رواية الرجل الاخر الفصل الرابع بقلم جوهرة
قل للمليحة في الخمار الاسود ..
ماذا فعلت بناسك متعبد...
قد كان شمرا للصلاة ثيابه..
حتى وقفت له بباب المسجد..
ردي عليه صلاته وصيامه..
لاتقتليه بحق دين محمد..
ـــــــــــــــــــــــــ
سعد من شاف البنت اللي اشر عليها فارس بلع ريكه وعيونه طككهن تجرأ وساله يريد يفهم / عمي انت شتريد من البنت ؟!!!
التفت فارس عليه ورفع تك حاجب / شنو ولك جاي تحاسبني كلتلك جيبلي معلومات عليها وانطيك على كد اللي اسمعه منك ويريح بالي
سعد ميرضاها شلون هاي بنت خاله عايشه عنده لوحتى هي اكبر منه بتلث سنين هو رجال البيت وسندها واللي سمعه من العمال اليشتغلون وياه بالمعرض فارس يحب النسوان ويزوج مهر سيد ويطلك ورى فترة ، رد عليه سعد / البنيه ماتفيدك شوفلك غيرها
فارس عيونه نطت ممصدك اليريدها وجسمه يحتر من يشوفها واوضاعه تتخربط كلها ميكدر يوصلها زين هذا وين يعرفها ؟! سعد شلون يعرفها ؟!!!!!
فارس بتركيز / شو عندي احساس جاي اجذب علية ليش اتخربطت احوالك من كلتلك عليها ؟!!!
بقى يخزر بسعد اللي من صدك ارتبك يخاف من فارس لأن شخصيته قويه من يحجي ويه الواحد كانما يحقق ويا وهو مو كد يعاند ولي نعمته لان مرتاح بالشغل هنا ، فكر بكلامه هو جاي يسأل على ديمه اللي بمثابة اخته
سعد / عمي من الاخير احجيلك البنت ماتفيدك ، ارمله وعدها ولد وهي تصير بنت خالي.
فارس ابتسم / تحجي الصدك
سعد بتحفز / عمي والله ماتفيدك
فارس بنبرة خاصة / وانت شمدريك متفيدني اني اريد اتزوجها على سنة الله ورسوله.
صفن سعد عليه هذا شيحجي وياه عباله ميدري بسوالفه يوميه متزوج ومطلك .
سمع فارس ياكد عليه / احجي ويه الاهل واني بالليل يمكم بس انطيني عنوان البيت .
تنهد سعد وذب حسره وبداخله يكول اذا يريد بالحلال ليش يوكف بقسمتها هي هم خطيه كولشي مشافت بحياتها
بعد ما انطا مكان البيت استأذن وطلع يبلغ امه بالاول ويشوفها شتكول.
بالبيت صار صياح وكلام لان امه راسا قبلت بس ديما رفضت ،، عمتها كامت تصيح عليها
ام سعد / شنووو ؟!!! وليش ماتقبلين يالبومة جاي يكلج زنكين اقلها يعيشج رغد
ديما اعصابها مفورة من سوالف عمتها تريد بس تبيعها باي طريقه / اتزوجيه انتي اني شكوووو
عاطت عمتها بيها /؛طيح الله حظج يالعوبه
تنهدت ديمه بقهر / هو حظي هم طاح من يوم الماتو اهلي وبقيت على ايدج.
سعد انقهر على ديمه / يمه لخاطر الله اني صوجي حجيت لو ممسمعج احسنلي .
التفتت عليه / اي سعودي تريد اضم عليه بعد وبعد يبن بطني فوك ماريد مصلحتها بنيه حلوة العين عليها اريدلها الستر .
ردتلها ديمه / خلف الله عليج ليش اني شبدر مني اشو مستورة والحمدلله محد يكلي على عينج حاجب .
سعد طيب خاطرها / ديومه عيني هو انتي منو مثلج والله والنعم من اخلاقج ، امي قصدها تريدج تتزوجين وتستقرين ابوي انتي.
ديمه بقهر اكبر / لا سعد ادري بعمتي كوة متحملتني لوما راتب الصالون انطيهيا كله جان ما لفتني.
سعد سكت يدري بأمه وسوالفها وهو ميكدرلها صح مرات يرد عليها وميقبل بسوالفها بس شخصيته كدامها ضعيفه
ام سعد / اسمعي ولج تقبلين بالرجال لا والله العظيم وهذا يمين طلع من راسي ماالفيج ابيتي .
ديمه فكت عيونها حيل ، ممتصورة عمتها هيج تحجي وياها صح دومها تناكرها وتحجي عليها بس مال اطردها وتحلف عليها
ممسويتها راحت لغرفتها وهي تردد / اشكرج عمه خوش سند انتي.
دخلت وطبكت الباب ورحت كعدت عالمدة يم عبودي اللي يلعب بملاعيبه. بوسته ودمعتي على خدي مهضومه من الوكت الاغبر
كعدت افكر اقبل وامري لله وين اروح اذا طردتني عمتي هذه كل عقلها هيج تحجي وين اولي منو الي يربي والله عيني بالكاع ماشيلها ومااعرف احد هذا منين طلعلي ونغص علية حياتي ، انتبهت على عبودي يجر شالي ويردد / مماا مماا
حظنته وشميته حيل ودفنت راسي برگبته / اوووف شمصبرني على دنياتي غيرك يروحي انت .
،،،،
ورا العشا واكفه اغسل بالمواعين وارتب بالمطبخ متعودة ما اخلي شي وراية حتى الصبح بس اسوي الريوك همزين عبودي تعشا من وكت ونام حتى اخذ راحتي وأكمل شغلي ،،
رن الجرس طلع سعد فتح الباب وسمعت صوته يهلي ويرحب ودخل للاستقبال ورا اشويه اجت عمتي / سوي جاي وجيبي للاستقبال.
التفتت عليها / شنوو ومنو كال اني ادخل شنو هالحجي عمه.
ام سعد / وغمه اي والله ، الرجال يريد يشوفج
استغفرت ربي وحضرت الاستكاين وصبيت الجاي اخذته بصينيه ووكفت ورا الباب دكيته وطلع سعد وجهه ميتفسر اشرتله شكو مجاوبني اخذ الصينيه وكال روحي انتي هسه
رجعت كعدت بالمطبخ عالمدة اشو مالهم صوت لفضول اشتغل عندي اريد اعرف عمتي شخربطت من حجي رحت للهول وطلعت من بابه اليودي عالكليدور وكفت قريبه على باب الاستقبال ، بيت عمتي بناء الثمانينات جبير بس طابق واحد بي ٣ غرف نوم وهول واستقبال جبير وصاله صغيرة والمطبخ صح على كد حالهم بس عمتي معتنيه بي عالتكدرله هي عدها تقاعد زوجها جان موظف بدائرة الكهرباء وتصرف منه بس ميكفيهم لوما شغل سعد ، واني من بديت اشتغل بالصالون راتبي انطي لعمتي بس اطلع منه السلفيه مشتركة بيها وأخذ على كد حاجتي اني وابني ااااه حتى نسيت روحي بهالضيم اهم شي افكر بابني ما افكر اصرف على نفسي فلس واحد
سمعت سعد نتر بحركة / شنو هالحجي عيب عليك والله واني عبالي تريد زواج من صدك.
لطمت على صدري عزا العزاني هذا كل عقله لااااا لهنا وبس خليت الشال الاسود على راسي شلون مجان ودخلت عليهم بعصبيه اشرتله باصبعي وبصوت قوي / كوم اطلع برررااااا برررراا ، استحي على نفسك شنووو بكيفك هي تشتري العالم بفلوسك
احس صايرة نار وجهي وعيوني يريدون ينفجر ن من العصبية و دمارات ركبتي طكن
فارس وكف من شافها وسمع صوتها وشلون تخزر بي يريد ياكلها بعيونه وهو يشوف بياضها وجمالها جدامه والشال الي كل شوي يريد يوكع وممنتبها عليه ، لابسه دشداشه سودا نص ردن بس شلون لايكه عليها ..مااهتم لحجيها وغلطها بكد اهتمامه بجمالها وحلاوتها شلون شرسه اويلي يابه شكد لايكتلها العصبية حجى ويه روحه.... والتفت على عمتها لان من كعد يحجي وياهم عرف الحل والربط بيد العمه المبين عليها طماعه .قصص ماي هوبس
فارس / ام سعد اسوي روحي ما سمعت هذا الحجي و قنعي البنية وهذه الفلوس حك مداراتج الها وبعدين نتفاهم عالمهر .
طلع من جيب البنطرون شده كلهن حمر يطلعن بالاربع خمس ملايين اخذتهن عمتي عالسريع والفرحه ترس وجها.
سعد مدنك راسه شيكول وامه سكتته من الاول
من شفت هذا تصرفه للرجال انقهرت زايد فزمخت بي / ايا جلب هاي كل عقلك
لوتموت ما اقبل بيك انت واحد جلب وحقير امشي اطلع برااااا.
زمخت بيها عمتها / انجبي ولج والله اليوم اكسر راسج العرمه شلون هيج تغلطين عالرجال.
فارس /
زمخت بيها عمتها / انجبي ولج والله اليوم اكسر راسج العرمه شلون هيج تغلطين عالرجال.
من اول ما دخلت وعيوني عليها الصدك مبهور وحيل معجب بيها بس لسانها طويل بسيطه
حسابج عندي عالغلط الغلطته بحقي
خل تصير جوه ايده واعرف شسوي بيج
بنت الكلب شلون عينها صلفه ولامبين عليها من تمشي بالشارع شكد فقيرة صدك المظاهر خداعه ، هي ماكو غيرها دخلت مزاجي بعد متطلع وغصبا عليها اتزوجها وانطى فلوس لعمتها حتى تضغط عليها
ترخصت وطلع وعيني على ديمه خازرتني بحقد لو النظرات تموت جان هسة ميت من نظرتها.
،،،،،
ام سعد اول ما طلع فارس عتتها من جتفها بعصبيه / تعاي اليوم احرك الخلفج
عاطت بيها / لاتسبين اهلي حرام عليج.
ام سعد بغضب / ولج بنت القندرة الرجال شاريج ميت عليج يكول ادللها ، وين تلكين مثله شفتي شلون هيبه وحلا امداج اي والله من يومج فكر.
جريا روحي ونترت / مابعازته اني وعيب عليج تاخذين فلوس منه شنو تردين تبيعيني حرام عليج هاي انتي عمتي هيج تسوين بيه.
ام سعد بلا ما تسمعلها / توافقين غصبا عليج
ميته قهر من تصرف عمتها عاطت بيها / شلون ترديني اتزوجه سيد مدري متعة شلون تقبيلها لو ناوي خير جان كال مهر محكمه.
التفتت على سعد الكاعد عالقنفه وصافن علينا شلون نتعارك. / احجي كلمه ابن عمتي احجي الي ردتك سندي وظهر شو سديت حلمك
كام جان يكول / ديمه تعرفين امي زين من تشد عالواحد هو اني اكدرلها.
ضربت على وجهي بحركه وقهر / يبووو على حظي صخام بوجهي عود ردتك عون يسعد بس مع الاسف عليك شفت الفلوس وعيونك انعمت
طلعت من الاستقبال دخلت لغرفتي وسديت الباب وكعدت ابجي بقهر ليش الدنيا تلعب بيه ربي دخيلك بس انت سندي لاتعوفني وحدي .
والله شهكتي تشك گلبي وتطلع مدري شلون نمت.
كعدت الصبح صليت وبديت احضر الريوك كولشي مخليت بحلكي احسه علكم من الضيم والقهر
خلصت شغلي وعفت عبودي يلعب وصيت عمتي لان اليوم ماله خلك وطلعت للصالون
روحي مسحونه سحن امشي مدنكة راسي بدون واعيه ما احس الا سيارة موديل حديث طبكت يمي ونزل ، اي نزل لجلب هيج اسمي هلكد ماكرهته وكف كبالي عالرصيف
الشارع اليودي للصالون موهلكد بي عالم باوعت عليه بحقد رغم هيبته وكشخته وشكله الحلو بس ابد محبته ، عفته ومشيت شوية واحس ايدي انخلعت من سحبته الها .
حجى وهو يكز على سنونه
والله شهكتي تشك گلبي وتطلع مدري شلون نمت.
كعدت الصبح صليت وبديت احضر الريوك كولشي مخليت بحلكي احسه علكم من الضيم والقهر
فارس / اصعدي السيارة لا اسويلج سالفه هنا بنص الشارع
خزرته بحقد / ولي من وجهي صدك متستحي هد ايدي لا اني اسويلك فضيحه.
ابتسم يادوب انرفعت طرف شفته / شتكولين جاي يتحرش بيه
عتت ايدي بس هو كاضها بقوة سحبني وفتح باب الكدام وصعدني سد الباب ورجع صعد وحرك السيارة
التفتت عليه عطت بي ممصدكه اليسوي / عوفني الله لايوفقك نزلني نزلني
تخبلت عليه جان يزمخ بية / كاااافي طرشتيني شنو هالصوت.
ـــــــــــــــــــ
منير /
بعدما تعارفنا كلت امشي وراهم اريد اعرف شنو شغلهم دخلوا حجرة خلفية نهاية المخزن مخلين صناديك خشب
مغطينها بحشيش يابس واحد من الزلم وخر الحشيش وفتح صندوك .
ترددت من شف قنايل واسلحه سمعت عصام يحجي وياية / هذا شغلنا الحقيقي تجارة اسلحة كلهومغامرات واثارة شال بيده رمانه يدويه وانطانياها
ترددت بعدين شلتها شف اياد يضحك عليه / ههههه صدك حجيك على كد حاله ميدري وين الله حاطه.
عصام انتبه لمنير / شبيك اشوفك متردد.
منير عدل روحه / لاااا اني تحت امرك استادي.
طبطب على جتفي / عفيه عليك هيج اريدك سبع شوف هاي الصناديك توصلها للعنوان الي انطيكيا دير بالك الزم الحذر لان هالايام الاستخبارات والامنةعيونهم فاكينها علينه منريد نوكع بيديهم
عصام شاف نظرة برود بعيون منير فكمل كلامه / شبيك راح تاخذ نصيبك على كل توصيله.
منير رد / هاي هي الله يسهل ان شاء الله
عصام انطى اشارة للزلم المسلحين وبدوا يشيلون بالصناديك للسيارة كيا حمل واكفه برا راح كنير يسوقها .
منير عرف ذول تجار سلاح وعصام واحد منهم
وشغل الشركه استيراد هذا غطا على شغله الحقيقي
ساق السيارة بحذر هو درى العنوان الراح يوصله الاسلحه بؤرة للعصابات اهم شي عنده يوصل بسلامه ولازم يحذر من سيطرات التفتيش وجان محظوظ ولاسيطرة وكفته وهذا الشي خلا متفاجىء
لعد شكد تمر من جوا ايدهم بلاوي هجمت البلد وميتحركون ولا يفتشون.
......
ورا يومين منير مر لبيت عصام اتفق يشوفه الساعه اربعه العصر دخلته المنظفه جانت توها تريد تطلع بعدما خلصت شغلها دخلته للصاله .
سمع اصوات وحجي شعليه اكيد هو ومرته بس السالفه جنها كبرت صار بيها صياح وعياط من طلعت الدكتورة تحجي بعصبية وعصام لحكها والغضب واضح بوجهه ، ملاذ عاطت بوجهه / بعد ما اطيقك طلعت روحي منك
ردلها عصام وانتبه لمنير الجان توا جاي زمخ بيها / انتي فد وحده مغرورة ومتكبرة والله اطيح حظج.
جاوبته بحركه / لاتتبيع رجوله براسي لان مو ثوبك !!!
رفع ايده يريد يصفكها سطرة جان منير يصير جدامه ولزم ايده ماخلاه يضربها .
عاط عصام بصوت كله غضب / ابعد عني ولك.
رفع ايده يريد يصفكها سطرة جان منير يصير جدامه ولزم ايده ماخلاه يضربها .
منير حجى وياه بهدوء / استادي اعذرها تبقى مرة !!!
ابتعدت ملاذ على جهه وردتله بعصبية / وانت منو تحجي بكيفك ، شبيها المرة ما عاجبتكم ، ترى اسوى الف اخير منكم وافضل ، وانت عصام .واشرتله بايدها / اذا عندك ذرة من الرجوله طلكني ......
