رواية دخيله الشيخ زين العابدين الفصل الخمسون بقلم أوتار حزينه
هيله تگول
🌿**عَجيّب ألليّل...
يجيّب التَايهَات ألمَالِي
خِلگ ألهّن**🌿
زين العابدين
رحت لشقه حمد وره ماكملت شغل وصلت
دكيت الجرس طلع لي شاد راسو بعصابه سألت
كوه الله عزمك اشوفك معصب يول وش بلاك
راسي يازين يريد يطك من الوجع
مارحت دكتور
رحت كال ضغطك صاعد وانطاني دوه بس شنو من اشربو انصطر وانام نومه
اهل الكهف
خاف تريد تودع يول
ههه عود ادفني وشبعني
مي ورد
ههه ابشر وفوكاه ارش ويسكي معتق لان كاعد اشوفك ما بطلت وناصب الميز
مزاجي بعد
طاح حظك وحظي وياك من مشيت بهالدرب
اكعد تعشه بعدني بأولها
اي المعده طلبت حگها لان جوعان كلش كعدت جهازو دك رد
هلا سمر
غميتو لان عرفتها الجو مالتو كمل
ها اي هساع اجيج وين انتي
جايج محد يمي بس
زين
سد الخط سألت
خير يول وين مولي
سيارتها عاطله بيها،،، اروح اارجعها لبيتهم واعگب
ترووح من طاح حظك وحظها
هساع اعگب مااطول عليك اتعشه انا مالي نفس
اخذ سويجه وذب العصبه من راسو وطلع
مديت ايدي للعشه تعشيت وكمت غسلت وسويت الي جاي
وره مشوار الباب اندك كلت منو اجه
فتحت الباب عكدت حواجبي من شفت دلع
شلونك زين
شعندج هينه ،،،وعش جاايه
ابتسمت باستهزاء وكملت
خاف لفيتي على حمد يولي
لاااا اصلا ماعرفت احد وراك انت تعرفني اني حبيتك انت وتعلقت بيك
درت روحي ورديت
يولي روحي من هينه وانسيني
مااكدر زين ماجاي اكدر انساك وانسى حبي الك
دحكت لها دشت وصارت بنص الصاله
دلع ااطلعي وجفيني شرج انا تبت لله وبطلت هالدرب
كامت تبجي گربت رادت تگضبني سحبت روحي ليوره وصحت بها
لاتگضبيني ولج كتلج تبت لله لاتشيليني ذنب
راحت كعدت تبجي وتنوح ظليت واكف كلت
ااستغفر الله ياربي انتي منو كلج انا هينه
جنت وي سمر وسمعت حمد يكول لها انت يمه
وهوو وينو الشفيه
راح يوصلها واني اجيت بسياره تكسي حتى اشوفك
درت روحي منها وكلت
وشفتيني يله ااطلعي منا وبعد لاتجين وتشوفيني
خلقتج
ماردت انداريت عليها كامت كربت مني وخرت منها رحت كعدت بمجانها وكملت
روحي دلع وانسيني
ورثت جكاره وهي ادحك لي بقهر طلعت تبجي
اخذت كلاص شربت رمان وشربتو كلو كضبت جهازي وخابرت هيله تكلمت معها شويه وراحت لان جان ابو الشوش يبجي ويريد ينام
انا كاعد حسيت بحراره صعدت لراسي مااعرف ليش صبيت كلاص اللخ رمان شربتو كمت افتح بالدكم لان كبت الحراره فد مره بي وراسي ثگل
كمت اشوف غواش مااعرف شصار بيه كعدت انهد ،،،
غمضت وره لحظه دايخ
ومااعرف شصار بيه ،،،،
حسيت ايد گضبتني كمت وياها صوت تكلم
احبك زين
كل ظني جنت احلم وهاي هيله حسيت روحي بعالم مو عالمنا ولا انا جاي اتحكم بروحي اكو شخص ثاني بداخلي هو تحكم بيه شنو الصار مدري
كعدت الصبح راسي يدك بقوه وعيوني مغوشه عكدت حواجبي من شفت
روحي بلا هدوم وفكيت عيوني من شفت جسمي
كلو اثار جن جنت نايم مع وحده
لجن من هي
فزيت من فراشي هدومي مشموره هين وهين بدلت بسرعه طلعت لبره صحت بجنون
حمد ولك صخااام
ماهو رحت لغرفتو ماهو دورت جهازي لكيتو بنفس مجانو على الطبله اخذتو
فتحت واتصلت علي رد
وره لحظه يثاوب
ووولك وين انت
صرخت بجنون
هاي شبيك تصرخ
ولك رد عليه انت وين
يم سمر
مااعكبت
لا ظليت يمها شصااير يول عش تصرخ
افتريت بالصاله اريد اتذكر وش صار ماجاي افتهم شي
انا جنت كاعد هينه شربت
شربت رمان فكيت عيوني صرخت
هييي ماااغيرها دلع اكيد خلت لي شي بالشربت من اجت البارحه
يازين وش كاعد تتكلم
وولك هاااي الكحبه مدري شخلت بالشربت من اجت
من
دلع ووولك صخام البين اجت عليه ومدري شسوت لي
شسوت انت شكاعد تتكلم
روووح
صرخت بي دورت رقمها تذكرت انا ماسحو رجعت خابرته جاوب
دزلي رقمها على السريع
مااعندي
ااااخذه من هاي الساقطه اليمك
ولك بس فهمني شصااير
وولك دزوو بسرعه
هساع اصبر
سد الخط وره مشوار دزو
دكيت عليها ماردت اول مره بالثانيه جاوبت صرخت
وولج هاااي شعملتي بيه شخليتي بالشربت
سمعتها ضحكت بصوت عالي وردت بشماته
مااسويت الا الشي الي يريح گلبي ويخليني ارتاح للابد لان انتقامي منك راح يبرد گلبي
وووج گحبه سااقطه شسوويتي ااحجي تكلمي
صورتك شيخ زين وراح اهجم بيتك واخلي ست الحسن الاخذتك مني تعوفك مثل الجلب
نزلت عليها ذيج النزله بالفشار والغلط اسمعها
تضحك بشماته
سكتت انهد من غضبي واتنفس گوه سألتها باعصاب
شتريدين كوولي اطلبي اي مبلغ انطي لج بس لا تهجمين بيتي
اممم اذا صارت بيها فلوس اريد ميه مليون
تجيج بس لادزين اي شي لحرمتي
ماادز بس هااا اريدهن ياشيخ مو تلعب عليه هههه وتروح تغير رقم مرتك تره
انشرها بكل مواقع التواصل واخلي فضيحتك
على كل لسان
ووج لو تلزمج اا
لاتهدد انت هسه روحك بايدي خاف مني احسنلك لا اسويها وافضحك بين اهلك
وناسك وقبيتلك
سكتت جاز على سنوني كملت بشماته وضحك
حول اليه الفلوس واني ماادز شي
ماكو جوه ايدي هساع اعگب لديرتنا واحول لج
المبلغ
اممم انتظر لعد بس استعجل خاف اغير رأيي
تكلمت بغضب
دلع تعرفين اذا دزيتي الفديوات شراح اسوي بيج
ههه هم رجع يهدد شبيك عيني تره هذا الوقت محسوب عليك روح لبيتكم ودز الفلوس لا تعرف شاسوي
سديت الخط غادي نار عيوني جمدت من شفت هيله متصله ودازه رساله الفجر ماكدرت ارد روحي اختنگت وگلبي عصرني من الصار ظليت افتر مثل الطير المذبوح بالصاله دحكت للساعه صارت عشره بسرعه اخذت السويج خابرت الحرس طلعت اريد اعكب واتلاحك للصار
دشيت الديره وكت ظهر دكيت على هيله مارديت هم رجعت اتصلت هوجست انها عرفت ودلع كالت لها
جنت گريب من دار اهلي وصلت وگلبي يدك بسرعه
وخايف لا بيتي انهجم سريت بسرعه للمطبخ وكفت من سمعت صراخها لميت قبضه ايدي وكلت
سوتها الكحبه وفضحتني يمها
هيله
دكيت على زين مره ومرتين ماهو گلبي كام يدك بسرعه وخفت ردت اخابر عمي واكله يخابر الحرس الويا بس بنفس اللحظه اجتني اشعارات جثيره على الواتس اب
جان رقم غريب فتحتهن وفكيت عيوني من شفت اول صوره جان زين جالس وبحظنو وحده مصلخه نايمه على صدرو مبتسم ويدحك لها
جهازي رجف بايدي وعيوني غوشت صوره وره صوره گلبت وكلهن هو وويا اكثر
من وحده اشوفو فرحان ويضحك وياهن انذهلت وانفجعت من الشفتو
فتحت مقطع فديو كاعد بحديقه وحده تركص يمو وينثر عليها فلوس
عضيت ايدي وكتمت صرخه دموعي طفرت وكمت ابجي بصوت عالي
اجه فديو اللخ وكسر ظهري وخلاني اكع بالارض صفنت علي وجسمي كلو كام يرجف جان نايم وي وحده نومه الرجال وحرمته اسمع صوتو هو وياها لجن ما شفت خلقتها
اااااخ ولك ااااخ
صرخت من جوه گلبي الجهاز وكع من ايدي وكمت اصرخ بجنون وانا فاقده الادراك وگاضبه راسي الي حسيتو راح
ينفجر من الشفتو
هاجر
صليت الفرض جوه وطلعت دانصب الغده سريت للمطبخ فزيت من سمعت صراخ هيله امي طلعت تركض من غرفتها هي وجده صاحت
ووج هاي شبيها تصرخ
مدري يمه
رحت ركض للدرج امي ورايه تصيح
ووج اخوج ماعكب بس لا بي شي
دشينا انا وامي فزعت وهي وياي من شفنها تصرخ وهي گاضبه راسها صرخت
هيله شبيج ووج زين به شي
ذبحت روحها وهي تصرخ امي صاحت بها
ووج ماتحجين ولدي به شي
صرخت
ليييش هيج سوويت يااازين ولكم ليييش اااخ ولك اااخ امنت بيك وانطيتك گلبي وروحي ليش خنتني ليش
صفنت بخوف عليها وامي كومتها وانا وياها ماقبلت ادكوم كامت تضرب بروحها
وتصرخ
خاااين وطبعك غدااار ضحكت عليه يااازين ولك ضحكت عليه وانت بعدك ماشي بذاك الدرب
ووج كاافي راح يصير بيج شي
امي انهدت بيها وكضبنا ايدها لان جانت تضرب
بروحها بقوه ابويه دش صاح
شكوو شبيها هيله
مدري يابه على غفله كامت تصيح
گرب ليمها تشهك وتبجي وحالها حال سألها
شبيج يابه منو وياج
زين دش هي شافتو لو تخبلت كامت بسرعه شالت جهازها من الارض وراحت له صرخت بيه
مااااجزت يازين ظليت بذاك الدرب وضحكت عليه خليتني اصدك بيك انت انعدل حالك حتى تاخذ الي
تريدو
اخويه مدري شبي حالو متخربط وجن صاير شي بينو وبين هيله كال بصوت مخنوك
شكاعد تتكلمين انتي
هذاااا
فتحت الجهاز مالتها ابويه راح لها هو وامي مدري شنو شافو والوجوه تغيرت ودحكو له بصدمه،،،،
شمرت جهازها علي وصرخت
هذااااا البيه هذاا زين والسويتو بيه عش اخذتني ولك عش ضحكت عليه
وكتلي احبج وخليتني
اصدك هالجلمه
راد يگضبها عكبت ليوره بسرعه وصرخت
لااااتگضبني
ااسمعيني هيله هذني كلهن قديمات مو جديدات والله
رحت گضبتها من شفتها ترجف سحبت روحها مني صرخت
احلف بولدك يااازين احلف بغلاة عمي هذني قديمات
ماحلف كال
خليني افهمج والله مااعرف شنو الصار
عكبت ليوره تهز براسها بلااا ابويه صاح بي
وولك ليييش هيج سوويت ليش ياازين مو تبت والله تاب عليك من هالدرب
يااابه مااعرف شلون صار هالشي وحك الله مدري شلون صوو
سكت وضرب الباب بوكس
طلكني يااازين
هيله انهدت بي تخبل وصرخ بها
شنووو ولج شكلتي
ماكالت شي
امي ردت واجت عليها گضبتها وكملت بتوسل
يولي شكاعد تتكلمين انتي ديكلج مايعرف شلون صار هالشي
ااطلع من يمها روح ولي من ووجهي
ابويه انهد بي
بس هو ماراح تقدم على هيله هدت على الكنتور جرت بشت لبستو گضبها وصاح بجنون
ووين موووليه
للكبور السووود التاخذني
صرخت بي ابويه وكف بينهم سرت بسرعه للباب امي گضبتها وكالت
وج ااكعدي لاتهجمين بيتج بايدج
ماظلي بيت عگب الشفتو من ابنج
زين راح لها بسرعه جرها من زندها دفعتو وصاحت بي
ماانعدلت يااازين ذيل الجلب ينعدل وانت لااااا
بلحظه ضربها راجدي من قوته وكعت ليوره على امي ابويه گضبو وصاح بي من دفعو
عش تضربهاا ولك عش تمد ايدك عليها
هيله
صفنت على زين من ضربني ودموعي تسف على وجهي ونار شبت بگلبي من الشفتو والسواه بيه
عكبت ليوره عمتي گضبتني وتوسلت بيه
ووج بس اهدي خل نفهم وش الصار
مارديت سريت لبره هو گضبني بالصاله وصاح بيه
ووج بس خليني اافهمج
مااتكلمت ولا جلمه ولا دحكت له عمي اجه وخره مني كمت اشهك بصوت
وكلت
ياعم وديني لهلي
ماااتروحين اذبحج والله بس تطلعين من هينه
نزلت گضبني عمي صاح بي بغضب وبصوت يرعد
هددها ووولك
يااابه والله مااعرف شلون صاار هالشي
صرخ بغضب
فلتت منو ونزلت جوه
جده تلكتني وصاحت
ووج شكو شبيكم
رحت لابني اخذتو من فراشو كلها نزلت ورايه زين وكف بوجهي صرخ
ماتروحين هيله وج اسمعي افهمي انا موو بوعيي جنت
مارديت ولا دحكت له
سريت گضبني امه ويا تكلمت بتوسل وهي تبجي
وج يمه اهدي خلينا بس نتفهم شصاير
دحكت لعمي وكلت وانا اشهك
ياعم توديني لو اروح وحدي
اامشي
صاح بغضب
و زين صرخ
ماااتروح يابه افهموو انا مو بوعيي جنت ولج والله مااعرف شصار
تكلم معي بتوسل سريت بابني راد يگضبني صرخت بحنون
لاااااتگضبني زاااني ونجس
وجهو انطعن بعد اكثر رفع ايدو عليه عمي گضبها ودفعو مني خزرو وكال له
اذا عدتها مره اللخ اكسرها لك
سريت اسمعو يصرخ ويبرر له طلعت للسياره عمي ورايه صاح بالحرس اجه وياي اخذني لهلي وحالي حال
زين العابدين
كعدت كاضب راسي انهد من الغضب
امي تفتر يمي وتردد وهي تبجي
ولك عش هيج سويت حنيت يااازين للدرب الاعوج وهجمت بيتك باايدك
ماحنيييت
صرخت بجنون وكمت شلت الطبله رگعتها بالحايط تخبلت وكسرت شكو شي جدامي اصرخ
ماحنيت تبت لله ولكم تبببت والله تبت وهالشي مااعرف شلون صاااار ولا اعرف انا شلون كدرت اسوي هالشي
هاجر گضبتني تبجي هي وامي جده واكفه بعيد ادحك لي وهي عاكده الحواجب
كعدت انهد من الغضب
سألت بهدوء
شصاير
محد رد صرخت بأمي
ماتحجن شافت شي بنت العرب
شافت بله ياعمه
امي ردت وكعدت تبجي جده سألتني
شمسوي يول
طلعت جهازي خابرتها الكحبه يدك ماتشيله
دكيت مرة اللخ حضرتني
اااني اعلمج ياااكحبه يااابربوك
صحت وضربت جهازي بالحايط كمت الوب من الصار جده كعدت ادحك
لي بغضب كالت
هم عكبت لذاك الدرب يول
مااعكبت ولكم ماتصخمت انلعب عليه من وحده كحبه لعبت عليه وصورتني ااااخ ولكم مدري شخلت بالشربت وفقدت الوعي
صارت صنطه امي كعدت تضرب على رجلها وتردد
ولك تريدنا نصدك عكب الشفنا ولك يبن الخايبه اكثر من فديو لك ووي اكثر من وحده هذني هم لعبن عليك وخلانك تفقد
قديمااات كلهن قديمات بس اخر فديو جديد وهي الي لعبت بي عليه
صحت بجنون رددت
انهجم بيتي من مره وحده كحبه وووولج اااخ لو تكضبج ااايدي الا اسويج
وصلتين
هديت لبره امي تصرخ هي وهاجر مادرت بال صعدت سيارتي خابرت حمد رد
هلا يازين
دلع وين تعرف مجانها
لا والله بس يمكن سمر تعرف بس ليش تسال شصاير ادك عليك ماترد اكو
شي صاير بينك وبينها
ووولك ااخ فضحتني البربوك ودزت بلاوي لام شعلان
شنوو وهي منين جابت رقم حرمتك
مدري ولك مدري راح اتخبل هاي شلون سوت
هيج ولك حمد عش عفتني وحدي بالشقه ولك صخمتني وعزتني مدري
شلون خدرتني وصورت الي تريدو
شكاعد تتكلم انت ولك شنو صورتك وشنو خدرتك انا ماجاي افهم شي
ررووح ولك روح انهجم بيتي من حسبي الله عليها ونعم الوكيل
سديت الخط انهد من الغضب والقهر دست بسرعه اريد هيله حتى اصلح الصار افهمها انا ما جنت بوعيي والصار غصب
هيله
طويل الطريق مابطلت،،،، بجي صوتي علا هو وشهكاتي الشفته دمرني وكسرني كسره جبيره هو بين عيوني نايم وي وحده واصواتهم براسي ترن
وصلنا دار اهلي نزلت اشهك بالبجي ما انتظرت عمي يجي معي گبل رحت للمطبخ دشيت ماكو احد سمعت صوتهم بالصاله رحت لهم كاعدين يتغدون شافو وضعي فزو امي صاحت
يممه هيله شبيج شجاج وليش تبجين
اجت عليه وابويه هم سأل
بخوف
شبيج يابه عش تبجين صاير شي لبيت عمج
كعدت اشهك بصوت ريمه اخذت شعلان اليبجي بحظني عمي صاح
ابو هيله
وج هذا عمج معج شصااير
امي تكلمت خواتي راحن لجوه لان بدون حجاب ابويه راح له سمعت صوتو كال
تفضل يااخويه الدار دارك
عمي دش صاير فد مره الغضب تارس ملامحه ووجهو مطعون من القهر كمت كال
اكفي يابه
وكفت منزله راسي ابويه سأل
خير ابو زين وش صاير
الصار ماينحجي يبو هيله وانا والله خجلان جثير من بنتك ومنك انت بالذات
ياساتر يارب شصاير ياشيخ
امي ردت تفر براسها علينا
يابه السموحه منج ولدي مااعرف شااكول عليه كلت تاب والله عدل حالو لجن طلع ظني مو بمجانو
غمضت عيوني دموعي تسف على خدي والم لزمني من ظهري وبطني ويا
شصااير يابو زين
ابويه سألو سريت من يمهم ابجي واشهك دشيت غرفه البنات اي حيل مابيه
رجليه بادن وگلبي كام يوجعني من الشفتو
ريمه گضبتني من شافت وضعي كعدتني سألت بخوف
هيله وش صاير
مارديت شاحجي وشأكول اكول زلمتي الجنت متحزمه بي كسر ظهري وشفتو نايم
مع وحده غيري
صرخت
اااااخ اااااخ يمه ااااخ يااازين
خواتي فزن من صراخي امي اجت عليه تركض هاله طلعت بابني من كام يبجي وهو خايف
ووج فهميني شصاير
گربت عليه حظنتها بقوه وصرخت
اااخ يمه ااخ راح امووووت من الشفتو
ااش ااش وج كاافي مو زين عليج حامل يمه راح يصير بيج شي
وخرت مني اشهك بصوت قوي وكمت اضرب على رجلي گضبت ايدي هي
وريمه
ساريه اجت وكالت بخوف
اجه زين
ماااريد اشوفو طلكوني منووو يمه
يااطلاك ولج شكاعد تتكلمين اانتي
يمه شصاااير
ريمه سالتها ردت بغضب
مدري وج مدررري شصاير كلشي ماافتهمت من عمج الشيخ ولا منها
سمعت صياحو بره هو وعمي كمت گضبتني امي وكالت
وين رايحه
جريت روحي منها طلعت صوتهم بالمجلس سريت له امي ورايه وريمه واكف يمه عمي وابويه
زين من شافني كرب وكال بتوسل
هيله والله الصار مو بايدي وج والله خدروني وصار الصار
واااحد لو كلهن
سكت صرخت
ررد يازين واااحد لو كلهن
والله كلهن قديمات يس هذااا اخر واحد سووه وانا مخدر
وتريدني اصدك يازين تريدني اجذب عيوني واصدك كلامك هذا المخربط
زين روح منا
عمي صاح بي
رده بغضب
مااروح وافهمو انا ماجنت بوعي من صار الصار
وانا بوعي هساع واكلك طلكني
وجهو انطعن بعد اكثر كرب عليه عمي گضبو
صاح بيه
طلاااك ماكو ولج تحلمين ااطلكج هيله انت حرمتي وللموت راح تظلين هيج
صرخت به
غصباااا ماعليك راح تطلكني مو انااا الي اظل حرمه لواحد زاني ونجس
اااانجبي ولج
صرخ بي وفلت من ايد عمي واجه بسرعه عليه وضربني راجدي
ابويه صرخ بي
يااازين تضرب بنتي وانا واااكف
امي صارت بيني وبينو
عمي جرو بقوه وصاح بي
ماكتلك اذااا ضربتها مره اللخ اكسر اايدك
ااكسر يااابه طلاااك مااطلك لو اعرف تطلع عيونها جدامي
فقدت وصرخت به
حسبي الله عليك كسرت ظهري يازين ووولك كسرت ظهري بعملتك هاااي
فقد وهد علي ابويه وكف بوجهو هو وعمي
امي جرتني من يمهم اصيح
طلكني والله مااظل عندك بالقران اكتلها لروحي واخلص منك ومن الشفتو
وج كاافي راح يصير بيج شي
اااخ يمه اااخ يااابه انكسر ظهري ولكم شفتو بعيوني وي اكثر من وحده ويكلي
ضحكو عليه
كمت الطم على وجهي واصرخ
ااانا الي انضحك عليه وسلمت روحي لواحد زاني ولكم صدكت بي وضحك عليه هو تبدل حاله وصار مثل مااريد
گضبنتي امي وريمه يبجن وياي انهاريت بذاك اليوم وكرهت روحي لان سلمتها
لواحد ضحك عليه بسوالفو الحلوه وخلاني امن بي هو بطل من كلشي وبس اخذ الي يريدو عكب لذاك الدرب الاسود
🌿🌿🌿🌿🌿
زين العابدين
محد صدك بي لا اهلي ولا اهل هيله صيتي القديم عم عليه وخلاهم ماايصدكون جلمه من الكلتها الهم
هيله ظلت تريد الطلاك وصممت علي وانا رافض ابويه قاطعني لا يدحك بوجهي ولا يتكلم معي
طلعت لاربيل وانا ناوي الكي دلع وادفعها ثمن خراب داري وصلت خابرت جماعه اعرفهم يشوفوها وين ولت بس الساقطه
فص ملح وذاب بنهر مالكوها ابد وهذا الشي خبلني بعد اكثر يعني سوت الي رادتو وانهزمت
جالس مع حمد تكلم
يول هاي فلتت شو وين مستحيل تلگيها هينه بعد اكيد سافرت لغير دوله
شمدريك اانت هي سافرت سمعت شي من سمر
ها لا والله اصلا هي ما تدري وينها وتفاجأت من اختفت
دحكت لحمد وهوجست به لجن كلت لاا مستحيل يغدرني هذا خويه وابن خالي واصلا هو ماكلي تعال انا كتلو جايك
هزيت راسي بلا وكلت كل البلاه من دلع هي بس اساس البله وهي الي هجمت بيتي كمت كام وياي سأل
ها وين العزم
اعكب لديرتنا
بالهداوه يازين تكلم مع ام شعلان جيبها بالسياسه وهي تردلك
مارديت سريت من يمو وحالي حال عكبت لديرتنا صافن ومااعرف شلون اصلح الخراب الي صار بيني
وبين هيله
🌿🌿🌿🌿🌿🌿
ايهم
حياتي وي لارا مشت من سيء لاسوأ وي الايام شفتها مااتدير بال لولدي واربعه وعشرين ساعه تدعي عليهم بالموت ادور طلعات وسفرات وتهتم بروحها كلش وادور شكو شي غالي وماركه
كاعد يم امي اشرب جاي
سمعت يوسف يبجي الحجيه كامت كلت الها
وين رايحه يمه
اروح اشوف ابنك شبي يبجي
لارا يمه اكعدي انتي ما تكدرين
كعدت وظلت تباوع للغرفه ابني ماسكت صحت
لارااا سكتي يوسف
طلعت من الغرفه شايله جهازها ردت
كاعد اسكته وماايسكت شسويله
ذبي الي بايدج وشوفي الولد شبي
هو هيج من يفك حلكه بعد مايسكت
وج يمه سوي اله ممه خاف جوعان
ماعندي حليب
مااتحجين ماادكولين حتى اجيب
نسيت هسه روح جيب
استغفر الله ياربي بله هاي شاحجي وياها
كوم يمه جيب خلي اسويله ممه خطيه جوعان
ووج انت حرامات يكولون عليج ام
مادارت بال رجعت للغرفه تلغي بالجهاز كمت اخذت السويج رحت للاسواق الي براس الشارع تسوكت صندوق حليب وحفاظات
وكلشي يحتاجه هو وانس ورجعت للبيت نزلت الغراض وابني بعده يبجي افنان بسرعه سوت اله ممه وودتها اله مشيت للغرفه باوعت لارا كاعده تصبغ اظافرها اختي اخذت يوسف وطلعت بي
صفنت على انس ممد ونايم لا حركه ولا بركه الغرفه هوسه وهدوم مشمره هنا وهناك كلت
كومي رتبي الغرفه ماجاي تشوفيها شلون مگلوبه
من اكمل ارتبها
لاراا كومي رتبي الغرفه ونظفيها ماتشوفين ريحتها طالعه وصايره تخنك
اهوو كتلك هسه ارتبها شبيك انت لحيت
ااستغفر الله ياربي ولج انتي شنو ماتحسين ماتشوفين نفسج شلون طامسه بالجيفه
وين الجيفه شوفني المع من النظافه
فريت ايدي من ردت بضوجه ورديت بعصبيه
االبيته جايف هو جايف لارا شيفيد انتي نظيفه ومكانج وصخ والريحه تگتل
مادام حجيت هذا الحجي احب ااكلك جيب خدامه لولدك لان اني مااكدر اعتني بيهم وبنفس الوقت اشتغل وي اهلك
لااا بله صدك تحجين تريدين خدامه ست لاراا مو على اساس انتي شلونج اربعه وعشرين ساعه واكفه وي امي وافنان وكاتله روحج بالشغل
ايهم انت شتريد
ااااريدج ادكومين على ولدج وتعتنين بيهم مووو بس تعتنين بروحج
واني مااكدر الهم تعبت من وضعهم انت مو ابوهم شوف صرفه الهم خليهم بدار لو جيب خدامه الهم
فكيت عيوني من حجت هالحجي
امي الي اجت على صياحي سمعت وكالت بقهر
ليش هيج الحجي لارا وج بزون وهي حيوان ماتعرف ضناها شلون تريدين تذبين
ولدج بدار مال معوقين
يعني ااني حيوانه عمه
حشى الحيوان والله بي رحمه اكثر منج
صرت فد مرة وكملت باعصاب
شوفي ولج هذوله ولدج وانتي مسؤوله عنهم اذا شفت منج تقصير تجاههم بالقران الشريف اذبج بالشارع وانتي تعرفين شراح يصير بيج اذا صرتي بي
دااكلك تعبت اافهم اني تعبانه منهم
ليييش كاعده تصيحين تره مو بس انتي فوك راسهم اني وافنان وياج واكثر الوقت احنا نعتني بيهم ووانتي لاهيه بهالجهاز
امي انهدت بيها
سكتت
كملت بعصبيه
يوسف مو يم افنان وكاسره ظهرها علي ولوما هي تنطي الدوه يوميا جان حاله مثل حال انس هم لايتحرك ولا يحجي
يعني اني هسه طلعت مو خوش ام ومقصره وي ولدي
صحت بيها
كلتيها ولدج والام لازم هي تعتني بولدها مو تفكر تذبهم بدار حتى تخلص من
مسؤوليتهم
سكتت تقدمت عليها
امي لزمتني اشرت بايدي عليها
ااسمعي ولج هذا اخر كلام الج اذا شفت تقصير منج بالقران تشوفين مني شي مااايعجبج
دارت وجهها مني صحت
سممممعتي
اي سمعت وافتهمت
اطلع يمه ولاتظل تصيح لايصعد ضغطك
طلعت من يمها صاير نار الساقطه تريد تذب انس ويوسف بدار مال ذو الاحتياجات الخاصه واني بعدني طيب لو اموت شراح تسوي بيهم
🌿🌿🌿🌿🌿
مالك
كاعد يم ليان بالمطبخ وافكر بيها لميس بين عيوني من ماتت وهي تولد
تاليا وضع ليان خلاني اعيش
بقلق وخوف خصوصا هي
صارت بيها ذبحه وخفت لا اثناء الولاده يصير بيها شي وافقدها وذيج الساع من صدك اتخبل وانتهي
طلعتني من افكاري من كالت
شلون صارت دولمه تخبل حامضه ولاجعة
الله حيو خلي گرصه خبز حتى اگلبها على البطانه
هههه اي بس ديربالك لاتوكع من ايدك تره انجلط
عكدت حواجبي من كالت هالجلمه
سكتت رفعت حواجبها اجت شايله شويه من
الدولمه بخاشوكه كالت
هااي شبي حب گلبي عكد الحواجب
ضكت الدولمه سويت اوكي بأيدي
سألت
تخبل موو
اي مثل مااريد
كعدت يمي مالت عليه وسألت
خير شبيك احسك ضايج من شي
ذبيت حسره وكلت
مو ضايج بس كاعد افكر بيج
يمه فدوه للي يفكر بيه وشاغله تفكيره بله شكاعد تفكر كلي
ردت بضحك ابتسمت من ظلت تضرب جتفها بجتفي بهداوه
يولي اكعدي راحه انتي حامل لايصير بيج شي
ااي قابل بزر نوتلا حتى تخاف عليه هيج
حلوه هاي مال نوتلا بس مو سمره لا حمره جنها طماطه
هههه بلا تنمر مالك
حظنتها وكعدتها على رجلي
ابتسمت صفنت بعيونها والتزمت الصمت كالت
بله ليش تفكر بيه
خايف عليج يولي
تره مابيه شي الدكتوره كالت وضعي تمام وتوب التوب اني وكيان
اعرف بس شايل همج من تجيبين
ههه والله تعرف هاي نوار الكلبه خوفتني ادكول الصاله تموت من الخوف والالم يشل
ااي احجي يابه وزيدي الهم
هههه شنو خفت
طاح حظي حشاج من سمعت هالكلام
حشاك حبي بس عفيه انت شجعني مو تظل هيج خايف ومخوفني وياك
هساع لو يرهم اني احبل بدالج واجيب
ههههه
خربت ضحك ردت ليوره گضبتها كلت
وولج راح تگعين ويفين حظج وحظي وياج
ههه مالك فحطت شلون بله تريد تحبل ااخ بطني ههه تخيلتك تمشي وبطنك جبيره وانت هذا شكلك
ابتسمت عضيت شفتي كلت
بلا تنمر ولج
هههه انت جبتها لروحك
ااسكتي طماطه
انت اسكت قنفذ ابو طبره
ههههه القصف مشتغل بينا
سكتت خلت اصبعها على شفتي بسته تنهدت لميتها لصدري حظنتني وباستني
من رگبتي شمتني بنفس طويل وكالت
صرت الي ادمان
وانتي هم ليونه مااتخيل حياتي بدونج
باااابا
توته صاحت وليان فزت من حظني وراحت مسافه
بنت الجلب بنت الكواد اخوج راح يجي ناقص جم شهر من وره هبطاتج
ليونه خربت ضحك وردت
هههه والله يمكن صدك
خرب بالحظ وج والله هالبنيه غير صايره وكحه شوفيها ذبت قنبله بنصنا
وفلتت
دحكت عليه بنظرات وهي مبتسمه كلت
خير ولج عش ادحكين هيج
يعني هي عليمن تطلع غير لابوها ورثتها الجينات ياعيوني هالوكاحه منك انت استاذ مالك
ابتسمت ظليت ادحك عليها تفتر يمي وتحضر بالغده
🌿🌿🌿🌿🌿
هيله
حياتي الي بنيتها وي زين واحلامي الجنت اريد اعيشها وياه انهدت بلحظه وهو الي هدم كلشي وويا روحي وگلبي
كسرني كسر ابد ماراح
ينجبر ولا اي احد ولا اي كلام راح يكدر يجبر هالكسر او يدواي جرح گلبي
كاعده وحدي بغرفه البنات صافنه ودمعتي بعيوني والشفته مطبوع براسي وشاعل نار بيه
النفس ضيك بصدري وتعبانه كلش الم يروح ويجي بطني وظهري وما تكلمت ولا كلت لاحد ردت اموت حتى اخلص من
الكاعد احس بي ردت ناري
تطفى لان عرفتها راح
تحركني وتزيد علي وي الايام
شهكت بصوت وكلت بصوت مخنوك
ليش زين ليش سويت هيج ليش خليتني احبك اذا گلبك سوگ انا گلبي على
گدك انت حبك ووفى الك
وفيت يازين لجن انت ما وفيت
شهكت بالبجي ريمه دشت شافت وضعي كالت
بسج ياهيله تبجين حامل وراح يصير بيج شي
امي اجت وراها دحكت لي بقهر گربت مني كعدت وتكلمت
يمه مو كافي بجي تره جاي تأذين روحج والي بطنج
يمه خلي اموت عش ضاله عايشه ادعيلي اموت واخلص من الشفتو
سكتت ريمه كالت بتردد
هو كال لاعبين علي ومدري شخالين بالشربت مالتو
واحد ولا اثنين ياريمه
سكتت نحت وبجيت بشهكه رددت
شفتو بعيوني وياها مو قديم ولج مو غشيمه انا ومااعرف زلمتي شلابس وشلون طلع من يمي
شهكت بصوت واختنگت ردت الهوه ماكو روحي فرفحت امي صرخت
ووج اامشي جيبي مي
ماكو صوت بس اشهك واريد الهوه
امي كامت تفرك بگلبي وتردد وهي تبجي
سلام قولا من رب رحيم يارب يادافع البله الطف ببنتي
اختي عكبت وراها خواتي امي اخذت منها المي غسلت وجهي وشربتني منو هدأت شويه لجن ظلت شهكه تطلع بصوت
شعلان بجه وهاله راحت له امي كالت بتوسل
ووج يمه فكري بابنج والي بطنج شنو ذنبهم بالكاعد تسوي بيهم
مارديت تمددت صايره فد مره الم زاد بطني وكلت هساع اطرح يمان بجيت
بخنگه امي كعدت يمي تقره على راسي غفيت من التعب لان صارلي ثلاث ايام انا مو نايمه
🌿🌿🌿🌿🌿
الهنوف
البيت اشتعل من وره الصار بين زين وهيله عرفت وش صاير من امي وانهذلت من السمعتو مقاطع فديو مصوريها لاخويه ودازيها لهيله الي من شافتهن وهي حالها حال هدت دار اهلي وسرت زعلانه لاهلها وتريد تطلك
خابرت اخويه يحلف لاعبين علي ومشربي شي خلاه يفقد الشعور والادراك اعرف زين من يريد شي يسوي ومايهاب احد
شفتو مع سحر شرب وراح وي نسوان جثيره ولا همه هي ولا كلامها وطلكها وهو
مو ندمان لان راد مزاجه لجن وي هيله شفتو تغير وانگلب حالو
ترك كلشي لخاطرها من رداها وحبها حب خلاه يمشي بطريق حنا عجزنا نتكلم معه وهو رافض يسري بي لجن هي خلتو يمشي به وهو راضي
امي رادت تروح لهيله هي والهنوف بس ابويه ماقبل ورد بغضب
بأي عين تريدين ترحين لها بعد ماابنج صخم وجهنا جدامها هي واهلها
يبو زين
مااانا ابو صخام ابنج لو ما كلام الناس جان من زمان طاردو ومتبري منو
امي راحت لجده وكالت لها
ياعمه تكلمي بشي
شااحجي يولي ابنج صخم الشرايع كلها وماخله لنا وجه يم حميد وبنتو
كاعد يكول لاعبين علي
زين دش و هو غادي دم والغضب تارس ملامحو امي راحت له كملت
كول يمه انت لاعبين عليك ومشربيك مدري شنو وصار الصار
صدكتي يولي هو هيج مسوين بي هيج
اخويه راح للقران وشالو كال
انا متوضي وحك كلام الله انلعب عليه من وحده وصخه وساقطه
ووشوداك الها فهمني عش رحت لها
ابويه صرخ بي جاوبو بغضب
ماارحت يااابه والله مارحت لها هي اجت لشقه حمد
حمد
جده صاحت باسمو دحكنا لها كلنا كالت
يعني حمد جان هناك
لا ياجده ماجان هناك طلع بشغله والولد ماعكب للثاني يوم
صفنت على جده وجهها تغير سألت
هو دز عليك ورحت له
لا مادز انا رحت له
سكتت ابويه كام لحيلو وكال بغضب
انا شفت الشافتو هيله شافتك يول وي اكثر من وحده تنثر فلوسي عليهن يازين تعبي اناا كلو راح جوه رجلين ساقطات ماتسوالهن تفله
ابويه سكت راح وكف جدامو الي دار وجهو منو كمل
انا ماجاي اتقبل ادحك لك
او اسمعك عكب الشفتو
شلون تريد هيله تنسى الشافتو
ياابه كتلك انلعب عليه
راح اصدكك بس هيله شلون راح تصدك ولك
البنت انگلب حالها انكسرت وكسرها ماراح يجبر ابدا
يابه اوكف وياي انت شفتني شلون تعدل حالي والله انا انلعب عليه ولكم والله تبت
لله وبطلت كلشي شبيكم محد منكم كاعد يصدك بيه
ابويه سرى من يمنا راح وكف جدامو وكمل بتوسل
شيخ عز الله بطلت كلشي وحك هو الله انلعب علي وسووا هيج حتى ينهجم بيتي
الهنوف
روحي اختنگت من شفت حال اخويه بجيت علي وامي وهاجر كمل بوجه مطعون وغصه
يابه صدكني والله ماجاي اجذب وروح جدي الغالي مارجعت لذاك الدرب تبت
لله والله تبت لخاطرها
وانت تدري بيه شفتني كعدت واستجنيت يمكم
شفتوني كلكم استقريت وي هيله ورد
