رواية الإرهابي وذات النقاب الفصل الخامس والخمسون بقلم ام غايب
وَجَدتُ الحقد في المُقربين ،، اكثر من العدو. 🖤
انصدمت من لزم السجينه بقيت صافنه علي وبهاللحظه انفتح الباب .....اباوع كومه زلم وزيهم واحد مكافحه
سلمان-حاول يعتدي عليهه واني ردت اوخره تضاربنه وبعدهه صار الي صار
كبل درت وجهي علي بحالة فزع متوقعتهه منه ابداً
وراها باوعت حمصه وراهم انصدمت اكثر جنت متوقعه وياهم من البدايه الحقير
ايدي جان بيها دم باوعت عليه خفت نزلتهن ما احس اله اجه بأتجاهي
وين و منو انت
حمصه:- اني ابن عمه و بقه يباوع عليه دايخ او يمثل لان احسه مستوعب صرت ما اعرف مشاعر الإنسان الحقيقيه غطيت ايدي كلشي صار سريع فجاءه لكيت نفسي بالتحقيق و ممتفقين اني و سلمان شنحجي لان رأسا اخذوني حرت شحجي
_شلون صارت الحادثه متحجين
فلك:- بقيت اباوع عليه بتردد سولفتله من طلعت لحد ما وصلت مكتله ع الفيديو كتله يساومني ع ابني
الضابط:- يعني بارادتج رحتيله لعد ليش كال اعتداء
فلك:- دنكت راسي ردت احجي ويا ع ابني
ما اعرف صدقت افادتي كلت صدقه دخل سلمان ما ادري بي
اول مطلعت صار بوجهي حمصه تقرب عليه
حمصه:- شلون صار هيج شلون تروحين مكاعد افهم و سلمان
فلك:- ما اعرف سلمان شجابه بس بمكن سمعني بس انت شلون اجيت فهمني انت واحد منهم و الشرطه منو بلغهه غيرك
حمصه :-انتي مال واحد هيه يرضع اني من اجيتي لليوم اراقب المكان الي تروحين بي مو علمودج علمود صديقي
صفنت و عفته يحجي وحده و سلمان دخلوا
اه يا عيون اصبحت تبحث عن الالوان فالسواد هو محيطها ما اصعب ان تكون الحياة عبارة عن احداث قاسيه ،يراودني الحنين الي الماضي اغمض عيني هاربه من واقعاً ابشع من الجحيم ... سواده قاتل مرعب تذكرت نفسي طفلة لم تعش اي طفوله وجدت نفسي ايضاً اغرق ، الم يكفي ياحياةُ قسوةٍ ،الم تري تلك الصغيره الحالمه ،ركزت على الحالمه واغمضت عيني من جديد ... ان لم يكن للماضي والحاضر شيء جميل ... ساهرب بحلمٍ لطيفٌ وردي يناسب طفله وفتاةٌ لم ترى سوى الدموع .
جانت هيفاء واحلامها على بالي غمضت رجعت الاخر يوم من جنت منتضره حسين يجي ومتشوقه اشوف الهديه جنت بسيت النوم الاسود والحمره الي جان رايدهه جهزت نفسي ورحت اشوف علي النايم توني دنكت ابوسه
_هو حجي وياج ،مو كتلج الف مره تحجيلي حجاهه بنتره
فلك .. فتحت عيني مقهوره جنت فرحانه باوعت حمصه باوعت بحزن وحقد بنفس الوقت لان كعدني
حمصه .. تعرفين لوما سلمان كايل اني جان شصار بيج
فلك .. انتَ شعليك حمصه ها انت منو ... من كلت حمصه اتذكرت من عاط بيه لان كتله هيج اسمه ... كتله اقصد ما اعرف اسمك يعني شكلك
حمصه.. للمره الالف احمد ... ليش تروحيله برجلج
فلك.. اكتله واخلص منه
حمصه .. ليش مكلتيلي جان محجيته جان خليته الموت يتمنا
فلك .. ماريد احد يتورط بسببي ... انطيت خبر الشاهين
حمصه.. مو بعنيج اني
فلك.. باوعت بحديه علي
حمصه .. خوما ... شلون طخج ... اقصد شون دخلتي قبل فتره الي وكفتي ادخل من شفت سلمان وراج الصراحه ،فكرت بعقلي عندج شي انت وياه
فلك.. باوعت بحديه شلون يعني عندي شي صدك متستحي انت وردت اروح وخر اوكف بغير مكان كلي بس لحظه عفته ورحت الف
مكان وكفت ... اني منهاره و هذا الانسان خبلني .. مو طبيعي لا اني الحلمت و فرحت بالتخيل و الاحلام خلاني لا اني الضايجه مضوجني اكثر فجأه رجع وكف كبالي
حمصه.. ضجتي ... لعد من كل شويه تتهميني اني خاطف ابنج و اني واحد بلا غيره متحاسبين نفسج
فلك .. اني متهمتك معندك غيره شوكت هاي عفيه انت شتريد مني زهكتني
حمصه .. انتي صار كم يوم منايم علمودج لان اعرف بيج متورطه وعندي شك بشغله
فلك.. بنتره ممتورطه وما اعرفهم واصلاً دايخه اني وماكو هيج شي غلط شكك كتلك مو اني
حمصه .. ليش اني شكتلج وليش هيج توترتي
فلك .. والله اذا متوخر من يمي هسه الم الناس عليك واكول يتحارش
حمصه.. دسويهه
فلك.. وتهدد هم
حمصه.. كتلج دسويهه .. هسه صارت تهديد
فلك.. بها للحظه كبل حمصه مشه باوعت علي شفت ديروح باتجاه سلمان طلع من التحقيق والي ويا خالد ضايج كبل دار عليه حمصه
حمصه.. فلك لو شيصير متكولين اني فهمتي ... لو شيصير سلمان خالد ميعوفه هسه ولا احنا نعوفه بس انتِ يدمروج حتى شرفج ياخذو وفهميهه
كلمات سريعه كالها زيدت الخوف بداخلي بقيت اباوع على سلمان بحزن ،انكسر خاطري و جعني كلبي علي ... شلون كال اني كتلته شلون اردله هالمعروف هو يا معروف هو غير سوه شي مستحيل احد يسوي غمزلي وهو يمشي راح علي حمصه
سلمان .. خالد ممقتنع
حمصه.. نصي صوتك ليسمع .. زين سويت سلمان تعرف اني لو انتَ مراح يبقونه
سلمان.. اعرف لذلك حجيت
حمصه.. بابتسامه بطل سلمان وابو غيره .. اول مره اعرف انتَ ارجل من الرجوله كلهه
سلمان .. شكد فاشل طيح الله حظك
حمصه.. لك بابا كتلك ارجل من الرجوله يعني رجال وهم بعد ارجل
فلك .. جنت اباوع عليهم قريبه اسمعهم من يحجون اول مره اشوفهم حلوين ... ابتسمت بداخلي على سوالفهم .... ما احس اله خالد كلي
خالد.. ام علي تعالي ...
فلك .. كبل دار حمصه من شاف سلمان يباوع بتعجب قرب علينا ردت اروح كاله
حمصه .. وين ماخذهه
خالد .. انت مو قدمت شهادتك شكو باقي
حمصه .. ابو محمد اني اعتبرك اخويه الجبير وكاعد اتقبل كلشي منك بس الكلشي حدود
خالد .. ام علي تعالي ورايه وانت ارجع البيتكم ما اريد اشوفك خاصه بهذا الموضوع
حمصه .. تعذرني خويه من يجي خضر بالسلامه بذاك الوكت متشوفني متدخل بس مادام شي يخص اخويه تعذرني
خالد .. اطلع ماالكاك
فلك .. كلي يلله ام علي باوعت على حمصه ... وخالد مشه خطوات كدامي بقيت عيني بعين حمصه
حمصه .. غطي شعرج كم شعرايه طالعه من الشال .. وديربالج يستفزج وتعترفين لان سلمان دون اقواله هو ضربه
فلك .. هزيت راسي ب اي بس خايفه كلش دكيت الباب بعد مكلي الي واكف قريب من الباب ادخل ، بس هم دكيته
خالد .. كل هالوقت تمشين هالخطوات .... تعالي كعدي كعدت كباله جان يدخن كتله
فلك .. حجيت الي صار
خالد .. ممقتنع وما اقتنع ... واصلاً يكون بعلمج سلمان اعترف وكال الي صار
فلك .. واني هم كلت الي صار ليش تريد مني اغير اقوالي
خالد_ابتسم وطفه جگارته بالنفاظه... تعرفين انتي صار شكم سنه أحقق ويا إرهابيين ومجرمين ووووو... أشكال وميعبرن عليه سوالفهم عاد انتي ام علي اني ماضلمج ولا أگول اخويا شلون يعترف لان اخويا رجال...
انتي شايفه ذولي الي داير مداريج حتى أحمد زلم معدله احمد حاله حالهم بالنسبه الي بس اني ماأحب لمتهم وراهه مصيبه وهسة انتي دتلعبين على الاوتار
فلك_مفهمت
خالد_اعرف شنو وراء النقاب... ومااسمح لاخويه ينسجن بسبب انسانه مثلج ورطتي فواز
فلك_انصدمت من كلامه ولساني انربط معناهه ويا فواز هو
وانت ورى البدلة العسكرية ضام روحك ومسوي روحك ابو الإنسانيه...ابني وين
خالد_تعوفين الشباب لا والله اذبج بالسجن ومأخليج بأي واحد
فواز الي فأر الدنيا فر قشمرتي... هسة جايه................. تستخدمين جسمج شتريدين انتي مو جان عندج رجال... وشفت صورته گعدي وسكتي
فلك_انت شگاعد تحجي شنوا فواز شنوا خطر منوا الخطر ليش اني شسويتلهم انت وصخ هما اهل غيره واني اشرف منك ومن فواز... بعدني احجيهه بجيه گام رگع الميز بجف ايده اني فزيت
خالد_هاي ويا منوا تحجين انتي
فلك_رغم خايفه بس ماتحملت ومااگدر استسلم هسه گتله عليك انسان بلا ضمير فجأه صار گبالي عيونه بركان هائج اصيح والله گتله والم الناس... بهاللحظه اني مميزت خالد ظابط مو شخص بالشارع تهجمت عليه من جاب سيره شرفي
خالد_تردين تحقيق انتي الظاهر
فلك_لو تموت متطخني وتأخذ شرفي والله اكتلك مثل ما كتلته
خالد_مااحس ألا خنگني... لج اخذ شرف منوا... اذا انتي رخيصه اني ماأخذ ليش كم واحد محقق وياج لو... بالتحقيق تگوليله اريحك بس تعوفني... لج الف وحدا بالشارع لج عندي مرا انتي بيش الكيلو وكلتي صديقي وهسة اخويا
فلك_عافني اخذت نفس... خليت ايدي على صدري... دار الابتوب الي گباله
خالد_هذا الي بسببه ضحكتي على فواز طلبتي منه يخفي مقابل تداري لحد مايمل الغبي... واخويا هسة الغبي الثاني
باوعت الفيديو مال عذراء شگد اكره روحي من اتذكر ذاك اليوم وهسه اشوفه بس مو وحدي شگد اقرف من روحي
خالد_الله وكيلج فلم***** شاف چسمج غريتي ماعرفناج الحد هسة تحبين ولد لو بنات
فلك_
يأرض انشقي وابلعيني ،لا خير في أمرأه بلا شرف
ولا خير في نفس تعيش ذليله،،قد ساء ظن الناس فيه،وأصبح شرفي فاللسان غنوه،تفننو في تلحينها ،صرخت بعلوا صوتي مظلومه،وهناك حفراً محفوره لأمري؛مشيت بائسه بجروحي التي لم تلتئم
ابكي واضحك والحالات واحده ،فدموعي من كثر اوجاعهه تبتسم ،
خالد .. ها شو سكتي صوتج مطلع لو دتدورين جذبه لو تكولين مو اني تركيب اعترفي ... ولا راح تضطريني اخلي تدخلات خارجيه تدخل امنه مهما يكون بينا للاسف قرابه و متدوم
صراحه دخت بيجن ميمونه تنهزم و الثانيه اعوذ بالله ...
فجأه عاط بيه فزيت شهكت و كمت ابجي
خالد .. هاي الدروب ميمشن قديمات صارن
فلك .. اني كتلته ... تذكرت كلامهم حمصه وسلمان من يكله منبقيك واخو ضابط اني ...
خالد .. كملي
فلك .. انت دتجبرني اعترف على شي اني ممسويته
خالد .. انتِ مو مال احترام ابد ... اني اعرف شلون اخليج تحجين الصدك
فلك .. هاي كله لان ما عندي سند ... هيج تسوي هنيال كل واحد عنده سند حتى اذا يغلط يلكه الي ويا
خالد .. سلمان ميسويهه ويكتل روح انتي لعبتي بعقله حتى تخلصين من الي يهددج شنو رأيج انشره واكول الحقيقه الي نكرتيهه رجلج وين فلك
فلك .. دونت اقوالي ماعدا ابني جذابين جان موجود محد اخذه وهو فواز نفسه بقه بعدين خلاني اروح رياض الهم كال اكو رساله
خالد ..وين الرساله
رياض كال على موبايلج
خالد ..وين مبايلج
فلك .. اخذته غير
خالد ..بس انت ذاكره مختفي بالتحقيق السابق
فلك .. صح بس فواز رجعه الي
خالد .. مصره تذبين تهمه على فواز .. لج بابا تعرفين فواز شنو ضابط بس يكوم على حيله ويصحه ينفيج ووحده مثلج تستاهل
فلك .. المطلوب مني شنو هسه
خالد .. تعترفين
فلك .. على شي اني ممسويته مااعترف اذا تهددني بعرضي تذكر عندك بنيه مصيرهه تشوف الي شفته بقه يباوع عليه وتحرك باتجاه الباب
خالد .. تعال سمير ... اخذهه للسجن خليهه باي مكان وحدهه كون بي
فلك.. باوعت علي خوف على توسل ولا باوع عليه اخذني الي اسمه سمير من طلعت لكيت شاهين موجود وحمصه جان كاعد اول مشافني فز مخترع وكام اجه عليه
حمصه ..شكتلح اني مو كتلج
فلك.. هزيت راسي ب لا
شاهين .. شلون تتصرفين هيج ام علي
عافنه حمصه وراح باتجاه مكتب خالد ... واني هم سكتت ورحت ويا سمير دخلوني بغرفه مدري مخزن ... يوميه اوكع بيد ناس متخاف الله وخرت نقابي وكعدت بالكاع ابجي المشكله ما اعرف على اي وجع بيهن ابجي او اي جرح اداوي كلهن ينزفن سوه كابوس اقوى من كابوس شوكت ما اعرف النهايه
مشاعري جسدي كله اصبح عباره عن اجزاء مبعثره مبقه بيه غير بس بقايا منتهكه منتهيه اكول لعل نهايتي قريبه حتى الكلمات اختفت ما اعرف شطلب من رب العالمين شنو يساعدني او يخلصني الحفر الي بيه اوكع غميجات ورحلتي طويله بيهن حسيت رجلي ترجف لزمتهن بيد وخليت حنجي على ركبي غمضت عيني
لحظه امل اجتني من صارت عيون علي كبالي وضحكته صار مجرد ذكريات حتى بصوره بهالوكت ماعندي اخليهه كبالي احضنهه
سحبت الكلاده من جوه العبايه ولزمتهه عليهه مفروض اذبهه بس لحد هالحظه مااكدر ... ولا كاعد اكدر اصدك انت هيج سويت بيه الحظه اجاني تفكير ... هو مميت ماكو جثه ... معناهه هو اخذ ابنا وعافني بيد ذولي اذا مو هو مشترك وياهم ... غمضت عيني بعصره وبجيت
ميمونه / يومين مرن ... واني انتظر عيونه تفتح ... نسيت العمليه ونسيت الوجع وكلشي ... حتى خليت غدير توديني اشوفه بالعنايه المركزه ... كالو كلشي تمام ومابي اي شي وصحه فجأة صارت عنده جلطه بالدماغ ادت الفقدان الوعي
انهاريت وبجيت وشنو الي يفيد شنو الي راح يتغير خضر احسه راح من ايدي ، ابد ميلوكله النوم .
علي / مو كافي مو زين عليج يمعوده هم يالله ترتاحين لازم نرجع ميمونه
ميمونه / وخضر
علي / انتي وراشد ترجعون بعد ايام حجزت وهم الدكتور مطمئن عليج
ميمونه / ما ارجع بدونه ليش صار بي هيج ليش ، كلشي بسببي دمرته ودمرني واحنه واحد يجرح الثاني ياربي تعبت .
غدير الحظ خلاني اعرفهه ما اعرف لو ما هي خطيه جان شسويت بذيج العمليه جان هو مثل الطفله بين ايده
توني رجعت الغرفتي ودموعي على خدي واتذكر دلاله حظنه الي من يبدلي ... امشي ودموعي تنزل
غدير / حبيبي كافي بجي يصحه وتعدي
ميمونه / متعرفين انتي شنو اضيع بدونه
غدير / يكوم ومتضيعين
ميمونه / احس نفسي ضاق كلش واجت بعيوني فلك ... خليت ايدي على صدري ووكفت
غدير / ميمونه شبيج
ميمونه / فلك مو زينه
غدير / منو فلك
ميمونه / اختي فلك مو زينه والله زادت دموعي اصعب الاختبارات عشتهه وكاعد اعيشهه رجعت للغرفه كعدت
غدير / تخابريهه
ميمونه / بموبايل خضر الرقم وما اعرف الرقم بعدني كاعد احجي دخل راشد مبين باجي باوعت علي كلبي كبل احسه وكف لتكولهه
راشد / للاسف خضر .........
