رواية قيود العوف الفصل الخامس 5 بقلم ريتا

محَد شافنَي يدليَني ويَن انه

العَمر ظل بيَه عمر لو كافي لهنانَه ؟

شبابات صوتوا دوسوا علىٰ النجمَة 🤏🏻

<____________________________>

"جُمان"

-وگفت بسرعة وجسمَي رجف خوف شنو يقصد بكلامة ؟ 

مارديت عليَه ولا جاوبتَة جمدت بمُكاني..

وهَمة يضحكون ، گال 

- مديوي: تعال عتوي وجيب القنينة وياك 

بقيت صافنة قنينة شنو ؟ شجاي يحجي شيريدون يسوون ماعرفت وين اوصل بتفكيري عجزت بس خفت من أشكالهم بلعت ريگي وحچيت ..

- قنينة لشنو ؟

- مديوي: هسة تعرفين

دخل هذا الي اسمة عتوي وهو شايل القنينة 

جابها وخلاها بنص الغرفة واجَاني عتنَي من ايدي جرني حيل گعدني بالگاع بقوة أذاني قربني عليها طخت بظهري كل هذا واني ماعرف شيردون يسوون معقولة راح يفجروني ..

نزلوا دموعي غمضَت عيوني بقوة ورجعت فتحتهم وحچيت بخوف وعياط گـلبي راح يطلع من مكانة من الموقف...

- شتريد مني عفية والله حرام عليكم الدسووه بيَه

طلع حبل كبير وثخين اتقدم عليَه وهو يرسم ابتسامة حقيرة ع وجهة الخبيث..

- شدعوة يالسباعية وين لسانج ؟ وين هوبزتج اتحملي نتيجة عنادنج وطولة لسانج علينا راح نلعب وياج بس هلمرة لعبة جديدة عليج ..

- لف الحبل ع ايَدية وشدَه ورجع لف الحبل ع بطني

ولف الحبل ع القنينة وشدة حيل گص الحبل ورجع ربط رجلية بيَه صرت اللوب واتدافر وياهم واصرخ ثبتت رجلية وشدة حيل ..

- مديوي: ردت اسد حلگج بس لا خليتة مفتوح حتى اسمع صوتج وانتِ خايفة ههههههههه وأسمع منج كلمة موافقة اروح  اخذني ابوس رجليك ابوس راسك ابوس قندرتك 

ماا اعرف منين اجتني القوة هاي بس ماگدرت مااسويها واني اباوع بوجهة واشوفه يضحك ومرتاح ومستهزأ بيه وبوضعيتي ..

خزرتة وثبتت عيوني بوجهة وتفلت عليَه من كُل قلبي 

وضحَكت بوجهة 

- بقىٰ هادئ ومسحَها بأيده من وجهة كز علىٰ اسنانة وابتسَم نص ابتسامة

ونهض گال الهم .. 

-مديوي: اطلعوا من احتاجكم اصيح الكم

طلعوا وسد الباب واتقدم وعيونة تنط شر باوعت لنفسي عاجزة عن اي ردة فعل وحركة بجسمي مُقيدة من أبسط حركة .. حتى نفسي مااگدر ارفعها القنينة ثگيلة شدوا كل جسمي عليها ..

                                            

              

                    

الشيء الوحيد الي چنت اكدر ادافع بيَه لساني

ويمكن عميَت ع روحي بهاي التفلة بس ميخالف ريحت گـلبي مستحيل ابقىٰ ساكتة اله تقدم ألي ..

باوعت اله ساكت ماكو اي كلمة ابتسامات حقيرة خبيثة علىٰ وجهة نظراتة تفتر عليه بشر معقولة راح يعتدي عليَه ؟ اي لعد ليش سد الباب وطلعهم زين خاف يحرگني !! 

رمشت بعدم استعياب وفهم من گعد گدامي ومد ايَدة بجيبة وطلع ابره ابره چبيرة وطويلة چانت رمشَت عدة رمشات عليها وبقة نظري معلگ بشكلها  صرت ما أعرف شنو اتوقع من هلبشرية بس كل فعل للاسوء قطع صوت دوهنتي صوتَة ..

-مديَوي: للأسف ماا اگدر اضربج وأذي وجهج الحلو

وجسمج لأن اعرف راح تگليلي موافقة وترحين وعيب اخذج للمسؤول وانتِ وجهج كُله اثار ضرب وجسمَج مشَوه لعد شيلگي بيَچ وهو هذا المهم

-جُمان: شتريد مني شتريد تسوي بيه

- راح اعاقبج ع الي سَويتي قبل شَوية 

واعاقبج علىٰ رفضج بشيء جديد

 مد ايدة لرجلية تلمسهن تخبلتتت ماكدر احركهن مقيديني بطريقة حقيييرة ومشيدة من كل جهة نزلت دموعي وصرختتت ..

- شتريد عوفني ولك عوفني الله لاينطيك شتريد تسوووويييي

رفع نظرة لوجهي عصر رجلية بأيدة حيييل جعصهن جعص صرخت متوجعة وهو يقوي بعصرتة عليهن ضحك وفتح أيديه عنهن ..

و اخذ اصَبع رجلي الچبير فردة بأيدة وگال ..

-امممم جاي أشوف هذا صبعج مدوحَس الظاهر ينرادلة نبش يمكن مورم 

هزيت راسي برعببب من قرب الابرة لأصبعي صرختت حييييل ..

دخَل الابرة بأصبَع رجلي وفرها بس روحـي راحت مني باد حيلي من الوجع صرخت متخبلة من الالم...

-ياعليي..

-مديوي: ههههههههههه

-جُمان: يمههه ويييييينج تعاليليييييي

-مديوي: تعاليلهه 

انتهيت من الالم صرت افر بالقنينة من قوة حركتييي بسبب الوجع اتخبببلت طلعها من أصبعي صار الدم يتطافر ورجع فوت الإبرة..

بنَفس الاصبَع من مكَان ثاني وعَاد نفَس الحركة هم 

ماگدر اوصف الوجَع الي حسَيت بيَه حسَيت الابرة دخلت بگلبي تفتر..

طاقتي خلصت من الوجع عيوني ثگلت اشوفة بصعوبة يضحك فرحان مثل المنتصر يهز براسة گدامي ويحچي بس ما اگدر اركز بكلامة انتهيت من الالم ريگي نشَف خلصت طاقتي من الوجه الاحتلني جسمي باد واستسلم ماحسيت الا روحـي طفت وعيوني غمضت لوحدها..

            

              

                    

شگد مر وكت فتحَت عيوني علىٰ الم الم يدگ بگلبي وجع ما مار عليَه من قبل ابداً شيء جاي يدگ بيه حيل نزلت عيَني ع رجلي فتحت عيوني مذهولة..

چان شكل اصبَعي مُقرف مفتوح فتحتين منظرهن مرد گـلبي موتني حتىٰ واني فاقدة أدركت هو مستمر يحفر بيه هزيت راسي نزلت دموعي بقهر والم علىٰ حالتي..

چان هَواية دم بالگاع والذبان ملتم عليَه الغرفة فارغة وهادئة بس صَوت أنيني ووجعي ينسَمع اصبَعي يدگ مَن الوجع عبَالك نبَض كُل الي بأيدي هَـو اباوعلة بَس ماا اكدر الف جرحي ولا اداويَه..

انفتح الباب فجأة ودخَل عليَه يمَشي مترهي ويضَحك مستهزأ..

- مديوي: تؤ تؤ سلامات سلامات خو مجاي تتوجعين ؟

هزيت راسي مانعة دموعي تنزل گدامة رغم تعبي بس لا يشوفني ضعيفة ويستغل ضعفي...

- حسَبي الله ونعم الوكيل بَيك عسَاها گل دگة بگلبي

وكُل شهگة وجع طَلعت منَي عساها بيَك الله ليوفقك

-مديوي: يله خوش

تقرب سحگ اصبعي برجلة صرخت شايغة روحـي..

-جُمان: ااااخخ..

-مديوي: ههههههههههه

-جُمان: شگد حرام عليييييك شگدددددد حراااام

- عليمَن حرام ! اني مو حطيَتج بين خيارين بعد 

هذا خيارج اني الي ردتة لو أنتِ 

- خيَارين ؟ خيَار الزنا ؟ اني ازني علمود اعيش 

گلب وجهة من كلامي عوج حلگة وحچة..

- زنا زنا اني ازني ، طبج مرض اتحملي لعد

وعلىٰ فكرة ترىٰ اني بعدني ممسوي بيَج شيء !

عبَالج هذا وبَس بعدني ما مستفاد بيَج اني

اذا مااستفاد بيج من المسؤول..

سكت بكلامة باوعَلي من جوة ليفوگ ورجع گال..

-خليني استفَاد بأعضائج عنَدج هواي وهَذا تبذير زايد انتم  موعندكم أن المبذرين اخوان الشياطيَن واني ماريدج تعصين ربج لا لا استغفر الله..

بَاوع لرجلي وضحك وگال 

ترىٰ مو عبالج راح اعالجج لا اريد الجرح يلتهَب

ويخَزن جراحَة حتىٰ ساعتَها يصير الوجَع اضعاف

وتتوسليَني اعالج ولو اقبل لو لا 

غمضت عيوني اخذت نفس بألم باوعت الة وحچيت..

- جُمان: حسَبالك الله ماراح يعاقبَك ماراح يضوگك الوجع اضعاف 

كم بنيَة سويتوا بيَها هيچي وأكثر كم بنيَة تاجرتوا بأعضائها 

كم بنيَة تاجرتوا بشَرفها في سبيَل مصالحكم بالدنيَا 

            

              

                    

-بـس والله راح تنذلون راح يحاسبكم حساب عظيم 

عجيَب شراح يسَوي بيَكم ع هذا الظلم والكفران والطغي عجيب...

- كل شيء مايسوي ماعاقبنا صار النة سنيَن

ضحكت بخفة جليت صوتي وحچيت..

- وانتَ فرحان ع هاي الحسبَة صارلك سنين ؟

القران الكريم يگول (بسم الله الرحمن الرحيم) 

اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ 

وأيضًا گال - 

وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْرٌ لِّأَنفُسِهِمْ ۚ 

إِنَّمَا نُمْلِي لَهُمْ لِيَزْدَادُوا إِثْمًا ۚ وَلَهُمْ عَذَابٌ مُّهِينٌ 

-يعنَي الله ماناسيَك ولا غافل عن عقَابك بس الله 

يمُهلك بس مايهملَك الك يوم حسابَك بيَه عظيم الك يوم راح تعض اصابعك ندم تتمنى بس لو يرجع بيك الزمن واتحصل فرصة فرصة بس حتى تنقذ نفسك واتوب..

جاوبني ببرود متجاهل كلامي...

- هواي تحچين بس هذا حچيج كله مابيَه فايدة 

كل هلحچي مايفيدج لو تقبلين وترحيَن وياي وتخلصين نفسج

لو تبقين هنا جوة رحمتي اذلج ذل كل يوم اطلع الج شيء جديد الوعج بيه واذا ايست منَج وشفت مابيَج نتيجة ومامنج استفادة بهلموضوع .

- باوعلي بنظرة حقيرة سخيفة...

نستفاد بيَج بغير شيء مثل ماگلتلج عندج تبذير بالاعضاء

طلع دقائق بعدها رجع بأيدة سفري وفوگة بطل مي خلاهم يمي فتح ايدية رفعت عيوني اباوعلة بكره وحقد رفع اصابعة يضرب بيهن علىٰ راسي..

-اكلي اكلي مااريدج تفطسين عليَه اريدج بكامل وعيج وصاحية..

عافني وطلع مسَحت علىٰ إيديَة وباوعت الهن صاير بيهن خط احمر من الخيط شادني بيَه شدة موت حتى اللزمة تأذيني ... رفعت عيوني المغورگة بالدموع واجهشت بدموعي 

-لشوكت ابقىٰ هيچ ياربي لشوكت..

ماباوعت للأكل الألم ذبحني جاي اموت رجعت راسي متكئة علىٰ الحايط عيوني علىٰ اصبعي شلون أخفف الألم هذا شلون يروح ياربيييي جاااي يدگ بگلببيييي ماجاي اگدر اتحمل راح امووت..

            

              

                    

بقيت فترة علىٰ هلوضعية والالم كل ماجالة يزيد ما يخف مديت أيديه للمي الأكل گبال عيني صارلي يومين ما فايتة معدتي ولا لگمة أخذت الماي شربت منه اخذت خاشوكة وحدة اكل لعبت نفسي وعفتة حتى اكلهم مو نظيف خليني اموت ولا اكل من ايديهم..

خليت السفري بالگاع صفنت واستذكرت من چنت شگد اتبطر شگد مايعجبني العجب.. 

يمه ماا احب هاية المرگة وماا اريد هاي الطبخة ما احبها ما استلذ بيها

 دمعت عيوني وضحكت وهسَة اتمنىٰ الاكل صرت اكُل حتىٰ الما احبَه بس كون من ايدج يمة بس كون..

شگد مدلليَن ببيَوت اهلَنة احنَة بس منحَس بهاي النعمة

لحد منفقدهَا نبقىٰ نتحسَر ع ايامَنا هنَاك مسَحت دموعي 

من اجيت لهسَة اني ممصليَة وماا اعرف القبلة ويَن

ولا اكو مي اتوضىٰ بيَه اني چنت صلاة الفجر مستحيل افوتها ولا فرض

يروح عليَه بيومي چان وقت الصلاة منُقذ بالنسبَة الي

انفرد بغرفتَي واسد الباب واصَلي براحَة واذب حملي بيَها

وكُل شيء موحلو بيَومي بالصلاة ارفَع ايديَه وادعَي

واحچي بالي مضوجني وابچي ومجرد ما اخلصَها

واني مرتاحة وحمَل وانزاح من علىٰ صدري 

دقائق الصلاة دقائق عظيمة باليَوم دقائق تفصل بيها

عن واقَعك المؤذي وعن الي حواليَك فكرك وعقلك 

يركز عليَها دقائق محتاجتها واني بهذا وضعي محتاجة

أفصل عن واقعي الداعيشة عن وجعي الدياكل بگلبي 

تعبت وبس اريد انام ماجاي اگدر ابقىٰ گاعدة الوجَع دمرني 

اصبعي ورم كُلش وصَار احمر وجَعة زاد عليَه صَكيت علىٰ اسنَاني وصَرخت بصَوت مكتَوم بس بعد مابيَه بدة ياكلني الوجَع وجسَمي تَعب ..

-صارت تمر الأيام موت بطيء بالنسبة الي ويه هلألم ماشفتة هذاك الحيوان بعد صار يجي يفوت بس حنتوش يجيب الي اكل ميَشبع طير ويدخُل بسرعة ويطلع بسُرعة ايديَة بقوا مفتوحات هنة ورجلية بس بطني وظهري مربوطات لسة بظهر القنينة ومينفتحن بس من اطلع للحمام اخخ وشلون طلعة اسحل بنفسي سحل مشي ماگدر امشي 

صرت أتمنىٰ الموت من صدگ والله صرت اتمناه...

مديت أيدي أعصر برجلي حيل من الألم جاي أموت أنفتح الباب بطريقة صارت اعتيادية بالنسبة الي لو يندفر لو فجأة ينضرب وينفتح..

فات عليه هذا الحقير تقد الي بسُرعة اباوع مستغربة شكلة خايف ومتوتر وفَتح الحبل وجهة مصوفر..

مَن شفت شكلة هيچي واجاني بسرعة وچان خايف ابتسمت متفائلة گلت بگـلبي بلكت الله هدأ گلب واحد منهم عليه ولينة وديطلعني منَا بس سرعان ماتلاشت فرحتي من سحلني بالگاع وعتني من أيدي بسُرعة وگال..

- حنتوش: گومي انتقام الله عليج تحركي بسرعة گدامي 

تورطت اني بيج كُلهم شردوا وعافوج عليَه تحركي عرفوا

مكانة بقيت صافنة وعاط وگال اتحرررررركي بسرعة

انتبهت لتوترة وخوفة گلت هايَة فُرصتي حتىٰ اشرد باوعت للباب مفتوح.. ورجلي مُورمة ودتأذيني  بس دست ع روحي وگلت ميَخالف 

وهَذا حنتوش هلگدة قزم ومابي طول وسميَن 

نهضت وهو يفر بالقنينة دار عليَه وبحركة سريعة ضربتة ضربة قوية حيييل بكل قوتيي صاح متوجع وگع بالگاع ورجعت دفرتة بطنة حيييل وهو يكفر ويسَب بيَه ويتووعد.

- طگيتها بركضَة بس اني كُل شيء ما اندل بالمكان طلعت 

من الغرفة وگبل ركضت ع الممر وادوس برجلي بكُل قوتي 

روحي شاغت من الوجع بقيت اركض وابچي 

طلعت من ممر وطبيت بممر ثاني كُل شيء ماكو

بس طولة ومكان ظلمة ضوة خفيف كلش عبالك مدخلينَي بنفق أركض وسط ظلام بس اريد بس طريق اكدر اعبر منة ياربي اتلفت بخوف وتوتر گـلبي يدگ سريع..

اني وين هذا المكان ويَن شلون اطلع وكُل شيء مااندل وظلمة تهت والله تهت وگفت لدقائق انطيت ظهري ومشيت لغير أتجاه وماحسيت الا شيء ضرب راسي بقوة صرخت متوجعة من قوة الضربة اختل توازنَي 

وماسيطرت ع نفسَي واخر شيء سَمعتة صَوت وگعتي بالگاع..