رواية هل للقدر رأي اخر الفصل الرابع بقلم دارين أسامة
_يعني ايه يا ماما؟
_يعني يحبيبي بالعقل كده هي عندها عيلتها وامها واخوها وخالها انت بقي مالك تدخل نفسك في حوارات مش بتاعتك ليه؟
_هي يا ماما ملهاش غيري انتي متعرفيش ادهم محدش فيهم هيعرف يوقفوا غيري
_وانت يعني خلاص اللي هتجيب الناهيه
_يا ماما مش كده بس انا هعرف اتصرف
_وبعدين؟
_وبعدين ايه
_نهايته يعني...بعد ما تحللها كل مشاكلها هيحصل ايه يعني منتظر ايه
_فضلت ساكت ،اصل هقول ايه انا نفسي مش عارف خدت نفس بهدوء ورديت
_مش عارف يا ماما بس كل اللي اعرفه اني لازم
اساعدها ومسيبهاش للكل*ب ده
_اتنهد الام بقله حيله
_ماشي يابني اما نشوف آخرتها يا ابن بطني بس يكون في علمك هتروح تقابل روان بنت طنط مرفت يأما
والله ..
_ماما ونبي مش قته
_خليك كده تاعب قلبي
~~~~~~~~~~~~~~~~~~~~~~~~~~~~
_كنا قاعدين انا وندي بنتكلم ونرغي ،دمها خفيف اوي
كنت مبسوطه اوي وبضحك ونسيت الهم اللي ورايا
=لقيت طنط خبطت ودخلت
_ندي معلش اخرجي بره عايزه مريم في كلمتين
_هتفضلوا تلعبوا بيا كتير ما حد يقولي في ايه هو انا كوره
_يلا يا جزمه من هنا
_براحتك مسيري اعرف ضحكت وطلعت بسرعه
=كنت بضحك عليها ،وبعدها بصيت لطنط فاتن
_عامله ايه يا حبيبتي
=الحمدلله لله يا طنط حضرتك عامله ايه ،وسوري اني مكنتش بسأل عليكي بس والله مكنش بإيدي
_انا عارفه يا حبيبتي ،في الحقيقه يونس حكالي عن جوزك الوا*طي
= بصيتلها وانا مش طايقه سيرته
_بصي يا مريم انا عايزاكي تعتبريني مامتك التانيه والبيت بيتك خدي راحتك احنا هنا بنات في بعض ،وبالنسبه ليونس ف هو مبيقعدش هنا قاعد في شقه هو ويوسف صاحبه وسعاد اتجوزت وخدت الشقه اللي تحتينا في العماره ومعظم الوقت قاعده هنا يعني احنا كلنا ستات مع بعض
=بصيتلها ب إمتنان بس كنت لسه محرجه
_انا عارفه ان زمان مكنتش علاقتي بيكوا احسن حاجه بس ابوكي الله يرحمه ليه جمايل كتير عندنا ومامتك ست طيبه وكانت بتساعد الغريب قبل القريب ،عشان كده ده بيتك وانا اعتبريني زي مامتك بالظبط واعتبري ندي وسعاد اخواتك
=والله يا طنط انا بعتبرهم اخواتي من واحنا عيال وحتي حضرتك مامتي التانيه انتي وعمو الله يرحمه
_الله يرحمه يا حبيبتي ويرحم موتانا وموتى المسلمين ،انا هسيبك بقي ترتاحي واقوم احطلك تاكلي
=ملهوش لزوم والله يا طنط
_لا طنط ايه بقي قوليلي يا فوفا علي طول وبعدين لازم تاكلي واضح انك مبتاكليش كويس وانا ماحبش بناتي يكونوا هفتانين ابدا
=ابتسمت علي اسلوبها اللطيف،شكرا والله يا.....
_يا ايه بقي؟يا فوفا قوليها كده
=يا فوفا
=ضحكنا انا وهي
_هسيبك بقي واقوم
_هزيت راسي وانا ممتنه ليها ومبسوطه اوي ~~~~~~~~~~~~~~~~~~~~~~~~
"بره في الصاله "
كان يونس قاعد متوتر
_ما تقعد ما بقي وترتني عامل زي اللي مراته بتولد
قالتها سعاد وهي بتقشر البرتقال
_لا وانتي الصادقه ده شكل واحد واحد مراته بتولد تؤام
ضحكوا هما الاتنين
_عارفين لو مسكتوش انتو الاتنين هديكوا قفا يعلم سنتين قدام
_لا وعلي ايه انا اصلا ورايا مذاكره
_يع هو لسه في حد في ثانويه عامه
_بلاش انت يا بتاع مريم
_قالتها وجريت
_انا لو مسكتك يا ندي مش هخلي فيكي حته سليمه
_اقعد بقي وقولي في ايه
_هيكون في ايه يا سعاد يعني
_يعني متوتر ومش علي بعضك هو حصل حاجه ولا ايه
_ها..لا ابدا مفيش
_اومال ايه الحكايه
_لا حكايه ولا روايه هو بس
كنت هكمل لقيت ماما خرجت من الاوضه جريت عليه
_في يا بني خضتني بتجري عليا كده ليه
_اصل المُزه بتاعته جوا
قالتها ندي وهي مخرجه راسها من المطبخ
_حدفتها بالمخده
_اتلمي يا ندي
_ايه يا ماما مش بقول الحقيقه ولا ايه يا يويو
_ندي وربنا هاجي افطسك
_لا وعلي ايه الطيب احسن
_كنت رايحه إتجاه الاوضه اللي مريم فيها والحقيقه انا مكنتش عارف بعمل ايه
_ايه ايه رايح فين يا حبيب أمك؟
_!ايه يا ماما
_ايه انت ويلا هوينا من هنا
_يعني ايه
_يعني تسلم نظرك يا حبيبي احنا هنا كلنا ستات انت قاعد بتعمل ايه
_ها،لا مفيش الوقت اتأخر بس ف قولت ابات النهارده هنا
_لا مفيش بيات يلا بقي هوينا بقي يلا
_إنتِ بتطرديني يا ماما
_اه ويلا من هنا
_ماشي يا ماما
وصلنا عند باب الشقه ف همست لماما في ودنها
_خلي بالك منها
_لقيت ندي ردت
_متخافش هنفطر بيها
_كنت داخل اجري عليها منا جبت اخري
_اععععععع
_يلا يونس من هنا بقي ومتخافش
_ اتنهد براحه ومشيت وانا مطمن
~~~~~~~~~~~~~~~~~~~~~~~~~~~~
كنت واقف علي باب الشقه كنت لسه هفتح بالمفتاح لقيت الباب اتفتح
كانت الفوطه حوالين رقبته بينشف بيها شعره المبلول، بصلي من فوق لتحت ومردش عليا
_ماله ده،مالك يلا في ايه
_.......
_بكلمك مش بترد ليه
_قعدت اكل ومردتش عليه
_طب وسع كده خليني اقعد
_ريحتك وحشه قوم من جمبي
_وانا لازق فيك الكنبه واسعه قولتها وانا بلزق فيه فعلا
_لا انا قاعد هنا الأول
_فضلنا نزق في بعض كأننا عيال في 3 ابتدائي
_خلاص زهقتني وسع
_احسن
_ايوه يعني ايه البوز ده هو انا مراتك
_ايه اللي عملته في الحفله ده ؟؟
_انا؟عملت ايه بس؟
_يونس متستعبطش
_في ايه بس
_كنت قايم
_خلاص خلاص اقعد
_ها
_حكيت المختصر من الموضوع
_وبعدين
_وبعدين ايه
_نهايته
_انت امي بس لابس يوسف صح؟اخرجي يا أمي أنا عارفك
_ولااا
_يعم اصل كل ما احكي القي حد بيقولي وبعدين ايه اللي وبعدين
_انا وانت عارفين اللي فيها يونس
_ايه اللي فيها
_انت لسه بتحبها؟
_سكت...
_يونس ....
_انا مش هسيبها تاني
_....
_انا كنت جبان زمان ،خُفت تضيع مني ،كنت بقول دي لسه صغيره ،كل يوم كنت بقول هتقدملها ،ولكن كنت برجع اسأل نفسي انت حيلتك ايه غير حته شقه سيبهالك ابوك
_هنعيش في شقه بس يعني ؟ كنت لسه معييش حاجه لسه في آخر سنه جامعه وهي اخر سنه ليها في الثانويه كنت لسه قدامي مستقبل ،والأهم من ده كله كنت خايف اعترف وترفضني وساعتها هخسرها من كل حاجه اخت ،صاحبه ،وحبيبه ليا
_لحد ما في يوم جت وقالتلي انها هتتجوز،دموعي بدأت تتجمع في عيني وانا بفتكر اليوم ده
_فلاش باك
_________________________
_كنت قاعده علي سطح سرحان
=يونسسسس
_ايه في ايه حد يخض حد كده
=عندي ليك حته خبر
_ايه بقي المره دي لقيتي قطه بتطير ولا قررتي تجربي تشربي عرق سوس
=لا يا خفيف ،انا هتتجوز ...تررراا
_ايه؟
=اي ايه بقولك هتجوز
_ايه العبط ده انتي عبيطه ده مقلب صح
=في ايه يا يونس
_دمك تقيل متهزريش تاني
=بس انا مش بهزر
_يعني ايه
=يعني خطوبتي الخميس الجاي والفرح بعد كام شهر
_خطوبه ايه وجواز ايه انتي لسه عيله
وبعدين هتتجوزي مين وعمي فين من الهبل ده كله
=هتجوز ادهم اللي حكيتلك عنه والصراحه بابا مكنش موافق بس عمي أقنعه ولان كمان ادهم مستعجل اصل هنسافر بره بعد الجواز نكمل دراسه وادهم هيشتغل في شركه ابوه وهبقي زوجه رجل ثري
_انتي بتقولي ايه مفيش الهبل ده وازاي مقولتليش من بدري
=مفيش ايه وبعدين كنت بقنع الحج بقي وقولت اجي افرحك
_بتحبيه؟
=.....هو عسول ووسيم وطيب و
_بتحبيه ؟
=اوي اوي
_ربنا يتمملك علي خير ،انا لازم امشي
=تمشي فين انا عايزه اخد رأيك في كام حاجه
_معلش مش فاضي دلوقتي ممكن تكلمي ندي او ريم
=بصيت علي طيفه وانا بتنهد
_مشيت وانا حزين روحت عند يوسف وفضلت اعيطله انا جبان اني منطقتش وجبان اكتر لاني سيبتها تضييع مني
"باك"
~~~~~~~~~~~~~~~~~~~~~~~~~~~
_انا مش هسيبها تاني يا يوسف
_انا بس خايف عليك مش عايزاك تعلق قلبك علي الفاضي
_خليها علي ربنا انا هدخل انام بقي
_دخلت اخدت شاور وقعدت علي السرير بعد يوم طويل
~~~~~~~~~~~~~~~~~~~~~~~~~~~~
_كنت قاعده في الاوضه بقلب في الفون وندي نايمه جمبي فاجأه لقيت الفون نور برساله من رقم غريب
_عامله ايه؟
=مين؟
_يونس
_ايدا جبت رقمي منين
_مش صعب عليا
=ما بلاش جو الروايات الخياليه ده
_وهو في خيال اكتر من اللي احنا في؟
=ضحكت ،الحقيقه لا
_مرتاحه عندك ؟
=اه الحمد لله وشكرا اوي يا يونس
_شكرا علي ايه انا يونس يا مريم
=عملت سين ومرددتش
_بقولك هرن عليكي نتكلم
=مش هينفع ندا نايمه والاوضه ضلمه هنام
_اطلعي البلكونه
=بقولك ندي نايمه مش عايزه اعمل دوشه
_اطلعي بس متخافيش ندي دي بتنام زي القتي*له
والبسي شال او حاجه الدنيا برد
=ابتسمت وفعلا خرجت البلكونه دقايق ولقيته بيرن
_السلام عليكم
=عليكم السلام
_سوسو معايا
=ضحكت عليه انت لسه فاكر؟
_كملي الحوار بعد اذنك
=ضحكت اكتر ورديت بهزار،لا يبني انا امها مين معايا ؟
_انا معجب ومغرم الصراحه
=اه انت متصل تعاكس بقي
_الصراحه اه
=طب اقفل بدل احسنلك
_ولو مقفلتش
=انا جوزي لواء علي فكره
_ايه؟بتقولي ايه؟يا خساره مفيش شبكه
=فضلت اضحك بصوت عالي
_كنت مبتسم زي العبيط علي ضحكتها
_عايزك تنامي بدري عشان عندنا مشاوير بكره
=مشاوير ايه؟
_بكره هتعرفي المهم نامي كويس
=بس انا معنديش لبس وحاجاتي كلها مش معايا
_خدي من ندي يا ستي واه اقفلي تليفونك وشيلي الخط منه عشان محدش يعرف يوصلك
=حاضر ،يلا بقي سلام تصبح على خير
_سلام ايه
=مش قولت لازم انام بدري واقفل الفون
_اه صح
=يلا تصبح علي خير
_وانتِ من اهله خدي بالك من نفسك
=ايه السرير بيعض عندكوا ولا ايه
_يا خفيفه
=ضحكت طب يلا باي
_قفلت معاها وانا مبتسم
_ياااااه علي الحب ياااه
_انت واقف هنا من امتي ؟
_مش مهم من امتي المهم ان الحب بدأ عمايله
_طب اخرج من هنا يلا
_ماشي يعم متزقش
~~~~~~~~~~~~~~~~~~~~~~~~~~
"تاني يوم الصبح "
_كان يونس واقف قدامه عربيته
=نزلت وانا متوتره الصراحه ،لقيته بصلي وابتسم
_صباح الخير
=ابتسمت انا كمان ،صباح النور
_نمتي كويس ؟
=اه الحمد لله
_طب يلا اركبي
=علي فين؟
_اركبي بس
=ركبنا اهو
_بصي اول حاجه هنروح عند اهلك تطمنيهم عليكي
=بجد؟ بس وادهم اكيد باعت حد يراقبني
_متقلقيش انا كنت باعت اتنين صحابي،وكان في حد فعلا بس مشي
= بجد طيب يلا بينا نتحرك
_طب فطرتي الأول
=اه فوفا تسلم ايدها عملت اكل حلو اوي
_فوفا؟لا ده تطورنا خالص
=هي اللي قالتلي
_ضحك،عارف
__________________________
وصلنا بيت ماما
_ماما وحشتيني اوي اوي
_مريم حبيبتي ادخلي ،ازيك يا يونس يا بني
_الحمدلله يا طنط حضرتك عامله ايه
_الحمدلله ادخلوا
_لا انا هنزل اجيب حاجه معلش يا طنط خليها مره تانيه
_ماشي يا بني
=ازيك يا ماما ،اومال فين مايا وعمر
_مايا في الجامعه وعمر نايم
_طب انا كنت عايزه احكيلك علي حاجه
_يونس قالي
_ايه؟
_حكالي كل حاجه بس انا قولتله اني خايفه وانك تيجي تقعدي هنا قالي الأحسن تقعدي عنده وانا لو ادهم جه هقوله اني معرفش حاجه
_ابتسمت علي يونس ، متقلقيش عليا خالص يا ماما والله طنط فاتن زي السُكر خالص
_ولو خلي بالك من نفسك بردوا يا مريم عمك لو عرف الدنيا هقوم مش هتقعد
_اتنهد بقلق، خير يا ماما
قعدت مع ماما وبعدها اتحركنا انا ويونس
=ها هنروح فين دلوقتي
_مفاجأة
=ايوه فين
_بقول مفاجأة الاه
=مقولتش فين بردوا
_بصلي جامد
=احمم،الجو حلو اوي النهارده
_ضحكت عليها
شويه ووقفنا قدام كافيه"
_ادخلي يلا
=دخلنا وروحنا علي تربيزه كانت قاعده عليها بنت محجبه لبسها شيك، عقلي شك لثواني
واتأكد من اللي في دماغي لما قامت وقربت عليا
=لا متهزرش ،ريم؟
خدتها بالحضن جامد اوي ،ريم صاحبه طفولتي واختي وجارتي وحبيبتي وكل حاجه ولكن لاسف ادهم خلاني اقطع علاقتي بكل صحابي حتي ريم، بس كنا بنتكلم كل فين وفين نعرف اخبار بعض
_طب هسيبكوا انا بقي
مشي يونس وقعدنا انا وريم
_بقي كل ده يحصل يامريم وانا معرفش تيجي مصر وتحصل مصايب وانا آخر من يعلم
=والله مش ب ايدي انا ذات نفسي مش مستوعبه انا بقالي ايام في مصر وكل ده حصل٤
_طمنيني عليكي عامله ايه؟
=الحمدلله قوليلي انتي اخبارك
_اهو كله تمام بس كان نفسي اوي تيجي خطوبتي انا ويوسف
=ابتسمت بحزن لان حتي دي ادهم رفض انزل فيها ،
=تتعوض في فرحك ان شاء الله واشيل عيالك كمان
_يارب يا مريومه يارب
=بس الكافيه هنا مريح اوي انتي بتيجي هنا كتير ولا ايه
_انتي متعرفيش ولا ايه
=معرفش ايه
_ده الكافيه بتاع يونس ويوسف فتحوه من سنتين تقريبا بس صاحبهم اللي ماسكه يعني وهما بيجوا كل فتره يطمنوا علي الأوضاع ويمشوا
=بجد؟خبر حلو اوي الصراحه
=فضلنا نرغي كتير والحقيقه يونس مقصرش وسبنا براحتنا
قعدنا حاولي ساعتين الا تلت وبعدها اتحركنا
_اتبسطتي؟
=اوي اوي يا يونس مش عارفه اقولك ايه
_متقوليش حاجه وامسكي
=ايه دا؟
_ده تليفون جديد خليه معاكي
=بس....
_في خط جديد وحطيت عليه رقمي ورقم مامتك واخواتك وريم وحتي تليفونات مامت وندي
=بس كده كتير
_ولا كتير ولا حاجه ،وركزي معايا
=بصيتله بتركيز
_احنا دلوقتي هنروح لمحاميه شاطره اوي معرفه يعني وجمعنا شغل قبل كده انا واثق انها هتعرف تطلقك من ادهم ده بكل سهوله
=بصيتله بخوف وقلق
_متخافيش يا مريم كله هيعدي انا بس عايزاك تحكيلها كل حاجه من الاول للآخر
=هزيت راسي بمعني اه
~~~~~~~~~~~~~~~
"وصلنا مكتب شيك اوي،السكرتيرة اول لما شافت يونس قالتله
_اتفضل يا حضره المقدم مدام كامليا مستنيه حضرتك جوا
_يونس هز راسه ودخلنا فعلا،كانت ست شيك، طويله، بس باين في عينها الحنيه والهدوء
_اهلا اهلا ،المقدم يونس
_اهلا بيكي اخبارك ايه
_انا الحمدلله،بصيتلي
_انتي اكيد مريم
=هزيت راسي
_طب اتفضلوا اقعدوا
=قعدنا معاها
_انا يونس حكالي، بس انا عايزه اسمع منك كل حاجه وياريت متخبيش عليا اي حاجه لان كل معلومه هتفرق جدا في القضيه
=تمام،قولتها بهدوء بس كنت متوتره خصوصا في وجود يونس
_انتي كنتي بتتعرضي للعن*ف المنزلي صح؟
=هزيت راسي بحرج وتوتر
_ احم تمام قوليلي ايه هو نوع العن*ف؟ضر*ب؟شتيم*ه؟تهد*يد؟
=كنت متوتره خصوصا ان يونس كان مركز معايا اوي
_كله؟
=هزيت راسي ب اه
°غمضت عيني بغضب وانا بسمع كلامها عن الحيوا*ن ده
_طيب قوليلي في إصابات في جسم*ك؟
=هزيت راسي ب اه
لقيتها بتبص في وشي وعلي ايدي بتركيز
_في اي علامات غير وشك وايدك؟
=هزيت راسي بمعني اه
_في شهود علي الكلام ده؟يعني حد كان بيسمع وهو بيضربك؟او حد كان بيسمع خناقتكوا
=بلعت ريقي وقولت: مامته واخته عايشين معانا في نفس البيت بس...
_بس ايه؟
=مستحيل يقوله حاجه
_اه قصدك هيقفوا في صفه؟
=اه
_ طيب في حد تاني؟
=كان في بتوع الأمن بس مكنوش بيقوله حاجه وكمان في السعوديه
_طيب في اطفال ؟
=هزيت راسي ب لا
_طيب كان بيضرب*ك كل قد ايه او مثلا في سبب معين؟
=بلعت ريقي وانا بحاول امسك دموعي،هو...هو كان بيمد ايده من اقل سبب
_زي ايه مثلا؟
=غمضت عيني وكنت باصه في الأرض،في مره جه من بره متعصب وبيزعق جامد اوي،حولت افهم منهي ايه لقيته ....
_كملي يا مريم متخافيش
=لقيته قلع الحزام ونزل فيا ضرب بدون سبب
_ومحدش ادخل مامته؟اخته؟
=هزيت راسي ب لا
_طيب بيشر*ب؟
= هزيت راسي ب اه
_طيب الوضع المادي؟
=كويس بس كان بيجيب كل حاجه وانا بعملها من ناحيه الأكل والشرب
_امم،طيب في حاجه كمان حابه تقوليها؟
=هو....هو خدت نفسي ومسحت اول دمعه نزلت مني
_امسكي اشربي واتكلمي
=ساعات ......كان بيجيب أصحابه البيت ...بلعت ريقي ...كان يعني بيخليني اقعد معاهم .....
_حاولت اداراي صدمتي، وبعدين
=مفيش بس كنت بقعد معاهم وهما بيهزروا ويضحكوا كنت بخدم كمان،كان كلامي متقطع
_حاولي تطلبي الطلاق؟
=كتير بس حبسني وهدد*ني
_كنت لسه هتكلم لقيت يونس قام هجم مره واحده:
°انتي ازاي تسكتي علي الوضع ده ازاي
مسك ايدي، علامات الضرب دي فين؟
=انكمشت في نفسي وانا بعيط
لقيت كاميليا بعدته عندي
_يونس من فضلك اخرج بره وسيبهالي
°.......
_اتفضل يا يونس
=خرج وهي قربت مني حضنتني وفضلت تهدي فيا
_انتي عندك كام سنه؟
=24
_طيب اعتبريني اختك الكبيره ومتقلقيش هطلقك منه واجوزك سيد سيده كمان
=ضحكت علي كلامها
_متخافيش يونس بس قلقان عليكي
=هزيت راسي لاني عارفه
_عارفه لما جه وحكالي كان متوتر وخايف وسألني مليون سؤال وقالي اطمنك ومخوفكيش بس تقريبا نسي هو يعمل كده
=ابتسمت
_نكمل؟
=هزيت راسي،نكمل ......
