رواية تسجيل خروج الفصل الرابع بقلم جمانه السعيدي
طارق...انطلقت رحلتنا بلبدايه المطار بغداد وبعدين طيران المطار جده
وصلنا هناك جيكنا على الجنط
ودخلنا التفتيش
اني كنت امشي كدامهم واحجي ويا نقط التفتيش داخل المطار وانطيهم الجوازات
وارتب جماعتي على التفتيش
صعدنا الباصات طريق طويل وصلنا للمدينه
اني حاجز فندق وصلنا ووزعت الغرف
طارق....اذا تردون ترتاحون كلمن عنده مفتاح غرفته
واذا تردون تطلعون القبر النبي
اني منتظركم هنا بلرسبشن (( الاستعلامات ))
انزلو اخذكم القبر النبي
بلبدايه كلهم صعدووو الي سبح والي غسل ملابسه
كان باقي على العشى ساعاتين
نزلو اول مجموعه اخذتهم وطلعت القبر النبي
بس عائلة شمس مانزلو وياهم
اخذتهم وصلتهم القبر النبي دخلوو
انطيتهم بطاقات بعنوان الفندق خاف واحد يضيع منهم
رجعت لكيت ام شمش واخوها نازلين
طارق...هااا ترحون لزياره
علاء....اي نريد نروح انزور ونصلي المغرب ونرجع
طارق...بس انتم
علاء...اي شمس تكول تعبانه من نرجع اني اصعد انزلها للعشى
طارق...تمام
اخذتهم وصلتهم وانطيتهم بطايق الفندق ورجعت
أأكد على العشى لان جماعتي جوعانيين
كاعد جوه وجاي اتصل جان ينفتح المصعد
وتطلع شمش
بقت تباوع شويه وبعدين اجت عليه
شمس.... السلام عليكم
طارق...عليكم السلام
شمش....اريد اروح ازور قبل شويه اهلي نزلو
اتوقعت انام بس ماكدرت انام
اريد اروح وراهم منو ياخذني
طارق....اني اخذج تعالي
جمانه السعيدي
مشيت كدامها هي تمشي وراي
منا لمن دخلنا الصحن صحن قبر النبي جبير
امشي وهيه تمشي وراي
وصلت مسافه التفتت لكيتها تمشي على كيف بعيده عليه
رجعت عليها
طارق..هااا تعبتي
شمس.... اي تعبت شدعوه هلكد المسافه بعيده
جان خلو توصيله
طارق...ههه انت شابه وتكولين هيج لعد شلون النسوان
والزلم الكبار بلعمر
شمس ...تعبت لو ادري مااجيت
طارق...تعاي ارتاحي هنا وبعدين نكمل
اكو فراشات برا كعدت ورحت جبتلها مي زمزم
شمس....شكرا
طارق...عندج رقم علاء اقصد رقمه هنا بالسعوديه مو رقم العراق
شمس...اي عندي بس اني ماعندي رقم سعودي
طارق...اني اتصل علي
اتصلت علي وانطيتها التليفون
شمس...هلو علاء اني هنا بقبر النبي
اجيت وراكم تجي تاخذني
علاء...وين انتي
طارق رفعت راسها عليه وكالت ووين اني (( احلى وين اني سمعتها بحياتي ))
طارق...انطيني التليفون
بقت كاعده واني وأكف تقريبا عشر دقايق يله اجانا
علاء
علاء...مشكور تعبناك ويانا
طارق...ماكو اي تعب وهاي رقمي صار عندك اذا تحتاج شي
آتواصل وياي
علاء...شكرا الف شكر
علاء...هاا مو كلنا تعاي ويانه
شمس...عبالي انام بس ماكدرت انام كلت اروح ازور
علاء...يله تعالي هسه وين نلكه امي
راح ادخلج من باب النساء وابقى منتظرج
اذا مالكيتي امي اطلعي عليه نكعد برا اني وياج لمن تطلع امي
طارق....اول مره بعد ست سنوات من انتهت علاقتي بنرجس احس هيج احساس حلو اتجاه بنيه
رغم مبين عليها وعلى اهلها العز والخير
بس شكد بسيطه وراقيه
مو مثل نرجس فكر بت فكر وشايله روحها شيل
همزين خلصت منها من طلعت من حياتي شفت الخير كله
صدك عسى أن تحبو شيا وهو شر لكم
توضيت ودخلت ازور من جهه الرجال
لكيت جماعتي كلهم جوه بقينا نزور ونسولف
لمن اذن اذام المغرب صلينا وطلعنا
رجعنا للفندق اني بقيت واكف بلاستعلامات
تتواصل ويا الزوار علمود العشى
لان وقت العشى ساعتين وينسد المطعم
جمعتهم كلهم ودخلو للمطعم
انطيتهم برنامج الرحله الأسواق والمزارات
والي يريد يروح السوك الذهب
بقينا اربع ايام بقبر النبي
جمانه السعيدي
اليوم الي قررنا نطلع المكه الصبح من نزلنا للريوك
نزل علاء ضايج
طارق...هاا شكووو
علاء....شمس طلعت من الحمام وزحلكت كاعده تبجي من رجلها حتى ماتكدر توكف عليها
طارق...اجي وياك اشوفها اذا حالته تعبانه ننقلها للمستشفى
علاء...اي تعال شوفها
صعدنا فوك دخل علاء قبلي وبعدين كال تعال ادخل
دخلت لكيتها كاعده تبجي ووجها صاير عبالك طماطم
طارق...صباح الخير
شمش وامها...صباح الخير
مسحت دموعها
طارق...اشوف رجلج
رجلها من الكاحل مورمه حيل
شمس....راح تخرب عمرتي شلون راح اكمل ورجلي هيج
طارق...لا ما تخرب هسه نروح للمستشفى ونشوف شنو الإجراء لمناسب
شمس...بس مااكدر ادوس عليها
طارق....اجيبلج كرسي متحرك
بس دقيقه اني راح اجيبلج كرسي ونروح للمستشفى
ام شمس ...راح انعذبك ويانا
طارق...ماكو اي عذاب تدللون
شمس...اهييي اهييي
طارق...ليش تبجين توجعج
شمس...اي توجعني ضجت خاف مااكدر اكمل العمره
طارق...اللج عليه اجيلج كرسي واني ادفعج منا لمن تكملين
الطواف بعد شتردين مني
ام شمس...الله يحفظك ويبارك بيك
طارق...شالها علاء ونزلنا للمصعد أجرنا سياره ورحنا للمستشفى
بعد الاشعه والفحوصات طلع عدها كسر بعظم من عضام مشط القدم والثاني بي فطر بسيط
جبسو رجلها الكف وشويه من بعد الكاحل على الرجل
أجرنا تكسي ورجعنا للفندق
هذا اليوم شمس واهلها ماطلعت للزياره بقو بلفندق
ينزل علاء ياخذلهم اكل ويصعد
بليل طلعنا المكه طبعا اني كنت مرافق الهم
لان علاء مايكدر يشيل الجنط وينتبه على امه مره جبيره كوه تمشي واخته الي انكسرت رجلها
هما اتلاثه واني صرت الرابع
ابد ماعفتهم وأم شمس مابطلت تدعيلي بلخير
الحد ماوصلنا المكه وهنا المهمه الاصعب
لازم طواف سبع مرات على الكعبه وسبعه بين الصفا والمروه ونرجع سبعه على مكه
شلون بهاي الحاله
ام شمس من سمعت بهذا الطواف كله طلبت كرسي متحرك
وشمس هم لازم كرسي متحرك
يعني كل وحده لازم واحد يدفعه حتى نكمل الطواف
أجرنا كرسيين متحركات علاء يدفع امه
واني ادفع شمس نمشي واحد بصف الثاني
وباقي مجموعة الزوار يمشون ورانا بما ان اني حافظ كليشه الزياره احجي وهما يحجون وراي
بعدين اكو ولد شاب يدرس حوزه طلع دعاء يقرا واحنا نقرا ورا
من خلصنا بقا علاء وأمه يتشكرون مني
رجعنا للفندق حتى نرتاح
طارق...هاي العمره اني وشمس شركاء بيها النص بلنص
شمس...ولله على التعب الي تعبته تستاهل
من وكعت بعد اشويه وابجي شلون جايه للعمره ومااعتمر
طارق...يله هاي انتي عمرتي بلعافيه عليج
شمس...كل الفضل الك الله يجازيك على كد تعبك
بسبب هذا الموقف صارت علاقتي بيهم قويه
تبادلنا الأرقام اني وعلاء حتى عنوان بيتهم عرفته
من رجعنا ابد ماعفتهم حتى ولد ويانا ثنيين تكفلو بجنطهم
وصلناهم الباب البيت
ثاني يوم اتصل عليه علاء
طارق...هلو علاء الحمد لله على السلامه
علاء...الله يسلمك من رجعنا لسه بس نحجي بيك
طارق....الله يخليك شلون شمس وشلون امك
علاء...الحمد لله يسلمون عليك
طارق...الله يسلمهم
علاء...بعد ما نشوفك ابد كل رحلتنا وياك
طارق...اتشرف بيكم عزيزي
جمانه السعيدي
طارق بقينا على تواصل كل اتصال اطمن على وضع شمس
منا لمن عرفت من علاء فتحت رجلها ورجعت تمشي طبيعي
بعدها باربع اشهر تقريبا او اقل شويه
اتصل عليه علاء يسئل على رحله التركيا
فعلا كان عدنا رحله بوقتها
هلمره بس علاء وشمس
هاي الرحله كانت هدية الشمس لان تخرجت من
معهد تحليلات
هاي الرحله كانت بلنسبه اليه احلى رحله بعمري
بوقتها صار كلام بيني وبين شمس اكثر حديث عادي
بس بي نوع من الحنيه والاستمتاع
كنا نطلع اني وياها وعلاء ونروح للأماكن السياحيه وحتى ناكل ونشرب سوه
صار بينا إعجاب ونضرات متبادله
بس للامانه البنيه محترمه
يعني ماكانت تستعرض لو تحاول تلفت انتباهي الها
ولبسها كان محتشم
رغم اغلب العوائل وخاصه البنات بس نطلع الدوله
اجنبيه حتى جلدهن ينزعنا مو بس ملابسهن
بس شمس ماغيرت من حشمتها ولا اجاوزت اي حدود
اني وياها ماصار بينا كلام خاص
او اعترافات بلحب مجرد كلام عادي
بتصرفانها هاي تأكدت هيه شكد محترمه وشكد مربايه
وقررت بس ارجع افاتح اهلها بموضوع الزواج
اني احسها حيل مناسبه اليه
