رواية ليتك قدري الأول الفصل الثامن والاربعون بقلم رفل الكناني
كعدت روحي لايبه ركضت بدون وعي للمغسله ونسيت حتى اني حامل استفرغت شكو بطني لو روحي طلعت عركت وجسمي رجف بارق اجه ورايه
هبه شبيج
ماكدر احجي بس ارجف ولازمه المغسله
لاتخوفيني عليج ليش هل رجيف شجاج ابويه
هزيت راسي ماكدر اجاوب غسل وجهي ومسح ركبتي وصدري بيده أخذني للغرفه نومني بفراشي وعلى ايده ويمسح عل شعري
ابويه اوديج مستشفى اخابر احلام
لا
لعد شجاج من نمنه كلشي مابيج
مادري
نامي ارتاحي هسه
ضل مكابلني واني من استفرغت ارتاحيت بس ماكدر انام للفجر ال غفيت وهوه هم ما كعدت ال على صوت أحلام وهيه دكعدني كمت سلمت عليها وبوستها اثاري اني حتى ماحسه عليه من رايح للدوام
شنو هبه شجاج بارق خابرني كلي البارحه تخربطت وحالتها حاله روحي شوفيها واحذيها للدكتوره
لاهسه الحمدالله بس البارحه مدري شبيه ليش كلفتي
نفسج
لا عادي يمعوده بس ضل بالي وبارق هم من خابرني أكد
عليه اجيج من وكت
تسلمين متقصرين بس ميحتاج اروح والله مابيه شي
براحتج يله اني يم امي اذا تحتاجين شي صيحي عليه
لا حبيبتي اني كايمه والله مابيه شي
ان شالله مابيج شي
كمنه هيه راحت يم عمتي واني غسلت ورجعت رتبت الغرفه وبعده طلعت عل بيت والجهال وعمتي ومثل يوميه عادي ماكو شي جديد طبخت الغداء وراها سبحت طلعت من الحمام موبايلي يدك بارق جاوبته
الووو
ها ااا عيني شلونج
هلو بيك شلونك
الحمد الله شلون صرتي
زينه الحمدالله
دزيتلج احلام اجتي
اي خطيه ليش كلفتها
اخذتج رحتي للدكتوره شي
لابارق ماببه شي
والصار البارحه
عادي والله
يعني هسه زينه
اي الحمدالله
تمام يله لعد في امان لله
الله وياك
سديته وسرحت شعري وجففته ومكيجت خفيف وكعدت شويه يم احلام لحد مااجه وصبينه الغداء وتغدينه وكملنا داشيل بالسفره احلام كتلها:
بارق شسويت عل سالفت البيت
هاهيه كملت والقسام طلع وكلمن راح يأخذ حصته
اي عفيه فدوه اروحلك هيج احسن من المشاكل والفضايح كدام العالم
لاعليمن هوه مهند شخله بعد متسوى حتى خلدون راح
احوله فلوسه لهناك
وحصت سلام والجهال
ها ااا احلام انتي هم دتفكرين مثلهم عمي تره مراح اكلها حصتهم بيد امهم يابه ناقص عل عرضي اذا خليت ايدي على فلس احمر من فلوس سلام وجهاله
شبيك بارق ليش تتحسس من هل موضوع تره مجرد
سؤال
أحلام لخاطر الله سواليش العشيره كوله دكول بارق اخذ
هبه علمود الورث وانتو اقرب الناس إليه هم ماسلمت منكم يمعودين ااااااحبها واخذتها لاورث ولافلوس الدنيه بعيني صارت من رداتها اني سلام بكبره مصار بعيني
اكو لك شنووو انت متحمل ونهديت بيه اني صوجي
احجي وياك
مجاوبها عافها وكام وهيه كامت تبجي ودكول اني الجبيره وبارق الوحيد ميحترمني سئلته سؤال كب بوجهي هو
اذا يتحسس من المرحوم وطاريه شكو اخذ مرته والله بعد ماحجي وياه ولااجي من وراه
شالت جنطته دتروح جلبت بيهه
والقرآن مطلعين مستحيل اخليج
هبه عوفيني والله قهرني اني شكتله وهيج يسوي بيه
احلام بروح المرحوم دكعدين اعرفج شكد تعزي وحلفتج بي بارق عصبي وسالفة البيت ماثره عليه حتى اني لاحني
طشار من وراه وداعتج هسه من يهدى يتندم وداعتج انتي ام كلب الجبير والحنينه تحملي شوفي حتى الجهال مجلبين بعباتج
باوعت عليهم وحضنتهم وكعدت رحت لميت المطبخ ورجعت كعدت يمهه وللعصر صدك بارق كعد هادئ طلع مبدل مد راسه للغرفه كاله
ها ااا ام رقيه خوما تردين تروحي
دنكت و كلتله : اي والله
انتضريني هسه اروح بشغله ومن اجي اني اوصلج
حجاهه وطلع باوعنه عل بعض كتله هااا شكتلج بارق بس حجي كلبه ابيض
راح شويه واجه جايب علبه مال حلويات كعد والجهال بصفه فتحه وقدم الأحلام اول شي كتله
ماريد ماشتهي
دخذي لج اني جبتهه عل مودج
ضحكت
بارق : احلام بلقران كرهت حتى نفسي تدرين مهند يكولي انت اكثر واحد مستفاد راح تأخذ حصتين طبك وكل حجايه والثانيه وجابو طاري المرحوم ادري شيصير كلبي مدكليلي قابل موته اني حته اخذ مرته واربي جهاله واخذ حصته
مجاوبته
يله حسبيها عليه انتي الجبيره وهذا راسج ابوسه يولي انتي امي الثانيه شعندي غيرج
حضنهه وباس راسها موقف يقشعر البدن شكد رتاحيت من شفتهم هيج وشكد ايقنت بارق كلبه انقى من الثلج بعده اخذهه وصلها واخذ يوسف وياه وماجوي لليل جنت مدد بلكاع كدام التلفزيون بغرفة عمتي واجاني يوسف يركض جيت عل بطني
ولك يمه مو هيج بطني
بارق دخل وره سمعني وشافه فوكايه كله
ليش هيج بابا اني شكاليك شنو بطن ماما
عافني يوسف وراح عليه وهوه مدد وخله عل ايده ومدري شيشاوره بعدين اجه يوسف شايل فونه نام يمي جان مطلع صوره شفتهه لو حتركت بارق كاعد بلكوفي وكاعده كدامه مضيفه والله العظيم لعبت نفسي من شكله مدنكه وصدره كوله طالع ودتسوي بلفحم بدون تردد هميت وكعدت لحيلي كتله
هاي شنو
شكو
شنو هاي السوالف وماخذ يوسف لهناك شدتعلمه انته
انجبي حيواااااانه شعلمه كاعدين بلكوفي شمسوين
استغفر الله هذا كوفي لووو
بعدني مكملت خزرني خزره نسيت شريد اكول وباوع على عمتي وعليه عود شلون حجيت هيج كدامها سكتت وكمت للغرفه واني افووور افووور اجه يوسف جبته خليته بحضني سالته
يوسف حبيبي وين جنتوو انت وبابا
عن عن بعيد
عود بسياره بعيد ياربي هذا شفتهم منه شمدريني وين جان اخاف سواها وراح عل نسوان لالا يوسف وياه وين يخلي اوووف شلون بيه شسوي كتله يوسف روح جيب الالووو
مال بابا اريد اشوف الصوره زين اريد حجه اريد اي شي
يبرد كلبي راح واجه يكلي بابا راح بسرعه كمت طلعت بره لكيته مرتجي عل سياره وديخابر نجنيت وألف شيطان نط برأسي اجيته من ورا دقيته من جتفه لتفتلي ورجع عل
الموبايل كال :
يله شويه واني اخابر
وسده باوع عليه كال: شكو ؟
ويا من جنت تحجي
وانتي شعليج
شنو شعليه بعدين وين دتاخذ ابني ودطلع عينه
انجبي يوسف ابني واخاف عليه اكثر منج بعدين انتي جايه ورايه عل هاي السالفه لو جايه تعرفين ويامن دا حجي
ثتينهن
وهسه
بارق ليش دسوي هيج وين جنت
وانتي شعليج مو كتلج اني اشرب اروح يم نسوان انتي مالج علاقه وانتي وافقتي وسكتي لو لا
ختنكت وردت ابجي كتله
بارررررق ليش تقهرني مو اني حامل وموزين هل حركان التسوي بيه
ضحك ضحكه حتى جتافه كامت تهز سحبني جوه ايده
حبيبتي شبيج
ويامن جنت تحجي
اووويلي كبت الغيره بعلي ماقهرج والله ويه ولد شوفي المكالمه
رفع الفون كدام وجهي شفت صدك اسم ولد وحتى صورته اني جوه ايده غطيت وجهي بصدره شدني عليه حيل ومشاني دخلنا للبيت والغرفته سد الباب وكعدني وكعد كدامي كال :
شتريدن حبيتي ابويه انتي والله لدكولي هسه اسوي شلون اراضيج تره كلبي تفركط عليج
ماريد شي
لعد ليش زعلانه عليه
من وره سوالفك غير
شننه سوالفي وداعتج ابطلهن وعيونج شتردين يجرالج والله تعاملي وياج ذيج الفتره بالقرآن عل عمه عيوني
بارق ليش تشرب انت قدوه ليوسف بعد شكم سنه يكوم يفتهم وإذا يشوفك شارب صورتك تنطبع باله وبعد ميناسه وإذا كبر وفد يوم سواهه يحسهه عادي لان يشوف ابوه مسويهه
وداعت يوسف ونور الماعندي اغلى منهم كلام مهند اذاني وزرف كلبي ورحت شربت ومادري بنفسي بلي مسوي بيج وهذا الله يشهد عليه وال اني اطلعج من البيت من امداني الج اني حذام وعصام ممعترف بيهم اخوه الج اني سندج واني ضهرج واني كلشي بحياتج شلون هيج سويت مادري والله كل ما تذكر اغم نفسي والله متندم بكد شعر راسي وشتريدن اني حاضر عل لسانج والله
بعد متشرب عصب شتسوي سوي اني اتحملك بس شرب لاتشرب
لزم شاربه كال
شوفي لزمتلج شاربي يابه ازينه اذا شربت بعد بس فكيه
عاد
تلمست شاربه ولحيته
كلشي ال ممتلاكتي الخاصه متلعب بيهن
هوه شضل بممتلاكاتج شوفي الشيب شلون غزاهن
يحجي ويمسح بيهن كتله
وهذا احلى شي غير صاير تجنن
نام بوسط السرير وخلاني عل ايده ودندن موال دمعت
عيني
(والله كبرنا بسرعه
والعمممممر راح نضيعه
والشيب فوك الررررراس
والعمرررر مثل الكأس من ينكسر شيرجعه
يوووووولو كبرنا ماصبغك ياشششعر لو صرت مثل الكطن حتى لوووشوفك ثلج لكعد كبالك ووووووون )
صرت حيل بحضنه كتله :
اسم الله عليك من الونه حبيبي
كلبني وصار فوكايه
تخافين عليه
ليش تشك بهذا الشي اني شعندي غيرك لو مااخاف عليك ماسويت كل هذا وتحملت بعدك هاي الفتره
بس اني ماتحمل وبعدج ذبحني
لعد اشو ممبين
يولي وهذا الشيب شنوو
ههههه انت كبرت لاتذبهه برأسي
بس بحضنج اصير ازعز من يوسف ونور
هههههه
فدوه لضحكتج لترد روحي
يله خل نكوم اشو الجهال مالهم صوت
كمنا طلعنا هوه راح يمهم واني رحت للمطبخ وبعده سالفه الكيكه بالي ومقهوره لان ما أكل منها كمت وخبطت كيكه
عل سريع وسويت عصير طبيعي وخليتا بالثلاجه ورحت فرشت لجهال وهمه اصلن ديغفون وره رتبت نفسي وكملت الكيكه اخذتهه للغرفه وانتضرته لحد ماجه من شافني بتسم وعض ايدي من فوك حيل صحت
لابارق ليش
ليش حارمتني من هذا الدلال حرام عليج والله ميت عليج
ههههههه خوما هيج تعضني
هاي لاشي كدام الراح اسوي بيج
لاحباب والنونو
يابه مو انتي شاعله ابو نونو شلون بيج
زين خل ناكل كيكه بلاول
وينهه
تعال اكعد
كعدنه وقطعتله الكيكه واني مخليه فوكاها ككاو من شافه ضرب كصته كال
بابا انتي مرايده روحج يعني دتكببيني ودكليلي النونو
خلصي نفسج اليوم
لاصدك هاي سويتها لان ذاك اليوم ماكلت وانقهرت
ممممممم هذا الحجي لعد عليج عقوبتين لان حارمتني منج ولتن اكلتي الكيكه واني مااكلت
وعيونك ولا ضكتهه
علمودي
اي والله
دتعاي لعد مدام اليوم اني مدلل كيكه وتحضيرات
زين دكل مكملت
يمعوده اخاف عليج والله هوه هسه اني مجمر انوب اكل
ككاو مو وليدي هم خطيه
أخذني وصرت بين اديه ونسيت نفسي وهوه عبر عن اشتياقه بطريقته جنت شبهه فاقده بس لحيته توعيني من تتجول
على وجهي احبه بكل حركه بكل لمسه وان كانت بيهه قساوه بس بيها حنيه بكد قسوتها كال
متحملتج لان مشتاقلج
ممممم مو عل ساس راح تروح يم اي وحده
هههههههههههههههههههه يعني ضاله بالج
عزززه صوتك شهل ضحكه
لان من كل كلبي يعني اني دكيت عل وتر الحساس موو
لا والله اشو مكيف
اموت عليج بلقران العظيم بس حجي الله وكليج ماكد اروح لو الزم مره غيرج
وهاي البصوره شنوو
فديت المعصبه اني والله هاي مضيفه وطكيت الصوره عمده حتى تشوفيهه
يعني دتقهرني
لا والله داشوفج شسوين شوفي صارت سبب وتصالحنه
بعد لتروح بهذا الكوفي
صار تمرين امر
وتمسح الصوره
يجرالج وهذا الموبايل وهايه الصوره تم المسح بعد شتريدن
هاهيه
صافيه لبن
صافيه
الحمدالله
يله راح اسبح
لا وين بعد شوط ثاني
لابارق والله موزين عل نونو
يله أمري لله بس تراضينه
طلع قبلي واني طلعت الكيك والعصير دخلنا بغرفت عمتي دنشوف الجهال شغل الضوه فتحت عمتي
ليش شغلته خطيه عمتي فزت
نسيت امي هنا متعلم عل غرفتهم هناك كل شويه افوت اشوفهم
عمه تريدن شي
هزت راسه لا
هوه راح واجه جايبلها عصير وقطعه مال كيك كعدهه وشربهه والكيكه بيهه هواي حلاه كتله نطيهه شويه موزين عليه والدنيه ليل ليصعد سكرهه سوه مثل ماكتله وشربها
مي وغطاهه وطلعنا سبحنه ورجعنه للغرفه نمنه
وثاني يوم من الصبح كعدته للدوام ورجعت اهتم بي وهوه يضحك يكولي هسه احنا متراضين مرت يومين وخابرهم مهند يحضرون محكمه علمود التنازل والبيع بيومهه
بارق بدل وقبل ميطلع اجه عل عمتي جانت كاعده بكرسيهه ثنى كباله ولزم اديهه كله
يممه البيت انباع ادري بيج دترين كلشي بس ماتكدرين تحجين ولاتنطقين يمه حبيبتي لاتنقهرين هاي سنة الحياه يجوز مهند غلط بس يبقى صاحب حق بهذا البيت خل نتقاسم احسن الشر مورزين واحنا اخوه والفلوس وصخ
دنيه ودشوفين الدنيه شسوت بينه سلام الله يرحمه
وخلدون هج مضل غير اني ومهند واني مسامحه عل كل السواه يبقى اخويه الجبير وبطن وحده جمعتنه اني ماخليج ولااعوفج ومدام خشمي يشتم الهوى تبقين انتي بمسوليتي ولاتخافين بيعت البيت متفرقنه وحتى مهند راح اصالحه حتى متنقهريين
بوسهه وطلع ووقعني عل ورقه لان اني سويتله توكيل بحصتي وحصت الجهال ووره كم ساعه اجوي كلهم للبيت كعد بلاستقبال وهديل جابت عمتي يمهم وصاحولي الفلوس عل طبله وبده بارق يحسب اول شي انطه مهند ومهند حار بفلوسه وكعد يحسب بيهن وبعدين انطه ام رقيه كله احسبيهن خطيه رفضت وكلتله اني ماحسب وراك
ما قبل كلها هذا حق بعدين انطاني خلاهن كدامي واصر اخذهن جنت مستحيه وهوه كلي هذا حقج وحق جهالج بعدين انطه الهديل وعمتي كام وخلاهن بحضنهه ورجع كال وهاي حصتي حالي من حالكم وحصت خلدون تحولته لهناك البنات بوسنه وبوسن مهند وهوه هم بوس مهند واعتذر منه وكلهم باجر معزومين عل عشه عل روح المرحوم أبو يوسف تشكرو منه وبين هاي الهوسه عمتي كامت تون وتاشر برأسه حتى ننتبهى عليه ومن نتبهو كامت تاشرلهم عل فلوس
وعلى هديل وبعد معاناه فتهمو عليها بن هي تريد تنطي حصتها لهديل لان تعرفها أكثر وحده محتاجه ومن تاكدو
كام بارق كتب كليشه شكبره بورقه وبصم عمتي عليه حتى اخاف فديوم أحد يداعي بحصتها هذا ضمان بن هي
متنازله لهديل وهيه بكامل قواها العقليه وبدون ضغط من أحد ورهه راح كلمن البيته واني خليت بيده الفلوس مالتي
ما قبل وحلف ماله دخل بيهن بس اني زعلت وحتى بجيت كتله ليش تحسسنه انت غريب اذا صدك تحبنه وتعتبرنه عائلتك تاخذهن كال لعد اني اعرف شتصرف بيهن وثاني
يوم فاجني وكدام الكل بيوم العزيمه وهوه يحط بيدي ورقه لكاع 200متر بإسم يوسف ونور واسمي وبأرقى منطقه
خله الكل متفاجه وفاك حلكه بيومهه كل النفوس طابت وتراضت واحنا جانت عنده مهله أسبوع نخلي البيت وركض ركض الغراض نباعن فلوسهن قليله بس هم تقاسموهن بس غراضي الفوك كلهن شلتهن ونطيتهن عل روح سلام لان ذني جابهن بفلوسه وتعبه نطيتهن من نفس طيبه لناس محتاجين وصيتهم يقروله الفاتحه واحنا رجعنه للشقه وعمتي ويانه وباقل من شهر بارق اشتره احلى بيت مجنت متوقعه عنده فلوسه دبل فاليوم يصفن بس المؤجر عنده مهله بي تخلص اله ننتقل جنت متشوقه اكعد بي خصوصن من ياخذنه بارق فره بلسياره ونفوت من يمه اكله شوكت نكعد بي يكولي خطيه خل يطلعون براحتهم منضك عليهم هديل عرفت تتصرف واشترت بنفس المكان الي اشترينه بيه بيت 150 متر بس مرتب وخلصو من الايجار طبعا سجلته باسمها
بس اهون من الايجار
ومرت الايام حياتنا من اروع مايكون وهادئة ومابيها جديد حملي كلش زين دخلت بالشهر الخامس وبيه ولد وبارق متخبل لو من يتحرك ويخلي ايده ويتحرك جواه يكوم يكمز وإذا يوم ماتحرك يضل لايب واليوم واني نايمه كعدت على
وجع بطني كمت وتلمست الفرشه لو ايدي تنكعت رفعته لوجهي لكيته غركان دم. .
