رواية ثأر الشيخ مهران الفصل الاربعون 40 بقلم حوراء

يكُلي احب عيونج وهو الي يبجيهم ! 

_______________

مجرد دقائق مرت وسمعنا صوت صياح نزار يملى البيت ركضنا كلنه ع صوته ودخلنا للغرفه جانت الحجيه نايمه ع فراشها وماتتحرك وع وجهها ابتسامه مريحه هنا عرفنه الحجيه ترفه راحت يم الرحمن الرحيم 

سحبها نزار لحضنه ويمسح ع وجهها ويحجي بغصه 

:-كومي حبيبه كومي يمه بعد وكت وين رايحه وعايفتنا كومي حبيبتي وعلي بعد مااضوجج بس كومي 

يحجي وعيونه متروسات دموع الكل واكف بمكانه ومصدوم مامتوقعين وفاتها لأن هي ماجانت تشكي من شي درت وجهي ادور بعيوني ع مهران لكيته واكف يم باب الغرفه ويباوع ع نزار وأمه ودموعه تجري أنتبهت ع أيده ترجف بشكل مو طبيعي تقدم وسحبها من حضن نزار وأخذها لحضنه وصار يبجي مثل الطفل الصغير  تجمعو كلهم يم جثه امهم يبجون 

اندك الباب الرئيسي وراحت انفال تفتحه مجرد دقائق  وصارت رياحين بالغرفه  وزعت نظرها علينه ونوب ع امها الي نايمه بسلام بأحضان مهران هزت راسها بنفي وكالت 

رياحين :-مابيه شي ليش حاطها بحضنك مهران رجعها ع فراشها خليها تنام مرتاحه خطيه البارحه تعبت وياي هواي 

رفع نزار رأسه وكال 

نزار:-راحت امنه ريحانه اتيتمنه مرتين 

رياحين بعدم تصديق  :-انجب نزار شنو هذا الحجي شلون تحجي ع امك هيج هاا 

تقدمت ع امها وتهز بيها تريد تكعدها 

رياحين :-كومي يمه كوم استقبليني اني وزوجي اول مره نجيكم بعد زواجنا هيج تستقبلينا هاا 

سحبها ادم لحضنه يحاول يهديها بس الي صار أن رياحين صرخت بأعلى صوتها ع امها 

رياحين :-يمهههه كومييي يلا حبيبتي يمه لاتعوفيني وترحينن يمهه شلونن اعيشش وانتي ماكو ام صوت الحنين المن عايفتنا ورايحه كومي بروح ابوي عندج كوميييي 

انهارت تبجي وتصرخ وع صوت صريخها اتجمعو الجيران طلعو الولد والبيت انترس نسوان جابو السياره حته يأخذوها للمستشفى حته يطلعون الها شهاده وفاه ونوب يأخذونها يغسلونها ونوب يرجعونها للبيت حته نودعها حاولنا وياهم حته نروح وياهم ع الأقل بس رياحين تغسلها ماقبل مهران ضلينه بالبيت ونسوان بعدها تجي والكل يبجي ويصرخ وكل مرة تفوت تضل تهوس بالباب مال البيت النسوان كلهن حزنن عليها لأن جانت خوش مرة والكل يحبها مافد يوم اذت أحد أو حجت ع أحد بالموزين 

ورة ساعتين تقريبا جابوها ودخلوا التابوت للصاله ركضت عليه رياحين وفتحته وصلت تبوس بوجه امها وتبجي بصوت عالي الكل حاول يوخرها منها لان الي جاي تسوي يأذيها وحته يأذي امها رجعو دخلو الزلم حته يأخذون التابوت بالكوه وخروها منه وشالو ركضت وراهم تريد تروح للدفنه بس بالاول ماقبل مهران جان تعيط بيه كدام الكل 

                                  

              

                    

رياحين:- وداعه امي إذا ماخليتني اروح للدفنه يامهران تحلم تشوف وجهي أو تسمع صوتي بحياتك 

مهران من سمع هيج وافق وأخذها وياه واحنه ضلينه بالبيت ادم وفهد ضلو هنا حته ينصبون الجادر اهواي اجت ناس ع الفاتحه حته من غير محافظات اجو لأن مهران هواي عنده علاقات وناس صار وكت الغده وصبينه اكل للناس النهار خلصناه نركض منا ومنا ورة ماخلصن اكل بدينه نشيل بالمواعين حته نغسلهم انتبهت ع مرح عيونه متروسه دموع كلت اكيد ع مود الحجيه الله يرحمها غسلنا المواعين وكملنا بس اني ونارة وانفال نشتغل مرح الحنه ماقبلنا تغسل ويانا خلينا عليها الجاي والمي طلعت من المطبخ حته اشوفها وين لأن مالها حس جان دورت عليها بالبيت كله مالكيتها رحت للغرفه  مال الحجيه جان اسمع صوت بيها ركزت شويه عرفته صوت مرح وهي تبجي واكو صوت وثاني وياها فتحت الباب ولكيتها واكفه تبجي ووحده ثانيه لازمتها من شعرها من شافتني عافتها ركضت عليها وسحبت مرح وحطيتها ورة ضهري 

ايليا:-منو انتي وشلون تتجرأين تمدين ايدج ع حرم الشيخ هاا 

عائشه :- شبيج عيني ترة اني زوجه عمها وبعدين منين  سويتها حرم الشيخ هي كلها ع بعضها دخيله عدكم 

ايليا:-احترمي نفسج واعرفي زين ويه منو جاي تحجين الكدامج زوجه الشيخ ومرح تصير زوجه ابن عمه شي اكيد تصير من حرم الشيخ وسالفه دخليه مادخيله انسيها محد يعتبر مرح دخيله وانصحج انتي هم ماتكولين عليها هيج حته لا يسمع بيج مهيمن ويلعب بيج لعب صراحه مايقبل احد يجيب طاري مرته بشي مو زين 

من حجيت هيج وياها خافت خلت وطلعت من الغرفه درت وجهي ع مرح وعطت بوجها من قهري عليها منها 

:- انتي شبيج الى متى تضلين ساكته لكل واحد يحجي عليج هاا

:- ايليا شتردين مني اسوي الهاا هاا انتي ماسمعتيها شلون تحجي وياي وتجاوز عليه حته ماالحك ارد عليها 

:- لج غير اطيحين حضها هي عدها لسان وانتي هم واطلع لساني عليها اخليها ماتندل دربها لاتضلين فاهيه هيج شبيج يحظي 

:-خليها تولي إذا تجاوزت بعد اردها بس تعالي مو جنهم تأخرو بالنجف ؟

:-اي الطريق طويل زين إذا اجو ويه صلاه المغرب 

:- هم صحيح الله يساعد ريحانه شصاير بحالها هسة وهي وحدها هناك 

:- لاتخافين عليها يمها فهد مايعوفها لوحدها 

:- خطيه ماتهنت بعرسها ولافرحت مثل باقي البنات 

:- شنسوي هذا الي كاتبه ربج النه ولازم يصير الله يصبرنا ويصبرها ع فراك امها 

:-امين يارب العالمين

:- تعالي يلا نطلع البنات بقن بوحدهن  

رحمه يم البنات واجت ملا تقره ع الام صوتها كلش حلو وشجن يخليج  غصبأ ماعليج تبجين 

ما يكفي الدمع جابيش اوفيج

            

              

                    

تانيني يا يمه وخني احاجيج

تمنيت امجانج يمه  للموت 

وحشه  المكبره  ولكبر   ياذيج

ردي البيت  فارغ  يم  العيال

يلكلج محنه  امنين ما جيج 

ظلت بس صورج وصط العيون 

علي غبتي وبعد جاوين الاكيج 

الصبر شال ويطولج ولحزن دار 

علينه وكل جفن صب دمعته عليج 

صحت يمه على كيفج وين تردين 

ما   رديتي  لي  من  غربو  بيج

تراني   بعازتج   وعليج   ما لوم

يايمه الخاطري  ما ردت اجافيج 

بعد ما خلصت الملا نعي رجعنا هم نصب الهن جاي ونوزع مي ونشوف شنو يحتاجن وجه وكت الصلاه المغرب خلصنا صلاه واجت بنيه صغيره تكول 

:- رجعو الزلم من الدفنه 

كمنه كلنا نستقبل رياحين دخلت للبيت بس شنو صاير بحالها متروسه تراب من فوك ليجوة تقدمت عليها تحجي ودموعها تجري 

رياحين:-دفنت امي واجيت ايليا  دفنت الحنينه جوة التراب وعفتها بالهيمه واجيتت كتلهم خلوني وياها محد قبل ايليااا امي ضلت لوحدها هناكك محد يمهاا مااكدر ادخل للبيت شلونن ادخل بيه وامي ماكو منو بعد يسألني شلوني منو بعد يمسح ع راسي وينومني بحضنه 

سحبت لحضني واني دموعي عشره عشره هي حضنتني وصارت تبجي بصوت عالي بجت الكل وياها اخذتها لغرفتها ونزعتها العباءه مالتها والحجاب طلعت الها ملابس سود نظيفه كعدت كبالها وحجيت وياها بهدوء

ايليا:-كومي حبيبتي كومي اسبحي وبدلي ملابسج حته ننزل يم النسوان عيب منهن لازم تكعدين وياهن هواي نسوان اجن من بعيد واتعنن علمود يقدمن الج العزاء 

رياحين بصوت متجرح بسبب البجي:- شيفيدني الكعده وياهن يكدرن يرجعن امي الي لا مايكدرن مااريد اشوف احد اريد اضل بوحدي 

ايليا:- اعرف بيج مكسورة ع امج بس حبيبتي عيب ميصير شلون متكعدين يمهن ع الأقل بس شويه حته لايطلع عليج حجي أن انتي ماوكفتي بفاتحه امج يلا حبيبتي لخاطري كومي 

كامت وياي وصلتها للحمام ورجعت بمكاني انتظرها اخاف عليها خاف تسوي بروحها شي من حزنها ع امها طلعت من الحمام وصلت كدامي واخذت بيها كتاب القرأن الكريم ونزلت من دخلت للصاله وكفت بالباب وكالت بصوت عالي حته الكل ينتبه عليها 

رياحين:- الي تحب امي وتعزها هسة تكوم تتوضى وتجي تسويلها ختمه البجي والطم ماراح يرجع امي الي بس القرأن هو الي راح يشفع الها وينور كبرها 

صدك عجبتني من سوت هيج اكو قسم قبلن كالن الها

:-بارك الله بيج هذا احسن شي تسويه الها 

            

              

                    

والنص الثاني جان مبين عليهن عدم الرضا بس ماحجن شي يخافن منها بس اكيد ضلن يتبسبسن بيناتهن عليها 

صرنا وحده يم الثانيه ومتوجهين للقبله وبدينا نقره صوت رياحين بالتجويد فد شي من خلصت سألتها منو معلمها ع التجويد جان تكول 

:- امي جانت تصفنا يمها وهي تقره القرأن وتجود شوي شوي كمنه نتعلم منها لحد ما صارت هيج قرأئتنا للقران 

:- الله يرحمها ويجعله في ميزان حسناتها 

:-الله يسمع منج

بعد ما خلصنا صبينه اكل للنسوان اكلن وخلصن الي بيتها قريب علينا راحت لبيتها والي بعيد لا باتت  بالبيت نص بغرفه الحجيه والنص الثاني بالصاله لل11 واحته نفتر والولد بره  اخر شي ختمنه نهارنا من فرشنه الهن دواشگ نامن والبيت صار هدوء بس اكو صوت بجي جاي من بره بالحديقه باوعت من الشباك شفته نزار كاعد بالكاع وواگف يمه فهد ومهران ومهيمن كاعدين گباله وادم يمهم جان يبجي ويدك ع رجله ومهران حاط رأسه بين رجليه واجتافه تهتز مبين جاي يبجي اجت وكفت يمي انفال وتباوع بس شافت نزار وحالته كامت تبجي عليه 

انفال:- عزه بعيني شوفي شصار بحالته شوفيه شلون يبجي 

ايليا:-حقه محد يكدر يلومه هو فاقد أمه تعرفين شنو  الام وخاصه الحجيه مستحيل تجي وحده بحنيتها وخوفها عليهم وخاصه هو عزيز كلبها 

انفال:-اعرف والله بس ايليا كلبي ينعصر عصر عليه من اشوفه بهاي الحاله 

مرح :-ماراح يدخلون ؟؟

انفال:-مااعتقد يقبلون 

مرح:-ندز رياحين عليهم ع الأقل بس يسبحون ويغيرون  ملابسهم من التراب 

ناره :-هم صح بس هي بيا حال رياحين هسة ونطلب منها 

انفال:- ايليا روحي انتي 

ايليا:-لاتذبينها براسي مااكدر وعلي بس اروح اكعد يمهم واصل ابجي وياهم

بعدنه تحجي وسمعنه صوت رياحين وهي تكول 

:-اني اروح احاجيهم انتي حته لو رحتي مايقتنعون منج 

طلعت الهم رياحين تمشي ومحنيه الظهر مبينه كسره امها ع شكلها وصلت يمهم وضلت هواي تحجي وياها ونوب راحت وكعدت كبال مهران الي مارفع رأسه من اجت وبدت تحجي لحد ماخلصت رفعت رأسه بأيدها تحجي وتمسح بدموعه ونوب وكفت واخذت أيده ومشته والبقيه اجو وراهم دخلو للمطبخ سلمنا عليهم كلنا وعزيناهم ماردو علينا بس هو رأسهم وصعد كل واحد بيهم لغرفته 

رياحين:- فهد اصعد لغرفتي واستخدم الحمام مالتي واني اجيبلك دشداشه سوده من ادم 

فهد:-تمام 

صعد فهد وراحت نارة لغرفتها واخذت وياها رياحين حته تنطيها الدشداشه ومرح ومهيمن راحو للاستقبال لأن محد بيه صعدت انفال واني ضليت بين ما شربت مي وخلصت طفيت الاضويه وصعدت وصلت للباب مال الغرفه واجاني صوت بجي مهران كلبي انمرد مرد عليه قويت نفسي واخذت نفس وفتحت الباب ودخلت جان كاعد ع التخم رحت للكنتور اخذت دشداشه سوده حته ابدل لأن الي عليه ادمرت دمار دخلت للحمام بدأتها وغسلت وطلعت وهو بعده ع نفس كعدته جمعت نفسي وكلت 

            

              

                    

ايليا:- كوم أسبح وبدل حته ترتاح شويه 

الشيخ مهران:- ليش شلون الانسان يرتاح وهو بيده دفن اعز ناسه ؟ 

ايليا:- هذا قضاء ربك ماتكدر تعترض عليه 

الشيخ مهران:- اللهم لا اعتراض على حكمك بس جنت متمني هي الي تدفني بيها وترش مي ورد ع كبري 

ايليا:- أنته انسان مؤمن بقضاء الله لاتسوي بروحك هيج كوم أسبح وبدل وتعال صلي الها واقرالها قرأن هذا الشي الوحيد الي يفيدها 

هز رأسه وكام يمشي بس شنو مبين عليه كبران عشر سنين ليكدام سبح وبدل ملابسه واجه يصلي ويقره قرأن ضليت وياه لحد الساعه 3 الفجر وبعدين غفيت من التعب واني ماحاسه ع نفسي 

مشن ايام الفاتحه والبيت كلش كئيب ومزعج والكل حزين ومحد اله خلك لأي شي ومن بعدها الكل تغير نزار الي جان هارج البيت هرج بصوته صار اهدئ منه ماكو يكعد من 8 الصبح ياكل لگمتين ويروح ع مهيمن ويرحون سوه للدوام لأن نزار صار يشتغل بشركه مهيمن مهران كضاها كعدات وفصول حته محافظات كام يروح قبل جان يخلي مهيمن يروح ابداله هسة لا هو كام يروح التعب مبين بوجوهم كلهم صدفه تصير وتشوفين واحد منهم يبتسم الحجيه ماتت ومات وياها كلشي حلو 

ايليا:- اليوم الاربعين مال الحجيه وكلنه متجهزين حته نروح نزورها اول زيارة النه الها وهي بمنزلها الاخير الكل مبدل ومنتظر مهران ومهيمن الي طلعو مدري وين بس حيل تأخرو 

نزار:- أكلك خابر عليهم شني وين صارو ليش هيج تأخرو ؟

ادم:-خابرت مهران وكال مسافه الطريق وهم هنا 

نزار:- بس كون مايتأخرون لأن إذا تأخرو اعوفهم واروح بوحدي 

ادم:-اصبر شويه شبيك هسة يجون 

نزار :- الهم بس نص ساعه وبعدها وعلي اعوفكم واروح 

ادم:- افتهمنا كافي اسكت شبيك بس تصيح 

مارد عليه نزار واني صافنه عليهم حسيت بكرصه بيدي درت شفتها مرح 

ايليا:-شبيج العگربه ليش تكرصين 

مرح:-اريد اسألج  

ايليا وهي تفرك مكان الگرصه :-كولي شكو 

مرح:-خالتهم وبناتها ماكو مااجت لا للافاتحه ولاراحت وياهم للدفنه ؟؟

ايليا:- غير متعاركه وياها ماتذكرين اخر عركه صارت بينا وبينهم 

مرح:- ولو كان بس هاي فاتحه اختها لازم تحضر 

ايليا:- هي مرة حاقده مستحيل تجي شبيج حته لو بنتها تموت وهي متعاركه وياها هم مااروح لفاتحتها 

مرح :-لهدرجه !!!!

ايليا:- وأكثر يمعوده 

مرح :-ايعع شكد اكرها 

            

              

                    

ايليا:-شكو تسألين عليها إذا تكرهينها ؟؟

مرح :-فضول لااكثر 

درت وجهي منها واني اهز راسي بيأس منها شويه واجو مهران ومهيمن وتقسمنا ع السيارات رحنه سيارتين وفهد ورياحين بسيارتهم واني وميهمن ومهران ومرح بسياره وادم ونزار وانفال ونارة سوة وصلنه للمقبره بعد 3 ساعات طريق احنه نمشي وراهم لأن مانندل الگبر وين يصير بس رياحين متقدمه علينا وتمشي وياهم لأن تندله هم وصلنه للگبر وكعدو كلهم داير مدارة نزار دنك ع الگبر وباسه وكال بصوت مخنوگ

نزار:- شلونج يمه ان شاء الله مرتاحه حبيبه إذا تسألين علينه الحنه مو زينين يمه احنه من بعدج ادمرنا رحتي وراحت ضحكتنا وياج 

حجي نزار فززت كلبي ضل غسل الگبر بمي ورد ومسحه وكعدنا نقرالها الفاتحه و مهران كعد يم راس الكبر وضل يرتل قرأن بصوت كله خشوع من خلص توجهنا للامام علي (ع) زرنه وكملنا وطلعنه وهم لازم الطريق يأخذ وكت وصلنه للبيت ماصدكت وصلنه للبيت وصعدت سبحت ونمت احس ظهري انكسر نصين مااعرف ليش اختي الدرجه جاي اتعب ماضل شي واخلص الشهر السادس والحمل حيل متعبني بين الغافيه والكاعده حسيت بيه دخل مهران للغرفه حسيت بيه غطاني وطبع بوسه خفيفه ع كصتي وبعد ماحسيت بشي  

____________________ 

بعد مرور أسبوع 

ايليا:- كاعدين اني وانفال بالصاله محد موجود بس اني وياها نارة طالعه راحت لبيت اهلها زياره ومرح ورياحين عدهن تعزيل بالبيت ماكدرن يجن والولد طالعين بالشغل اندك الباب وكامت انفال فتحت الباب اني جنت اباوع بالموبايل ع ملابس اطفال لأن اريد اشتري انفتح باب الصاله ورفعت راسي اتفاجأت من شفت نرجس  كدامي وكفت ع حيلي وكلت 

ايليا:-انت شعندج هنا ؟؟

نرجس :-جايه لبيت خالتي بس لا ماترضين عيني 

ايليا:-لعد وين جنتي من توفت خالتج وماكلفتي نفسج واجيتي للفاتحه مالتها

نرجس:- اكلجج هيي اني ماجايه احجي وياج مفهوم اني عندي شغله اريد اسويها واروح 

خفت من طريقه كلامها وانفال ماادري وين راحت حجيت واني اتصنع القوه 

:-امشيي اطلعيي بره ترة والله أصيح عليج مهران يطيح حظج 

:- ههههههه ليش هو وينه الشيخ هاا باعي تره اني حاسبه حساب كلشي وجايه انتقم منج واعرف كلش زين محد بالبيت غيرج انتي وهاي الصفره 

:-وين انفال شسويتي بيها ؟؟

:- لاتخافين عليها لازمته نور الي وحبستها بالمطبخ بين مااخلص شغلي وياج 

حطيت ايدي ع بطني ورجعت ليورة خايفه منها تقدمت عليه ومن عيونها مبين ماناويه ع خير رجعت ليوره وانضربت بالحايط باوعت عليه وحجت 

            

              

                    

نرجس :-لهنا وينتهي طريقج 

رديت عليها:- نرجس اني مالي ذنب بأي شي صار وياج 

نرجس:- بسببج مهران ماتزوجني ولاتكثرين حجي اني جايه وناويه ع موته هذا الي ابطنج اعتبريه انتقام مني لأن انتي السبب بكلشي صار وياي 

ردت احجي وياها بس ماسمعت مني وبدت تضرب ببطني بيدها حاولت اوخرها مني بس ماكدرت الها عبالك حايط ووكع عليه وكت بالكاع وضربتني برجلها ع بطني مرة وحده رادت ترجع تضربني بس بلحظه انسحبت مني وصارت بالكاع باوعت شفته مهران تعلكت بيده واني احس بروحي جاي تطلع واحس اكو شي جاي ينزل مني ووجع فضيع رد يكوم عليها بس عطت بيه 

ايليا:-مهرانن ابنيي راح يروح من ايديي عفيه مهران سوي شي 

احجي وابجي وهو انخبص بيه دنك عليه وشالني واخذني للسياره صعد وساق ع السريع ربع ساعه وصرنه بالمستشفى نزل واجه للجهة مالتي وشالني بين اديه ودخلني للمستشفى وبوجه ع قسم الولاده الدكتورة ماقبلت يدخلني جابت الممرضه كرسي متحرك وكعدتني بيه ودخلني للصاله مال الولاده اجت الدكتورة وشافتني وكالت 

الدكتورة:- مي الرأس واكع وعندج ولاده عندج وجع ؟

ايليا:- عندي دكتورة بس مااعرف إذا وجع طلوگ لو وجع من وره الوكعه (ماردت اكول من ورى الضربه لأن مابيه حيل للتحقيق مالتهن)

الدكتورة:- انتي بيا شهر هسة ؟

ايليا:-الشهر السابع دكتورة 

الدكتورة:- الوكعه هي السبب بالولاده المبكر الي جاي تصير وياج الي اريده منج هو تكومين تتمشين بالصاله منا لحد مايجيج الطلوگ القوي ونگدر نولدج  سويت مثل ماكالت بس شنو احس روحي تطلع ويه كل طلگه تجيني منا لحد مافحصتني وكالت 

الدكتورة:-هسة نكدر نولدج 

مر وكت واني تتصارع ويه روحي لحد ماسمعت صوت البجي الضعيف اجاني صوت الدكتورة وهي تكول 

الدكتورة:-هلاا بيك ولك تعبتنا وتعبت امك يلا طلعت ابو خشم 

انطته الدكتورة للممرضه حته تنظفه رجعت حجت وياي. 

الدكتورة :- الحمد الله على سلامتج حبيبتي هسة شويه ويجن الممرضات وينضفنج وابنج راح نحطه بالخدج لأن بعده صغير اطمئني عليه راح يكون بين أيدي امينه 

بعد ما راحت الدكتورة اجن الممرضات وغيرلي لبسي  بدشداشه من ملاتي تفاجأت منين جابنها واني ماجبت وياي شي سألت وحده منهن منين جابت هاي الملابس ردت عليه 

الممرضه :-زوجج هو الي انطانياهن 

هزيت راسي ساعدتني هي ووحده ثانيه واخذني لغرفه بوحدي كعدت ع السرير شويه واجه مهران والولد كلهم وياه والبنات هم 

مهيمن:-الحمد الله ع سلامتج ام علي يتربى بعزكم

ايليا:- الله يبارك بيك خويه يوم الك ان شاء الله

            

              

                    

مهيمن:- تسلمين خويه 

فهد:-مبروك خويه 

ايليا:-الله يبارك بيك ،والبقيه كلهم باركو الي 

نزار:- اكلج هو ابنكم وينه شو ماكو لو مايشرفه الافندي نشوفه ؟

مهران:- شبيك نزار غير أخذوه للخدج

نزار:- شفته بس لحد هسه مااعرف ليش أخذوه 

مهيمن:- لأن بعده صغير واجه قبل موعد الولاده الطبيعي فلازم يضل كدامهم حته إذا صار بيه شي لاسامح الله يكدرون يدخلون بسرعه 

نزار:- فهمت عليك بعدين انتي ايليا طاح حظج وحده فارغه مثل نرجس تضربج وتخليج تولدين قبل موعدج جا اني جنت اكول عليج ذيبه ومحد يكدرلج  تالي طلعتي ارنبه 

ايليا:- من تهد عليك نرجس عود شوفنا عضلاتك استاذ نزار 

بعده يريد يحجي جان تدخل الدكتورة 

الدكتورة:- حبيبتي اجيت ابلغج أن انتي عادي كلش هسة اطلعين وترحين للبيت أو تردين تضلين لباجر بكيفج الي تشوفينه مناسب الج 

ايليا:-وابني ؟

الدكتورة :- ابنج راح يضل يمنا لمده شهر يكدر أبوه وعمته يضلون وياه وانتي ترجعين للبيت حته ترتاحين 

ايليا:- اني اريد ابقى وياه لحد مايطلع 

الدكتورة :-يعني تضلين شهر كامل هنا ؟

ايليا:- اي ميصير يعني ؟

الدكتورة :-المستشفى تستضافج ع الاكثر اسبوع بعدين لازم اطلعين لأن الغرفه هاي مو بس الج غيرج هواي يحتاجها 

ايليا:- عادي اضل يم باب الخدج مو شرط ابقى بالغرفه 

الدكتورة:- مااشوف اكو داعي لبقائج هنا بس مااكدر اجربج ع شي براحتج وهسة اني اترخص منكم 

طلعت الدكتورة والتفت عليه مهران وكال 

مهران:-حجي الدكتورة صحيح انتي هسة ولدتي ولازم ترتاحين بالبيت واني ورياحين موجودين هنا يم علي لاتخافين عليه 

ايليا بعناد:- مستحيل اخطي خطوة برة المستشفى وابني مو وياي 

هواي حاول وياي مهران بس ماكدر يغير رأيي بالموضوع رجعو البنات والولد وصيت رياحين ع اغراض الي وللاطفل  تشتريهم لأن اني مامشتريه شي ثاني يوم حالتهم هي وفهد ورحنه اني وياها للخدج وشفته لابني جان كلش صغير جان شابك اديه اثنينهم ومقربهم من يم حلكه من شفته حسيت كلبي طار من الفرحه بودي ادخل وأخذه لصدري احضنه بكل قوتي بس للاسف ماجانو يقبلون احد يدخل 

مر الشهر واني ومهران ماطلعنا من المستشفى إذا نروح بس علمود نسبح ونرجع بسرعه خلصت مده بقاء علي بالمستشفى واجت الدكتورة نفسها الي ولدتني وكالت 

            

              

                    

الدكتورة :- شكد شفت نسوان وأمهات بس مثلج ومثل خوفج ع ابنج ماشفت صدك انتي ام عظيمه اهنيج ع نفسج 

ايليا:-شكرا دكتورة 

اليوم لازم نطلع من المستشفى بس قبلها بيوم اني دزيت خبر لجدو عن طريق انفال أن اني ولدت وهنا ويخلص الاتفاق ولازم ارجع الهم طلعنه من المستشفى وصلنا للبيت لكيت سيارة جدو موجوده باوعت ع مهران لكيت علامات الاستفهام ع وجهة نزلت وبحضني علي ومشيت لجدو الي جان واكف يم سيارته من وكفت يمه باوع عليه مهران وكال 

الشيخ مهران:- لاتكولين راح تعوفيني وترحين 

ايليا:- انتهى الاتفاق ولازم كل واحد يرجع لحياته واهلة 

ارتفعت الصدمه بوجه مهران حاول يحجي حته يغير رأيها بس هي سبقته وكالت 

ايليا:- لاتحاول تغير رأيي مهران ماراح تكدر وابني هم ماراح تأخذه مني مهران أنته جربت شعور الإنسان بدون ام اني متأكدة أنته متريد ابني يعيش هذا الشعور 

الشيخ مهران:- فكرتي بكلشي بس مافكرتي بيه وشنو راح يصير بيه من تعوفيني 

ايليا :- هذا جان الاتفاق من البدايه ليش نسيت مو أنته نفسك الي كلت بس تولدين ترجعين لبيت اهلج؟ 

الشيخ مهران:- هذا الاتفاق سويته بس حته اجيبج يمي كلت تكدر اخليج تسامحني بعلي الأشهر وتبقين وياي 

ايليا:- بس أنته ماكدرت مهران عفيه لاتصعب الموضوع عليه وعليك خلينا نحل كلشي بالحسنى

عفته ودرت وجهي وصعدت بالسياره مال جدو كل هذا صار وسط صدمه مهران من قراري مشت السياره وانطلقت بينا اني وابني راجعين لبيت اهلي مااعرف شنو ينتظرني هناك بس مو مهم اهم شي عندي ابني وياي بعد ساعات طويله من الطريق وصلنه للبيت استقبلتني اختي غسق ورحبت بيه هي وغيداء صعدت الغرفتي الي جانت مرتبه وحته سرير مال اطفال بيها سألت بتعجب 

:-منو جاب هذا السرير 

غسق :-هذا جدو من خابرت انفال ولحد هسة احنه نركض منا ومنا ونرتب الغرفه الج وللشيخ علي 

ايليا:- ههههه وين سويته شيخ انتي بعده هلكدوته 

غسق:- يجي يوم ويكبر ويصير شيخ الشيوخ كلهم 

ايليا:- هههه الله يسمع منج 

كعدت ع جربايتي وبدلت لعلاوي ملابسه وشربته حليب ونومته ضلينه كاعدين اني وغسق وغيداء نسولف لليل اجه زوج غيداء حته يأخذها بس غسق ضلت وياي جابتلي عشه وتعشينه ونوب كعد علاوي غيرتله وضليت العب وياه منا لحد ما تعب ورجع نام 

غسق بهمس :- ليش هيج سويتي 

ايليا:- شنو؟

غسق :- تعرفين كلش زين شنو اقصد ليش هيج سويتي بمهران

            

              

                    

ايليا:-ليش اني شنو مسويه ؟

غسق :- ليش تخليتي عنه مو تدرين بيه يحبج ومايكدر يعيش بدونج 

ايليا:- يكدر واصلا هذا الي جان لازم يصير من زمان بس العائق جان علي بعده ببطني بس هسة علي بيدي ويني ومستحيل اتخلى عنه 

غسق :- شعجب اتخلى عن ابنه 

ايليا:- لو جنت اعرف مهران كد  قيد شعره متأكده عنده خطه برأسه لان هو مستحيل يتخلى عن علي 

غسق :- تعرفينه وهيج سويتي بيه؟

ايليا:-اكلج غسق هذا الحجي لا يقدم ولا يأخر كومي خاينه ننام لأن اني حيل تعبانه وإذا كعد علي واني مانايمه اطيح حظج 

غسق :- نامي نامي شكد حيوانه مو مال واحد يحجي وياج 

عافتني غسق وراحت ع فراشها واني نمت ويني علاوي كعدت ثاني يوم ع صوته وهو يبجي أخذته لحضني وسويتله حليب وشربته كعدت غسق ونزلت سوتلي ريوك وجابته فوك لأن تعرف بيه ماراح انزل مر اليوم طبيعي جنت كاعده العب لعلاوي ودخلت عليه غسق مستعجله وتلهث 

غسق:- لج تعالي شوفي رجلج الشيخ اجه 

ايليا:- مهران؟ 

غسق :- ليش انتي متزوجه واحد غيره واحنه ماندري

ايليا:- لا بس متفاجأه شجابه هذا 

غسق :-ليش انتي عبالج بس هو جاي ؟

ايليا:- لعد منو جاي وياه ؟

غسق :- كولي منو الي ماجاي وياه لج ماضل واحد ماجاي انترس الديوان ناس وهم بقو بره ناس واكفين 

ايليا:- شعدهم جاين هذولي كلهم 

غسق :-مااعرف 

ضلينه كاعدين بالغرفه شويه واجت زوجه عمي تصيحني

احلام:- تعالي يالمسعده جدج يريدج 

غسق:- اني لو اختي ؟

احلام:- اختج 

كمت وحطيت علي يم غسق ونزلت جوة لكيت جدو واكف يم باب المطبخ رحت يمه وكلت 

ايليا:- رايدني جدو ؟

الشيخ جابر :- تعالي جدي وياي 

أخذني من ايدي ودخلني للديوان جان متروس زلم وكف مهران وياه اكو زلمه جبير بالعمر صاحب لحيه جبيره متروسه شيب 

الحجي راضي :- شلونج بنيتي ام علي 

ايليا:- زينه الحمد لله حجي 

الحجي راضي:- انت ماتعرفين بس اني اصير ابن عم ابو زوجج 

ايليا:- اهلا وسهلا بيك حجي 

الحجي راضي:- اليوم جايج اني وهاي الوجوه الطيبه حته نخلي ابنا يعتذر منج ع عملته السوده وياج 

            

              

                    

جان يضربه الحجي ع رجله ويكول اله 

الشيخ مهران:- امشي لك امشي بوس راسها واعتذر منها ع كلشي سويته وياها 

وكفت واني اكول :- لايعتذر مني ولا اعتذر منه جيتك حجي عزيزه وغاليه بس اني اسفه اني وابنك ماكو شي يربطنا بعد اتمنى تتفهمون قراري وتمشون بأوراق الطلاق احسن الي والكم من دوخه الرأس 

عفتهم وطلعت وكبل صعدت فوك شويه وراحو الزلم جنت مفكره أن مهران بعد الي صار اليوم راح يمل ويعوفني بس الي صار عكس الي جنت متوقعته ضل كل يوم يجي إذا مو بوحده وياه ناس هيج استمر لحد شهر كامل بيوم اني كاعده ودك جهازي انفال رديت عليها 

:- ها ولج شعجب اتذكرتيني ؟

:-انتي على بالي والله بس ماكو وكت هسة اسكتي لاتنسيني علمود شنو اتصلت 

:- علمود شنو 

:-مهران 

:-شبيهه 

:-مهددينه 

:-جذابه 

:-وعلي يأبه 

:-منو كال

:-نزار 

:-سولفي شلون هددو 

:- باعي انتي اكيد سمعتي بالمظاهرات الي جاي تصير وشلون رئيس الوزراء طلب من شيوخ العشائر أن تتحالف وياه حته يوكفون المظاهرات 

:-اي سمعت هيج حجي 

:- اي بيومها جانو كاعدين بالديوان وواحد من الموجودين طلب من الشيخ يروح يتحالف وياه بس الشيخ رفض يكول ماانطي بولد بلدي جان هذا الزلمه يكله أنته وساهم يعني جان الشيخ يكول اي اني وياهم هذاك الظلمه من سامع هيج متخبل ضال بس يحجي ع الشيخ وطلع من الديوان وهو ضايج ثاني يوم طالع الشيخ ونزار ولاكين السياره مال الشيخ مكسر الجام مالتها وعلى البدي مالتها اكو ضرف موجود بداخله طلقه 

:- عزه بعيني زين منو يكول هذا التهديد علمود المظاهرات 

:-غير كاتبين وياه اتحالف ويه الرئيس حته لاتدفع الثمن بحياتك 

:-عزه زين مهران شسوه ؟

:-شك الورقه وضم الطلقه ولا مهتم بشي تدري حته الجيه الج خطره عليه بس هو مامهتم اهم شي عنده يلكه طريقه يراضيج بيها 

:-زين هو وين هسة

:-طالع ويه مهيمن ليش تسألين عليه 

:- هيج ماكو شي يلا باي علاوي يبجي 

:-باي حبيبتي

سديته منها وضليت افكر بمهران وبسالفه التهديد 

مهيمن :- أكلك لخاطر ربك شوكت تهدي وتكعد بمكانك كم مره اكلك الروحه خطره عليك 

الشيخ مهران:- هاي اخر مرة لو بالهدف لو بالنجف لو اخلي ايليا تسامحني وترجع وياي لو اروح ويغتالوني وبعد ماارجع 

            

              

                    

مهيمن:-انته ليش تمظ*** هاا ليش ماتفكر بينا شلون نعيش وانته ماكو كافي علينا امي الحجيه ماكو مو نوب أنته هم تروح 

الشيخ مهران:- مثل ماانت ماتكدر بدون مهران اني هم مااكدر بدون ايليا 

مهيمن:- والحل شنو؟

الشيخ مهران:- الحل يمها هسة راح اروح الها وهي الي تحدد مصيري وشنو يصير وياي 

مهيمن:- اروح وياك

الشيخ مهران:-شعندك رايح وياي 

مهيمن:- اكل ن*** رجلي ع رجلك نروح سوة 

الشيخ مهران:- تعال بس خلصني من لسانك 

طلعنه واني ومهران وتقريبا دخلنا للمحافظه مال ام علي وقبل لانوصل الها صار رمي ع السياره جانت اكو سيارة ورانه واحنه مامنتبهين كدر مهران يضيعهم بس بعد ماصاوبوه بجتفه وكف السياره واني كعدت بمكانه وسقت السياره للمستشفى دخلنا الطوارئ الحمد لله الطلقه ماداخله جوه بس شاخطه أيده وطالعه طلعت ارد ع مرح لأن خبصتني بالاتصالات 

مهيمن:- ها بويه شبيج ماسكتن اتصالاتك

مرح:- وين انت هسة بسرعه اعترف  ؟

مهيمن:- ويه مهران رحنه لام علي وع الطريق اتصاوب مهران بيده وهسة احنه بالمستشفى يخيطون بأيده 

مرح:- عزه وشلونه هسه تأذه هواي ؟

مهيمن:- لا مابيه شي 

مرح:-بيا مستشفى انتم ؟

مهيمن:-بمستشفى **** 

مرح:- تمام من تطلع خابرني اوك 

مهيمن:-تدللين محتاجه شي 

مرح:- لا سلامتك بأي 

مهيمن:- مع السلامه 

انفال:- ليش طلبتي اسم المستشفى

مرح :- اصبري شويه 

اتصلت بأيليا ونصيت صوتي عبالك جانت تبجي 

مرح :- الحكي ايليا مهران مسوي حادث وحالته خطره هو هسة موجود بالمستشفى***** 

ايليا:- تحجين صدك لو تشاقين .

مرح:-لج هاجمين عليه هو مهيمن هسة زلمه اتصل ع نزار وادم وهم ع الطريق هسة 

ايليا :-من سمعت الاخبار من مرح تخبلت محد جان بالبيت بس النسوان عفت علي يم غسق ولبست حجابي وطلعت من البيت ركض وأجرت اول تكسي صارت بوجهي وانطلقت للمستشفى جاي اروح للطوارى وشفته يمشي هو مهيمن ماصدكت عيوني هو واكف ع رجليه ركضت اله وحضنته شويه ووخرني من حضنه يباوع عليه مصدوم 

الشيخ مهران:- شجابج هنا 

ايليا:- مابيك شي مو ماتأذيت وين تصاوبت هااا 

أخذني من ايدي وطلعني من المستشفى واني مستمرة اسأل بيه لحد ماكال 

:-مابيه شي والله منو وصلج الخبر اني هنا هاا

            

              

                    

مسحت دموعي وكلت:- مرح 

باوع ع مهيمن بلوم وكال مهيمن:- خابرتني واني زلمه مااضم شي ع مرتي

الشيخ مهران:-والنعم منك والله 

مهيمن:-حبيبي والنعم من اصلك 

أخذني من ايدي للسياره وكال 

الشيخ مهران:- ارجع لبيتكم مشي حبيبي 

عافه وصعد للسياره وحركها وكف يم مطعم ونزلنه كعدنه بيه

الشيخ مهران:- شنو تشربين ؟

ايليا:- مااريد شي اريد ارجع للبيت ؟

الشيخ مهران:- ليش اجيتي للمستشفى ومنو جابج ؟

ايليا:- اني اجيت بوحدي 

الشيخ مهران:- وليش اجيتي ؟

ايليا:- مااعرف 

الشيخ مهران:- ماتردين تعترفين أن انتي خفتي عليه واجيتي 

ايليا:- ماكدرت ارد عليه لأن كلامه صحيح 

الشيخ مهران:- إذا انتي لهاي الدرجه تحبيني وتخافين عليه ليش جاي تكابرين وترفضين نرجع سوة 

سكتت مااعرف شنو اجاوبه

الشيخ مهران:- عندج لليل وتنطيني اخر قرار منج هسة وتعالي هسة ارجعج للبيت ومره ثانيه لااطلعين

بوحدج 

أخذني ورجعني للبيت سولفت كلشي لغسق وهي هم كالت القرار الأول والأخير الج خلص النهار واني افكر بكلامه صارت الساعه 11 سحبت الموبايل وخابرته رد عليه من اول رنه 

الشيخ مهران:- شنو قرارج 

ايليا:- موافقه نرجع بس بشرط  اي غلط منك اعوفك وتحلم تشوفني بعد تمام 

الشيخ مهران:- تمام موافق اجي هسه 

ايليا:- تحجي صدك أنته تعال باجر شكو جايني هسة شنو مطروده 

الشيخ مهران:- خير البر عاجله 

ايليا:- خليه ع بأجر احسن 

الشيخ مهران:- خوش ننتظر للصبح ماكو مشكله 

ايليا:- الليل كله مانمت خوف ع فرح الساعه 4 الفجر كعد علي وضليته وياه للصبح نومت علاوي ونمت وياه واني نايمه حسيت بغسق نكعد بيه كمزت كمزه خطيه حته هي جفلت 

غسق :- وسم شبيج جفلتيني 

ايليا:- شتردين ؟

غسق :- اجه رجلج هو وإخوانه يردوج جوه 

ايليا:- أبدل واجي أخذي علاوي خليه يشوفه أبوه بين مااكمل لبس 

غسق :- ترة هو حجه ويه جدو علمود رجعتج بس جدو ماقبل ونوب غير رأيه وكال شنو تكول ايليا اني وياها 

ايليا:- تمام لعد

طلعت غسق واني غسلت وجهي وبدلت ملابسي لفيت حجابي ونزلت دخلت للاستقبال سلمت عليهم ورحت كعدت يم جدو  

الجد :- الشيخ اجه اليوم علمود يرجعج للبيت شنو تكولين انتي 

ايليا:- اني موافقه ارجع وياه بس اريده يتعهد كدامكم ويحلف إذا غلط وياي بغلط صغير ارجع وأخذ ابني وياي وهو مايوكف بوجهي ويحاول يمنعني 

الجد:- شتكول يالشيخ

الشيخ مهران:- واني موافق ع كلشي تكوله 

نزار:- يلا هسة كومي جيبي اغراض علاوي خلينه نرجع للبيت وتحلمين تشوفينه اني راح اربيه 

ادم:- خوش لعد من هسة نعرف مستقبل علاوي شنو 

نزار:- شنو 

ادم:-خريج سجون 

الكل :-ههههههه 

ايليا :- استأذنت منهم وصعدت لميت اغراض علاوي واغراضي الي اشتريتهم من اجيت هنا كملتهم ونزلناهم اني وغسق ردت اروح اسلم ع امي قبل لااطلع بس هي رفضت تحجي وياي طلعت من البيت واني كلبي مكسور منها الطريق كله مهران يسولف ويخطط شنو راح يسوي لعلاوي وشلون راح يغير حياتنا للاحسن وصلنا للبيت وصعدت لغرفتي لكيتها منظفه مبينه من ريحه العطور علاوي نام بالطريق وحطيته ع الجربايه واني صافنه عليه حسيت بأيدين يحاوطن خصري وحط رأسه ع جتفي وكال

:- نورتي بيتج وحياتي ايليا