رواية دخيله الشيخ زين العابدين الفصل الاربعون بقلم أوتار حزينه
هيله
وكفت من شفت حمد ردت اعگب لجن دار روحو وشافني دحك لي بنفس ذيج النظرات الي اضوج منها عكدت حواجبي من شفتو مانزل عيونه مني گرب وتكلم
لو يحبج من صدك جاان كعد حدج ومااعافج ولو لحظه
خزرتو بغضب ردت اردو هاجر دشت وراحت له تكلمت
هاي الوصفه ياحمد جيب الدوه الاصلي لجدتي
لان المقلد مايفيد
تمام
اخذها منها وسرى من يمنا
تكلمت معي
ها شلونو هساع للزين
الحمد لله كعد مرتاح واجيت اسويلو العشه
حضرت كلشي بس نحمي الاكل
تمام البنوات وينهن
كاعدت بغرفه جده تعبن من هرف اليوم
الله ينطيهن العافيه ردت اجي اوكف وياجن
لجن زين ماخلاني رادني يمو
اي عرفت الزلمه بهيج وضع يحتاج حرمتو يمو
وبعدين ياعيني شفتو من اجه شلون
ظل يدور بعيونو عليج
غمزت لي ابتسمت كملت
زين يحبج جثير ياهيله ماشفتو هيج ابدا بعز
وجعه وصوابو يدور عليج
ويريد بس يشوفج
ذبيت حسره ورديت
وانا بعد ردت بس اشوفو حتى ارتاح ماتدرين
شصار بيه بهل الليله والله مانشفت دمعتي وظليت افتر بالغرفه مثل الطير المذبوح واريدو بس يجي
عاد حتى اشوف وش صاير به
اي والله شلون ليله مرت علينا للعدو
مااتمناها
له
خلت الزلاطه بالصينيه وكملت
الله لاينطيهم لذوله الجلاب حسبي الله ونعم
الوكيل عليهم سبونا بهل الليله وخلونا
ناكل هبطه من هاي الزينه
ااسكتي هاجر لحد هساع دايخه واحس الارض
تميد بيه وكل ساع اريد اكع على وجهي
اي داشوفج مو تمام اكلي يولي انتي من البارحه
مو ماكله شي تعشي وي الزين وافتحي
نفسو للاكل
احجي انا وياها ونحضر بالعشه كملنا واخذتو
للغرفه دشيت امه كاعده حدو هي وجده
وخواتو واكفات كاعد يحجي لهن الصار
الهنوف كالت
قدر ولطف ياخويه والله من سمعت مدري شصار
بيه حسيت ضغطي صعد بسرعه وراسي
ثكل فد مرة
ماتشوفين شر ياخيه
رد خليت العشه عمه تكلمت بضوجه
ادري العشه ساعه يله يصير
زين دحك لها عكد حواجبو
ورد
مو طاير الاكل يمه خلها براحتها تسوي
يله تعشه
ردتو بضوجه ظل يدحك لها وهو عاكد
الحواجب اشر لي وكال
تعالي وياي تعشي
انا اتعشه بعدين
يولي اكعدي اكلي وياي وافتحي نفسي
للاكل
عيوني راحت لامه عوجت حلكها ودحكت لبناتها
هاجر دشت شايله لبن ومي
سمعت الحوار
وكالت
هيله اكعدي وتعشي معه قبل شويه كلتي
دايخه والارض تميد بي
تعالي اكعدي عااد لاتظلين واكفه
زين تكلم بعصبيه رحت كعدت يمو
عمي دش كمت اشر لي وكال
اكعدي يابه الزاد ماعلي سلام
گرب من يم زين وسالو
ها يازين شلونك هساع
بخير يابه لايظل بالك عليه
عمه كامت وهو كعد حدو يدحك له بحنيه
رد
وكعت گلبي يبعد ابوك
عمه كالت
ياا
خزرها جن عرف وش تريد تتكلم سكتت ماحجت
شي لجن وجهها انطعن وظلت ادحك
علي وعلى ابنها
باجر الصبح ناخذك للمستشفى التركي
يسون لك فحوصات ويشوفون وضعك
تمام يابه
تعشه هساع وارتاح وباجر باذن الله اخذك
انا والولد لها
اي شيخ
كام لحيله واشر لمرتو والبنات سرت جدامو تريد تتكلم بس ماكدرت من وره عمي
ونظراتو
سدي الباب ياهيله
رحت سديتو ورجعت كعدت اگبالو
وتربعت سالتو
شاسويلك لفه
تكه وجثري طماطه
تمام
سويت له لفه جبيره انطيتها له سال
اكلج فگدت عم حميد
ماشفتو وي ابويه
راح لبيت عمي عايد يشوفو بكركوك
هاا
اكل اللفه بسرعه عرفتو جوعان كلش محضرة
له اللخ انطيتها له ظليت اسوي لها
وانطي تكلم
اكلي انتي ماخليتي شي بحلكج
اشبع وانا اكل
ابتسم صفنت علي
وهم گلبي مدري شصار بي من شاف هالابتسامه
ابتسمت له وكلت
عش مبتسم
وانتي عش مبتسمه
مبتسم لان شفتج ياهيله مرتاح رغم الوجع
لان اعرف روحي راح اطيب بس اشوفج
وانام بحظنج لمسه منج تطيب
اكبر جرح بيه وهالكعده
ماتعرفين وش
سوي بگلبي
نزلت راسي خجلانه من نظراتو وكلامو
كمل
وين ردج يبنت العرب
دحكت له وجهو يضحك ويريد جوابي
رديت
ردي دكات گلبي يازين
صفن علي كملت
العيون شافتك والگلب دك بفرح وهالكعده
وياك او اكعدها بيت طين راضيه والله
مادامك جدام عيوني ومابك
شي
يولي بهيده وياي تره تكسرت من خرب حظي
وين اولي هساع عگب ماسمعت
هالكلام الحلو
درت وجهي منه خجلانه من تلميحه سالت
اسويلك لفه اللخ
ههه شبعت يابه وحليت اكلي انتي
ابتسمت ولهيت روحي بالعشه
مالك
صعب خابرني وبلغني زين تصوب وجابوا
لاربيل گلبي اشتعل نار علي خابرتو طمني على
رحو وكال صوابي بسيط
ثاني يوم اخذت امي وابويه وفهد وطلعنا
الظهر وصلنا المغرب من الطريق والسيطرات
طبينا لمجلس عمي الشيخ وامي راحت لجوه الدار
تحمدنا له بالسلامه ومن ردنا
نشوف زين اخذنا له
طبيت للمجلس امي كاعده وي خالتي والهنوف
والبنوات سلمت
رحت لامه بوستها وتحمدت له بالسلامه
شلونو هساع ياخاله
والله يايمه مكسر اذا هو وكع علي حايط
شلون تريدو يصير
وينو اريد اشوفو
اي تعالو للغرفه الجوه
مشينا وراها هي وعمي طبو علي
وكالو
اجاك مالك وخالتك يازين
هلا بيهم
رحت علي بسرعه حظنته وكلت
الحمد لله على السلامه يول هاي شصاير
بيك
اسكت وخليها واحد ضايج من حياته
وراد يفجر روحو وحنا ويا على الواهس
ابتسمت من صنف امي بس شافت وضعه
زادت بالبجي حظنته وباسته من عيونه
تردد
اسم الله عليك يالغالي ضربه بافادهم
لذوله الجلاب كسر بايده الضربك
ههه خاله وادعتج ماظل بي عظم صاحي
كلو صار طشار
فهد ضحك وراح باسه وكله
المهم انت شحصلت من وكع عليك الحايط
ههه كسر وهزة عنيفه بالدماغ
اسم الله يابه ماتشوف شر
ابويه جاوبو وباسه من راسه وكمل وي
عمي
ماتشوفون شر بالزين ويارب تنذكر
ماتنعاد
االلهم امين
الكل رد دحكت للباب بنيه طبت خجلانه
سلمت
السلام عليكم
عرفتها هيله بنت العرب ابتسمت ودحكت
للزين رديت
هلا ياا
خزرني ضحكت وكملت
هلا ياخيه
ابويه وعمي واخويه طلعو من يمنا
راحت بوست امي صفنت عليها وكالت
هي هاي حرمه الزين
اي
خالتي ردت بضوجه انتبهت عليها الحجيه
بوستها مره اللخ وكالت
فدوه حلوه ومزيونه حرمتو للولدنا
امي دحكت له وكملت بضحك
يول هاي احلى من مرتك ذيج حتى دمها
ينحب ومو ثكيل
ابتسمت وغمزت اله رد
اعلمك يول خلي بس اكوم شلون ماافصمك
فصمين
هههه انت كوم بالاول وبعدين نتفاهم
رديت اضحك هو ابتسم وعيونو على
حرمته مشت من يمنا خجلانه فد مرة خالتي اخذت
امي وطلعن من يمنا كعدت يمه
سال
شوكت تزوج يول
هالاسبوع بس راح اجل كلشي من وراك
عش تاجل قابل متت هو صواب بسيط
وراح اكوم منو بعد جم يوم
لاتحجي هيج ولك يوجعني گلبي عليك
اوي عيني مااعرفتج استبرق
انجب بله ولاتجيب طاري الموت بعد والله ماتعرف
شصار بيه من سمعت الكاع مالمتني
ومااعرف شلون سقت
واجيت عليك
زين العابدين
ابتسمت من سمعت كلام مالك
كمل
يول انت غالي عليه جثير وحاسبك
اخ لي حالك حال محمود وفهد
يعز غاليك ابو تاليا وانت هم والله غالي علي
جثير وحاسبك اخ لي انت وصعب وحمد
على طاريه لهذا ماشفتو بالمجلس
مدري والله شفتو اول يوم من تصوبت
وبعد ما هجست اجه
سكت كملت
اذا تعزني مثل ماادكول تزوج ولا تاجل
اعرفك بومه يول استعجل لاطير منك طيرتك
ابتسم ورد
مااتطير يول احسها وكعت بشبجتي
هاا يالله الگلب مال
اي احسها هيج مااعرف احساسي يكول
بدت تحبني
ههه يول وش بلانا انا وياك يطيح حظنا
يله نسمع هالجلمه
سكتت من دشت هيله شايله صينيه
ضيافه الخدود حمر وخجلانه
من مالك كلش
كام وجاب طبله خلاها يمي
ويمو تكلم
كلفتج ياخيه
لا ياخويه هذا واجبك
خلت الصينيه دحكت لي ابتسمت بوجهها
ارتبكت وخجلت بعد اكثر ماتكلمت
بشي سرت من يمنا
وطلعت
ههههه نحن هنا يااب
اانجب بله
ههه مقبوله منك متصوب شاريد اسوي
بيك تراك ملعوب بيك طوبه
اسكت مالك مجتف وضايج كلش من وضعي
اعرف والله انت وينك وين هالسالفه طير
ماتحط بكاع مو مال تكعد بالفراش
جم يوم
اااي ياخويه احس الگاع گاضبتني بقوه
تهون ياابو شعلان اصبر جم يوم تطيب
وترجع تسري مثل الاول
اشرب جايك وانطيني وياك كيك
وجاي
ادلل اصيرلك حبه هيل اذا تريد
يول اانجب
هههه
بسيط ولك يجي يوم اعرف اسم حرمتك
شلون مااسمعك تغريدات تخبل
ههه تحلم
يجيك يوم يااظالم
هههه
خرب ضحك ابتسمت وكتلو
راح تغص وتموت قبل عرسك
اسم الله عليه خلي اعرس وافرح بطيرتي
يله اموت
ااسكت واگلب هالسيره جيتك فرحت گلبي
كلش
اي والله اني هم من شفتك ارتاحيت
كلش بطلنا نكعد مثل الاول والتهينا بهل العشك
تبت لله اسكت لاتذكرني بذيج الايام
السوده الله وكيلك احس روحي صرت انسان
ثاني نظيف وصفحتو بيضه
الحمد لله نفس الشعور هم مثلك احس
ومرتاح كلش من عفت الشرب
والنسوان
ااي الله يثبتنا على هالطريق
امين
شرب من الجاي سال
اكلك هاي شنو برگبتك
ضميتها جوة ورديت
لاتسال ولك
ههه حجاب من بنت المله موو
بنتك شلونها مرتاحه وي حرمتك
هههه اي مرتاحه وابوها هم مرتاح
الله يديمها عليكم هالراحه للابد
اللهم امين
هيله
التهينا بعشه اهل مالك وهم عمي جان
عنده خطار جثيرين اجوي يتحمدون بسلامه
الزين تعشه ويا بالغرفه وتعلل
يمه
شفته مرتاح لجيه ابن خالته وعلاقتهم جانت كلش حلوه اسمع ضحكهم يصل ليمنا
هاجر تكلمت بضحك
اسمعيهم شلون يضحكون
اي يارب دوم نسمع هالضحكه بالدار
اللهم امين
هيله وينج مو كاعد اصيحج
انداريت على امنه من صاحت رديت
هاا شتريدين
تعالي خلي نشيل دبات الغاز ونخليها
وره الدار
اي هساع اجي
صبي جاي خلي هاجر تروح معها
جده تكلمت واشرت لها ردت
اي هساع اروح
عش ماتجي هي
امنه سالت بضوجه جده خزرتها وكالت
اامشي سوي الشغل وبل لغوه زايده
ماردت سرت ضايجه ووراها هاجر التهيت
اصب الجاي للخطار الجوه بالمجلس
صبيلي ،،،،وياهم بس لاتخلين شكر
جثير
ادللي جده
تسلمين يمه
خليت الاستكان يمها ووديت الجاي للمجلس
قدمتو للخاله وام زين والهنوف
كالت
تسلمين هيله
بالعافيه ام زين
سريت عمه صاحت
جيبي مي الا واحد يكول الكم
ام مالك دحكت لها وبعدين على الهنوف
ردت بضوجه
يمج الماي يمه
حار مو بارد
هساع اجيب بارد
سريت من يمهم جبت مي عگبت الهنوف
تلكتني اخذتو مني وكالت
روحي ارتاحي تعبتي اليوم
لا خليني وياكم اكمل وهم الولد ابن خالتج
بعدو يم زين
لا طلع قبل شويه وراح للمجلس
هاا
اي روحي اسبحي وارتاحي ماعدنا
شي بعد
تمام
رحت للمطبخ اخذت فواكهه حلويات
وعصير لزين وعگبت لغرفتي دشيت متمدد
ومغمض عيونو خليت الاكل بهدؤ،على الميز
سديت الباب ورحت للكنتور طلعت لي هدوم
سريت للحمام دشيت غسلت وطلعت
لافه شعري بالخاولي
هم بردت وثلجت هالحاله مااعرف ليش صايره
بيه رغم الجو حار وجنا بتموز دحكت
لزين مو متغطي ومبين
علي محتر
ردت البس شي ثخين لان بعد مااكدر جنت
ضامه الشتوي حرت شالبس
كلت خلي اتغطه باللحاف
بلكي ادفى
رحت تمددت بهداوه حتى مايكعد
لفيت روحي باللحاف وغطيت حتى راسي
گضبتني البارده ردت اروح لحظنو
بس كلت لاا يكعد خطيه
ظاليت ارجف واريد بس ادفى اغمض
والرجفه تكعدني مدري شوكت دفيت وغفيت
ليان
مالك كلي راح اسافر لاربيل لان ابن خالته
تصوب عرفته ابن الشيخ الي اجه وعلكها
على راس اهل ايهم ضجت كلش
وانقهرت علي
لان ابوه مواقفه ويانا جانت كلش حلوه
بالاضافه جنت اعرفه هالواحد
لاهله
من سافر مااعرف ليش حسيت بالخنكه
بغداد بكبرها فرغت عليه وعبالك بس هو جان
بيها ومالي عليه الدنيا
كاعده بغرفتي وتوته تلعب يمي جهازي دك
جان هو فتحت الخط بسرعه
وكلت بلهفه
هلااا مالك
سكتت لثواني ورد
هلا بالغلا كلو
ابتسمت مارديت هو كمل
شلونج انتي وتوته
بخير انت شلونك ابن خالتك شلونه
الحمد لله هو تكسر بس بعدو صامد
ياا خطيه متاذي يعني شصاير بي
ايدو مكسوره وراسو مفجوخ
يعني شنو مفجوخ
هههه مجروح يولي شلون وياج راح اجيبلج
قاموس بلغتنا
ضحكت ورديت
تسوي فضل والله حتى افتهم عليك
ومااظل مثل الاطرش بالزفه من تحجي
وياي
تصيرين يمي واعلمج كلشي
مااعرف ليش حسيت وره كلامه نيه سؤ
خجلت وحسيت بنار بخدودي
مارديت هو كمل
الو
هياني
هاا عبالي انگطع الخط
لا ماانگطع
عجل ليش سكتي
هاا التهيت بتوته
باوعت عليه كملت
هيانه بابا تحجين ويا
اجتي ليمي خليت الجهاز يم اذنها حجت
بابا اوه
ياا خير شبيج اوه
ااسكت مالك الوكحه صعدت الدرج
وره كيتي ووكعت من اول بايه
مااتاذت بس سوتها مناحه
مره تاشر على اصبعها مره راسها
مره رجلها ماااعرفنا
وي الاوه التحجي بيها
ههههه
خرب ضحك ابتسمت هي الوكحه سدته
بوجهه وضحكت فكيت عيوني
وكلت
ووج هاي شسويتي سديتي بوجهه
بابا
دك فتحت الخط نوار طبت شايله
كهوه كالت
جبتلج گهوه تخبل
اي اجتي بوكتها
خلتها يمي توته راحت الها شالتها وطلعنا
من يمي
الو يابه
ها مالك
اشو انسد
والله مو اني هاي بنتك الوكحه
ههه هاي غير متعلمه سوالف
اي صايره فد وحده ومتعلمه سوالف
حلوه كلش
اي تسد الخط بوجهه ابوها هاي السوالف
الحلوه
ضحكت ورديت
تمون مو انت ابوها
مالك
اسمع ليان تحجي وياي براحه وتضحك
ابتسمت ورديت
اي تمون وانتي وياها
سكتت سمعتها تنهدت وسالت
شوكت تجي
ليش ليونه اشتاگيتي اليه
ماكو رد ذبيت حسره ردت احجي هي
كالت
اي مالك
گلبي مدري شصار بي زادت دكاتو وفرحت
من ردت هالرد ماحجيت شي
انتظرتها تكمل
مااعرف حسيت بغداد فرغت عليه من
سافرت لاربيل
لو ادري البعد يخليج تحجين هيج كلام حلو جان من زمان بعدت وخليتج تحنين اليه
ماكو صوت كملت
يولي ماتعرفين هالكلام شسوه بگلبي
ردت بصوت مخنوك
شسوه مالك
لعب بحالي لعب وخله دكات گلبي تعبر
المليون
سكتت واني هم كلت وره لحظه
احبج يولي يجوز هالكلمه ماتوصف الجاي
احس بي بس ماعندي غيرها
اعرفي هي طالعه من
جوة گلبي وباصم
عليها عقلي
وصارت عهد علي للموت
اسم الله عليك لاتحجي هيج گلبي
يكوم يوجعني
جثير هيج على گلبي ووريتني ور يولي
وين اولي هساع وين اتگبل
بهل الدلهيمه وانا
بعيد عنج
شنو مالك
ههه هم اترجم مو
ههه اي يعني افتهمت هوايه وگلبي بس
هذني عرفتهن
كلت شعلتني شعل وين اروح
بهل الليل وانتي بعيدا عني
ليان
خجلت من كلامه ومارديت
ليونه
ها مالك
باجر ارجع باذن الله لايظل بالج عليه
خابرني كل مشوار حتى مايظل بالي عليك
تمام ادللي محتاجه شي من هينه
لا سلامتك مااريد شي
اني طالع هساع وي الولد واشتريت جم
شغله الج ولتوته وللاهل كولي
اذا تريدين شي اجيبه
الج
جيب زي كردي لتوته
جبتلها وانتي وياها لونه احمر بلون شعرج
ابتسمت وكتله
اي حتى من صدك اطلع جزرة
هههه خوش لقب راح اسميج
من وغاد انسه جزرة
مالك ازعل والله
هههه اراضيج ليونه
خجلت من رد هالرد كمل
والله اليوم ضحكت ضحك مو صاير
دوم الضحكه يارب
امين والج هم هساع اروح لان عفت الولد
جثير
براحتك بس طمني عليك لاتنسى
تمام حب مع السلامه
الله وياك
سديت الخط مبتسمه واحس بالراحه لان
سمعت صوته شعور مااعرفت اوصفه غير هذا
بدايه حبي لمالك
زين العابدين
هم ذبيت روحي ونمت نومه ثكيله كعدت
ودحكت للساعه جانت بالتسعه
دورت على هيله ماهيه
بس كوم لحاف متكوم يمي ومو مبين
منها شي
فان حظج عش متغطيه بهل الحر
مديت ايدي وخرت اللحاف اريد اشوفها وش
بلاها هيج لافه روحها
حست ووخرت اللحاف من عدها
دحكت غافيه وصايره هوسه ،، خاولي ملفوف
على رگبتها والشعر مغطي وجهها
هيله
ااش ماننام
ابتسمت من ردت هالرد عرفتها مو بوعيها
كلت خلي ااتحارش
كرصتها من خشمها
ضاجت ووخرت ايدي گضبت ايدها بارده
ثلج عكدت حواجبي جسمها
ماجان هيج ليش
صاير ثلج بهل الفتره
گضبت ايدي وخلتها جوة خدها
ابتسمت جن ارتاحت من حست بالدفو ردت
اخذها لحظني لجن وضعي ماجان
يسمح مكسر وفاين حظي
ماسحبت ايدي خليتها
جوه خدها
ظليت ادحك الها مبتسم ومرتاح لوجودها
بحياتي كربت مني وحظنت خصري
خلت وجهها يمو وكلت
هيج انتي دخلتي ارض حرام وراح
يفين حظي بعد اكثر
تكلمت وهي غافيه
ااحظني
يولي غير لو اكدر
وخرت دحكت لي كملت مبتسم
وريتني يولي ليش هيج يبنت المله خافي
ربج بهل العبد المسكين الظل
بس يدحك لج ويتحسر
كعدت صفنت عليها وحبها جبير
بگلبي الثوب قصير والشعر منثور على
وجهها وجتوفها ونازل لجوه سالت
شلونك هساع
مو بخير
اسم الله شبيك
فزت وگربت ليمي
يولي وجودج يمي تعب لگلبي
هاا
الكفيها ولج لاتعلين گلبي
افتهمت والخجل ترس ملامحها جرت خصله
من شعرها ولهت روحها بيها صافن
لها ومبتسم رفعت عيونها
لي تكلمت بخجل
لاتبتسم هالابتسامه
ليش
هيله
سال رافع حاجب مارديت كمل
سالتج ليش
كمت لزمني من ايدي وجابني لصدرو بهداوه
خليت عيوني على صدرو وتهربت
من نظراتو لزم حنجي
ورفع راسي دحكت
له سال والعيون تضحك
سالتج ليش ماابتسم هالابتسامه
غمضت ورديت
تخربط كلشي بيه
بسرعه حبني وحظني بايدو الزينه
لصدرو بقوه حظنتو وبادلتو هاللهفه وخر مني
بصعوبه وهمس بصوت مخنوك
وين اولي هساع وشلون وي الشوگ
سحبت روحي منو وجهه غادي دم ويدحك
لي بنظرات فاضحه حبو لي
الباب اندك كمت بسرعه لبست روب وشال
رحت فتحتو جانت امو دشت بدون
سلام وراحت له
صباح الخير يمه شلونك بهل الصباح
بخير حجيه
كعدت حدو رحت اخذت دشادشه ودشيت
للحمام بدلت وطلعت هي بعدها يمو
تكلمت بامر
روحي حضري الريوك للخطار
اي هساع اروح
شلت الصينيه انتبهت وسالت
عش موو ماكل شي اكيد تاخرت عليك
والتهت بالسوالف وخلتك تنام
بدون ماتاكل شي
خير يمه شبيج اشوفج نازله حدره ونص
على هيله
زين رد بغضب تكلمت بسرعه
ماكو شي شايله همك وتريدك تاكل لكمه
زينه
دار وجهو منها هي تكلمت بمسكنه
ماكلت شي يازين انا اريدك تاكل وتعوض
الدم الي فقدتو
مافقدت دما جثير الله يساعد الي تنبتر
ايدو لر رجلو شيكول هو نص دمو يصفى من وره
صوابو
محد رد سريت سمعتو كال لها
يمه اليكدر هيله يگدرني اانا وياها
طلعت ماحبيت اظل عرفتو ماراح يسكت لان
انتبه اكثر مرة لتعاملها معي
رحت للمطبخ الهنوف به هي وهاجر صبحت
عليهم
صباح الخير
هلا هيله صباح النور شلونو اليوم الزين
الحمد لله احسن من البارحه
يالله يارب دومو زين وبعافيه
امين
سالت من كمت ارد الفواكهه للثلاجه
وين البنوات
عكبن لدارهن هن وزلمهن
ها الله وياهن مااقصرن لا هن ولا الولد
اي يله سويت لج الريوك انتي وزين
تسلمين عمري بس الخطار وينهم ماشفت خاله
طلعو من الصبح وعگبو لبغداد وسلمو
عليكم جثير
الله وياهم يوصلون بالسلامه ان شاء
الله
امين
عمه اجتي كالبه الخلقه الهنوف انتبهت لها
وعكدت حواجبها كعدت جرت سله
الدوه مالتها وتكلمت بغضب
مع هاجر
جيبي زقنبوت
خير يمه وش بلاج
ماابي شي لااحد يسالني
انهدت بالهنوف رفعت حواجبها ودحكت لي
كلت
اودي الريوك لزين
هزت راسها شلتو ورحت له دشيت كاعد
وبايدو جگاره ويدخن كلت
عوف الدخان مااماكل شي
خليت الصينيه يمو ورحت سديت الباب
عگبت كعدت اگبالو صفن عليه
ضايج ووجهو متكدر
ابتسمت له كال
يولي امي كااعد ادوس بطنج جثير وانتي ماتحجين لي موو
لاا ماكو شي من الكلتو
رديت وسويت له لفه بيض خليت طمامه
بيها مديت ايدي مااخذها ظل
يدحك لي بضوجه كلت
اكل وفك ريكك وذب هالجكاره دخانها
ضوجني
كااعد اسالج ياهيله
وجاوبتك يازين ماكو شي من الي بالك
وتره عادي كلامها هي خايفه عليك وتريدك
تاكل حتى يرد لونك
حركت ايدي باللفه وكملت بضحك
هااك اكل راح يبرد البيض وانا اعرفك ماتحبو
بارد
مامد ايدو گضبت الجكاره واخذتها منو
ووخليت اللفه بيها هددت
راااح اغصبك على الاكل مثل الجاهل
ابتسم ورفع حواجبو ورد
بله صدك
ههه اي شبيك مو مصدك تعرفني كلش زين
انا گويه واكدر اتلاوه معك
لزم جرح صدرو ودحك لي بنظرات
خلتني ارتبك واعض شفتي
كلت بتردد
ذكرتك بشي مااتحب تسمعو موو
لاااا ابدا هالجرح غالي وكتلج راح يظل طول
عمري وشم به ويذكرني بيج
ابتسمت وشلت خاشوكه مربى
مشمش وخليتها بحلكو كال
اكلج تره ايد وحده متصوبه يعني اكدر
اكل بايدي هاي
يعني ماادلل
ههه لا دللي يابه وجثري دلال بيج
بطلت اكل انت
ولج لاتلعبين بالنار
ههههه
ضحكت بصوت دحك لي بذهول عض
شفتو وكال
صوتج مال الصكعه عبر الغرفه وراح لمجلس
ابويه
سديت حلگي گوة اضحك وكاتمتو سال
العيون تضحك والوجهه وياها
عش ضحكتي هيج
ههه
كافي ضحك ولج وجاوبي
ماكو شي
كمت من يمه كاتمه ضحكتي شلت الصينيه
يدحك لي بنظرات وكحه
وديها وتعالي انطيني الدوه
اي هساع
طلعت بها هاجر تنظف بالتخم مال الصاله
شافتني ابتسمت وكالت
ضحكتج عبرت قاره اسيا
ابتسمت وكلت
اخوج ضحكني
ههه دوم الضحكه يارب
امين
سريت للمطبخ جلفت المواعين وعگبت له
كاعد وملتهي بجهازو اخذت علاكه
الدوه وكفت يمو طلعت
لها حبايه وره الريوك
كلت
هاك اشرب هاي
اي جيبيها
اخذها شربها ووياها كبسول رتبت
الغرفه من ردت اطلع كال
تعالي عدلي المخداديد ورايه
اي
عكبت ليمو دنكت سحبتهن من وراه
عدلتهن كلت
هيج احسن
لااااا هيج احسن
حظني بسرعه وجابني لصدرو بقوه صحت
زين رجلك
بعييده ولج وهساع كولي عش ضحكتي
من كلت لاتلعبين بالنار
هههه
دحك لي وهو يريد يضحك مثلي صفن بعيوني
سكتت گوه ولميت شفتي ردد
اعلمج يولي اطيب واشوفج نار
گلبي المشتعله شراح تسوي بيج
نزلت راسي وركزت بنظري على صدرو گربني
منو وحبني من رگبتي وشمها بنفس
طويل ردد بهمس
ااوف هينه اضيع يولي واتيه حتى اسمي
وخرت منو وجهو غادي دم ونفسو ثكيل
لزمت خدو وحبيتو منو لمني
بقوه لصدرو جن
يريد يخليني ضلع من ضلوعو
وخر بصعوبه گضب ايدي رفعها وحبها تنهد
وكال
ايدج بارده كلش يولي بيج شي احسج
مريضه وماتحجين
لاا يعني مدري مرات احس روحي مو تمام
ومرات لاا
خلي الهنوف تاخذج للدكتوره
مايحتاج اعرف وش بي
صفن عليه رديت مبتسمه
بيه انت فراكك تعبني وماجاي انام جثير
ولا اكل زين
ذب حسره وكال
هانت ياهيله ماظل شي وتحرر ارضنا من ذوله الجلاب من
تصوبت جنا مسافه عن الوادي
ياا صدك
اي والله لاحت لي ديارنا ومابقى شي وتتحرر
يالله يارب نعكب لهناك باقرب وكت لان ماحبيت
الكعده هينه
ولا انا شكثر رحت وسافرت بس ابدا ماشفت
مثل ديارنا هناك الهوه يختلف عن اي
مجان
اي والله كلشي يختلف وشحلات من جنت
اطلع الفجر انا ومهره
زين العابدين
هيله ذكرت مهره وسكتت ولاح الحزن
بعيونها وجهها كلت
لاتكدرين حالج من وراها يجوز مابها شي
وظلت يم ناس ماانزحو من ارضهم
مدري يازين شايله همها هي وهايل
اي والله انا هم افكر بي هو والخيل الي عفنها
ورانا
تنهدت ودحكت لي ابتسمت وكلت
تهون ياهيله ماظل شي ونعكب لديارنا
مالك
عرسنا اني وليان قرب والتهيت اجهز
اله فرحان والدنيا ماجاي تلمني من فرحتي
اخوتي وياي وولد عمي يسر اجه
يضحك وكال
خوش بوري ولك جنت تريدها بس ماتحجي
سكوووتي من يومك وسرك بير
ضحكت وكتلو
الله يعوضك بالاحسن
ههه لكيت بس مو نفس الموديل
اانجب طايح الحظ وحشم هاي صارت مره
اخوك
ههه تحشمنا يابه وسكتنا خاف لاننضرب
بوكس يزورك عيونه ووحنا وراانا
عرس وزفه وخطوبه
يالله يعني احضر روحي للمهر
اي نعم وعم شعلان معك وزين
خلي يطيب هو وبعدين يجيك بالعرس
خابرتو الكواد يضحك ولا عبالك مكسر
وفاين حظو
ههه زين بعد يلاوي الموت وهو يضحك
اي اعرفو گوي الله يخلي لعم شعلان
ويحفظو من كل شر
امين يارب
اكلك شوف هالقاط حلو موو
اي بس زين رحمه لاهلك
اي عجل شلون خما اروح بهل الكفشه
واللحيه غير انطرد من
العروووس ام شعر احمر
اخوتي ويسر صاحو بضحك خزرتهم وصحت
ببهم
اانجبو طايحين الحظ وسدو حلوكم لااا
اكوم افلش هالسنون واخليكم
وجه العجوز الواكعه
كل سنونها
ههه سكتنا يابه
فهد رد محمود كمل بشقه وهو كاتم
الضحكه گوه
بس تره النسل راح يتحسن
طاايح الحظ اسكت عاد وسد حلكك
ههه سكتت بس لاتعصب
عدلت ياخه القميص ودحكت لروحي بالمرايه
فهد كال
تحفه هالقاط مفصلك تفصال وبارز العضلات
اكلك تلعب رياضه
ياارياضه ولك هو اني منين عندي مجال حتى
اروح جم
رديت على يسر لزم زندي وكال
جذاب والله تلعب لان عندك عضلات
اجيب خبزه واحلف عليها حتى تصدك داكلك
ماارايح جم هذني اعصاب مشدود
اي يسر تره مالك من يومو هيج جسمو
والله مدري اشوفها عضلات
اجرب بيك اضربك بوكس اخلي اعصابي كلها
بي وتشوف شلون ماراح يتطشرن
سنونك الاماميه كلها
هههه لا عيني مااريد
رد يضحك امي طبت
شافتني بقاط العرس كامت تهلهل وعيونها
دمعت اجتي حظتني وباست
جتفي بست راسها
كالت
مبروك يمه وشايف كل الخير
امين حجيه حلو عليه موو
يخبل بعد امك وطالع بي جن شيخ
ههه راح اصدك يمه
صدك بعد امك مو يكولون هاي الرادها وهاي
التمناها بنت الشيخ لابن شيخ جبنها
امي كامت تهوس لي وتغني هوسات اهلها
اخوتي دخلو بالجو واشتغل اارگص
والهلاهل
اضحك ووليان بين عيوني شلون راح
تطلع بالعرس وشلون راح يتحمل گلبي شوفتها
وشفتها بيوم الخميس من طبيت للقاعه بزفه
حلوه من اهلي كاعده ومتغطيه لان طلبت هالشي
وكفت يمها العيون علينا اخوتي وولد
عمي سوو دبكه وعلگوها
علك رفعت راسها
والتقت العيون
ليان
الايام مرت بسرعه وكل يوم يمر عليه
اكول ايهم راح يسوي سالفه ويخرب عليه
فرحتي بس مااشفته بعد ولا اجه ولا شوفني
خلقته يوم عرسنا اجه وسوينا الحنه والعرس
بنفس اليوم جنت مرتبكه كلش من هاليوم
مااعرفت شلون اتصرف سلمت روحي
للبنات وهن ماقصرن
نوار وياي وتماره وروان وارؤى بنت خالتي
حجزن الصالون واختارن وياي البدله
اخذتها تخبل نازكه وكلوش مفتوحه
من الصدر مغطيه بتور خفيف هي والردن
كاعده، ،،، بالقاعه مرتبكه وخايفه وخجلانه
من النظرات الي تباوع عليه باعجاب ماما
يمي فرحانه بيه وعيونها مغوركه
صفنت عليها،،،،تذكرت ذاك اليوم من اختاريت
بدلتي ورجعت بيها للبيتنا فرحانه بعرسي
وبايهم
غمضت عيوني وكلت وي روحي
انت وين ومالك وين فرق السما عن الارض
فرق جبير شفته بينهم وخلاني ااحمد
الله عوضي جان رجال مثل
مالك كله غيره ومروة
شفته شلون يغار عليه ويريد يضمني عن عيون العالم ومايريد احد غيره يشوفني البنات من شافنه
هيج كالن هذا تملك بس اني شفته غيره حبيب على حبيبته والبنيه تحب تشوف هاي النظرات بعيون
زوجها وحبيبها
ايهم ماجان هيج جان يحب يتباهه
بيه وبجمالي اذكر كلامه اليه
اني اريد اتباهه بيج كدام الناس اريد
يشوفون اني شماخذ ملكه جمال
تنهدت رفعت عيوني الكل فرحان والبنات
يرگصن ويدزن بوسات اليه ابتسمت من شفت
روان ذبت فلوس على تماره الضحك
ترس الصاله
نوار اجتي حجت
راح يجي مالك والولد
گلبي هبط وحسيت بوجع بمعدتي غطتني
بالكاب هي وامي كلامه اجه بالي
ليونه مااريد احد يشوفج ضمي روحج عن
عيون الولد من يطبون للقاعه
سمعت صوت الهلاهل
كلبي كام يدك بجنون رفعت
عيوني صارت بعيونه بنص اهله واكف وفرحانين
بي كلش نزلت راسي من ابتسم اليه
اجه كعد يمي ارتبكت بعد اكثر وزاد من لزم
ايدي انتبهت لابس المحبس الذهب
الي اشتريته اله
اخوته اجوي اخذو وسوو دبكه ولد مااعرفهم
ذبو علي فلوس هوايه امه بنصهم تركص وتهلهل
اله هي وكم وحده جبيره بالعمر
ووج ليونه علكت
روان اجتي ليمي تضحك وفرحانه بيه
تماره هم كوه واكفه يمي وكل ساع تهز رگبه
العب بيها يااابو سميره
حجت يم اذني وخلت جسمي يگزبر بصعوبه
كلت
عفيه ااسكتي تره خاايفه كلش ومتوتره
هههه ااجي وياج
انجبي ولج
هههه راح انزل وياهم شدكولين
ااي انزلي واصورج وادزه لرجلج
هههه حتى گبل لمحكمه الكرخ يطلك بالثلاث
اسمع سوالفها هي وروان وعيوني على
مالك فرحان وكل ساع عيونه تجي عليه هالنظرات
لعبت بحالي لعب ومااعرف شصار بيه
مشوار كالو خلي نزفكم اجه عليه كمت
لزمني من زندي وحجه يم اذني
ليونه غطي روحج زين مااريد اي شي يطلع
منج
اي
الولد طلعو قبلنا وظلن بس النسوان طلعت
ويا بزفه حلوه وهلاهل واغاني فرح
سيارتنا جانت يم الباب
كلي راح ازفج بايدي
وسوها صدك حجه
اصعدي على كيفج
صعدت وهو ساعدني من شالني وكعدني
بسهوله عدل اليه البدله لميتها ويا
عيوني اجتي بعيونه
صفن عليه بس
ماحجه شي ابتسم سد الباب واجه
صعد يمي كعد وباوع عليه حجه
يولي دحكي عليه خلي اشوفج زين
وخرت الكابه من وجهي وباوعت علي الوجه
يضحك ابتسم وعض شفته
وكال
هساع انا شااكول الله يحبني لو امي داعيه
لي بليله القدر لو اني بختي جبير يم
ربي
نزلت راسي وصفنت على باقه الورد بايدي
سمعت صوت هورن دك كال
اايوم ازف محبوبه گلبي بايدي واشوف
الناس فرحتي الجبيره بيها
حرك وشغل اغنيه عروستنا باوعت اله فرحان
بيه كلش ووجهه يضحك ابتسمت
وصوت تردد بداخلي
افرحي ليان وعيشي هاي اللحظه بكل
تفاصيلها مالك يحبج وانتي هم تحبي وهذا يوم
العمر الي اي بنيه تنتظره وتريد تعيشه
وي الي حبه گلبها
باوع عليه ابتسم وغمز اليه
طالع حلو موو
درت وجهي وخجلت كلش منه لان شافني
صافنه علي لزم ايدي وباسها
خلها بحظنه وحجه بضحك
اعرف روحي مو حلو بس هاهي بعد تلبستي
بي وصرتي مرتي وهاي زفتنا ومابقى
شي ونوصل بيتنا
مااعرف شلون صوتي طلع ورديت
جان بعد وكت هالحجي
هههههه
خرب ضحك باوع عليه بعيون مغوركه من
الضحك وكال
يولي اجبري خاطري شويه وكولي لا انت
حلو وتخبل
سكتت مارديت رد
ههه ماكو امل موو
ولد وكفو السياره كدامه ونزلو يرمون
بالمسدس عكد حواجبه وكال
راح يسون سالفه مو حلوه بهل اليوم
نزل وراح الهم اباوع علي خايفه لان اهله
وكرايبه كلهم نزلو ناس يركصون وناس ترمي
حجه وياهم وكل واحد راح صعد سيارته
وحرك رجع ليمي عيونه عليه ومبتسم
صعد وكال
يالله
حرك وكمل
ذوله يمشي بدمهم بارود مو دم مايكدرون اذا
مايرمون فشك
باوعت اله ضحك وترجم
طلقات يابه
هاا
رجعنا للبيت وسيارات هوايه ورانا مااعرفت
هو عدنا هلكد اقرباء بغداد وحتى ناس اجتي من الشمال وكركوك وكلهم من
عشيرته
وكف سيارته يم بيتنا نزل واجاني فتح
الباب باوعت لييت اهلي لمحت بابا وره الباب
يباوع عليه فرحان بس وجهه
مطعون دموعي نزلت
مالك انتبه عليه عكد حواجبه بس
ماحجه شي
طبينا سوه امه تهلهل هي ونوار ونسوان
اخوته وكم وحده امي طبت وياي ورحنا للاستقبال
كعدت هناك وهو طلع
باوعت لماما وكلتها
شفت بابا باب بيتنا مقهور وجان يباوع عليه
اي ادري بي هسه اروح علي بس تروح
الناس
مارديت كم
