رواية الطاغية والمغرور الفصل الخامس والاربعون بقلم يارا الياسري
أبهر
#حتى أسوء مابي ، لن يؤذيك .
سوري عل التأخير لكن ضروف حكمت .
بنات محتاجة ناقلة بحسابي الي تشوف نفسها قادرة تراسلني خاص
__________________________________
لارا
من شفته لابهر وگعت العلاگة من أيدي مخلي
أيده على الباب ورافع حواچبه .
بگشخته بترتيبة وأناقتهةوعطره الي من
غبائي وسرعتي ما ركزت من شميته .
تلاگت عيونه بيهن حچي وخوف
من اتجاهي تمتمت وبلعت ريگ وصافنة
لحضات عتب بالعيون لو الها لسان چان
حچت أشكال الگلام .
وسط مشاعرنا المضطربة ودگات قلوبنا المنتفضة
أنفاسنا علت ورجلية خارت قواها أحس
شفايفي خدرن نملن ورفض الگلام يطلع منها .
أردف بچملة وحدة هززت گياني وحسستني
شگد جرحي بگلبه أذاني قبل لايأذي.
أبهر :ها أنا التقي بقاتلي ومنتج خيبتي
گلت ماتخون وگلت تحطني بالعيون عمت العيون
وگسرت الگلب لحبها بجنون .
بية النقص لو بيج تيهت العلم بين عقلي وقلبي
فاصل أحساس .فوتي بلا حرف ولا شهگات
ليلتنا طويلة بيها عتب ولوم .
تعلثمت أبهر بس خلي .
رفع أيده رص بحروفه أششششش جوه وغمز
بحاچبه بالگوة دخلت المفتاح اريد أسيطر
على رجفتي ماگو.
فتحت ودخلنا أثنينه بقيت وأگفة وراا الباب
بعد ماغلقته دخل وگعد يتفرج يتفحص برود
مخيف لو معصب لو حاچي ولا هالهدوء
.
أبهر :خايفة؟!!لو خاب توقعج بية .
لارا:منو دلك مگاني؟!!
أبهر أبتسم بگبرياء عفتي گلشي وسالتي هالشي
لارا: غمضت عيوني مستمدة طاقة تقويني.
أبهر شراح تسويلي؟!!
أبهر: رفع عيونه وگام تقربلي همس قرب
أذني حالتج هاي تگفيني من الاخير لارا
جيبها عدل شصار بيوم العرس؟!!
رفعت عيوني وفمي مفتوح من الدهشة الخوف
گل مشاعر القلق والتشتت صفگتني .
أبهر :راح أسمعج أحچي.
بقيت ساگتة بس أتنفس بسرعة وگلي مختاضة
زجر بوجهي بغضب لاول مرة أشوفه بي
كد غضب شيراز تسع مرات .
عيونه أنفتحت بحقد وشررر أاااااحجي لا تنخرسين.
هنا بادت قوتي أكثر لزمت گللبي الي أنصاب
بنوبة خفقان .
حسيت صددداع لفحني تشجعي لارا وردي
گلت هالصوت براسي رديت بهمس مسموع
لان ماحبك صار لصار ولگيت روحي ماجاهزة
ماگفرت بالدين ولا عبدت الاصنام .
ضحك بهستيريا ماگفرتي بالدين بس كفرتي بالحب
وكلبي .
لزمني بقوة من زنودي حسيتهن تملخن وحبي
وعيوني لماشافت غيرج وگلبي الي يلهج
بأسمج .
لج جنتي حب وصداقة سووة ومن عفتني
بقيت منهدم لا حبيب ولا صديق .
حاربت ووكفت بوجه الكل علمودج تالي جوابج بهالانانية
ليش ماحجيتي ليش ماكلتي مااريدك لعبة لارا وهاللعبة ادفعج ثمنها غالي .
لارا :لملمت خوفي وثبتت عيوني الي غرغر الدمع بيهن تنهدت
أبهر مالك نصيب وياية من باجر تكدر الف غيري تصير بمكاني
ماناقصك شي ونص البنات يردوك .
ضحك بجنون وأردف
ابهر :بس ماريدهن وردتج الج وغدرتي لارا بس
كره أبهر مو مثل حبه .
لارا 'بخوف شراح تسوي مالك حق العمارة كلها كامرات تنكشف وتروح سمعتك
عوفني وأطلع منه أعتبرني محطة وعبرتها .
لزمني وشمرني على القنفة بقوة وعيونه تجدح شرر بخوف كعدت أرتب گعدتي وارمقه
بنظرات غاضبة شتريد تسوي ؟؟
أبهر : قربلي بقوة كلشي أكدر اسوي بس مو نذل تحركي لمي شكو غرض الج
وتطلعين مثل الحبابة وياية .
لارا بقوة مااطلع شراح تسوي ؟؟
أبهرأبتسم بخبث مصحوب بخزرة بلع ريك لارا لحد هاالحضة لازم أعصابي لان متأگد
وراج سر وسر جبير لمي غراضج وطلعي لاتخليني انزلج غصب .
لارا : خفت سمر تدري وتفضحني اذ انفصحن صوري محد يرحمني حتى أبهر
مستحيل بعد يرغبلي الافضل أبقى بعيدة مااروح .
بدون أي كلمة جررني بقوة من أيدي وصار يدور
على اغراض تخصني من شفته هيج لميت
غراضي وطلعت ويا مجبورة صعدت وحجيت
أبهر طلكني وارتاح وريحني .
سكت ويسوق بسرعة عجيبة واني بناري راح اموت يالله معقولة هالكد يحبني
لدرجة حتى كلامي ماصدك.
عيونج حركاتج كل كلمة كلتيها عيونج ابتع
تنهدت صدكني مااستاهلك مامستعدة حتى نكون ازواج
ضحك بمكر منو كلج بعدها نفسي بيج
لارا لعد ليش أخذتني؟!!
أبهر: أريد أرضي فضولي وأعرف شصار ؟؟
متاكد ورراج سر .
لارا :صبرك ياأيوب خالتي أبتلت بخالك وأني بيك
ترى طلعتها لروحي عوفني بحالي الكرامة وين ؟!
بايعها لو متبري منها .
من گلت هالكلام ما حس الا حاول يگلب السيارة
بينه خضها خض وعلى أثرها أنضربت بالجامة
أخذ بريك ورجعت أنضربت بالصدر مالتها
لزمني من رقبتي بقووة وعيونه صقرية بحقد
گرامتي مو لعبة بيد الزعاطيط ثمني گلامج
لا أكص لسانج وأشمر لجلاب الشوراع .
خير الكلام ماقل ودل ماعدج شي يفيدني
ويريح راسي صمي لحلگج .
بقيت أرجف بخوف ماعرف شسوي أخاف
من ابهر المتخبل علية لو أمه لتهدد بية
وين أنطي وجهي يالله بعد هالموقف سكتت
خفت ينفجر بية ويسويلي شي .
صمت وأني بسأندعي مابقى أي حل بيدي .
توقعت ياخذني لبيت المحترگ
بس ماخذني وصلني لشقته بقيت أخوزر
نزل مانزلت رجع فتح الباب وگال
برنسيسة ممكن تتفضلين نتر بية نزلللي .
تنهدت وتأفتت بوجه وعبرته ماحس الا كفخني
براسي وسبقني بالمشي وأردف
حركات الجزع بطليها لان ماكو أحد جازع
منج گدي ولعبانة روحي وكارهج ماطايق
خلقتج الزفرة .
خزرته بعقدة حاجب اذ هيج ماعفتني لو
هاي سوالف الكبرياء عود مامهتم لامري .
ضحك بأستهزاء وأحنه نصعد بالمصعد
أبهر:قرفنج بس بعدني مصر وراج مصيبة .
لارا:شلي يخليك وأثق.
أبهر:ضحك حرگاتج توترج عيونج لتهربن
من عيوني حرگة ايديج على ركبتج .
دحرگات ايديج بشكل متعصب كلهن يدلن
على گذبج وتحاولين تخفين شي
لارا :غلطان ماحاول أخفي شي باوع أبهر
محتاج أرتاح وأبتعد عنكم اذ ماملاحظ ان من
أيام بابا گان على حافة خطوات مني
الرعب لعشت يعادل مواجهة ويا الجن .
أبهر كلامج الزايد ماراح يغير شي راح أطلع
أنتي كعدي فگري صح بلكت عقلج يرد لراسج
عافني بهمي وطلع اووف يااااا گعدت متوترة
أتصلت بتينة ماردت لاتردين خلوني بهمي .
______________________________________
لارا :بعد يومين هنا ماجه أبهر أتصلت بأمي .
ضحى :لارا هلا ياعيون امج شلونج شخبارج؟!
صحتج كون أبوج سوالج شي فهميني شلون
درة مگانجن ؟!
لارا:هلا يووم أي عرف وضربخالتي سجينة.
ضحى عززا لعزاني عرفوا برحيق عايشة ؟!!
شهكت وصوت لطمتها على صدرها سمعته .
تنهدت بقهر لاتخافين يووم لبضهر رحيق مو
سهل شيراز معروف وعنده صيت أصلاً
تلگي مهددهم وساحلهم سحل وخالتي من
الاخبار لتوصلنؤ تمام وضعها .
ضحى بتنهؤدة وحسرة وانتي بنيتي؟!
تنهدت بلعت غصتي المهددة بينوع دموع حارة
زينة عايشة اتصلت أطمنج وأرتاح من اسمع
صوتج مشتاقتلج هوواي .
ضحى :وأني بعد يروحي هسه بالگوة تسحبت
من اتصلتي بحجة نهى .
لارا:أبتسمت بقهر اخذي راحتج يمة حسيت
بأكتئاب .
أخ يگلبي حزين وما گدرت تلگه الفرح بين المواعيد
بعدني مأ گايمة أتصلت خالتي رديت بلهفة
خالتو شلونج شخبارج؟!!
رحيق :بعد ما شوية تحسنت وأهتمام الحجية
وعشق بية شيراز بحجة الگبرياء ما أجه .
وسمر ولا أجت ولا سالت وبراسي الف فگرة
عن وضع لارا اتصلت بيها .
هلاو لارا شلونج خالة ؟!
لارا:الحمد الله زينة وأنتِ حملج جرحچ؟!
رحيق:تنهدت أني بخير لارا وين أنتِ ؟!شدسوين؟!
لارا :خالة راح أصدمچ بس مو يصير بيچ شي
رحيق:أحچي .
لارا:يم أبهر
رحيق :شنوووو؟!
لارا :جابني غصب عني وهسه بالشقة مالته
رحيق:خما سوالچ شي؟!!أوأذاج احچي؟!!
لارا:تنهدت لا خالة لايروح بالج بذاك الصوب
أصلاً شأگ أگو شي بس يشمر حچي علية
ونظراته حقد ماسوا شي .
رحيق:تنفست براحة الفةالحمد الله .
لارا:خالة شسوي؟!منه خوفي لا أنفضح ومنه
أبهر يحاول يفهم سبب هروبي حرت والله .
رحيق:أحچيله گولشي لارا وبقت يم يصدك لو مايصدك
لارا شلةن خالة وبلگت سمر سمعت وفضحتني
شحچي شگول .
رحيق:لارا لازم يعرف وگوليله لا تبلغ أحد
ولاتذگرين سيرة أمه. أحجيله لصاره بالتفاصيل .
مادام هو حس بالموضوع أكيد من تصرفاتج
راح يعرف صدق حديثج .
لارا:لا لا خالة لا مستحيل أخاطر بهيج شي
رحيق:دنصحچ سمعي الحچي وتخلي عن خوفچ.
لارا::لا مأريد راح يعرفون ويفضحوني أني
راح أخلي يعوفني ويطلگني .
رحيق:تخبلتي أگيد وشراح تسوين؟!!
لارا:أعيش ويا تينة.
رحيق:خالة لا تسندين ضهرج على جدار مائل
ماتعرفين يمتة يتفلش وتطحين من بعده.
لارا:خالة هذا تفگيرچ أنتي عاچبج تضلين
تحت سلطتهم وأمرهم وحقج عدج مسؤلية
أطفال أني ماوراية شي .
رحيق:تنهدت بقهر غلطانة لارا أني ما مستسلمة
بس نفس الوقت ماتخلى عن مگان للضياع
قبل ما أرتب وضع وشغل وبيت ما راح أنفصل
الحسبة بسيطة وضعي مختلفةعنچ أنتي أبهر
مصدكج ومنتظر حرف من شفايفج يريح بدنه .
لارا:خالة صدكي عقل براسي ماضل گرهت أبهر
وأبو عيشتي ويا لابو الساعة لدخل لحياتي .
بعدني مامگملة جملتي وأبهر وأكف يسنط
تعلثمت أني قصدي لابو گل هالسوالف لورطتني
مو قصدي سوء عقد حواجبه بحقد غزير
من خجلي نزلت عيوني خالة باي بعدين أحاچيچ
أبهر:لا گملي ليش توقفتؤ وين توقفتي
لحد نعلتج للساعة لعرفتيني بيها زين
أسمعچ شي وأني أنعل گل لحضة حبيتج
بيها شكد تافهة طلعتي لليوم أگول وراها سبب
مقنع للصار وطلعتي تنعلين يومج لان عرفتيني
جاوبيني سويتلج حتى أستحق كل هالحقارة
والقذراة جاااوبي
بقى يصيح بزجر بس تعرفين گلمن ننطي
أكبر منحجمة يصدگ روحه فللازم نرجعه
لوضعه الطبيعي من اليوم حالج حال هالقنفة
راح تبقين هنا تحت ذمتي معلگة لا تگدرين
تطلعين تعيشين حياتج زلا ترتاحين زيايه
والله لخليج على أبهر تتحسرين وعافني
بصدمتي وقهري وجنوني وحرگة كلبي وطلع
بگل مشاعره وانهياراته تعبت جريت روحي
وگعدت على القنفة لزمت راسي بين أيدية
وأهز بي مامصدگ لصار ستوااا بعد الحظ الاگشر
شلون يصير يومين ماخطى البيت من حجيت
وسبيت سمعني. خرب بشيراز أحترك شيراز
وعشيرته شيراز وبعد أخت شيراز .
لازم أتصرف وأعرف الفديوهات عد منو ؟!!
رحت گعدت على البلگون وأيدي على خدي باذني اسمع اغنية اليسا مشتهية أدك وأنوح على حضي
المصخم .
أنا وحيدة ده انا من كثر ماجرالي
بيصعب حالي على حالي
ومش عارفة منين جاية ورايخة لفين
انا ضعيفة ليالي الوحدة دي مخيفة
حيات مملة وسخيفة في نفس الدايرة
انا ماشية بقالي سنين
بنام بس الوجع صاحي ومين بيحس
بجراحي لامتى ياقلبي حتخبي
وأيمتى يروحي ترتاحي.
غلقته بحزن وقهر ورحت شمرت نفسي
أحاول أنام تعبت من كد التفگير ..
لحك هاليومين أسبوع الاكل والمواد
حارس العمارة يجيبه مر على ىوجودي
عشر أيام وأخابر خالتي وأمي تينة خابرت
تسب وتگلي المفروض ماترجعين عبالك
متونسة رجعت من گيفي مرت هالايام وصارت
الشقة مزبلة گمت. بية مابية نضفتها حيل
گل قوتي ذبيت تعبي وقهري بالتنضيف .
خلصت سبحت وباوعت بس ملابس تينة
لاخذتهم منها أوف ياااا لبست فستان منهن
هيج لون فوشيا مفتوح الصدر ومشطت عطوبي
وشمرتهن بتمللل گعدت على البلگونة الجو
خورافي دنيا ليل والهتفون باذني
اسمع شعر مهند العزواي الحجاية الدافية .
وأحس خيال وگف خلفي حسيت بي من ظله لغطاني
غمض عيوني بقهر وأردف
عجيبة الصلافة لبيج گل لسويتي وعايشة ولاهامج.
رفعت راسي عيني بعيونه البنيات بيهن حسرة .
لحضات صمت عتب بالنظرات .
أبهر: هم رجع گلبي يحن هم رجع يفگر بيج
لزمت گفوفه لمثبتهن بگتفي وگمت بمحاذاة
لارا بحسرة :الدنيـــــا لــو رادت تـــذلك
تعتني لگلبك تلچمك بالعزيز
أبهر :المُشكلَة جرح الگلب مالة مَچان تشدَة
لارا :شحچيلكم مرات احس عيني
انطفت مـن گثـر ما باجيلكـم
ماتحملت عيونه ونظراته لبيها خيبة شهگت
بدموع رجع رفع راسي ومسح دموعي
هالبجي ورا جرح يمته تحچي وترتاحين
وتريحين عصب راسي .
رفعت راسي ودموع على وجناتي ونبضات
گلبي تهتز بقفص صدري بجنون .
ارجع وأگلك ماكو سبب مهم ماحسيت روحي
گادرة على الزواج فترگت گلشي فعوفني
وعيش ويا غيري تستحق حبك ونظافتك.
أبهر گال
دائمًا و أبدًا :
ماكو إنسان مَهما يكون سيء يستاهل
ينترك فجأة و بدون سَبب،
كلمة " آني شسويّت " تظل تاخذ الروح
على ماتحچين وترد روحي ساعتها روحي لوين
ماترحين .
رمقته بنظرة بالف حديث
أردف بتنهيدة
أبهر :يبو عيون الـ تسولف كل حچي الـ مضموم .
سولفي أسمعچ أحچي عيونج فاضحتج .
لارا :شَسولفلك ؟
وانة البيةة حِچي مكَسر مِثل گَلبي "
خليها سگتة وأخذسري لگبري .
ضغط بقبضة حادة على معصمي وگال
لج من يوم مارحتي ليومي هذا مامرتاح حتى
النوم مجافيني ليحب من صدك يتجازه بهجر
جااااوبي مابقر عقل براسي احچي .
لارا ببرود عكس النار لبروحي ليحب مثلي
يتجازه بگل كسر وهجر
تنهد لعد ضلي لحد ماتعقلين وطلع وهالمرة
أخذ جهازي وقفل الباب بقيت أدك بخبال أبهر
ابهر افتحه يااااا خبل افتحه رجع فتحه وكأل
أبعد مشتتات عنج حتى تفكرين صح باي
ياخبلة .
لا تخبلت انتَ أووووف ناقصني كملت والله
گملت موتوني وخلصوني .
بقيت متوترة لحد ماتعبت وتهالگت نمت على
القنفة دموعي بخدي .
_______________________________
رحيق بعد ما تحسن وضعي شوية أول يوم
خود يمي ثاني يوم خذاها شيراز توقعت
يردها بس خبث ومنه لعشر أيام هوو
ماگو واني عاندت ماتصلت لحد ما
أتصل وگال
شيراز:حلو النگد والعناد بس خليج گدهن
وأنسي بنتچ.
تخبلت گمت متنفزة شيراز ماتلوي ذراعي
ببنتي بطل حركات المراهقين .
شيراز :وانتي بطلي حرگات الاطفال والزعاطيط .
رحيق :غمضت عيوني كاتمة غضبي لوشك بالانفجار
انت تصعب الوضع وتخلي گل الطرق بينه
مسدودة وتجي تگول من ورااج رحيق .
شيراز :غلط أني أحاول بگل مرة اخلي درب
رجعة ونرجع تمام بس عنادج صبة كونگريتي
تغلق گل المنافذ .
رحيق: گافي لعب تفاهم بينة ماگو خلي ننفصل
وراح أبقى يم الحجية وأطفالك گدام عيونكم
شيراز :ضحك هههه وأني بيمن أدفى بليل
ديسمبر.
رحيق:تزوج مراح أغار.
شيراز :بس أني أغار لو فكرتي مجرد تفكير
تعيشين مو پأسمي وملگي .
رحيق :شيراز مليت وطلعت روحي صراعنا
لماينتهي جلطني وتعبني محتاجة أرتاح .
شيرازبنبرة مستهزة :أرتاحي منو مطلعج عماله ؟!
رحيق :عظيت شفتي بتعب لعبت روحي
تعرف شنو المعنى لعبت روحي گرهت عيشتي
گافي رحمة لوالديك .
شيراز بسخرية ووالديج ياماي عيوني .
رحيق غمضت عيوني ولزمت طرف لبسي
قبضته بقوة أگوله يمين يگلي يسار .
شيراز :أكلها فوك تگلي تحت وأردح للصبح .
رحيق تستهزء?!والنار مولعة بية
شيراز:طفيها بالاسعاف الدورية .
رحيق: والله ياشيراز راح تخليني أحلف مارجعلك
شيراز أدفعلج كفارة ماتگدرين ماتتحملين من أول
بوسة تسلمين القلعة والجنود .
رحيق :لاغلطان
شيراز عادي أجي وأثبتلج
أذ گد گلامج جاي ونشوف
بس هااا أذأستسلمتي ترجعين للبيت وياية
وأذبقيتي گد گلامج تبقين يم أمي موافقة ؟!!
رحيق :گل عقلك تحجي؟!
شيراز:أي والله .
رحيق :تخبلت انت مخبل رسمي.
شيراز: اني مسؤل رسمي غلطانة رحيقي .
رحيق وبعدين وتالي؟!!
شيراز:أنطيتج حل مقنع اذسلمتيني نفسج
ترجعين گد گلامج تبقين
رحيق: بعصبية وفزغ مقررف مقرف غلقته
بوجه وشمرت التلفون بتوتر حسيت
تقلصات ببطني تنفست وگعدت متدمرة نفسيتي
____________________________________
لارا : بعد گولشي صااار حسيت لبينه أني وأبهر
أنتهى وصار محله رماد تنهدت بقهر كبير وندم
وگفت ببلكونة الشقة وفگرت هوواي ياترى
قراري صح لو خطأ مثل لقبله؟!
لازم أتخذ هالقرار مامنها چارة أول مادخل
مابادر حتى بسلام تجاهلني. تقويت وحچيت
بقوة گافي مامليت من سچني رمقني بنظرة
تهگمية وگعد بأسترخاء حجيت بقوة وثبات
أبهر أذ ماتحررني منك وتطلگني هسه أشمر
روحي منه وأخلص منك ومن هالحياة السودة
تجاهلني ولاگانه أهدد گمت من صدوك
قربت للحافة وشمرت حذائي صار صدى
صوت هو گام اليه وحچى ببرود
گافي خبال تعالي فضحتينة بالعمارة گلها
مادخل مادخل راح أنتحر ياخي حررني
ابهر : تفضلين الموت على اابقاءوياية .
لارا أي بالضبط لتگوله .
أبهر تمام نزلي والج لتردي .
لارا شنووو ماسمعت؟!!
أبهر ببرود مووتردين أنفصال تمام ننفصل تعبت
أصلاً وأني أحاول أضبط أعصابي ةأتصرف
بتفهم ماعاجبج تحجين ولاعندج ثقة بية
روحي وشوفي الحياة بلاية ..
لارا مادري ليش توقعت يعاند ماتوقعت رده
بهالبرود بقيت أرمش بعيوني هو متجاهل
ضارب الدنيا بعگس الحايط وخله وراح لغرفته
نزلت عززا اني شسويت صخونة لعقلي بس
. غبية ويني وين المغامرات والغموض .
يارب انت مو تعرف عبدك وتعرفني لاطشة ليش
ورطتني يالله؟!!
رحت لابهر ماسمعتك شگلت .
انفجر بية بگل عصبية كافي كافي لعبت روحي
من عقلج وطيشج تمام عاجبج ننفصل ننفصل
لارا طكني الكبرياء صفح اي ننفصل شعبالك
أتوسل بيك حتى بعد اسبوع اكدر اتزوج عدة
وماگو.
رفع نظراته خزرني بگمية حقد .
عفته وطلعت انوب رجعت مو راح تطلگني
انطيني موبايلي. هذا شيل الموبايل ورگعه
بالسرير الف الحمد الله طاح على الفراش
مو بالگاع
هاااج أخذي ام نص عقل وطلع ماسمعت
الا ركعت الباب .
رحت شفته أتصل بتينة خلاص مابقى هنا
فتحته لان أبهر قافله
بي شحن والله ولان مگنگة سابقاً
هنا النت متوفر لگيت أتصال هوواي من رقم
رجعت أتصلت بي أجاني صوت
تردين فديوهات وتخلصين من گل الفضايح .
رديت اي بس منو انتَ
رد منقذج أرجعلج لتردي بشرط
لارا وكلبي صار برجلية شرطيج ؟!!!
يتبع ...
لقلوبكم السعادة .
أبهر بغضب انتي وحدة رخيصة ماتستحقين ذرة من حبي لج حبيتج وليالي سهرت افكر بعيونج
امي كسرت كلامها كلتلها هاااي مختلفة هاااي كلبي حبها هاااي ماتشبه غيرها هاي النادرة هاااي ابهري
من غيرها صعب اعيش سميتج ابهر كليبي
وبضهري طعنيني ليششش ؟؟؟
اااحجي ليششش قصرت بحب قصر ت ببوس بشنو قصرت وياااج شنوووو لخلاج تكسريني هالكسرة
شسويتلججججججج ؟؟؟؟؟؟؟؟؟؟؟؟؟؟؟؟؟؟؟
لارا بس خلي أقهمك وبعدها سوي بية ليعجبك مراح أعترض بدموع وقهر حبيتك والله حبيتك والله
كلبي مارف لغيرك بشر كلهم ردتهم مصلحة بس انت ردتك معشوك والله مامكذبة اسمعني واحكم
أبهر هههههه ضحك بهسيريا وضرب بيدي الحايط بقوووة تحجيلي ههههههه قصدج تكذبين علية
وتقشمرين راح العايبج ماتاثر بية بهالمهجوم راحح اشوفج معنى الذل اااه ومحد راح يشك برااا
كلهم بالهم اني العشاك ليدور عليج بغداد شبر شبر وازيدج من الشعر بيت ابوج انحبس بتهمة خطفج
وخالي ناوي يكبر المشكلة ويا حبيب كلبج اصف ولسه بعددد بعددد المن بشر طيب تغدروا لاتضنوا راح يسكت
رد المجروح يقسي اطيب كلب
