رواية تسجيل خروج الفصل الخامس بقلم جمانه السعيدي
طارق....قبل لا نرجع للعراق اخر يوم قررت احجي وياها
طلعنا نفتر بلأسواق الوفد كله
كلمن يريد يشتري هدايا الاهله
اني وعلاء وشمس نمشي سوه
على فكره الوفد كلهم متوقعين ذوله اهلي او على الاقل اقاربي
هلكد مانمشي ونطلع وناكل سوه
ونتشارك بلاشياء اني وياهم اني ابد مجاي احسهم غربه
عبالك اهلي
دخلنا سوك شعبي بي اشياء تراثيه
شمس حيل عجبتها الاشياء المعروضه هناك
جاي تختار اكسسورات وشغلات بناتيه
وكفت بصفها وسويت نفسي اختار
علاء جاي ياخذ صور شويه ابتعد عنا
شلت سوار خرز اسود وبي خرز فيروزي بس شكله حلو
طارق...شنو رائيج
شمس...الله حلو
طارق...تستاهلي
شمس...لا اني اشتري
طارق...اني اختاريته لا ترجعي
ابتسمت وكالت شكرا
طارق.....ممكن اخذ رقم تليفونج
تفاجئت من كلامي راحت الضحكه من وجها
وردت عليه ليش
طارق...ماكو شي اريد اخذ رائيج بموضوع خاص
شمس...ماكو بينا موضوع خاص
طارق...اريد اتقدملج شنو رائيج هذا موضوع خاص
اعتقد هيج شي
راسا وجها صار وردي وبقت تباوع بوجهي
طارق...ليش سكتي اذا ماموأفقه عادي
شمس...بس انت فاجئتني
طارق... اني معجب بيج وبااخلاقج واذا ماعندج مانع بس نوصل بغداد ادز امي تفتح هذا الموضوع ويا اهلج
شمس...ماادري
طارق...اي ليش طلبت رقم تليفونج او حسابج
حتى اتأكد من ردج قبل لا ادز امي
عادي فكري اخذي وقتج
خل يكون بعلمج اني مجاي اتسلى لو اللعب
اني قصدي زواج
شمس....انطيني تليفونك انطيك حسابي
انطيتها تليفوني سجلت رقمها وانطتني حسابها
جمانه السعيدي
اخذت السوار وكالت شكرا
طارق...اعتبري عربون خطوبه
شمس....احلى هديه
طارق...أخذته لبسته بايدها
ثاني يوم رجعنا البغداد بس نزلو كبال بيتهم
شويه ودزيتلها رساله الحمد لله على السلامه
دزتلي الله يسلمك
بليل دزيتلها رساله
... اذا وافقتي الرحله الجايه راح تكون رحلة شهر العسل
شمس...خل افتح الموضوع ويا امي واراسلك
هيج موضوع ما يخصني وحدي
طارق. تمام انتظرج اوكفي منو سماج شمس
شمس....بابا
طارق...عاش ذوق بابا انتي فعلا شمس واحلى من الشمس
شمس....تريد اتأثر عليه بهذا الكلام الحلو
طارق.....ما احتاج ااثر عليج اعرف راح توافقين
وين تلكين شاب حلو مثلي
شمس....هذا غرور لو ثقه بلنفس
طارق...خليط منا شويه ومنا شويه
شمس....انت متأكد راح اوافق
طارق.. مليون بلميه ترا اني عمله نادره
شمس.... مااعرف شكووول
طارق...كولي موأفقه وخلاص
شمس....باجر احجي ويا ماما ارجعلك خبر
طارق.. انتظرج على نار
طارق...كنت متأكد بيني وبين نفسي راح يوافقون
لان اني ما ناقصني شي
فعلا ثاني يوم بليل دزتلي رساله
شمس....هلو طارق اهلي موافقين بس تجي تحجي
وياا بابا يعني تعارف
طارق...اليله الساعه تسعه يمكم
شمس.. اهلا وسهلا
بليل كشخت اخر كشخه والعطر فرنسي
وأخذت علبة حلويات ورحت عليهم
استقبلني ابوها واخوها الجبير هاي اول مره اشوفه طبعا مزوج وعازل بيت وحده
علاء اكثر احد فرحان بهذا النسب
استقبلوني احلى استقبال مبين القبول عليهم
بلعكس فرحانيين بهذا النسب
طارق...اعتقد تعرفون علمود شنو اني جاي
واذا ماعدكم مانع اني مستعد الكل طلباتكم
ابو شمس....كل طلبات ماعدنا احنا نشتري رجال
احنا عدنا خير من الله لا راح نطلب منك فلوس
لان عدنا خير من الله ولا ذهب لان شمس أغلى من الذهب
ولا بيت لان شمس عدها بيت باسمها
انت مراح تقدملنا شي ماعدنا
احنا نريد رجال يصون شمس ويخاف عليها
انت ماتعرف معزتها اني احبها اكثر من الولد
طارق...شلون كلشي ما طلبوا
ابو شمس...جهز بلشي الي تكدر علي
طارق.. الف رحمه على والديك اني جاي ابني بيتي
محتاج وقت يله يكمل اذا كمل انشاء الله
راح نزوج اني وياها
ابو شمس.. تكدر تزوج بيت شمس حاليا واذا كمل ببتك
انتقل
طارق....اني بيتي محتاج سنه يله يكمل
أبو شمس....بيت شمس هذا قريب علينا بنفس الشارع
ازوج حاليا بيتها وكمل بيتك على كيفك
طارق...الي تشوفو اني ماعندي مانع
جمانه السعيدي
طارق...ثاني يوم اخذت امي وخواتي ورحنا نتعرف عليهم
عائله تتعرف على عائله
وأخذت عشر ملايين مهر الشمس بوقتها يمكن اني اول واحد بلعراق يقدم هيج مهر
تعرفنا العائلتين على بعض
حددنا موعد المهر كانت حفله حلوه بشكل
تخبل
مااحجيلكم شمس شلون طالعه شكد جنت اشوفها حلوه
بلحجاب بس بدون الحجاب شي ثاني
فاتنه راقيه مبهره مثيره
مامصدك نفسي هاي الحلوه صارت الي
طارق...مبروك ياشمس حبيبتي حياتي جانت ضلمه وهسه ضوت بوجودج
شمس....الله يبارك بيك
جاي البسها الذهب لابسه الاسوار الي اشتريته الها
طارق...بعدج لابسته
شمس....ماانزعه للموت احلى هديه حصلت عليها بحياتي
طارق.. بلعافيه حبيبتي
بعدها بدينا نجهز بلبيت اني واهلها حقيقتا اهلها ابد ماقصرو تقريبا جهزو كل الاجهزه الكهربائبه
اني جبت غرفة النوم وفراش البيت والطباخ والكاونتر
بهاي الفتره وقفت البناء بلبيت لان كل الفلوس الي عندي
دفعت مهر وجهزت للعرس
جمانه السعيدي
تقريبا شهرين الوقت الي كملنا بي تجهيز بيتنا
حددنا يوم العرس حجزنا قاعه العرس جان حلو فوك
الخيال شي مبهر
بس اكو شي واحد بلعرس عكر مزاجي حيل
كاعدين بلكوشه اني وياها جان تطلع وحده كدامي
من شفتها احس الزمن وكف بيه
اباوع نرجس كاشخه لابسه فستان احمر قصير
وذهب والشعر حايره شلون مرتبته
جاي تبارك وكفت وبقت تباوع عليه
بعدين اتقدمت وكالت مبروك
نرجس...مبروك ياعريس
مبروك للعروسه
شمس...اعرفك زوجت اخوي الجبير نرجس
طارق...بقيت ساكت ماحجيت ولا كلمه
حتى ما كتلها الله يبارك بيج هلكد ما انصدمت
نرجس زوجت اخو شمس
شنو هاي الصدفه العجيبه
باركتلنا نرجس ورجعت كعدت كبالنا وعينها عليه
مستغربه من الموقف اكثر مني
طارق...ليش اني اول مره اشوفها بلمهر مجانت موجوده
شمس...اي جانت بيت اهلها ترتاح
هاي ثاني مره تسوي تلقيح صناعي ويفشل
صار اكثر من ست سنوات مزوجه وماكو اطفال
طارق....بقيت ساكت حتى فرحتي خربت
اني ماصدكت طلعت من حياتي وخلصت منها
ليش الصدفه مصممه تجمعني بيها مره ثانيه
اجت الزفه وطلعنا من القاعه اني وشمس على أنغام الطبل
والموسيقى
صعدنا بلسياره
شمس....حبيبي شكووو احسك ضجت
طارق...لا ماكو شي
شمس...لا جنت فرحان وهسه فرحتك خربت
طارق....ابتسمت ماكو شي ياروحي انتي اني بس ما مصدك اخذت الشمس وحدي
الشمس صارت اليه وحدي
اني اسعد انسان بهاي الدنيا
شمس...الله يحفظك اليه اني الي محظوظه بيك
ثاني يوم طلعنا شهر عسل البنان بقينا اسبوع ورجعنا
البيتنا
اني هم مااكدر ابقى اكثر لان اخوي مايكدر للشغل وحده
طارق...اوعدج راح اخليج كل يوم تسافرين البلد
شمس...اريد اروح للعمره اني وياك
ذيج المره انكسرت رجلي وما اعتمرت مثل مااريد
هلمره نرجع اني وياك زوج وزوجه
طارق...اذا ذيج المره دفعتج بلكرسي هلمره اشيلج واخليج تعتمرين
شمس....كلشي مااريد بس الله يحفظك اليه
اني شلون جنت عايشه وانت مو بحياتي
طارق....حياتج هسه احلى لو بيت اهلج
شمس....وانت وياي حياتي هواي احلى
طارق...اذا مااكول العمي اكله تعبك كله ضاع تكول الحياة وياي احلى
شمس.. اي حتى ينجلط ماتدري شلون مدللني ويخاف عليه
طارق...لكيت نقطة ضعفج
بس تحجين اروح اكول العمي
شمس....كول اني مااخاف واذا تريد أصيح بصوت عالي
احبك واموت عليك
طارق... اني اسعد واحد بلدنيا
لان صرتي من نصيبي
