رواية ليتك قدري الأول الفصل الثالث والاربعون بقلم رفل الكناني
واكفه كلشي ممفتهمه غير بارق يكول الخلدون
انت صاحي كلب ابن الكلب شلون تنهب البنيه لك هسه
اني شسويلك
بارق بس خل افهمك والله مناهبها احبه واريدها زواج وجنت رايد اشوفهه واخوهه شافنه بلباب خوما اعوفها والنهزم
جريته وياي وجبتهه
الله يصخم وجهك اذا تحبه ليش ماحجيت ليش ماكلت نخطبهه نزوجك لك راح تصير فضيحه كلي شسويلك
اضربك لك صاير بطولي شلون الله بلاني بهذا الليل الاكشر ادري شلون تجيبه وياك شلون
لعد اعوفهه غير يموتها اكو غيرها
وطبك مرض خايف عليها لو خايف متروحله بنص اليل
اخوك العار مهند ابو النسوان وينه يدري
لاميدري دكيت عليه مغلق وماكدر اخذهه لبيتنه امي
مريضه اخاف يصير بيهه شي مالكيت غيرك واجيتك
هااا يعني تفكر اكو نعال براسك وديشتغل لعد شلون تسوي هيج
همه يحجون واني فتهمت السالفه رغم صياح بارق واعصابه بس عرفت كولشي البنيه وره خلدون بتراك البيت والشال عل راسهه وبس الدموع تنزل واني صافنه عليه صاح بارق حتى هيه جفلت
جيبي النعل الجكاير والفون
ركضت بسرعه جبتهن نطيتهال كال
اخذيها بلغرفه
اشرتله بيدي امشي وهيه عينه عل خلدون هزلهه راسه روحي وياها اجتي دخلته الغرفه وكمت اللملم بالغرفه لن ملابسنه مطشره هيه مستمره تبجي كالت
عفيه لاتفهموني غلط عبالكم اني من ذني الموزينات والله
اني بنت عائله بس احب خلدون ويحبني
لتفت عليه كتلها: هوه منو حجه؟
مادري بس رجلج يخوف وحيل عصبي وميتفتهم ولا عبالك هوه وخلدون اخوان
تره موهينه انتو مسوين كارثه
كامت تلطم عل وجهه وتبجي
والله مو اني والله هوه خلدون اليوم جلب ال اشوفج اااااخ لوميته ولاهاي السوايه والله اهلي راح يذبحوني
رغم حالته وبجيهه كلبي مرف عليهه ولاستخطيته لان من ايدها لو كل الحب شنو تخلي يجي لبيتج وين الاحترام
وين ثقة الاهل ليش البنيه تنزل نفسها علمود تمشي وراه كلبها يحبج صدك يريدج يجيج من الباب لازم الميرضاه على نفسه ولاعلى اخته ميرضه عل غيره يعني يقبل اخته
تخابر او تحجي ويه أحد غير لعد ليش يقبل البنت العالم وانتي البنت نفس الشي شلون تقبلين عل نفسج واهلج خطيه شنو ذنبهم تالي عمرهم تصيرلهم فضيحه من وراج
عفتهه مجاوبته اجاني اشعار عل فون فتحته من بارق
كاتب : اخذيها الغرفت الجهال اريد اجي للغرفه
كتله كومي وياي كامت دخلتها للغرفه كتلها اكعدي هنا وعفته وطلعت اجه بارق للغرفه كال : طلعي ملابسي
وين رايح بهليل
هبه طلعي ملابسي وسكتي داشوف شسوي بسوايت
هذا العار
شفته فدنوب نار كبره ماحجيت طلعتهن بدل وكمل وفتح الكنتور طلع المسدس لو تخبلت
بارق الخاطر الله شتسوي بي
شبيج بابا كلشي يصير عبالج أهلها راح يسكتون
ادري بس فهمني وين رايح
رايح عل مهند لعد هوه الجبير بس بلاسم
فدوه لعينك الساعه 2بليل دكعد والصباح رباح
اهووو لاتدخلين وخري خل اطلع
عافني وطلع واني وراه طبك باب الشقه وراح لتفت على خلدون كاعد وايده عل راسه من شافني كال
هبه والله العظيم مادري راح يصير هيج وبارق مديتفاهم اني جان اخذتهه لبيتنه بس غير امي تنصدم وتموت
ادري خلدون ميخالف تره بارق خايف عليك وهوه عصبي وانت تعرفه
هبه مدينطي مجال احجي سبني وبعد شويه يضربني ياناس ياعالم والله مناهبهه داحجي وياها من الباب واخوهه طلع اكوله هيج يكولي لا اني أعرفك مسقط
خلدون اصبر بلكت تنحل تحمل بارق اخوك الجبير وكلبه عليك عوفك منه وخليك بهاي المصيبه
استغفر الله انعل حضي اني شوداني وينهه وينهه هاي راح تنذبح من ورايه صحيلياه
رحت صحتها اجتي يمه تبجي وهوه يهدي بيهه ماعفتهم وحدهم همه بيتي مامنت بيهم تبقى بنيه ويم رجال غريب حتى لو الوضع مشحون بس الشيطان موجود ساعه كامله
ال اجه بارق وياه مهند رجعتها للغرفه وهمه تلاطشو واحد يرفع واحد يكبس وأكثر واحد بارق لو ينطي مهند مجال يمرعد خلدون للصبح محد شاف النوم واني شويه يمهم وشويه يم البنيه آخر حل توصلوله الصبح يرحون يخطبوهه وفعلا الصبح طلعووو سوه واني بديت انظف البيت
وغسلت الملابس وسويت ريوك توسلت بيها تتريك
مقبلت بس كاعده وراسه بين رجليه وتبجي وكل شويه تجيني عفيه خابري رجلج كتله كلشي ولابارق ماكدر احجي وياه بهيج وضع ادري بي اعصاب كالت لعد اخابر خلدون منعندج كتله عادي خابرته ورفضه شويه واجوي الوجوهه مكلبه جان وياهم ابو رقيه ومره جبيره كلي مهند:
ام يوسف اخذيهه جوه هاي أمها اجتي تاخذها
كتله تفضلي خاله دخلتها للغرفه البنيه من شافتها جيتت
عليها تبجي راسا دفعتها
ولج زينب يمصخمه يمعزايه ولج هاي تالي التعب والتربيه تنهزمين ولج ابوج نجلط واخوتج حالفين يذبحوج ليش هيج سويتي ليش لطختي سمعتنا خليتي اليسوه والميسوه يحجي علينه عماتج اكلن وجهي يكليلي معرفتي تربين هاي تاليتها لوميته ولاصاير هيج ولاشايفه هذا اليوم
عل كلام امهه عيوني جرن ونكسر كلبي شنو ذنب الاهل هيج أولادهم يجازوهم كتله :
خاله عل كيفج ويه نفسج انتي مره جبيره ومريضه
خاله شضل بحالي خاله تكسفت احوالنه انوب اجه ديخطبهه اخوتها يكولن نذبحها ولاننطيها جابو شيوخ الدنيه ولتمت العالم وماقبلو
وتالي شلون
دزوني اجيبها وابن عمها نهه عليها وراح يأخذها لبيتهم
هنا لبنيه كامت دك وتلطم وامها دكلها يطبج مرض موزين
قبل بيج صاحلهم مهند نطيتها جبه لبستها وطلعو وخلدون يكمز وهي عينها عليه وهوه يريد يوصلها وابو رقيه لازمه ويصيح والله متطلع والله محد يأخذها
كامله بارق ضربه بوكس طفر الدم من خشمه واشر لابو
رقيه اطلعو طلعو ومهند جر خلدون للمغسله يغسله وبارق كعد عل تخم وراسه ليوره اشرلي نزعيني الجواريب كعدت نزعته ومهند اجه يكوله
بارق لو تلزم نفسك وتبطل اعصاب لو تعوف هاي السالفه
احنه نحلها
ممممممممهند ليش تكفرني تره بلقران احلف ماادخل
واخليهم يسحلووو
اي دخل نتفاهم ليش بس تنعل وتشعل وتكفر تره اني اخوك الجبير شويه احترمني
سكت بس عل أعصابه وخلدون من شافه هيج سكت ومهند يأشرله اسكت شويه وكام للغرفه لحكته كلمه مااحجه بدل ونام كال ساعه وكعديني غطيته وطفيت الضوه وطلعت مهند وخلدون ديروحون جلبت بيهم عل غده مقبلو راحو ضليت مسطوره بهاي السالفه وعبالي لهنا وخلصت بس وين للعصر واخابروه وطلع ومن رجع روحه بخشمه عرفته متعارك بس ماكدر اسئله خابرت ايناس كالت اي متعاركين بارق
واخوها وبعدها جر وعر
بيومه ماله خلك الكولشي وحتى الجهال مدارللهم بال ويوم يومين اسبوع ونفس الوضع الصبح بالدوام ويجي ينام
ويكعد يروح لبيت مهند وراها يرجع بليل يلف راسه وينام
اي كلمه ميتحمل وحتى الجهال يخافون منه من يشوفو
هيج وهوه ميقارشهم ولايلعبهم فدنوب تأثر بهاي السالفه وبعد كل هاي المعناه نحلت القضية البنية اخذها
ابن عمها واحنا دفعنه فصل مال دوست البيت ومن صارت السالفه بيهه فلوس كلها تبرت مهند يصيح ماعندي اني عندي عائلتين وكعدت برأس بارق دفعهن عل لحيته وكتبهم تعهد بن ميوصلون ال خلدون ومن يومهه خلدون تهستر كام ميكعد بلبيت وكم مره اشتكت منه ام رقيه وهديل كالو يعوف امي بلبيت وحدهه
أيام مرت والمشاكل من وراه اهله معافتنه وهو ميعترف بااحد ولسانه والغلط ومن وره هاي السوالف احس علاقتنه بردت واني مدري شصارلي دوم مخنوكه ودايخه وبس نايمه واليوم نايمه بليل وحسيت بي ورايه يبوس بيه واني كوه مفتحه عيوني مابادلتا سويت نفسي نايمه ومعافني
هبه اكعدي مشتاقلج
بارق نام تعبانه
شتعبانه تره صار فتره عايفج
اي وهسه نص اليل تذكرت
اي شسويلج مدشوفين شصار بينه
ادري حبيبي هسه بعدنين نحجي نام
هبه لطلعين اعصابي داكلج مشتاقلج وين أولي
ترفزت وصديت عليه من لا جاره
صار فوكايه ويبوس بيه واني شتميت عطره نفسي كلبت مع العلم عطره خاص واني احبه بس اليوم مدري شجاني وفجأة خليت ايدي عل صدره صارت عيونه عل مكان ايدي كال
هاي شنو
بارق وخرر راح اتقى
ليش شكووو
مادري والله وخرر
هاي شنو حجه
بارق راح اتقى والقرآن مداتحملك
بتعد وكال
الله يطيح حضج مو صوجج اني صوجي
صد عل صفحه الثانيه ونام واني كمت للحمام غسلت وكلشي ماكو لا قيى ولا لعبان نفس رجعت نمت بس نقهرت عليه صرت بصفه لزمت كتفه
بارق زعلت
انطمري ولاتحجين
بارق والله مادري شبيه اليوم
اي كافي الصمي دانطمر
اوووف ليش هيج تسوي
راح اكوملج انعل حظج نطمري واسكتي
عفته وصديت عل صفحه الثانيه بس متت قهر وضليت اكتم لحد منايمه ومادري للصبح كعدت كالب خلقته وميتحاجه لاتريك ولا ابد بدل وطلع عرفته زعلان ياربي شسوي هوه حقه بس اني البارحه مدري شبيه كمت عل بيت شغل وتنضيف وسويت الغداء لحد وكت جيته جان كلشي حاضر دخل كعد بملابسه جبتله مي
الله يساعدك
هلو ويساعدج
بوس الجهال وكلهم يله دنروح عل بيبي ورفع راسه عليه
كال : يله بدلي دنروح عل امي
شنو
شششبيج طرشه
شبيك غير داسلك اني يايوم رايحه وياك لهناك
وهسه اريدج تروحين وراح نبقى يمهه هل فتره عندج اعتراض
اي ماروح
هبببببببببببببببببه
