رواية تسجيل خروج الفصل السادس بقلم جمانه السعيدي
طارق...رجعنا البيتنا وصلنا بليل
اتصلو علينا اهل شمس يطمنون علينا عزمونا على الغده ثاني يوم بيتهم
امي عزمتنا على العشى
الصبح اني ماطلعت من البيت الساعه وحده الضهر
طلعنا من بيتنا بيتنا قريب عليهم تقريبا بيتين اواتلاثه
اني لبست قميص وبنطرون
وشمس لابسه ثوب طويله اسود بي ورد ناعم وردي
وحجاب وردي جنطة وحذاء وردي فاتح
طالعه تخبل خليت ايدي بايدها ومشينا
وصلنا لكيناهم كلهم مجمعين ينتظرونا
وحايرين شطابخين باركولنا من ضمن الموجودين نرجس لابسه تراك ضيك اسود وابيض
فاتحه شعرها مكياج فووول
اني سلمت عليهم واني لازم ايد شمس ماعفتها
قربت نرجس تبوس شمس
نرجس....اي دعوفها مراح اطير شلونك طارق
شلونج شموسه
طارق...مارديت عليها
ام شمس...هله بيكم كل الهله تعالو كبل اكعدو هنا
على ميز الطعام
طبعا هما مطبخهم جبير جهه الطبخ وجها للكعده
مخلين ميز طعام خشب جبير وبلازمه وبراد
بهاي الجهه والجهد الثانيه المطبخ كاونتر وطباخ وثلاجه
شمس....حبيبي عوف ايدي احضر وياهم الاكل
طارق...احنا خطار اكعدي واسكتي
تعاي اكعدي بصفي
مااريدها تبعد عني حتى افوت شكو فرصه خبيثه على نرجس لان اعرفها زين واعرف سوالفها
نرجس جانت مركز ويانا حيل
نرجس...دعوفها ياعيني عوفها سحبت ايد شمس
من ايدي وراحت دخلن للمطبخ
كعدت على ميز الطعام وكعد عمي وكبالي زوج نرجس
اما علاء ينقل بلاكل
بدت نرجس وشمس وعلاء ينقلون الاكل
كلنا اجيب نرجس ماعون تخلي كدامي تشمر كلمه من جوه ليجوه
طبعا هما يسولفون والشاشه مشتغله طالع علبها دعاء
محد منتبه عليها
اول صحن خلته كدامي كالت
نرجس...صاير غير شي شنو هلتغير صاير حلو
مارديت عليها وكانما مااسمع
من جابت الصحن الثاني
نرجس....مال وحال وسياره حديثه شنو بكت بنك
طارق...مارديت عليها وكانما مااسمعها
رجعت جايبه الخواشيك والشوكات
نرجس....اي حقك ماترد عليه صرت من أصحاب الملايين
طارق.... التفتت على شمس حبيبي شموسه كملتي تعالي اكعدي هنا بصفي
اجت شمس كعدت بصفي
اجت نرجس كعدت بصفي من الجهه الثانيه
ام شمس...وين كعدتي تعالي اكعدي يم زوجج
نرجس...لا هنا مرتاحه
أم شمس.. مايصير تعالي هنا واني راح اكعد يم عمج
راحت نرجس كعدت يم زوجها صارت كبالي
دنكت واني اكل مااريد اباوع عليها اصلا اني كاره وجودها
بهذا المكان
جمانه السعيدي
كمت اخذ اكل واخلي كدام شمس
نرجس....يمه الحب يمه بلابل كاعد يوكلها
زوجها من سمع كلامها ماعجبه الكلام
رد عليها انتبهي للأكل كدامج ومالج شغل بيهم
سكتت شويه انحرجت من كلام زوجها
طبعا هيه راح تموت من الغيره
كملت اكل
طلعت اغسل اجت وراي
نرجس.. ليش جاي تتجاهلني معقوله نسيت حبك القديم بهاي السهوله
طارق....اني ماعندي حبيبه غير شمس
نرجس...ليش تكابر ايجوز تكون هاي خطه تاخذ شمس
حتى تكون قريب مني
طارق....ممكن تحترمين نفسج وتحترمين الراجل الي اسمج على اسمه
عفتها ورجعت كعدت
كعدت كبالي وتسوي حركات سخيفه مثلها
كملت الجاي
اريد بس اطلع هاي حيوانه ما تفتهم ولا جاي تحترم المكان
الي كاعده بي
من كل عقلها بعدني احبها
ماتدري اني ماابدل شمس بكل نسوان الكره الارضيه
مو نرجس الاستغلاليه
طارق...اترخص منكم صار اسبوع ماواصل للشركه
خل شموسه تبقى يمكم
عمي.. بعد وكت ليش مستعجل
طارق....لا هم يله حتى ارجع من وكت مااريد شمس
تبقى بلبيت وحدها
عمي.. الله يبارك بيك
طلعت طلعت وراي شمس
طارق.. تردين شي حبيبي
شمس...كلشي مااريد بس لا تتأخر عليه
طارق.. العشى بيت اهلي اني اجي اخذج ونروح عليهم
رفعت عيني لكيت نرجس تباوع علينا من شباك المطبخ
طلعت وطبكت الباب
هاي شلون ورطه شلون راح اخلص منها ما ناويه
تعوفني بحالي
المشكله عيالها ناس محترمين مايستاهلون وحده حقيره مثلها
رجعت بعد الأذان اخذت شمس ورحنا بيت اهلي
لكيت خواتي جايات هنا وجهالهن
كعدنا اتعشينا وبقينا للساعه عشره يله رجعنا للبيت
جمانه السعيدي
بليل حبيت اسئل شمس شلون العلاقه بين اخوها ونرجس
لان حسيتهم ما منسجمين
طارق...حبيبتي اريد اسئلج
شمس...اي اسئل
طارق. .اخوج مزوج عن حب
شمس... الصراحه هيه الي ركضت ورا منا لمن اقتنع وازوجها
طارق...مرتاح وياها
شمس....لا ولله دائما مشاكل بينهم هيه تكول مايحبني لان ماعدنا اطفال
وهو يكول اني مايهمني الأطفال بس هيه مافاهمتني ابد
كل همها الفلوس والسفرات والطلعات
انانيه تحب نفسها وبس
طارق...هاااا
شمس...ليش تسئل
طارق... ماشفت بينهم كيميه ولا علاقه تفاهم
ماكو اي لغة حب بينهم عبالك مامزوجين
شمس...هيه هاي علاقتهم من زمان
جمانه السعيدي
ثاني يوم من رجعت من الشغل بليل
فتحتلي الباب شمس لابسه ثوب ابيض قصير وفاتحه شعرها
حضنتها من الباب وشلتها من خصرها
وهيه تعلكت بركبتي
طارق... هله ياروحي انتي لو تعرفين شكد مشتاقلج
شمس...واني الاشوق بعد لا تعوفني بلبيت اخذني وياك
مشيت دخلت للبيت واني شايلها
واحجي وياها
طارق...اني الي اجيت اعرض عليج هيج عرض
جان تطلع نرجس كدامي كاعده بلمطبخ على ميز الكعام
اني شايل شمس وابوس بيها صارت كدامي
وكفت بمكاني
كاعده على الكرسي لابسه ثوب تول اسود
طالعات اديها وصدرها حمره حمره والشعر مفتوح
بس شافتني ( غمزتلي )
نزلت شمس
نرجس..هلو طارق شلونك خوما ضجت لان شفتني
اجيت ابقى ويااا شمس لان وحدها بلبيت
طارق.. اهلا وسهلا
لزمت شمس من ايدها ودخلنا غرفة النوم
طارق...هاي شعدها هنا
شمس...مثل ماسمعت جاي تكعد وياي
طارق...مااريد اشوفها بيتنا
شمس...ليش
طارق...ماارتاحيت الها
شمس.....ليش ماارتاحيت الها شلون اطردها يعني
طارق...مااعرف اتصرفي مااريد ارجع والكاها بيتنا مره ثانيه
شمس...اي غير افهم ليش
طارق...بدون سبب ممكن تنفذين كلامي بدون ما تسئلين
شمس... خل اطلع هسه لان البنيه وحدها برا عيب
طارق...غيرت ملابسي وطلعت شمس جهزت الاكل
كعدنا ناكل وهيه بدون اي احساس كاعده ويانا غير عرسان جدد شكو حاشره نفسها بلنص
فعلا وحده بلا احساس
اكل واني ساكت
شمس...اي حبيبي اليوم ماحجيتلي عن يومك
طارق.. ماصار شي نفس كل يوم
نرجس... اي اريد اسئلك سؤال .هاي الشركة ورثتها من ابوك
( عود تستهزء بيه يعني انت فكر ميلك شركه سفر وسياحه )
طارق....هاي الشركه من فضل ربي عليه اشتغلت وصار عندي شركه
نرجس...هيج بكل سهوله اقصد اكو ناس تشتغل سنيين وكلشي ماتكدر تحقق
طارق...اذا رب العالمين راد يرزق العبد مايحتاج سبب
نرجس....اي بلخير عليك
طارق...كمت من مكاني رحت بلصاله وعفتهن بلمطبخ
شويه دخلت نرجس عليه جابت الجاي واجت
كعدت كبالي
نرجس...تريد تقنعني انت نسيتني ونسيت حبي
وتحب هاي العوبه
طارق...من رخصتج
عفتها وطلعت رحت الغرفة النوم وقفلت الباب عليه
خاف تجي وراي هاي بلا اخلاق ماعدها مانع كلشي تسوي
ساعه تقريبا دكت الباب شمس
شمس...ليش قافل الباب
طارق...بقيت بلشورت وخفت نرجس تجي وراي
اسمعي شمس انتي تعرفين اني شكد احبج واموت عليج
شمس....اي اعرف شكووو
طارق...ممكن اثكلين وجهج على نرجس واذا ما تفتحين الباب الها يكون احسن
شمس...ليش
طارق...بدون اي سؤال مااحبيتها بعدين شفتيها شلابسه
شكلها وحده بلا اخلاق.
هذا ثوبها مال غرفة نوم مو جايننا بي
شلون كاعده كبالي بكل ثقه بهذا لبسها
شمس...هيه من ازوجت هذا لبسها
طارق...اخوج ماعنده مانع تطلع هيج هذا لبسها يخزي
شمس...اخوي وين شايفها اغلب الوقت مو بلبيت
ومرات يسافر شهر وثنيين علمود شغله
واحنا كلنا مانكدر عليها
وكحه ومحد يكدر عليها
