رواية دخيله الشيخ زين العابدين الفصل السادس والستون بقلم أوتار حزينه
فزاع
تكلمت وطلعت الي بگلبي لريمه كلت
لها انا احبج وهاويج
سكتت دايره وجهها
مني گلبي وجعني وكلت
راح ترفضني
اذا لاا كوليها ياريمه اعرف انا مو بالج ولا راح اصير به لجن اكلج بروح ابوج الغالي سامحيني وابريني الذمه
درات وجهها عليه عيوني بعيونها گلبي بس يمها مااعرف شيصير بي يكوم يدك بجنون ومااعرف شيصير بحالي من شافت
نظراتي لها نزلت راسها وكالت
سامحتك يافزاع وبريتك الذمه
كالت هالكلام وسرت من يمي صفنت لها وكلت بقهر
وج الذمه بريتها وارتاحت والگلب عش مابريتي
ليش خليتني معلگ بين الاي و لاا
سريت وره لحظه اردد
هساع شافتهمت تريدني مثل مااريدها لو لااا
درت وجهي لدارهم وكلت بقهر
لااا بس،،،، ماكدرت ادكولها
خجلت مني ماتريدني مبينه من تصرفاتها وكلامها معي عش كاعد افكر جثير اعرف بروحي انا حبيت من طرف واحد ويويل گلبي من هالحب
سريت بسرعه مقهور وغادي دم ومخنوك اردد
خرب حظي شمرت گلبي لفوك وكلت لاعمى اگضبه
ريمه
دشيت دارنا گلبي يدك بسرعه اليوم كله مفاجأت منا الزين والسواه ومنا فزاع الي باح لي بحبه
انتبهت لروحي واكفه بنص الصاله ومدري بروحي شلون وصلت لها
هيله كاعده تبجي وتشهگ
امي حدها هم تبجي خواتي ساكتات وحده ادحك للخ رحت كعدت يمهن امي مسحت دموعها وتكلمت مع هيله
بس يمه كافي تبجين
شفتي يمه شسوه
ااي شفتو والسواه مايسوي غير الطالع من ظهر شيوخ ولد شيوخ
ماجنت متوقعته يسوي السواه
هيله ردت بشهگه
امي كالت بصوت مخنوك
كشف سترج وسترج بعبايه الشيوخ وهاي بهاي يمه مايسدها ولا يمحي غلطه
بحگج غير السواه جدام
الاوادم
هيله سكتت تبجي بخنگه
كلت لها
الزين رفع راسنا ورد لنا كرامتنا جدام اهل الديره
كلهم
اي عز الله رفعه وطيب الخاطر
امي ردت عليه
وسألت وهي ادور بعيونها
بالدار
وين ولد اختج
هيله فزت وصاحت وهي گاضبه گلبها
يممه وين ولدي
رديت بسرعه
لاتخافين ظلو يم الزين
هيله
الموقف كله جان جبير عليه انا واهلي
الزين فاجأني من اعتذر لي جدام اهل الديره وسترني بالبشت مال عمي
ماجنت متوقعه يسوي هيج ومااعرف شصار بيه جسمي كله كام يرجف ودموعي بدت تسف على وجهي
النهار مر علينا وانا اشوف امي فرحانه بالسواه هي وخواتي وظل يحجن بالسالفه وشلون خله عبايه الشيخه على جتفي هالشي خلته يكبر بعيوني وحسيت نار گلبي من يمه بردت ،،،،
فگدت ولدي لان تاخرو عليه وروحي لابت عليهم گلت لأمي قبل المغرب
يمه خابري الزين خلي يجيب شعلان ويمان
وين جهازي هاله جيبي من الغرفه
اي هساع يمه اجيبو الج
راحت وعگبت به انطته الها فتحته وكالت
عمتج متصله علينا مرتين
اتصلي هساع على الزين وشوفي شوكت يجيب الولد
اتصلت علي
هلا يمه اسالك على الولد شوكت تجيبهم
ها راح ادزهم بايد عوض
تمام الله وياك
سدت الخط وكالت
اسمع هوسه يمه جن كاعد ياخذ عز ابوه
سكتت غصه صارت بگلبي من وره الراحو فاركونا من وكت وخلوه حسره بالگلب
تنهدت وكلت
اللهم لا اعتراض على حكمك الامر امرك والدنيا مادوم غير لوجهك الكريم
كلت هالكلام وكمت سريت لبره دنيا ليل رحت للحديقه كعدت هناك صافنه على
الصار اشوف الزين جدامي يتكلم ويعتذر مني
هيله
سمعت صوت ريمه اجت ليمي صفنت عليها مرتبكه ومدري وش بلاها انتبهت لها من عگبنا هي مو على بعضها وكلت يمكن من وره السواه الزين
سألت
خير يولي شبيج
گعدت جن مخنوگه من شي
تكلمت بتردد
اريد اكلج شي
گولي اسمعج
تنهدت وكالت
فزاع تكلم معي بموضوع يعني هو گال لي كلام هيج تعرفي انتي
ابتسمت ورديت
گلج احبج واريدج
هزت راسها خجلانه مني والدمعه بعيونها
وانتي شگلتي له
ماگلت شي بس بريته الذمه وسامحته
يعني ماانطيتي جواب ولا گلتي له اي
لاا ماگلت
ليش ريمه
سألتها وانا اعرف وش بلاها
دحكت لي بعيون مغوركه وردت
گلبي شايل علي ياهيله لان مادور ورانا
ذبيت حسره ورديت عليها
ياخيه عش يدور وراج ليش انتي جنتي تحبي لو تودي يعني شاف منج شي يخلي يجي ويدور وراج
لااااا
عجل شلون تردي يجي وراج ياريمه
سكتت وكالت وره لحظه
هو هم كال لي هالكلام
هزيت راسي وكلت
اسألج
كولي هيله
انتي تحبي مثل ماهو يحبج
دارت وجهها مني ابتسمت وكملت
تحبي ياريمه
ااانا ماا
قاطعتها
لاتجذبين ياريمه انتي تحبين فزاع لجن جنتي تكابرين وتتعاملين معه بتكبر
كامت تبجي وتردد
حتى لو ماشاف مني اي قبول اذا هو يحبني من صدك عش مااجه مادور ورايه عش مااخذته الحميه علينا ماكال وي راحو
وين راحت ووين صفى
بها الدهر
سكتت كملت بدموع
تسأليني احبه اگلج اي احبه وفديته بروحي من راد يجتله مروان لجن انا ماا اكدر امن على روحي يمه خاف لايخيب ظني بي
سكتت ودحكت ورايه درت وجهي واكف يم السدره
جن سمع كل الكلام گرب من عدنا ورد
عز الله مااخيب ظنج والايام راح تثبت لج انا من وشراح اسوي لج
اختي كامت ادحك له بدموع هزت راسها بلااا وردت علي
انا مااكدر اقبل بك لان اعرف بروحي بس يخيب ظني بيك ماراح اكدر اظل عايشه
فزاع وجهه انطعن وغده دم كلت
ريمه لاتستعجلين بالرد
انا موو انتي ياخيه
ردت عليه بشهكه سكتت كملت
انا مو قويه مثلج
دارت وجهها له وكملت بوجهه غده دم
شوف غيري يافزاع وعيش حياتك
من يعيش ياريمه عگب هالكلام ان مت وبقى بس التراب يهلو عليه
ريمه شهگت بصوت وسرت من يمنا ادحك له ظل صافن لها ومكسور دعيت بگلبي
يارب گرب قلوب المحبين واجمع اختي مع فزاع بالحلال
انتبه لروحو ادحك له نزل راسه وتكلم بصوت مخنوك
السموحه منج شيخه طولت النظر
ابتسمت وكلت
ان شاء الله تكون الثانيه وهي حلالك
رفع راسه لي وصفن عليه
ياخويه الگلب يهواك لجن يرادلو صبر
شلون ياشيخه وهي زعلانه عليه
ترضى يافزاع خل الايام ادواي گلبها وهي ترضى
وجهه فك ورد عليه
اصبر الما يمل الصبر مني اتانيها ياشيخه الما يطيب گلبها ويتطمن لي
هي لك ماتصير لغيرك
فرح وابتسم كال
هالجلمه راح اگضبج بها ياشيخه
وانا عند جلمتي يالنشمي
تنهد ورد
بارك الله بيج وربي يحفظلج الشيخ وولدج
امين ويحفظك انت واهلك
اترخص
الله معك
سرى من يمي وراح سمعت صوت سياره من
عگبت للدار كلت اجوي ولدي وصدك شفت عوض نزلهم وسلم عليه شافوني صاحو
ماما
لابسين دشاديش وبشت مفصل الهم وگبع طالعين من صدك شيوخ گلبي فز من شفتهم هيج لابسين فتحت ايدي الهم من اجوي يركضون لي
هلا بشيوخي الصغار
لميتهم بحظني دمعتي حدرت لان اشتاگيت لهم جثير
ماما شوفي عمه الهنوف اشترت لنا ذني
شعلان تكلم يشوفني هدومه ويمان يسوي مثلو ابتسمت وكلت
اي حلوات وطلعين حلوين بيهن
ماما انا وكفت وي بابا بعزه جدي
صفنت على شعلان من تكلم هالكلام هزيت راسي وجاوبتو
عفيه بيك انت لازم تكف وي ابوك وتساعده
ااي لجن يمان مااجه اوو ماما جثير بجه عليج يريدج عمه هاجر انطتو جهازه
وسكت گوة
لميت يمان لحظني بجه يحظن بي ويحب بخدي كلت
لاتبجي يويو هذوله بيت جدك ويحبوك انت واخوك
حظني شلتو وكدت شعلان عوض نزل غراض وخلاهن يم المطبخ امي يمه
ترخص وراح
ياا هاي شنو دازين عشه
ااي جده وعمه والهنوف خلت لكم اشكال والوان
شعلان رد
هاله كالت
خلي اطك صوره الهم
اي وبدلي صوره الواتس مالتي خلي وحده منهن
اي
طكت الهم اكثر من صوره اختاريت وحده
هاله بدلت الصوره،،،
شفت يمان يغفي كلت لامي
اروح ابدل له وانيمه
روحي يمه
نيمته بغرفتي وتعشيت وي امي وخواتي شعلان غفى يمي امي كالت
غسلي وتعالي اخذي لجوه اليوم تعب هو واخوه
كمت غسلت وجبت كلينس معطر مسحت
ايده وجهه واخذتو للغرفه خليتو يم اخوه طلعت غسلت هدومهم وشريتها
بره على المنشر
وكفت ادحك للبستان جن اسمع صوت ابويه وعمي واشوفهم به وابويه وياه عيوني غوركت نزلت من العتبه اريد اروح له وكفت من حسيت بروحي اختنگت ورجلي بعد ما تتحرك وعگبت لجوه سريت منزله راسي
امي سألت
شبيج يمه
اشتاگيت لابويه
رديت كاتمه دمعتي
راح اكول للزين نريد نروح له
ااي كولي له خلي نروح له
اي اخابره واكله
هزيت راسي بأي سريت مخنوگه واريد اروح له
رحت غسلت وعگبت للغرفه كعدت يم ولدي
امي اجت ورايه كعدت
يمي وكالت
خابرت عمتج تسأل علينا عرفت الزين اعتذر لنا جدام اهل الديره
عگدت حواجبي سآلت
من كال لها
بيت عمج سمعو وخالتج زينب مخابرتها وكايله لها
بيت عمي عگبو لارضهم عگب ما الزين عمرها لهم وعوضهم عن كل الخساير لجن شهم ماعگب ظل بالشمال واستقر هناك
امي كملت بحسره
لا اجت ولا كالت خل اشوف اختي وبناتها مدري انا شسويت لها حتى تكرهني
انا وياجن هالكره
عوفي هالسالفه يمه مامن وراها غير الاذيه والقهر وبعدين حنا ماردنا نتواصل معهم وغيرنا حتى السيم كارت من جنا بغداد
ادري يمه انا تعاركت معها وماقبلت بعد اتواصل وياها لجن الدم مايحن مادكول هي وعمج خلي نروح نشوفهن نسأل عليهن
ابوهن راح خلي انا اعوضهن عنه
ابتسمت بقهر ورديت
يمه الله يخليج انتي شگاعد ادگولين هو ابويه طيب ماجان يجي ولا يسأل علينا تريدين من راح يجي يسأل
عمي وخالتي بس بالاسم
گرايب لجن الطبع غربه ومايحبون غير نفسهم
اي والله غربه عننا جن مو هي اختي ولا عمج اخو ابوج
الله لايحدنا على الي لايودنا حنا عايشين والخير فوك راسنا عرفت الزين عش سجل المزرعه بأسمي حتى مااحتاج احد لا انا ولا انتو
امي هزت راسها
يمان كعد يبجي شلتو وخليتو بحظني
كامت وكالت
اروح اسوي له ممه خطيه مااكل شي
بالجبيره يمه
اي
سرت من يمي وعگبت وره مشوار جايبه له الممه خليتها بحلگه يرضع وهو
نايم
جهازي دگ برساله على الواتس شفت ايقونه الزين فتحتها قريت
زين العابدين
الدنيا انگبلت علينا واجونا جثير ناس يعزوني بالغالي واكف بعزاه انا وعبدالعزيز
وكبارية ديرتنا وجرح فراگه يون بگلبي
مهموم ومقهور لان واحد مثل خلف ما يسوالو تفله جتل واحد يسواه هو وعشيرته كلهم
حلفت اكثر من مرة الا اهجول صگبان من الديره هو وربعه واخليهم عبره لمن اعتبر كلت بس افض عزه ابويه اجتمع وي شيوخ الديره ونديره منها
عشينا الاوادم وفضينا اول يوم سريت تعبان وجسمي متشنج ورحت للمجلس دارنا معي عبدالعزيز وزلمه رهيفه وامنه
دشينا كعدت معهم
امي اجت هي والهنوف
سألت
نحضر لكم العشه
لاا تعشينا مع الزلم
عبدالعزيز رد وكمل
بس جاي راسي ماهود من البارحه لليوم
خدرنا هساع اصب الكم
الهنوف ردت وراحت من يمنا اسمعهم يتكلمون
بالصار ساكت افكر بهيله وولدي وأسال روحي
هساع هي عگبت والسويتو برد گلبها مني لو بعده شايل عليه راح تعگب لي اذا طلبتها لو ترفض
ابو شعلان
دحكت لعبدالعزيز كال
صعب بره ويريد يجي يسلم عليك
صفنت علي ردد
لخاطري ياخويه برحمةعمي بهاليوم لاترد طلبي
ذبيت حسره كام وراح لبره دش ورة لحظه هو معه كمت اجه بسرعه عليه حظني غمضت عيوني ردد بخنگه
السموحه ياخويه والله يرحم عمي ويجعل مأواه الجنه
امين
رديت گوة
كام يبجي وهو حاضني حضنته
خطيت بحگك يازين
كال هالكلام وكلت له
عفى الله عما سلف سامحتك ياصعب
كام يگهد بالبجي تميم طلع من يمنا يمسح بدموعه كلت بگلبي
اخ ياحمد وش سويت بنا
صعب وخر مني اشرت له وكلت
اجلس معنا
كعد يم عبدالعزيز عيوني راحت للصاله
امي والهنوف واكفات وهاجر معهن تبجي وفرحانه
وره مشوار كل واحد راح لداره لجن خواتي ظلن
يمنا سريت لجدتي كاعده بالصاله رحت حبيتها من راسها كعدت يمها كالت
زين ماسويت ياشيخ يبن الشيخ
عسى يطيب گلبها وتعكب لي
ماعليك عوف هالشي عليه
خليتها لله ولج ياجده
تعگب يمه السويتو جبير وماتسوي الا الزلم الحگ الي تعرف حگوك الله
سكتت كملت
روح ارتاح يمه وراك كعده من الصبح
اي اريح لان تعبت كلش
سريت للدرج صعدت لفوك رحت لغرفتي دشيت سديت الباب ورايه وكفت بنصها
ادحگ لكل ركن بها اتخيلها هي معي ووياها ولدنا تتلكاني بهلا والله يساعدك وولدي يمنا يفترون ردت هالشي يصير اليوم قبل باجر
ردتها تعكب لحظني اريد احظنها واشم ريحتها حتى يروح التعب ويهدأ البال
كعدت طلعت جهازي فتحته رحت للواتس ادحك لصوره ولدي مبدلتها خاله صورتهم لابسين دشاديش وبشت
وگبع ابتسمت وظليت صافن لهم،،، انتبهت صارت متصله ترددت بس كتبت
شلونج ام شعلان
شافته ردت
هلا زين
ابتسمت لان من ادكول اسمي احس بذاك الاحساس القديم الي جنت احس بي معها
الصوره حلوه وطالعين من صدك شيوخ
اي
ذبيت حسره من شفت الكلام مختصر كتبت
عسى گلبج طاب من سويت السويتو
قرت ماكتبت شي تأخرت گلت بگلبي
ااخ ماطاب يولي
طاب يازين وجبرت الخاطر
گلبي فز من الفرح ردت اتصل اتكلم معها
بموضوعنا بس كلت لاا
مااريد استعجل بهيده بهيده وياها
كتبت
الله يجبر بخاطرج ويرحم عم حميد الطيب ريحتي گلبي يبنت العرب
ردت عليه
يازين اريد اروح لابويه وعمي اريد اشوفهم
باجر اكل لفزاع ياخذكم العصر له لجن لاتتاخرن يمه الوضع ماهو آمن ياهيله تعرفين الحديده حاميه وانا ماامن عليكم من غدر صگبان وربعه
اعرف وماراح نتآخر يمه ساعه زمان ونعكب
تمام هيله
كتبت
تصبح على خير
ماجنت اريد انهي الكلام معها لجن ماحبيت افرض روحي عليها رديت
وانتي من اهله
🌿🌿🌿🌿🌿🌿
مالك
حضرت روحي اني وابويه واخوتي حتى نروح للزين ونوكف معه بعزه عمي
شعلان بغرفتنا اني وليان
واكفه تحضر اليه الجنطه
سألت
اخلي الك الدشداشه السوده
اي ووياها غتره نفس اللون
تمام عمه راح تروح وياكم
اي عجل شلون غير تروح وتوكف وي اختها
خطيه مو ماتكدر تعرف مفاصلها توجعها وذاك اليوم اجت من يم الدكتور
اي اعرف لجن هي تريد تروح شنكول لها لاتروحين
عافت الي بأيدها اجت كعدت يمي گالت
لو ما بابا جان رحت وياك واديت الواجب وي عمه وهم يعني خاف يصير شي بيه
عگدت الحواجب سألت
خير يولي بيج شي
تنهدت وردت
يعني يمكن اني حامل
فكيت عيوني دحكت لبطنها صحت بفرح
بله صدك حامل يولي
اوي مالك ليش فرحان تره اني مقهوره ماادري شلون صار هالشي جاي اخذ مانع
شلون صار هالشي ماادري
هههه هذا اكسباير ووكعتي بالفخ ياليونه الحلوه
مالك لا تضحك تره صاعدات عندي
هههه كاعد اشوف العطوب واكفات
خل اكوم من يمك
كامت گضبت ايدها وجريتها لحظني
كالت بزعل
عوفني
ههه شبيج يولي زعلتي هذا رزق من الله عش تضوجين منه
مو ضايجه بس مو هسه كيان بعده زغير خلي يصير فد خمس سنين واسوي
لااا يابه خلي نصطرهم واحد وره اللخ ونخلص
اي مو على اساس انت الكاعد تحبل
ههههه
خربت ضحك ابتسمت وصفنت عليه كلت بضحك
خرب عرضج شلون قصفه طيرت الجبهه
تستاهل حتى بعد ماتصنف عليه ابو شعر القنفذ
وتحبي للگنفذ وتموتين علي
على كلام امك بختك يم ربك جبير
كامت ماخليتها لميتها بحظني بستها من خدها رديت
عبالك حبيبي صاير مغرور عليه
ظليت ابوس بيها خربت ضحك وصاحت
ههه مالك اكعد راحه عوفني
وريتني وره المن اعوف ولج گبن خلي اطفيهن بيج
حباب مو هسه مااالك
فقدت وخليتها تفقد وياي هي بحظني رددت
احبج يولي واموت عليج ويوم عن يوم حبي يزيد لج وصرت مدمن شي اسمه
ليان
واني هم مالك
ردت علي
كعدت ادحك لي مبتسمه
وكملت
مجنون ومااعرف شسويت بيه بس اصير بحظنك
هههه مسويلج سحر
يممه يمكن صدك ولاا اني شلون قبلت بالقنفذ
ووولج
مديت ايدي الها فزت من يمي تضحك صاحت
ااشاقه حباب لاااتتخبل
ضحكت بصوت الباب اندك عضت شفتها كلت منوو
اني بابا كيان نام جوه يم بيبي
اي ماما هسه انزل اجيبه
ليونه ردت على توته كلت الها
اني اجيبه بعد لاتشيلين ثكل
بده الحضر
اركدي يولي اخاف يصير بيج شي
تره بعدني ماتاكدت اني حامل
مايخالف اركدي منا الما اجي من يم الزين اخذج واشوف وضعج
تنهدت ابتسمت ورحت لها اخذتها لحظني عيوني بعيونها كلت
بس لاتضوجين اذا طلعتي حامل هذا رزق الله وما تعرفين اني شكثر فرحت بس كلتي لي انتي يمكن حامل لو يطلع صدك شراح اسوي
ابتسمت وردت
اليكول محروم وماعدنا اطفال
لا الحمدلله رزقني لجن اني اريد بعد منج اريد بعد ولد وبنيه حتى يصيرون اثنين باثنين
ماالك انزل جيب كيان تره راح اجفص بكلمه
ههه اوي هاي شبيج صايره عنيفه ليونه
اامشي شمااخذ عيني بزون
يااا صدك اكلج بشير يريد كيتن من زعاطيط كيتي
ماانطي
ياا ليش يولي مو جابت اربعه
اي اريدهم كلهم
ليونه وين نخليهم هي وحده ومخبلتنا
مالك تعلقت بيهم
ردت علي وطلعت لبره مشيت وراها نزلنا لجوه كلت
يولي لاتفشليني وي الولد
انت ليش تنطي كلمه بدون مااتجي وادكلي حرام مالك نحرمها من ولدها
رحت شلت كيان من يم عمه توته سألت
ماما شنو تريدين تبيعين الكيتن
لاا ماما ماابيع حرام عليه احرمها من ولدها
وج هو واحد الزلمه راد وكتله اي اجيب الك
بابا ماانطي لاي احد ذوله مالاتي اني وماما وكيان
توته ردت بزعل ليان اشرت
تفضل يعني مثل كلامي
هو انتن حزب عليه من زمان مو جديده عليه
مالك احسنلك روح اشتريله واحد من سوك الغزل وودي اله
عمه حجت
هزيت راسي وكلت
هو هم هيج عمه اروح اشتري ارقى كيتن من هذا الغالي كلش واودي اله
مو عايز اني الكيتن مالجن مااعرف منو ابوه
تره ابوه معروف ومن سلاله نادره
اي من هذا طلعن واحد اسود واللخ ابيض
مالك روح تره صعدتهن لهنا
اشرت لخشمها خربت ضحك مشيت بابني لفوك سمعت توته ادكول
ماما ابد ماننطي اي واحد منهن نربيهن وي كيتي
اي اصلا حتى جدو مايقبل ابيع منهن متعلق بيهن كلش وابوج عيني يريد يودي واحد لصديقه يروح يشتريله واحد من سوك الغزل ويفضها
صحت من فوك
سمعتج ام كفشه
قنفذ
هههههه
🌿🌿🌿🌿🌿
هيله
الصبح تكلمت مع امي بغرفتي بسالفه ريمه تفاجأت
وكالت
صدك يمه فزاع يريدها
اي وانا اشوف الولد مابه عيب ولد ناس وكرايب الزين وانتي تعرفي وتعرفين اهله
اي اعرفه خوش ولد نشمي وابن اوادم لجن ااختج خااف
اختي تحبه وتوده لجن زعلانه من الصار منهم
سكتت ماردت علي كملت
يمه الولد كال لي اصبر لها الما يطيب گلبها مني
الولد ورده مال الله وما انسى شلون ركض النا من تهجولنا من الديره شالنا وماقصر معنا بشي وهو احسن من غيره وياريت
يصير من نصيبها لاختج
اي انا هم ادعي يصير من نصيبها ورايدته الها لان اعرفه يحبها حبا جبير وراح يخليها بعيونه بس تصير له
الله كريم يمه بلكي تبرد نار گلبها وي الوكت وتقبل بي
ااي نسيت اكلج هو راح ياخذنا العصر للمقبره تانشوف ابويه
كلتي للزين
راسلني البارحه وكتلو
امي سكتت ادحك لي سألت
وانتي يمه ماطاب گلبج منه
نزلت راسي وتنهدت كلت
برد من السواه وجبر خاطري لجن بعدني زعلانه علي وبگلبي عتب جبير
ابتسمت وردت علي
الزعل وراه رضى يمه والعتب يصير بين المحبين
سكتت مارديت كامت وكالت
اروح اشوف البنوات كملن خبز
خلي اكوم معج اشوف شعلان ويمان اكيد هساع اكلو خبز الما كالو بس ومن نصب الغده ماراح ياكلون لكمه
هاله شوت لحمه اكيد هساع لفت لهم وانطتهم
سريت معها كلت
يمه هالسالفه بيني وبينج مااريدج تتكلمين معها بشي
لا يمه راح اخليج انتي تتصرفين
طلعنا لوره الدار
خواتي هاله وريمه يخبزن وساريه وريهام يفرشنة بالخبز شعلان كاعد يمهن هو ويمان ياكلون بلفه
كملن خبز اذن وره ساعه صلينا جماعه ولدي معي يصلون تغدينا ونيمتهم
العصر اجه توضيت وصليت
الفرض والسنه اخذت القران وطلعنا من الدار
ريمه
عرفت فزاع راح ياخذنا للمقبره ماجنت اريد اشوفو لجن جان لازم اروح وياهم لان اشتاكيت لابويه
طلعت وي امي وخواتي سلمن علي انا ساكته ومنزله راسي رد السلام وكال
تفضلي خاله يمي
رفعت عيوني شفت ظهره لابس دشداشه نيلي طوخ وغتره لافها لفه عمانيه
نفس اللون
يله ريمه
انتبهت خواتي صعدن سريت صعدت يمهن
حرك وطلع بينا من المزرعه كال من راح للشارع العام
مانطول خاله الوضع ماهو بخير وخاف عليجن من لحظه غدر
ساعه زمان يمه ونعكب
انتبهت سيارات حرس اجت وحده طلعت لجيدام واثنين ورانا نزلت راسي مارفعته بعد
گلبي يدك بسرعه لان هو گريب مني رددت وي روحي بقهر
جنت اتمنى لو جاي ورايه ومدور عليه لو مسوي هيج جان گلبي برد من يمك
وقبلت بيك لان اعرف انا احبك مثل ماتحبني لجن انت مااجيت ولا دورت ورايه وهذا الشي خله غصه بگلبي وخلاني اخاف اسلم گلبي لك
غمضت عيوني دمعتي حدرت درت وجهي على الجامه ادحك للدرب مخنوكه من هالروحه ومن الصار بيني وبينه
وصلنا وره مشوار امي بس شافت الگبور كامت تبجي هيله كالت بصوت مخنوك
السلام عليكم اهل الديار من المؤمنين والمسلمين
وانا شاء الله بكم لاحقون نسأل الله لنا ولكم العافيه
رددنا وراها هالكلام وحنا نبجي
كالت
لاتصرخن ولا تفزعن وارضن بقضاء الله مادامت للنبي مادوم لنا
وكف بنص المگبره نزل نزلنا معه اندور على اسم
ابويه بلهفه كال بوجه غادي دم
تعالن ورايه
سرينا وراه مسافه عن الشارع وكف يم قبرين واحد بصف اللخ امي راحت تتعثر له شافت قبر ابويه
صاحت
اجيت يبو هيله اجيتك يبعد عيوني
التمينا يمه كلنا ونمنا على كبره بجيت وطلعت قهر گلبي يمه حاظنته اريده يكعد وياخذنا لحظنه اردد
ااخ يابه كسرت ظهرنا
بهالنومه
فزاع
شفت حرمه عم حميد وبناته وش سون من شافن گبره وماظل عندي اي حيل
اوكف يمهن اخذت ولد الزين لان كامو يبجون وعكبت للسياره كعدتهم بها لهيتهم بجهازي
وكفت ادحك لهن امهن يم الحجر مال اسمه تحب بي وتبجي وبناتها حوالي حرمه
الزين كاعده يمه امها تقره قران
صفنت عليها شفت ابوها بيها قويه وعدها ايمان عكس خواتها عيوني راحت لريمه حاظنه قبر ابوها وصوت بجيها ليمي يوصل
عم فزاع عش جبتنا لهينه اريد اعگب
هساع نعكب لاتخاف
رديت على شعلان يدحك لهن والدمعه بعيونه اخوه التهى يدحك للكارتون
هيله
شفت قبر ابويه وعمي واحد حد اللخ
امي انهارت يم راسه خواتي ذبن روحن علي وانا كعدت بينه وبين عمي وكلت
وانا ابجي
يرحمكم الله عشتو اخوه بالدنيا وفاركتوها وانتو اخوه
تماسكت ماردت انهار گويت امي وخواتي وكلت
بلا صراخ ابجن لجن ما اريدجن تصرخن علي لا تعذبنه بگبره تذكرن هو مايرضى بهالشي
راح اابونا ياهيله
ساريه صرخت
كلت لها
راح ليم رب كريم واحن مني ومنج علي
حظنت ترابه تبجي وتشهك
فتحت القران وكمت ارتل سوره ياسين عليت صوتي اريدهن يسمعن ويهدأن وره مشوار سكتن
هاله كامت تدعي له
الله يرحمك يابه ويجعل الجنه مئواك انت وعم شعلان كفيت ووفيت ويانا اسال الله لك الفردوس الاعلى ويجمعك مع نبينا محمد وصحبه الكرام
امين
خواتي صاحن رددن وراها
راضين عليك يابه ماقصرت معنا بشي
فراكك صعب يبو هيله واذاني غيابك جثير
دموعي جانت تحدر وامسحها كملت السوره
ودعيت له
اللهم انا ابي في ذمتك وحبل جوارك فاغفر له ما تقدم من ذنبه وماتأخر وانت القادر على كلشي يارب العالمين اللهم اسالك له العفو والرحمه والمغفره له ولمن دفن في هذه
الارض
امين امين يارب
يارب انت الكريم وانت الرحيم وكلنا عبادك في الارض اسالك بنور وجهك الكريم واسمك الاعظم الذي اذا اصطفيت به نفسك او احد من عبادك
ان تعتق موتانا وموتى المسلمين وترزقهم الجنه بدون حساب
رددت هالدعاء بخنگه والدموع تسف على وجهي رحت حبيت اسم ابويه وكلت
وجهك ابيض يابه وراح يظل هيج طول العمر
وخرت منه ورحت لعمي هم حبيت اسمه ورددت
وبشر القاتل بالقتل ودمك ياعم ماراح هدر حساب الدنيا شفناه وظل حساب الاخره يم ربك وهم راح ياخذه لك الحاكم العادل
اجوي جهال صغار رشو الگبر امي انطت لهم فلوس ووزعنا خفيفي سوينا له لان هو يحبه. وحلويات ومي خواتي نظفن المجان داير
مدايره هو وعمي ورشينا كله مي
عگبنا المغرب دمعتنا بعيونه ومقهورين من وره
فراگه ماكدرنا نتعشه ولا اكلن شي
عشيت ولدي ونيمتهم
ساعه عشره كمت من يمهم وطلعت للصاله امي كاعده تقره قران خواتي بغرفتهن سريت للمطبخ طلعت لبره
اريد ابجي بعيد عن عيون امي وخواتي اريد اطلع نهده گلبي بمچان مابي احد تمشيت للبستان دمعتي تحدر ماامسحها
زين العابدين
فضينا ثاني يوم من العزه والدار والمجلس فرغو علينا كعدت بالحديقه البره خابرت فزاع اساله عن هيله واهلها لان ظال بالي عليها
رد
هلا شيخ
حي الله من كال ياخويه شسويت اليوم
اخذت الاهل مثل ماردت ووديتهم للمگبره وعگبتهم المغرب
ورثت جگاره سالته
ام شعلان وش شسوت
بجت وقرت له قران
عكبت ليوره وسندت ظهري على الكرسي كمل
كلهن انهارن يم ابوهن الا هي ياشيخ شفت بها عم حميد الله يرحمو الايمان بگلبها والقوه والصبر
غمضت عيوني وكلت
ااي هي مثلو
سكت وكال
هاي وين رايحه ام شعلان
عكدت حواجبي كلت
خير يول وين رايحه حرمتي
دشت للبستان
عز الله راحت تبجي بي يول لاتعوفها وحدها روح وراها لجن لاتشوفها روحك
تم شيخ
كلت هالكلام وكمت ،،،، رحت لسيارتي صعدت حركت وطلعت للمزرعه ورايه حرس دست بها وصلت وره مشوار
بسرعه نزلت ورحت للبستان رساله اجتني من فزاع فتحتها قريت
كعدت بمچان الي مات بي عمي
خليت الحرس ينتشرون حوالين البستان سريت لها
لاح لي فزاع من بعيد واكف وصلت يمه كلت بهدوء
روح اخويه
راح افتر حوالين البستان
هزيت راسي بأي تمشيت بهدوء كربت من المجان صرت وره عثگ نخله گريب منها سمعتها تبجي وتردد بشهگه
ذبحتني يابه من رحت انت وعمي كسرت ظهري يبو هيله ادعي القوه وانا من اجوه اصرخ من ضعفي
سكتت خلت وجهها بمجان ابويه تحب بي وتردد
مانسيت ذاك اليوم ولا راح انساه ذبحوك جدام عيوني ووكعت سايح بدمك اخذتك لهنا
كامت تضرب على صدرها بقوه وتصرخ
حظنتك ياعم مفجوعه بك مامصدكه انت انجتلت وجدام عيوني خذاك الموت منناا
دمعتي حدرت وگلبي كام يوجعني سريت اريد اروح لها لجن وكفت من كالت
انت ذبحتني وابويه هم والزين ياعم هم ذبحني من صدك حمد وجذبني ردته
يصدكني ماصدك ياعم
نزلت راسها خلته بالارض تنحب وتبجي رددت بشهكه
شلون صدكه وهو يعرف من انا شلون وانا احبه حبا جبير شلون ياعم خانه گلبه
وصدك انا ممكن اخونه
سندت ظهري على العثگ ونزلت للارض كاضب راسي واون وياها من قهري
ورغم السواه بيه ماكرهته ياعم
درت روحي ودحكت لها كالت بشهكه
ماكرهت ولدك ياعم احبه واظل احبه للموت وبريته الذمه وسامحته لان ما ارضاله يتحاسب من ورايه ولا اريد له الاذيه لا مني ولا من اي احد لان ااعرف
شهكت بالبجي وكملت
اعرف بروحي اذا صار له شي انا اموت وراه
اخ يولي اخ مني ومن السويته بيج
كمت من مچاني سريت لها ماحست بي نايمه على تراب المات بي ابويه تردد
شأسوي ياعم اريد اعگب له لجن گلبي بعده ماطاب منه
كافي ولج كاافي
فزت من مجانها دحكت لي بوجه غادي دم والتراب مالي وجهها وهدومها دارته مني تشهگ وتحاول تكتمها كعدت يمها على رگبتي
كالت بصوت رايح
روح يازين
وين اروح يولي وشلون اسري عكب الكلام الي سمعتو
شهكت بصوت وضمت وجهها بين ايدها مديت ايدي لها اخذتها لحظني
سحبت روحها مني وصاحت بصوت مكتوم
مااجوز لك حرام تكضبني
سحبت ايدي منها تبجي وتشهگ دحكت لي ورددت
شسويت بينا يازين شسويت بيه محتاجتك تلمني بحظنك اريد ابجي بي اريد اطلع نهده گلبي بي لجن اانت...
صحت بقهر
ااعرف وش سويت وندمان ندم العمر واصلحه والله اصلح كلشي بس عگبي لي
هيله انتي محتاجتني مثل ماانا محتاجج وج يولي كاعد ارجف يمج اريد اخذج لحظني وماجاي اكدر
ااي محتاجتك لجن گلبي بعده يوجعني من السويته
لييش يازين
صرخت بي وضربتي على صدري بايدها كملت بشهگه
عش صدكت حمد وجذبتني عش بعتني اليه واشتريته اله انت السبب بهالفراك اانت يازين
تصرخ وتضرب بيه كلت بصوت مخنوك
كافي يولي انا السبب عز الله انا الضيعتج من ايدي وعلت عليج جثير
دارت روحها مني وصاحت بي
روح خليني وحدي
اروح بس كومي منا لا تضلين وحدج بهالظلمه
كنلك رووح فاركني
مااكدر افهمي انا جاي اموت من السويته بج ومن هالفراگ مااطيب الا اشوفج بداري وتضحكين لي مثل الاول
كامت هوت ردت اكضب ايدها ماخلتني
سرت تشهگ بالبجي وانا وراها مااعرف شصار بيه گلبي انمرد وويا روحي غديت نار من وراها وصلت الدار مادحكت وراها دشت
لجوه
ظليت واكف ادحك للدار فزاع اجه وكف بصفي كلت
راح اظل اليوم هينه
اي شيخ
رد بس هالكلام
عرف وش بيه
هيله
دشيت للجوه ماكو احد رحت اجر بخطواتي للغرفه مالتي تمددت يم ولدي
اشهك وابجي ردت اروح لحظنه انسى زعلي منه لجن ماكدرت لان مو حلاله وگلبي بعده يوجعني من
السواه بيه
مانمت الفجر كمت صليت وكعدت اقره قران اريد اهدا اليوم مر عليه ثكيل
من وره الصار بليل مرت ايام وفض عزه عمي يوم الخميس تفاجأنا من خابر الزين على امي وكال لها مله محمد يريد وحده من خواتي
