رواية قيود العوف الفصل الرابع بقلم ريتا
تمركزت نظراتي عليه عدلت گعدت أخذت نفس وحچيت ..
- اي ؟ سولفلي
بطرف حذاءة دفر بطل المي الي كان بالأرض قدم نفسة وگال ..
- مديوي: احنة لا شهادات ولا بطيخ ولا نعرف شغلة طبيعية مثل البشر ملينا وطلبنا من المسؤول يشوف إلنا شغل يمة ويشغلنا بالـم*** هسَة يجوز اني اعرف شوية بس حنتوش هوش الله بأرض الله .
بـس المسؤول شغلة غير واحنة نعرفله شنو يطلب مَن عندنا نسَوي لو يشَوف الطير بالسما بس يأشر عليه نجيبة اله ..
أستمع اله بجمود ماچانت واضحة علىٰ ملامحي اي ردة فعل أنتبه الي صفن لثواني بيه ضحك وحچة ..
- هسة تگولين هذا غبي مگعدني وجاي يحچيلي هيچ ؟
-جُمان: غبي بس؟ مسودن وغبي تدري اذا طلعت منا ماراح اسكت والله كل دمعة نزلت مني اطلعها من عيونكم ومن عيون مسؤولينكم .
ضحك بأستهزاء غمض عيونة هز راسة مستهزأ بكلامي..
-تدرين ليش جاي احجيلج اني ؟
فريت نظراتي عليه بقرف وسكتت عن الرد شافني ماجاوبت كمل كلامة ..
-جاي احجيلج لأن أعرف لا مهرب من عندنا ألا إلنا خليها ببالج .. يعني ماراح تخطين خطوة الا بعلمنا أن عرفتي أو ماعرفتي مايشكل أهمية عندي وهم جاي احجيلج حتىٰ من تقبلين وتشتغلين ويانة گلبج بارد لا نغدرج ولا نقشمر عليج ..
ضحكت حيل علىٰ كلامة الغبي بس أتغاضىٰ عني ورجع يكمل ..
- مديوي: فـ كل اسبوع ينطلب من عندنا بنية حلوة ومختلفة وكاملة المواصفات وكل اسبوع يريد وحدة تختلف عن القبلهة واحلىٰ چنة اني وحنتوش نفتر ب**** طول بعرض كل يوم لمدة اسبوع حتىٰ بس تلفت نظرنة وحدة لأن حصتنا تصير چبيرة ونربح هواي ..
انهضمت بلعت ريگ حسيت صدري انقبض يحچي براحة واستهزاء واني گـلبي معصور ..
- كُل اسبوع نبقىٰ ندور ومن نشَوف وحَدة حلوة وتعجَب
نبقىٰ وراها لحد ماا نندل مكانهَا وين تداوم وين بيتها
- نراقبَها من تطَلع من تطَب ومن نشوفها بمكَان وحدَها
هنا ناخذَها وتتنفذ الخطة
-جمُان: قصدك تخدرونها وتخطفونها !
- مديوي : مجبورين هاي عيشَتنا
-جُمان: هههههه
خزرني وثبت عيونة عليه بحدة من ضحكت مستهزئة ورجع أردف ..
- مديوي: نبقيَها عندنا كم يَوم ونتفق ويَاها تداري الـ****
وشنو يريَد تسَويلة اخر مرة ماعجبَتة وماحصلنَا ربع دينار منَه وراح تعبنا وفرتنا شلعت گـلبنا وگـلبه وچانت نهايتهه ماترضيهة بس هاي نهاية الماتسمع كلامنة وتنفذ الي نطلبة منها ..
- لحد ما حنتوش گال خليَنا نروح لجامعَة الـ********
متروسة حلوات ونشوفلَنة وحدة مناك
- رحنَة ولأن چنت أعرف ماراح ندخل استعانيت بدكتور وتوسط النة ودخلنة فريناهة فر قسم قسم شفت بنات هواي تعجب بس صارت عيني وتمركزت علىٰ بنية
-نصيبي
-مديوي: شفتج تمشَين ويه بنية اول ماشفتج ولاحظني حنتوش عيوني تمركزت عليج أنتبه عليج گال ..
- مديَوي ولك هيَ هاي النريد مثَلها
-مديوي: هية وماكو غيرهة .
بقيَنا نراقبَج من بعيد يومين راقبتج عرفت مُكان بيتكم وين عرفت قسمج شنو بقينة نراقبج كل يوم وكل يوم نگول اليوم راح نلگفها بس ماچنتي تجين وحدج أبد كل مرة ويه الخط وماچنتي تطلعين ما گدرنة نلگفج
تعلگنا گبال بيتكم اربعة وعشرين ساعة كل يوم بس ماكو لو الخط لو ماكو .. بـس ما ملينا ولا اهتمينة احنة من نحط عينة علىٰ صيدة نصيدها ..
واستمرينة نراقب بيج كل يوم لحد ما شفناج طلعتي صعدتي بسيارة راقبناها ما مشت هواي وفاتت بالفرع الثاني مسافة دقائق نزلتي وچان صوت الأغاني طالع من البيت الي دخلتي اله ..
-حنتوش: هذا بيت صديقتهة
-مديوي: عندهم عرس يمكن
بهاي الدقائق صارت خبصة گدام بيتهم وسيارات بسرعة دخلنة بين الناس وصرنة بنصهم جريت الي ولد يطلع عمرة بالـ١٢ سنة وسألتة ..
-مديوي: وهسة هذا عرس لو خطوبة ؟
-خطوبة عمة لمىٰ
بقيت أستفسر وياه لحد ماعرفت الخطوبة مو منهم غريب ارتاحيت بقيت أسأل بيه بدون ما اشككة بشيء لحد ما أبتعدت دخلنة اني وحنتوش بنصهم محد من الطرفين يعرف احنة من أهل الولد ولا اهل البنية لأن غربة علىٰ غربة ..
-جُمان: انتقام الله علييييييكممم !!
-مديوي: من اسولف تسكتين
خزرتة بحقد وغيض صرت افور فور ماجاي أتحمل اليحجي يحرگ بيه لميت روحي ومشتعلة نار منهم ..
بقينة وياهم لحد ماخلصت الخطوبة وبدت العالم تطش من الهوسة الچانت گدام بيتهم للهدوء ولا بشر بقىٰ أخر سيارة طلعت نفسها السيارة الي جابتج بقينة ننتظر بالطرف ما اچذب عليج هلمرة ملينا وجزعنا ..
-حنتوش: دكوم ياخي كوم ماكو ماتطلع يمكن تبقى عندهم
گال الي هيج وفركت راسي معاند ماكو وقت الأيام جاي تركض شگد سولف وجزع يم راسي حنتوش جزعني وياه بس ماتحركت خطوة بقيت واگف بدت الدنيا تغرب طفر حنتوش من انفتح بابهم وطلعتي انتِ تمشين وحدج لگمة وصَلت النة للحلگ ومن زمان نريَدها ..
-جُمان: كااااافييييي ولكك كاااافيييي
-مديوي: والباقي تعرفينه
-جُمان: حسبي الله علييييييكم شنو من بشرر انتمممم شياطييييين عصابات
قلص عيونة لوىٰ حلگة وسَكت ...
شهگت وجريت نفس بألم احسة شگ صدري ...
جُمان: والبنات الي چنتوا تاخذونهن علمود شغلكم وين يرحن وين تودنهن شتسوون بيهن
-مديوي: تخلص شغلتها بعدها ترجع لأهلها
نزل عيونة بالأرض اخذ عودة فرهة بالتراب ورجع گال ..
واكو انتحرن لأن ما گدرن يرجعن لأهلهن
فتحت عيوني علىٰ وسعهن مرعوبة انتفضت ونهضت بسرعة وگفت گبالة وحچيت ..
- مجرم !!!! مجرمييييييين حقراء انذال الله لينطيييييكم شدتسووون بينة
-مديوي: لا تخبصينة بعدين هذا اختيارهة لو تنتهي حياتهة لو تنهي النريدة
-جُمان: واني شنو الي تريدة مني ؟
صفن بوجهَي لثواني وگال ..
-مديوي: شوفي نريَدج تخلصيلنَا شغلة يوم واحد بس نوب وراها شتردين تسَوين سَوي تنتحرين ترجعين بعد هذا مو شغلنا
باوعت اله بأستغراب بس گـلبي لاچمني حجيت بصوت خافت ..
-جُمان: شنو هيَ ؟
فرك أصابع ايدَه وگال
-مديوي : تخلصيَن ليلَة كاملة وي الـ***** مجرد تسوين الي يريدة منج ولا اتعبينة ولا اتعبينه هو وتتنعوصين وتصيرين فاهية وراها كلشي يخلص واحنة ناخذ الي نريدة وهو اخذ الي يريده وانتِ ترجعين لحياتج
صفگت أيد بأيد وضحكت ضحكة من كُل گـلبي وهو صافن عليَه فر أيدة بمعنىٰ شكو .. تلاشَت ضحكتي فور استيعابي للموضوع ولحقيقة الطلب بقَيت صافنَة وسرت رجفة بجسمي ...
- مديوي : شبيج حاچيلج نكتة اني شنو
حضري نفسَج حتىٰ باچر ترحين للم****
شهگت موسعة عيوني بحقد عليه اشرت علىٰ نفسي وحچيت بصوت عالييي ..
جُمان: اني اروح للم*** !! اني افوت بهيَج مكان
- مديوي: شوفي لا تتگلبين عليَه راح اطلع واخليج تفكرين منا
لباچر واصلاً فكرتي او مافكرتي مايهمني ترحين وغصباً عليج
بَاوعلي واشر علىٰ عيونَي بأصابعَة وگال بأبتسامة ..
-مديوي: حاولي ما تبچين وتسهرين اليوم نامي عدل حتى مترحين اله عيونج مطگگة اريدهن مفتحات وبيض هههههه .
ضحك بخبث ونذالة فر وجهة طلع وقفل الباب بقيت اني وصدمتي متصنمة وواگفة جاي استصعب استيعابي للأمر حتىٰ گعدت بالگاع حيل نزلَت دموعي الحَارة علىٰ خدي اخَذت نفَس شگ صَدري ..نفَس ضيَق نفَس انسانة اتراهنَت علىٰ شرفها
- اني يصير بيَه هيچ ! اني انحط بيَن خيارين
تنسلب روحي لو ينسلب شرفي !
معقَولة اني ادخل المـ*** واللبي رغبَات الرخَيصين
حتىٰ اگدر اعيش بعَدها وشلون راح أعيش راح اعيَش انسَانة قذرة انطت شرفَها مقابل تبقىٰ تشَم الهوا ..
ينسَلب مني شرف وسمَعة حافظت عليَها طوال 23 سنَة
بدون حتىٰ رجُل يحمينَي ويسندني
- وأرجع للمرأة الي كبَرتنَي وهَي تعلمنَي بكُل مرة
شلون احافظ علىٰ صلاتَي واؤديَها بأوقاتها الي علمتنَي ما انسىٰ ذكر الله بيومَي لأن ذكره هو الي يجمل يومي ..
شلون ارجَع الها وبيا عين وبيا نفس دنيئة عندي أرجع واني مسَلوبَة من الي علمتنَي عليَه ؟
شهگت ودگيَت علىٰ صدَري وبچيَت بكُل حيَلي ولميَت نفَسي عصَرت عيوني بأيدي لاا ربي ربييييي ...
- دخيَلك تسَمعني وتشَوفني وتشَوف موقفَي
شنو من موقف انحطيَت بيَه يا اللهي لو انحرم من أمي وشوفة أمي وحياتي وعيشتي كلها وأسلم نفسي للموت ... لو انزل راسَها بيَن العالَم واخسر نفَسي .
سَاعات طويَلة مَرت واني علىٰ نفسَ الگعدة
بطني صارت تأذيني بس مو موعدها ليش هلوجَع ؟ كل مَا أفكر بشنو يصيَر باچر يرجع جسَمي يرجف مثَل السعفَة انتهي ..
مانمَت ولا خذَت عيني نوم بقيت الوب وابچي اتمنيت بهلحظة اموت نفسي بس اني ضعيفة حتىٰ بأذية نفسي ضعيفة بچيت بصوت عالي وحطيت راسي علىٰ التراب بهلظلمة دموعي علىٰ خدي تذكرت أمي چانت كُل ميَمر بينَا ظرف صَعب ..
هَوايَة چانت تقرأ دعاء الامام زين العابَدين واني اقراه وراها لحد ماحفظتني إياه كامل من الصغر واخذتة لكبري اني لساني يلهج بيه غمضت عيوني جريت نفس بديت أقرأ بيه وشفايفي ترجف ما أسيطر علىٰ رجفتهن بنص شهگتي ..
اللهم صلِ ع محمد وال محمد
يَا مَنْ تُحَلُّ بِهِ عُقَدُ الْمَكَارِهِ، وَيَا مَنْ يُفْثَأُ بِهِ حَدُّ الشَّدَائِدِ ، وَيَا مَنْ يُلْتَمَسُ مِنْهُ الْمَخْرَجُ إلَى رَوْحِ الْفَرَجِ، ذَلَّتْ لِقُدْرَتِكَ الصِّعَابُ وَتَسَبَّبَتْ بِلُطْفِكَ الاسْبَابُ، وَجَرى بِقُدْرَتِكَ الْقَضَاءُ وَمَضَتْ عَلَى إرَادَتِكَ الاشْياءُ، فَهْيَ بِمَشِيَّتِكَ دُونَ قَوْلِكَ مُؤْتَمِرَةٌ، وَبِإرَادَتِكَ دُونَ نَهْيِكَ مُنْزَجِرَةٌ. أَنْتَ الْمَدْعُوُّ لِلْمُهِمَّاتِ، وَأَنْتَ الْمَفزَعُ فِي الْمُلِمَّاتِ، لاَيَنْدَفِعُ مِنْهَا إلاّ مَا دَفَعْتَ، وَلا يَنْكَشِفُ مِنْهَا إلاّ مَا كَشَفْتَ. وَقَدْ نَزَلَ بِي يا رَبِّ مَا قَدْ تَكَأدَنيَّ ثِقْلُهُ، وَأَلَمَّ بِي مَا قَدْ بَهَظَنِي حَمْلُهُ، وَبِقُدْرَتِكَ أَوْرَدْتَهُ عَلَيَّ وَبِسُلْطَانِكَ وَجَّهْتَهُ إليَّ. فَلاَ مُصْدِرَ لِمَا أوْرَدْتَ، وَلاَ صَارِفَ لِمَا وَجَّهْتَ، وَلاَ فَاتِحَ لِمَا أغْلَقْتَ، وَلاَ مُغْلِقَ لِمَا فَتَحْتَ، وَلاَ مُيَسِّرَ لِمَا عَسَّرْتَ، وَلاَ نَاصِرَ لِمَنْ خَذَلْتَ فَصَلَّ عَلَى مُحَمَّد وَآلِهِ، وَافْتَحْ لِي يَا رَبِّ بَابَ الْفَرَجِ بِطَوْلِكَ، وَاكْسِرْ عَنِّيْ سُلْطَانَ الْهَمِّ بِحَوْلِكَ، وَأَنِلْني حُسْنَ ألنَّظَرِ فِيمَا شَكَوْتُ، وَأذِقْنِي حَلاَوَةَ الصُنْعِ فِيمَا سَاَلْتُ. وَهَبْ لي مِنْ لَدُنْكَ رَحْمَةً وَفَرَجاً هَنِيئاً وَاجْعَلْ لِي مِنْ عِنْدِكَ مَخْرَجاً وَحِيّاً. وَلا تَشْغَلْنِي بالاهْتِمَامِ عَنْ تَعَاهُدِ فُرُوضِكَ وَاسْتِعْمَالِ سُنَّتِكَ. فَقَدْ ضِقْتُ لِمَا نَزَلَ بِي يَا رَبِّ ذَرْعاً، وَامْتَلاتُ بِحَمْلِ مَا حَدَثَ عَلَيَّ هَمّاً، وَأنْتَ الْقَادِرُ عَلَى كَشْفِ مَامُنِيتُ بِهِ، وَدَفْعِ مَاوَقَعْتُ فِيهِ، فَافْعَلْ بِي ذلِكَ وَإنْ لَمْ أَسْتَوْجِبْهُ مِنْكَ، يَا ذَا العَرْشِ الْعَظِيمَ »
اقرأ بيَه ودموعي تجري وكل شهگة تطلع مني تاخذ حيلي دخيَلك ربي اني عبدك الضعيف بين الشياطين الي بالارض رحمتك رحمتككك مااالي غيرك ناصر محد يعرف بحالي غيرك ..
انقبض صدري مسحتة بأيدي حيل هزيت راسي بدموع ..
- يَا ارحم الراحميَن يَارب اني راضية بكُل شيء وراضية اموت بس اموت بشَرف واني طاهَرة اجيَك واني نظيفَة تستقبلني واني طاهرة مو انسانَة قذرة فاتت بنَص الغضَب والمعاصي ..
وإذا تقسم ألي أعيش يارب أقسم عليك بأسمائك الحسنىٰ وبنبيك أحب الخلق ألك تصرف عنَي كيدهم وتردَهم في طغُيناهَم أبعدهم عني ياربي أبعدهم خلصني من ايديهم ..
حسيت ريگي نشف ونبح صوتي حيل اتمنيت أحصل مي يرويني بس ماكو .. نسيت عطشي حسيت روحي هونت شوي من بچيت ودعيت وشكيت
- محَد جاي يصبَرني علىٰ هلظلمة والوحدة والرعب الجاي اعيشة غير وجودك يارب ..
وجَع الراس مافارقني مَن اسَبوع كامل وجودي بهَاي الغرفة كان اشبَه بالقبر بس الفرق چنت انسانة عايش تاخذ النفس بصعوبة بنص هلقبر والخنگة ...
مشَت السَاعة ومرت بسرعة عالنة وصَولَها ليَومي المشؤوم ..
- دخَل عليَه ملابسة كلها تراب ويلهث عبالك چان يحارب چان بأيدة
باكيَت شح نظرة عني فتحة وطلع منَه گلوب صَعد علىٰ الكُرسي وشكلة ..
غمضَت عيَوني اول ما اشَتغل لفَترة بسيطَة بعدها فتحتهن گعد علىٰ الكُرسي وگال ...
- مديوي: عذريَني توة يلا لاحظت الغرفة ظلمة
- گلت لتتسودن البَنية ونوب تروح مسَودنة لا زحَمة خلي اجيبَلها گلوب هَو بخمسَمية قابل بيش
نظرت اله بحقد ماطايقة وجودة طبول تدگ براسي وعيَوني الوجَع دار عليَهن مانمت والخوف والتفكير والقلق ماحررونَي طول الليل ..
- مديوي: ما جبتلج ملابس لأن هناك محضرين الج كل شيء
گال الكلام وباوعت اله ببرود بس داخلي عكس نظراتي وبرودي داخلي محترگ مجمر حَالي وشَعوري أشبَه بحَال وشَعور المحَكوم عليَه بالإعدام رهبَة وخَوف تفكيَر بالي حواليَ امي منَار حياتي دراسَتي وتعبَي لسنَوات في سبيَل أوصَل وأنجح وتخَرجي الچنَت فرحَانة بيَه واحضَر اله طط
نفضت أفكاري ورجعت لواقعي حررت نفسَي من الدوامَة الي چنت اني بيَها أخذت نفس وحچيَت ..
- جُمان: ومنو گلك اني راح اروح ؟
-مديوي: ترحين طبعاً ما الج غير خيَار لو ترحين لو
قاطَعتة وگلت
-جُمان: لو اموت ؟
- مديَوي: لا احنَة شغلتنا منمَوت الي مياخذ كلامنا
شغلتنَا نخليَه يتمنىٰ المَوت بس ما يحصَلة
ثبتت عيَوني عليَه وحچيت بحدة ..
- جُمان: اني لو تموتنَي الف موتَة ما راح اخضَع
واقبل بالي تريَدة وگفَت بوجهة وگلَتلة
- اني ما اخضع لأمثَالك وأنذل ويروح شَرفي
وسمَعتي وكرامتَي في سبيَل العيَش تخسىٰ
تخسىٰ انتَ والدنيَا الي تخلينَي تحت هيچ خيَار
موتني الف مَرة وبكُل مرة راح ارجع اوگف بوجهَك
خزرني لدرجة عيونة رادت تنط انتفض وتقَدم لزمنَي مَن فكي بقَوة حسَيت اصابَعة راح تدخل بحلگي وگال ..
- مديوي: شوفي لج **** اني ماانتظرتج كُل هاي الايام حتىٰ تستشرفين عليَه جلدَج اصلخَة وماترف الي عيَن امشَي بالعين والاغاتي لا انعل شرفَج ترحين وتطبيَن ويَاه وهذا حلگج ضحَكتة واصَلة لهَنا واشر ع ذاناتي
تملصت من عندة بصعوبة بعدت أيدة عني رفعَت صبعي وگلتلَة ..
- جُمان: روحة ماا اروح وماتجبرني ع هذا الشيء ولو جبرتني
والعباس ابو فاضل صوتي يترس الم*** وافضح الم*** مالتَك واصرخ واگلهم خطفَتوني وجبتوني هَنا بالتهَديد واشهركم شهيرة بين الناس الموجودة وم*** تروح سمعَتة الطيَبة لمسؤولك ههههه
-مديوي: حلگج اشگة
-جُمان: اني ما أفيدك ولا تفكر هلگد موتني بهلحظة ومايرف الي جفن
ماا احس اله وجهَي مفتَر من قوة الراشدي الي اجاني حسيت خدي اشتعل نار ..
- ولچ *** تشهرين بمنو انعل ابوج شايفة نفسج على شنو ولج الف وحدَة غيرج اجيبها واخلصصص شغلتيييييي بيهاااااا
صفگ ايَده وصار يفشر عليه انواع الفشار غمضت عيوني اتمنيت بهلحظة ما أسمع منه شيء ماكو كلمة حچاهة اختنگت وهو مستمر يفشر ويغلط بصوت عاااالي ...
-مديوي: بله حچي زايد نهضيي وياي
-جُمان: مستحيل
-مديوي: وربج انهيج وانهي حياتج كلهااااا
-جُمان: انهيها
-مديوي: ولججججججج لتخبلينييييي لتخبليننيييي ماريييدد أطلع من طوري وأمد ايديييي علييييج ماريد اخلي بيج علامة واثررررررر ادريييي راح ترحييين ادريي
-جُمان: ما اروح والله ماااا اتحررك وياااك خطوووة لو تذبحنيي
سكت يجر نفس عالي يلهث بيه من عصبيتة ضرب رجلة حيل بالكرسي بعدهة ضحك بوجهي وحچة وهو كاز ع اسَنانة ..
-خوش يا *** سهلة يا *** تعانديني ؟ جاي تعانديني ؟ تكسرين حجايتي ؟ والله أله اذلج اخليج تتمنَين الموت وتجيَني برجليَج تگليلي اخذني للـ*** اني الج تتوسلين وتبوسين قندرتيييي حتى اخذج
-جُمان: بعيدة عليك
-مديوي: لو ***** ينزل ماا اهدج اله اطلع الدم مَن عيونچ بنت ال**** تهدد بالسمَعة انييييي گ**** وحجيتلج انيييييي **** بس سهلة سهلة عبالج توگفينييي اني اذا ردت شيء محد يوگفنييييي ولج اني اخر شي افكر بيَه سمعتي والله لو ما الم*** اخليج مثل الچلبة تصرخين هنَاك واني واگف بس اااااااااخ ما لازمني غير ال***
صرت ارجف رجيف خفت يسويلي شيء صدُگ بهلحظة حسيتة راح يكسر الكرسي علىٰ راسي لو يموتني فعلاً بـس صدمني من باوعلي وابتسَم ابتسَامة حقيَرة وگال ..
-ميخالف راح ادور غيرج سهلة اللگيها واعوض بيها بس انتِ هسة لازم تفكرين بروحج لأن راح اخذ منج هَواي ..
فر رجليه حيل خاطهن خوط بالمُكان هزلي راسة بتوعد وطلع حطَيت أيدي علىٰ گـلبي بخوف يدگ دمام ..
- چانت اكو مكناسَة محطوطة يَم النفايات رحَت اخذتَها
وبديَت انظف بالغرفة واكنسها وصخة وكلها تراب متروسة التراب خنگني خنگ صرت اگح حيل واعاطس ..
نظفتَها ولميَت الوصاخة وذبيَتها بنفَس المكان باوعت مستغربة ليش ذابين النفايات هنا بهلمُكان معقولة ماكو غيرة لو شنو معقولة الحقراء مسوين هذا الشيء متعمدين لأن يعرفوني راح يشمروني هنااا حقراءءءء كل شيء يطلع منهم الخنازير ..
تململت ونفضَت هاي الافَكار من راسَي بَاوعت لملابسي ولنفسي صرت قذرة ايدية يابسات وناشفات جسمي ناشف أكل ماكو مي ماكو اتنهَدت وگعدت ولميَت نفَسي لشَوكت ابقىٰ هيج غمضَت عيَوني ودمعتَي علىٰ خدي ..
أستسلمت للنوم ألي چان خيَاري وحلي الوحيد حتى اعدي الوقت بيَه اذا ابقىٰ
بس گاعدة وانحصَر بين افكاري اتخبل ومايبقى عندي عقل مالي غيرة بهذا وضعي ..
بين الوقت الي مر الماعرفة شگد فزيَت برعب وخوف نهضت علىٰ دفرة البَاب القويَة بعدهة فات بس هلمرة مو لوحدة لا هوة ويَاه ثنين ما شايفتهَم ويضحَك
-مديَوي : حضَري روحج خلي نلعَب وياچ
