من الله جبيرهم بالكليه ، فارس
مكضي وكته بمعارض السيارات اليملكها هو وخاله ، معرض جبير يملكه وحده واثنين شراكه ويه خاله ، حياته الخاصه شأنه بوحده مايحب أحد يتدخل بيها كل فترة متزوج عقد سيد ومطلك ياهو التعجبه ذبلها لكط شهر شهرين وطلكها ميريد يلتزم وياهن يحب يونس روحه وزواجه باتفاق الطرفين ، رغم هاي سوالفه بس من احد ينخا يوكفله ويحب يساعد الناس ، فد شغله النسوان ميبطلها.
وبرايه هو مادام بالحلال محد عنده شي يمه !!!!!!!!!!
ــــــــــــــــ
ديمة /
ضغطت شفتها مقهورة من سوالف عمتها ورجعت ردت عليها / عمه والله ماعندي يعني منين اجيبلج هسه .
ام سعد / ولج مكسورة الركبه موزين ملفيتج انتي وابنج هاكدودته والله ميحمله .
جرت ديما ابنها العمره سنه ونص وحطته بحظنها وكعدت تبجي
ام سعد / اي اني شمحصله منج بس البجي كتلج بيعي ذهباتج خل اشتري سلبت يكولون هوا يرد الروح وانتي مثل البومه ماعندي وماعندي.
ديمة رغم قهرها اجت تضحك / اسمه سبلت يحظي بعدين هنة سوارين وكلادة
لاحكتني عليهن والله مخليتهن للعازة .
ام سعد / من هيج بت فكور ذبي ابنهم عليهم شعندج مداريته ، ربوني وانه لاهلي باجر عكبه يكبر ويعوفج ، عليمن يطلع غير على عمامه الجلاب اشو من يوم الترملتي
محد دك بابنا وسال مو جنتي حبله ثلث تشهر بابنهم وجبتي وماسالوا بس اختهم اتموع ماما مريضه متكدر تجي عمت عينها هي وامها
ديما ساكته متردلها تدري بعمتها من تكوم تقسم محد يلحكها بعدين شتردلها موزين ملفيتها اشو لا اهل ولا سند وحيده ، امها وابوها توفوا وعمتها مربيتها زوجتها على كولتها حتى ترتاح من حملها وهمها ٣ اشهر
وزوجها توفى رجعتلها انوب حامل عيالها من البدايه محد يحبها ولدهم بيهم قساوة بس اختهم الوحيده الزينه بيهم جانت تزورها بعدين تزوجت حمى اختها
وسافرت يم اختها بغير محافظه وبين فترة وفترة تخابرها هي واختها يسالن عليها لا يزورنها ولا شي
مرات اصفن ويه روحي ليش هيج البشر يعمي عينه الطمع الله اكبر لابد كلتوا ابن اخونه نشوفه شمحتاج شلون صار ..من يوم العده لزمتها بيت عمتي بعد محد زارني على اساس امهم مريضه وحايرين بيها
سبحان الله شكد جانت قاسيه علية وتتحكم بالعائله بس المرض دكها
وهذه عمتي كوة متحملتني شسوي وين اروح وبركبتي ولد ..دنكت على عبودي صافن على عمتي ، بوسته بخدوده اوووف محد كاسر ظهري غيرك يمه عابت روحي اشو الاحصلهن من شغلي بالصالون يلا يسدن حلك عمتي
فزيت من صاحت بية / هاااا شو ضربتي دالغة موجاي احاجيج
باوعت عليها وبداخلي استغفرت ربي / عمه عيوني انتي اصبريلي كم يوم سلفتي ويه ام الصالون تطلع وانطيج منها وخلي سعد يكمل الباقي
هزت ايدها / هي بهي وسعودي منيله سودة عليه يركض عالعيشة يريد يجمعله جم فلس وماكو قابل شنو شغله هو عامل وباجر عكبه ورا زواج
عمتي ام سعد عدها اربع بنات متزوجات وبس سعد عمره ١٩ سنه مافالح بالمدرسة يشتغل عامل بمحل وصار فترة غير شغله بغير مكان يكول ابو الشغل بنطي خوش اكراميه ، سعد حباب ماعنده اذيه خطيه يحب عبودي وميقبل على امه من تحجي علية
ام سعد مركزة وية ديمه / كومي سوي العشا طلعي بتيته وسوي وياها معكرونه سعودي يحبها هسه على وصول اشو تأخر اليوم.
ذبيت ابني ودخلت للمطبخ لحكني عبدالله يخطي ويدردم ويه روحه بديت احضر بالعشا وروحي طاكه احجي وية نفسي ليش يربي اني متعوبه منين الكاها ااخ الدنيا لعبت بية فلك بس شاكول الحمدلله على كل حال.
،،
ثاني يوم ورى ما نظفت البيت وغسلت الملابس ونشرتهن كعدت احضر بالغدا حتى مااتريكت وراية روحه للصالون بالعشرة لازم اني هناك اتفقت هيج ويه ام المحل شفت الوضع اريحلي ، عبودي نايم كملت وطفيت جدريه المركة والتمن وسويت زلاطة بفيتها بالحافظة ، بدلت وطلعت بعد ما وصيت عمتي على عبدالله اللي كعد وريكته صار فترة من لكيت هاي الشغله اساعد بالحفافة واخلي مكياج تعلمت عليه شسوي بس اريد
شغله اثبت بيها العيشة صعبه ،،
تعودت اطلع امشي المكان مو بعيد شارعين واوصل للمحل ،
الشارع كله محلات ومعارض وسوبرماركت ربع ساعه اسوي الطريق ، امشي منزله عيني اخاف من حجي العالم مااختلط بالناس لأن العالم ماترحم ، هيج احساسي والله ، خليت ايدي بجيب الجبة اللي أحسها مخصرة على جسمي جسمي حلو مرتب طولي ١٦٥
وشويه مربربه وبيضه وعيوني سود وسيعه
تندمت لأن لبستها من امشي قريب من المحلات اصحاب المحلات احسهم يراقبوني رغم مستورة ولابسه حجاب بس العين الزايغه شسويلها بس اليوم جبتي كصيفه حسيتها وشبعت ندامة وتأنيب ضمير ،
ملاحظه من اوصل يم واحد من المعارض يطلع رجال يوكف يبقى صافن علية كم مرة سواها لأن انتبهت بوحدة من المرات رفعت راسي واجت عيني عليه ونزلت راسي بسرعه حتى ما انتبهت لملامحه يس أحس وكفته متقصدها صح ما يحجي اي شي لكن عينه صلفه مبين والا ليش يوكف هنا شنو مشايف بنات الخاطر الله والله شوي واوكع من ورا نظراته جعلها الفكس إن شاء الله ، اوف ما
ارتاح الا من ادخل الصالون يلا اتنفس .
ـــــــــــــ
منير ملتهي ينظف غرفه المكتب على طول خلكه رتب المجرات والاوراق التي تطشرت بالكاع
دخل عصام للمكتب / ها بعدك تنظف شكد بطيء لعد ؟!!!
استعدل منير بوكفته ورد بهدوء / كملت تريدني بعد بشي ؟!!
ردله عصام وهو يكعد عالكرسي ورا ميز المكتب / عندي شغله مهمه اريدك تساعدني بيها .
منير / ادلل استادي اني بخدمتك.
صفن عصام بوجهه بعدها رد / روح هسة وبعدين ابلغك بيها.
ورا ساعه طلعوا من المكتب بالسيارة منير الفضول كتله جان يسأل / لاتكول فضولي بس اريد اعرف وين رايحين.
ابتسم عصام / لايابه اكيد يحقلك تعرف ،، شوف منير اني عرفتك الفترة الراحت وعرفت انت سبع ما تهتم لاي شي وهذا الشي خلاني متمسك بيك راح تفيدني بالشغل لان امنتلك.
منير / استاد عصام اني بس انظف مكتبك واسويلك جايات يعني خدمات خفيفة
عصام تنهد وردله / صار الوكت الاختبرك بي حتى اشوف مقدرتك انت عبالك تنظيف المكتب وتسوي جاي شغل جج هسة تشوف بعينك المتعه بشغلنا.
منير سكت وبداخله سؤال شنو شغل عصام وليش يريده وياه يلاااا خل يجرب مراح يخسر شي.
دخلوا طريق مهجور ومن وصلوا وكفوا يم بنايه مخزن جبير وكف السيارة ونزل واشرله / يلا منير.
مشى وراه شاف جماعه استقبلوه وتسالموا
جان عددهم ثمانيه حجالهم عن منير فسلموا عليه مصافحة بالايادي
واحد منهم اخذ عصام على جهة / شنو هذا انت مأمن بي حتى اجيبه وياك ؟!!!
طمنه عصام / هذا ذراعي اليمنى اطمن
اياد باوع على منير بشك منظره مبين متوحش لحيته عاليه وبشرته حنطاويه ونظرته مليانه شراسه عبالك عنده عركه راح يتعارك ،، اياد انزعج من نظرته حجى وهو يركز بعيونه النظرتهن غامقة / جايبلي واحد متوحش وعدواني.
ردله عصام بضحكه / هههه هذا الخارج بس ترى داخله طيب وبسيط ماعنده اذيه.
اياد حجى متردد / اتمنى يطلع كلامك صدك.
ــــــــــــــــــ
فارس /
اليوم من شفتها اويلي علية واويلي على گلبي مدري شصار بية شنو هالثكل لخاطر الله بس وين ترحين مني اصيدج اصيدج.
صحت العامل اللي يشتغل عندي بالمعرض / ولك سعددد ..سعدددد
اجى سريع. / كول عمي
باوعت عليه وصفنت بوجها بعدين كلتله / اريدك بشغله وانطيك اكراميه زينه بس هاااا الحجي بيناتنه ماريد احد يدري افتهمت لو لا
سعد / ادلل عمي فارس .
فارس وعيونه مركزهن بعيون سعد حجى بهدوء / بنيه تفوت منا يوميه اريدك اجيبلي معلومات عليها ،، هسة راح تفوت هذا وكتها مثل ما وصيتك لاتخلي احد يحس بيك.
شوي وجان يأشرله عليها سعد من شافها تخربطت احواله وعيونه نطت ...
ـــــــــــــــــــــــ
حبايب صوتوو للرواية ودوسو النجمة ⭐البارت_الثالث
اخاف ان تمطر الدنيا ولست معي..
فمنذ رحتي وعندي عقدة المطر..
ـــــــــــــــــــ
نشوان /
رن موبايله من شاف المتصل فتح خط بسرعة وهو يسمع الطرف الثاني /السلام عليكم شلونك
ابتسم نشوان ورد / وعليكم السلااااام شخبارك مشتاقلك والله.
فارس / عتبان عليك تنزل اجازتين وماشوفك
نشوان / ابو الشباب ترا اني سألت عليك وانت جنت مسافر ، اضيعك الكاك بعمان متكلي شعندك يوميه مسافر للاردن ، نت مو سنين عشت هناك مامليت ؟!!!
فارس / يمعود والله شغل تدري معرض السيارات وهوسة العقود لازم اسافر .
نشوان وعلى باله سوالف صاحبه وأخوه / ههههه والله انت مو راحه بحجه الشغل ومكضيها ونسات وطربكة لاتكلي ازوجت هناك وعفتها وراك ؟!!
فارس / ههههه يول شبيك هاي سالفه صارلها سنين لاتخاف مليت مناك وحولت عالعراقي ماكو احلى منه ، اااخ وشلون صاكة راح تخبلني عنوديه .
نشوان بجدية / فاااارس بطل يول لاتضحك على بنات العالم .
فارس / شبيك نشوان لوما انت تعرفني زين الحرام ما اتقرب عليه علاقاتي الراحن كلهن بالحلال
نشوان / ايييييه وانت الصادك عقد سيد وبعدين ادعبلها.
فارس / هسه اني اتصلت اسأل عليك لو تفتحلي تحقيق حضرة النقيب.
نشوان / فارس والله لان صاحبي واعزك اريدلك الخير ، انت وحداني اشو حتى اخوتك ما تلتقي بيهم وبما انو اني اخوك وصاحبك واجب وفرض انصحك
فارس / اااخ لاتكلب المواجع صار جم سنه ما شايفهم مرات اكول خل اصير احسن منهم وازورهم بعدين اغض النظر اشو هو بس عموري الله يرحمه جان گلبه طيب واني جنت احبه صدك جان اخويه ومن اندعم ومات جنت بالاردن محد كلف خاطره وخابرني الا ورى سبوعين من رجعت يلا ، واني اكول ليش اتصل عليه وموبايله مغلق اووف هيجت علية المواجع
نشوان / اي الله يرحمه بوكتها اني هم جنت بالدوام وعندي مهمة ومادريت بي
فارس / هاي هي لاتكلب عليه المواجع اخوتي من ابويه على كتر ههه عود اني اخوهم الجبير ، المهم هسة انت وين وديتنا شوكت تنزل عازمك على غدا بالبستان وشلون ونسه تخبل
نشوان / يابه اذا بالبستان اجي ركض ونسبح بديالى
فارس / هاي هي ومنسوب المي مرتفع صار يومين ههههه دير بالك اخاف عليك تغرك.
نشوان / امشي لك خاف على روحك.هههه اني هالاسبوع نازل ان شاء الله.
فارس بود كبير / ديلا عيوني دير بالك على روحك الله وياك.
،،،،
فارس صديقه لنشوان من زمان هو اكبر عمره ٣٥ سنه ، وحداني رغم عنده اهل اخوان ٤ وخوات ٢ ماعايش وياهم من صغير امه توفت وابوه تزوج جانت قاسية عليه متريده فأخذته جديته ام امه ربته ، ابوه جان ياخذه يبقى فتره ويرجع يم خواله عايشين بغير منطقه بس بديالى جان ميتوالم ويه اخوته بس عمر الصغير علاقته زينه بي وخواته البنات هم ومن كبر ابوه توفى وبعد ماراجعهم لان صارت مشاكل
عالورث اخوته اصغر منه فرق اربع سنين حاقدين عليه ميردونه يورث وياهم رغم هو الجبير بس ناس كاتلهم الطمع والحقد امهم تقرا بعقولهم
فارس اعتمد على روحه خلص معهد ادارة وجان يشتغل ويه خاله بالسيارات وكدر يوكف على رجله ومشت وياه وصار يلعب بالفلوس لعب يتعاقد ويه جماعه بالاردن وكثرت سفراته وكدر يكون علاقات لان صارله سنين بالشغل جديته توفت وقرر يطلع
وحده بعيد عن خاله الوحيد رغم معارضة خاله بس ماقبل لان عائله خاله جبيرة مرة وجهال خير من الله جبيرهم بالكليه ، فارس
مكضي وكته بمعارض السيارات اليملكها هو وخاله ، معرض جبير يملكه وحده واثنين شراكه ويه خاله ، حياته الخاصه شأنه بوحده مايحب أحد يتدخل بيها كل فترة متزوج عقد سيد ومطلك ياهو التعجبه ذبلها لكط شهر شهرين وطلكها ميريد يلتزم وياهن يحب يونس روحه وزواجه باتفاق الطرفين ، رغم هاي سوالفه بس من احد ينخا يوكفله ويحب يساعد الناس ، فد شغله النسوان ميبطلها.
وبرايه هو مادام بالحلال محد عنده شي يمه !!!!!!!!!!
ــــــــــــــــ
ديمة /
ضغطت شفتها مقهورة من سوالف عمتها ورجعت ردت عليها / عمه والله ماعندي يعني منين اجيبلج هسه .
ام سعد / ولج مكسورة الركبه موزين ملفيتج انتي وابنج هاكدودته والله ميحمله .
جرت ديما ابنها العمره سنه ونص وحطته بحظنها وكعدت تبجي
ام سعد / اي اني شمحصله منج بس البجي كتلج بيعي ذهباتج خل اشتري سلبت يكولون هوا يرد الروح وانتي مثل البومه ماعندي وماعندي.
ديمة رغم قهرها اجت تضحك / اسمه سبلت يحظي بعدين هنة سوارين وكلادة
لاحكتني عليهن والله مخليتهن للعازة .
ام سعد / من هيج بت فكور ذبي ابنهم عليهم شعندج مداريته ، ربوني وانه لاهلي باجر عكبه يكبر ويعوفج ، عليمن يطلع غير على عمامه الجلاب اشو من يوم الترملتي
محد دك بابنا وسال مو جنتي حبله ثلث تشهر بابنهم وجبتي وماسالوا بس اختهم اتموع ماما مريضه متكدر تجي عمت عينها هي وامها
ديما ساكته متردلها تدري بعمتها من تكوم تقسم محد يلحكها بعدين شتردلها موزين ملفيتها اشو لا اهل ولا سند وحيده ، امها وابوها توفوا وعمتها مربيتها زوجتها على كولتها حتى ترتاح من حملها وهمها ٣ اشهر
وزوجها توفى رجعتلها انوب حامل عيالها من البدايه محد يحبها ولدهم بيهم قساوة بس اختهم الوحيده الزينه بيهم جانت تزورها بعدين تزوجت حمى اختها
وسافرت يم اختها بغير محافظه وبين فترة وفترة تخابرها هي واختها يسالن عليها لا يزورنها ولا شي
مرات اصفن ويه روحي ليش هيج البشر يعمي عينه الطمع الله اكبر لابد كلتوا ابن اخونه نشوفه شمحتاج شلون صار ..من يوم العده لزمتها بيت عمتي بعد محد زارني على اساس امهم مريضه وحايرين بيها
سبحان الله شكد جانت قاسيه علية وتتحكم بالعائله بس المرض دكها
وهذه عمتي كوة متحملتني شسوي وين اروح وبركبتي ولد ..دنكت على عبودي صافن على عمتي ، بوسته بخدوده اوووف محد كاسر ظهري غيرك يمه عابت روحي اشو الاحصلهن من شغلي بالصالون يلا يسدن حلك عمتي
فزيت من صاحت بية / هاااا شو ضربتي دالغة موجاي احاجيج
باوعت عليها وبداخلي استغفرت ربي / عمه عيوني انتي اصبريلي كم يوم سلفتي ويه ام الصالون تطلع وانطيج منها وخلي سعد يكمل الباقي
هزت ايدها / هي بهي وسعودي منيله سودة عليه يركض عالعيشة يريد يجمعله جم فلس وماكو قابل شنو شغله هو عامل وباجر عكبه ورا زواج
عمتي ام سعد عدها اربع بنات متزوجات وبس سعد عمره ١٩ سنه مافالح بالمدرسة يشتغل عامل بمحل وصار فترة غير شغله بغير مكان يكول ابو الشغل بنطي خوش اكراميه ، سعد حباب ماعنده اذيه خطيه يحب عبودي وميقبل على امه من تحجي علية
ام سعد مركزة وية ديمه / كومي سوي العشا طلعي بتيته وسوي وياها معكرونه سعودي يحبها هسه على وصول اشو تأخر اليوم.
ذبيت ابني ودخلت للمطبخ لحكني عبدالله يخطي ويدردم ويه روحه بديت احضر بالعشا وروحي طاكه احجي وية نفسي ليش يربي اني متعوبه منين الكاها ااخ الدنيا لعبت بية فلك بس شاكول الحمدلله على كل حال.
،،
ثاني يوم ورى ما نظفت البيت وغسلت الملابس ونشرتهن كعدت احضر بالغدا حتى مااتريكت وراية روحه للصالون بالعشرة لازم اني هناك اتفقت هيج ويه ام المحل شفت الوضع اريحلي ، عبودي نايم كملت وطفيت جدريه المركة والتمن وسويت زلاطة بفيتها بالحافظة ، بدلت وطلعت بعد ما وصيت عمتي على عبدالله اللي كعد وريكته صار فترة من لكيت هاي الشغله اساعد بالحفافة واخلي مكياج تعلمت عليه شسوي بس اريد
شغله اثبت بيها العيشة صعبه ،،
تعودت اطلع امشي المكان مو بعيد شارعين واوصل للمحل ،
الشارع كله محلات ومعارض وسوبرماركت ربع ساعه اسوي الطريق ، امشي منزله عيني اخاف من حجي العالم مااختلط بالناس لأن العالم ماترحم ، هيج احساسي والله ، خليت ايدي بجيب الجبة اللي أحسها مخصرة على جسمي جسمي حلو مرتب طولي ١٦٥
وشويه مربربه وبيضه وعيوني سود وسيعه
تندمت لأن لبستها من امشي قريب من المحلات اصحاب المحلات احسهم يراقبوني رغم مستورة ولابسه حجاب بس العين الزايغه شسويلها بس اليوم جبتي كصيفه حسيتها وشبعت ندامة وتأنيب ضمير ،
ملاحظه من اوصل يم واحد من المعارض يطلع رجال يوكف يبقى صافن علية كم مرة سواها لأن انتبهت بوحدة من المرات رفعت راسي واجت عيني عليه ونزلت راسي بسرعه حتى ما انتبهت لملامحه يس أحس وكفته متقصدها صح ما يحجي اي شي لكن عينه صلفه مبين والا ليش يوكف هنا شنو مشايف بنات الخاطر الله والله شوي واوكع من ورا نظراته جعلها الفكس إن شاء الله ، اوف ما
ارتاح الا من ادخل الصالون يلا اتنفس .
ـــــــــــــ
منير ملتهي ينظف غرفه المكتب على طول خلكه رتب المجرات والاوراق التي تطشرت بالكاع
دخل عصام للمكتب / ها بعدك تنظف شكد بطيء لعد ؟!!!
استعدل منير بوكفته ورد بهدوء / كملت تريدني بعد بشي ؟!!
ردله عصام وهو يكعد عالكرسي ورا ميز المكتب / عندي شغله مهمه اريدك تساعدني بيها .
منير / ادلل استادي اني بخدمتك.
صفن عصام بوجهه بعدها رد / روح هسة وبعدين ابلغك بيها.
ورا ساعه طلعوا من المكتب بالسيارة منير الفضول كتله جان يسأل / لاتكول فضولي بس اريد اعرف وين رايحين.
ابتسم عصام / لايابه اكيد يحقلك تعرف ،، شوف منير اني عرفتك الفترة الراحت وعرفت انت سبع ما تهتم لاي شي وهذا الشي خلاني متمسك بيك راح تفيدني بالشغل لان امنتلك.
منير / استاد عصام اني بس انظف مكتبك واسويلك جايات يعني خدمات خفيفة
عصام تنهد وردله / صار الوكت الاختبرك بي حتى اشوف مقدرتك انت عبالك تنظيف المكتب وتسوي جاي شغل جج هسة تشوف بعينك المتعه بشغلنا.
منير سكت وبداخله سؤال شنو شغل عصام وليش يريده وياه يلاااا خل يجرب مراح يخسر شي.
دخلوا طريق مهجور ومن وصلوا وكفوا يم بنايه مخزن جبير وكف السيارة ونزل واشرله / يلا منير.
مشى وراه شاف جماعه استقبلوه وتسالموا
جان عددهم ثمانيه حجالهم عن منير فسلموا عليه مصافحة بالايادي
واحد منهم اخذ عصام على جهة / شنو هذا انت مأمن بي حتى اجيبه وياك ؟!!!
طمنه عصام / هذا ذراعي اليمنى اطمن
اياد باوع على منير بشك منظره مبين متوحش لحيته عاليه وبشرته حنطاويه ونظرته مليانه شراسه عبالك عنده عركه راح يتعارك ،، اياد انزعج من نظرته حجى وهو يركز بعيونه النظرتهن غامقة / جايبلي واحد متوحش وعدواني.
ردله عصام بضحكه / هههه هذا الخارج بس ترى داخله طيب وبسيط ماعنده اذيه.
اياد حجى متردد / اتمنى يطلع كلامك صدك.
ــــــــــــــــــ
فارس /
اليوم من شفتها اويلي علية واويلي على گلبي مدري شصار بية شنو هالثكل لخاطر الله بس وين ترحين مني اصيدج اصيدج.
صحت العامل اللي يشتغل عندي بالمعرض / ولك سعددد ..سعدددد
اجى سريع. / كول عمي
باوعت عليه وصفنت بوجها بعدين كلتله / اريدك بشغله وانطيك اكراميه زينه بس هاااا الحجي بيناتنه ماريد احد يدري افتهمت لو لا
سعد / ادلل عمي فارس .
فارس وعيونه مركزهن بعيون سعد حجى بهدوء / بنيه تفوت منا يوميه اريدك اجيبلي معلومات عليها ،، هسة راح تفوت هذا وكتها مثل ما وصيتك لاتخلي احد يحس بيك.
شوي وجان يأشرله عليها سعد من شافها تخربطت احواله وعيونه نطت ..
