رواية دخيله الشيخ زين العابدين الفصل الثاني والخمسون بقلم أوتار حزينه
🌿**ولا وحده اجت بالريش
كلهن بالعظم دكن **🌿
زين العابدين
ابويه بسرعه سحب السلاح لفوك والجيله طكت
حسيتها ماثارت بالجو لا جن ضربتني بگلبي لان شفت هيله وكفت جدامي وماخلتني اجتل شهم توسلت بي بدموع
لاااا يازين لاتفجع اهلو به
هم عادتها ووكفت بوجهي وحمته مني جسمي كام يرجف من الغضب ،،،
شالها حدر ووكع وشعرها
طلع جزيت على سنوني
وصحت
وووولي منااا
هديت اريد اگبرها هي ويا
ابويه وكف جدامي هو وحارس وكضبوني
شهم هدد
جتالكم انااا يولو استغليتو الصار بيهم واخذتو بنت عمي غصب
ووولك سد حلك كووواد
ردت افلت من ابويه والحرس ماخلوني جتفوني بقوه صاح بيه
كاافي ووولك وخلني انا اتصرف
عم حميد جرو هو وغانم واخذو من يمنا ووياهم حارس
هيله وكعت بالارض على ركبتها تشهك وتبجي امها راحت لها هي والهنوف دحكت لها بقهر وغادي نار صحت بخبال
بعدج تحبي ولج
دحكت لي وهي تشهك رددت
وكفتي بوجهي مره اللخ فديتي بروحج ولج ،،، بعدج تحبي موو
يول لاتجفص بالكلام تره هي مو ناقصه
ابويه رد عليه بغضب
هزت راسها لااا وردت بشهكه
ماوكفت بوجهك الا وانا خايفه لا هم ينفجع به عمي وخالتي مره ثانيه خفت على عمك حميد لاتجتله وهو واكف حدو
جذاااابه ولج جذاابه هيله وبعدج تحبي
ماااحبيت غيرك وياريت طلعت تستاهل هالحب ياريت يااازين جنت وفي
لهالجلمه
صرخت بيه وكملت بشهكه
وفيت لك وفيت وسلمت لك گلبي وانت شوف شسويت كسرته وكسرتني كسر مالو جبر
عم حميد عگب وصاح
ام هيله اخذي بنتج لجوه
امها اخذتها لجوه هي وريمه ابويه تكلم
ااسري معي يله يالهنوف
سريت بسرعه وهو ورايه ركبت سيارتي وطلعت بها هي بين عيوني شلون وكفت بوجهي وفدته بروحها الماضي رجع يدك
بگلبي هم عادتها وهالشي
يثبت هي بعدها تحبو
لشهم
ضربت الستيرن بقوه فقدت وان اضرب بي اصيح بجنون
اااخ ولج اااخ بعدج تحبي والله بعدج ياهيله تحبي شفتج شسويتي وشلون
وكفتي بوجهي للمره الثانيه
وفديتي بروحج
هيله
دشيت وي امي واختي الوب من الوجع الم خيط ظهري وخلاني اون من وراه
كعدت على الجربايه اشهگ ومرعوبه من الصار كلت
زين ماراح يخلي شهم طيب يجتلو ويفجع عمي وخالتي به
ياارب شلون راح تفض هالسالفه راد ينجتل ابن المصخمه ويروح من ايدهم لبيت اخوك روح تكلم معه شوف جاره لشهم
كل مشوار جاي علينا وعالكه بينو وبين الزين
مااايفيد هذا تذكر كلشي وتخبل من شافها راحت للزين
شلوون عجل راح نظل هيج خاايفه لا يكع واحد منهم انت مااشفتهم مرتين تلازمو ووواحد يهدد اللخ وهاي شوفه عينك الزين سحب السلاح علي وهيله بنتك وكفت بوجهو ولو ما ستر الله جان جتلها الها لو انت وولد اخوك
اسمع كلام امي وابويه بالصاله وگلبي يدك بسرعه حسيته بعد شويه يوكف من الهبطه گضبت بطني من لوتني بقوه وكلت بصوت مخنوك
هاله دواي
طلعت تركض من يمي عكبت معها امي اجت عليه سألت بخوف
شبيج هيله
بطني يمه توجعني هي وظهري اااخ يابه
تمددي ولج لاترحين تطرحين ويروح الولد
تمددت ارجف والعرگ يكت من گصتي مااعرف شصار بيه گضبتني البارده وخلتني
ارجف مثل السعفه ريمه خلت بحلكي الدوه وغطوني باكثر من غطه
ابويه دش وجههو مطعون وغادي دم شاف وضعي تكلم بغصه وقهر
اااستغفر الله يارب
كرب ليمي گضب گصتي وكال
كومي يابه خلي نوديج للمستشفى خاف يصير بيج شي
هزيت راسي بلاا رديت بدموع
مااريد يابه
شراح يصير بها للبنت شوف حالها شلون تردى وصارت فد مرة
امي تكلمت وهي تبجي كملت وهي تدعي
حسبي الله عليكم يكون نار الدنيا قبل الاخره تحرك كل واحد هجم بيت بنتي وجان
السبب بخرابه
امين يارب حسبي الله ونعم الوكيل دخت
يارب وفوضت امري الك انت الوحيد الي تفرج هم العبد اذا ضاكت علي دنياه
زين العابدين
مارحت لدار اهلي ولا وصلت لها طلعت للجوله وحدي محد معي كعدت بسيارتي بفله واسع وصافن لظلام الليل
مخنوك وغادي دم ونار شبت بيه وخلتني احترك واعطب هي واخ منها
ثاني مره توكف بوجهي وتفدي شهم بروحها
سندت راسي على الستيرن كمت اون بصوت مكتوم واردد بغصه
عز الله بعدج تحبي شفتج بذاك اليوم من سمعت به طيب شلون فرحتي وكمتي تبجين وهساع هم شفتج وش سويتي ذبحتيني يولي
ذبحتيني هيله من وكفتي
للمره الثانيه بوجهي
وفديتي بروحج
ونيت بصوت قوي وكملت
ااخ ياابه ااخ والله انطيت گلبي لوحده ماتستاهلو
رفعت راسي دحكت للظلام شفتها شلون وكع شالها وشعرها طلع جدامو ولا دارت بال ولا سترت روحها من العيون
ضاع العقل بس شافتني راح اجتلو واسكنو الگبور من صدك
صحت بغضب وانا اضرب بالستيرن
مووو حب ياهيله ادكولين مو حب وانا شفتج بعيوني شلون غديتي من وراه
وشلون تفرعتي وانتي ولا دايره بال للواكفين وهمج بس هوو وخايفه علي لااااجتلو
فتحت الباب بقوه مخنوك اريد انزل اشم هوه
سريت مسافه اتنفس بصعوبه مخنوك وجن هوه الدنيا كلها ماجاي يدش صدري
فركت گلبي بقوه ونيت وكلت
ااخ وج ااخ ذبحتيني وج انا ماخنتج والله
بالحلم ماخنتج واانتي يولي خنتيني من شفت فرحتج به وخوفج علي
سكتت انهد من الغضب لجن هوسه صايره بعقلي
🌿**كولوله
حالف بعد مااروح
للباب ادكه
وگلبي لو يشتاك
نصين اشكه **🌿
ظليت هناك للفجر وماهدأ البيه زاد مانقص عكبت لديرتنا وصلت دار اهلي الصبح دشيت من المطبخ امي جالسه هي وجدتي
شافتني فزت وكالت بسرعه
وين جنت يمه وعش ماترد علينا من نتصل عليك
مدري وين جهازي
رديت مختصر سريت لجوه ابويه صاحني
اكف يازين
وكفت درت روحي علي جاي ورايه عاكد الحواجب ومبين علي ضايج كلش
اشر بايدو وكال
اجلس تااحجي معك
ماظل كلام يابه عگب الي شفتو وانت شفت يابه
قصدك من وكفت بوجهك
هيله وماخلتك تجتل ولد عمها هاي القاصدها انت
امي تكلمت
ولك يمه مو هيج هدي وخلها تبرد ،،، الشافتو صعب هساع هي گابه بها نار ومقهورة منك جثير
واناا هم نار بصدري مشتعله
صحت باعصاب وفركت صدري كملت بصوت مخنوك
محد كااعد يحس بيه كلكم وكفتو وياها ضدي احلف كلام الله واكول مارديت مااعكبت لذاك الدرب مااتصخمت وانلعب عليه
خدروني صخموني وعزوني
ومحد جااي يصدك
عش كاعد تصيح انت
ابويه انهد بيه وكمل
السويتو غلط انت شيخ ابن شيوخ لازم تعرف وين تروح ووين تجي لازم تعرف المجان المشبوه
والي يجيبلك الصيت النجس مااروح له لو به العافيه
سكتت
ااسمعني زين مااريدك بعد تروح للمزرعه شفتك
شسويت هديت تريد تجتل ولد اخو حميد وتفجع اهلو
به مره ثانيه
رديت بروده
انا بعد ماااوصل لهناك نفسي جزت منها عگب ما شفتها فدتو بروحها للمرة
الثانيه
سريت جده ادحك لي وهي عاكده الحواجب
سمعت امي كالت
سمعت الكلام يبو زين
عوفي هساع خل الامور تهدأ بينهم وانا لي كلام ثاني مع هيله
هيله
امي ظلت تلح عليه توديني للدكتوره وماقبلت ماجان بي حيل اروح لهناك ولا الي اخلك اخطي خطوة بره البيت
اخذت الدوه العندي وشويه شويه الوجع هدأ لجن ظليت متوتره وخايفه من شهم هم لايجي ويسوي
سالفه اللخ
كلت زين راح يجي لان شاف شهم ماجاز مني لجن تفاجأت من مابين ولا اجه
كلت شال گلبو عليه من
وره السويتو
كاعده وحدي بالغرفه
دمعتي بعيوني ادحك لابني بحظن هاله ويلعبن ويا ساريه وريهام كلت بگلبي
مقهور يازين وشال گلبك عليه من شفتني وكفت بصدرك وماخليتك تجتل
ابن عمي وانا سويت هذا لان جنت خايفه تقهر بيت عمي به خايفه لاينفجعون به مره ثانيه وهو صارت
بركبتو حرمه وبنت
دمعتي حدرت هاله دحكت لي مسحتها سندت راسي على الحايط صافنه وگلبي يوجعني كلش كملت وي روحي بقهر مردني مرد
حگك تنقهر وانا لااا
لحد هساع انت بين عيوني واشوفك معها بفراش واحد
نايم نومة الزلمه مع حرمتو اغمض افتح اشوفكم مراره وعلگم صارن بحلكي من الشفته وگلبي انمرد وحسيت بروحي كبرت
بهالايام عشر سنين ليجدام من وره القهر والنار الي شعلتها بيه
هيله لاتبجين
هاله تكلمت وحسيت بروحي انا كاعده ابجي واشهك ومدري بروحي
مسحت دموعي ادحك لابني ملتهي يلعب وي خواتي حتى هو نسيتو عگب الصار
بيه جان مالي خلك لاي شي حياتي انهارت بلحظه وبيتي
الي جنت فرحانه بي وبزين بلحظه انهد
🌿🌿🌿🌿🌿🌿
شهم
عم حميد اجه ثاني يوم وتكلم مع ابويه وحذرني جدامو اروح لهم بعد
كلت له
ياعم عش انطيتها له وانت تعرف هو وش
شراب عرك وزاني ومايخاف الله
مااخصك ياشهم اكعد هينه بكاع ابوك وبعد مااريدك تجي لگاع الشيخ شعلان
ولك انت تالي وياك شتريد تبلينا ياابه وي زين العابدين شلون تروح لهناك وتجاتل
ويا
ابويه انهد بيه
عمي كمل
تخبلت انت شلون تتكلم مع بنتي هالكلام وجدام زلمتها شبيك يابه نسيت الاصول نسيت الي علمنا لك
هيله تخصننني
صحت بجنون وكملت بغضب
جانت لي ياعم خاطبها اشوفك نسيت هالشي
اي نسيتو يابن اخويه لان انت ماتحركت ولا سويت لها شي
مووو صوجي صوج اخوك وامي شوفهم هم السبب هم الي مامشو وياي حتى اعقد عليها
اشرت عليهم بجنون
امي انهدت بي
وولك كاافي يامصخم انت مو ازوجت وصارت عندك بنيه شتريد تهجم بيتك بايدك
ااي ازوجت وصارت عندي بنت لجن گلبي لهيله هي الي حبيتها وردتها وانتوو يمه بالاخص انتي ماردتيها وظليتي تحنين عليه اعوفها لان خلفه خالتي كلها بنات وهاي انا اجتني بنت وهيله جابت الولد خطيتي بركبتج انتي وابويه الى يوم الدين لان مامشيتو وياي وخليتوني اعقد عليها
رديت بصياح عيوني راحت للباب ريتاج واكفه وسمعت كل الكلام دمعتها حدرت وسرت من يمنا
هاي الردتها يول سمعتك حرمتك
خل تسمع والكل يسمع انا عااشگ هيله وللموت راح اظل احبها
ااستغفر الله يارب ولك انت شتريد تنجتل من زين العابدين مو رفع السلاح عليك وراد يجتلك لو ما هيله تكف بوجهو جان
انت هساع دافنيك بالتراب
عمي انهد بي بغضب وكمل وهو ياشر بايدو
شوف ياشهم بالقران الشريف اذا گربت بعد ليم هيله او شوفتني خلقتك بكاع الشيخ شعلان الا اغضب عليك واجافيك
جفى مامن وراه رضى
ياعم
اااسمعني وهذا اخر الكلام العندي
صرخ بي وكمل
انت اجيت مزوج وعندك بنت كلت اخو حرمتك
امنك عليها وكلك لاتقهرها وهاااي هساع سمعت الي كلتو مافكرت بها وشراح يصير بيها وين الامانه ولك وين مخافه الله
الجبل ماشالها من ثكلها انت تجي وتخون العهد والامانه
سكت وكمل وهو يخزر بي
الزلمه الحگ يخاف الله بحرمتو ومايقهرها وينزل دمعه عينها
جان خاف الله الزين بهيله
مااخصك انت
صرخ بي وكمل بغضب
ماخصك انت بهيله هي بنتي ومسوؤله مني انااا ابوها بعدني طيب مامتت ياشهم
حتى تتكلم وتريد تاخذ مچاني
ياعم افهمني
انت افهم انت مالك قسمه مع هيله قسمتك مع هالبنت المسكينه
اسالك سؤال افرض انت خذيت بنتي وعكبت وانت مزوج هيله راح تظل عندك بعد ماشافتك مزوج ومخلف ؟
سكتت گرب علي وكمل بغضب
ولك بنتي شافت زلمتها مع وحده ونفرتو وطلبت الطلاك مو عاد يجيها مزوج
وعندو بنت
مارديت كمل
ارجع لعقلك يول وخاف الله بألي عندك الزواج قسمه ونصيب وانت مالك قسمه
يمنا
تكلم هالكلام وسرى من يمنا ابويه لحگه
امي دحكت لي بغضب وكالت
قهرت حرمتك يول وهي شايلتك بالصلاوات ومو مقصره لا وياك ولا ويانا
بشي
كل الصوج منج اانتي خطيتي بركبتج الى يوم الدين
صحت بها وسريت من يمها طلعت لداري دشيت ريتاج كاعده بالهول تبجي وتشهگ امها حدها تسأل بيها
وج بس فهميني شبيج وليش تبجين
شافتني وكامت راحت للغرفه ذبيت حسره امها سألتني
خير يمه صاير شي بينكم
مارديت رحت لها دشيت كاعده حور يمها تلعب دحكت لي بقهر ودموع ظليت واكف بمچاني
كالت بغصه
هذا الجان قاهرك مو
سكتت نزلت راسها وشهكت بالبجي رحت الها كلت
لاتبجين
شلون ماتريديني ابجي واني سمعتك تعارك عمك واهلك من وره بنته
سكتت كامت وكفت وصفنت بعيوني درت وجهي منها سألت بشهكه
تحبها مو بعدك تحب بنت عمك
مارديت كملت
ليش اسالك سمعتك ادكول احبها وللموت راح تظل نفسك بيها
كعدت تشهك بالبجي حور عافت اللعب واجت ليمها ادحك لها وتبرطم
ماعندي اي كلام اوسيها بي لان انا ردت احد يواسيني ويشيل الي بيه كعدت لازم راسي
رددت بخنكه
ياريت ماشافوك بذاك اليوم ولا عرفت اهلك ياريت يااشهم ظليت ثائر الي عرفته وحبيته
يولي كافي تره البيه مو بأيدي والله مو بأيدي هاي جنت رايدها عمر لجن الصار بيه بعدني عنها
زادت بالبجي بنص شهگاتها سألت
يعني بطلت تحبني
احبج والله احبج واعزج جثير انتي ام بنتي ووصيه احمد لجن
صفنت علي بدموع كملت بقهر
لجن انا مالي سلطان على گلبي والكاعد احس به فارضو عليه هوو
نزلت راسها صوت شهكتها زرف گلبي ريتاج اعزها جثير غاليه عليه كلش ودمعتها
حرگتني حرگ حرت شلون ابرر لها وشلون افهمها انا مو بايدي الگاعد احس به
🌿🌿🌿🌿🌿
زين العابدين
مالك اجه عليه كعدنا سوه بالمجلس مال دار اهلي وره العشه تكلم
هساع شراح تسوي
مااسوي شي
صفن عليه وسأل
خير يول اشوفك بارد خير صاير شي
ورثت جگاره وهو وياي اخذت نفس وزتيتو بحسرة رد سأل
ماتحجي يول شصاير
الجوه صدري كاعد يذبحني يااخويه ومخنوك منو جثير
شصاير احجي تكلم
ولك ااخ مالك اخ وكفت بصدري من ردت اجتل ابن عمها
من بنت العرب
اي ولك اي هد عگب ما تذكر من هي ورادها وهي حرمتي ومن ردت اجتلو فدته بروحها
اختنگت وفتحت دگم الدشداشه مالك تكلم
هونها على روحك يول لايصير بك شي
ليش هو ماصاار شوفني بس اتصفن حتى الزاد من اخلي بحلكي احسو مر وعلگم
استغفر الله ياربي اكلك شي تره السوتو شي طبيعي يعني ماتريدك تبتلي بي وتشيل
اثمه وتفجع اهله بي بعد ماعگب لهم
كالت هالكلام لجن انا ماصدكت ولك مالك من سمعت به عگب طيب فرحت وكامت تبجي
يول شلون ماتريدها تفرح مو ابن عمها هذا من دمها ولحمها شلون ماتريدها تفرح له
سكتت هو كمل
زين بالهدواه تعامل وياها لاتشد ياخويه خاف ينگطع حبل الود
انگطع ونفسي جزت منها
اگولك مالك حگ بهالشي شنو جزت نفسك منها هي شدگول ولك شافتك مع حرمه غيرها نايم يازين نومه انت تعرفها وش هي وشصار بذاك اليوم
ماجنت بوعي بذاك اليوم لجن هي بوعيها من وكفت ودافعت عن ذاك الكواد
وهي ماتدري ولا مصدكه بيك انت ماجنت بوعيك يعني هي ام الحگ عليك مو
انت
سكتت كمل
يول بنت العرب لوما تحبك جثير ماتسوي السوتو
دحكت له وصفنت كمل
الحرمه الي تحب من صدك من تنجرح من زلمتها وتشوفو يخونها مع غيرها ترعد وتتخبل وتحرگ البيت علي وهذا الشي يدل هي تحب من صدك وتحب حب جبير
سكت وكمل
والي مايحبك شيسوي ؟
يكعد مايسوي شي ويلبس الوضعيه
عفيه عليك افتهمت اني وين اريد اوصل
ذبيت حسره وغمضت عيوني بتعب
ااشرب جايك ،، وخليها يم
الله واسعى يول لاتظل
بهالعقل تره اذا تظل تفكر هالتفكير كلشي يضيع منك وماراح يتندم بعدين غيرك انت
امي دشت شايله صينيه تعلوله مالك ضحك وكال
خاله رحمه لاهلج وين راح اخلي هالاكل تره هاي معده مو جاروبه
اكل يمه اشوفك ضعفان
لا وين يامعوده زايد خمس كيلوات
ياا وينهن مااشوفك سمنان يبعد خالتك
ههه لا والله مثل ماكتلج زايد بهالشهر خمسه بعين العدو وكلو من دلال ام توته
عش ماجبتهم معك والله حرمتك ورده مال الله وحبيناها من اجت وياك
ذيج المرة
مو هساع خاله الما ادكوم بالسلامه يله اجيبها الكم
امي ذبت حسره وكالت
هي راح تولد قبل هيله
جريت جكاره اللخ ورثتها
كملت بقهر
والله يايمه مقهوره جثير من الصار وفراك شعلان الزغير اثر بيه انا وعمك وجدتك
الله يصفيها على خير ويهدي النفوس
امين يمه من حلگك لباب السما
بالي راح لابني شلون جنا نكعد سوه وهو بنصنا يلعب وفرحانين بي هو والجاي بالطريق اخذت نفس وانا مقهور
امي سرت من يمنا دمعتها بعيونها
سأل
اكلك صعب وينو
بتركيا راح قبل فتره
هاا گاطع الجلب حتى صاير
مايخابر
سكتت ماكلتو بالسالفه الصارت بيني وبينه والي تخص اختي هاجر
مالك حاول يهون عليه وغير الموضوع وتكلم عن شغلو بالشركه الي فتحها
🌿🌿🌿🌿🌿
مالك
عگبت ثاني يوم من يم زين مقهور عليه وشايل همو لان شفتو شلون صاير من وره الصار ،،، تعبان وشكله مطعون وبس يصفن
والجگاره ماتكع من ايدو
وصلت بيتي الظهر نزلت طبيت سمعت صوت توته تضحك ابتسمت رحت
للمطبخ وكفت من سمعت ليان تحجي
صدك تحجين ايهم ازوج على لارا
عكدت حواجبي وظليت واكف كملت
روان انتي متاكده افنان كالت الج هذا الكلام وهي درت هاا ماعرفت
سكتت شويه وكملت بصوت مخنوك
شراح يصير بعد بيها اعرف هاي حوبتي واكولها بس روان تعرفين اني كل يوم احمد الله ايهم ماصار من قسمتي وراح اخذها الها لان عرفت هي ويا نفس
الطبع والطينه
اي روان هو وين ومالك وين فدوه لگلبه ماكو مثله يحبني ومدللني دلال مو صاير
ابتسمت من سمعت هالكلام كملت
عوفج منهم الصراحه ولا تزعلين مني مااحب اسمع اخبارهم لان تخليني اضوج
ومزاجي يتخربط وهذا كاعد اشوفه يأثر عليه وعلى بيتي ومالك
اي روان مااريد اعيش وي مالك واتذكر الماضي اريد اعيش ويا بفرح لان والله كمت احس بي يضوج اذا اذكره او ابجي من وراهم
الباب انفتح طلعت توته وفضحتني من صاحت
بااابا
هلا توته
شلتها وطبيت سويت نفسي هساع اجيت سلمت
شلونج حب
هلا مالك روان اروح باي
سدت الخط اجت لحظني حظنتهن اثنيهن بقوه ضحكت وكالت
راح نفطس احنا الاثنين على كولتك
ههه ثلاث يولي
ههه اي نسيت كيان
شلونج حب
صفنت بعيوني وردت
مشتاكه الك
ههه ابشري هساع اطفي الشوگ
ااوي مالك لاتظل تذب قنابل
ههه غير اقصف الحبيب واخليه يطلب لجوء يمي
حلوه هاي
ليان
توته نزلت من حظنه ولحكت كيتي جرني لحظنه صفن عليه بنظرات خلتني
اسأله
خير ليش تباوع عليه هيج
مشتاگ وادحك لج بشوگ
سكتت مبتسمه دحگ للباب ونزل بسرعه باسني بهدواه وبعدين تحولت بقوه وخر تنهدت ختلت يم صدره كال
احبج يولي واموت عليج
واني هم
وخرت من اجت كيتي وراها توته لازمه ذيلها مالك ضحك وكال
شايله بدله العروس ولج
ههه اسكت خبلتها من وره هالسالفه
كعد رحت جبت مي وانطيته سالت
شخبار زين
اوف ولج تعبان جثير وطايح حتى حظو
خطيه والله الصار بي مو قليل
ااي وكلو من وره حقد گحبه
ماالك توته
راحت ماسمعت
انتبه لخاطر الله من الفاظك ذاك اليوم كالت لبابا دواد
هههههه
خرب ضحك الا رد ليوره ابتسمت وكملت
همزين ماعرف الكلمه جان يبوو فضيحه صارت
ههه بنت الجلب ببغاء تلكط الجلمه بسرعه
اي عيني ومن تحجيها تظل ترزل بيها وتبجي عيونها
غير اربيها
احم
خير ولج
الزم لسانك انت وهي تتربى
ضحك وكال
صعبه هاي
لعد غسلت ايدي منها ومن كيان
ههه لا راح اغير الجلمه وسويها مشفره مثل كواد دواد
مالك كاافي
هههه اوي عيني هاي شبيج
صايره ماتتحمليني تره توني اجيت
اي واجه الخير وياك
هههه عجل شلون غير اني حبيبج وابو بيتج وتروحين فدوه لگلبه
فكيت عيوني وصحت بذهول
سمعت الحجي مووو
ياحجي
مالك لاتجذب حرام تره
هههه اذا جذبت يعني شراح يصير
اجه باتجاهي يباوع بعيون وكحه خجلت منه لان سمع الكلام كله سحبني لحظنه
وكال
منو كلج اني اضوج منج اذا حجيتي وطلعتي الي بكلبج اليه
صفنت بعيونه كمل من لزم خدي
اني اضوج من شي واحد هو قهرج ودموع عيونج الي تنزل من وره بشر ما يستاهل هالدمعه والقهر
تنهدت وكلت
تزوج عليها
اي وبعد وبعد حوبتج ماراح تخليها هي بالذات ترتاح وشفتي شصار بيها
هزيت راسي بأي وغيرت
الموضوع وكلت
اليوم بااميه
عاشو ثريد موو
اي
ههه خالتي ادكلي ضعفان واني زايد خمس كيلوات
ههه من دلالي
اي كلت الها
بس تدري لايك الك السمن كلش
صاير حلو مو وصاك
امم يعني
ههه صعبه ادكوليها موو اي لان صاير احلى منج
هههه اي احلى مني بس لاتزعل
ههه مصدك بروحي اني احلى منج واني وجه الطاوه من يحترك طط
سكتت من عضت شفه واشرت لتوته
هزيت راسي بأي خربت ضحك وكالت
ماتصيرلك جاره ابدا
ابدا ابدا لساني هذا يرادله ادخلي تمهيدي وورضه
ههه ادلل وي توته وكيان اكعدك وياهم
ههه الله حيو وازحف اني وابني للست
مالك جر عدل
اشرت عليه بالخاشوكه بتهديد
اشاقه وياج اوي صايره عنيفه ليونه وتهددين بأده حاده
ههه تره خاشوكه
اي على كدج
هههه عاابت اامشي بدل خلي اصب تره متت جوع اني وكيان
هساع طلقه ابدل واجيج
🌿🌿🌿🌿🌿
ريمه
نايمين بليل وفزينا على رمي كثيف كعدنا كلنا مرعوبين وخايفين ابويه
كال
لاتخافن واكعدن هينه خل اشوف وش صاير
وين رايح يبو هيله الرمي بعدو لايصير بك شي
امي كالت له بخوف
هو دحگ لهيله وكال
خلي السلاح حدج يابه خاف يصير شي لاسامح الله نكدر ندافع عن اروحنا بي
يارب سترك ولطفك استر علينا وجفي شر ذوله الجلاب
يابه الرمي على النقطه البها فزاع
ليش گلبي نغزني مدري ماحسيت الا انا گاضبتو وخايفه علي وعلينا ابويه طلع شايل رشاشه وره مشوار هدأ الرمي
كمت هيله كالت
وين رايحه يولي
اشوف ابويه
اكفي جايه معج
وج وين رايحه انتي ما تكدرين لايصير بيج شي
مابيه شي يمه خلي اشوف ابويه وين راح
طلعت انا واختي
امي لحكتنا هي وخواتي
سرينا للبوابه نسمع صياح الولد وسيارات تسري
بسرعه بالشارع
وكفنا يمها ندور ابويه
عم عزام اجه من من يم البرج گرب علينا وراه غانم شايل سلاح
امي سالتو بخوف
وش صار يبو غانم ووينو
ابو هيله
ذاك يم الولد مابه شي والصار ذوله الجلاب السود مدري شلون اجوي وهجمو على النقطه
احد صار به شي
سألت بسرعه
جم ولد تصوب
من
سألت بخوف
بكر تصوب وديار معه
حنا واكفين ابويه عگب شافنا اشر
امي كالت
عگبن يابنات
سرت وحنا معها رحنا لدارنا وگفنا يم الباب ابويه اجه وكال
عش طالعات للشارع ياام هيله
خفنا عليك يبو هيله تاخرت وماعگبت لنا
مابي شي التهيت بالولد
الي تصوبو
يابه صدك ذوله لفو وضربو فزاع والي معه
ساريه سألتو وهي تبجي
لاتخافين يابه الولد صدوهم وجتلهم بگاعهم
كال عزام تصوب بكر وديار
مابهم شي صوابهم خفيف باذن الله
وفزاع وينو
امي سالت
رد عليها
طلع دوريه هو وجم واحد كالو خاف اكو غيرهم
يارب احفظهم وردهم سالمين
امين يارب
ابويه رد وخواتي معه انا ظليت صافنه على الشعور الي صار بگلبي وروحي من عرفت الهجوم صاير عليهم
الليل كلو ماكدرنا ننام ولا نغمض عيونه
عرفنا الزين عرف واجه باللحظه امن المنطقه هو
وباقي الولد لجن مااجه ولا گرب للمزرعه
وهالشي اثر جثير بهيله الي التزمت الصمت وظلت بس تصفن ودمعتها بعيونها
الفجر طلع وكمت صليت معها خواتي ويانا
وابويه بره يفتر هو وعم عزام وغانم خاف لاهم
يعگبون ظلينا متوترين وخايفين من الصار الوضع هدأ الصبح
سويت ريوك وطلعت اصيح ابويه سريت للزرع ادور علي ماكو وصلت مسافه گريبه من بيت الماطور مالكيتو هناك كلت يجوز راح يم النقطه انا واكفه شفت سيارات الحشد مال ولدنا عگبت من بعيد من يم جهه الوادي
درت روحي عيوني راحت لكومة گصب عالي شفت جن واحد مد راسه من شافني ختل
مادرت بال عبالي غانم لو واحد من الفلح سريت وكفت وكلت
عش ختل من شافني
انداريت هم شفتو مد راسه وبسرعه عكب هوجست بالشر وكلت بس لاا واحد من ذوله الجلاب خاتل هناك
عكبت ليوره وعيوني علي طلع نص لشتو شافني اتحرك وعيوني علي گلبي هبط من عرفتو من ذوله الانجاس
جمدت بمجاني من تحرك وهو موجه علي سلاح يدحك حوالي شاف ماكو احد اشر لي تعاالي هزيت راسي بلااا
اشر لي بالذبح متت بگاعي اريد صوتي يطلع ماكو رجلي بادن ومتت من الخوف
گرب علي اريد اتحرك ماكو
رجلي ماتن
دحكت للسيارات من گربن
هو شافهن رفعت ايدي لهن اجه بسرعه عليه
صرخت
ااااالحكوني ياااا
گضبني بقوه من رگبتي وخنكني وكتم صوتي جرني
سحل للگصب
فزاع
عكبت من الجول بعد ما مشطنا المنطقه افترين حوالين الوادي وسرينا للشارع من جهة كاع عم شعلان دحكت لها لمحت ريمه من بعيد واكفه
صفنت عليها خالد تكلم درت وجهي علي
لازم نزيد الدوريات يافزاع ناس تطلع الصبح وناس بليل حتى نأمن غدر ذوله
الجلاب
اي لازم هيج
رديت درت راسي عليها عكدت حواجبي من شفتها اختفت بلحظه دحكت
بالمرايه الجانبيه اريد اشوفها وين اختفت لمحتها
بأيد واحد ويجر بها ليم گومه گصب بالشاخه وعاليه
صحت
خالد وووكف بسرعه
شبيك فزااع
ووكف ولك
وكف جريت سلاحي ركضت وهم ورايه سمعتها تصرخ طلعت من يم كوم گصب وهي مفرعه وتبجي
وكعت بالارض وواحد طلع وراها عرفتو من ذوله الجلاب رفع سلاحو عليه
بسرعه رميت علي تكوم
بالارض
صرخت تبجي وساده اذنها الولد بسرعه انتشرو يمنا رحت لها ركض جريت الغتره مالتي وسترت شعرها كعدت يمها تبجي وتشهك وخايفه كلش كلت
لاااتخافين مات وفطس
گربت يمي ادحك لها بخوف صارت گريب من صدري وهي تتلفت حواليها وميته
رعب
شافتو مسافه عنه ميت وغارك بدمو گضبت ايدي بدون شعور ترجف وتشهگ بصوت قوي
سمعت صياح عم حميد درت وجهي جاي يركض ومعه غانم وعم عزام
سحبت ايدي منها كمت اجه گرب راح لها وجههو مخطوف يدحگ لها وللجثه سأل
شكو يابه شصار
ختلت بحظنو تبجي وتشهك
مااصار شي ياعم الله ستر جان واحد من ذوله الانجاس لابد هينه
اشرت للكومه الگصب وكملت
والظاهر بنتك شافتو وهو لمحها وراد يجتلها لو ما ستر الله والمحه بأخر لحظه جان هساع مدري شصاير
يااابه انتي شطلعج ماكلت الجن اكعدن بالدار الما تفض على خير
ماردت وجهها مخطوف وبس تبجي
كومها غانم سرى لها تكلم بقلق
بيج شي يولي اخذج للمستشفى
هزت راسها لاا دحكت لي بعيون تبجي
الوضع كلو خربطني وخله گلبي يدك بسرعه وخلاني بس اصفن لها شعرها محدر على وجهها اشگر
ابوها سترها كلت
ياعم خذها للسياره خل نوصلكم للدار
حسبي الله ونعم الوكيل بيكم لا سلم منكم رجال ولا مره ولا طفل عساك بنار جهنم وبئس المصير
عم حميد تكلم بغضب وكمل
اسري يابه
طلعت جدامهم الولد ظلو بالمچان يفترون اخذتهم للدار ادحك لها تبجي
وترجف من الخوف
وصلتهم امهم بره تحور هي وخواتها نزلت اجت بسرعه عليها وكالت بخوف
ووج وين جنتي وعش هالرمي صار
اخذي بنتج جوه ياام هيله وخلها ترتاح
عم حميد تكلم
دحكت له وعليه اخذتها لجوه تسري گوة وبس تشهگ عم حميد تشكرني مره اللخ ودعى لي تحركت من يمهم وهي بالي
🌿🌿🌿🌿🌿
شيخه مزنه
هوجست حمد وره سالفه زين والصار به ترددت اتكلم مع ولدي شعلان لان ماجان عندي دليل علي لجن من شفت الحال تردى فد مرة
وزين سحب السلاح على شهم وراد يجتلو وهالشي كلت راح يتكرر ولازم اضع حد له مالك اجه وكلت الما
يروح اتكلم معه وصار
هجوم من ذوله الانجاس والتهى به
كاعده بغرفتي انتظر ولدي يجي عليه
اجه متاخر دش عليه تعبان ومهموم سلم
الله يساعدج يمه
هلا يمه
كعد حدي كال
ماعاد تفض مع ذوله يوميا هاجمين وجاتلين الاودام وهم لا حول ولا قوه لهم
ااي من حسبي الله عليهم اذونا جثير وخلوه بكل بيت حزن وقهر
اي يمه
سكتت دحك لي وكال
خيرج حجيه اشوفج مو على بعضج
والله يايمه مدري شااتكلم ومدري منين ابدي
كولي يمه اسمعج صاير
شي ورايه
صاير يمه لجن من زمان
مو هساع
دحك لي عاكد الحواجب سأل
خير حجيه هوجست بالشر
اسمع يمه انا اظن حمد له يد بسالفه زين وهيله
شلون يمه حمد ماغيرو
اي ولاتتفاجأ يبعد امك لان سوه سالفه رديه وخلتني اشك به
شسوه هذاا
اسمع انا مااريد احد يعرف بالسواه وخص فضه اكتم الي راح تسمعو مني وتصرف معه بمعرفتك
اسمع كولي يمه
حجيتلو السواه بهيله سمعني فك عيونه ووجهو تغير للغضب فز من مچانو
وتكلم بحده
يمه شلون تضمين هالشي عني
يااولدي اجلس وهدي ما اريد احد يسمع بهالسالفه هذا شرف وحرمتك اذا سمعت راح تكف وياه ضد هيله لان من دمها ولحمها
ظل يحور يمي الغضب تارس وجههو كال
عش مااتكلمتي يمه عش ماحجيتي
تكلمت معه وجوزتو منها لجن الردي العار جان مبيت شي اكبر
هو وره الصار بزين
اي انا اكول هو الي راح اتفق وي هالساقطه وخلاها توكع زين بهالمكيده
عز الله اذا تاكدت هو وره هالخراب الا افضحو بنص اهلو واخلي اخوتو يجتلو جتله موت
شراح تسوي يمه
انا اعرف شلون اتصرف معه
تصرف معه هساع قبل لا يرد الزين وديربالك يسمع ياشعلان تره يجتلو والله
ويذبحو
ااي من حسبي الله علي ونعم الوكيل ماظنتي هيج يطلع ردي فد مرة وخال عيونو على حرمه اخوه
اي هو هينه القهر من لحمنا ودمنا ونهش بينا وخرب دار ولدنا
🌿🌿🌿🌿🌿
هيله
عرفنا من ريمه وش صار بها وكمنا نلوم بها لان سرت بعيد والوضع ماهو بخير
لجن سكتنا من شفناها مو تمام وبس تبجي والوجه اصفر
ابويه قره لها لان جانت هابطه فد مره غفت الظهر ونامت حتى اكل مااكلت ثاني يوم حالها تحسن شويه طلعت انا وياها للحديقه دنيا ليل تحجي بالصار ويمنا ساريه وريهام
غانم اجه سلم
شلونج خيه
الحمد لله بخير
انتبهت له متوتر جن وراه شي كلت
خير ياخويه اشوفك مو
على بعضك
والله مااعرف شااتكلم
يعني هو شهم
عكدت حواجبي وكلت
خير وش بها شهم
خيه انا م
