رواية دخيله الشيخ زين العابدين الفصل الرابع والخمسون بقلم أوتار حزينه
🌿**رفيقي حسبته
حسبة الموس في مخباي
واثر كل ليله ياكل
الموس من جنبي !! **🌿
صعب
ردت اشوف حمد لان هوجست هو وره الصار بهيله وشهم
اكثر من مرة يتعذر لي هو مو هنا لو بغداد لو اربيل
شكيت بي وصممت اشوفو عرفت بي بالمزرعه من اخوه ورحت له اول ما شافني تفاجأ وكال
منو كلك انا هينه
هااا شبيك يول عبالك ماتريدني اجي
لاا مو هيج الكلام
عجل شبيك تتهزم مني وما تريد تشوفني
ركزت بعيوني عليه رد
لااا عش اتهزم منك شمسوي انا
مدري انت گلي شمسوي
شبيك يول عش كاعد
تحقق معي
كعد ورث جگاره كعدت اگبالو وكلت
يا حمد وش صار بالبستان
عرفت وش الصار عش تسالني
اريد الصدك
صفن عليه وكال
شنو الصدك شبيك انت
مو سمعت الناس كلها تتكلم وادكول هي جانت مع ابن عمها وعمي شافهم
وصار الصار
اريد اسمعها منك انت مو جنت مع عم شعلان الله يرحمو كلي انت وش شفت وشنو الصار
مالي خلك اعيد هالسالفه
سكتت دحكت لها عاكد حواجبي كلت
يول ليش گلبي يگلي انت وره الصار بزين ووالصار بالبستان غير الي تكلمت به
فز وصرخ بيه
تررريد تبليني ياصعب ابتليت من كلت لك انا ردتها لهيله قبل زين تشك بي انا وره الصار بيهم والكل سمعها
ادكول هزمته لشهم حتى ماايجتلو زين كلي عش انهزم اذااا مو بريء عش
فلت بروحو هو واهلو وهج من االديره احجي تكلم اشوفك سكتت
كمت وصحت به بغضب وانا اشر بايدي علي
عززز الله انت وره هجمان بيت الزين انت ماغيرك ياحمد دكلي جانت مع ابن
عمها اكلك بنت العرب اشرف مني ومنك وانت سويت هالشي حتى بس تنتقم منها لان داستك
جثير وهانتك بدل المره الف
ااانجب ولك وكل تبن
اسمعني ولك بالقران هساع اطلع من هينه گبل للزين اخبرو وش سويت وعملت
بحرمتو وبس يعرف راح تتبره بنت العرب من التهمه الي لبستها بها هي وشهم
سكت دحك لي بخزره وره لحظه رد بروده
روح ياصعب تذب براسي تهمه اذب براسك الف تهمه واكله للزين انت عاشگ اختو هاجر وجنت تلتقي بها بدار عبدالعزيز انت مو رايح جااي عليهم وتشوفها هناك
روح اذا بيك خير وگله وجلمتك حد جلمتي بس تتنفس اكلو انا ماقبلت له وهو ذب هالسالفه براسي
فكيت عيوني دحكت له بصدمه صرخت به
ووولك يالردي يااعار الزلم هاي بنت عمتك شرفك عرضك شلون تريد تتهمها هالاتهام وهي ماعدها شي معي
ردتها يول وتكلمت بها وعرفك خال عينك عليها ومن يسمع مني الي راح اگله له راح يجتلك بگاعك وانت خابرو للزين من يتخبل وش يسوي
سكتت ابتسم بشر وكمل
هيله مارحمها من شافها غدرتو مع شهم تريدو يرحمك الك ياصعب
هديت عليه سحب سلاحه من الطبله وكفت ادحك له مصدوم صاح بي
ااطلع وجفي شري ولا تخليني اجتلك واندم واي جلمه تطلع منك ثمنها راح يكون روحك ياصعب
حسبي الله عليك ياغدار حسبي الله عليك حمد ما تفوت حوبه الزين وبنت العرب بيك
ههههه الي ردتو صاار
وبرد گلبي
صفنت علي بجمود وكلت
ولك شنو انت شيطان موو بشر
اااطلع وولي منا روح لاربيل واكعد بها خليك بعيد ومالك خص بالي يصير بيني
وبين زين
درت روحي وطلعت غادي دم ومفجوع بألي سمعتو من حمد صعدت سيارتي
مذهول ومصدوم
صفنت على الدار وكلت
من انت ولك مااعرفتك
مو بشر انت شيطان شلون كدرت هيج تسوي شلون وهو ابن عمتك وبحسبه اخ لك شلون ياحمد انطاك گلبك تعمل به هالعمله ولك هجمت بيتو وذبيت تهمه جبيره براس بنت العرب وخليت الكل يتكلم بها وهي الشرف كلو
طلع بايدو كلاص المشروب دحك لي حركت وطلعت من يمو وانا كاره شوفتو والساعه الي عرفتو بها
سريت بالطريق مقهور ومصدوم منه ومن السمعتو رددت بخنكه
شااريد اسوي ياررب اروح اتكلم خاف يسوي الي كال عليه ويتهمني ويتهم هاجر
معي والبنت اشرف من الشرف واذا سويت هيج معناها مستحيل تصير لي بعد ماحمد يتكلم بها
ويطعن بي وبشرفها
ياارب انا وش اكدر اسوي الي يعمل هالعمله ويذب تهم جبيره بروس العالم وهجم بيوت قادر هم يذب هالتهمه براسي ويخلي الزين يذبحني ويذبح اختو ظلم
اسكت لازم اسكت لان ماعندي دليل علي
سكتت وضربت الستيرن بقوه وكملت
غبي ولك غبي اثول عش مااافطنت وسجلت له
صفنت للبعيد وكلت
اي واذا سجلت واذا رحت وكتلو للزين راح يجتلو يذبحو والله ومايرفلو جفن وانا اصير السبب بالي راح يصير وذيج الساع اهل حمد ماراح يسكتون لي
دخت وافتر راسي اريد اسوي الي يريح ضميري ومو كادر لان مااريد هاجر
تنفضح وتروح من ايدي
وكفت على صفحه سندت راسي على الستيرن دايخ اردد
المن اروح يارب الشيخ العاقل الفاهم مات وسكن الكبور المن اروح خاف اتكلم ويردها علي بتهمه جبيره
رفعت راسي وكلت
اروح لعبدالعزيز اي اكله اله وهو يعرف يتصرف
حركت وكفت وصفنت بجمود
لااا هذا هم عصبي وبس يسمع راح يتخبل ويجوز يجتلو لحمد ويجوز ماا يصدك بي ويظن بي انا وهاجر عدنا شي لان دائما
اروح لهم وهي يمهم
صحت بجنون
ياارب وش اسوي دخت اجفى الشر واكعد لو اتكلم واخسر هاجر
🌿🌿🌿🌿🌿🌿
هيله
الايام مرت علينا ثكيله لبسنا ثوب الحزن من وره فراك ابويه الي جان السند والعز والظهر والعامود الي
كلنا نسند علي ،،،
انا رغم البيه والصار عليه
حاولت اعوض مجانه واصير سند لامي المفجوعه به ولخواتي الصغار الي ظلن بس يدحكن لي وساندات روحهن عليه ريمه وكفت وياي وجانت اكبر سند لي
حازم جان يشتغل بمعمل مال كلينس وشغلنا معه يجي ياخذنا بسيارته ويعگبنا لدارنا من نكمل واكفه انا وريمه بره ننتضره اجه وكال مبتسم
هاجن الراتب
اي اجه بوكته تاندفع ايجار الدار
اي والله اني هم عندي هوايه ديون لازم ادفعهن يله اسرن على كولتجن ههه
ابتسمنا
حازم ،،،،جان يتكلم بلهجه
اهل بغداد لان عم فاروق من اهلها
سرينا ويا صعدنا ليوره سأل
اكلج انتي ماراح تكدرين ادوامين شهر اللخ
خجلت منه من تكلم هالكلام ريمه ردت
لا لان راح تولد
اي اعرف ماتشوفين سألتها لازم ارتب الج اجازه حتى بس شدين حيلج ترجعين للدوام
اي هو هم هيج
ريمه ردت
دحكت للجامه افكر بحالي مابقى شي واولد جنت شايله هم وخايفه على يمان لا يصير بي شي
ردته يجي ويفرح گلبي يعوضني عن غياب شعلان الي انحرمت منو
عيوني غوركت كل لحظه تمر عليه وهو ببالي
واحن اله
ماكو عدد لدعواتي على حمد كل ثانيه ودقيقه وكل صبح ومسيه وبكل صلاه ادعي علي واتحسب ترجيت ربي تطلع حوبتي بي االيوم قبل باجر
حتى تبرد نار گلبي ويتبره اسمي واسم ابويه من العار الي خلاه بينا دمعتي حدرت من ذكرت ابويه
ريمه كالت
هيله ناخذ عشه لأمي والبنات
مسحت دموعي وكلت
اي حازم ذبنا براس الشارع
اي ادللي
تسلم اخويه
وصلنا وره مشوار نزلنا انا واختي جان سوگ شعبي بالمنطقه ويبيعون بي اشكال والوان وصينا عم صادق على كيلو كباب دجاج شوي
سريت وي اختي اخذنا فواكه وحلويات لساريه وريهام تذكرت هاله رادت
شحاطه لان العدها انگطعت
اخذت لها وحده
ريمه جابت لي
سيت مال اطفال وكالت
شوفي هذا يخبل راح اخذه ليمان
لاا عندي مال ابن زينه ماا نريد نصرف زايد ياريمه كلشي يصير ولازم نضم جم
فلس جوه ايدنا
اعرف بس انا اريده له مااريدو يلبس قديم
سكتت اشترته وعگبنا للعم صادق اخذنا الكباب وسرينا لدارنا
ريمه كالت
اهوو هم شفت هالخلقه
جان واحد من المنطقه اسمو مروان شاب مدگدك وشوم وجن من ذوله العصابات الي نشوفهم بالافلام اربع وعشرين ساعه
واكف بالشارع ويدحك لعرض الاوادم كلت
البسي ونزلي راسج
سوت مثل ماكلت فتنا من يمو كال
نور الشارع بعد ماجان اظلم
مادرت بال ولا تكلمت دشينا لدارنا ريمه انهدت
سمعتي وش كال
مارديت
امي اجت كالت
گوه الله عزمجن
هلا يمه
ااطلع ارزلو اجتلو بهالحذاء
ريمه كملت الهده مالتها امي سألت
شبيج يولي من ترزلين
هذااا مروان العار
شبيه وياج
كلما نعگب ويشوفنا يذب لنا كلام هيله سمعتو وش كال
انهديت بها بغضب
اي سمعتو واكدر ارزلو لجن حنا بغربه مانعرف طبع الاودام الهنا خاف اتكلم الجلمه ويمد ايدو علينا وذيج الساعه من صدك
اموت من قهري
صفنت علي كملت باعصاب
اافهمي حنا اختلف وضعنا ماعدنا حد من اهلنا او عشيرتنا نسند علي لو صار
شي وحدنا بهالدنيا ولازم نبلع ونمشي اليصير
شمرت الجنطه من ايدي وسريت للغرفه سمعت امي كالت لها
ووج هذا شراني وابو مشاكل عوفج منو هو فد يوم ماتشوفي الا جاتلي
من وره وكفتو هاي ولسانو
الردي
كعدت تعبانه ورجليو توجعني من الوكفه
ساريه اجت هي وريهام تكلمن بخجل
هيله جبتي لنا الوان ورسم
ياا والله نسيت
هاا يله مايهم مانريد
لااا باجر من عيوني اجيبهن لجن او وره العشه اخذجن للمكتبه الي بالسوك واشتريهن الجن شدكولون
اااي
فرحن واجني حبني من خدي كمت وكلت يله روحن توضن خلي نتحضر
لصلاه المغرب
اي ونكعد نقره قران لابويه
ذبيت حسره من ريهام تكلمت هيج وكلت
ربي يجعل كلشي يطلع من عدنا نور بين ايدو
امين
رحت غسلت وطلعت ريمه تلكتني شايله هدومها دحكت لي بخجل وكالت
ضوجتج مو
لاااا انا مااضوج منج انت سندي من بعد الله
ابتسمت اجت حبتني من خدي ودشت للحمام
سريت للغرفه لبست ازاري وكعدت وي خواتي الصغار نقره قران لابويه ونذكره بالرحمه
كل غايب يعود الا غايب
اللحود مايعود
🌿🌿🌿🌿🌿
زين العابدين
ماخلينا مجان وحنا ندور به عن شهم طشيت اسمو
بالشمال والجنوب والوسط وماكو له خبر
انا بهالحال وطلعت لي سالفه الورث لان رهيفه وامنه رادن حگهن من ورث ابويه امي ماقبلت وانهدت بهن من تكلمن معي
بهالسالفه
ولجن ماتخجلن ماتستحن ابوجن ماصارله جم شهر من مات واجيتن تردن الورث
يمه هذا حگ الله وورث ابونا محد مفضل علينا
امي رادت تتكلم خليت ايدي جدامها سكتت دحكت لخواتي وكلت بهدوء
تريدن مال لو عقار
صفنن عليه عدت الكلام
تريدن فلوس لو عقارات
نريد فلوس
ادللن اكعد وي المحامي واشوف املاكنا شكد توصل وشكد عند ابويه من مال واكعدجن معه وهو ينطيجن حگجن بورث ابوجن
الهنوف لو تسمع راح تعلگها على راسجن
مااتسوي شي هذا حگهن يمه
كلت بغضب وكملت
هذا حك الله حجيه ولازم يتقسم حتى ابويه يرتاح بگبرو
يمه عش تتكلمين معنا هيج تره حنا بناتج وهذا ورث ابونا والنا حگ به
وولج رهيفه ااسكتي تره وصلني كلاامج وبرد گلبي من الهنوف رزلتج انتي وهاي ذيج الرزاله الي تسوه عمرجن
عكدت حواجبي سألت
خير يمه وش صاير من ورايه
سكتت ماردت صفنت عليها وعلى خواتي تذكرت كلام ابويه
ماخصك بسوالف الحريم لان مايضيع هيبه الزلمه غير سوالفهن
كمت لحيلي وكلت
الي تريدنه يجيجن وفوگاه حبه مسج ارتب كلشي وي المحامي وادز عليجن كلجن تكعدن وتاخذن حگجن كلو
تسلم يازين
رهيفه ردت
امنه سألت
وهذا البيت النا حگ بي تره
اانجبي ولج شلون عين صلفه شايله ما تعرفين هذا البيت ابوج من زمان سجلو
بأسم زين وسوه الجن بيوت بأسمجن شتريدين بعد تورثين اخوج وهو طيب
هاا نسيت والله
نستج العافيه گولي امين
يمه حسجن مااريدو يطلع منا الاوادم شيكولون ولد الشيخ شعلان تذابحو من وره الورث
سكتت ادحك بغضب
لهن كلت
ياخيه انا مو طامع بشي من ورث ابويه الله يرحمو لجن هذا حگ الله الدار هذه دار
شيوخ من اب لجد تتورث وابويه ماقصر معجن سوالجن ذيج البيوت الحلوه وكلهن بأسمجن
ماكلت شي ياخويه بالعافيه عليك الدار وحنا من بعد ابونا مالنا غيرك
اي هساع تكلمت هالكلام الحلو وره مااكال الجن انطيجن الورث
امي انهدت بهن وسگتن
" يا چَويات روحِي الـ ما
أظن تبرد "
طلعت للمجلس جان عصر سمعت الاذان رددت ويا اريد كلام الله يهدي نار افادي المشتعله
دشيت عم مهنا كال
الصلاه ياشيخ
اي ياعم
وكف بينا لان هو اكبر واحد وصلينا الفرض كعدنا سوه دارت الكهوه علينا سأل
شلون الحجيه
على حطه ايدك ياعم
الله يكون بالعون ابوك كسر ظهري وانا عمه شلون بأمو وهو وحيدها
اي ااي ياعم كسر ظهرنا كلنا مو بس انت
الصبر ياولدي
سكتت كمل
احاجيك بسالفه
كول ياعم اسمعك
هذا عار الزلم لفه قبل جم يوم وبده يشمر بالكلام هينه وهين ويريدله مچان بين الي وكفو بوجه داعش
عكدت حواجبي ودحكت
له سألت
من ياعم
صگبان
عگب
اي عگب من لا شفنا اجه وجاب معه الشر والسوالف الرديه
وش به
يريد ياخذ التعب ياولدي التعبته انت وقبليتنا ويسوي روحو هو ابوالفضل
على الاودام الي عگبت
حنا ماننكر ياعم تره ربعو هم اجوي معنا وراح منهم جم واحد
اي ماننكر لجن مو يريد ياخذ مجانك انت وابوك ويريد يحجون به ويكولون هو ظل هينه وسوه الحشد العشائري وانت تعرف من سواه وتعب به
ااي اعرف
ابوك الله يرحمو هو الي ركض وتعب وويا جم واحد حتى بس يحشدون وي الحشدالشعبي وتتحرر المنطقه مالتنا
كلها تعرف هالشي واولهم عشيرته لجن يظل الولاء له وهاي مانكدر نتكلم بها او نفصل حنا نعرف شسوينا والكل يعرف وهم يعرفون صكبان شسوه
اول الناس انهزم وعاف اهلو وناسو وراه
ااي والله وانا اشهد والكل تشهد هو اول الناس انهزم وخله الاوادم وراه
عوفو ياعم يتكلم ويدحس روحو وين ماجان ابويه الله يرحمو جان يكول الزلم
بالافعال لا الاقوال
الله يرحمو جان كلامو درر
اي شيخ شعلان مو شويه
طيب بك ياولدي انت العوض والعز من بعدو
تسلم ياعم و اريد امنك بشي
كول يبن الغالي اسمعك
انا مثل ماتعرف لازم فيلق العشيره ولازم اسري بهم تانحرر باقي المناطق اريدك تگضب مجاني هينه لان اعرفك حكيم وتعرف ادير امور القبيله
ابشر ياولدي لجن عش انت تروح الوضع اختلف عن الاول وهساع انت مسؤول
عنها وعن اهلك
ياعم انا گضبت شي ولازم اكملو للاخر مو انا الي اعوف شي تعهدت به جدام الله وابويه والقبيله
كفو منك شجاع من ظهر شجاع هاهيه يابه اسري بامان الله وانا بظهرك
ماتقصر ياعم
🌿🌿🌿🌿🌿
شهم
بعد السواه حمد بيه وتهمته لي انا جتلت الشيخ شعلان ماظلي غير انهزم عگبت لهلي بسيارتي وصلت نزلت اصرخ
ياابه يمه ااطلعو ولكم ااطلعو بسرعه
ولك شكوو
انجتل الشيخ شعلان وبلوني به
يمممه عزه ولك شدكول
امي صرخت ركضت لداري دشيت انهد صحت بريتاج
بسرعه ااخذي جنطه الوثائق ولسيارتي
فزت وصاحت
شبيك شهم
وولج تحركي رااح يجتلوني
شهم شبيك شصاير
يااعمه تحركن
شكر دش صرخ هو وابويه
ولك شدكول شنو بلوك بشيخ شعلان
تحركوووو راح يجتلونا ظلم
صرحت بجنون
ابويه عگب يلطم على راسه شكر انهذل گضبتو من جتفو وصرخت
يااااخويه تحرك راح يجتلونا
ولك شسووويت
مااسويت شي بلوني ولك ااسري بسرعه ماظل وكت
اخويه تحرك ريتاج تصرخ وتبجي شسويت بينا
تحركي بسرعه
بسرعه اخذت اهلي طلعنا سيارتين سرينا بهالظلمه وماماخذين غير بس الوثائق
صحت بريتاج
طلعي لي هويتي القديمه
طلعتها لي تبجي صرخت بها
ااش مااريد بجي خل نطلع السيطره
بس سيطره وحده طلبت هويتي طلعت لهم القديمه وخلونا نسري ادحك لأهلي عبرو سرينا للشمال هناك اعرف المنطقه زين رحنا للسليمانيه
كعدنا بفندق وبعدين اجرنا دار وكعدنا به ظليت اسمع الملامه من اهلي لان رحت
لهيله وصار الصار
ريتاج جافتني وزعلت عليه زعل ثكيل وكلت حگها لان دست بها جثير وبهذلتها معي هي واهلي
كالت لي چلمه وجعتني به
جثير
كال لك احمد لاتقهر اختي وانت قهرتني هوايه
اعتذرت منها بدل المره الف ووي الايام رجعت لحظني شلت ذنبها وذنب هيله الي هي اكثر وحده تأذت من الصار عرفت شصار بها وشلون عمي مات من قهروو وبجيت
علي وعليها جثير وكلت
ياريتني ما عگبت ولا شفتج
اذيتج وشلت خطيتج جثير
لجن شيفيد بعد الندم خراب عفت ورايه وهيله
تبهذلت بهذله مايرضاها الكافر ردت اروح لها لجن كلت خاف انگضب لان غانم كلي زين العابدين حارگ الدنيا عليك
الله لطف بينا وعم وليد الي جنت اشتغل عدنه وحجيتله الصار وگف معي وخلاني بمزرعه گريبه من الحدود تبع واحد كردي عايفها ويريد احد يداري حلاله
كعدنا بها واستقرينا اسأل عمتي عن هيله ادگلي بخير عايشه عشت بذنبها وذنب عمي والصار بهم راح يظل بركبتي طول عمري
عشت مطلوب ثار وأنا مو جتال
🌿🌿🌿🌿🌿
هيله
طول ايام غربتي بغداد انا افكر بالصار واسال روحي عمي وش جابو مع حمد
بذاك اليوم الاسود
عش اجه معه وانا اعرف عمي مايحبو ولا يطيقو شنو السبب هوجست هو عرف بعملتو الرديه وكلت جابو حتى نتواجه انا ويا
زين جده عش كالت له هالسالفه بهالوكت هالشي دوخني وخلاني بيوم اتكلم
مع امي وريمه من سمعت
صاحت بذهول
شنوو وهاي شوكت صار هالكلام
وره زواجي من زين بجم شهر
وعش ماتكلمتي يولي عش مااجيتي وكلتي لي انا او ابوج
كلت لجده وهي تصرفت معه وانسدت السالفه
ريمه صفنت عليه وكالت
هذا انتقم منج لان كلتي لجده
اي لجن
لجن وش تكلمي
امي سألتني بقهر
يمه عمي عش اجه هو ويا للمزرعه وهو مايطيقو
ولا يحبو وش صاير حتى يجون سوه انا هذا الي مدوخني... كلت جده كالت له وجابو حتى نتواجه انا وهو لجن ليش بهالوكت ليش تكلمت من انا زعلت
وو
سكتت ريمه صاحت
ووج بس لا هووو وره هاي السالفه وعمي لكفه
امي فكت عيونها وكملت
عز الله هو الي وره هالخراب الصار بيج
ساكته مذهوله من الي هوجست به ريمه كالت
يولي هذا هو وره المقاطع الي اجني لج
شلون وانا شفت زين بعيوني شلون فهموني
مدري يمه لجن اظن عمج عرف به هو وره هالسالفه وجابو ليمج حتى يبري الزين من هالشي
ووج خاف هوو جتل عم شعلان
هزيت راسي بلااا وكلت
لااا مو هو جان واكف اگبالي وعمي گرب لي والرمي صار بصدرو مو بظهرو
امي كامت تبجي وذكرت ابويه وعم شعلان كالت
مثل الحلم واحدكم بسرعه راح بس العيون فتحت
دمعتي حدرت ريمه كالت
والله هالنذل عرف روحه انكشف وسوه هاللعبه حتى يهجم دارج ويخلي الزين يطلكج
ياريمه انا شفتو ولج شلون وانا شفت بعيوني هو مع اكثر من وحده
كال قديمات وبس الي
خجلت ماكملت امي ردت
شيفيد الكلام بعد عمج راح وابوج ويا والنذل فضحنا بالديره وشوه سمعتج
وخلانا على كل لسان واي دليل علي ماعدنا غير بس الحجيه وهي حالها متردي
يمه حتى لو الزين طلع بريء وتبره من هالتهمه انا مستحيل اسامحو على السواه بيه وبيكم
دحكن لي كملت بدموع
ماانسى ابدا شلون جتلني وجتلج الج انتي وخواتي ودفع ابويه ووگعو ولا انسى شلون هتك ستري وگص شعري جدام ربعو
غصيت بالبجي وشهگت
كافي يمه وانسي
ماانسى يمه ولا ااكدر انسى ذاك اليوم من هد واذاني واذاكم جذبني يمه وصدك
حمد ماانسى شلون فشر عليه جدام ربعه والحرس ولا شلون طلكني واخذ شعلان مني غصب
ضربت راسي بالحايط بهداوه وكملت بشهكه
ولا اانسى دعوته عليه بالفجيعه وانفجعت يمه بابويه بالثالث مال ابوه
كملت بصوت مكتوم
اااخ ياابه ااخ يالغالي كلو يهون لو بس انت ظال طيب ومو ساكن الگبور
بجيت وهنه معي لان الصار بيه وبيهم شي جبير مايرضى الله ولا العبد
وره ايام جبت ابني وسميتو يمان لان مشى علي هالاسم يم امي وخواتي ومرت
الايام والاشهر وسنه وره سنه انا نفس حالي ماتغير بي شي وحالي ظل نفسو
🌿🌿🌿🌿🌿
مالك
طلعت من الغرفه من صاحتني ليونه على العشه طبيت للمطبخ سألت
ليونه وين الريموت
ذاك بأيد توته
جيبي بابا خلي نشوف عم زين اليوم يطلع بالاخبار
يااا صدك شنو مصوري
اي زين العابدين ولد الهنوف دزلي رساله كلي راح يطلع ساعه 8 على قناه
،،،،
كعدت ادور القناه الي كالو راح يطلع بها لكيتها دحكت للساعه بعد شويه تصير ب8
تعشه مادام الاكل حار
اي اكعدي حب
ابتسمت راحت جابت كيان اليلعب يمنا وكعدته بحظنها ادحك الها واله طلع
يشبهني لجن عيونو خضر على امه
توته جيبي الصدريه لاخوج
اي ماما
بنتي راحت تركض جابتها الها وكعدت بصفها اشرت الها وكلت
تعالي يمي
لاا يم ماما اكعد
ضحكت من ليونه سوت دوده وهي وياها
حزب ظالم ومتحيز
هههه وبعد راح يصير ويانا كيان
ههه مغسل ايدي منه من هساع
بابا ضوك التبوله اني سويتها وي ماما
عاشو والله طيبه وحامضه
وتفك الراس
تعشيت كمت غسلت واخذت كيان من ليونه لان ماخلاها تاكل
كعدت بي التهيت احجي ويا
واضحك ليونه كالت
مالك هذا زين
رفعت راسي دحكت علي
كالت
مبين علي تعبان
ماجاي يرتاح يركض منا ومنا تعرفين بهالسنتين زادت مسوؤليته كلش
اي وهم لاتنسى الصار بي مو شويه
اي والله ملو قهر بقهر منا عم شعلان راح ومنا طلگ مرتو
تصدك مالك اني ماجاي اصدك هي سوت هيج
البنيه تره مؤدبه وشفتها متدينه يعني تصرفاتها مو مثل ماكالو عليها
مدري ليونه البنت بنت مله يعني متربيه على الدين اني مااعرف ليش ما جاي اصدك هي جانت متواعده من ابن عمها وهو الي جتلو
شفت يعني نفس كلامي
اي انا تكلمت مع زين لجن ماقبل افتح هالموضوع
ضاج وتكدر وسديتو
ياربي والله حرامات هيج حب ينتهي بالفراق
اااي ومحد وگع بيها غير هالولد الزغير
شكد عمره صار شعلان
اظن ثلاث صار
يوجعني گلبي علي كلش مالك شنو ذنبه خطيه انحرم من امه
اي والله يقهر
دحكت للزين محزم بالسلاح ولاف على راسو غتره سوده يتكلم مع المذيع وعيونو تفتر على الجوله بحذر
🌿🌿🌿🌿🌿
هيله
عكبنا انا وريمه من الشغل يمان شافني اجه يسري صاح
ماما
رحت بسرعه علي شلتو وحبيتو
حبني من خدي
فدوه لليكول ماما
اخذتو وكعدت به امي اجت شايله مي صبت لي وكالت
الله يساعدجن يمه
هلا يمه
صبت لي مي وكالت
هاج اشربي مي الدنيا كلش حاره بره
اي والله حر مو طبيعي هالسنه
عش تاخرتن بالرجعه
هاليوم
اشتغلنا شفت اضافي تناخذ علي جم فلس
ها الله يگويجن يمه
ويكويج بالغاليه يله روح يم جدتك خلي اسبح تانعشه
اخلي العشه ياهيله
اي هاله خلي هساع اطب وره ريمه اسبح واصلي
يمه بعد لاتظلن لليل والله اخاف عليجن
ماكو شي يمه حازم ويانا خطيه الا يشوفنا ندش للدار يله يروح
الله يرضى علي دنيا واخره لو ما هو وعمتج مدري شراح يصير بينا
ربج مايگطع
حشه يمه رحيم بعباده ربج
اااي ارحم منو ماكو
كومي يمه اختج ماراح اطول هساع تطلع مهفيه من الجوع وتريد بس تاكل لكمه
اي كايمه بس اخذو هالعسل
بست يمان ودغدغته خرب ضحك امي اخذتو مني اشر وكال
تاالي
هساع اجيك بس ابرد لشتي
سريت ريمه طلعت تنشف بشعرها كالت
بسرعه لاتتاخرين تره مهفيه من الجوع
ههه اي هساع كالت امي نفس الكلام
سبحت وطلعت رحت صليت المغرب كملت سريت للهول محضرين العشه كباب تكلاه وبيتنجان وطماطه لاجعه
كعدت وكلت
بسم الله الرحمن الرحيم
بدينا نتعشه يمان بحظني اغمس له طماطه واخلي بحلكه يمطگ وخواتي ميتات على تصرفاته ريمه كالت
هذا حيال مو فقير مثل ش
سكتت وبلعت اسمه غمضت وذبيت حسره هاله غيرت الموضوع وكالت
يمه بسج اخبار والله ملينا منها
هاج شوفي وين تردين تخلي
امي انطتها الريموت رادت تدير القناه ساريه صرخت
هذا الزين
رفعت راسي صفنت علي اللكمه وكعت من ايدي
ورجع ذاك اليوم بين عيوني
شلون فرعني جدام الزلم وگص گصبيتي
غمضت عيوني بقوه ودمعتي طفرت
ديرري بسرعه
امي صرخت بها وراحت تردد
حسبي الله عليك ياحمد يكون حوبه بنتي تطلع بيك اليوم قبل باجر
تمالكت نفسي وكلت
تعشو وسدو هالسالفة
محد تكلم لجن شوفه الزين كدرت احوالنا وخصا اني تمددت بغرفتي انا وريمه
وخواتي يم امي بالغرفه
الثانيه ينامن
ابني بحظني غافي ادحك له طالع للزين ويشبهو كلش الشعر اشگر والعيون صفر دمعتي حدرت شعلان بين عيوني كبر هساع وصار
عمرو ثلاث سنين وجم شهر وانا مو شايفتو
حزني وقهري مضموم بگلبي ماطلعتو لهلي ولا بينت ضعفي جدامهم اعرف بروحي اذا انكسرت راح ينكسرون معي
دست على جروحي ودست على وجعي وشلت هالحمل الثكيل حتى ابويه يرتاح بگبرو
ذبيت حسره ريمه رفعت راسها وكالت
نامي ياهيله
اشتاگيت لشعلان
كلت هالكلام وكمت ابجي
كامت من فراشها واجت اخذت يمان من حظني وخلتو بالكاروك
اجت كعدت حدي وكالت
حگج والله كلنا اشتاگينا الو
فرگوني عنه المايخافون الله
يجي يوم والزين يعرف ويكشف جذب حمد وذيج الساع شعلان يعگب لحظنج غصبا عن الكل
اريد ناري تبرد ياخيه اريد حوبتي تطلع بحمد واتبره من هالتهمه الي ذبها
براسي
ماتروح حوبتج والله ولا حوبتنا وشوفي راح يجي يوم وحمد ينكشف والعار الي خلاه بينا يصير به اضعاف
ياارب صابره واريدها تطلع منك اريد هذا اليوم يجي گريب مو بعيد طيبه واشوف حوبتي تطلع بكل واحد تكلم بي وبعرضي اريد اشوفهم مذلولين لي وما يكدرون يرفعون عيونهم بعيوني
امين يارب من حلكج لباب السما
🌿🌿🌿🌿🌿
زين العابدين
سنتين ونص انا مع الحشد الشعبي والعشائري نحرر مناطق ونتجهز لتحرير الموصل لان هذه المعركه الحاسمه الي راح تخلي
العراق يتحرر من ذوله الجلاب
عگبت لهلي باجازه وصلت لدارنا مع حمايه جثيره لان صرت مستهدف بعد اكثر
عم مهنا واكف بره وويا ولد عم ابويه وناس كباريه نزلت من سيارتي گرب وكال
الله حيو البطل
حي الله اصلك ياعم
حبني وحظني لصدرو
عم نواف هم حبني وحظني وكال
هلا برفعه الراس هلا بابو شعلان
هلا بيك ياعم شلونك شخبارك سمعت بك مريض
كبر ياولدي
ابتسمت وكلت
العمر الطويل ياعم
سلمت على الواكفين كلهم دشيت المجلس عم مهنا گضبني وكال
اكعد بمجانك
هزيت راسي وكعدت بمچان ابويه دارت الگهوه شربت اثنين اريد اصحى من التعب عم نواف سأل
شخباركم ياولدي
بخير ياعم النصر گريب بأذن الله
ياالله نصر من عندالله وفتح قريب
ولد مله من ربعنا كال دحكت له جن اشوف به عم حميد كمل
الله ينصركم ياشيخ عليهم ويحفظكم من كل شر
امين يارب
الكل رد ابتسمت له وكلت
شخبار الجامع مله محمد كمل لو لاا
تعمر ياشيخ بفضل الله وبفضلك
الحمدلله اكو شي ناقصكم گول عيوني لك
لا ياشيخ ماقصرت والله كلشي جهزتو وماخليت به نقص
الحمدلله كلو من فضل الله وحنا مسخرين
لهل الشي
اي الله يوفقك لعمل الخير على طول
امين يامله
كمت كامو معي كلت
اترخص منكم الاهل ينتظروني وهم اريد اشوف الحجيه
مرخوص ياشيخ
سريت معي عم مهنا وولدو زيد سلمت ورحت لدار اهلي
دشيت امي تفتر بالمطبخ شافتني كالت بفرح
هلا يمه كاعده انتظرك تجي
هلا بالغاليه
حبيتها من راسها حظنتني وكالت
عش هالغيبه يايمه تره ماظلي غيرك انت الي اتغزر به عگب ماراح ابوك
يااابه
شعلان اجه يركض شلتو لفوك وكلت بضحك
هلااا بالغالي هلا بولدي السبع
حظني وحبني من خدي وكال
هم راح تروح
ابتسمت له حظنتو وكلت
لا كاعد شهر يمك
هيييي
صرخ هاجر اجت كالت
هلا ياخويه الحمدلله على السلامه
الله يسلمج ياخيتي
حبتني من جتفي گضبت راسها وحبيتو كلت
شلونج يولي
بخير
صفنت عليها ضعفانه وجن مالها خلك
دحكت لامي عاكد حواجبي صافنه لها
تعال بدل يله شلون تطلع لابوك بهالهدوم
ههه هذا شلابس
جنت اريد اغسله وسمع صوتك
يله بسرعه روح اغسل وبدل حتى نتعشه سوه
اااي
صرخ گاد هاجر يجر بها
امي
جابت لي مي شربتو سألتها
شبيها هاجر وضعها مايعجب
بعدين اگولك يمه
صاير شي
لا ماكو شي روح هساع سلم على جدتك خطيه
من سمعت بك راد ظلت كل ساع ادحك للباب
سريت بسرعه لها دشيت للغرفه جالسه بكرسي متحرك شافتني العيون لمعت رحت لها مبتسم وكلت
شلونج ياجده
حظنتها جسمها رجف حبيت ايدها وراسها كعدت يم رجلها ادحگ لي بحنيه
جدتي عگب وفاه ابويه ضربتها جلطه بالدماغ وانشلت لاتتحرك ولا تتكلم
كلت
شلونج هساع زينه ان شاء الله
رفعت عيونها للسما ابتسمت وكلت
الحمدلله
فرگت رجلها امي دشت وكالت
اخذج يمنا من نتعشه
اشرت براسها اي
الزين اجانا ياجده ورااح يظل شهر يمنا
رفعت عيونها للسما كمت وكلت
اروح اغسل واجي تاسولف معج
هزت راسها باي سريت للدرج صعدت لغرفتي
دشيت لها اخذت هدوم ورحت للحمام غسلت ووكفت انشف شعري من المي
صفنت مثل كل مره على جرح الي بصدري غمضت عيوني ورجعت بالماضي ليوره ذاك اليوم من ردت اذبح هيله وعلمت عليه
ذبيت حسره سندت روحي على المغسله صافن على روحي الي تاهت وضاعت عگب الصار... لهيت روحي يالحشد رغم الكل وكف
ضدي وماقبل اروح له لان جانو خايفين عليه ظليت انا عگب ابويه والشيخ من بعدو ما جان يصير اهد كلشي واروح له
لجن انا سويت هذا الشي حتى ابتعد عن الديره وكلام الناس ردت اسكن الجوله
والفله حتى مااسمع جلمه من احد تذبحني وتذكرني
بالسوتو هيله
رددت بقهر
ااخ ولج ااخ ذبحتيني دمرتيني هيله من حسبي
الله عليج انتي وذاك الردي الغدار فضحتوني من حسبي الله عليكم
شهم مالكيتو ولا لزمت علي اثر مدري وين راح جن صار شبح شلون عبر السيطرات وماعرفو هذا الشي خبلني وخلاني احس بالعار لان مااخذت ثار ابويه بهالسنتين
ااخ ولك لو تگضبك ايدي الا احرگك بنص داركم وابرد نار گلبي المشتعله
عگبت ليوره شمرت المنشفه بضوجه طلعت من الحمام رحت للميز مشطت دورت دكم الدشداشه الجوزي ماهي بالعلبه مالتها
فتحت الجرارات دورت بأخر وحده كلت
وين رحتن
جريت علبه جبيره فتحتها دورت بها صفنت وطلعت كلاده الحجاب الي لبستها لي هيله صحت بغضب
شسووين هينه ومن خلاج بهالعلبه
اخذتها ورحت اريد ازتها
بالسله وكفت من تذكرت بها كلام الله لميت قبضه ايدي عليها طلعت بها
هاجر تريد تنزل كلت
خيه هاج ضمي هاي بأي مجان
اخذتها مني صفنت علي
عرفت هي لمن لجن ما تكلمت شي
نزلت لجوه ابني يلعب بالصاله بسياره على كده شافني كام اجه گضب رجلي وتحندل بها ابتسمت وكمت اجر بها وهو خربان
ضحك
دشينا سوه للمطبخ جده به ادحك للتلفزيون شعلان راح له كعد بحظنها گضب
يدها يفرك بهدواه
شوفو يازين هاي يشوف هاجر والمره الي تجي تفرك لها كل جم يوم وتعلم منهن
جده ادحك له بحنيه هو حب ايدها ونزل اجه يمي وكال
يابه
ها شعلان وش تريد
اريد اروح ملاعيب
اسكت صارلو فتره شاد يريد يروح لمدينه الالعاب وكتلو بس يجي ابوك اخلي ياخذك
ادلل شيخ اودي وتامر امر
هييي
كمز بفرح هاجر اشرت له وكالت
يله تعال اكعد وتعشه
اي هاجر
ولك عيب كول عمه
نوو
ههه هاي منو علمك عليها
عبدالله ولد الهنوف كلما يجي يعلمه شي
صدك خلي يجن البنوات باجر لان راح اذبح لابويه واسوي غد
