رواية دخيله الشيخ زين العابدين الفصل السادس بقلم أوتار حزينه
هيله
كاعدين بامان الله بدرانا خواتي يدحكن
للكارتون وانا اگلب بجهاز
امي الكاعدة تخيط
سمعنا هوسه زلم بره دحكت لامي
كامت وحجت بخوف
خير وش صاير
هاله طلعت ورجعت بسرعه صاحت
بخوف
يممه ذوله ولد عم الشيخ محدرين علينا من بعيد يركضون ومدري وش بلاهم
احنا كاعدين بچوله وكلشي يصير بيها
ولازم الواحد ياخذ حذروو من اي
شي يصير
رحت ارگض لغرفه ابويه جريت الرشاش
رجعت يمهن خايفات ولزگن بامي
الصوت گرب وصحت
بهن
رروحن للغرفه بسرعه
هيله ياايمه
امي صاحت بيه بخوف ورديت بثبات
يمممه اخذي خواتي وو
ماكملت زلم اثنين طبووو يرگضون
خواتي تعايطن هن وامي وجهت السلاح عليهم
واحد صاح
دخيل دخيل
صحت به
وصلت
طلعت بسرعه برق الشر صار بوجهي سحبت
اقسام من شفتو هد ومااحشمني ولا
حشم دارنا
زين العابدين
جنت فاگد للعگل والخبال دگ بالراس
خزرتها وانا اغلي من الغضب هديت اريد
ابعدها من وجهي واطلع ذوله
عارااات الزلم الي
احتمو بالنسوان رجعت ليوره ووجهت الرشاش
بوجهي صحت بجنون
طلعيييهم ولج
هيله
حدك يبن الشيوخ واعرف الحدود والعرف
زين العابدين
هديت وانا ناوي اگبرها وياهم رمت
چيله يم رجلي وكفت دحكت الها بذهول سمعت
عياط خواتها امها طلعت هي وياهن
لزمتها من جتفها وصاحت
وووج ياامصخمه عش ترمين هذا ابن
الشيخ شعلان
نفضت جتفها من امها بقوة حدرت عليه
تخزر بيه وموجهه السلاح عليه تكلمت
بغضب
اعرف الاصول والاعراف يبن الشيخ شعلان
واعرف ذوله صارو دخيل عدنا والدخيل
الو حرمتو وامانو بالبيت الي يلفي
بي
لساني تربط من شفتها رمتني وهي مو خايفهالا،،،،،انجتل جزيت على سنوني تقدمت
امها صارت بينا رجعت سحبت اقسام
ريمه لزمتها وهي تبجي امها صاحت
عگب يبعد امك عگب وابوك ياخذ حكك
منهم
حكييي ااانا اخذ بأيدي منهم ومن هااااي
بنتج
سكتت وصحت بغضب وانااا لازم شاربي
وووج هيله هذا ااشارب
مو عليه ااااذا
سكتت فگيت عيوني من جرأتها لان
رمت بالجو صاحت بي بغضب
عگب انت دايس گاع مو گاعك
الزلم اجوي يتراگضون من گاعنا ووعمها وولدو
اجوي علينا هاله صاحت
خلف والويا انهزموو من وره البيت
مادرت بال الهم عيوني على
هيله والسوته شهم وگف بصفها عيونه
عليه شاف نظراتي الها عكد حواجبو زلم ابويه
ياشيخ عگب هساع وخل الشيخ شعلان
يتصرف
الكل تدخل يريد يهدي الموقف وانا غادي نار
واخزر بذيج الي تخزر بيه بحقد
زلمنا اخذوني من يمهم نفضت ايدهم وعگبت
مااشوف طريقي من الغضب
هيله
امي انهدت بيه جدام عمي وولدو من
عگبو الزلم من يمنا
عش رميتي لزين وشبلاج تخبلتي فد مرة
عگل ماظل براسج مااشفتي من هو وابن منوو
شلووون تسوين هيج بأبنو للشيخ شعلان لو چاتلتو بمجانه جان شصار بينا
وشگلنا لابوه
يممممه ماحشمني لا انا ولا انتن راد يدش
بالگوة لهنا
جاوبتها بضوجه وانهدت بيه
اااي مو طبو ذوله المصخمين علينا وماسويتي
شي الهم عش هو رميتي
ذوله صاحو دخيل شبلاج يمه ماتعرفين
العرف والاصول
عمي صاح
يارب سترك راح تعلك بين الشيوخ من ورة قله
عگل الشباب
هم عالو علي خلف وربعو عالو على
الشيخ زين شافهم غيث حدرو للگنطره وعبرو
علي تحارشو به وهو هد عليهم
وچتلهم
انت ماااعليك ابن الجلب لاتحجي ولا اتجيب
طاري الشافو اخوك
عم عايد انهد بشكر وهو خايف ريمه حجت
شلون ياعم يضم هيج سالفه اذا كعدو
لازم يشهد هم العالو علي لزين
لاااا مايشهد شتريدين يابه اعلگ وي الشيخ
صگبان تريدو ياذيني برزقي بس
اتكلم انا او ولدي راح يروح
يحجي وي صاحبو ويطردني من گاعو
استغفر الله ياربي يابه شبيك انت وليش
هالخوف تره مو بس غيث شاف الصار
اكثر من واحد شاف شلون تعده خلف
والويا على زين
اااي خلهم هم يحجون احنا ماعلينا
امي كعدت تضرب على رجلها وتلوم بيه
ابوج ماارح يسكت الج والشيخ شعلان راح يزعل
عليج لان رميتو ولدو الوحيد
زين العابدين
عگبت صاير اعصاب ومشتعل نار ماغثني
ذوله بگثر ماغثتني هيله انا ترمي
عليه اانا الشيخ زين العابدين
حرمه تصوب سلاحها عليه وتسحب اقسام
وترمي
افتر مثل الذيب المجروح بداري شلت الكرسي
ولطشتو بالحايط وانا اصيح بغضب
اااخ ولج ااخ يبت حميد لو تگضبج
ايدي مااارحمج بالقران ماارحمج
الزمج اطلع قهر گلبي بيج
اااطلع قهر السنين ذيج كلها بيج واابرد
نار گلبي
فرگت وجهي بقوه جهازي دك ابويه
وصلت الاخبار فتحت الخط
حجه بغضب
شصاااير وذوله شجابهم لگاعنا
حجيتلو الصار كلو سكت للحظه وسال
هيله رمتك
اي يابه رمت عليه لان ردت اچتل ذوله العارات
اكعد بدارك ولا تطلع وخل الحرس
حواليك باجر من الصبح انا يمك
وهينه يشيخ صگبان
اكعدك انت وولد عمك واسويك
فرجه للي مايتفرج
انتظرته يتحلف بهيله بس ماحجه شي
وصاني على روحي وراح ولا گال عكب يمنا
شمرت جهازي على الجربايه رحت
للميز هدومي مشككه من يم صدري ولاحيتني ضربه يم فجي وگصتي مجروحه،،،،
سندت ايدي على الميز دحكت لروحي
بغضب رددت باعصاب
هينه يولي اطلعها بيج انا مو زين العابدين
اذا ماااخذت حگي منج وعن گريب
انا مو زلمه اذا مااسويتها
هيله
ابويه عگب سمع بالصار سكت وهو عاكد
الحواجب جان عمي كاعد ويلوم بيه هو وامي
وشهم واكف وياي رفع راسه
وخله عيونه بعيوني
حجه بغضب
غلط السويتي ياهيله
يااابه دخيل وهو يريد يجتلهم راد
يدش البيت وماخله حرمه لو
غللللط السووويتي حتى لو جان دخيل لافي
يمج ماااتضربي بالسلاح
صاح بيه سكتت شهم تدخل
عم شتريد تسوي له دكلك يريد يدش بالگوة
عليهن وحذرتو وهو ماسمع الچلمه
ولك اااسكت انت لو مجتول ابن شيخ شعلان
جان هساع احنا مذبوحين من ابوه
ومن زلمو
عمي انهد به وسكت دحك عليه
حجيت بثقه
انتو تعرفون كلش زين ابن الشيخ شعلان
مايحشم احد تعرفون طباعو،،، وتعرفون
هو مايهمو لا عرف،،،،،، ولا حد حجيت كتلو
الزم كاعك ،،،،وحدك واعرف العرف العشائري
وهو لا دار بال هد عليه وراد
يتجاوزني ويدش دارنا وهو بي دخيل وبي
خواتي عرضي وشرفي شتريدون اهدو
اعوفو يسوي الي يريدو لاااا والله الزمو حدو
وانا هيله بنت العرب گول وفعل
اااسمع بنتك شلون تحجي ياااحميد
تريد تبلينا وي الشيخ شعلان ووج هذا رفيچو
لابوج بحسبه اخ الوو ولج ماحسبتي
حساب لزعلو وشلون ابوج
راح يشوفو وجهو بعد عمتلج هاي
مع ابنو
يجابلو وراسو مرفوع يااعم حمى دخيل
لفه بدراو والشيخ شعلان ماهوو مثل ابنو يعرف
العرف ويعرف الحدود وماااظن راح يزعل
على ابويه لان سوة هيج
شااحجي وي بنتك يااحميد وشلون راح تفض
هالسالفه ولكم هاي عدواه قديمه
بينهم واحنا راح نروح بالرجلين من وره
عملتج ياااهيله
سمعت الملامه من عمي وامي وابويه ظل
ساكت وهو ضايج شهم اشرلي كومي
كمت وانسحبت من يمهم
طلعنا بره انا ويا تمشينا صوب كراسي
بنص حديقه كعدنا هناك شكر لحكنا هو وغيث
والبنات كعدو مسافه عنا
تكلم بهدؤ
انا ماالومج على السويتي
لجن انا الومك على السويته يبن عمي
عكد حواجبه كملت بصوت مخنوك
ليش هيج سويت ياشهم ليش تروح للموت برجليك
سكت دحك للسما ابتسم وجاوبني
تخافين عليه ياهيله
مارديت دار وجهو عليه رجع سال
سالتج يبنت العم
ماجاوبت ضحك وكال
سكوتج يعني اي
شهم
ياعيونو
بطل من هاي السالفه
مااكدر هيله تطوعت وراح اسمي للوزاره وراح
التحق اسبوع الجاي
غمضت عيوني بقوه وتنهدت بقهر
سمع صوتي تكلم بهمس
يولي لاتعبين حالي تره الكاعد اسوي
لخاطر اريحج من هالگاع ودوختها وتعبها
وانا مااريد اي شي منك بس روحك
جاوبته بسرعه وسكتت من حسيت بروحي
شحجيت وجهو ضحك صفن عليه
خجلت من نظراتو كمت احجي
بتردد
اروح
كام لحيله وتكلم بصوت متغير
روحي الج وگاضبتها بايدج هاي
اشر عليها خليتها وره ضهري ضحك وكمل
وگلبي اااخ يمج حدج بين ايدج
وعهد الله بينا ماراح تاخذو غيرج ولا راح
يدك غير الج انتي وبس
اذا تحبني بطل ياشهم
جاوبته بتوسل هز راسو بلااا وجاوبني
ماعليه شي مچاني زين لايظل بالج وادعلي
كل ساع وكل يوم الله يوفقني واجمع فلوس زوجنا ونتزوج هالسن
شهم قفل على سالفه الجيش ومافاد توسلي
سكتت وامنته بايد الله يمو
ماتضيع امانه
مالك
كاعد بغرفتي ولميس يمي فرحانه بملابس
بنتنا الي جهزتهن الها قبل جم يوم
مالك شوف ذني اووي يخبلن بس شفتهن
عجبني كلش واشتريت منهن قطعتين
شوفهن يخبلن موو
اي حلوات كلش
بعد اريد اشتري لان شفت كم شغل
بمحل بالمنصور عدهم شغلات تخبل مال بيبي
اي عادي اخذي لاتخلين اي شي بنفسج
انتي وتاليا
ابتسمت وجاوبتني
يعني هاهيه اتفقنا على هذا الاسم
اي حلو وماعدنا احد مسمي هالاسم
جاوبتها زين اتصل فتحت خط جاوبت
هلاا بالزين
ملامح لميس تغيرت بلحظه من سمعت اسمه
مادرت بال كملت
هاا خير ولك شصاير
حجالي شصاير جاوبت
اي وعمي الشيخ وينه وشراح يسوي
راح يكعد وياهم دز خبر للشيوخهم
هذوله ليش مااايجوزون منكم كل فتره ومسويلهم
سالفه وومتجاوزين على كاعگم
يرادلهم ذبح اچتل واحد واخلي عبره الهم
اكعد واسكت ياچتل يابطيخ غير تصير دموم
بين الطرفين لسابع ولد هي ترابات
ويوميا واحد ذابح اللخ
من وراهن
ااخ مالك اااخ
شبلاك يول كاعد تتوجع شنو
صوابك قوي مگسريك وانت الذيب
وولك موو وجع بدن ااخ شااحجي شاااتكلم
راح اموت من وره قهري ووو
ماللك شوف ذني
لميس صاحت بصوت زين سكت خزرتها
سديت الخط بايدي حجت
بضوجه
عفيه سوالف ماتخلص وي هالزين
كمت لحيلي اشرت بايدي
ااااش
سكتت وفرت ايدها طلعت لبره واني ضايج من تصرفها كل
الوو
ها عبالك الحرمه يمك
طلعت للاستقبال حتى نحجي براحتنا
كعدت وتربعت فوك القنفه ورثت جگاره اخذت
نفس وسالته
خير شبيك وشجنت تريد ادكول
شاحجي مالك ولك موو مرة نسرة مغرورره
ياايابه لسان وعينها گويه فد مرة
فكيت عيوني وضحگت صحت
ههه ولك منهي هاااي الي خلت الزين
هيج يحجي احجي منهي
كسرت عينك
افااا اشو هيج الحجي انا محد يكسر عيني
ههه اي مبين من الاخ مالتك عليه ولك ااحجي
گلي منهي بنت عمك لااا انت ماعندك
عم ااي من بناتكم يعني العموم
لاااا وين رحت ولك فلاحه بگاع الشيخ صگبان
عكدت حواجبي اخذت نفس اللخ
سالته
فلاحه يعني تشتغل بالگاع
اي عجل وين تشتغل بمول لو بملهى
فلاحه اب عن وجد
وهاي شبلاها وياك وليش خاله راسها براسك
سكت سمعت طگه جداحه واخذ نفس
تكلم
العدواه يبن خالتي من حنا صغار
اوكف هي شكد عمرها
مدري بس يمكن 18سنه بهل الحدود
مو من عمرك يازين انت وين وهي وين شلون
ادكول من الصغر
ااوف اعرف انا شاب وهي دعسه صغيره
بس من صغرها جوتني بلسانها ولك
مالك احجي الچلمه تذبلي
عشره
هههه وتسكت يحيله امك
ااخ ولك مااعرف لساني يمها ليش يتربط
تعرف شسوت
شسوت بله
ولك رمت عليه من طبو عليها ذوله العارات
وكالو دخيل
فگيت عيوني وصحت
رمتك رمتك
اي ولك رمتني چيله يم رجلي وماخلتني
اااخذ ذوله المخانيث
افاا ولك هاي غير ذيبه انت متأكد عمرها 18
اني ماجاي اصدك هيج عمر تصرف
هالتصرف
لاااا هيج عمرها متاكد بنت مله حميد واعرفها
من هي صغيرة گويه ولسان وماااتهاب احد
وولك جتلت ذيب ذاك اليوم
ول ول صدك تحجي
اي والله راد يچتل صعب وحدرت علي مثل
الطلقه ورمته بمچانه وانا جنت عبالي
رايده تذبحو ورميت عليها چيله
مالك ولا اهتزت ولا خافت
اجتي كملت علي
وعگبت لدراهم
فگيت عيوني واني مو مصدك بنيه بهل العمر
تكدر تسوي الجاي اسمعه من زين
رديت
وشسوت لك من رميتها
سكت ابتسمت وصحت بي بضحك
قصفتك موو بله
ااسكت يامالك كالت لي صوابك مو چتال ياشيخ
هههههه
خربت ضحك الا رديت ليوره كمل
ااضحك وچمل جروحي
هههه ولك هاي لاعبه بيك فلك
محد يكدر يلعب بيه انا ساكت لخاطر ابوها
اعزو واحبو وابويه هم
هههه هاهيه اكرم الذيبه لخاطر اهلها
حشااك چلبه موو ذيبه ناقصها بس تعض
ههه ااكلك
گول
هي حلوه
سكت ورثت جگاره اللخ جاوب
ماهي حلوه دعسه والشمس چاتلتها
هههه خرب حظك اي والله هم كاعد بالچوله
وهم ماتكدر تطلع مناك وفوگاها مگابل وحده
لسان ومو حلوه
ااسكت وخليني بضيمي
زين
هااا خير
هههه انهزم بروحك خاف الوگت يندار وتگع
هالبنيه براسك
فال الله ولا فالك لو تبقى بس هي بالدنيا
ماااخذها ولااا تصيرلي مرة بعدين
هي مخطوبه وراح تزوج
ههههه الله فكك
ااكلك امشي روح الشيخ دك عليه
دروح والله يفضها على خير
سديت الخط لميس طبت وشي عادي جانت
تتسمع علينا حجت بضوجه
شبي زين وشجان يريد
اعتقد سمعتي كل الحجي فماكو داعي للسؤال
سكتت للحظه وجاوبتني
ااخاف عليك منه زين مامن وراه غير الاذيه
كمت لحيلي وجاوبتها بضوجه
زين بحسبه اخويه ومايجي منه غير كل
الخير وتره حذرتج اكثر ماتجيبين سيرته
بشين جدامي
مالك اا
لميس سدي الموضوع رحمه لاهلج وخليني
راكد بهل الليل
زعلت موو زعلت مالك لان خايفه عليك منه
خايفه ترجع لذاك الدرب بس
تلتقي بي
اكلج تره اني مو صغير ولا هو علمني علي
اني هذا مزاجي قبله فلا
ذبين البيه بابن خالتي
افتهمتي
سكتت تقربت يمي وكعدت بصفي سندت
جتفها بجتفي وحجت بصوت
ناصي
اسفه زعلتك وجنت اريد اسويلك كعده
حلوه
تنهدت بضوجه كامت كعدت على رجلي
حظنت وجهي وهمست
ااحبك مالك
غمضت عيوني وماطلعت نفس الكلمه
من حلكي باستني من رگبتي ومشاعر الرغبه
صيطرت عليه وهم نسيت روحي
وياها
الشيخ شعلان
كاعد بمضيف الشيخ نايف شيخ جبير نسمي القاضي ترجع الو كل العشاير بحل الخلفات والفصول والشيخ صگبان كاعد اگبالي
يخزر بعيونو وجاريابني زين العابدين
الشيخ حجه
ااحجي ياشيخ صگبان تكلم احنا ماخلينا عهد
بينكم محد من الطرفين يعبر لگاع
اللخ واتفقنا على هذا الشي
اي شيخ
عجل ليش ولد عمك عال وطب گاع الشيخ
شعلان رغم ابنو حذرو مايعبر الحد
دحك لزين العابدين وكال
اكيد ابنو ذب سالفه للولد ووازاهم
علي وخلاهم يعبرون الو
زين راد يحجي گضبتو من رجلو شيخ نايف
دحك الو وتكلم
ااحجي يازين وتكلم وكول الصار وتذكر
الكلام كلو تحت قسم الله
وسمع الكاعدين
شيخ انا ماعلت عليهم بچلمه واكو شهود على
هذا الشي اسال وتاكد
اسال عجل شلون انا مااخذ بكلام واحد
لااا يابه اسال واتاكد واحكم بالعدل
احنا كاعدين جابو شهود من گاعنا وگاع البصفهم
شهودو هم العالو بالاول شيخ
نايف سمع هز راسوا
دحك للشيخ صگبان فر سبحتو وتكلم
تالي ياشيخ صگبان وي ولدكم وهرجهم
شنو هم مالهم جبير يخافون منو
محد يكدر يحكمهم مالهم جبير يگضبهم
ويخافون منوو قبل فتره مشكله وحلينها
بالتراضي وقبلها جتلو واحد وفصلنا بفلوس
وهساع عالو على ابنو للشيخ شعلان وگاعو مو كافي عاد تره زادت عند حدها ولازم تخلي
حد الهم انت والوياك
شيخ ولدنا مايعيلون الا اذا احد داسلهم
على طرف
شيخ هوو يجذب وذوله كلهم انطوهم فلوس
حتى يشهدون الهم بالجذب
مثل ماااكال خلف
شيخ صگبان ايد خلف ابتسمت وهزيت
راسي شيخ نايف حجه
شدكول يااشيخ شعلان
شااحجي يااشيخ ووي من وي واحد طب دخيل
على حرمه ودافعت عنو بسلاح ابوها
الشيخ نايف عكد حواجبو سال
ومنهي هالحرمه الي تحامى بها هالمتعوس
يااشيخ
حجيت ياشيخ صگبان وسمعنا خل
شيخ شعلان يتكلم
خزرني وزين شافو تحرك يريد يگوم گضبتو
بقوه من رجلو كعد يخزر بيهم تكلمت
شيخ نايف انا عند عهدي ماعلت كل ذيج
السنين على گاع الشيخ صگبان احترمت جلمتك
وجلمه الشيوخ لجن هو كل فترة يسويله
سالفه لو هو لو ربعو وانا اسكت
واكول جفي الشر ياشعلان
ماتسوه يطلع حسكم
وتفرجون العالم عليكم
سكتت دحكت الو بغضب وكملت
لجن الشي زاد عند حدو وولد عمو حسبالهم
انا من سكتت خوف او جبن وانا شيخ
شعلان الكل تشهد لي
بالشجاعه وتعرفني مااهاب احد
ان جان الحگ معي
الكل صاح نشهد
خليت عيوني بعيون الشيخ صگبان كملت
ولد عمك عالو على گاعي وهاي محسوبه
عليكم ورادو يذبحو ولدي وهاي
جبيرة وحگو اخذو
بهل الگعده
لجن طبتهم لگاعي اخذت حگها
شلون يااشيخ
شيخ نايف سالني ابتسمت وجابتو
شيخ اخذتها من انهزمو من ابني ولفو
دخيل يم حرمه
العيون صارت عليهم شيخ صگبان نزل
راسو واشوفو غده دم من الفشله
كملت بثقه
انا راضي بالتحكم به يااشيخ واعرف
حك ابني ماراح يروح يمك
ماايروح ياشيخ شعلان ماايروح حك
يمي لچن اسالك
اسال ياشيخ
من هي الحرمه الي احتمى بيها
خايب الرجا خلف
زين العابدين
دحكت لابويه من ساله القاضي
تغير وجهو وتنهد جاوب
هيله بنت رفيچي مله حميد تعرفو يشتغل بگاع
الشيخ صگبان
عرفتو زلمه زين ويعرف حگ الله
سكت والمجلس كلو التزم الصمت
تكلم بصوت قوي وواضح
شيخ صگبان انتو علتو على الشيخ شعلان وولدو
والي يرفع حديده بوجه اخوه المسلم
ملعون دنيا واخر والنيه جانت موجودة
لجن الله ستر وماصار الي رادو
الشيطان ولو چاتلو زين مالكم ديه عدنا
لان عال على گاعو وراد يذبحو
سكت ودحك للشيخ صگبان وكمل
الحكم خلف ووالويا يديرون من المنطقه
وبعد مايلفون بگاعك والفصل الي يريدو شيخ
شعلان تنطوه له
يااقاضي الفصل انت افصلو وانا راضي
بي
ابويه رد والقاضي هز راسو
حكم النا بفصل كسر بي عيونهم
من شكلهم محد رضى بحكم القاضي
لجن محد يكدر يحجي منهم المجلس فض
وابويه اخذلي حگي منهم لجن بقى
حگي من هيله والسوته
بيه
عگبنا انا وابويه واشوفو ساكت وهو عاكد
الحواجب حجه وره دقائق
خذنا لگاعنا ابوو يسر
تأمر يااشيخ
ابتسمت وي روحي وكلت اجاج الموت ياهيله
من ملامح وجهه ابويه مبين ضايج
وخال بگلبو السوتو
بيه
هيله
شغلت المرشات قبل الغياب وبدن
يسگن الزرع افتر يمو وادحك لمي شلون ينثر
مثل المطر خواتي يرگضن هينه وهينه وهنا فرحانات بهل المي الي يحدر عليهن
ويبرد جلدهن
افتر يمهن وبالي مشغول بشهم لان مابقى
اله شي ويروح يدوام بوحدته
هيله يااهيله
سمعت صوت ريهام وجاوبت
هاا خيرج شبلاج
اشرت باتجاه گاع الشيخ شعلان دحكت
شفت ابويه محدر عليها عبر
الگنطرة وراح للشيخ
شعلان الجان جاي باتجاهه هو وزين
ريمه حجت بخوف
اظن جاي بسالفتج وي ابنو
سكتت وظليت ادحك الهم برق الشر حدر
من سيارتهم ووكف يمهم
شلون يااهيله اذا زعل عليج العم شعلان
ابويه دار روحو علينا اشر اليه من بعيد
وصاح
هيله تعااالي جاااي
فليت حزامي ونزلت ثوبي عدلت حالي
وحجابي وتمشيت الهم خواتي لحگني خزرتهن
تكلمت بغضب
اكعدن هينه ولاتجن ورايه
ريمه لزمت ساريه وريهام كملت مشي
وانا رافعه راسي ومو خايفه من السويتو لان
اعرف نفسي ماسويت شي غلط عبرت
الگنطرة عيوني راحت لزين
يخزر بيه والكره تارس
ملامحو حجيت
بثقه
گوة الله عزمك شيخ
هلاا بالغاليه بنت الغالي
زين العابدين
عكدت حواجبي من سمعت نبرة صوت ابويه
وملامحو الي تغيرت بس شاف
هيله وكفت يم ابوها الي تكلم
عمج الشيخ يريد يحجي وياج
بالصار قبل جم يوم
عيونها صارت بعيوني حدرت اللثام تكلمت
بهدؤ وبدون خوف
ابنك يعرف شصار ياااشيخ ماخبرك
به
ابويه ابتسم وجاوبه
اريد اسمعو منج
اسألك يااشيخ
اسالي وانا اجاوب
رفعت حواجبي بذهول ابويه يتكلم براحه
وهو صافن بوجهها للدعسه تكلمت
شنو حكم الدخيل اذا لفه بيتك
احمي بروحي وسلاحي سلاحو ومااسلمو لعدو
لو على گص هالرگبه
اشر على رگبتو
سمعت رد الشيخ شعلان وابتسمت
زين خزرني وتكلم
لچن دخيلج عال عليه وراد يذبحني
رفعت حواجبي دحكت لابوه ابتسم وكال
ردي ياهيله
يااشيخ انا من تصرفت هيج ماجنت اعرف
خلف راد يذبحو ولا شفت الصار
انا الشفتو هم دشو علينا
وهو وراهم ظنيت هو
رايد يذبحهم وكلت مااخلي يسويها
لان لفو دخيل عندي
حگج بهاي لچن ترمين عليه وانتي تعرفي من
هوو وابن من
دحكت لزين يخزر بيه من وگفت يمهم
ومانزل عيونو مني تكلمت
الامان ياشيخ
شيخ شعلان جاوب
الج الامان يااهيله تكلمي
شيخ صح ابنك ابن شيوخ وتربات المضيف
لجن فاتتو جثير شغلات وماتعلمها
وجه برق الشر انطعن كملت بثقه
وكلامي موجه الو
اانت تعرف كلش زين الدار الها حرمه
والدخيل من يلفي تصير الو حرمتين حرمه
الامان وحرمه الدار الي لفه بيها
لجن انت مااحترمت ولا وحده
منهن وردت تدش علينا وانت مو حاسب
حساب لحرمه عمك حميد
ياااهيله
زين صاح بغضب ابويه دحك علي
وهو عاكد الحواجب لجن ابوه ظل مبتسم
وماحجه شي تكلم بغضب
تجاازوتي حدج جثيرر يااهيله
ياااشيخ انت غلطت من ردت تدش داري بالگوة وبنتي هم غلطت من
رمت عليك
ابويه تكلم وجاوبتو
يااابه السموحه منك اانا ماغلطت رميت
وانا اعرف وين ارمي لجن هو
ماعرف حدودو
ياهيله بسج عااد وسديها للسالفه
لاا ياحميد خلها تحجي
الشيخ شعلان تكلم بهدؤ زين عين الو
بغضب وتكلم بصوت مخنوك
يابه انت وي من وياي وياها
وي الحگ وردها بهدؤ وطلع حكك منها
ان جان الك حگ
الكل سكت زين خزرني والوجهه مطعون
وصاير احمد دم ودمارت گصتو بينت
هي ورگبتو تكلمت بروده
انا حرمه ماااكدر اردك بايدي لجن
اكدر اردك بسلاحي انا هيله بنت العرب
اعرف الاصول واعرف الحدود
واعرف انا ماعلت عليك
انت علت من هديت
عليه وانا حرمه
والحرمه شما سوت هي بشارب الخير
هذا الي تعلمتو من ابويه ومن كلام الشيخ
شعلان من جنت الفي يمو واسمعو
يتكلم وبعدين ياشيخ انت لو داش علينا
وسمعت االاودام انت ماخليت
حرمه النا راح يذموك
وانا ماارضى بالشينه للشيخ شعلان
زين العابدين
ابويه دحك الها باعجاب وهز راسو
لاحت بوجهها ابتسامه
شماته وهي خاله عيونها
بعيوني لميت ايدي بغضب ونار اشتعلت
بصدري درت روحي وسريت
ابويه صاح
ياازين
وكفت وظهري عليها تكلم بهدؤ
عكب تعال
درت روحي هي حجت
من رخصتك يااشيخ عندي شغل
مرخوصه ياهيله
رفعت لثامها وحدرت على الگنطرة ابوها
تكلم معي
شيخ زين لاتزعل من هيله واحسب الصار
عليه بنتي دمها حامي وتمشي من
شور عگلها
مااسوت الا الصح يبو هيله
ابويه گاطعو وهو يدحك لها دار راسو
عليه وكمل
البنت ماسوت الا الصح وانت يازين غلطت
من هديت عليها وهي حرمه
ياابه رمت علي
عجل شتريدها تسوي وانت مااحترمت حرمه
دارها والدخيل الي لفه يمها
سكتت وهو كمل بغضب
انا شيخ واحكم الها وافصلك لان السويتو
عيب بحك نفسك وحگنا
شيخ شعلان انا مااريد اي شي والله
زعلت عليها لان سوت السوته وكلت الها
ماايهون عليه زعلك لا انت ولا ولدك
محد زعلان يبو هيله والصار خله يصير
عبره لولدي
سكتت عم حميد التزم الصمت ترخص
من عدنا من شاف الجو توتر وعگب لگاعهم
ابويه ظل يدحك عليهم سالته
بقهر
اناا يابه انا الي طلعت غلطان
اااي انت
صاح بيه وسكتت كمل بغضب
تعلم يبن الشيخ يبن الشيوخ شلون تصرف
وتتكلم شوفها حرمه شلون تحجي
وتتكلم بالحجه الصح وهي خاله عيونها
بعيونك وعيوني
ااانا شيخ ماالگيت
حجه حتى اسكتها بها تعرف ليش
ماجاوبتو رد بضوجه
لان تعلمت من الجانت تسمعو مني تعلمت
من ابوها شلون تتكلم وشلون تحجي
لجن اانت مااتعلمت شي ولا گدرت
ترد حرمه گلي لنا شلون اريدن اخليك من
بعدي شلون امن قبيلتي بايدك
وانت هذا حالك
ياابه اانا اعرف ااحجي اا
ااش ولا چلمه الشفتو كافي
كمل ومشى من يمي وهو ضايج ومقهور
دحكت للبعيد والغضب تارس
گلبي وكره هالبنت زاد
مانقص
ليان
روان عزمتنا اني وتماره على معرض
بغداد الدولي وكالت نفتر هناك وناخذ كم شغله
ونتغده بره وافقت لان جنت محتاجه
لاستراحه من الشغل
التقينا هناك بعد ماوسيم وصلني وكتله
اني ارجع وي زوج روان من يجي
يرجعنا
افترينا هناك وجانت الاجواء تجنن
بس تعبنا من ورة جوري وتيم لان ظلو يركضون
منا ومنا اخر شي تيم اختفى وروان
تخبلت وكامت ادك على وجهها
وتصيح
اابني ولكم ابني هسه جان يمي
ركضت ادور علي وتماره هي وبنتها تدور بغير
جهه صارت هوسه وخفنا كلش
شباب دورو ويانا واحد اجه يركض
وصاح
هيانه بالجناح المصري
رحنا نركض علي كاعد يم واحد والامن يمه
يبجي وصايره هوسه روان اجتي تبجي
والوجهه اصفر وتصيح
وينه وين تيم وين ابني
ووج هيانه كافي تبجين
اخذته مني وحظنته هي تبجي وهو يشهك
يمه ديربالكم على جهالكم المعرض جبير
وخاف يروح منا لو منا
حجيه حجت ويانا تمارة هزت راسها باي
وظلينا نسمع النسوان توصي بينا
عليهم
طلعنا
حيلنا رايح من وره الهبطه تمارة تحجي
وادردم عليها
كتلج االزمي انتبهي اله لو ضايع جان
شخلصنا من باسل وعمتج
ااسكتي تمارة ريكي يبس من الهبطه
اامشن خلي ناخذ تكسي ولاقرب مطعم
نكعد نرتاح هناك وعينجن على ذوله
القروده مالي خلك هبطه
اللخ
وكفت تكسي ركبت ليكدام وهن ليوره
جان حجي شاف وضعنا وسال تماره كتت كلشي
اله ظل يلوم بينا ويوصي
يابه الكبار ماجاي تسلم من الخطف مو عاد
الصغار ديربالكم على ارواحكم الدنيا صارت
مو خوش والمايخافون الله كثرو بهل
الزمن الاغبر
اي والله ياعمو
ذاك اليوم بالحريه لگو شاب ميت وماخذين
كل اعضائه يااساتر يارب يكولون
صايره عصابات تبوك
الكليه والعيون وتبيعها بكذا سعر
يمه اااسم الله
روان جبانه وخوافه كلش حظنت ابنها
لصدرها وهي تردد اسم الله كمل
الله الحافظ يابه يحفظجن ويحفظ امه
محمد
امين عمو
جاوبنا وظليا نسمعه يحجي على الازدحام
وعلى وضع البلد وشجاي يصير
بيها وكل ساع يكول
بغداد حلووه وراح تظل حلوه رغم
الصار بيها
اي عمو حلوة باهلها
اي يابه حلوه باهلها الطيبين
وصلنا ليم مطعم نزلنا تغدينا وراها اجه باسل
رجعنا وصلوني للمشتل وراحو فتحت
والتهيت بشغلي ساعه سبعه
طلعت وي زبون لبره راد شتلات مال
رازقي وشبوي،،،، رجال جبير ظل يدقق بيهن
وطولت خلگي ويا اخذ كم وحده
وانطيته شتل عين البزون هديه حتى يرجع
مرة اللخ رجعت لجوه وظليت ملتهيه
ارتب بالشتلات وارش سبري ملمع
للنباتات الزينه
جرس الباب دك باوعت عكدت حواجبي
من شفته اياه المقدم ايهم اجه
باتجاهي سلم
شلونج ست ليان
اهلا وسهلا
جاوبته ولهيت روحي بالشغل حجيت
بدون مااباوع اله
تفضل رايد شي
والله يعني اني جاي هالمرة بس
مو رايد زرع
باوعت اله ابتسم وكمل
رايد احجي وياج بموضوع مهم
صفنت علي واني عاكد الحواجب
رديت
اي وشنو هذا الموضوع المهم
سكت وظل يباوع بتركيز بوجهي هاي
النظرات وترتني كلش وضجت من
وجوده حس بيه
وحجه
مااعرف شلون ابدي بالموضوع بس
احب اكلج من اول مرة شفتج بيها تركت
اثر بيه واثر كلش حلو
ااستاذ اانت جاي على الشخص الغلط
يعني اني مو مال هاي السوالف
حجيت هيج وگطعت علي الطريق لان
مروا عليه هوايه من اشكاله واعرف شيردون
هو رد بسرعه
االي بالج شيلي اني مو مثل غيري قصدي
شريف واريد اجيج من الباب بس
ردت يعني مااعرف شلون
اوضحه الج
جرس الباب دك وسيم طب باوع علينا
ماانتبهت هو قريب عليه الا شفت نظرات اخويه
رجعت ليوره اجه علينا وعيونه على
المقدم
