رواية دخيله الشيخ زين العابدين الفصل السادس والاربعون بقلم أوتار حزينه
حمد
انا داحجي وي دلع صعب اجه
وكال
خير ياحمد صاير شي
لااا ماكو شي
سديت الخط ظل يدحك لي وهو عاكد حواجبو
سال من فتت من يمو
بيك شي احسك مو على بعضك
مابي شي
ورثت جگاره اجه جلس كبالي وسال
يول بعدك تفكر بذيج السالفه الرديه
صعب لااااتحجي اي شي ولاتسأل خليني
كاعد يمك وراكد تره الخبال داك بالراس لاتخليني
اسمعك كلام يغثك
عش كاااعد تصيح انت لان مااريدك تخون
الزاد والملح الي بينك وبين زين لان
خااايف عليك تخرب الاخوه
الي بينكم من وره الكاعد تسوي من وراه
مااااكو شي شلتها من راااسي ارتاح بعد ماافكر
بيها ولا اگرب منها كااعد تشوفني كلو يمك
وماجاي اروح لهناك
يول لاتجذب علي غطيت اكثر من مره واعرفك
جاي تروح لهناك حتى بس تشوف هيله
اهووو ااانت ماراح تسكت خلي اكوم وواولي
من وجهك احسنلي
صعب
حمد فز وكام يريد يهج من يمي گضبتو بسرعه
وصحت بي
ووولك اني خاايف عليك خايف على الاخوه
الي بينك وبين زين تضيع بلحظه طيش
وضعف
سكت داير وجهو مني وغادي دم كملت
بهدؤ
شيلها من راسك ياحمد
عيب بحقك تفكر بيها وتعشگها وهي صارت حرمه اخونا وراح يجيهم ولد بعد جم شهر
ااخ ولك اخ
ون بصوت مخنوك وسحب روحو مني بقوه
رحت وراه اصيح
وولك وين رايح عگب
طلع ورگع باب الشقه بقوه فتحتو دحكت
له راح للمصعد ونزل عگبت لجوه افكر بي
وبالجاي اشوفو منو وبزين الي اذا
لگفه وعرف به خال عيونو على
حرمتو
والله مايخلي طيب يذبحو ولا يرفلو جفن
ولا يخلي بالو هو ابن خالتو
ولا بحسبه اخ له
هيله
زين انتبه لي انا مو على بعضي طلعت حجه تقلصات لازمتني ومضوجه خلگي كاعدين بليل هو يمي يخابر ناس بديرتنا لازمين دار ومجلس عمي يشتغلون به وكاعدين يرممون به استعجلهم يفضون الشغل لان نريد نرد بهل الايام
الجايه
عفتو ملتهي وياهم وكمت اشر بايدو
وين
كلت بصوت ناصي
اسوي لك تعلوله
هز راسو سريت وطلعت من يمو رحت
لغرفه جده لان بعد مااتحمل اضم هالشي بگلبي خفت لا يسويلي سالفه مو زينه
وذيج الساعه الكل ادكول
ليش ماحجيتي هالشي
وضميتي عنه واولهم
زين
بابها جان مردود شويه دكيت كالت
تفضلي ياهيله
شافتني من الفتحه دشيت كاعده تسبح
وادحك للاخبار كالت
تعالي يمه
رحت كعدت يمها متوتره وخجلانه من الكلام
الي راح اتكلم به جدامها حست بيه وسالت
وش نوحج من الصبح وانتي مو على بعضج
احجي بج شي احد غاثج بجلمه
وتخافين الزين يعرف
بها ويتخبل
جن وكعت على الجرح ذبيت حسره رديت
ياجده انا مااعرف شلون احجي البيه
خجلانه وخايفه منو لو سمع وش راح
يسوي ويعمل
عكدت الحواجب وسالت
خير يولي عبالك السالفه چايده
هزيت راسي باي كلت
اي ياجده جايده وحمد سببها
دحكت لي بتركيز والعكده زادت بالوجهه
كالت
تكلمي اسمعج
اخذت نفس وزتيتو بقهر
هالردي قبل فتره اعترض طريقي وكال
لي كلام والله اخجل اتكلم به جدامج
عش ادكولين ردي وش مسوي هذا حتى تتكلمين
هالكلام علي
حمد ياجده باح لي وكال هو يحبني وتكلم كلام
عن زين مو حلو وراد يوكعو من عيوني بس
والله انا مارضيت له وسمعتو كلام يوجع
وحتى اليوم وازاني وضربتو من عاد نفس
الكلام
فكت عيونها متفاجأه ومذهوله ردت بغضب
ووج هذا الكلام صدك هوو كال لج بلسانو
هو يحبج
ااي والله وعادها اكثر من مره وانا ارزل
به
سكتت مخنوكه ومقهوره دمعتي حدرت
كملت بصوت مخنوك
ياجده دخت مااعرف شلون اتصرف خايفه
لا يسويلي سالفه ويذب بله براسي كلت خل اجي اكلج انتي تعرفين تصرفين تتكلمين معه
وتخلي يجوز مني ويشيلني من راسو
ااتكلم واطيح حظو لهل العار ردي الزلم
واوكفو عند حدو وانا شيخه مزنه
گول وفعل
سكتت من ردت بغضب گضبت ايدي
وكملت
اامسحي دموعج ولا تبجين ابدا انا اعرفج وش انتي واعرف حمد شنو طينتو لجن ماجنت
اظن نفسو الدنيه تدنى على
عرض اخوه
سكتت مارديت هي كملت
ااسكتي عن هالشي وانا اتصرف معه
زين لو سمع يذبحو والله مايخلي طيب وذيج الساع تصير سالفه جبيره بينه وبين اهلو وانتي تعرفين حنا ولد عم والفضيحه تصير جبيره
علينا كلنا هم تلوحج نارها
ياهيله
هزيت راسي باي كملت بهداوه
مااريد حد يعرف بهل الشي خله بينا انا وياج
وعز الله بعد ماايتگرب منج ولا يشوفج
وجهو ابدا وهساع تشوفين
وش راح اسوي به هالردي
عار الزلم
هزيت راسي الها كمت وكلت
اروح ياجده تاخرت على زين
روحي يمه ولاتبينين اي شي جدامو
اي
سريت من يمها وطلعت رحت للمطبخ تاسوي
له تعلوله ،،،احضر بيها
وبالي مشغول بهل السالفه
وضايجه ومخنوكه وخايفه لا يجذبني
ويسويلو سالفه جبيره ويذب بلاه براسي
هاااي انتي هينه
يمممه
فزيت من دش من بره ،،، ووكعت البرتقال
من ايدي
الله يابه شبيج
تگرب مني كعدت على اقرب كرسي لشتي كلها
ترجف سال بقلق
شبيج يولي لشتج كلها كامت ترجف
مابي شي هبطت من دشيت على غفل
ابتسم وكال
شايفه جني دش عليج
دحكت له نزل روحو وكعد اگبالي عكد حواجبو
من تفرس بملامح وجهي وسال
شبيج باجيه
هاا لااا عش ابجي
كمت ورحت للسنك غسلت وجهي وتمالكت روحي
لهيت روحي اغسل فواكه جاب لي
البرتقال الوكع من ايدي خلاه
يمي بالمصفي سند
حنجه على جتفي
وكال
يبنت المله صايره اجذبين جثير عليه
سريت بالماعون خليتو على الصينيه رديت
بدون ماادحك له
ماجاي اجذب يازين
عجل وش بج من الصبح هجستج مالج خلك
واحسج تهوجسين بشي وشاغل
بالج عني
مابي شي هيج وجع يروح ويجي ومضوجني
عيوني صارت بعيونو دحك لي بتركيز
وهو عاكد الحواجب ابتسمت
وكملت
ابنك متعبني هذا البيه
عز الله مو هذا السبب تعلمني بيج ياهيله
اعرفج مثل مااعرف روحي واكو شي
مكدرج ومخليج تضوجين
تنهدت درت وجهي منو وماعرفت وش ارد
تگرب صار جدامي سال
شايله هم اهلج لان راح نعگب لديرتنا
اجتي وجابها الله من يمه هزيت راسي
باي گضب خدي دحكت له
مبتسم كمل
يولي عش شايله همهم بيتهم موجود بالمزرعه
بس نعكب لها اخلي ابوج فوك راس
الفلح يوجه بيهم على الشغل
وماخلي يتعب حالو ولا
يگضب شي
هزيت راسي باي ورديت
اي يازين خله فوك راسهم اعرف ابويه
خجلان منكم لان ثكل هو وامي وخواتي عليكم
ويريد بس يعگب حتى يشتغل ويصرف
عليهم من تعبو
يولي عش هالكلام تره مافضلنا علي بشي
هذا كلو خير ربج وحنا سخرنا النا نكف بيه
للاوادم
سكتت كمل
حنا للغريب نوكف مانكف لعم حميد الي بحسبه
عم لي واخ لابويه وبعدين يابعد حي
وميتي لاتنسين هو ابوج
واليعزج يعز هلج
وياج
ابتسمت من كال هيج وجهه ضحك
نزل راسو حبني من خدي وكمل بهمس يمه
اضحكي يبعدهم مااريدج تفكرين
بشي يكدر حالج او تزعلين والله الزعل مايلوك
لشيخه گلبي
خليت ايدي على صدره جرني بهداوه ليمه
هادئين بس واحد صافن بعيون
اللخ كلت وره لحظه
الله يخليك اليه ومااشوف بك شر
امين ويخليج اليه ياام شعلان
ودكومين لي بالسلامه
يله خله نعكب لغرفتنا خليتني اطلع وراج دوريه
ادور عليج وانتي ماكو وين جنتي لابده
يم جده رادت مني شغله وسويتها لها
هاا
سريت بالصينيه وهو وياي
ليان
جنت بيت اهلي كاعدين نسوي لحمه بعجين النا
والهم ماما تحجي على زوجه رسول
كعدو يمنا قبل شهر وشفنها نحسه وماتحب
تختلط باحد كالت
همزين ماكعدت يم خالتج جان شسوت بحالها
اي جان تعبت وياها لان فد مره نحسه
وماتحب احد يجيها ولا تروح لاحد
رديت عليها سمعت صوت جهازه يدك
كلت
ماما جهازج كاعد يدك
اكيد ابوج ديشوف شاريد مسواك
راحت للصاله لان جهازه هناك خالته على الشحن
تاخرت مادرت بال التهيت اخلي
الصينيه بالفرن نوار كالت
ليونه ماتشوفين توته وين راحت
يبوو هسه جانت هنا وين راحت
هههه اكيد راحت للزرع واكيد
هسه ماخلت ورقه بي
رگضت للصاله مالگيتها فارغه حتى امي ماكو
رحت للغرفتي لگيتها كاعده بيها تلعب
بلعابه ويمها كيتي
الحمد لله سلم الزرع
حجيت بضحك اخذتها وطلعت بيها للمطبخ
ماما فتحت الباب مال غرفتها
انتبهت عليها باجيه
سالت بخوف
شبيج ماما ليش تبجين
مابيه شي
شنو مابيج شي وانتي طلعتي تبجين صاير
شي مو زين
زادت بالبجي ذبيت توته بالگاع نوار اجتي
من المطبخ شافت وضعها خافت
وسالتني
شبيها عمه تبجي
ماادري كاعد اسالها ماترد
رحت عليها كعدت يمها سالت
ماما شصاير لخاطر الله مو وكعتي گلبنا
احجي صاير شي باحد
باوعت عليه وجهها صاير دم ردت
لارا اختج راح يشيلون رحمها يشكون بيها ذاك المرض
كمت من يمها بسرعه نوار باوعت عليه
بخوف خايفه من رده فعلي سالت بجمود
هي خابرتج
ماردت عليه باوعت عليها رددت وره
لحظه
اي خابرتني ادكلي هي مو زينه وجاي تنزف
هوايه وخايفه لا يطلع بيها ذاك المرض
انهارت بالبجي سكتت ماحجيت شي كامت
تتوسل بيه
ليان هااي اختج ساا
ماااعندي اخت ماتت من اليوم الي طعتني
بي
ووج ماما سبحان الي ماايغلط هيي عرفت
غلطها وندمت علي والله ندمت
تسمين السوته بيه غلطه لاااا ماما احب اكلج
هاااي مو غلطه مصيبه وكارثه لان
الغلطه هي هاي الكاعد اشوفها
منج
صفنت عليه كملت بغضب
ااي انتي غلطتي من رجعتي تحجين وياها
ونسيتي شسوت بيه هاي الغلطه
والكارثه والمصيبه هي
عمله بنتج الي خلتني
اوصل بيها للموت وخلت سيرتنا
على كل لسان
ووج ااختج موو زينه راح تشيل الرحم
ويجوز تضرب كيماويه
هاي حوبتي
رديت بروده صاحت بيه
لييييش هالقسوه ليان انتي ماجنتي هيج
من ورااااها صرت هيج من وره السوته
بيه اذاااا نسيتي اني مستحيل اانساه
ليان لاتصيحين گلبج
مااابي شي گلبي طاااب من الله عوضني
بمالك طااب ماما من شفت حوبتي كامت تطلع
بيهم وشلون حوبه تبرد الگلب وتخليني اعرف الله بالمرصاد ياخذ الحق ولو بعد حيين
امي سكتت كعدت تبجي نوار ظلت تفر
براسها علينا مشيت من يمها عفت كلشي اخذت
توته ورجعت لبيتي طبيت مقهوره
منها الي لحد هسه
شايله هم لارا وناسيتني اني وشسوت
بيه
خليتها بالصاله وجبت الها صندوق
اللعب كعدت تلعب ويمها كيتي جرس باب اندك
رحت للمطبخ نوار طبت شايله جهازي
كالت
مالك كاعد يدك عليج
هزيت راسي باي وكلت
اعذريني حب عفت الشغل عليج
ولا يهمج ماظل شي تره خلصنا
هزيت راسي باي جهازي دك كالت
ردي عليه خاف يظل باله
اي هسه
راحت من يمي ورجعت لبيت اهلي فتحت
الخط رديت
هلا مالك
هلا ليونه هاي وينج شكثر دكيت عليج
جنت مشغوله اسوي لحمه بعجين
هاا يم الاهل
اي
سكتت سال
بيج شي يولي
لااا مابيه شي
اكول حب
كول اسمعك
شنو رايج نطلع لاربيل لبيت خالتي حتى
تتعرفين عليهم وتشوفين الزين ومرتو
انت تريد تروح
ااي والله ضايج واريد اغير جو
مابيها شي نروح
يله عجل حضري روحج باجر نطلع من وكت
اي
رديت مختصر وبالي مشغول بالصار
قبل شويه سال
يولي متاكده مابي شي
هااا لا مابيه شي ليش تسال
مدري گلبي يگلي بيج شي
لا لايظل بالك مابيه شي
ديله عجل اروح ورايه شغل اريدو افضو
حتى مايظل ورايه شي
روح الله وياك
سديت الخط ذبيت جهازي لهيت روحي
بالشغل اشتغل والصار بيه من وره لارا وايهم
يدور براسي،،،،، الف مره كلت خلي اغفر الهم واسامحهم بس اتذكر حالي شلون وكفت باب الاستقبال واسمعها شحجت ويا وشلون
لزمني گلبي ووكعت
ميته
ولوما لطف الله بيه جان اني هسه ساكنه
الگبور وميته من وره قهرهم
دمعتي نزلت ردددت
نفسج دنت علي من اول يوم شفتي لاراا
ردتي الج وذبحتي روحج وصار الج من انطيتي نفسج بالحرام وعبالج الله ماراح يطلعها بيج ماراح تتعاقبين انتي ويا شوفي شكاعد
يصير بيج ومنو دفع الثمن ولدج المالهم
ذنب هم صارو ضحيه اذيتج اليه والثمن جان غالي لارا وعرفتي الله سبحانه وتعالى من يعاقب
عقابه يوجع ويصير علي
الضعف
مالك
رجعت من وكت للبيت طبيت للمطبخ
ليان بي كاعده تثرم زلاطه ابتسمت وكلت
هلو حب
هلا مالك
عكدت حواجبي من سمعت ردها البارد
مشيت الها وكلت
اشو ماكو هلا گلب معلاك كبد ولا اجيتي
بستيني من خدي
تنهدت وكامت اجتي ليمي باستني
من خدي بدون واهس رادت تروح للسنك
گضبتها من ايدها وسالت
خير يولي شبيج احد غاثج صاير شي
العيون غورگت دارت وجهها مني
تعاالي اكعدي وفهميني شصاير
كعدتها وجريت كرسي كعدت كبالها الوجهه
غده دم وبين بي الحزن نزلت راسها
ودمعتها حدرت حجيت
بقلق
يولي ماتحجين شبيج عش كاعده تبجين
احد غاثج
ماما مالك رجعت تحجي وي لارا
يااطلابه اختج الماتخلص وعش تحجي
وياها مو عمي حذرها من ذيج المرة وصارت سالفه
جبيره بينهم وكلها گبت بيها وكالت بعد
مااحجي وياها
لارا مو زينه مالك راح ترفع الرحم ويكولون
بيها ذاك المرض
سكتت كملت بصوت مخنوك وشهكه
اريد انقهر عليها مالك اريد احس بيها هاي
اختي ولازم يوجعني گلبي عليها بس
ماجاي اكدر احس بهذا الاحساس
كل الي اتذكره واحس بي
هو غدرها اليه
واذيتها
شهكت بالبجي وكملت بدموع
كل الي اتذكره هو وكفتي بذاك اليوم
وشلون سمعتها تحجي ويا وادكله سلمتك
نفسي ماجاي اتذكر غير تصرفاتها ويا وشلون
داستني وخلت ذبحه تضربني وردت اموت
لوما لطف الله بيه
اختج تستاهل الكاعد يصير بيها هاي
حوبتج ليان وحوبه ابوج ووسيم
مااكول الحجيه لان الظاهر السوته بيكم
ماكسر عينها من يمها
مالك كلي اني صح موو يعني الكاعد احس
بي مو غلط موو
لا مو غلط ليان لان انتي تاذيتي اذيه جبيره
وردتي تموتين من وراها ،،،،واي واحد يگلج
سامحيها وانسي كولي الو صيري بمچاني وشوف اذا كدرت تنسى
سكتت بس دموعها تنزل مسحتها بأيدي
وكملت بهدؤ
يولي كافي بجي تره اضوج كلش من اشوفج
تذكرين الماضي وذاك العار
مااذكره اله بكثر مااذكر اختي والسوته بيه
هو غريب عني مالك مو من لحمي ودمي
بس هي اختي بنت امي وابويه
شلون كدرت تطعني بظهري
شلون مالك غدرتني
وخلتني اموت
بالدقيقه الف موته
اختج انانيه ليان ماتحب غير نفسها شوفيها
كل ذيج الفتره مااتصلت على امج
بس من وكعت وشافت نفسها
تمرضت كامت تتصل
عليها لان وصلت مرحله عرفت بيها
هي ماعدها غير اهلها اليوكفون وياها بهل
الشده
بابا ماراح يدير بال الها لا هو ولا وسيم
اعرفهم طلعوها من گلبهم ويتخبلون ولا احد
يجيب سيرتها كدامهم
اي حقهم السوتو بيهم مو قليل نزلت راسهم
وخلت سيرتهم على كل لسان
مسحت دموعها وردت بغصه
تعرف مالك بابا راد يبيع البيت من وراها
بس ماكدر لان علي ديون واقصاط للمكتب الي
تعامل ويا من بناه
هزيت راسي باي وجاوبتها
اي والله يساعده ابوج رجال محترم هو واخوج
واختج بهذلتهم وبهذلت احوالهم من
وره سالفتها الرديه
سكتت ماردت نزلت راسها كلت
من رفعتو
يولي لاتخجلين مني تره انا زلمتج صرت
وستر وغطه عليج وعلى اهلج
يوجع مااالك السوته
ردت بشهكه وانهارت اجتي لحظني گضبتها
بهداوه كلت
ااش كافي بجي والي تريدي سوي شنو
يريحج ليونه سوي ولا تهتمين لاحد
ماردت ظلت تبجي وتشهك بحظني
توته اجتي تمشي وكفت يمها ادحك الها برطمت
وكامت تبجي وياها
انتي عش كمتي تنوحين وياها بله اني هساع
المن اسكت انتي لو هي
ليان وخرت مني شالتها وخلتها بحظنها
ادحك الهن اثنينهن الوجه غده دم
ووحده ادحك للخ
ويبجن كالت الها
اش ماما لاتبجين
رديت مبتسم واريد اغير الجو
يولن مااتستكتن عااد تره گلبي رجيج عليجن
وراح اكابلجن وانوح وياجن
ليان دحكت عليه كملت
اابجي ليونه
هزت راسها بلااا جاوبت
عجل اسكتي وسكتي توته گلبي مايتحمل
اشوفجن تبجن
مسحت دموعها توته كامت حظنتها تبوس
بيها وتمسح بخدها ليونه باستها
وحظنتها لصدرها
حجيت بضحك
بخت عمي صارلي ساعه احجي وااواسي
تالي تجي هالبنت الجلب وتاخذ البوسه
حاضر محضر
توته دحكت علي بزعل ردت اخذها من ايدها
ماقبلت لزكت بيها ليونه ابتسمت
وكالت
راح يزعل عليج بابا روحي اله وبوسي
بس حجت وياها اجتي لحظني
باستني من خدي وعقجت الخلقه خربت،ضحك
هههه شاسويلهن عيني ست توته انتي ماتحبيهن
وغيرج يحبهن ويموت عليهن
غمزت ليونه ابتسمت خلت ايدها على
خدي وباستني منو
وخرت وكالت من كامت
كوم بدل حتى اسوي االعشه
اي هساع حضرتي الجنطه
ليش
يااا هاي شبيج مو كتلج نريد نروح لبيت خالتي
ياا والله نسيت
خاف بدلتي رايج
لاا مالك اني هم اريد اروح واغير جو واتعرف
على اهلك الهناك
عجل هيري الجنطه ولاتاخذين جثير لان راح
اشتريلج انتي وتوته مناك
اي تمام
شهم
اخوه عم فاروق اجه من السلمانيه اكثر من مره
رجال مستور والله رازقو خير جثير
كعدت ويا اكثر من مرة
وتعرفت علي
بيوم عم فاروق فاتحني بشغل يخصه جان
جانت عندو اكثر من اسواق هناك وطلب منو واحد امين يلزم وحده وكلي عليها وفضلني على
ابن اخوه اللخ لان مو مال شغل
ووافتهمت منو ايدو
طويله
من رجعت لدرانا كعدت وي ريتاج
وامها تكلمت وياهم بهل الشي سالتني عمه
وانت شدكول يايمه يعني انت تعرف احنا
استقرينا هنا وانت شغلك يعني يوم زين
يوم لا بس الحمد لله طالعه العيشه
ومستورين
والله ياعمه اني اكول خلي نسري لهناك لان
الرجال كايل لعم فاروق يكعد بلاش بمشتمل يعود الو واگضب اسواق وراح يجيني منها
راتب خير من الله
سكتت ريتاج كملت
يمه خلي نروح لهناك شعدنا ظالين هنا انتي كاعد
تشوفين ابو الملك يوميه مطلع النا سالفه
وكل شهر يزود علينا الايجار
وهم شغل الاسواق مو مثل شغل المخضر
ربح وخساره يعني طالع النا راتب
بدون تعب ولا خساير
والله يايمه انتو بكيفكم وين ماتردون ترحون
اروح وياكم وانت ياايمه يااثائر
اذا تشوف هالشغل بي
فايده الك وراح ترتاح بي نروح ليش
لااا
هاهيه على بركه الله ارد خبر للرجال واكله
انا موافق
تمام يمه ان شاء نشوف الخير عليها
هاي الروحه
امين يارب
وهذا الصار شلنا للسلمانيه واستقرينا
هناك
هيله
سريت لاهلي وره يومين ووياي زين كعدنا
نتعلل يمهم واسمع الكلام مالتهم
يعني هساع ديرنا امنت يازين
اي عمه ربيعه كلها تأمنت وظلت بس الحدود
الجوه ولدنا والحشد كاعدين ينظفوها من
ذوله الانجاس
يالله يارب ينصرهم عليهم ويحفظهم من
كل شر
امين ياعم
عجل يابه خلي اسري بعيلتي واعكب للمزرعه
تااشوف الشغل وش يحتاج ونرتب الارض
للزراعه
هو هم هيج انا كلت لابويه خلي عم حميد
يعگب قبلنا للمزرعه ويرتب الشغل هناك
اي لان والله ضاج الخلك من الگعده وانت تعرف
عمك وخابرو مايحب يظل جالس
ومايشتغل
زين ابتسم ودحك لي ابتسمت الو
كال
ياعم لو عليه مااخليك تگضب شي انت غالي
عليه بغلاه هيله ومااحب اتعبك بشي
يعز غاليك يابه لجن انا مااكدر اكعد جثير
احس روحي تكسرت وعظامي
كامت تون عليه وضجت
كلش من هالمجان
اريد فله وبريه يبعد عمك هناك
الروح ترد والبال يصفى
ااي والله حنا هم ضجنا اريد اطرد بالفله
واركض وره الدجاجات هن والوز
زين ضحك من تكلمت ساريه وكال لها
مو عدنا دجاج هينه عش ماتركضين وراه
گربت يمو اشرت نزل راسو همست
باذنو وحنا ندحك لها ونضحك
يااا هاي انتي عجل الطلعتي راكضه وراهن
الما عابرات لييت المحامي الي
ورانا
سرر يااازين
هههه نسيت
وج وكحه جم كتلج لاترحين لهناك
امي كالت لها باب اندك ابويه كام تايشوف
منو رد وكال
عوض اجه
انتبهت زين عكد حواجبو عرفتو جاي
يحجي بسالفه ريمه اشر لي
كمت ووياي خواتي وامي دشينا للصاله وسدينا
الباب
زين العابدين
عوض دش سلم وكعد حدي عم حميد
سالو عن الحجيه كال
بخير ياعم طيبه
الله يساعدها ويصبرها على فراك نجم
امين ياعم
سكت دحك لي هزيت راسي وتكلمت
ياعم احاجيك بسالفه
عم حميد دحك لي ورد
كول يازين اسمعك
عوض تعرفو ابنا وولد عمنا ومو انا الي ازكي
لا انت تزكي وغيرك هم لان زلمه حك ونشمي
واخو خيتو وحزام ظهر لاي واحد
يريد يتحزم به
والنعم منو اعرفو وش هو واعرف هو
خوش زلمه والكلتو قليل بحقو
عجل اسمعني ياعم عوض رايد گربك
يريد ريمه على سنه الله ورسولو
لجن
عم حميد عكد حواجبو سال
لجن وش يازين
عوض تكلم
ياعم انا رايد بنتك وشاريها والي تطلبو
انت وياها لو عيوني ترخص لها
لجن لازم اخذ حرمه
اخويه وراها
عم حميد رد ليوره دحك له بتركيز واليه
كملت
انت تعرف حرمه نجم ظلت وراها هو وبزرتو
وامو طلبت منو ياخذها حتى ولد
اخوه مايتبهذولن
يم الاهل او الغريب لو شاك
لها تزوج
ابو هيله ظل ساكت لجن وجهه تكدر عوض
دحك لي بعدين تكلم
ياعم اعرف هالشي ثكيل عليك لجن
انا رايد بنتك وهي الاصل والله هي الاولى
وراح اخليها بعيوني ومااقصر معها بشي
وذيج بدار اهلي وهي بدار لوحدها
ياابني هالشي مايخصني انا لوحدي هذا
حياه بنتي وهي الها راي بها
انت ياعم وش ادكول
عوض تكلم بتوسل عم حميد دحك
له سكت للحظه ورد
ياولدي لاتزعل مني انا مااراضي بهل
الشي صارت بهيله ورفضت شيخ معتز لان
مزوج الضره مره ياعوض وراح تصير مشاكل
ماتخلي بنتي ترتاح بعشيتها
ياعم كتلك هي بدار وذيج بدار
حتى لو بدار انت وين ياولدي مو راح تصير
لاثنين لادكلي ماراح تگرب لها حرام هالشي
مايجوز تاخذها بس ستر لازم ننطيها حگوكها كلها
حالها حال بنتي
عوض سكت وانا هم عم حميد كمل
اسال ريمه واشوف ردها كتلك هاي حياتها
وهي حره بها
اسال ياعم وخلي بالك هي الغاليه والاولى
والي تريدو انا حاضر له
الله كريم ياولدي
عوض ماظل كاعد كام ترخص وطلع طلعت وراه وعكبت للمجلس
دشيت عم حميد كاعد
وعاكد حواجبو عمه دشت هي وهيله
دحكن له وسالن
خير وش راد عوض
جلست هيله حدي وامها يم ابوها
سالتو
خير يبو هيله اشوفك مكدر حالك
مابي شي
عوض حجه بسالفه ريمه
هيله تكلمت ابوها دحك لها وهز راسو
باي كلت
ياعم هو تكلم معي بهل السالفه لجن انا
ترددت اتكلم بيها معك اعرفك ماراح ترضى
لا انت ولا ريمه
هيله
اختي دشت ووكفت يم باب المجلس
من سمعت اسمها اشرت الها وكلت
تعالي اكعدي عدنا سالفه معج
اجت جلست يم امي كلت
يولي عوض رادج وانتي تعرفي زلمه حك
واخو خيته
اختي خجلت وصارت دم دحكت لزين كال
من رخصتكم
ااكعد يازين ماانت بغريب بحسبه اخوهن الجبير
ابويه تكلم رجع كعد ابويه كمل
بنتي هو رايدج وكال شتريد حاضر لها ودار
وحدج ماراح تكعدين وي اهلو لجن
ابويه سكت امي سالت
خير يبو هيله عبالك هالشي هو مكدر حالك
اسمعيني زين يابه الزلمه يريدج وبنفس الوكت
يريد ياخذ حرمه اخوه الي استشهد
دحكت لاختي عكدت حواجبها وماردت
امي كالت
وش ادكول ياخذها وينزل عليها ضره بنفس
الوكت
اي ياام هيله مثل ماسمعتي
الكل سكت زين كال
الراي رأيج ياخيه انتي وش ادكولين
لااا
ريمه نطقت وكملت
حتى لو مااياخذ حرمه اخوه وبطرك روحو
انا مااريدو لعوض ولا مفكرة به
يصيرلي زلمه
صفنت عليها وكلت بگلبي يجوز شكر بالها
ولد عمي
كامت من يمنا وسرت كمت وراها ولحگتها
زين العابدين
جنت متوقع هالشي اعرف ريمه نسخه ثانيه
من هيله ونفس الطبع شايله والاخلاق
لجن كلت اتكلم بالي رادو عوض
واسوي الي عليه
عم حميد تكلم
سمعت ردها يازين
اي ياعم سمعتو
ردو لعوض وتعذرلي منو وفهمو هي ماردات
هالشي
صار ياعم
هيله
رحت وره اختي للغرفه جلسنا هناك انا وهي
ادحك لها وجهها دم ومقهوره سالت
يولي وش بيج تره محد جابرج على عوض
انتي كلتي مااريدو وفضت السالفه
ماردت علي گضبت ايدها وكملت
تفكرين بشكر
دحكت لي بعيون مغورك وهزت راسها
بلاا
يولي انا خيتج سرج بيرج الي تزتين
كلشي بي وانتي مامنه مايطلع بره
مو شكر ياهيله گلبي مايميل له ولا خاله
بالي الزواج هساع
عجل عش مقهوره وكمتي تبجين
الي قهرني هو عوض اجه وتكلم بشي
وعبالو انا راح ارضى به من وره وضعنا
سكتت كملت بغصه
ياهيله منهي ترضى بواحد يجي ويتكلم
ويكول اخذج لجن اخذ وياج وحده
ثانيه
محد ترضى
انتي كلتيها ياخيه هو اجه وعبالو انا راح افرح
من يكول كلشي تريدو اسوي لها عبالو
اقبل به من وره حالنا
كال راح ترضى لان حالهم تعبان ولاجين
يم الشيخ وماراح تصدك واحد مثلي
اجاها ورادها له
ياخيه عش هيج تفكرين
هاي انا ياهيله افكر هيج واشوف الكل ادحك
لنا بعطف وشفقه لان لاجين يم
ابو زين وكاعد يصرف
علينا
يولي لو زين يسمع كلامج راح يزعل جثير
ويحسبج حاسبتو غريب عنا
سكتت بس دمعتها تنزل گربت منها
حظنت جتفها وكملت بحنيه
ريمه انا اختج والخير هذا كلو خير عمي
وزلمتي زين والكاعد يسوي الكم يسوي الضعف
للغريب وابويه بحسبه اخ لعمي
ماتشوفي شكثر يحبو ويودو ماتشوفين
وين مايروح ياخذو معه ويكول
علي هذا اخويه الماجابتوو
امي
اي اعرف ياهيله لجن احس باروحنا ثگلنا
عليهم جثير وحنا تعرفينا عزيزين نفس
ومانرضى بمنيه احد
ابتسمت گضبت بطني وخليت ايدها عليها
وكلت
انتي وش تصيرين لولدي
صفنت عليه وردت
خالتو اخت امو
هاي انتي كلتيها خالتو يعني مو غريبه عنه
ولا عن ابوه والخير انتو اولى به من
الغير
سكتت كملت بضحك
عاابت صايره مثلي نحسه وتزعلين بسرعه
ابتسمت بوجهي وردت
اختي الجبيره بعد وتطبعت بطبعج
ههه بس لا هم الله يرزقج بواحد مثل زين
طك ونص تاكلي بلسانج وهو هم
يگصج بلسانو
اختي ظلت مبتسمه وماردت عليه بشي
زين رد خبر لعوض لح جثير وقدم مهر عالي
وكال شتريد اسوي لها لجن ريمه
ظلت رافضه
الولد انسحب وزين كال انقهر كلش من وره
رفضها،،،،،،،ثاني يوم بيت مالك اجوي
علينا وشفت حرمتو تخبل وحلوه كلش
تشبه الانكليز ماظلو جثير يمنا يومين وعگبو
بهل الوكت حبيتها كلش والكل هم حبها لان طيبه
وبسيطه وماعدها تكبر والي خلاني احبها
كلش هو حنيتها على تاليا
بنت مالك والي خلتنا كلنا نحجي بيها لان
خافت الله بهل اليتيمه
اهلي هالاسبوع عكبو للديره اخذهم فزاع وزين ردت اروح وياهم لجن هو ماقبل
ولا عمه وجده خافو عليه
من وره وضعي
فزاع
اخذت بيت هم حميد وعگبت للديره
جالسه حدي مرتو وعم حميد وي زين وبناتو
الصغار ويمي هاله وريمه
يمه هاي شصاير بالدرب
خراب ياخاله لو تشوفين الديره ماتعرفيها
لان ذوله الجلاب لعبو بيها لعب
وفجروا اكثر من بيت
حسب الله عليهم ونعم الوكيل اذو
العالم وهجوولونا من ديرتنا بلا ذنب ولا صوج
ااي وعگبت ياخاله بذراع ولدنا والحشد
اي يمه عگبت لجن من يعكب الراحو
سكتت وتذكرت عمير وجم واحد من الراحو
حست بيه وكملت
اعذرني يمه هيجت عليك المواجع
ذبيت حسره وكلت
اووف ياخاله المن انسى واحد اثنين
كلهم غالين عليه وجرحهم بعدو ندي بگلبي
عيوني راحت للمرايه شفت ريمه ادحك
لي دارت وجهها على الجامه بس شافتني دحكت
لها كلت
ااستغفر الله ياربي استغفر الله
اي يمه اذكر الله وهو يهدي بالك وگلبك
فرگت رگبتي تعبان كلش لان اجيت بارحه
بليل نمت شويه وكعدت تاخذهم
واعگبهم لديرتنا
يمه ريمه انطي بطل مي لاخوج
ماانطتو اليه سمعتها كالت لهاله
هاج انتي انطي الو
مااريد
رديت بنتره وانتبهت لحالي من دحكت لي امها كملت بهدؤ
مو عطشان تسلمين خاله
تعبان يبعد امك
امها سالت بقلق رديت مبتسم
لا خاله مو تعبان اكو شي شاغل بالي
ها الله يريح بالك يايمه ويگضي
حاجتك
امين خاله
رديت ظلت تسال بي عن الديره ومنو رجع من
اهلها ارد واسمع هاله تتكلم مع
ريمه وذبج ترد
مختصر
من صعدت وياي بالسياره الكل سلم الا هي
دحكت لي بتعالي وصعدت
كلت تصرفت هيج
من وره عركتنا انا وياها وشال گلبها
عليه لان جسرت عليها
عيوني راحت لها دايره وجهها وادحك من
الجامه عوض اجه بالي شلون اجاني
مقهور من وره رفضها
الو
جنت متوقع هالشي زين كال طبعها مثل
طبع مرتو عنيده وصعبه ومحد يكدر يفرض
رايو عليها
ظليت خطف اتمعن
بملامحها ولاول مره اركز
بتفاصيلها ريمه حلوه كلش شكره وكلشي ناعم
بيها ونازكه دارت،،،،، وجهها عليه
بسرعه ركزت على الطريق وره لحظه
دحكت لها شفتها صافنه عليه وعاكده
الحواجب
نزلت عيوني لهيت روحي بالجگاير
وكلت
من رخصتج خاله انتي والبنات اريد ادخن
براحتك يمه
ورثت جگاره ولهيت روحي بيها بعد ماا
دحكت عليها
وصلنا للمزرعه الي رتبنها الهم بالايام الفاتت
امها نزلت وهاله جهازي حدر ووكع
ليوره درت روحي وكلت
جهازي بلا زحمه
تجاهلت كلامي وراحت ليم اهلها دحكت
لها بضوجه وكلت
يااساتر يارب هاي غير گلبها اسود وماتنسى
ابد الي يغثها بجلمه
صار رمي من بعيد خواتها لبدن بصفها
خايفات زين تكلم
ماكو شي لاتخافن هذوله ولدنا واحد يامن
على اللخ كل فتره
هااا يعني ماكو شي
حرمه هم حميد سالت بخوف
وكفت يمه سالني يضحك
طمن عمتي يافزاع
ابتسمت ورديت
تطمني ياخاله ماكو شي هاي ولدنا واحد يتحارش
باللخ كل فتره
هاا يعني الديره امنه هي والمزرعه
عجل شلون جبناكم لها وهي مو امنه
تطمني وهدي بالج انتي البنوات
عيوني راحت لريمه ولا يمها الكلام سرت
شايله الجنط ودشت للدار الي جهزنا
لهم
خواتها لحكنها شايلات الغراض عكبن
على البقيه زين تكلم
ياعم ذيج نقطه شوفها فزاع بها هو وجم
ولد من عمامنا اي شي يصير وهو مايصير
باذن الله لان كتلك كلشي استقر
وتأمنت الديره بس خاف
تحتاج شي خابرو يجي يمك وها باجر عم عزام يجيك هو وولدو من بغداد وبقيه الفلح هم
راح يجوك وعاد انت رتب الشغل
وياهم
يالله يارب يرجع كلش مثل الاول
عم حميد رد جاوبتو
يرجع احسن ان شاء الله بزودنا عم وبزود
ولد الجنوب وتعبك انت والوياك
اي والله يابه تعبتو انتو وياهم وراح منكم
الجثير
هزيت راسي ترخصت وعفت زين
يمو صعدت سيارتي وكلت له
رايح للنقطه يازين
روح الله وياك
ايهم
لارا سوت العمليه ورفعت الرحم سوينا الها
زرع طلعت حميده كامت تبجي
وتلوم بالدكتورة لان
خلتها تشيله وهي تبرر لازم نشيله
لان العقده كبرت ماصغرت والنزف زاد مانقص
اي احد من اهلها مااجه رغم عرفو
بيها بس امها خابرتها تحجي وياها وتبجي
وتلوم بيهم لان محد منهم كلف روحو
واجه عليها
زعلت عليها وسدت الخط حجت يمي
الصار وكلت الها
انتي مو كل عقلج تريدين ينسون الصار
ويجون عليج
ااني غلطت صح بي وصلت للموت وهم ماكلفو
نفسهم يجون عليه ويسالون
ااي وليان هم وصلت للموت ومن وراج نسيتي
هذا الشي لارا نسيتي شسويتي بيها
انت ليش تحجي وياي هيج عبالك
بس اني الغلطت مو انت وياي وتعرف شصار
الصااار انتي ذبيتي روحج عليه خاتون
ذبيتي هدومج جدامي وقريتي باذني مثل
الشيطان وخليتني اصخمج واصخم
روحي وياج
كااافي بعد شيصيرر بيه حتى يرتاح گلبك
انت وياها
انهدت بيه تبجي ولدي طلع صوتهم بالبجي
امي فتحت الباب وطبت علينا هي وافنان
شافت الوضع حجت بخوف
خيررر هم نزفتي
اريد اموت عمه والله اريد الموت حتى اخلص
من ملامه ابنج وحوبه ليان
ااي حوبه ليان لارااا وبعد وبعد والله ماراح
نرتاح ابدا من وره السوينا بيها
جاوبتها وطلعت من يمها
كرهت البيت من وراها هي وولدي وكرهت
اعيش بهيج حياه انفرضت عليه من وره خطا
ونزوه وبعد اي طاقه للتحمل
ماعندي
هيله
عرفت من جده هي تكلمت مع حمد ولاعبه
بي طوبه وماكل منها رزاله تسوه عمرو
وكايله له بعد اذا
عدتها وتگربت من هيله اكول لعمك
الشيخ وهو يعرف شغلو معك
ارتاحيت وكلت خلصت منو وشفتو
بعد مالفه يمنا ولا شوفنا خلقتو
زين فگدو وراح له
اكثر من مرة وبكل مره يجي يكول
مدري وش به متغير كلش جن به شي وضامو
عليه اسكت واردد وي روحي
بي بله وشر الله يبعدو عنا ويجفينا
شرو
من طبيت بالسابع بنهايتو التقلصات رجعت عليه
وزادت عندي الدكتوره خافت على وضعي وكالت بس لاتولدين بهل الشهر انطتني ابر
تاخر الولاده وهم ابر
مال رئه للطفل
صار عليه حضر من الكل حتى ماقبلو
نعكب للديره خافو عليه وكالو من تصير زينه يله
نرد لها وطبيت الثامن وانا
نفس وضعي وجع ولاده يصير عندي
ويروح من اضرب ابر واشرب دوه اهلي استقرو
بالمزرعه وابويه بده يزرع بيها هو والفلح
الويا اخابرهم فرحانين
بكعدتهم هناك ورجعتهم للديره واريد
انا هم بس ارجع لجن وضعي ماجان يسمح
امي اجتني هي والبنوات جم مره ويعگبن
مع زين الي ظل
يروح ويجي لهناك ودخل انذار من ورايه من طبيت
التاسع الدكتوره وقفت كلشي وكالت
هاهيه بعد ماكو خوف عليج
وره جم يوم كعدت على وجع قوي يروح
ويجي جان وكت فجر دحكت لزين
غافي ونايم
كمت وسريت للحمام توضيت وطلعت
اريد اصلي كعدت على الكرسي صليت گوه
لان الوجع يروح ويجي
كمت حسيت الم قوي ضرب ظهري وصرخت
اااخ يمه
