رواية دخيله الشيخ زين العابدين الفصل الستون بقلم أوتار حزينه
زين العابدين
الموصل وبنص الموت وبالي يم هيله وولدي حاولت اتصل لجن ماكو شبكه دنيا محترگه والقصف مشتغل بكل مچان اوادم
انحصرت هناك والموت
كام يحصد البريء منهم والظالم
اثنين من ربعنا استشهدو واخذوهم لديرتنا مارحت ولا ردت اشوف حال اهلهم
شراح يصير بيهم
گلبي ماعاد يتحمل اشوف فجعتهم بهم او اسمع صراخهم جنت ار كعدت دحكت انا واصل خابرت امي وبلغتها انا بغداد اشوف ولدي واعگب للديره
گربت من منطقه هيله اتصلت على فزاع تكلمت معه طمني عليهم سكت
اتكلم معه مايرد
وره دقائق سمعت صياحو وصراخ حريم كلت لساري
دووس يول جن فزاع تهاوش
وصدك طلع ظني بس وصلت لشارعهم تفاجأت
هوسه وهو بنص زلم ملتمين علي يجاتل بهم
عيوني راحت لهيله بنصهم تحامي به وضربت واحد بالحاويه هد عليها سحبت المسدس رميت بالجو حتى يوخرون عنهم رگضت
بسرعه الغضب تارس صدري ومتخبل من الشفتو
هديت وجتلت مروان وخليت الحرس ياخذو هو والويا وكفت فوك راسهم الما اخذوهم ووفزاع هم اخذو لان جان مضروب
بفخذه بسجين
انهد من غضبي وغادي نار الاوادم كلها واگفه وادحك لنا درت وجهي ولدي يبجون وخايفين وخوات هيله نفس الحال
عيوني صارت بعيونها خزرتها كلت وانا جاز على سنوني
خذي امج وخواتج وولدي ودشي جوه
ماتحركت صحت
تحررركي
امها جرتها من ايدها سرت معها اخذت ولدي وراحن لجوه امه اجت ليمي تتوسل بيه
يمه الله يخليك لاتسجنه والله مو بوعيه شارب احسبها عليه ولاتشتكي عليه
حجييه اابنج الا اخيسو بالسجن يتحارش بعرضي ويذبح زلمتي باطل والله ماظلت زلم عجل
سريت لحگتني گلت
يمممه ولدج عال واليعيل علينا نذبحو هذا اخر الكلام العندي
وگفت بمجانها تبجي وتنوح دگيت باب بيت هيله طلعت لي امها گلت بغضب
عمه سويلي درب
فوت ابو شعلان
دشيت غادي نار رحت للديوانيه كلهن بها هيله كاعده تسكت بالولد شعلان شافني اجه عليه يبجي ويشهگ يردد
راد يضرب امي
لاتبجي منو يضرب امك انا موجود ماشفت شسويت به
سكت دحكت لهيله جاز على سنوني مااريد انهد بها ولا اتكلم كلام اندم علي
بعدين گلت
عجبج هالوضع الي انتي به
ردت بنتره
شبي وضعي تره صارلي سنتين ونص گاعده هينه ابدا ماصارت لنا مشكله الا من اجيت انت وشفناك
رفعت حواجبي واشرت لروحي
انا من ورايه صارت هالمشكله
ااي انت گلي شجاب فزاع وشلون طلع بهاللحظه وصار يمنا
هاله اخذت شعلان من يمنا وريهام شالت يمان وطلعن گلت
فزاع انا خالو يمكم گلت له خاف يصير شي انت موجود يمهم
منو گلك تخلي
ردت بروده
جاوبت
ليش يابه لازم اخذ اذن منج مثلا حتى اخلي يحاميكم انتي وولدي
سكتت گربت عيونها بعيوني
وردت باستهزاء
اهاا گلت يحامينا اسألك وين جنت بهالسنتين وشويه يازين عش مافكرت بينا عش ماكلت ذني وين راحن ووين صفى بيهن الوكت ماسألت روحك وين بنات عمك حميد راحن شصار بيهن بهالدنيا الغريبه
عنهن
جنت اعمى اثول صدكت الردي وخفت من روحي لااا ادور واشوفج جدامي واخذ ثار ابويه منج لان عجزت اخذو من شهم عرفتي يولي ليش مادورت وراج عرفتي انا جنت خايف من روحي لاااااروح اجتلج
صاحت بي بجنون
ليييش اانت مااجتلتني تراك ذبحتني من سويت السويتو
واااعتذرت لج الف مرة
لو تعتذر الف عام ماراح انسى شلون ردت تذبحني وكشفت ستري جدام ربعك
انهديت بها بغضب
يوولي اافهمي انا ماجنت بوعي انتي بالبستان وياج ابن عمج وابويه مجتول يمج وسايح بدمو شتريدن يظل عقل براسي وانا اسمع ذاك الردي يحلف هو جان معج وجتلو من شافكم سوه
عش صدكتو الو شنووو ما تعرفني انا من شلون جذبتني يازين وصدكت
الردي حمد شلون وانت تعرفني وتعرف ترباتي
كالت هالكلام وسرت من يمي گضبت ايدها جرتها بقوه وصاحت بي
لااتگضبني
ااسمعيني ووولج
صحت بها وكملت من جرت روحها ووگفت يم امها الي گالت
على كيفك ابو شعلان لاتصيح
مادرت بال كملت وي هيله الي تخزر بيه
الكلام مو كلو لج انتي هم ماصدكتي بي من شفت لي المقاطع شكثر حلفت لج
وكتلج انخدعت تخدرت تصخمت وهو نفسو الي ضحك عليج هم ضحك عليه هووو نفسو ياهيله عش انا نسيت وانتي ماجاي
تنسين
صاحت بي
ماانسى شوفتك بحضن حرمه غيري حتى لو جنت مخدر يازين ماااراح اكدر
انسى الشفتو ولا اكدر
انسى الي سويتو بيه
اانسي لخاطر ولدنا ووج انتي شنو ماجاي تشوفيني متبهذل من وراهم انا بديره وهم بديره اللخ عگبي هيله وانسي لخاطرهم هم
المن اعگب انت طلگتني
بااطل ولج سألت وكالو باطل بساعه غضب گلتو وماجاز لج
وانا مااريدك بعد طلگني يازين
صفنت عليها من ردت برود جزيت على سنوني وگلت
طلاااگ ماكوو لو يطلع مو نخله بستان براسج مااطلگ انتي حرمتي وراح تظلين
طول العمر هيج
موو على كيييفك يازين
لاااا على كيفي ياهيله واكدر اجرج من هينه لديرتنا ومحد يگلي ليش
سويت هيج لان انتي بعدج حرمتي وتخصيني ااانا
دگيت بقوه على صدري وكملت
اافتهمتي لو لااااا
يبو شعلان كاافي تصيح وعوف السالفه هساع تره الاوادم التمت علينا
امها تكلمت بتوسل
ريمه گالت وهي تبجي
ياهيله فزاع شافهم تحارشو بي واجه يفزع لي
خزرتها بقسوه وسكتت گربت لها امها وكفت جدامي دحگت لي بعين گويه وماتخاف گلت
هينه يولي هينه يبنت العرب
🌿🌿🌿🌿🌿
هيله
زين تكلم هالكلام وطلع من يمنا گعدت بسرعه جسمي يرجف من العصبيه امي راحت وراه عگبت خايفه وتردد
ماراح يجوز منج خلاج براسو يبنت الخايبه
مااايكدر يسوي شي مايكدر يغصبني على شي انا موو رايدتو
ووج انتي حرمتو بعدج على ذمتو طلاگج منو طلع باطل لان گاله بلحظه غضب يعني يكدر يغصبج على الرجعه لو شاك الو هالشي
مارديت كعدت يمي تلوم بريمه لان طلعت وتاخرت بره
🌿🌿🌿🌿🌿🌿
زين العابدين
خليت حرس اثنين يم دار هيله وطلعت لفزاع خابرت ساري ودلاني على المستشفى الي هم بها وطمني علي گلي صوابو مو قوي
وصلت نزلت ورحت له نايم بالطوارئ ومضمدين له رجلي حظنتو وگلت
السلامه ياخويه
الاهل بخير
بخير لاتشيل همهم
رديت له گعدت يمو گال بغضب
النذل العار تحارش بريمه
سكتت اعرف رفيجي يحب بنت عم حميد وضام حبو بگلبو لان جانت ماتودو
گلت له بقهر
خرب حظي انا وياك مشلوعين گلب من وره
بنات عم حميد
سكت وذب حسره گال
خلي نطلع من هينه اموت من ريحه المستشفى
تكدر يول
اي اكدر صوابي مو قوي
خل اشوف الدكتور وينو حتى يشوف صوابك يله اطلعك
ساري جاب الدكتور طمنا علي اخذنا وطلعنا لدارنا بزيونه الولد جانو جاين سألت عن العار مروان كالو انسجن هو وربعه گلت
ااي خلي يطلع هساع الردي مايعرف روحو بيمن اندك
كعدت بالمجلس فزاع تمدد بغرفه جوه
ساري سأل
تتعشه ياشيخ
عشو فزاع وديرو بالكم علي انا مااشتهي شي
ودينا له الاكل قبل شويه
هزيت راسي دحكت للساعه بالوحده گمت افرك برگبتي وگلت
ارتاح انت والولد حتى باجر تسري لاهلك
وانت ياشيخ
صفنت علي وذبيت حسره گلت
اعگب بعد جم يوم
براحتك لجن اگول خلني يمك لان فزاع مايكدر
لا ياخويه روح وشوف حرمتك وجهالك ودزلي عوض
تأمر شيخ
الله يبارك بيك ويعزك ماقصرت ياخويه
انا عند عيناك وحزام ظهر لك ياابو شعلان
عز الله سند وعزوة ياخويه ومابيك اي قصور
🌿🌿🌿🌿🌿🌿
مالك
اهل ليونه رجعو للبيت وظلينا اني وياها والجهال نفتر شافت مشتل جبير وكالت اليه
مالك خلي اشوف هذا المشتل
اي ادللي هساع اوكف ونشوفو
وكفت سيارتي نزلت انا وياها شايل كيان وهي گايده توته
طبينا ادحك عليها فرحانه وعيونها تفتر بلهفه على الزرع رجال بگد ابويه جان بي شافنا گال
اهلا وسهلا تفضلوا
اريد اشوف نباتات الزينه
اي ذاك البيت الزجاجي اشكال والوان بي تعالي ورايه
راحت وراه احجي وي كيان واضحك
امك مدمنه شي اسمه زرع عدها مشتل وجاي تشتري من غيره غاويه تخسرني فلوس
سمعتك تره
هههه اذان فرس ولج
اندارت عليه وعضت شفتها ضحكت گالت بضحك
نوصل واعلمك
يمه خفت
ماالك
حجت بصوت ناصي وهي ادحك للرجال
شوفي هذني بضاعه جديده ونادره
الله شوف مالك تجنن هاي نادره كلش وجنت ادور عليها من زمان
مو عندج منها
لاا ذيج مابيها نقط
مدري انلاصت عليه البيت صاير مشتل كمت ماافرق بين الكرفس وزرعج
ههه لازم الحلوه مدمنه زرع
عكدت حواجبي من الحجي تغزل بيها وگلت
حجي اگعد راحه ولا تزحف لحرمتي
ليان اندارت فاكه عيونها الحجي رد بضحك
ههه لا يابه شازحف مرتك بكبر بناتي بس هذا الحلو الكل يتغزل بي وهي مو قاصره ماشاء الله مثل هالورد حلوه وتجذب النظر
ردت اجفص بس ليونه عضت شفتها اليه وتحلفت بعيونها كتلها بهدوء من طلع ليجدام وهو يشرح على الزرع
هينه يولي اشتري الي تريدي وحسابج بالبيت
توته بابا صاير اوڤر كلش
مع الاسف كلامج صح
بنت الجلب بسيطه يولن اگضبجن بالبيت واشوفجن منو الاوڤر
توته ضحكت وجرت ليونه ليم الحجي طلعنا محملين زرع كلت من صعدنا
اكلج تره تعداد زرعج صار اكثر من عدنا
هههه يمكن صدك
وج كمت احس روحي عايش بغابه الامزون اوكف يم السنك يطخ راسي بزرع
اصعد الدرج اخذ اذن من السنداين خاف لا اكسر وحده ويبو شيخلصني منج غير اتواره وانثبر لو كسرت وحده
هههه بناتي ذني وغاليات عليه
توته مدت راسها وسألت بزعل
واني ماما
انتي الملكه مالتهن اميره بيتي وزرعي وگلبي روحي وعمري توته الغاليه
سوت اليه دوده كيان قلدها گلت بضحك
حزب مسوين عليه مايفيد بعد راح ألم هدومي واروح لأمي
هههه بس حجي فعل ماكو
ها ولج تريدين اسويها صدك
هههه لا يمعود وين نكدر بلياك اني وحزبي انت ابونا والغالي مالتنا
اادهني يولي حتى مااحاسبج بالبيت
الرجال كاعد يتغزل بيج وانتي شاكه حلكج وتضحكين
گلت هالكلام
ردت بضحك
ههه تره بگد بابا واذا تغزل شكو بيها
رديت بضوجه
طالعه عيونج يولي وراح تخليني اجفص
ههههه راح اسكت واستر على روحي
ااي استري على كفشتج وخلي هاي الليله تعدي
هههه توته راح اني ازعل واجي ابات يمج
هههه تعالي انتي وكيان وخلو وحده
بنت الخرة مافد يوم وكفتي وياي گلو وي ليونه
شلون ويا الفاظك سيدمالك
ابتسمت من دحكت عليه بضوجه رديت
مو كتلج اسكتي تراه راح ابدي اجفص
ابتسمت وردت علي
مايفيد بيك الحجي باد بوي
ضحكت بصوت وگلت
خوش مطلعه الي اسم
سكتت والتهت بكيان يريد ينام وكام يتنعوص
وصلنا لبيتنا اخذته للغرفه حتى تنيمه وتوته راحت تنام بغرفتها بدلت وكعدت بالاستقبال اگلب بجهازي دك جان زين فتحت الخط
گلت
هلا بسباح گلبي وعرج العين شلونك يول عگبت من الموصل
هلا ابو كيان الحمد لله بخير اي اليوم عگبت انت شلونك وشلون الاهل
الحمد لله كلنا بخير ونسأل عليك ظل بالي اتصل عليك ماكو شبكه
اي هناك مهجومه الدنيا لا شبكه ولا اكو اتصال
سمعتو ذب حسره سألت
ها يول اسمعك تتحسر صاير شي
ااي ولك عگبت اتكلم مع فزاع وفجأه سكت اسمعو يصرخ ومعه صراخ حريم
طلعت له واشوفو مجاتل
مع زلم جيران لبيت عم حميد لان تحارشو بريمه وضاربيه بسجين برجليه
گمت لحيلي وگلت بذهول
شنوو شگاعد تحجي انت وشوكت صار هالشي
وره العشه
وهساع شلونو متأذي
لا صوابو مو قوي طلعنا من المستشفى واجينا لدارنا بزيونه
عش مااحجيت ماگلت حتى اجيك وذوله وينهم هساع
الولد يمي عش اثبرك وياي وذوله زتيتهم بالسجن خل يخيسون به
گعدت كمل بصوت مخنوگ
انا ياخويه مقهور جثير بنت العرب ماجاي تسمع مني ولا تتقبل جلمه مني
الصار بيها جبير يازين انت هتكت سترها جدام الولد وكصيت كصيبتها وهاي
بعرفنا يعني خانت زلمتها
وهالشي جبير عليها وصعبه
تنساه
سكت كملت
وتعرف عم حميد مات من وره قهر بنتو انفضحت ومنا انت طلگتها وعمي مات يعني التمت عليها جثير شغلات ماتحملها وراح من
وراها
ااي من اصفن وي روحي اكول هي شتريد تنسى وحده اثنين تراهن جثيرات
وكلهن يذبحن
شفت انت ادكول هيج فلا تلومها لحرمتك لان انت اكثر واحد تعرفها وتعرف طبعها والصار مو شويه يازين
ياخويه اريدها تعگب اريد ولدي يمي وحگ الله
تعبت من الفراك والفرگه هدت حيلي
حقك والله يكون بعونك انت بجهه وهم بجهه محد يگدر على فراگ الضنا لجن اگلك تحمل بهيده يول
جيبها بالعيني والاغاتي وحگج وغلطت بلكي يلين گلبها وتسامحك
ولك والله توسلت بها تسامح تنسى لخاطر ولدنا
ماكو رافضه مالك وراكبه راسها ومااريد اغصبها على شي حتى لاتكرهني بعد اكثر
ابدا لاتسويها يازين خلها تبرد وتنسى مو مال تعارك وتهد عليها تركب راسهابعد
اكثر اذا سويت هالشي
سكت للحظه گال بغصه
مالك من شفتها بنص الزلم تعارك تذكرت روحي من گضبتها وجتلتها اااخ
سكت وكام يون اسمعو يردد
ااخ من السويتو ااخ يابه انا موو ناسي هي شلون تكدر تنسى
بهيده وي روحك يول
من اايدي انا ولك انا الي علت عليها عيله گشره اخذتني الغيره من شفتها بنصهم وينها وين جانت من سويت بها السويتو
سكتت اسمعه يون
اخ يارب والله عقلي راح من شفت ابويه مجتول
ولك والله ماااعرف شصار ولا اعرف انا شلون سويت السويتو
ااي الصار خبلك وحمد شأحجي علي ماقصر ذب بانزين فوگ النار وحرگ بنت العرب جدامك
الله لايغفرو دمرني وهجم بيتي ولك شجنت مصاحب انا عگرب يلدغ ويضم راسه
سيرة حمد وهو وقهره خلوني اورث جگاره صافن واسمع حسرته وونه كمل
اروح ياخويه تعبان وراسي يريد يطگ من الوجع
باقي هينه
اي باقي الما فزاع شويه يشد حيلو يله اعگب للديره
باجر جايكم
هلا بيك تعال شوكت مااجيت
اروح ياخويه
مع السلامه
زين العابدين
سديت الخط وي مالك ذبيت جهازي وكمت رحت للغرفه البيها فزاع نايم وغافي
عگبت لغرفتي بدلت جسمي تعبان وصاير فد مرة تمددت غمضت هي
بين عيوني
وابدا ماراحت سنتين ونص انا اتكلم معها واعتب واجاتل وي خيالها جن
موجوده وياي
وهساع تبدل الحال اتكلم معها واتوسل وابرر لها وانطي لروحي الف عذر وعذر حتى بس ترضى وتعگب هي وولدي لحظني ولديرتنا
ظليت اتگلب بفراشي تنهدت بصوت قوي وگلت
بري روحي ياذ التنهيده
بريها عاد وخذي الروح خل ارتاح واروح يم الغالي
🌿🌿🌿🌿🌿
صعب
سمعت زين راح للموصل وعگبت للديره ردت اشوف هاجر اخذها لحظني لان جنت مشتاگ الها كلش گلت لها جاي وطلبت منها تروح لدار الهنوف گالت
راح اگول انا رايحه لبيت الهنوف لجن راح اروح لدارنا اشوفك ومناك وديني
لها
وصلت داري نزلت فتحت الباب هي واكفه باب المطبخ تنتظرني رحت لها
بسرعه اجت لحظني من فتحت ايدي لميتها لصدري
بقوه وگلت
ااخ ولج شكثر مشتاگلج
بجت بحظني وخرت حبيتها من عيونها ومن الخد والشفه اردد
مشتاگ والشوگ يذبح
شلتها لصدري ومشيت بها لجوه نسينا روحنا ونسينا وضعنا متمدد هي بين ايدي گضبت ايدها وحبيتها
درت روحي عليها گلت
احبج يولي وفراگج تعب حيلي
وانا هم
اجت لحظني لميتها بي گالت بخنكه
صعب وش العمل راح نظل هيج انت بمچان وانا بمچان
لاا من يجي الزين راح اجي واگع علي وخلي شيريد يصير خل يصير
فزت من حظني وصاحت
لااا ابد لاتسويها شتريد تفجعني بك مااريد اتحمل الفراگ ولا يصير بيك شي
وج مااكدر تعبت افهمي عليه انا جاي اموت هناك
سكتت ووجهها تغير لونه
گضبت حلگها وكامت من يمي بسرعه راحت للحمام گمت وراها فتحت الباب مقفول صحت
هاجر بيش شي
اسمعها تذب من راسها صحت
يولي افتحي الباب عش قفلتي
لحظه
ردت بصوت مخنوك ظليت اروح واجي يم الحمام طلعت وره مشوار الوجه اصفر وغاديه فد مرة گضبتها من هوت وگلت
الله يابه شبيج يولي
بجت واجت لحظني لميتها بي ترجف رددت
مابي شي
وخرت منها دحكت لها سألت بخوف
وج شنو مابج شي وانا گاعد اشوفج ماتكدرين وجن مريضه وما ادگولين ولا تتكلمين
رجعت لحظني ختلت بي اسمعها تگهد بالبجي ذبيت حسره وگلت
شأسوي يولي والله تعبت من التفكير هالحال ماعاد يعجب وراح اروح للكبار
اطلب الامان وهم يتدخلون
مع زين
لااا ياصعب كلها معه كلها تلوم بيك نار
الصار بعدو بالگلوب ومحد نسى السويتو انت وحمد
الغلط مني انا من سويت له حساب وخفت من واحد ردي لو گايل للزين عن سوالفو الرديه جان هذا مو حالو ولا هذا حالي
وخرت مني تمسح بدموعها وگالت
وديني للهنوف مااريد اتاخر جثير
هزيت راسي ادحك لها مو تمام ووضعها مايعجب،،،
طلعنا من دارنا ورحنا لدار الهنوف وصلنا دنيا مغرب نزلت معها گالت بخوف
روح ياصعب مااريدها تشوفك زعلانه كلش وماخذه عن خاطرها منك جثير
الباب انفتح جانت هي شافتني عگدت الحواجب ودحكت لاختها الي ارتبكت
وخافت من نظراتها سألت
بدون سلام
شعندج معه ولج وشجابج ويا
ام زين اسمعيني
اسمع من انت ياصعب الي
مو هينه ياخيه انتي شيخه بنت شيوخ وانا دايس ارضج وداگ بابج
سكتت دارت وجهها وگالت
تفضل
هاجر دشت خايفه وادحك لي سرينا للمجلس گالت
اجلس وفهمني انت عش سويت هيج
غلطت ياخيه راد يبليها لهاجر وخفت لا زين يصدك به ويأذيها ويأذيني معها
انتي شفتي ماصدك بنت العرب شلون تريديه يصدكني انا
جاان اجيت تكلمت معي انا مع عبدالعزيز عش ضميت هالسالفه انا لو عارفه من
وكت جان عرفت شلون
اتصرف جان هذا كلو ماصار
سكتت وكملت بغضب
شحصلت انت هساع انهجم بيتك وبيت اخويه معك والديره هجيت منها من
وره الصار
ياام زين انا واگع دخيل عليج تكلمي مع الزين گولي له فهمي انا والله ماجنت متقصد اذيته عز الله خفت على خيتج لا يطعن حمد بشرفها
ردت بعصبيه
اانت جان عندك شي مع اختي
عزه الله ماعندي شي غير انظر لها من بعيد واتمناها تصير لي حليله
وااانتي ولج جان عندج شي معه
لااا وروح ابويه ماعندي شي
معه
اندارت عليه وكملت بهده
ياصعب المثل يگول حرامي
لاتصير من السلطان لا تخاف وانت خفت من شي مامسوي ولا ماشي به لو جاي ومتكلم لي من الاول جان انا وگفت معك وگتلو
للزين حمد يجذب ويريد يبلي اختك لان عرفنا بسالفتو الرديه مع بنت العرب
هذا غلطي واعترف بي
سكتت هي كملت
عگب يبن الناس للاربيل ولاتشوف خلقتك للزين تراه موجر نار من وره زعل بنت العرب وفراگ ولدو
هزيت راسي بأي دحكت لهاجر مانشفت دمعتها
گمت گامت معي گلت
اروح واخابرج بس اوصل
ماردت خنگت بجيتها سريت هي ورايه وصلتني للباب وگفت وراه گلت
ادعيلنا الله يحنن گلب الزين علينا
هاجر
كتمت البيه وگلت
من توصل طمني عليك
رد بصوت مخنوگ
ااي
طلع ظليت ادحك له صعد للسياره وراح عگبت اجر برجلي الهنوف واكفه يم
المطبخ دحكت لها وطلعت نهده گلبي بجي قوي
اجت عليه رحت لحظنها اخذتني لجوه اشهگ وابجي گعدتني وراحت جابت لي مي گالت
هاج اشربي
مااريد كلشي مااريد بس تكلمي مع الزين خل يسامح صعب ويخلي يعگب للديره
وج مايقبل اخوج مدمر من وره السواه هو وذاك
بجيت بصوت سألت
انتي شجابج وياا فهمني شلون طلعتي من دار اهلي معه
ماطلعت معه گلت لحارس وديني لداري انظفه وبعدين اتصل عليك تعگبني لهناك
صفنت عليه وهي عاگده الحواجب
يعني شنو التقيتي بي بداركم
هزيت راسي گامت وصاحت بي
وشلوون تعملين هالعمل شلون يولي تسوين هالشي من وره ظهرنا
گمت بفزه ورديت بغضب
صعب زلمتي يالهنوف انا مارحت لغريب زلمتي هذااا وحرمتوني منه وش ذنبي اناا بالصار ليي
سكتت من دخت عگبت ليوره گضبتني وصاحت
ووج شبيج شبلاج
كعدت الدنيا تفتر بيه شربتني مي وغسلت لي وجهي ملت عليها ختلت بحظنها اردد
ياخيه مو لخاطري انا لخاطر الي بطني
وخرت مني وصاحت بذهول
شنووو ولج حامل
ااي اظن حامل لان من تزوجت وهي ماكو
كعدت يمي صافنه عليه توسلت بدموع
لخاطر ابني تكلمي مع الزين هو يسمع منج ويسوي لج خاطر
اهدأي هساع من يعگب اتكلم معه
رديت بفرح
صددك ياالهنوف
اي بس اهداي وجهج غده نوميه ارتاحي وخلي انا اتصرف
🌿🌿🌿🌿🌿🌿
هيله
واكفه بالمطبخ اسوي تبسي كملتو وانا افكر بالزين من عرفت به هو خال علينا حرس ماارتاحيت جن قيدني بقيود وعيونه عليه وين مااروح ووين مااجي
هوجست به باي لحظه راح اشوفو جدامي بس واحد يذبلي جلمه
ريمه گالت بقلق
مدري شخبار فزاع
دحكت لها وصفنت خجلت من نظراتي ونزلت راسها
الباب اندگ امي طلعت عگبت تتكلم
تفضلي حجيه
ام مروان دشت مره جبيره بالعمر اكبر من امي بجثير جان ماعدنا علاقه بها من وره ابنها بس السلام سلمت بصوت مخنوگ وهي خجلانه من عدنا
شلونجن يمه
هلا خاله
رديت ريمه ماردت سرت من يمنا المره كعدت بسرعه وگامت تبجي گالت
جايه عليكم وعلى الله وياريت ماتفشلوني
امي گعدت حدها وگالت
ابنج عال حجيه والويا هم ماحشمو الجار وتحارشو ببنتي وراد يضرب هيله
حقج والله ابني تعده عليكم بس والله مو بوعيه شارب ام هيله واليشرب مايظل
بعقله
گالت هالكلام وكملت بتوسل مع امي
جايه عليج ام هيله الله يخليج خلي هذا كرايبج يتنازل ويطلعه
خاله ابنج تحارش بأختي وراد يضربني وذبح گرايبنا شلون تريديه يتنازل وهو عايل هالعيله الگشره
يمه گتلج مو بعقله وشارب
ابنج حتى لو مشارب هو هاي ذبتو صاحي شارب عرگ يتحارش ويذب كلام
النا ولغيرنا
سكتت كملت بغضب
صارلنا شگد يمكم شفنا وش يسوي لا خله حرمه لجار ولا خجل من اي احد
ويوميا شوفه عينج مجاتل وي واحد من وره افعالو
الرديه
شأسوي اله ادعي علي الضنا غالي يمه وانتي تعرفين هالشي
لاا مااكلج ادعي علي لجن خلي بالسجن حتى يعرف الله حق لان من آمن
العقاب اساء الادب
سكتت ماردت سمعت صوت يمان يبجي ترخصت ورحت له ريمه شايلتو وهاله يمها گلت
شبي
صعد فوك الدرج وره شعلان ووگع
مو انا ماما الوگعتو
رد علي بخوف وعيونو مغورگه ابتسمت وگلت
اي ادري انت تحبه لاخوك ومستحيل تأذي
اخذت يمان يشهگ ويبجي وگاضب رجلو گلت
ااش خلي اشوف الاوه
گعدت وخرت البجامه جان گدحه بسيطه گلت
سبع انت شوف صغيرونه الاواه هساع اخلي الك ضماده
انا هم شوفي من گضبتو اصبعي تعور
شعلان مد ايدو جان جرح بگد النمله ضحكت حبيتو منها وگلت
ادلل انت ويا
اخذتهم للغرفه عقمت جرح يمان وويا شعلان وخليت الهم ضماده
شوف يويو انا وياك واواه
يمان هز راسه مبرطم ويدحگ للضماده امي اجت وگالت
هاي شبي يمان
مابي شي گدحه بسيطه
رديت اضحك ويا حتى ما يظل يلح بالبجي گعدت يمي اخذته لحظنها تردد
يمه يمه سوده عليه شلون تعورت
جده
ها بعد جدتك
ردت على شعلان كمل
صعد ورايه وگع
هاا وانت عش تصعد للفوگ مو گتلك لاتصعد اخاف تگع وتتاذه
سكتت يدحگ لي ويفر بروحه ابتسمت اله گلت
سمعت كلام جده
اي ماما
بعد لاتصعد شوف يويو تاذه واخاف عليك لاتتاذه انت هم
بعد مااصعد
عفيه بالشاطر
يمان نزل راح اله گضب ايده ويأشر له ولرجلي جاوبه
اي مثل مالتك
كعدو يمنا يلعبون سألت
راحت ام مروان
اي راحت عگب ماتوسلت بيه الف مره الزين يتنازل عن ولدها
راح تخابري يمه
هاله سألت
هزت راسها بأي
ريمه گالت
ماراح يتنازل لان السواه ابنها كلش جبير سمعتو يصرخ انت مروان جاوبو
اي وتخبل ماشفتو شسو
به جتلو جتله موت وانتن فكيتنا منو
دحگت لي وكملت
عرفو هو الي ذبلج الكلام الگالو شعلان له وطلعت حرگه گلبو بي والله اايستر من الجاي لان الزين ماراح يگعد ياهيله ولا راح يجوز منج شفنا شسوه من رادج وراح يسوي الاكثر حتى بس تعگبين له
گلبي ليش هبط مدري هوجست كلام ريمه صح اعرف الزين من يريد شي
يسوي ويذبح روحو حتى
ياخذو
ذبيت حسره امي گالت
اخابرو واشوف وش يگول
مارديت كملت مع ساريه
جيبي جهازي خل ادگ علي
جابتو لها دگت علي رد بسرعه جان الصوت عالي ونسمع
الله يساعدك ابو شعلان
رد بسرعه
هلا عمه بيكم شي احد وياكم
ابني اجه من سمع بي واخوه وراه
بابا يوو
اخذتو لحظني وكلت بهدوء
خل جده تتكلم وبعدين انت واخوك تكلم معه
امي ردت
لاا ماكو شي لجن ام مروان هذاا
ااعرفو لهالردي
رد بسرعه وكمل
وش بها امو
اجت تريدك تتنازل عنه ووگعت عليه انا وهيله
وشگالت لها هيله
امي دحگت لي ردت
گالت لها ابنج عال عيله گشره خل بالسجن حتى
يتأدب ويعرف الله حق لان من آمن العقاب آساء الادب
سكت ورد ورة لحظه بحزم
نفس كلام ام شعلان غيرو ماعندي
خواتي دحكن لي
بابا يويو اواه
خير يول شبي اخوك
امي انطتو الجهاز تكلم
باب يويو اواه وگع من الدرج
امي گالت
مابي شي لايظل بالك
وينو يمان
بابا اوه وشوشو هم
هااي شكو يابه شبيكم اليكول انتي المجاتلين البارحه مو ابوكم
ساريه ضحكت دحكت لها سكتت
تجي بابا
ااي ابو الشوش عندي كلام مع امك
غمضت عيوني بتعب شعلان گضب ايدي گال
بابا يريدج
اي ماما
تصرفت طبيعي جدام ولدي ظلو يتكلمون معه وبعدين ترخص وراح بليل اجه وطلب يتكلم معي
گعدت ويا بالديوانيه امي حدي گال
اسمعيني يبنت الناس انا اعرف بروحي غلطت وتجاوزت كل الخطوط معج واعرف گلبج شال من يمي
لجن انا گلبي ماشال وبعدني احبج ورايد رضاج
مارديت كمل
انا اريدج تعگبين للديره
دحكت له بضوجه وگلت
رجعه لهناك ماارجع
اسمعيني للاخر
سكتت كمل بهدوء
اگعدي بالمزرعه الي سجلتها بأسمج انتي وولدج وعمه والبنوات انا ماراح افضل عليج هي لج انتي وولدي يعني گاعده بحلالج
انتي
مااروح لهناك ولا راح
اااظل تحت عصمتك يازين گتلك طلگني سويها يازين
واعتقني منك
رديت علي بغضب امي گضبت ايدي سحبتها وكملت
اعرف عش هيج گاعد تسوي اعرفك راح تذبح روحك حتى بس تاخذ الي تريدو
رد علي بهدوء وعيونه بعيوني
عش اذبح روحي انتي لي حرمتي ومستحيل اهدج او اطلگج هاي الجلمه ماراح تطلع من حلگي ابدا انتي ماايفكج مني بس من يجيبوني بالجفن ميت
امي ردت بخوف
لا يمه اسم الله عليك
سكت يدحگ لي درت وجهي منو كمل
اسألج سؤال انتي وعمه
مارديت امي گالت
اسأل ابو شعلان
انا استاهل الي صار بيه
درت وجهي علي صافن عليه ووجهو مطعون وغادي دم كمل بصوت مخنوك
ردي يبنت المله ردي وتكلمي گولي لي انا جنت استاهل الي سوه بيه حمد
روحي اختنگت درت وجهي كاتمه دمعتي گوه
امي ردت
لا انت تستاهل ولا حنا نستاهل الي صار بينا خطيتك وخطيتنا برگبه حمد من حسبي الله علي ونعم الوكيل
گام لحيلو وگال
مارديتي وعدم جوابج يأكد انا هم انظلمت وياكم لو جان عندج رد جان گلتي
يبنت العرب
التزمت الصمت كمل
اخر الكلام معج انا مو جايز منج انتي او ولدي شفت الوضع وشفت حالكم شلون صار من وره هالردي واعيدها عليج عگبو للمزرعه وعز الله ماراح افرض روحي عليج اجي اشوف ولدي واعگب
شوفهم هينه انا مستحيل بعد اعگب لهناك
سكت يدحك لي وهو عاگد الحواجب كملت بعتب ولوم من گمت عيوني بعيونه
شلون تريدني اعگب لها وانت فضحتني بها وخليت اليسوه والمايسوه يتكلم بي
عگبي وجدام الكل اعتذر انا العلت وشيخ واخطأ والسموحه منج
سكتت امي ادحگ لي هزيت راسي بلااا ورديت
يازين الكلام هذا مارح يطيب جروحي ولا راح يعگب الراح
گلت هالكلام ودموعي نزلت سريت من يمو گال
عزه الله راح توازيني على شي مااريد اسوي
🌿🌿🌿🌿🌿🌿
ايهم
بعد الشفته بلارا گلبي لعب وشكيت بيها گلت هاي عدها شي واكيد گاعد تلعب من ورايه لزمت روحي بصعوبه ماردت اتصرف تصرف سريع واندم علي بعدين
ظليت اخابر يوميا اسأل امي هي بالبيت ترد اي ماطلعت اروح واجي
ليمهم منتبه الها
خاتله بالغرفه ومااعرف ويا من تحجي اسأل ادگلي صديقات بس گلبي جان يكلي گاعد اجذب
بداخلي صار صوت قوي يگلي هاي جاي تخوني
وگلت بس الزمها لزمه ايد الا اگتلها واغسل عاري
وره ايام خابرتني گالت اريد اروح للصالون العصر سويت روحي مو مهتم رديت
اي روحي
توديني انت
لا مشغول
لعد راح اروح وي صديقتي
روحي بس لاتتاخرين على الولد
لاا مااتأخر
سلمت وراحت باوعت للساعه 2 كمت وطلعت
من المركز اخذت سياره ولد صاحبي ورحت لبيت اهلي وگفت براس الشارع صافن بجمود وبالي راح لذيج الايام من خطبت ليان وهي ادخلت بينا وخلتني اخذها واغلط وياها شفت روحي شلون انهار عالمي
وصرت انسان ثاني
اشرب حتى انسى وانصطر اگعد هي يمي ونايم وياها تركت الشرب من وره هالشي حتى لاتاخذني للفراش واني مو بوعيي
كلشي مر عليه وياها شفته شريط مشوه والظلام يحيط بي
طلعت واجت لراس الشارع حركت ورحت بالجهه الثانيه واني اباوع الها بالمرايه
طلعت من الشارع ومشت مسافه وعيوني عليها بعدت حركت واستداريت من الاستداره
سياره وكفت بدون ماتأشر الها صعدت ويا ومشو وراهم مشيت اباوع مال عليها السايق تضحك اله وهو هم
لزمت الستيرن بقوه والي شكيت بي طلع صح
لزمت روحي بصعوبه وظليت وراهم راحو لغير منطقه وصلو بيت وگفت
براس الشارع
نزل شاب بكبري وهي نزلت وراه فتح الباب اجت ليمه تضحك دفعها لجوه وسده وراهم
طبيت للشارع ورحت وگفت وره سيارته نزلت اباوع للبيت بعيون ماترمش
دفعته مفتوح مشيت بالكراج ماكو احد يم باب الاستقبال وگفت من سمعتها تضحك
مصعب مووو هيج اوگف شبيك مستعجل
طلعت مسدسي انتظرت كم دقيقه واگف بس احس كلي صرت اعصاب وارجف من الغضب
طبيت اسمع ضحكهم هو يگول
ووج اشتاقيت الج وبعد مااكدر
ههه واني هم اشتاقيت الك
بالصاله وگفت اسمع اصواتهم لزمت المسدس
بقوه مشيت للباب ضربته جلاق انفتح
منوو
الولد گعد يغطي بروحه وهي ويا بدون هدوم
اجه بالي شلون ليان شافتنا سوه وضربتها ذبحه
ألم لزم گلبي وخلاني احس
بذاك الشعور الي حست بي
وجهت مسدسي على الولد صاح
ااوگف يمعود ووالله هي
ماخليته يكمل
كتلته بمكانه صاحت بخبال
لااااا ايهم خلي اا
بدون تردد رميتها واني اصيح
هااااي حوبه لياااان
