رواية دخيله الشيخ زين العابدين الفصل السابع والستون بقلم أوتار حزينه
زين العابدين
صلينا العشه بالجامع انا وعبدالعزيز وعم مهنا
كملنا الفرض والسنه عگبنا للمجلس كعدنا هناك نتكلم بسالفه الردي صگبان
مله محمد دش وسلم
عليكم السلامه والرحمه
رديت علي اشرت له يجي حدي اجه جلس دارت الكهوه علينا تكلم وره لحظه
شيخ جايك بسالفه ويارب الي اريده يصير من نصيبي
هوجست به يريد يخطب رديت
ابشر ياخويه كول وش تريد وانا حاضر وسداد
الحمد لله مستوره شيخ لجن انا اريدك تتكلم مع حرمه عم حميد الله يرحمو
وتطلب لي وحده من بناته
رفعت حواجبي وابتسمت سألت
تريد وحده من بنات عم حميد
اي والله ياشيخ ياريت وحده منهن تصير من نصيبي
هزيت راسي وكلت
ادلل مله اتكلم معها واردلك خبر وان شاء
الله الك نصيب يمهم
يالله يسمع منك ربنا
تربح مله اذا صارت لك وحده منهن ادب واخلاق
ومستورات وبعد بنات مله حميد وانت تعرف من هو
عبدالعزيز تكلم وهو رد
هالاسم يكفي يابو زين وعسى الله وحده منهن تصير من نصيبي
ان شاء الله مله
ترخص وره مشوار وسرى من يمنا عم مهنا سألني
شيخ انا شفت غير ام شعلان اربعه اثنين كبار واثنين صغار يعني اكيد وحده منهن راح تقبل بي للمله لان مايعيبه شي
اي عم مله محمد صاحب دين واخلاق يعني ما اظن راح يرفضو
اسأل حرمتك
عبدالعزيز تكلم معي وكمل
امر خواتها بأيدها حتى امها تاخذ بكلامها
ابتسمت وسألته
شمدريك بهالشي ياخويه
افا يبو شعلان شلون ما اعرف هي من جان ابوها الله يرحمه طيب ياخذ بشورها وبرأيها وهساع اكيد امها هم تمشي برأيها
ذبيت حسره وهزيت راسي كلت
تكلمت بالصدك حتى انا جنت اشورها ورأيها يطلع صح
صغيره عمر لجن عقلها عقل حرمه جبيره
عم مهنا رد وكمل معي
حرمتك تلوك لها اسم شيخه
ااي عز الله شيخه وام شيوخ
هيله
قبل الظهر حنا نشتغل دگ جهاز امي جان على الكاونتر ريمه راحت له كالت
يمه الزين يتصل
جابته لها فتحت الخط كالت
هلا يمه الحمد لله نسأل عليك
الاهل شلونهم عساهم بخير
اي اسمعك
امي سكتت عكدت حواجبي ريمه اشرت سماعه فتحته سمعت صوته
انا كلت له اكول لج ولهيله واشوف ردكم علي
والله يايمه هو مابي اي عيب ولد مستور وصاحب دين ونعرفه من زمان من جان يجي لعمك ويعلمه اصول الدين ويحفظه
القرآن
ااي والكل يشهد له بالاخلاق وانا منهم وبعد
ظلت يمج انتي وهيله شوفي رأي ريمه وهاله ورديلي خبر
تمام يمه اسألهن واردلك خبر
اي
رد وسكت بعدين كال
هيله وين اكدر اتكلم معها
اي هيانها يمي
اشرت لي ومدت ايدها بالجهاز ذبيت حسره اخذته وسريت من يمهم رحت للغرفه كال
الو
هلا زين
سكت وانا هم ماشفته عكب ذيج الليله ولا سمعت صوته كمل بصوت مخنوك
شلونج يولي
بخير
كعدت ولدي جدامي بالصاله يدحكون لكارتون سأل
الولد شلونهم
زينين
شكاعد يسوون
كاعدين يدحكون لافلام كارتون بالصاله
اشتاگيت الهم صارلي جم يوم مااجيت ولا شفتهم
مارديت كمل
اريد اجي ياهيله اشوفهم واشوفج معهم
غمضت عيوني وتنهدت كمل
تعبت يولي من الفراگ تعبت يبنت المله واكلج خافي الله عاد بيه لان الشوگ لج راح يذبحني
دمعتي حدرت كلت له
گلبي بعده يودك يازين
لجن عقلي يصد شأسوي كل لي خاطر مكسور وخاطر مشتاگ شلون اجمع بينهن انت گلي
اااخ شلون بيه وج افهمي انا تعبت جاي اموت من الفراگ اريد اعگب للدار الگاج به تتلگيني انتي وولدي اريد ذيج الايام تعود مااريد
صد منج ولا اريد اشوف
نظره عتب او حزن بعيونج من تشوفيني
انا ماصديت من خاطر يازين صديت من وجع ماظنيت انك في يوم تكون لي الم اشكي لروحي ولله
سكت كملت بغصه
لاتظن انا هم مرتاحه من هل الفراگ لااا يازين من اول يوم تفارگنا به انا ما حسبته لي عمر عمري معك انت وبس كل الحوالي ماملو عليه الفراغ الي انت تركته بروحي
ياهيله راح اگلج نفس الكلام الي گلتو لج من اجيتني دخيله ،،
اقبلي بي لجن مااگرب منج
الا تطيب نفسج مني
سكتت كمل بتوسل
اقبلي وفرحي گلبي
يازين اانا........
لاتردين هساع فكري عيوني لج لو تريديها لجن لاتجازيني بالعمى لاترفضين يولي
وخلينا نعوض الفات من
عمرنا ونلم ولدنا وحنا معهم بدار وحده
ماكدرت اكول اي او لااا كمل
فكري ام شعلان وراح اصبر لج صبر ايوب واتاني جلمه اي بفارغ الصبر
تنهدت كلت
اروح اذن الظهر
روحي يابعد حي وميتي
دمعتي حدرت من كال هالجلمه رديت
مع السلامه
الله وياج
سديت الخط وصفنت على ولدي گلبي ماعاد مثل الاول من يم زين برد والسواه خلاني احس هو رجع لي كرامتي جدام الكل لجن الزعل بعده بگلبي
امي اجت متوضيه وتردد الاذان كمت اخذت هدوم لي سبحت وعگبت للغرفه
صليت وولدي معي
كعدت اسبح باصابعي ادحك لهم يسون مثلي جريتهم لحظني حبيتهم
شعلان كال
ماما بابا مايجي
كال اجي اليوم
صاح بفرح
صددددك ماما
اي
يويو بابا راح يجي
كام يكمز هو واخوه ويصيحون
امي اجت كالت
خير شبيهم الولد
فرحانين لان الزين راح يجي
ها هلا بي
كمت ذبيت الازار وصفطته هو والسجاده خليتهن بمچانهن كعدت
كالت لي
اكلج يمه شكلتي عن سالفه مله محمد
اكول خير يمه ونصيب زين لخواتي
دحكت للصاله وكملت بهدوء
ريمه يريدها فزاع وهي هاويته لجن تعرفين البيها
كعدت يمها مبتسمه ورديت
ريمه لفزاع يمه انطيته جلمه وراح اوفي بها بس يطيب گلبها منه يجي
ويخطبها
سكتت من دشت هاله جايبه هدومنا من الحبل خلتهن على الكرسي
كلت
اكعدي هاله اريد اتكلم معج بسالفه
بين الخجل بملامحها وعرفت وش نريد نتكلم به كعدت يم امي كلت
سمعتي وش كال الزين مو
هزت راسها بأي
كملت مبتسمه
وانتي وش رايج بهالشي
انا ليش ياهيله تكلمي مع ريمه هي اكبر
ردت بخوف ابتسمت لأمي كالت لها
عوفج من اختج كاعدين نسألج انتي
سكتت ادحك لي ولأمي كملت
انتي تعرفين مله محمد وشايفتو من جنا نروح للجامع ولد مستور ومن اهل الله واعرف بي راح يخاف الله بيج ويخليج بين عيونه اذا صرتي من نصيبه
سكتت منزله راسها ووجهها غده دم
كملت
محد راح يجبرج على شي هاي حياتج وانتي قرري لجن خلي بالج الزلمه مابه اي عيب وتربح من تاخذ واحد مثلو صاحب دين واخلاق
انا مدري وش اكول
لاتردين هساع روحي فكري وصلي استخاره وان شاء الله تشوفين الخير بيها
امين يمه
امي ردت
اختي كامت من يمنا وكالت
اروح اسبح واصلي
روحي خيه
رديت عليها من طلعت من يمنا
امي كالت
جن اشوف بوجهها القبول
اي انا هم حسيت هالاحساس وان شاء الله تصير قسمتها معه لان الولد خوش زلمه واعرفه راح يخاف الله بيها
اي يمه احسو نفس طبع ابوج الله يرحمه
سكتت كامت لحيلها وكالت
خلي نكوم نصب الغده
تغدينا ادحك لريمه تاكل وتصفن وهاله هم دعيت الهن الله يرزقهن الزلم
الي تخاف الله بيهن ويهدي
ريمه على فزاع
زين العابدين
رحت للمزرعه بليل تاشوف ولدي وهيله وصلت فزاع تلگاني سلم من نزلت
گوة الله عزمك ياشيخ
وعزمك ياخويه شلون الحال يمك
الحمد لله بخير
دومه بخير
سريت هو معي كال
الاهل كاعدين بالحديقه
تمام
رحت وحدي وهو عگب ليم الحرس وصلت وكفت يم شجره من شفت ساريه تلعب طوبه هي وولدي وريهام معهم
غمضت عيوني وذبيت حسره من تذكرت ذيج الايام الحلوه الجانت تجمعني معهم
خسرت يازين
اي وابصم بالعشره
بابا
شعلان صاح فتحت اجه يركض لي ويمان وراه فتحت ايدي لهم ونزلت لجوه حظنتهم يحبون بي فرحانين بشوفتي
هلا يابه اشتاگيت لكم
حنا هم مو يويو
اخوه هز راسه بأي
عمه اجت كلت
شلونج عمه
هلا يمه كل الهلا
ريمه سلمت هي وساريه وريهام لجن هيله ماهيه ولا هاله عمه عرفت وش بيه كالت
هيله جوه هساع تجي يحضرن تعلوله
هاا
ساريه تكلمت
ههه اجيت بوكتها سويت كيكه مال ليمون تخبل يازين موو ريهام
ها يعني مو ذاك الطعم
والله طيبه يمه مو طيبه الكيكه الي اسويها
اي طيبه
شفتي امي كالت طيبه انتي تغارين مني لان ماتعرفين تسوين اي شي
ااي اي افتهمن تره كيكه شمسويه قابل قوزي
ادحك لهن ومبتسم وحده اداهر اللخ امهن كالت بضحك
اش اجت هيله
سكتن وخنسن دحكت ليوره جايه شايله صينيه جبيره وهاله صينيه شربت
سريت لها كلت
جيبيها عنج
لاا انا اكدر
يولي عوفيها
كلت اكدر اشيلها
شلون يعني ماراح تهديها
يازين اكدر
ههه تعاركو من وره صينيه
ساريه تكلمت تضحك
درت وجهي عليها مبتسم
سدت حلكها بأيدها درته شفت هيله تخزر بها كلت
بهدوء
هديها يولي
عافتها وديتها للميز اجت شالت يمان ماقبل يريد يجي عليه عافته واجه عليه هاله كالت بخجل
شلونك ابو شعلان
هلا خيه
تفضل يمه عش واكف
والله راح اكعد واكل لان المنظر يشهي
بالعافيه اليوم البنات ماخلن شي مااسونا
كاعد اشوف واحلى شي هاي الكيكه ام شلف
الليمون
اخذت الشلف واكلته
شعلان عقج خشمه وكال
وهو يمطگ
حامض بابا
اي ولك بس احبه
دحكت لهيله كعدت اگبالي منزله راسها كلت
شلونج ام شعلان
ههه جان بعد وكت
ساريه ردت
ابتسمت والكل معي عيوني
على هيله لاحت لي ابتسامه رفعت عيونها لي
هالگلب وش تعمل بها هالنظرات وعش بس يمها انا اضيع واتيه حتى اسمي
بابا
شعلان صاحني وطلعني من الشعور الي صيطر عليه كلت
ها بابا
يويو وكع شوف رجليه تعورت
يا وين تعورت ولك
يمان اشر لركبته صدك مزلخه ومجروحه
عمه ردت
والله يايمه شعلان صارله فتره يصعد القنفه ويكمز منها هو يريد يسوي مثله حنا مانخلي مدري شلون
غافلنا وسواها ومانسمع غير بس العيطه
ههه وجان يتعور شيخ يويو
رديت بضحك
ساريه كالت
ماطلعو لعيله هادئين طلعو لك يازين بالوكاحه
الولد مايلوك لهم يطلعون هادئين ياساريه لازم شويه وكاحه وشراسه حتى يكدرون يعيشون بهالدنيا
اي الگوي بهالوكت ينراد
عمه ردت لي وكملت
اكل يمه عش ماتمد ايدك
بسم الله
اكلت قطعه وكلت
والله طيبه هاي جن بها ليمون
عجل شنو مو كلت لك مال ليمون
ههه صح والله كلتي لي واكلت شلف الليمون صاير انسى يولي جن كبرت
رفعت عيوني لهيله صافنه عليه ورافعه حواجبها دارت وجهها مني ابتسمت
عمه كالت
لا يمه بعدك شباب وينك وي الكبر
هزيت راسي ورديت
نكبر ياعمه ماراح نظل شباب
هيلة گالت
اي مكتوب علينا نكبر ويطگ الشيب بالراس
تذكرت خصله الشيب بگذله هيله ذبيت حسره
مارديت حنا كاعدين سمعنا
رمي بعيد وكثيف فزيت لحيلي وكلت
دشن للدار بسرعه
عمه صاحت
شكو شصاير يازين
فزاع اجه يسري بسرعه شايل رشاش صحت به
خير يول شصاير
الدواعش هاجمين على قريه الشيخ ارشد وولدهم تلگوهم
باطل ولك هير الولد بالعجل
ااي هساع خابرتهم وراح نطلع لهم
جااي معكم اكف انطي سلاحك وخذ غيرو
هيله
من سمعت بي راح يروح گلبي هبط ولساني نطق كلت بخوف
وين يازين وين رايح
دار وجهه عليه وصفن
كلت لاتروح
ابتسم وكال
لاتخافين عليه زلمتج سبع ويلاوي الموت
كال هالكلام وسرى من يمنا كعدت مهدود حيلي وادحك له دمعتي حدرت
وگلبي كام يوجعني
يارب سترك برد وسلام عليك يا زين انت والوياك وقريه الشيخ ارشد
ريمه
شفت فزاع اجه مسلح وگال كلام خله گلبي يهبط ادحك له اريد اتكلم انطق تربط لساني
الزين راح وهو صفن عليه للحظه بعدين سرى وراه
ظلينا بره نسمع الرمي من بعيد وكام يزيد
يارب احفظلي الزين
هيله كالت هالكلام وانهارت بالبجي
ولدها گامولها يبجون شلت يمان اسكت بي ودمعتي تحدر وامسحها من خجلي
مدري شصار بيه گلبي نغزني ماعرف ليش هوجست
بالشر
ياربي شوكت نخلص منهم
لذوله الجلاب يوميا هاجمين على قريه وجاتلين
الاودام
يارب سترك الطف بينا وبولدنا
هاله تردد وتدعي لهم كعدت بيمان وشعلان
يم هيله يبجي ويسأل بها
بابا وين راح وشصاير ماما
ماكو شي اسكت
اختي مدري تسكت ابنها مدري تسكت روحها وره مشوار اتصلت عليه بس جهازه ناسي على الميز
شافته زادت بالبجي وكامت راحت للدرب لليودي على الشارع الحرس منتشرين
وداخلين انذار
سألت واحد
مااجه خبر من الشيخ
لاا شيخه محد خابر منهم
يارب سترك يارب لطفك بيهم
رددت وهي تفتر يمنا
يمان نام بحظني
امي كالت
اخذي وروحي لجوه انتي وخواتج
ردت اظل ردت اطمن على فزاع لجن ماكدرت اتكلم واكول هالكلام سريت كاتمه دمعتي وخواتي معي
هيله
عگبت للحديقه انا وامي
ظليت افتر بمچاني خايفه على الزين وگلبي يوجعني اسمع الرمي صار متقطع
وبعد زايد خواتي طلعن كعدن على العتبه
وشعلان كعد بالكرسي وغفى بمچانه ريمه شالته واخذته لجوه
امي ادگ على فزاع مايرد هوجسنا بالشر وحالنا صار فد مره
الفجر اذن وهم ماكو مبين لهم اثر
عمه هنيه يمنا كاعده وتدعي وعم عزام يروح ويجي للحرس
الصبح طلع وهم ماكو ولا بين خبر لهم عم عزام راح لهم وماعگب
سريت امي ورايه وريمه وعمه هنيه شفت عم عزام يمهم يضرب كف بكف گلبي هبط وكلت
صار شي بزين
شافوني اجه واحد منهم وجهه مطعون ومدري شبي كلت بخوف
ياخويه ماسمعت خبر من الشيخ او ربعه
الشيخ بخير لجن فزاع انفگد وجاي يدورون علي
يممممه وين راح الولد
امي صرخت
ومااشوف غير ريمه تگع
بالارض رحت لها شلتها من
الارض وجهها غده نوميه والشفه ابيضت
وج ريمه اكعدي
ريمه يمه ااكعدي ووج شصار بيج
مي بسرعه
صحت بالحارس راح يركض لجوه غرفتهن جاب لي مي غسلت لها وجهها عمه هنيه تضرب على وجهها كعدت تون كومتها انا وامي
سندتها عمه معنا تجر برجليها وغدت فد مره
عم عزام لحگنا يصرخ
ولكم شبيها البنت
اخذناها للدار خواتي فزن من شافن وضعها
هاله صاحت
شبيها ريمه
ووج فزاع انفگد الولد بس لا جتلو ذوله الجلاب
عمه هنيه صرخت وهي تبجي اختي انهارت بين ايدنا لا ايد ولا رجل
شكر وج ساريه جيبي شكر بسرعه
مددتها على القنفه بالصاله وخليت شكر بحلكها
ولج ريمه دحكي عليه يمه فتحي عيونج
امي تصرخ بخوف
وج هيله اختج مدري شصار بها
مابيها شي يمه هبطت هساع تكعد بس خلي بعد شكر بحلكها
غسلنا لها بمي بارد وخلينا بعد شكر فتحت تون
ماكو لاتگدر ترفع ايد ولا رجل حتى رگبتها تروح وتجي بين ايدنا خفت عليها
كلش وكلت صار بها شي من الهبطه
ام هيله خلي الحرس ياخذوها للمستشفى البنيه ماهي بخير
خلي يجووون وين ابو غانم خلي يجي علينا
هاله العبايه بسرعه
عدلت لها شالها كعدناها تروح وتجي بين ايدنا امي تلطم على وجهها وتصرخ
اختج صاار بها شي
عيلي خير يمه لاتفاولين بالشر
صحت بها
لبست لاختي العبايه شلتها وكعت عليه
امي صاحت
ماتت لشتها من عزه العزاني
ووياي يمه
عم عزام دش شاف الوضع اجه عليه شالها
وياي وطلعنا سوه اخذناها انا وامي وعمه هنيه وعم عزام للمستشفى وصلنا مگلوبه الدنيا جايبين جثير جرحى وشهداء
بجيت من شفت الوضع وامي تصرخ
حسبي الله عليكم يالمتخافون الله شمسويلكم هالاوادم حتى تجتلوهم
امشي يمه
كلت لها وانا اشهگ من الشفتو ناس تصرخ
مفجوعه بألي مات وانجتل وناس تركض بولدها الي تصوبوا
خلينا اختي بكرسي متحرك
ماتثبت كل ساع تريد تگع ليجدام
ممرضه اجت بسرعه علينا كالت
شبيها البنيه
مدري مدري هبطت ووكعت علينا
فحصت عيونها ونبضها وهي بعالم ثاني كالت
بسرعه جيبوها لهاي الردهه راحت چدامنا وحنا وراها دشينا كالت
خلوها على السديه
شلتها انا وامي وعمه هنيه خلينها عليها
اجت فحصت ضغطها انخبصت طلعت من يمنا
بسرعه امي طلعت وراها عگبت تردد بخوف وفزع
شبيها اختج صاير بها شي موو
مااعرف شنو ارد عليها فزعت وانا هم مثلها لجن
مگويه گلبي وادعي لريمه ادكوم من البها
دكتور اجه وهي معه فحص گلبها وهم ضغطها تكلم بالانكليزي معها طلعت بسرعه من يمنا
امي سالته بخوف وهي تبجي
بنتي شبيها دكتور كلي طمني عليها
مابيها شي خاله لاتخافين بس نبضات گلبها اعلى من المعدل الطبيعي
سألته
يعني شنو راح يصير بيها
رد
لااا بس هي اكيد خافت من الصار وصار عدها خفقان مفاجئ
اي اي هي خافت وهبطت
اني رديت وكعدت يمها تبجي
الممرضه عگبت شدت الها كانوله وخلت مغذي وابره بي الدكتور ظل يمها
يفحص بأيدها ويدحك
للساعه
ممرضه اللخ دشت وكالت
دكتور يريدوك بالطوارئ
جااي
رد عليها وكمل وي الممرضه اليمه
كل مشوار افحصي نبضها
تمام دكتور
زين العابدين
طلعت انا والولد لقريه الشيخ ارشد بالطريق خابرت لواء الحشد الي يمنا واجوي ورانا وصلنا الدنيا محترگه يمهم والبيوت محروكه هينه وهناك نزلنا يم الموقع الي دلانا علي ولد الشيخ ارشد شفناهم حالهم حال مخلصين عتاد وبس جم واحد يرمي على الدواعش نزلنا نركض لهم صحنا
جتكم الفزعه من ولد ذيبه
الله حيو
واحد صاح
رمينا رمي كثيف عليهم وحاوطناهم من كل الاتجاهات وويانا ولد الحشد الي اجوي واستلموهم بالثقيل
شفت فزاع حدي من بدينا نتقدم صار رمي علينا تفارگنا كل مجموعه بمچان ظلينا نمشط بالمنطقه للفجر فضت المعركه
والتهينا ننقل بالجرحى والشهداء عبالي هو معنا
انتبهت ولدنا كلهم يمي
الا هو
دورت بعيوني ماهو سألت ساري
وين فزاع ماشفتو
لاا ماشفتو شيخ
گلبي هبط صحت
يولو شوفو اخوكم وينو
الولد انتشرو وانا معهم نسمع صراخ النسوان
المفجوعه بولدها وزلمها جن بگلبي هالصراخ ويگلي
راح انفجع بأخويه ورفيجي
دكيت علي اكثر من مره يدگ عندو لجن مايرد
ولكم وينو بس لا جتلو هالانذال
اسري بالزرع وادور عليه شفت جم واحد من هذوله الجلاب مجتول وفاطس لجن هو ماكو
يارب يطلع طيب مابه شي
اسري بسرعه واردد هالكلام
يولو اطلعو ذاك التل خاف لحگ جم واحد وصوبو
الولد راحو يركضون له جماعه اللخ راحت ليم
الشاخه ادور وانا بين الزرع
عگبو كلهم وكالو
ماكو ياشيخ ماله اثر
يارب رحمتك ولكم وين راح شنو فص ملح وذاب
اذا مجتول.....
سكتت وبلعت غصتي
كملت
جان لكيناه هينه
ساري صاح
خلي نبعد اركبو السيارات بسرعه اكيد لحگهم وتصوب بمچان
تحركنا كلنا وركبنا سياراتنا طلعنا لأرض زراعيه بعيده عن المچان الحنا بي بها مرشات من بعيد لاحت لنا سيارات محتركه
هاي سياراتهم للجلاب
ساري صاح وداس للسياره وصلنا نزلنا كلنا وانتشرنا شفناهم محروگين
بسيارتهم صحت
فزااع ياخويه وينك
الولد ظلو يصرخون علي ويفترون ببين الزرع ماكو ماله اثر صحت
ياربي وين راح
طلعت جهازي دكيت عليه رن
صوت جهااازه اسمعو
ولد من عدنا صاح
فصل دكيت مره اللخ نريد نسمع الصوت من وين يجي
يم المرشات شيخ
رگضنا كلنا لها انتشرنا ندور عليه
ساري صاح مسافه عني
لكيتوو هيانو فزاع
ركضت له اصرخ
طيب ولك
مدري شييخ
وصلت له متمدد بساجيه المي كله دم متصوب بصفحته شلتو ووياي الولد وركضنا به للسياره خليته ليوره بحظني اجس نبض
گلبه صحت
ولكم طيب تلاحكو له
ساري داس للسياره
فليت الغتره من رگبتي وخليتها على جرحه
ينزف اردد
يارب الطف بحاله يارب لاتفجعني به
وووولكم بسرعه لايروح
من ايدينا
وصلنا للمستشفى الولد اخذوه من يمي وطلعو بي يركضون ويصرخون
الحگو علينا
وراهم رگضت حولوه للعمليات وطلبو دم له جانت فصيله دمه O سالب الولد محد منهم دمه مثله انا مثل دمه رحت بسرعه انطيته بطل رادو بعد لان نازف جثير
الولد خابرو اخوته كالو جايين علي سألو عن دمهم طلعو مو مثله دزيت الولد
يذيعون بالسماعه عن متبرعين نفس دمه وعگبت لمصرف الدم كتلهم اخذو مني بعد
مايصير هسه انت تبرعت مايصير بعد اخذ منك
محلل رد عليه كلت له
مابي شي اخذ بعد اخويه بين الحياه والموت ومحتاج هالدم
صفن عليه كملت بنفاذ صبر
يرحم والديك مو مال صفنه كاعد اكلك اخويه راح يروح من ايدي
اكعد بس من ادوخ كلي
كعدت بسرعه سحب دم انا يمه الولد اجوي معهم شباب كالو
هذوله دمهم مثل دم فزاع
اثنين تبرعو له كل واحد كيس انا جالس دخت والدنيا افترت بيه اشرت
لمحلل اجه بسرعه عليه سأل
دخت
اي
وخر جهاز السحب مني وخله ضماده كال
لاتتحرك ظل بمكانك
هزيت راسي سألت ساري
يول شخبار فزاع
بعده جوه بالعمليات
يارب الطف بي طلعه من هالشده سالم
گمت وره مشوار رحت له اخوته واكفين بره العمليات وگفت وياهم والخوف تارس گلبنا ونريده بس يطلع سالم
وره وين طلع النا دكتور كلنا رحنا له نسأل
بشر دكتور شحال فزاع
الحمد لله عدت على خير الرصاصه ما مأذيه اي جزء حيوي بقى بس يكعد من البنج ونشوف وضعه بعد النزف الي نزفه
الله يبشرك بالخير دكتور
كلت له هالكلام
ابوه انهار يم الدكتور
ولده گضبوه گال
اريد اشوفو وديني علي
هسه نطلعه لكم ونخليه بغرفه خاصه
الدكتور رد علينا
وره مشوار طلعو فزاع يون والبنج گاعد يفكه
اخذناه لغرفه خاصه طلعت وي الولد اوصي بيهم علي لازم اروح اكمل جم شغله
وي الاستخبارات
سريت ووياي ساري وحرسي وكفت بالممر من لمحت عمه دشت للصحيات گلبي هبط
كلت وش صاير وعش جاي لهينه
رحت بسرعه للردهه النسائيه ومااكدر ادش
لها انتظرتها تطلع طلعت وره دقائق رحت لها شافتني
كلت
خير عمه شجابج هينه صاير شي
كامت تبجي وتردد
ريمه وكعت علينا ومدري شصار بها
شجاهااا ووينها هي
هينه يمه بالردهه تعال ورايه
سريت وراها شفتها مدده ويمها هيله وحرمه عم عزام
هيله
انا يم ريمه بالردهه تفاجأت من دش علينا الزين شفته سالم مابه شي وروحي ردت
لي سلم علينا ادحك له هدومه كلها دم وطين عيونه صارت بعيوني نزلتها
عمه هنيه كالت
الحمد لله على السلامه
الله يسلمج عمه خير وش بها ريمه
صفنت عليه وذبيت حسره اشرت له سريت معه لبره جانت هوسه ناس تروح وتجي فتح باب يودي لساحه طلعنا ووكفنا بيها
كال
خير يولي هوجست بها شي مو زين
مدري يازين اختي من سمعت بفزاع انفگد وما نشوفها غير واكعه من طولها علينا
لگينا فزاع ياهيله
صدك زين صدك لكيتو
صحت بفرح
رد اي يولي لكينا متصوب وطلعنا من العمليات قبل شويه وهساع هو بالردهه القبلكم نايم بغرفه خاصه
الحمد لله والشكر لله اروح اگول لها خل تطمن
سكتت من شفته صافن لي ومبتسم گلبي گام يدگ بسرعه گال
گولي لها خلي تبطل ثگل وترضى بالولد كافي شلعان گلب ارحمو العشاگ الي تولعو بيجن واكسبن ثواب بنا يبنات المله
نزلت راسي ردد من گرب لي
احسج من بره جبل وتكابرين ياهيله بس من جوه ثلج يذوب
اروح يازين
روحي يبعد رمشي وعيناي
گالها بهمس رفعت عيوني له عكدت حواجبي من انتبهت وجهه اصفر سألت
بقلق
بيك شي
بيه انتي يولي تعللت من وراج
يازين گاعد اسألك جد
ابتسم وكال
وانا اتكلم جد
سكتت بعدين سألت
انطيت لفزاع دم
هز راسه بأي كلت
روح ارتاح واكل معلاك تايعوض الدم الي انطيتو له
من اعگب لدارنا اكل هساع ماعندي مجال لازم نطلع دوريات ونشوف ذوله منين اجونا ولفو علينا
جهازه دك رد
جاي ساعه زمان اصير يمكم
سد الخط كمل معي
اروح هيله ادعي لي
تحرك من يمي مديت ايدي له انتبه عگبت دمعتي حدرت واختنگت درت روحي وگمت ابجي
تكلم بصوت مخنوك
تصدگين اول مره احب دموعج لان اعرفها دموع نزلت من حبج لي وخوفج
عليه
مسحتهن ودحكت له صافن لي ومبتسم
گلت بغصه
ودعتك بأيد الله الي ماتضيع يمه امانه
الله شكثر مشتاگ لهالدعوه
سكتت وهو هم سكت واحد صافن للخ گال وره لحظه
رايح يبعد حي وميتي
الله معك
ريمه
گعدت اون وغاديه فد مره عقلي ماجاي يستوعب فزاع انفگد ماكدرت اتكلم جلمه ساكته ودمعتي تحدر امي
تتكلم معي مااستوعب شي
مشوار سمعت صوت هيله تسأل
كعدت
اي كعدت لجن ماتتكلم بشي ولاتفتح عيونها
حسيت بأيدها فوك گصتي سمعتها تكلمت يم اذني وكالت
لگو فزاع ياريمه وهو بخير
فتحت عيوني وصفنت عليها جسمي كله كام يرجف كالت
اش اهدئي
بروح اابويه طيب
اي طيب لجن متصوب ونايم بالردهه الي بصفنا
گامت تبجي عمه هنيه ادحك لها ولنا
امي تكلمت
فزاع تكلم بها ورادها ياخيه
هاا مبروك اي ماجاي اشوفها تخربطت من سمعت به انفگد الحمد لله من لگوه متصوب وماراح مثل غيره
اي الحمد لله والشكر
اختي اندارت تشهگ وتبجي
صفنت عليها من شافت يروح منها فزاع حست على روحها وشفتها شصار بها
وشلون انهارت من وراه كلت بس نطلع منا اتكلم معها واخليها توافق علي
🌿🌿🌿🌿🌿🌿🌿
مالك
وديت ليونه للدكتوره مالتها وطلعت صدك حامل فرحت كلش وهي ظلت زعلانه وماده بوزها شبرين
بالبيت الكل عرفو وفرحو النا من شافت عمي فرحان الها واني ويا شويه فكت
توته تكمز يمنا وادكول
اريد اخت ماريد ولد كافي علينا كيان
اي مو هي بكفيج لو بكيفنا بابا هذا رزق الله هو بكيفه ينطيني الولد او البنيه
ماعليه بابا اريد بنيه سولي حل
هههه اي يابه ادللي اذا مااجتي بنيه بهالبطن بطن اللخ راح تجيج
ماااااالك
ليان صاحت الكل خرب ضحك
كلت بضحك
اشاقه يولي والله اشاقه
سكتت وسيم كال بضحك
اسكت واستر على روحك تره اختي هسه قنبله على وشك الانفجار
ههه اي عبالك بس الانفجار راح يصير بس بمحيط غرفتنا والضحيه اني
هههه بالعافيه عليك
الانفجار احتويته بغرفتنا وزعلها راح من ظليت اسمعها كلام حلو واشاقه وياها
ثاني يوم رجعت من الشغل
طبيت للمطبخ سلمت على عمه واختي سألت على ليونه كالن فوك
صعدت لغرفتي باب جان مفتوح شويه ردت اطب وكفت من سمعتها تحجي
سامحتك ايهم وبريتك الذمه
