رواية الطاغية والمغرور الفصل الرابع والاربعون بقلم يارا الياسري
قتلوني مرة بالاعراف ومرة بالسلطة والمال
لنسأل الاثنان الانفاس من الله والعمر بيد
الله من أنتم يا عبيد الحياة لتتسلطوا
على حياتي گتسليط الوجع بجسد مليء
بالسرطان .
___________________________________
لارا : حجيت بتعلثم عفية رحموني منو وداگم
علية؟
لا جواب .
تنهدت بخنگة تمام مالكيتوا غير هالمكان
القذر يعني فهموني شسويت أبتليت من حبيت
والله مستعدة أسوي لتردوا بس عوفوني بحالي.
رد واحد منهم كافي لغوة داخ راسي .
لارا:بجيت فدوة عوفوني شمسويتلگم ؟!
ترى هيج هواي والله تعبت شتردون ؟!!
رد ماندري شيريد منج أومر أجت وأحنه ننفذ
ترى نفسج بشر مانأذيج .
زين انت حباب عفية ساعدني .
رد اكلي نعل أساعدها خلي نساعد روحنا بدل
ماضالين قطات طرق وگل من هب ودب
لزك بضهرنا مصايبه .
سكتت بس كل خلايا جسمي تدعي بالخلاص
قلق خوف الفارق بين اول من خطفوني ذولاك كان ابالهم يغتصبوني
بعد مايخلصون شغلهم مبين من كلامهم ووقاحتهم لو ما خالتي جان خسرت شرفي
بس هالمرة شخص ويا شخص ثاني ومبين مو قصدهم ياذوني ينفذوني بس الغاية شنوو
راح اتخبل ياربي خالتي شلونها ؟؟ اكيد زينة شيراز مايسلمها لايد أبوي وعمي
نزلن دموعي اااخ ياقدري انت ضلمتني أما انا من ضلمت نفسي
بحثت عن اسباب لماحصل لي ربما هي عقاب نتيجة اخطاء
او ترك عبادة وصلاة او اختبار ليكون العوض جابر للقلب
لكن يبقى السر هل أتحمل مايقع بعاتقي
اااخ ياروحي العزيزة بيا عطش شمروج
مر يوم من سواده وعتمته قتمت احاسيسي ذكريات أبهر النور
ليضوي الدنيا بعيني ردت انحب وأدلل مادريت انذل وانكسر
دخيلك يالله ياقوي ياقدر ياحافظ احفظني من شرهم وكيدهم يالله
ان كان قوتهم بمالهم فان ليس لي قوة سواك وانت اكبر من جميع عبادك
يالله وكلت امري اليك واستغنيت عن البشر فاجعلي لي مخرج خير من
كل شر يالله سلمتك امري .
نرجع لبيت شيراز .
عشق بالليل أتصلت بعمي وطمني على رحيق ووصاني انتبه لخود
وبوست خود ياروحي خوداية ماما زينة وراح تزعل لو رجعت وشافتج تبجين
خود بدموع : دم دم ماما جانت تسبح بدم احمر كلها دم ولارا تصررخ
عشق : مطيت شفتي تعرفين خود اني كبرت وبابا من صغري مات
مالحكت اكبر باحضانه وماما ضحكت بقهر ماما تركتني وعاشت حياتها
هوواي اشتاقلها وأتمنى يمي من أتعب تمسد على راسي كبرت بدون ماحد
يشوق ضعفي شوكي بس اعترفلج شي حيل أحتاجها لا تخافين أمج حترجع
بابا أتصل وكال كعدت واول مافتحت عيونها كالت خود لا تضوجين
صفنت خود وسالت عشق عش يعني انتي امج ماتشوفيها .
عشق : أشوفها وادري بيها عايشة ومتونسة بس من أحتاجها مالكاها يمي
ياحلوة كافي بجي اعرف الدم مو سهل بعمرج تشوفي بس تنسين وماما تمام
واليوم انام يمج واحضنج حتى نكعد م الصبح نحضر شغلات لماما ونروحلها .
خود : كمزت يعني اشوفها ظ
عشق هزت راسي اي اشوفها تعالي نتمدد احجيلج قصة .
خود : اي
عشق : تمام كان في قديم الزمان اميرة تمسى حلوة الحلوات
خسرت ومات والدها بصغر عمرها ابتعدت عن امها تربت بقصر جدتها
بين عمومها وعماتها تدللت واشتروا لها من الذهب والمال ما تتمنى كل فتاة
لكن بقية قلبها فارغ من المشاعر خائفة وددت لو يشعرون بانها تحتاج الحب
مضاعف الاضعاف لكن لم يشعروا فمن يشعر بالابناء سوء الاباء والامهات
وهي خسرت الاثنان كبرت هالاميرة واصبحت تمتلك جمال اقفلت قلبها ذعرا
من كسر لها ذات يوم درست في احد الجامعات فعشقها شاب كالامير في الحكايات
وكان المشاكل والمناقرة بينمهم مشتدة فصدمت بحب اليها خافت فرفضت وأبتعدت
عنه والان تعيش بدوامة ندم وعشق ليها تتمنى لو أمها معها لتسالها هل هو مناسب لي ؟؟
ماذا افعل ؟ هل اقبل حبه ؟ هل عمي يوافق علية ؟؟ انها اميرة تائهة مجروحة
حمامة قصصت اجنحتها فتعيش بواقع لاترغب انتبهت ايدي ثكلت أبتسمت على خود
لنامت وهي حاضتني بوستها الله يرحم أمج الله ماقصر دزلج رحيق الي قلبها ذهب صافي
الله لايعشيج لعشته بدون امي سحبت بهدوء نفسي
اا نومت خود ورحت للبلكونة فتحتها لفحني اليلل بنسمات باردة كعدت على المرجوحة القريبة من البلكونة
صفنت بالسگف تذكرت لسمعته متخبلة من لسمعته معقولة؟!!
من أجه خبر رحيق عمو أتصل بية لكون
يعرف وبايلي مايوگع من أيدي .
گاعدة جووة يم زينة نضحك من تل فدولمة واني ماعرف
أتصل عمو هذا عمي مال عوايد يتصل هالوقت بية
رديت الو عمو .
شيراز بتوتر وبرود خلي تجي عمتج تاخذ خود رحيق متصاوبة واحنة بالمستشفى *
عشق : بشهكة شنوو أيدي على صدري خطية
عموو عايشة شنو وضعها خود؟؟
شيراز بعصبية : عشق لا طولين لو أعرف وضعها ماأطمنج خلي عمتج تجي .
غلق بسرعة .
زينة : عشق شكو ؟!!
صعدت أركض بالشبشب وصلت لغرفة عمتي
الي مفتوحة للنص والصوت ينسمع من جواها .
قزح بتهديد :سمر خلي أخلص من رحيق
وألا أبلغ أبهر كلشي گلتلج مدام مراقبتها
دزيلي عنوانها .
سمر:راح يهاجرن لا تورطينه أكثر خليهن
حايرات بزمانهن .
قزح :باعي من يوم فاتت رحيق أنتهت سعادتي .
أذ صار ورجعت أكلبها للدنيا .
سمر: على منو قزح دافنيها سوة من قبل
خبيت سرج وأكتفيت بالصمت والترحم
على جلبهار المسكينة لساعدتج وعيشتج حياة
بأحلامج تتمنيها بس شسويتي غدرتي بيها
أذ سكتت فلأن مالگيت دليل مو لان صدگتج
فمثل ما بطني حملت سرج سنين حملي سري
أقلها لاشهر حتى أخلص من لارا .
عشق : رجت الصدمة گل گياني طبقت
عيوني شاهگة لارد أنفاسي زفرت دهشتي
تزأمناً مع طلعت عمتي شافتني مرتبگة ومفتحة عيوني والصدمة محتلة ملامحي .
خزرتني بتساؤل وعقدت ملامح صارلج شگد هنا ؟!!
بلعت ريك هستوي أجيت ودخت من الخبر
لسمعت رحيق متصاوبة وعمو گال يريدج
تاخذين خود .
سمر شنوووخود بيها شي؟!!
وين أسالج وين؟!!
عشق سرسرحت بخيالي رجعت للواقع
على هدير صوت عمتي جأوبتها
بعدم أتزان هاا هاي شسمه المستشفى الاهلي
الي أخذن خود مرة علي .
سمر تمام
عشق خذيني وياج .
سمر: لا لا الوضع مامعروف أبقي هنا لارا لارا
وياهم أبهر ديربالج تخبري لا تبلغي هسه
لحد ماأتاكد لارا ماموجودة ..
راحت ترگض سمر مرتبگة .
عشق لملمت صدمتها براسها وراحت تمشي
بلا وعي ونست
خلف باب هالغرفة أفعى سامة تبخ سمها
وتأذي من حولها حتى أقرب ناسها جلبهار
من دمها غدرت بيها لانها مريضة بالحقد
والغيرة من الگل .
مرض يصاب بي ضعفاء الشخصية والثقة
بالنفس الي ياخذون يقارنون انفسهم
بغيرهم دون عمل يردون يحققون مايحققه
غيرهم لان نفوسهم حاقدة خبيثة كانها
من شجرة الخبث نبتت.
قزح : خابرت أيدي اليمين تشيل كلشي من
أيدك تتوجهه للمستشفى الاهلي تتصل برقم
لارا. لدزيت الك البارحة .
وتبلغها أي معلومة تخليها تركض خلف
المستشفى وتخطفها لحين ما بلغك
بالتعليمات خليها ببسرداب بيتك مو على
فراغ أدفعلك أيجار .
الشخص المقابل رد بالقبول .
عشق عدت للواقع وأني أحيك حبگات
توصلني لطرف خيط تذگرت مرت عمو شكد
گانت ناعمة ووجه برئي كيوته ليشوفها يستشعر
هدوء راحة بال .
وفجاة أتى خبر أنتحارها الصاعق وبنفس الوقت
گانت عمتي وأبهر ببيت حماها وبالبيت
بس عمو وجلبهار قزح فريال وخود .
معقولة قتلتها لا لا تخبلت بعدين عمو موجود
من. أنتحرت لو شاك بيها گان ماخلاها سحلها .
أوف أنسحل فگري شسوي حرت يالله .
بالاثناء أجاني مسج من صديقتي الكترونية
تعرفت عليها بعد مادخلت للكلية دخلتلي خاص
أنستا حجتلي مشاگلها قوت علاقتنا .
من. بلغتها العصر بلصار برحيق راسلت
متلهفة شصار وياها؟!!عايشة؟!
عشق:أي وصل خبر عمليتها زينة مابيها مخاطر.
ردت أفتح الموضوع وياها بس خفت الافضل
أخلي أبهر يرتاح وأشرحله هو فاهم.
گلبت عيوني بتعب .
مر يومين
لارا اني أحس بهاايومين روحي راحت بس
لساني يلهج بالدعاء الشهادة لله مالزمني ولاقرب
يمي بس المكان والحشرات لوحدهن يسممن بدني
أجه ربط رجلية بسنلسة بالشباك
وفتح أيدي .مغطي وجه باوعت من الشباك
ماكو شي يطله على بناء يعني لو أصرخ
من للعام الجاي محد يسمعني .
بقى التفكير ينهش خلايا مخي منو منو؟!!
تخبلت يالله . بهالاثناء سمعت صووت عالي
وصياح يصيح بفشار وگلامات مال دعارة
ويملها كذابة مستحيل أنتي من. كرهج
هيج تگولين أذ عندج أدلة دزيهن .
وبعده صراع .
بصةت عالي موت ليكرفكم گلكم جعل
واحدگم يلدغ الثاني .
بقيت أفتر وگلت أخبث بالسلسلة لفلفت وصرت
أدك على الباب وأغني أطبل بالسلسلة
خالة ويا خالة. خالة وياخالة .
خالة شلون بية مادريتي
الومج ياخالة شما حجيتي.
انتي الي قضيتي العمر راحة
وكفت ياراحة خلي أغيرها
انتي الي قضيتي العمر أملاخة
على وزن الراحة
وماشفتي الراحة ولا عشكتي .
شي يصبر العاشق ياخالة
والله صابر العاشك صفنت هيج
أبهر تخليت عني مرتاح العاشك
ماحس غير هالكلب فتح الباب ودفره وخرت
بسرعة
وأجه ملثم جررني من شعري حلكج سدي
سؤال واحد ماسمع وامشي .
لا ياخوية واني أگول شريف ما يلزمني
مو هيج عفية حتى بعد ماغني نسيت الاغنية .
جررني بدون مايحجي حرف جرر وطلعني
للحوش بيومها شمس لان جنت بضلمة
عيوني أحسهن لوحدهن ينسدن شهكت
وتنفست بعمق .
وگلت بصوت مسموع رحمة الله والديك
حسيت بية محتاجة فيتامين دي وطلعتني .
غلس وفتح السيارة شمرني بيها.
شنو أنخرست أحجي جعل عقدة بمجاريك
البولية مو بلسانك .
رگب معصب وساق بسرعة رهيبة وطلع سجينة .
هدد حرف كدام سيطرة شي أنهيج .
لارا :زين ماحجي بس گلي وأذ تحب بالخطف
أشتغل وياكم .
سكت مني .
زين منوو؟!! انطيني أسم عفية ..
الخاطف: لوحدج مع الايام تعرفين روحي
لحبيبج خلي يطلعهم الج .
لارا :ضحكت حبيبي حبيبي أختفى ماسامع
حبيت وماتهنيت .
كفخني بامر گال
راح أنزلج هذا موبايلج وجنطتج
فعاليات سوبرمان وتبلغين شرطة ماتفيدج بشي .
لارا:بس گلي خطفتني انت الاول مرة خطفتنّ
ليش طلعتني ؟!!
ضحك وگال صدكي انتي وخالتج وأكعات
بناس الشيطان متدرب يمههم .
وهسه نزلي لو عاجبتج صحبتي .
لارا: لحساب منو تشتغل؟!
خشمج لا أدخلي بلي مايعينج لا أگسر الج
بنتر ردف گومي يلة .
گمت رفعت أيدي
واعدة نفسي بالتفگير بعقل.
دون طيش گال نزلي بس تعبرين
هالافرع توصلين للشارع العام أخذيلج تاكسي
وحرك بتفحيط باوعت منطقة حلوة .
بس ماعرف وين بقييت أمشي بالكوة تعبانة
ومصدومة .
شلت الجهاز أتصلت بتينة ماكو رجعت أتصلت
شفت رقم غيث وعبرت رقم أبهر .
تنهدت بحسرة مو لازم بوكعتي الك أتصل
مو أروح لغريب تخلخت عيوني دمعة عتب .
أتصلت بتينة تقريبا عشر مرات يلة ردت .
بخوف لارا وينج يمعزاية؟!!
لارا بضحكة خطفوني باعي تينة هسه صرت
أصدك كل الافلام هندية وحتى ليموت
ويرجع يعيش صرت اصدك على لصار بية .
تينة:لج فهمينيوين وليتي بالي شيراز الكلب
سوالج شي .
لارا 'ياريت والله أقلها أعرفه لج أنخطفت وعافوني
شلون مادري .
تينة :شنو طك عقلج .
لارا:ماباقي هواي ويطك خالتي شلونها ؟!
تينة :خالتج اليوم العصر يطلعوها هسه
وين انتي ؟!!
لارا أفتريت ماكو ولانفر شفت طفل ببابهم
رحتله أخترع من عيوني وكحلهن السايل .
حبيبي مو شبح بشر اني شسمه المنطقة .
شو هذا بقى يصرررخ يا فلك فلكك جيتك
بالتفك هو سؤال طلعت أمه ورااا.
تخوزر أبتسمتلها فدوة تايهههنا تكدرين
تكولين شنو أسم المنطقة .
المرة : أنتي هسه بالبياع .
تينة :شنووو؟!! وين بالبياع خرب وين شامريج.
لارا :وين بالضبط شوصفلها .
المرة انطيني اخذت الجهاز وصفته الها.
تينة : لارا لاتتحركين ابقي يم بيت هالمرة
جايتج جنت بخالتج صرت بيج.
لارا : لاتخافين راح تخلصين من شري ومن ساعة
السودة لجيت بيها هنا أستاهل شيصيرلي .
تينة:بعدين نحجي .
لارا :أنتظرت هوواي منه لحد ماصفت
السيارة نظلت تينة حضنتها من خوفي
ضحكت وگالت مشاعر قوية صعدي
أول ماصعدت نطقت بهمي غيث هو لخطفني.
تينة :رفعت حاجب شنووو؟!!
حركت واني أسولف گولشي.
تينة : مأتصور لان لو غيث سمعتي صوته
لارا :ننا المشگلة ماسمعت صوت اله شو ماشكين بي.
تينة :غيث أعرف من سنين بس ااسالفة واضحة
مراقبين تعرفين من أيام المحل القريب على بيتي
بي كامرات أخذتهن من يوم اجيتن لليوم مراقبين
حتى بيت سامر اللعبة كبيرة ولسواها يعرفني
ويعرف غيث ويعرف أساعدجن بس ماسوه
شي لان غايته شنو ماعرف .
لارا غايتهم اثنين خلاص مني ومن خالتي .
تينة :ماريد افكر عندي شغل مهم أشمرج لبيتي
وبالليل أرجعلج اوك السالفة أعمق مما تتصورين .
لارا:تينة مشكورة على كلشي .
تينة:بخدمة الحلوات .
لارا:ماريد ابقى عالة على خالتي شغليني وياج
ومن أشتغل ادفعلج ايجار مستعدة أشتغل
ليل نهار .
تينة بعدين ياحلوة تمام .
___________________________________
رحيق بعد ما مرن يومين خووف شيراز المبالغ
بي بكل هاليومين من تجيني حالة نوبة
وأصرخ من حمل الوجع لبراسي ينطوني أبرة .
حالتي ساءت حتى الاگل گوة علية أسال وين لارا مايجاوبني يگلي بخير وبس .
اني أحس عقلي مو براسي مثل
النايم نصى غفوة ويختلط واقعهةوحلمه حتى
بعد مأكعد أبقى دايخة ذكريات تتسرب بشگل
مؤلم ووألم بطني للمرة الثانية سألت بهستيريا
عن لارا .
وگان جواب شيراز لاتخافين هي بخير .
مامصدگت وأعرف هو شنو بس ردت أشوية
أتحسن اتواصل ويا لارا .
بهالاثناء دخل أبهر يسلم علية برفعة حاجب
سلم وراد يطلع صحت بصوت أبهر موقفك
مال معنى لو تعرف شصار ما تلومني ولاتلوم لارا
اندار أذ أجيت من الواجب وأحترام لخالي .
رحيق: أبهر لارا ماعافتك لارا تحبك أكثر من نفسها
ورا كلشي صار لغزز كبير أذ تحبها من صدوك
راح تدور وتحاول تعرفه .
تدخل شيراز لمنع تكملة الحديث وسحب أبهر
أبهر بغضب سمعتها خالي كلتلك أگو شي
لارا أذ ظالگاها مأرتاح تبقى هالنار تحركني
كل ليل وگل يوم خالي بنبرة توسل أذ تعزني
تساعدني ألگاها .
شيراز تنهد عظ شفة مسيطر على غضبه يصير
خير رجع للغرفة.
رحيق : اول مادخل رجعت كررت سؤالي
لارا وين؟!!
عصب وأنزعج كافي لعبت روحي أبهر يسأل
عن حمارة وانتي نفس الشي ماعرف وين
موت يلفها راح أكمل اوارق .
رحيق طلع وأني تخبلت ياربي وين وين شصار بيها .
تذگرت من دخل أبوها فتحتله الباب ويا غسان
وأبن عمي الاكبرمنهم طبعا ً تعرفت بشكولهم
لان لارا من گلتلها ذكريني ورتني صور الگل
وأساميهم. ببداية فقداني للذاكرتي .
سلام فتح عيونه وصار يغلط رحيق
انتي ميتة؟!!
شبحج هذا شحبت وجوهم وبقى واحد يطلع
بالثاني.
رحيق : شبحيج شسوون هناا اذ ماطلعتوا هسه
الم الدنيا عليكم لارا ماتتحرك منه .
كل فكري انه صورها لارا أنتشرت وانفضحت
وجاي يقتلوها .مافهمت شي من كلامهم .
بعدني أتعارك وياهم يغلطون ويفشرون
بعدني ماكايلة أن أحنه أنخطفن
ماحس الا سجينة ببطني .
من سلام وغسان صاح بيهم الك شسويت
ماتفقن هيج تجي تاخذ بتك بلا فضايح .
گدام عيني لازمة جرحي ووكعت بس گلامهم
بمسمعي بعدها صارت ضجة صريخ ناس
دخلوا .
لمحت لارا وبعدها غفوت بين أوجاعي .
أخذتلي غفوة وفززيت بحلم مخيف وشي
خنكني شهكت بقهر وخوف .
تقرب شيراز لزم كفوفي يطمني ويمسد
على راسي جريت حسرة بقهر .
شيراز :ليش هالقهر؟! الحمد لله وضعج تمام .
رحيق خزرته ماروح وياك
شيراز تنرفز وبين بملامحه غضبه عقج حواجبه
طكطك أصابعه وگال
لعد وين ترحين؟!!
رحيق: باوعتله بحيرة تأفف للحجية ماريد
أبقى وياك قبل ماعرف لارا وين وتجيبها
سالمة الي لاتتصور أكون زوجة .
لعق شفة وعظها من الداخل أنوضح من أنعقج
خده الايمن عصر عظمة أنفه وگال .
رحيق ماكافي زعل نحب بعض ليش نطولها
علاقتنا وزواجنا يخرب علمود لارا زين فكري
بخود بالبطنج ليش هالنكد گل ترى مليت
أحبج وأموت بيج صح بس نگدج لايطاق صراحة.
رحيق:رفعت حاجب اله وضحكت مستهزة بتگ
خد ليش تحسسني زواجنا توب وبالاساس
مالي ذكرى وياك عبارة عن لعشت بعد العملية
تحكم تسلط انتقاد منك أستفزاز أذ تسمي حب
فاني أسمي مرض ماريده منك .
شيراز. تنرفز كز بحروفه وهو يكور قبضته
رحيق أذ خسرتيني وشفتي وجهي الثاني
تندمين هوواي تندمين أصابعج تاكليها
من الندم ..
رحيق :تنهدت بطلت أندم على شي وبطلت
الخوف مابقى شي ماصار .
شيراز :تقرب وهمس بفحيح أفعواني گلشي
شفتي لليوم نقطة ببحر عذابي أذ قررت أذيج
فصدكي تتمنين الموت .
رحيق وسعت عيوني مع ذلك ماارجع وياك
لو لبيت اىحجية لو يم تينة.
اتنهد بغضب لاحول الله .تمام خلي البسج
ملابسج .
رحيق : بلة .
شيراز : لا عبد الله .
رحيق :قفل الباب وغيرلي ملابسي وگمل اوراقي
وطلعني من المستشفى والحماية متواجدين
أخذني للحجية لگيت هناك سابقيني بخود
وعشق همات فرحت من شفتهن خود
عافت حضن جدتها وأجت تركضلي لباب
الحديقة حضنتها بقووة أطمنها .
الحجية :الف اىحمد الله على سلامتج خطتج
الشينة ان شاؤ الله .
طبطبت على گفها لحضنتي بي مشكورة حجية.
عشق :بوستنؤ بقوة الف الحمد الله عمة
ماتشوفين شر .
شيراز:كافي رسميات خلي ترتاح .
فتت لغرفة مجهزيها. وخود لزكت بحضني .
شيراز طلع أجت عشق .
سألتها عشق لارا وين؟!!
خود : بابا بالمستشفى خنگها وبعدها راحت
ويا غيث وماشفتها .
رحيق :شنوووو؟!!. عشق موبايلي .
عشق :مادري والله انزل أسال عمو .
هززت راسي شووية وأجت جابت هذا عمو
من جاية تينة ثاني يوم جايبته اله .
رحيق:همزين حصلنا نتيجة من اخبال عمج
أتصلت بتينة .
لارا :العصرية أتصلت بخالتي ماكو رد
تينة رجعت وياها أكل سالتها مو بالليل ترجعين؟
ضحكت : أگلي وسگتي .
گاعدة ناكل وأسالها أكو خبر من خالتي ؟!
تينة:لعرفته اليوم تطلع .
لارا :والله حرام يحرمني من خالتي وماحس
الا جهاز تينة يدك .
ردت هاي خالتج .
كمزت يمها اعظظظ بشفتي وأهز برجلي
متوترة
تينة :هلا برحيق
الحمد اللةعسلامتج مااجيت من شيراز عذريني.
رحيق :ولايهمج تينة عفية لارا مالها أثر خايفة
ههواي عليها .
تينة:ستون ذكرناج يمي لاتخافين عليها راح
أوفرلها شغل وتعيش حالها من حالي انتي
عيشي وانسي لارا ومشاگلها.
رحيق:لا ماعوفها بس خلي أرتاح الكى طريقة
أقنع الحجية بلي صارلنا .
تينة :لا تفكرين هيج هسه المهم صحتج حب .
رحيق :عينج عليها ولا تخليها تتسرع بشي
لارا :خذيت الجهاز خالة أسفة هواي
كل من سببي شهكت وبجيت بقهر كل بسبي
انتي زينة جرحج كون صار شي للطفل؟!
رحيق :اهدئي حبيبتي ماگو شي خطير
اششش ماعليج انتي هذا لصار بعد مكتوب
انتبهي لروحج لارا لاتغلطين بشي أني بس
شوية أشيل روحي أشوفلج حل.
.
لارا :تمام خالة أحبج هواي لاتفكرين بية ولاتعاركين
ويا شيراز من سبتي .
رحيق :الجهاز مابي شحن أنيرارجع أتواصل وياج غلقته منها .
تينة: شربت ببسي وحجت من باجر نزلي للصالون
تعلمي شغل بلشي حياتج.
بطلي ركضة ورا خالتج ترى شغلنا سهل وأبقي
وياية بالشقة .
لارا :هو هيج گافي رگضة من أيد لايد .
تينة :تمام عيني اني رايحة قفلي الباب هنا
أمان العمارة بيها كامرات والمنطقة مو مثل
ذيج الشقة .عندج محلات جوة كلها كامرات
محد يمر وگلشي نفكر بي بعدين تحجيلي
منو لخطفج وليش عافج .
لارا تمام ودعتها وقفلت الباب ضوجة گعدت
أربط الاحداث دخت ونمت فزيت تقريبا ب١١
تينة ماكو شغلت لتلفزيون طالع فلم أجنبي
أشتهيت حلويات لكيت تينة مخلية
٣٠, الف على الميز فتحت ثلاجة فارغة .
ليش تمليها وهي سهراتها ويا زوجها مدري
حبيبها اخذت خمسة ونزلت للمحل جوة مو بعيد .
اشتريت حلويات ورجعت اصعد للشقة
طاح المفتاح دنكت أجيبه ورفعت راسي
وأنصدمت من شفته تعلثم الحجي بحنجرتي
ماعرفت أصرخ أبجي دكات كلبي طبول
تقرع تنسمع ببلعومي يدك .
