رواية الهوس القاتل الفصل الرابع بقلم جنة عباس
ذكروها
وعادة اليذكر يحن
والروح لاهل الروح حنت
< للشاعر عريان السيد خلف >
هدى:: كعدت ؏ صوت سرى تلعلع
سرى:: عيني يلا كومي فضينه
هدى:: اي وجع شبيج تلعلعين جنج دلاله
هدى:: كمت غسلت وخليت مكياج ولبست ثوب ابيض وبي ورد بنفسجي ولبست شال بنفسجي فاتح وجنطه وحذاء بيضه اليوم راح ياخذونه للشلالات نزلنه اباوع هل غثه يباوعلي ايععع
احمد::كعدت صبح غسلت وبدلت لبست قميص سمائي وبنطرون اسود وعطري المفضل ونزلت شويه ونزلت عله كلبي تكول حوريه وتنزل ونوب شلون تباوعلي ودور وجهه اني الج ياهدهد الزمج لو ما الزمج
مسلم:: اعشكك عشك ليله ويوم
علي:: ليله ليله ليله طرطارطااا هلا هلا
احمد:: وسم شبيكم نكلبتولي سعد الحلي
مسلم:: خاب احلف عليك يمين انته عاشك بت سماوه
احمد :: كرموني بسكوتكم وامشووو
هدى:: صعدنه بالباص حنت كاعده وعيني ؏ شووارع تخبل اجتني رساله فتحت رقم ومسجل عليه احمدي صفنت منو هذه بعدين ذكرت هذه الملطلط نوب مسمي احمدي ايععع غيرت الاسم كتبت ابو شوارب الملطلط دخبت كاتبلي شعرر
احمد💬:: يل تبوك عيونج
من الليل كل لذة سواده
ويـا عـين الـصگر بـالزعـل من تحتد
يالرسمك بعيني أنطبع
راحت عيوني وما رحت
طالعه تخبلين هدهدي
هدى:: هذه شبي شو نكلب عليه نزار قباني كتبتله
هدى💬:: اول شي اني مو هدهدك ثاني شكرا الك
احمد💬:: لا انتي هدهدي ويلا سدي موبايل وكعدي وماريد اي حركه منا منا
هدى:: هذه شعليه ياخلي راح يموتني عشتوو اي واللّٰـه عساس راح اسمع كلامه ابو شوراب
سرى:: شبيج تخبلتي تحجين وحدج انتي
هدى:: مابيه شي حسبه بالي حسبه
هدى:: نزلنه وجانت الاجواء تخبل وكفت بالمي وجان بارد صحت سرى تاخذلي صور واني مكيفه العب بالماي ماحسيت غير
احمد:: قسماً عظماً اذا ماطلعتي من الماي هسه اسحلج كدام العالم واني مسودن وسويهه
هدى:: صراحه خفت اني بهيج مواضيع كلش جبانه كبل طلعت وحسه يمشي وراي
احمد:: امشي للحمامات بسرعه كدامي
هدى:: مجاوبت بقيت امشي لحد ماوصلت للحمامات لزمني حيلل من زندي
احمد:: ولج انتي ماتستحين
هدى:: اخخ شبيك هد ايدي شسويت اني
احمد:: ولج رافعه ثوبج بالماي وطالعه رجليج مرايه وشاب يباوعون ونوب حاطتلج حجل برجلج شني ولج تردين سودنيني بكد ما اني هسه مسودن
هدى:: يااخي وانته شعليك انته منو ابويه عمي ابن عمي اخويه شكو تدخل بيه قوه ؏ ايدي حيل حسيت ايدي راح تنشلع
احمد:: شوفي ولج ترا احمد من يريد شي يحصل عليه فهمتي مستعد احرك الاخضر واليابس علمود احصله وانتي صرتي براس احمد فهمتي لو لاا فهمتتتتتي
هدى:: اخخ ايدي فدوه عوفني خــلص راح اكعد بس تركني
احمد:: سمعي الكلام حته ماتتذين
هدى:: راح واني كعدت بالكاع ابجي يربي ســآ؏ــة سوده الي اجيت هذه الحقير طلعهه من عيني السفره الله لا يوفقك الله لا يطيك حقيير
سرى:: لج هداوي عمري شبيج ليش كاعده هنا تبجين
هدى:: هااا وكعت ورجلي كامت توجعني
سرى:: ادري خايبه شجاج مشوفين شنو ضربتج عين اني دكومي كومي
هدى:: كمت ورحت كعدت ؏ كرسي يم خاله وارجف
سرى:: هداوي تعاي خل نلعب بالماي كلش حلوو
هدى:: لا ماريد رجلي توجعني
سرى:: بكيفج
هدى::بقيت اباوع من وره هذه الحقير خرب كل مزاجي اووف يااا
هدى:: مرت الايام وهذه ابو شوارب طلع روحي الطلعات كلهه طلعت من عيني من وراا بحيث اخر يوم مطلعت بسببه كعد يدقق ؏ لبسي وصوري وراويني طنكرت ومطلعت بقيت ابجي بالغرفه صــآر وقت رجعتنه واني ابد ماتونست من وره هذه ســآعــة سوده رجعت ؏ سماوه وفترقت طرقنه دخلت للبيت وسلمت ؏ اهلي
الاب:: ياهلا شوف منو اجه اجت هداوي
هدى:: هلاو بــآبـا حبيبي شلــونڪ
الاب::الحمدلله زين
الام:: يمه بعد امج البيت وحشه عليج واللّٰـه
هدى:: واللّٰـه اني هم كلش شتاقيتلج ماما كلش هوواي
نور:: اي شنو جبتيلنه كلهه كابلتج وكعدت
هدى:: واللّٰـه جبتلكم اشكال والوان حته تعرفن شكد اني طيبه
هدى:: كعدت طلعت الهدايا وكلمن اطيته هديته كتلهم
هدى:: راح اصعد اسبح ونام كلش تعبانه من طريق
الكل:: ماشي رتاحي
هدى:: صعدت الله غرفتي سبحت وبدلت اباوع تلفوني يدك كل فكري اني سرى اجيت ابواع شفت رقم هذه الملطلط ايععع هوه ردت اخلص من شكلك طيته رفض رجع تصل هم طيته رفض دزلي رساله
احمد💬:: اني اعلمج ياهدهد سدي تغلقي بوجهي
هدى:: قريتهه وغلست عشتوو ابو شوارب عم يهدد واللّٰـه يالله سويت الموبايل صامت ونمت نومه اويلي الله عليهه
احمد:: صــآر وقت رجعته واني كلش مضايق بعد مراح اشوف هداوي طريق كله هيه ماتباوعلي ابد وصلنه الحله وهنا فترق طريقنا ياترا راح اشوفهه بعد لا اجت ؏ لساني هذه البيت الشعري
احمد::::
فراك وجهج
ما يفض بالله كريم
احمد:: صعدت بسياره وحته ما باوعت الي ردت بس نضره اخخ شكد قاسيه رجععت للبيت وجاني تصال من دوام رحت اجاني امر لازم التحق بالموصل وجانت الاوضاع ب 2015 شويه صعبه داعش اتصلت عليهه مــآكو ماترد شويه اطت رفض تصلت مره ثانيه وطت رفض ايااا بت اللذينه كتبتله رساله ورحت التحقت
احمد:: ماتردين موو اخخ يجي دورج يهدهد يجي
هدى:: كعدت ثاني يوم اخخ بيتنه وغرفتي كالتهه امي واللّٰـه رحت لبيت الله مثل بيتي مالكيت غسلت ونزلت تريكت احلا ريوك من ادين ماميتو الحلوه ومرت فتره وهذه الملطلط بعد مدز شي اي همزين خفتاً وراحه واني كلش تناسيت الموضوع واجت الايام ولازم احضر للمدرسه بعد صرت ثالث وبكلوريا وخابصه البيت خبيصه الله طلعت اني وماما شتريت سداري والاحذيه تكرمون وجنط يــ؏ــني مخليت شي مجبته وياي بعد بنات ودخلن ل سوك
في مكان اخر::::::
::يمعوووود دير بالك صااار الهجوم علينه
:: اي شلون ماعدنه ذخيره
:: يمعوووو اكعد لا تجيك طلقه اككععععد
:: لااااا كوووم ولــڪ لا تموووت اكعد يخووووي اخخخخ يالله 💔
و مالگيت الفرح حَتّى أفرح
حتّى الموت
صار إيشيل خشمة
من علينة ايفوت
شبيدة الهلال اعله روحه
اليقرة موت العيد مكتوب بجريدة
كلها وعناد الشمع بات اعله عيني
ومارضيت ابچي لهويتي
فاهية الشمعة التفض بلا قصيدة
.................................................................................................
