رواية الإرهابي وذات النقاب الفصل الثامن والخمسون بقلم ام غايب
غريب انتجي عَ البيبان
مَحد يدريّ بَـ رسومي
- انه المنسي
انه التعبان
انه الملتم سواد
آلدنيا بهدومي
فتحت عيني مرعوبه باوعت ماكو احد واكف فوك راسي ماعدا صوت الطيار ينبه على التحضيرات للطيران ويوصي بربط الاحزمه باوعت مره جبيره بالعمر كاعده بصفي مغمضه عيونهه وشفتهه تتلفظ وواضح تتلفظ بأيات قرآنيه تلفتت على الموجودين كلهم استوعبت جنت احلم ...الحلم جان ...اكو شرطه واكفين فوك راسي يريدون يقبضون عليه وبنفس الحلم جان واكف بابا بعيد بس هم نظراته الي مثل كل مره عدم رضا ... نزلت دمعه من عيني ... مااعرف خوف او حزن على عدم رضا ابويه عليه الي بكل وقت يرافقني .... غلطه وحده مكاعد تنسين وباقيه حاجز بيني وبين بابا حتى هو مموجود بالدنيا ... غمضت عيني لازم ما اتوتر حتى ميحسون بيه ... الي ينتظرني هم مصير مجهول ... مازلت مطلوبه للعداله ... اي عدل هذا مااعرف ... عمي الي باعنه ادخل للسجن بسببه لان ردت اخذ روحه بعد روحنه الي اخذهه منه ... وشرفنا الي خلا عرضه للزلم يستعرض بي ... تعبت من الحياة صعبه كلش ... اصعب من الصعوبه كله ... كلشي سيء يصير ....
وفلك الله اعلم شصاير بيهه بعد ... وشنو الي ينتظرني هناك طارت الطيارة ... بس بقه كلبي يم خضر مااعرف خايفه يصير علي شي خايفه مااشبع منه ... لو مخليتهم يسافرون همه اول افضل الي ... لو خضر موجود مستحيل يخليني اسافر وحدي ... طول الوقت بقيت خايفه خاف يصير شي ويكشفوني اي صوت اي حركه افز ... واتوتر ... واخرهه من هبطت الطياره
فلك / قربت روحي اكثر على الباب وتوترت ... جنت شاكه والله ...
شاهين/ اانت هم ... متحجي فهمني شبيك سكتت
حمصه/ يستاهل
شاهين/ لك ضابط حيوان ضابط شلون تسوي هيج
فلك /ضابط شنو مكاعد افهم احجي بكلبي
حمصه /واذا نعال شنو يعني
فلك /حسيت او سمعت صوت الطبله مثل العثر بيهه واحد وصياح شاهين بارز
شاهين/احنه انطيناك مجال هواي انتَ منو حتى تكول يستاهل
حمصه /راد ياخذ شرف بنيه شنو الي يخليني اتراجع او اتندم
فلك /ابتسمت لا ارادياً وخليت ايدي على عيني وين راح بالي اني ... مااعرف ذولي الشباب ساعات احس عدهم رجوله مو طبيعيه تخبل وساعات اشك بيهم ... همه سبب مااعرف دخت ... بنفس اللحظه تذكرت ابني شلون بيه صار كم يوم وانت بعيد عن عيني ياروحي شخبارك هسه ونايم لو كاعد جوعان لو عطشان حفوظتك من تضايقك شلون بيهه عفتهم اكتفيت ماريد اسمع اي شي ... اجه بعيوني وكلبي ورم وروحي راحت حسيت اريده هسه بعد خلص مااتحمل حراكه ... دمعتي نزلت واني امشي للغرفه تمددت وطلعت الموبايل واباوع بصوره ومقاطع الفيديو مالته هو وابو اشتاقيتلهم حتى انتَ ياحسين اشتاقيتلك رغم كلشي يصير بيه بسببك اذا مو انتَ اساسه
............................
حمصه / اني ومخايف شاهين واحد ساقط راد يعتدي عليهه ومو بس هيج سلمان بالسجن بسببه شتريدني اخذله هديه واروحله للمستشفى
شاهين / لا تروحله ولا تاخذله صخام تنجب وتكعد
عزوز / ليش يكعد شنو نسوان وتتجتف
شاهين /بصدمه ... بس لا ... لك عزوز ... لكم انتو تريدون تخبلوني لك ... كله منك انتَ والله فلا تبطل سوالفك حقه خالد والله حقه تمشي وياهم على ضياعهم لك انتَ ماكو عقل براسك والله
حمصه / يابه اني اسف ... بعد مااخرب ولا واحد منهم ... ساقط وواحد فارغ والي يمشي وياي اضيعه ... عزوز مااريد اشوفك بعد
شاهين /هو هذا انتَ غلط ماغلط يبتلي الواحد يحجي وياك هو انتَ كلك اغلاط تقبل او متقبل وعديم عقل ومتأثر بأخوانك انتَ شتفرق عنهم ياهو وهوه شي وتلزم المكص شنو هذا المكص انوب جديده ... بعده يحجي شاهين راح حمصه باتجاه الباب
شاهين/ ووين مولي
بدون اي كلام ... فتح الباب وركعه حيل بعصبيه
شاهين /طبك مرض والله لو اخليك تضيع نفسك وتضيع الي داير مدايرك لو ميعجبك
من واحد يحجي مثل الزعطوط يزعل
عزوز : انت هجومي
شاهين : انت تنجب وتاكل نعل... وهجم على عزوز ولزمه من زيج تشيرته
انت شنوا النوب هاي جديده وينك وين هالسوالف ولك اموتك بيدي اذا شفتك بعد تروح الهاي السوالف لكم انتو منو حتى تشوفون نفسكم وشون سوالف مجرمين والله غير صايرين متفرقون عن المجرمين بشي
عزوز : كافي تعاملني... قاطعه
شاهين : متلغي ولا حرف وتروح تنطمر... وتعال شوا انت مگاعد تروح للكليه
عزوز : منوا گال ماروح
شاهين : منو گال... منو... مافد يوم شفتك مولي اربعه وعشرين ساعه ويا الفاشل حمصه
عزوز : لتحجي على حمصه
شاهين : لك انت منو حتى تگلي هيج واحجي ويا مثل مااريد واضربه هم حاله حالكم مو بكلشي معتبرين اخونه بس بوكت من يغلط لازم احسب حساب
عزوز : تصبح على خير
شاهين : وين مولي مو ميمونه راح توصل قريباً
مو تعرف لازم تصخم تروح لان مااگدر اروح اني عندي موعد ويا ولد جايبلي معلومات على حسين وحذيفه وفوزي
عزوز : تگول لتدخلون روحكم وتصيح وانت لعد مو گاعد تشوف ناس على نفس البنيه الي احنا رجعنا حقها
شاهين : فواز صخام ضابط واني اتصرف بعقل مو مثلكم حالكم حال الحيوان بدون تفكير تتصرفون متحسبون حساب الناس ألي تتأذه بسبب هذا الموضوع أو للبعيد
فواز مصارله شي ولو صاير فلك لوسلمان اذا بقه على أعترافه حتى أعدام يمكن ياخذون لان سلمان متهم هسة بمحاولت قتل
عاف عزوز فجأه بحدية گال
عاف عزوز فجأه بجديه گال
شاهين : بس لا استغفر الله يم حمصه
عزوز : شنوا
شاهين : السويج... شوفه راح بالسياره لو بدونها بكيفه حضرة جنابه حتى ميگول
عزوز : والله ماتدري شگلك هسة شنوا اروح للمطار لو شنوا
شاهين : بس كون تعدي على خير... روح هسه والله تعبت مااعرف المن التفت لفواز لو لميمونه لو لخضر الي راح يجيبو هسه فاقد الوعي
..............................
ميمونه : وصلت وعديت وجنت ممصدگه وعديت لان نفس الي طلعنه ودافعلة فلوس خضر... رجع من رجعت تواجد هو ورايه وين مااروح بالمطار لحدما اخر شي طلعت من الباب تقرب عليه وگلي الحمدلله على السلامه باوعت عليه وجاوبت
الله يسلمك
_ خضر وين لعد بعد الحساب مموفي بعد نص المبلغ المفروض اليوم استلمه بعد مااعبركم شنوا يضحك عليه والله نفس الي عبروج هسه بدون ميحاسبوج اخليهم يرجعون يقبضون عليج خاف تهمتج ذيج محاولة قتل تنضاف وياها تزوير تفتهمين
ميمونه : والله غاب عن الوعي... وبقيت احجي الي ان گوه قنعته يصبر كم يوم او هسه من ارجع احجي ويا ابن عمه ميگول شي
انصدمت ومااعرف صدگ لو جذب كلامه عن طلبه لخضر
وراهه لگيت عزوز واگف... اول مشافني تقرب عليه وطلع يعرف الي متفق ويا خضر تقرب عليه
عزوز : الحمدلله على سلامه خويه
ميمونه : الله يسلمك
عزوز : بس لحظه اوگفي هنا خلي اشوف هذا وديأشر تقرب عليه يريد
ميمونه/راح اله سمعته هم فتح وياه موضوع الفلوس... خليت بالي يمهم يريد منه عزوز وكتله اني اصبر
عزوز/كتلك الوضع متأزم هسه منين اجيبلك وخضر فاقد الوعي حتى ما اعرف شكد تطلبه
_والله مشكلتكم اريد الفلوس لا اسجنهه وكتله التهمه تزيد شلون كلي ارجع اطلع من المطار الفلوس بيدك تصير ممتفقين هيج
عزوز/تبلغ على نفسك انت تزور
_لتهدد احسن الك عندي الف طريقه ابلغ بيهه
عزوز/واحنا نكول الي زور هذا وننطيه عناوينك
_لتهدد احسن الك لحد الان متعرفني منو وشسوي... اليوم مالكم طلعه منا اذا متجي بيدي الفلوس سمعته اصر رحت
ميمونه/توك قبلت وكلت اصبر
_هسه بدلت ميعجبني اصبر... منيلي صبر اني حتى اتحمل متجيبون الفلوس اليوم وعندي الف واحد يطلبني اريد اوفي
ميمونه/احنه بوضع صعب ياريت
_شعليه اني بوضعكم
عزوز/هيوو احچي عدل لك من تحجي وياها... وانتِ لتحجين بعد شنو منو هو حتى تحچين وياه
ميمونه/صار الكلام حدي بينهم عزوز الا شويه يضربه... وكل ما اريد احچي او اتدخل يخزرني شفت بي خضر
نفس ردات الفعل عدت على خير كوه
بعد الهبطه والخوف...اجرلنا تكسي محچينه لان ابو التكسي غريب ومنكدر نتطرق لموضوع وداني لغير بيت خالد
جنت طول الطريق شايله هم شلون التقي بيهم نزلت من السياره...وهو نزل
ميمونه/شنو مغيرين البيت
عزوز/لا بيتنه هذا اختچ هنا فكلت اكيد
هنا لازم تجين
ميمونه...باوعت بصدمه،،،،فلك،،،فلك هنا،،،شتسوي وشجابهه بخير هيه شصاير فدوه
عزوز...بخير بس زوجهه توفه خطيه
ميمونه...كبل دكيت على صدري نسيت حته عمليتي توجعت بس رجلي كامت تتسابق اريد اوصل الهه اريد اخليهه بحظني سوده عليه عرفت بيهه شي طول الوقت ينغزني كلبي عليهه ردت افتح الباب منفتح مسدود دكيته حيل هوه كبل سحب الحبل مخلي بالباب بالرزه اول مره ادخل بيتهم ....ماعولت الوح الباب الثاني صارت بوجهي ام عزوز اعرفهه بس قليل مختلطه بيهه حتى مسلمت دموعي تصب كتلهه وين فلك
ام غزوز...بالغرفه مال عمتج ام شاهين
ميمونه...وين الغرفه اول ماشرتلي عليهه رحت باتجاها سريع فتحت الباب بدون مادكه جانت نايمه بس هي بالغرفه رحت عليهه اباوع وابجي عيونهه داير مدايرهه متحاوط سواد شويه انتبهت علي لان ابد ماعدهه سواد جوه عيونهه ومبين عليهه القهر والذبول على وجهه مبين جنت اريد اشبكهه وابجي مادري بس من شفتهه مكدرت اكعدهه مبينه كوه نايمه من وجهه كعدت بصفهه اباوع عليهه،،،لذلك اجاني بنفس النضره بابا هم يحملني السبب ياريت خضر عايفني اموت اي واحد بيكم يصير بي شي اني المذنبه تعبت تعبت من كلشي ياريت محبيتك جان ولاشي من هذا الي كاعد نعيشه نشوفه جان كل واحد بينه ملتهي بحياته الهادئه البسيطه،،،لو مو اني وانته جان فلك منجبرت تنباع لحسين ولاجان انته هسه نايمه وممعروف وضعك
فلك...فتحت عيني فجأه فازه من حلم بشع مخروعه ماعرف الحلم جنت ادور على علي وماله اي اثر فزيت واني تعبانه بالحلم والواقع بعد اكثر تعب
كبل نزلت دموعي من شفتهه
ميمونه علي راح
ميمونه :- اول مفتحت عيونه بعدهي دتحجي ذبيت روحي عليها و هي رادت تكوم صارت ايدي جوه راسها صدمتني اكثر من كلتلي علي راح علامات الاستفهام ع هذا الكلام هواي بس شلون اسألها
و هي مثل السمجه المزوهره بين ايدي و شلون اصبرها و اني مفاهمه كال عزوز زوجها مكال ابنها بقت تردد علي راح و اني احترك كلبي و دموعي يصبن شلون حادث لو شنو اسال روحي و كلبي مملوخ ع هالكلمه
فلك :- ابني راح من ايدي لج ميمونه نار بصدري لج صارله هواي بعيد عني ابني اخذوا مني
ميمونه :- منو أخذه منج
فلك :- ما ادري ما ادري ميمونه يالله راح اموت لج يا راح اموت والله ميته اني والله ما اكدر بعد و ما اتحمل اريده اريد ابني ميمونه خطفوا مني ما ادري رياض لو فواز لو منو ما ادري كل الاعرفه راح اموت بعد ما اتحمل
ميمونه :- اسم الله عليج حبيبتي
فلك :- ميمونه اني راح
ميمونه :- شبكتها حيل و ابجي و هي تسولف و تبجي ساعه يعلي صوت بحيها و ساعه تحجي بحزن و حيل مهدوم حجتلي كل الي صار وياها زيدت تانيب ضميري و الاصعب جان شلون هي صاير بيها هيج و اني بعيده عنها كمت امسح ع راسها احاول ما ابجي و اكتمها لدمعتي و لصوتي
فلك : ليش هيج احنا يصير بينه شمعنا... لان ماعدنا فلوس لو لأن دورنا طول عمرنه الستر
ميمونه : وجعني سؤالهه وهيا تعرف جوابه او دتگلي بسببج بس تريدني انطقها
نطقتها لأن الحقيقه كله بسببي
فلك : صح... بسببج هاي
و طفولتنا وحياتنا منو سببها غيرج منو يتحمل مسؤليتها وحظنا الي أغبر هاي البنات كلهن عايشات طبيعيات ليش احنه من دونهن قافلة الحياه ويانه
ميمونه : الله كاتب نعيش كلشي عشناه قبل لا اني اتزوج خضر او اقصد انهزم ويا جان مكتوب وكلشي عشنا قبل جان لازم نعيشه
فلك : معناهه هم مو انتي السبب... وبجت بحرگه
ميمونه : زين حسين مو چنتي تگولين يحبج
فلك : يجذب عليه مستحيل يحبني شلون جنت اصدگه وله اگلج شصدگ حبه جذبه مني اني اخترعتها هو جان يحب جسمي راحته وياي
وحبه الي بس بالفراش اذا جان هم... وخلت أيدها غطت عيونها وتبجي
ميمونه : محسيتي بي شغلة خطير
فلك : ابد ولا مره بعيني شلون جنت اشوفه مثالي
ميمونه : الله يرحمه وشگول غيرها وشيفيد زين هذا ليش مبلغتي
فلك : غير فواز ويا نعال رياض وهذا ضابط الله ياخذه ابني راح مني حسبي الله
ميمونه : زادت حسراتي ودمعاتي گتلهه زين خالد مگتيله على علي مدام تدخل مو گلتي حجينه شگال
يحجي يريدني اعترف
ميمونهـ تفاجئت ب سلمان والله ابد ماانساله هذا الموقف بعدني احجي فززني صوتهه
فلكـ ـ تكدرين ميمونه انتي مو كلتي بسببي ماكو غيرج يرجع ابني
ميمونه/اني --باوعت باستغراب شنو الي بيدي ويرجع علي
اكيد بدون تفكير اسوي
فلك-بيدج والله فنج منو اخو الحقير الي ويه حسين
ميمونه/منو
فلك/فوزي اخو حذيفه وموجود جان بلكي ممسافر فدوه روحيله بلكت يعرف يجوز ويا يجوز حمصه كال يشتغل وياهم حذيفه
