رواية دخيله الشيخ زين العابدين الفصل الخامس بقلم أوتار حزينه
هيله
درت وجهي منو ولا اهتميت لكلامو كدت خواتي الي ظلن يتلفتن الو ساريه تكلمت
بعدو واكف ويدحك علينا
هاله كالت بخوف
وش نوحج ياهيله عش تلكمتي معو
بهل الكلام ابويه راح يزعل عليج هذا ابنو
للشيخ شعلان ويحبو جثير هو وابوه
دحكت الها بضوجه كملت
اذا كال لابويه عنج اكيد راح يزعل
ويسمعج كلام يغث
سكتنا من شفنا شهم وخاله زينب حدرو
جاي علينا وكفت اني وخواتي
سلمت من تگربو
شلونج ياخاله
هلا هيله
بوستها انا وخواتي وعيون شهم
عليه ومبتسم خالتي حجت
الشمس حدرت وبعدها حار
اي
جاوبت وردت كالت
امج بداركم
اي موجوده كاعده تخيط
الله يعين
سرت للدارنا وخواتي وياها شهم تكلم
هيله
وكفت خالتي دارت وجهها ابتسمت وكملت
مشي
هاا شهم
تعالي جاي عندي حجي وياج
وكفت بمچاني تكلم بتوسل
امشي معي شويه
ماااكدرر
لااتصعبيها ياهيله انا ابن عمج
وخاطبج من ابوج يعني حلالي
شهم
ياعيونو سمي يبعد شهم
سكتت وخجلت كلش من نظراته وكلامو
اشر امشي دحكت لدارنا بعدين
الو تنهدت سريت
ويا ليم الشاخه تكلم
انتي تعرفين انا احبج واهواج من الصغر
سكتت وگلبي كام يدك سريع وكف
وعيونه عليه نزلت راسي كمل
واريدج اليه زوجه حليله يبنت العم اگضي
عمري وياها على الحلوة والمرة
تنهدت رفعت عيوني اله صفن بوجهي
وتغيرت ملامحه تكلم بصوت
متغير
انا مااريد من هالدنيا غير انتي
ياهيله
ماجاوبت لان الخجل گتلني سريت
من يمو لحگني وگف جدامي وگطع عليه
الطريق كمل بصوت متغير
عهد الله
وكفت صفنت علي سالت
شنوو
ابتسم تگرب عليه مد ايدو مالزمتها
نزلها وكمل
عهد الله تظلين اليه شما صار وعد ياهيله
انتي لي وانا لج طول العمر
عيوني راحت لگاع الشيخ شعلان من بعيد
زين فوك هايل ويراقبنا تحرك من
لمحني ادحك الو وراح لدارهم
هيله
عينت لشهم يدحك عليه والخوف
تارس ملامحه نزلت راسي حجه بتوتر
ياااويل گلبي اذا طلعت احبج وانتي
لااا
جاوبته بخجل
عهد ياشهم
وجهو فك ضحك وكال
عش طولتي يله رديتي حيلي راح
وكلت خطبتها وگتيت الي بگلبي
وهي ماتحبني
ابتسمت صفن عليه وملامحه تغيرت
ردد بصوت مخنوك
ااخ يملي شعامله بگلبي وروحي
اروح
جاوبته ومشيت من يمو لحكني
وهو يضحك
زين العابدين
مثل كل مره من نتلاكه انا وهيله
تهاوشنا ووجعتني بالكلام خذت خواتها
وهي غاديه نار لان وگفن يمي
هالبنت ابد ماجاي تخلي طيب بگلبي
كلما تشوفني تذبيلي چلمه تحرگني
بيها
تمشيت ليم هايل الغضب تارس گلبي مشيت به بهداوه وعيوني
على ذيج الگاع عينت
لها وكفت وي ابن عمها وحدرت صوب
الشاخه
وگفت بهايل ادحك الهم من تگربو شفت بعيوني شلون الخلقه تغيرت
بس لمحت ابن عمها كلشي
يتغير بها من تشوفو وهو هم وجهه
يتغير للفرح لو شافها
يمو ويظل بس
صافن لها
ابتسمت وي روحي وكلت
بأستهزاء
لجن من تشوفني انا يرگبها عفريت
وتتخبل لو لمحتني چدامها ومن زمان
هالبنت ماتحب شوفتي ولااا انا
اطيق شوفتها
ليان
مرت ايام واني ملتزمه الصمت وي
لارا اعتذرت وماقبلت اعتذراها لان السوته
شي جبير زعلي مادارت اله بال تاكل
وتشرب وتصرف طبيعي ولا
عبالك مسويه شي
جبير
ردت احجي وي وسيم وخطيت اكثر من مرة
لغرفته واتراجع باخر لحظه خفت
منه ومن ردة فعل
وسيم عصبي كلش اكثر من مرة رزلها من وره لبسها وتصرفاتها ومرة ردته وتخبل
عليها گتلها وگوة فكينها منه
اني اخته الجبيرة احسبله الف حساب
واحترمه كلش بس هي صلفه وماتحترم ولا
تخاف من اي احد وكله بسبب
دلال امي وتهاون ابويه
وياها
واكفه اغسل مواعين العشه ماما حجت
لارا نظفي البيت هسه حتى مايظل عندي
شي الصبح بس الطبخ
مو هسه ماما داحجي وي صديقتي
اااسمعي الكلام وگومي
حجيت بغضب جاوبتني
ماعليج انتي لاتتدخلين بيني وبينها
انداريت عليها باوعت لماما الي حجت
وياي
هسه تكمل وادكوم تنظف
لااا ليش تنظف خليها براحتها للخاتون
تحجي ووو
بلعت السالفه من طب وسيم
صفن عليه وعليها ذبت جهازها هو كال
هاا خير شبيج وي ليان
ماكو شيي
جاوبت وانسحبت من يمنا لزمها
من زندها وجرها بقوه حجه بغضب
شمسووويه ولج
گلبي هبط وماما راحت بسرعه علي
لزمته من ايده وكالت
شبيك وسيم وليش صاير عصبي
بنتج مسوويه شي داااحس صاير شي
من ورايه ااحجووو ليان هااي مسويه شي
وضامي عليه
باوعت عليه بخوف هي وامي سكتت
وجاوبته
لا وسيم هيج سالفه ماتسوه
شنووو هي ااريد اعرفها للسالفه الماتسوه
على الشغل
جاوبته بسرعه مااقتنع جرها علي
وحجه بغضب
شووفي ولج اي قله احترام وي ليان لو امي
مااريد شيحجن تنفذين بدون نقاش
و اافتهمتي
هزت راسها باي عافها وصاح
سوووي الي كالن علي
طلع وصاحني
ليان تعااالي
باوعت لامي ولاختي كاتلهن الخوف
هزيت راسي بعدم رضى وطلعت
وراه لبس حذائه وسالني
شبيج وياها صاير شي ااحجي داشوف
صارلج كم يوم مو على بعضج
وماتحجين وياها
ماكو شي وسيم انت تعرف علاقتي بيها
وتعرف اختك شكد انانيه وماتحب
تساعد بشغل البيت
ااي اعرف واكسر راسها اذا مااسوت الي
تريدو انتي بس كولي اليه
واني اعرف اتصرف
مايحتاج ماما تصرف
منوو يابه امج هوو شصخم اختج غير
الوالده العزيزه بدلالها الزايده وتهاونها وياها
سكتت لان كلامه صدك مشيت ويا للباب
طلع وسال
تريدين شي
لا تسلم تتاخر بره
لا ساعه 12ارجع
براحتك
يله رايح
الله وياك
رجعت للمطبخ سمعت لارا تحجي
ماما اكيد كلته هسه هاااي ماتضم سالفه
طبيت وحجيت بغضب
لو كايله اله جان انتي هسه دمج
بالگاع من وره هذا العار الجبتي
علينا بنص الليالي
سكتت بس خزرتني مشت من يمنا
امي حجت بخوف
گلبي هبط وخفت كلش،كلت عرف وراح
يسويلها شي لاختج
ماما بنتج مو خايفه من احد ولا مسويه
اعتبار لاي واحد من عدنا لو صدك
تخاف من وسيم جان
ماسوت السوته قبل كم يوم
اافرضي هو الشافها مو اني شراح يصير
صفنت عليه كملت بغضب
جان ذبحهم اثنينهم وصارت فضيحه كشرة
واخويه يضيع،من وره بنتج الخفيفه
ام الولد
عيب ماما ادكولين عليها ام ولد
صحت بصوت مكتوم
شتريدين اكول عليها وانت تعرفين كلش
زين شنو هي بنتج وحده ماتستحي
والله اليدري شلاعبه
من ورانا
سكتت كملت بقهر
ماما تذكري كلامي هذا زين وادعي،من الله
مايصير لان راح يكسر ظهرنا كلنا
بنتج مامن وراها خير
وراح تسويلنا مصيبه
بس عند الله خبرها
مالك
هذا الاسبوع بدو يفلشون البيت بحي الجامعه
استلمه بشير واني استلم واحد بالكراده
مال طبيب وراد بناء درجه اولى
وكله مواصفات جان جايب خريطه
حلوه والتفاصيل كلش
مرتبه
صار ادلل دكتور مثل ماتريد بس
راح تصعد التكلف
اخذت نفس،من جكارتي جاوب
مايهم شكد ماتريد اني حاضر بس اريده
يطلع مثل مااريد
هاهيه متفقين وراح يجيك مثل ماتريد
واحلى
تسلم استاذ مالك ماتقصر
ادلل دكتور بس تره الموعد راح يتاخر بالتسليم
لان انت ضفت شغلات جثيرة
تمام تمام ماكو مشكله اذا تاخر كم يوم
يعني متفقين
اي متفقين اخذ راحتك لازم اروح للعمليات
الله وياك دكتور
جنت احجي ويا ولميس ادك خابرتها حجت
بسرعه وبعصبيه
مااللك ويامن جنت تحجي
شنووو هالاسلوب ماانبطل احنا نجر عدل
جم يوم ونرجع انگس من قبل
ااني مالك ااني الي ماابطل السوالف
اني الي ملتهيه اخابر هنا وهنا
وناسيه نفسي وي الشكول الزفره الي تعرفها
الله ماااطولج ياروح بابا شغل كاعد اشتغل
شلون يعني ادزلج صورة اخر مكالمه حتى
تصدكين بيه
سكتت وكامت تبجي
ااستغفر الله ياارب بابا شبيج اافهمي
اني شغلي كله بهل الاكشر واربع وعشرين ساعه
اتصل حتى اكمل شغلي وي العالم
ماللك لاتخوني والله اموت بالقران انتهي
اذا عدتها مرة اللخ
بابااا شبيج انتي اني مووو يمج مكبور حتى
طلعه مااجاي اطلع حتى مااتزعلين
وتسويها سالفه براسي
وهم مااخلصت كل ساع داكه عليه
ومتعاركه شسووي بروحي اني
اگتلها لميس حتى تخلصين
مني انت واهلج وااهلي
لااتحجي هيج ااسفه والله غيرتي عليك
جاي تعميني وتخليني مااعرف ااصرف مااللك
ااني احبك واخاف وحده غيري تاخذك
مني
محددد ياخذني منج اني الج ارتاحي ورريحني
عاد
هاهيه بس لاتصيح وتصير عصبي
سكتت ورثت جگاره باعصاب رددت
اسفه حبي لاتزعل مني
روحي جاي يدكون عليه
سديت الخط وجاوبت زين
هاا خير
شكو شبلاك متهاوش وي مرتك وجاي تنهد بيه
اانجب ولادوخني ووينك انت مالفيت بعد
هنا ولا اجيت
تنهد وجاوبني بضوجه
ااسكت ياامالك زلمه خالتك فضه خالني بعگلو
هالمرة وقافل عليه بقفل ومفتاحو زتو
بالبحر الاحمر
هههه خاف الاسود
هو اسود مثل وجهك
اانجب طايح الحظ طالعه عيونك
هههه غير طالع لابن خالتي
ابتسمت جريت نفس وهو كمل
مااتجي ولك حدر يمنا تانطلع سفره للبريه
جان بودي والله بس الشغل للراس وكلها تريد
اكمل الها بسرعه
حسافه والله عبالي تحدر يمي ضايج
والخلك صاير بكد السمسمه
مو يمك حمد وصعب
حمد ابوه حالف عليه مايصل يمي اختي
رهيفه خبرتني متهاوش معه وذاب
بلاه عليه
هههه احمد الله صعب ماعندو اهل
جان هم ذبو بلاهم براسك
هههه اي سلمت منهم
سكت وسالت من سمعت صوت العگرك
وين كاعد انت
حد الشاخه اتصيد سمج
هاا انيالك واني كاعد بهل المكتب اقلب
بهل الشغل وارجع ليوره
الله يعين
الجو شلونه يمك
حلو لو ويا مزة عدله ووههههه تعرف بعد
هههه اي دلع وربعها
اااي المكموعه الها وحشه جبيره بالگلب
اكلك يمك ماكوو حلوات
زين العابدين
سمعتو سال وصفنت لذيج
الصفحه اجه خيال السمرة جدامي عكدت
حواجبي وكلت انا بيش افكر
جاوبت بضوجه
بوم مثل وجهك
هههه يمعود ليش تره ديره هلي واعرف
بنواتنا حلوات
الا شينات وگويات ولسنه يامالك
ااافا منهي ولك الي لاعبه بيك جوله
ااحجي عبالك مترزل من وحده
امش ولي راح تضوجني اكثر مو انا
ضايج
هههه ااعرفها يازين اذا مو هسه بعدين
ااكلك ولي اذلف من يمي وخليني بقهري
ههههه راح اروح والله يعينك على ابوك
واابويه
سديت الخط وكمت لحيلي
جنت اسمع صوت ضحك بنوات
بس مو بنات عم حميد جانن من غير گاع
لفن يمهن وگعدن ظل يدحكن
عليه باعجاب وانا ملتهي
بالصيد
ابتسمت لساريه من سلمت بايدها ريهام
حدرت يمها تباوع عليه
بخجل
من بعيد لاحت اختهن هي ومهرة هاله
وريمه من شافنها كامن صاحن
ريهام وساريه
حجيت بضوجه
لفت المغرور ومدري عليش الغرور
حدرت للشاخه من النتاله صادت سمجه
هيله
رجعت وگت الغياب انا ومهرة من وصلت
گاع بيت عمي هونت شويه وكمت
امشي بهداوه حدرت لثامي
وظليت اسمع ابويه
ياذن
وخواتي واكفات وي بنات عم فاضل
گربت عليهن،،،،،،عگدت حواجبي من لمحت
برق الشر يخوض بمي الشاخه ونتاله
بايدو دحك عليه ،،،، درت وجهي
منو من شفتو مبلل وهدمو
لازكه بجسم
ريمه شافت خلقتي حجت وي خواتي
وحدرن للدارنا
شلوونج ياهيله
موضي سلمت هي واختها علا عكدت حواجبي
من انتبهت الهن
اكلن برق الشر بعيونهن حدرت من مهره
جاوبت مختصر
هلاا
عفتهن ومشيت للگاعنا سمعت الجبيره
حجت بدون خجل
يارب اجعلو من قسمتي للزين
درت وجهي عليها وانا عاكده حواجبي
وضايجه منهن شفتو حدر
لدارو وهو شايل
السمج
عگبت لدارنا حتى اصلي الفرض طبيت
خواتي ماكو ماهن عرفتهن خايفات مني ماحجيت
شي بس كلت بعدين احجي
وياهن جان مايعجبني
يكعدن وي بنات عم فاضل
لان يحجن سوالف اكبر منهن وخواتي
صغار مااريدهن يفگن عيونهن على هيج
شغلات
توضيت وصليت الفرض وراها التهينا بالعشه عگب ابويه وتعشينا
من وكت لان متعلمين هيج
كعدنا نتعلل وامي وابويه يمنا سالتو
الشيخ زين ظل جثير هالمره بگاعهم
اي اظن لزم شغلها
ياا وبحر وينو وين راح
الرجل مريض،وراح يتعالج بتركيا هو وحرمتو
ياا خطيه الله يردو بالسلامه بس
مااعرفت شنو مرضو
كال عيونو وهم عندو سوفان بالرگبه
ومرتو اظن مثلو هم سوفان وماتشوف زين
خطيه بين به االكبر
اي البشر يگبر مايصغر
ابو هيله اسالك
ااسالي يالغاليه
زين يكدر لگاع ابوه تعرف جبيره ومد العين
وبيها حلال جثير يعني مثل ماتعرف
هو ماعلي الاعتماد
ابويه كعد وتربع جاوب امي
زين العابدين مابه شي لو يحكم عقلو محد
يكدرلو سبع وگوي مثل ابو لجن دلال
امو فسدو وخلاه يعتمد
على الغير بكلشي
مدري احسو راح يضيع خير ابوه
لاا يازهيره ماايضيعو تاااشوفو يوكف
وي الفلح ويفتر عليهم وويوجه لاتنسين هو گبر
بهل الگاع ويعرف كلشي عنها
يااابه
هااا يبعد ابوج
ريهام گربت علي حجت بخجل وهي
ادحك اليه
يابه اكلك شي
كولي بنيتي ااحجي
انا وساريه نحدر له من نشوفو
يجي جاي يم الشاخه وهيله ماتقبل
ابويه دحك عليه ابتسم وجاوبها
ااسمعي كلام اختج لان تعرف صالحج انتي
وخواتج
يابه شبلاه زين وليش مااتحبو مثل ابوه
هاله سالتو عكد حواجبو وجاوبها
من كلج مااحبو هذا غالي عليه مثل ابوه
واحبو وحاسبو ولدي
عجل ليش تمنع خواتي منوو
من بعد اذنك يابه
حجيت اشر براسو احجي
اانا وابويه نريد صالحجن وبرر
سكتت من ردت اكول برق الشر كملت
زين غريب صح ابوه بحسبه عم النا لجن
يظل غريب وحرام توكفن ويا او
تخلنه يگضبجن
دحكت لساريه خجلت ولزمت خدها
كملت بهدؤ
مو بس هو مااقبل ترحن يمو
ولد عمنا هم مااخليجن تلعبن معهم او
يگضبوجن موو يااريمه
اي هيله لان حرام الولد يگضب البنت
ابويه ابتسم هز راسو وكمل
افتهمتن يابه
اي بس هو يحبنا ومن يشوفنا يضحك
وياشر اليه يابه اسلم علي من بعيد شدكول
ريهام سالته بتوسل اشر باي وهو
يضحك
سلمي علي يابه يظل غالي ابن الغالي
ضحكت وكامت تصفك هي وساريه
دحكن عليه خنسن ابويه ضحك تكلم
يخافن منج وانا لااا
ابتسمت وجاوبته
انت مدللهن جثير ويميلن عليك
ضحك وهز راسو باي
ليان
الايام مرت وشغلي زاد من زادو الزبائن فكرت
افتح بيج وانشر بي الزرع بس
كلت لازم خدمه توصيل
واني مااعرف احد
كاعده باالمشتل العصر ادور
بالحاسبه عن شغلات جديده للزرع سماد
رفوف شغلات نازكه وتجذب النضر
جرس الباب دك رفعت راسي
شفت المقدم اياه طب وويا وحده بنيه
حجت بفرح
الله ايهم المكان يخبل
جان يباوع عليه وهو مبتسم مشيت الهم
البنيه حجت بسرعه
يخبل المشتل مالتج مثل مااكال ايهم
شكرا حبي هذا من ذوقج
ايهم ماما لو تجي وتشوفو ماااتطلع منه
ههه اي تبات بي
جاوبها وسكت باوع عليه والوجه
يضحك حجه
شلونج ست ليان
اهلا وسهلا
انتبهت اخته تباوع عليه وعلي مبتسمه
حجيت
تفضلو رايدين شي
هههه اريد كلشي وكلاشي
ابتسمت وجاوبتها بضحك
مااكول لاااا
هههه راح اخسر اخويه هوايه فلوس
باوعت اله مبتسم جاوب
اختي الصغيره
عكدت حواجبي من برر جاوبت بدون اهتمام
اهلا بيك وبيها
جهازي دك جان وسيم جاوبت
هلوو حب لااا اتاخر نتعشه بره ليش لااا
اي بس اني ويااك ههه يله نروح لمطعم نارنج
بس نجيب عشه ويانا تمام اتفقنا
باااي
سديت الخط واني اضحك وي روحي
على اخويه لان گلي نضربهم بوري
للاهل رفعت راسي جان المقدم منتبه عليه
وعاكد حواجبه سال من راحت
اخته تفتر
زوجج
نعم
رديت بضوجه لان سال سؤال شخصي
تنهد وبين علي ضاج صاح
افنان نروح
ياا ليش هسه اجينا
اامشي صار عندي شغل
باوعت عليه وعلي اشر براسه
اامشي بسرعه
طلعت ويا وخلاني صافنه علي
رددت
هذا شبي شنو فلمه
رجعت اشتغل ونسيت السالفه ساعه تسعه
وسيم اجه بسياره بابا اخذني
من يم المشتل ورحنا لمطعم نارنج
كعدت اني ويا،نحجي ونضحك
رااح اقطك اليوم
بيج خير وادللي واطلبي الي تريدي
مديت راسي اله وهو هم حجيت
اكلك لو كاشخه احسنلي شكلي مخربط
موو
ههه عدلي الكفشه وانتي تطلعين حلوه
رجعت شعري ليوره وجاوبته بضحك
ههه مالها حل كفشتي الله خالقها هيج
شاسويلها
صفن عليه مبتسم وكال
اخذتي كلشي من ابويه حتى لون الشعر
ههه وللون العين وقصر النظر لاتنسى
هاي الضريبه
اي يله شراح نطلب
ماادري عدهم شغلات هوايه بس راح
اطلب كبه مشويه لان اريد اجربها
اطلبي اني راح اخذ كبسه لحم لان مامتغدي
براحتك
طلبن الاكل واسمعه يحجي عن شغله واحلامه
اخويه جان خريج معهد اداره واقتصاد
تقنيه محاسبه بس ماتوظف ولا حب يكمل دراسه اشتغل وي ابويه بالشركه الاهلي وينتظر يطلع اله
تعين حاله من حالي
الاكل اجه وبدينا ناكل الجو جان حلو
وبس نضحك اني ويا كملنا وطلبنا عشه
للاهل من ردنا نطلع انتبهت
لواحد يشبه المقدم ايهم
كاعد بس ظهره علينا
عكدت حواجبي وكلت
هوو موو هو
يله ليان
وسيم حجه ولزمني من ايدي
كادني مشيت ويا الشاب وكف
ندار علينا تفاجأت من شفته هوو نفسه
جان يدخن وعيونه علينا
طلعت وي اخويه واني متفاجأه وكلت
هذا شجابه لهنا كعدت يم
وسيم بالسياره وعيوني
على المطعم
ليان ناخذ حلويات
هااا
شبيج داسالج ناخذ حلويات
اي عادي
جاوبته بدون انتباه ورجعت
باوعت للمطعم طلع وعيونه علينا وبعده يدخن
بالجگارة عكدت حواجبي من خله
عيونه بعيوني
جان مبين ضايج ومااعرف شبي
شنو السالفه هذ شبي وصدفه اجه هنا
لو سمعني واجه زين ليش
ديتصرف هيج
اخويه شتت تفگيري من كال
شرااح يطلعنا اليوم شوفي ازدحام واصل
لراس الشارع
باوعت للسيارات هزيت راسي
باي جهازي دك جانت ماما جاوبت
هلا ماما
باوعت للمطعم جان ماكو
هاا ماسمعت
شبيج ماما كاعد اكلج دزيت الدوه مالتي
على الواتس اب جيبو من ترجعون
اي ماما ادللي
جبتو عشه موو
اي جبنالكم مشاوي وگبه مشويه
سكتت للحظه بعدين كالت
ليان ليش مااخذتو لارا وياكم خطيه زعلت
وكامت تبجي
تنهدت بضوجه وجاوبتها
ماما الشغله صارت بسرعه ومفاجأه
شكوو
وسيم سال وهو عاكد الحواجب امي كملت
سدي الموضوع ولاتنسين الدوه
سدت الخط اخويه رجع سال
هااا شبيها امي لازم سمعت كلام من ذيج
لان طلعنا ومااخذنها
ااي لو ماخذيها هوايه احسن
والله تقصدت مااخذها لان تصرفاتها صايره
ماتعجب وتحجي كلام يخليني
اعصب يعني ماطلعنا
طلعه اذا مااظلت تعيب على المكان
وهي مو عاجبها العجب
اختك زعطوطه
ياازعطوطه ليان مره شكبرها صارت
بس اي ذرة مسؤوليه ماعدها انانيه وتفكر
بي بروحها هي وبس ومصلحتها
سكتت لان كلام اخويه
صدك
اخذنا الدوه وحلويات ورجعنا لبيت
طبينا سوه اني واخويه اشوف امي زعلانه
على زعل لارا مادرت بال لان
صايره هوايه وبعد
مالي خلك اداري
مزاج احد
زين العابدين
اي غلط بالشغل ثمنه اظل هنا لفتره اطول
كلت خلي ادير بالي على كلشي
وصاني ابويه علي حتى يفك
ياخه مني
حدر بعد ايام افتر بالمزرعه والحقل مال
الدجاج ماحجه شي ولا كال
عفيه ولا حجه وياي
چلمه
تغده هو والحمايه والعصر تمشى
للگنطره كعد هو وعم حميد بگاعنا وظلو
يحجون بامور الگاع والزرع
بناتو لعم حميد الصغار لفن يمي ريهام
وكفت يم هايل تحجي
ويا وهو يهز راسو
سالتها
ماتخافين منوو
لاا مااخاف انا مثل هيله گويه
ومااهاب شي
عكدت حواجبي من جابت طاري الدعسه
دحكت لگاعهم ماشفتها صارل فتره ساريه كعدت يمي وهمست بصوت ناصي
ااكلك شي
نزلت راسي يمها وانا مبتسم
كولي
دارت وجهها لابوها ولاختها لاهيه وي
هايل حجت
تعرف انا احبك وريهام هم لجن هيله
مااتحبك ولا تطيق تسمع اسمك
ابتسمت وكلت وي روحي
نفس الي احس به
ههه
ضحكت سدت حلگها اشرت بايدها
انزل راسي نزلتو وحجت يم
اذني
لجن هي تحب شهم وراح يتزوجون
هزيت راسي باي ريهام گربت وسكتت كعدت
يم اختها ظلن يرسمن بالتراب وانا ادحك
الهن واسمع سوالفهن
سبحان الله هذني الصغار والقبلهن ينحبن
لجن الجبيرة دمها ينفر وماتنحب
وشايفه روحها كلش
على شنو مدري
ابويه كام وسمعتو سال
حميد مااشفت هيله عسى مابها شر
لا مابها غير كل العافيه لجن هي صارلها
فتره تروح للجامع حتى تحفظ
البنوات جزء عم
ابويه ابتسم وهز راسو دحك على
ريهام وساريه وسال
وبنواتك عش مايرحن معها
احنا حافظين جزء عم وتبارك
ريهام جاوبتو رد بابتسامه
عفيه بيجن بعد بنات مله حميد ولازم تطلعن الو
ابويه سالو
اسالك يبو هيله عش تاخر ابن اخوك
ومااخذ البنت لحد هساع
عم حميد تنهد وجاوبو
والله ياشيخ هالولد مو هاوي الزرع ولا يحب
شغلنا وراح تطوع بالجيش يكول اتوظف ويصيرلي راتب يله اتزوج
هاا مابها شي انا سمعت ردوا من كل منطقه
شباب يتطوعون بالجيش لان الوضع
ماجاي يبشر بالخير
ليش سامع شي يااشيخ
لااا والله مو سامع شي لجن هذا البلد
الله مو كاتب الو يرتاح يركد شويه ونكول راح
نرتاح ومانشوف غير گبت وعلگت بين
الاحزاب واحنا الي نگع بيها
اي لاعاب حلكك شيخ
اسمع ااحوار وانا يم هايل عگبت به
من ابويه اشر الي امشي سلم
على عم حميد ودز سلام
جثير لهيله
المغرب عگب للدارنا وانا ظليت هينه
مثل الجلب بليل امي خابرتني
تشكي وتبجي
خير يايمه وش بلاج تبجين
ابوك يايمه يريد يتزوج عليه
فگيت عيوني كعدت عدل وسالت بذهول
شنوو يمه يريد يتزوج
ااي
هو كال اريد اتزوج
لاا ماكال لجن جدتك مهمودة الشيبه
تزن بعكلو تزوج وجيبلك ولد غير العندك
لان مابه فايده وابوك ساكت
يعني شنو يريد يتزوج
واكيد خال عينو على وحده
عكدت حواجبي وهيله اجتي جدامي
شفتو شلون ضاج وتكدر من عرف بيها انخطبت
للابن عمها سكتت
تسمعني يازين
اسمعج يمه
شاسوي يبعد امك گلي شور عليه دمعتي
بعيوني وخايفه واهوجس لا ابوك
يسويها
ماايسويها يمه هو بشبابو مااسوها
هساع تردن يزوج
مدري يمه خايفه من عجوز البين جدتج
تعرفها من تخلي شي براسها الا تسوي
اعرفها يمه واعرف ابويه مايسويها
وتطمني ولاتظلين تهوجسين وتبجين
سكتت بعدين كالت بتوسل
يمه تزوج وجيبلو ولد يلتهي بي فرح گلبي
وكول اي
يمه هم رجعنا لهاي السالفه
ولك يمه انت شلون وياك بس فهمني راح
تگضي عمرك هيج عازب وترگض على وجهك
ماتريد تستقر ماتريد تشوف بزرك
لا يمه مااريد استقر ولا اريد اشوف
بزري ارتاحي وريحني عاد
رجعت تبجي وتلوم بيه سمعت الحجي
كله وانا ساكت كملت
راح اموت من قهرك منا انت منا ابوك الي
احسو ضام شي بگلبو
خيال السمرة اجه جدامي ونظرات ابويه
وفرحه وجهوو من يشوفها خلتني
اشك به يحبها بس غير
حب
يازين
ها يمه
وين رحت
يمج وين اروح يعني
فكر يمه بالكلت علي وفرح گلبي
ماراح تفك ياخه مني الا اكول الي تحب
تسمعو حجيت
الله كريم يمه اترخص منج ولد كاعد يتصل
عليه
سديت الخط ورثت جگارة وظليت افكر
بالي سمعتو من امي وخيال
هيله بين عيوني
هيله
عگبت وره صلاه المغرب وي ابويه
واسمعو يحجي عن جيه الشيخ شعلان
ودز سلام اليه اسمع وبالي مشغول
بسالفه شهم الي راح تطوع بالجيش بدون
مايكول لاحد عمي تخبل وتعارك
ويا هو وخالتي وابويه تدخل بس هو رگب راسو وعاند الكل وظل مصمم بس يدزون علي يروح يلتحق خالتي تكلمت معي وكالت احجي معه
عسى يسمع منج كلت باجر اتكلم
معه الصبح صار وطلعت
ادور علي لان اعرفو هساع كاعد يسگي
مالمحتو بس شگر وغيث سالتهم
عنوو كالو دزو علي،وراح يشوف وين راح
يدوام ومايرد لليل
شبساع دزو علي وهو ماصارلو غير كم يوم
من قدم
شكر تكلم
هيله تره شهم صارلو جثير من قدم بس
هو حلفني مااكول لاحد
اخوك وش بلاه وليش هيج سواها سكته
وماااگال لاحد
ماايريد يظل هينه يكول بس يصيرلي
راتب اجر بيت بالمدينه واخذ
هيله هناك واتزوج
منوو گلو انا راضيه بالسواه منو گله
انا اريد اهد عيشتي هينه واروح
اسكن المدينه
جاوبت بغضب ودرت روحي
لان اختنگت من السمعته
حدرت لگاعنا والدمعه بعيوني خوف صار
بگلبي علي ظليت اردد
ويا بقهر
عش هيج تسوي ومنو كلك انا اريد راتب
وبيت وشلون ترد تروح وابوك وامك
مو راضين عليك
وصلت يم جذع نخله كعدت علي
دمعتي بعيوني وكاتمتها گوة،،،كمت من شفت
ابويه حدر من الشارع العام
جان راد من العلوه
عگبت لدرانا وكلت بس يرد الا اخلي
يبطل من هاي السالفه العصر تفاجأنا من لفه
ابن اخوه الشيخ صگبان هوو واثنين
ابويه ماجان،،،،،،،،،،، موجود راح بشغله
تخص السماد امي حجت معو عرفنا
جايين يتصيدون بالبريه
زين العابدين
الصبح كعدت وي عمال دزهم ابويه
حتى يصلحون كم عطل بالمزرعه تغدو يمنا
وللعصر يله كملو كلت خلي
اخذ هايل واطلع للبريه
اخذته وطلعت بي
رديت المغرب من بعيد بگاع الشيخ صگبان
لاحت لي سياره
عاليه تسرع بالشارع وتفحط والعجاجه
كايمه
كلت احد منهم لفه بگاعو حدرت امشي بهدواه
سمعت رمي وضحكهم العالي مادرت بال
كلت شباب حالهم من حالي
گربت عكدت حواجبي
من اثنين عبرو الگنطره وهم يدحگون عليه
عرفتو ابن اخوه الشيخ
صگبان لجن ماعرفت اللخ منهو
حدود ولازم محد يعبر
لگاعنا حجيت بهدؤ
عگبو واعرفو حدودكم
وكف بنصها وجاوبني باستهزاء
واذا ماعگبت شتريد تسوي يبن شعلان
خزرته من جاب سيره ابويه وماكال
الشيخ كمزت من هايل للگاع
وجاوبته بحده
شيخ شعلان ولك ومن تذكر اسمو
خلي ايدك على راسك وتحشم
سكت وخزرني كمل مشي وعبر لگاعنا
ابتسمت والشر كام يكمز
جدام عيوني
انت كد فعلتك هاي
كدها يابرق الشر وكدود
لميت ايدي بغضب من سماني هالاسم
هديت علي وهو هد وذاك ويا
خلف اول واحد ضربتو بوكس خليت
كل قوتي بي شمرتو بالگاع
اللخ هد وفشر عليه ضربتو گله
براسي تمدد بالگاع وهو دايخ الثالث
شاف الصار حدر بسرعه عليه وهو شايل
كسريه كلت راح يذبحني حشرت والله فگني
لزمته من راد يضربني بها وتلاويت ويا
خذيتها منه ووگعتلو دك بها
خلف،،،،،، جرني من هدومي شلتو وشمرتو
بالشاخه تخبلت وهديت هده مو طبيعيه لزمت
الكسريه ودك على ظهورهم انهزمو يرگضون
للگاعهم وانا وراهم افشر واغلط
وصل لبيت عم حميد
ودشو لجوه
سمعت عياط البنات وذوله العارات
يصيحون
دخيل دخيل
مااوگفت هديت ريد اسحلهم
واگمل عليهم هيله طلعت شايله رشاش
سحبت اقسام وصاحت بيه
حدك هينه يبن الشيخ شعلان
