رواية دخيله الشيخ زين العابدين الفصل الثامن والستون بقلم أوتار حزينه
ذ
ليان
كملت العشه وي نوار وكتلها
ديربالج على كيان اروح اصعد لفوك حتى اكوي الملابس
روحي كاعد يلعب وي تيم ويمهم توته
صعدت لغرفتي خليت ميز الگوي وجبت سله الملابس اردد بضوجه
ليونه بعد يوميه اكوي شوفي صارن هوايه عليج وراح يشلعن گلبج يله يخلصن اوف اوف صوجي اني صايره كسوله بهالايام
اكوي واحجي وي روحي وادردم اعرف من يصير عندي حمل اصير كسلانه واثكل كلش واريد بس احظن المخده وانام
على النص جهازي دك رحت اله شلته من الجربايه رقم غريب مارديت علي عفته رجع اتصل مره اللخ ولح بالاتصال رحت فتحته داشوف منو هذا كلت
الو
سمعت صوت حجه بخنگه وعرفته
شلونج ليان
لزمت الجهاز بقوه ولارا اجت بين عيوني ماكدرت احجي شي كمل
اني خابرتج من السجن ورايدج تبريني الذمه وتسامحيني حتى اكدر اكمل
حياتي ومايعاقبني الله بعد
من وراج
عيوني غوركت ردت اسد الخط كمل بتوسل
سامحيني حتى اكدر انام مرتاح ابريني الذمه بداعه ابنج
دموعي نزلت كلت
سامحتك ايهم وبريتك الذمه
سمعته كام يبجي ردد
راح اظل طول العمر عايش بالندم لان ضيعتج من ايدي
رديت علي
الحمد لله جان بيه خير اليه لان الله رزقني رجال ماكو مثله بهالدنيا شفت العوض
بمالك وعرفت الله راد لي
الخير بالسويته بيه
مارد كملت
اتمنى بعد مابريتك الذمه وسامحتك بعد ماتتصل عليه
ماراح اتصل وبارك الله بيج
من سامحتيني وبريتني الذمه
سكتت كمل
مع السلامه
مارديت سديت الخط،،،، كعدت دمعتي تنزل ماامسحها
باب غرفتي انفتح عيوني صارت بعيون مالك فزيت من مكاني طب عاكد الحواجب ووجهه صاير دم عرفته سمع كل الحجي
كلت بصوت مخنوك
اتصل وبريته الذمه
سمعت
رد بغضب نزلت راسي تقدم ليمي صاح بيه
اانتي شلون حجيتي وياا شلووون ليان
وعش بريتي الذمه مااخلي مشلوع گلب وعايش بالذنب طول عمره
ماالك اني سامحته هو ولارا من زمان اختي ماتت ماردت اوكف اني وياها كدام الله وتتحاسب من ورايه وهو بريته الذمه حتى مااوكف ويا يم رب العالمين واشوفه
ووج اانتي شكاعد تحجين مخبله اانتي هذا لعب بيكم طوبه وج تهجولنا من بيوتنا
من وره سالفته هو واختج
ابووج
اشر لجوه وصاح
ووج ابوج انجلط من وراه ومن وره ست الحسن ااختج
امي طبت وراها نوار سالت
خير شبيكم
مادار بال انهد بيه
غلط السويتي يولي غلط حجيتي ويا وبريتي الذمه وسامحتي
صحت بي
محد مايغلط ماالك انت ماغلطت ماتريد هسه اهل لميس يسامحوك على
السويته بيها
لياان مو هيج الحجي
نوار حجت بخوف
صفن عليه من كلت اله هذا الكلام وجهه انطعن
تقدم عليه وكف وضرب الميز بقوه حسيت بروحي شحجيت تقدمت علي
كلت واني ابجي
اسفه موو قصدي والله ماا
سكتت من دار وجهه عليه خزرني بقسوه ورد باعصاب
ااش ولا چلمه دكيتي العظم يولي
كال هالكلام وطلع من يمنا لحگته صحته بتوسل
مالك مو قصدي والله
مادار بال نزل بسرعه
شسويتي ليان شذكرج
بهالسالفه
نوار حجت هيج ونزلت وراه
شصاير ليان وليش حجه هيج
سندت روحي على الحايط ونزلت للگاع ابجي واشهك
مالك
طلعت من بيتنا مااشوف دربي مقهور وغديت دم من وره الكلام الي كالته اليه ليان
صعدت بسيارتي وطلعت بيها
البيه ماطاب كل فتره يهيج عليه واظل الوم بروحي من وره السويته بلميس حبيت وازوجت وخلفت واثر الصار
بعده يدك بگلبي
جهازي دك جانت نوار طفيته وشمرته على صفحه
رحت لمچان يم الشط كعدت هناك وصفنت على المي
حياتي وي لميس شفتها جدام عيوني من اخذتها واني مارايد الزواج ولا حابها
الى ذيج اللحظه المشؤومه الي ماتت بيها وهي تولد
تاليا
سندت راسي على الستيرن رددت بصوت مخنوك
والله تبت ووج والله تركت كلشي بس انتي ماجزتي مني تعبتيني وتعبتي روحج بالمشاكل
رفعت راسي هزيت راسي بقهر كملت
لاا مالك انت السبب اي اني عدمت الثقه بينكم صح بطلت كلشي بس بعديش بعد ما كامت ما تآمن بيك ولا تصدك بكلامك الي ادگوله الها
سندت راسي ليوره اون من قهري
اخ اخ انتي طيبه وبريتي الذمه وسامحتيهم اني منين اجيب الميت حتى يبريني الذمه ويسامح
عيوني غوركت ورددت بقهر
اخ ليان عيرتني بشي مو ناسي وهيجتي جروحي
ليان
كرهت روحي لان حجيت ويا هيج امي عرفت كامت تبجي وتردد
شلون بريتي الذمه وهو كتل اختج شلون ليان ماشفتي شسوه بينا وج خسرنا
كلشي من وراه ومن وره
ذيج السكنت الگبور وخلت سيرتنا على كل لسان
ايهم صح غلط بحقي بس بعدين عرفت هو ضحيه
صفنت علي بقهر كملت بدموع
اي ماما ايهم ضحيه لاختي ضحكت عليه وانتي تعرفين شلون مااريد اذكر نفس الكلام لان اني سامحتها وسامحته حتى ماتتحاسب
من ورايه ولا اشوفها لا هي ولا هو يم الله
مسحت دموعها وردت
مااريد احجي بهالموضوع تعبت منه وقهر الصار راح يكتلني بس اكلج انتي غلطتي وي مالك من حجيتي هالكلام
نوار كملت وراها
ليان اخويه صح غلط هوايه بحق لميس بس والله تغير وبطل كلشي لخاطرها هي
وتاليا بس هي ماسكتت ظلت تلح علي وتتعارك
ويا وكلشي يصير توصله لبيت عمي واكثر المرات خالد من يعرف هي الغلطانه يرزلها ويحجي عليها لان جانت تغلط وتجاوز بالكلام علي
غلطت ااعرف بروحي شسويت اعرف قهرته وحرگته بهلالكلام الكلته اله بس والله مااعرف شلون طلع من حلكي ولا جنت
اقصد اجرحه
من يرجع اعتذري منه وشيحجي لاتجاوبي مالك مايستاهل هالكلام ليان ولا اقبل تحجين ويا هيج
سكتت من ماما كالت هالكلام كملت من كامت
ديربالج علي ماما رجلج ذهب وابن اصول وگفاته ويانا بهالشده محد يسويها
وشفتي انتي شسوه النا ولحد هاللحظه شكاعد يسوي
كعدت امسح بدموعي اخذت جهازي اتصل علي يطلع مغلق كمت الوم بروحي واحجي على نفسي توته اجت وكالت
بيبي جدو يريدج
اي هسه نازله
ردت عليها طلعت هي ونوار من يمي توته
احت ليمي سالتني بخوف
ماما صاير شي بينج وبين بابا
لااااا ليش تسالين هالسؤال
لعد ليش تبجين
اخذت نفس وذبيته وما رديت صافنه عليه كلت الها
مالي خلك وبجيت من وجع بطني وراسي
صفنت عليه مو مقتنعه بجوابي كملت
روحي يم اخوج خاف يوكع وياذي روحه
اروح بس بعد لاتبجين
ابتسمت بصعوبه ومسحت دموعي مالت عليه وحظنتني سالت
بابا اذا زعلج اني ازعل علي وبعد مااحجي ويا ابدا
كتلج مو بابا الي مزعلني جنت تعبانه شويه وبجيت وهسه يله روحي يمه خاف يصعد ويأذي روحه
اي راح اروح
طلعت وراحت لجوه اتصل على مالك كله يطلع مغلق خلينا العشه وهو ماكو ولساعه وحده مابين نوار تروح وتجي عليه وسيم ماعرف بالصار ماردنا نجيب طاري ايهم كدامه ويتخبل علينا شفت مالك شسوه واكيد هو هم ماراح يسكت
ساعه وحده ونص سمعته يحجي وي نوار بالصاله كمت بسرعه ردت اطلع من
غرفتي صار بوجهي بس
شافني دار وجهه مني وطب
نوار صارت اگبالي كالت
احجي ويا بهدوء
هزيت راسي بأي سديت الباب وكفت يمه وصفنت عليه كعد على الجربايه منزل راسه عضيت شفتي بقهر من شفت وجهه مطعون وصاير دم
مشيت اله رفع راسه وباوع عليه وكفت كلت
اسفه مالك موو قاصده والله احجي وياك هيج
ابتسم بس كلها قهر وحزن رد بغصه
انتي طيبه وبريتي الذمه الميته شلون راح تبريني وتسامحني ليان
دمعتي نزلت كمل
كولي تكلمي منين اجيب لميس حتى تسامحني مثل ماسامحتي لايهم
مالك ماجان قصدي اجرحك والله مااعرف شلون حجيت وياك هيج
حجيتي ليان وكله صدك ما جذبتي بشي ولا عبالج اني ناسي هالشي لاا يولي يدك بگلبي الصار وقهره ضامه بي صح حبيتج وازوجت وخلفت بس قهر السويته بلميس بعده هنااا
دك على گلبه بقوه نزل راسه وكام يبجي
من شفت وضعه شلون صار رحت اله بسرعه
وحظنته ابجي ويا واردد
اسفه مالك لو ميته ولا كايله الك هالكلام
ووج لااعبالج ناسي السويته لاااا جرح صار بگلبي وراح يظل وياي طول العمر
يردد هالكلام ويبجي
حظنت وجهه امسح بدموعه بأيدي مغمض
ودموعه تتنزل بسته من عيونه ابجي ويا واردد
بتوسل
كافي تبجي راح اموت من السويته والله ماجان قصدي اذيك بهالكلام مالك والله لميس راحت راضيه عليك
ووج شمدريج هي راحت راضيه شمدرريج ليان
رد عليه ولزم راسه بأيديه الاثنين كعدت يم رجلي على رگبتي رديت
هي جانت تحبك مالك ومستحيل تروح وهي مو راضيه عليك
مارد عليه سكت بصعوبه كال بصوت طلع بصعوبه
اريد ارتاح
مالك لاتنام زعلان مني
مو زعلان
رد مختصر وتمدد بمكانه وبهدومه دار روحه مني وجتف ايده لصدره
مالك تغير بعد الكلام الي سمعه مني كام يتأخر بره وينام بالغرفه الثانيه
لانفع ويا اعتذار ولا توسل يردد
عوفيني براحتي اني من اطيب من البيه ارجع مثل الاول
نوار من شافت وضعه كالت
هم رجع لحالته من توفت لميس
🌿🌿🌿🌿🌿🌿
زين العابدين
التمت عليه جثير شغلات منا داعش الي هجم
على قريه الشيخ ارشد ولازم نطلع دوريات ونشوف وين لابدين
ومنا الردي صگبان وكعدتي معه وجان لازم اعگب للموصل لان اجازتي خلصت من زمان ومددتها من وره الوضع
لواء الحشد طلعو مع ولدنا للجوله واستلمو هالشغله ثاني يوم دزيت خبر للقاضي
تانكعد يمه معهم
عبدالعزيز رتب الامور مع الشيوخ ومع شيخ نصيف ردت افض كلشي قبل لااروح للموصل
بمجلس القاضي جلسنا كلنا
شيوخ المنطقه حدي هو اگبالنا مع ربعه
القاضي تكلم معي وكال
شيخ زين العابدين وكل الشيوخ الكاعده بهالمجلس
طلبو مني اديرك من الديره انت وربعك ياشيخ صگبان
شلون تقبل بهالشي ياقاضي وحنا من اهلها والنا بها املاك جثيره وعايشين بها
ابا عن جد
شيخ نصيف تكلم بغضب
عز الله ماطلعتو من اهلها غرب وخليتو ايدكم بأيد الدواعش وجتلتو ولدنا
وشيخ شعلان يسواكم كلكم
حشم روحك يبو جاسم
واحد منهم صاح جاسم واخوتو فزو علي
كمت بسرعه وكفت بوجههم حرس القاضي صارو بينه وبينهم صاح به
من يتحشم ولك احترم نفسك لا اجي اجتلك بمجانك
وكفت بوجهه كلت
بهيده الحگ ناخذ بلا ما نجاتل احد
درت روحي للي تكلم كلت له بهدوء وانا اشر بايدي
يول مو هساع ارد عليك بعدين
سكت مارد عليه القاضي تكلم
اجلسو وتعوذو من الشيطان
جلسنا كلت
ياقاضي انا ماانكر البعض من ربع الشيخ صگبان قاتلو معنا وراح من عدهم جم واحد وهالشي خليتو بين عيوني واكول جدام كل الشيوخ الكاعده انا مااريد الكل تدير من الديره بس الي خلو ايدهم مع الارهاب يطلعون منها لان مااظمن ولدنا باي لحظه يهجمون
عليهم وياخذون بثار ولدهم من عدهم
شيخ نصيف كال ورايه
الي گضبناه وجان له يد بجتلة ولدنا خل اهلو يديرون من الديره ما نريدهم بها لان لحد هساع انا كاضب روحي مااريد اهد
عليهم واجتلهم بدم ولدي
الكل سكت القاضي كال
ياشيخ صگبان مو بس شيخ زين العابدين والشيخ نصيف جايين يريدون هالطلب لا كل شيوخ الديره اشتكو عليكم ورادو الي جان له يد بجتله ولدهم مايظل بالديره
انديرهم ياقاضي حنا مانشيل اثم وياهم واحد يعيل عش الكل تتحاسب من وراه
رد هالرد جم واحد تكلم معه بغضب صاح بهم
انا اول الناس متبري من اهل خلف ورشيد سمعتو والي يتكلم بجلمه زايده
انا اوكف مع القاضي والشيوخ ضدو
عم السكوت دحكت له وصفنت علي لان تبره من افعال ربعه وراد بس يخلص روحه كلت
الكم جم يوم الي عرفنا مع الدواعش واله يد بجتله ولدنا وولدكم هااا لان انتو هم راح من عدكم جم واحد وياحيف والله راحو بأيد ربعهم
سكتت ادحك لهم بخزره كملت
اساميهم راح تجي ليمكم والي يجي اسمو وتعرفو يدير من هينه مايظل بها والديه تندفع لاهل الي انجتلو على ايدهم والي يريدو اهلهم تنطوه لهم
دحكت للقاضي وكملت معه
هذا الي اريدو ياقاضينا
هز راسه دحك لهم وبعدين لشيخ نصيف وشيوخ الديره سال
راضين بألي تكلم به شيخ زين العابدين
راضين وماعدنا كلام فوك كلامه
كلت وانا ادحك للي تكلم على شيخ نصيف بأول الجلسه
انت وياهم تدير لان اسم اخوك موجود عدنا ومطلوب لنا
وجهه تغير دحگ لشيخ صگبان كال
اي واحد تعرفو من ذوله الجلاب ديرو انا ماالفي
ارهابين بعشيرتي ولا اتشرف بهم
هيج ياشيخ تبريت من ربعك وطلعت روحك من هالمصيبه
رد علي هو وجم واحد وصارت هوسه بالمجلس
يصيح عليهم وهم علا صوتهم علي القاضي صاح
بهم والحرس تدخلت سكتتهم
ااسمعو الحكم
الي جان له يد بجتلة صبي من اهل الديره مايظل بها يدير منها ويدفع ديه المقتول والي يسوي شي خارج عن هالامر امره
للدوله يعود لا احكم به
ولا افصل
عيوني على صگبان منزل راسه ووجهه غده دم القاضي كمل معه
سمعتني ياشيخ صگبان
سمعتك ياقاضي
انت تتكفل بكلشي الديه تجي للي انجتلو من بعد مااكعد مع اهلهم وافصل بالمبلغ الي يريدو
الي تريده اسوي ياقاضي
وولدنا حنا هم لنا ديه ياشيخ زين العابدين ولدنا انجتلو مع ولدكم وتكع لنا ديه معكم
ناس من ربعه تكلمو هالكلام رديت
عز الله تكع لكم وتحگون بها الشيخ صگبان مو ياقاضي
اي تحگون بها شيخكم وشيوخ كل فخذ منكم
القاضي سكت وبعدين كمل
الديه تندفع لهم حالهم من حال ولد قبيله الشيخ زين العابدين هذا حگمي وهذا قضائي والي حكمنا به يصير واي شي يطلع منكم مردوده عليكم افتهمتو
اي ياقاضي
صگبان رد علي هو وشيخ الفخاذ تبعه
فض المجلس وطلعت مع شيخ نصيف وكباريتنا سريت معهم
كلت لساري
جثر دوريات حوالينا وحوالين الديره منا الما يديرون ذوله ويولون بشرهم
تامر شيخ
وكفت يم سياراتنا يم الشيوخ كلها كلت لهم
راضين بالحكم
عز الله راضين وماقصرت ياشيخ ورحمه الله ذلك الاب الطيب الي خلف زلمه
مثلك
ويرحم امواتك شيخ نصيف
سلمت وصعدت لسيارتي كلت لساري من تحرك
يول وديني لفزاع تاشوفه
طلع من المستشفى وراح لدارهم
شنو عش طلع هذا مو مصوب وفاقد دم جثير
ماتعرفو ياشيخ يضوج من ريحه المستشفى ويتخبل منها
اي خابره يكرهها واكيد جبر اخوته يطلعو منها
رديت هالرد وجهازي دك ابتسمت من شفت اسم هيله فتحت الخط
رديت
هلا ام شعلان
بابا وينك عش مااجيت علينا
جان ابو الشوش ويويو يتكلم معه كلت وصارت
هوسه عليه
يولو مو هيج واحد واحد ماجاي افهم عليكم
شعلاان يماان بس كافي واحد واحد يتكلم
سمعت هيله انهدت بهم ابتسمت
ماما يويو مايخليني اتكلم مع ابويه
سمعته كام يبجي كلت
خير شبي شيخ يويو
شلونك يازين
هلا ام شعلان هاا جن صارت عركه يمج
اي گبت بينهم كل واحد يريد يگضب الجهاز حتى يتكلم معك
كولي لهم راح اجي بليل واكعد معهم ونتكلم
سمعتو بابا كال راح اجي بليل يمان كافي تبجي
ماكلج شي شعلان
اسمعها تتكلم معهم ومبتسم
بابا يويو زعل مني لان كلت هو مايخليني اتكلم معك
روح رضي هذا اخوك الصغير وانا بليل اجي عليكم ونكعد نتكلم براحتنا
راح احبه من خده
اي عفيه
سمعته باس اخوه وكال له
بابا راح يجينا بليل لاتبجي اسكت
يمان سكت هيله كالت له
عفيه بشيخ شوشو بطل سكت اخوه الحلو
سمعت صوت ساريه صاحتهم
راحو يلعبون طوبه مع ساريه وريهام
اااي
رديت عليها وسندت راسي ليوره سالت
مارديت لي خبر عن مله محمد
كلنا لهاله وشفت عدها قبول به
يالله يعني اردلو خبر
اي ردله خبر مله محمد خوش زلمه صاحب دين واخلاق واعرفو راح يخاف
الله باختي ويخليها بعيونه
اي عز الله تكلمتي بالصدگ
اخذت نفس وزتيتو وكلت
عجل راح انطي خبر يدز النسوان عليكم ونشوف شوكت يريد يعقد
تمام
شوفي وش محتاجه تسوين لها وراح ادزلج عوض وصافي يگضوها لج
تسلم ابو شعلان
وصلنا شيخ
ساري تكلم
كلت
اروح تاشوف فزاع
الله معك
هيله
ام مله محمد اجت علينا هي واخته لان جان بس هالولد وبنيه ويا بكدي ومو مزوجه
حبابه هي وامها وصاحبات
دين فرحن بموافقه هاله واتفقن معنا العقد الخميس الجاي
جان بعد ثلاث ايام امي وامه واخته جهزن لها الجهاز ثاني يوم لان جانو مستعجلين بزواجه
المشايه اجت وجان معهم
الزين وعبدالعزيز وكباريه
الديره
عمي اجه بعد ماخابره الزين حتى يعقد لاختي
حنا بالهول واختي جالسه بالكوشه نسمع كلام الشيخ مع عمي مانهجس غير صياح
ااانا راايد ريمه محد
يااخذها غيري
فكيت عيوني من عرفتو فزاع ودحكت لها وجهها انخطف والكل ظل يدحك لها سرت من يمنا بسرعه
امي كالت
عزه وج هذا وش بلاه
مدري يمه يمكن مفتهم غلط
فزاع
بدار اهلي متمدد بغرفتي وجهازي بأيدي
اخويه واصف دش عليه
ها يول شلونك اليوم
بخير والحمد لله
يستاهل الحمد من ادكوم صوابك خما يذب دم
لا ماجاي يذب دم
جهازي دك ولد صاحبي فتحت الخط
اخويه ترخص وكام من يمي
هلا ابو رافد
شلونك يول وشلون صرت
الحمد لله بخير
سمعت هوسه يمه كلت
شنو هالهوسه اليمك
شنو ماتدري اليوم عقد مله محمد على بنت مله حميد الله يرحمه
فكيت عيوني وكلت
من
بنت مله حميد اليوم عقدها علي
ولك شكااعد ادكول انت
فزيت من مچاني وسديت الخط بوجه ابو رافد ادور اسم الزين بأيد ترجف لكيتو اتصلت مايرد اتصلت مره
الخ هم مارد
صحت بخبال
هييي والله هي اليوم عقدها
اخذت السويج من الجراره
وهديت لبره طلعت للكراج امي شافتني صاحت
فزااع يمه شبيك
ولك وين رايح واصف ولك وااصف تعال على اخوك مدري شبي
مادرت بال لصياحها ركبت سيارتي وطلعت بسرعه
گاضب جرحي كام يون ودست بها اريد اوصل
للمزرعه قبل لاتروح من ايدي وصلت وره مشوار سيارات جثيره بره نزلت اركض ومو داير بال
لوضعي
دشيت للمجلس ارجف من اعصابي وصحت بخبال
ااانا راايد ريمه ومحد يااخذها غيري
الكل صفن عليه الزين كام لحيله واجه ليمي گضبني وخرت منه وصحت بمله محمد
ريمه لي محد يااخذها سمعت يامله
ولك ااسكت وكافي فضايح المله جاي يخطب هاله مو ريمه
الزين تكلم يم اذني دحكت له بذهول
همس
غمك الله فضحتنا امشي ااطلع
شكاعد تكول انت
من رخصتكم يابه فزاع مفتهم غلط
اخذني من ايدي لبره للممر الجانبي وكال
ولك شبيك انت تخبلت المله جاي يعقد
على هاله مووو ريمه
حيلي راح گضبت جرحي راح جاب لي كرسي وكمل
خرب حظك اي والله راح يصير بيك شي من وره هالخبال السويتو
مدري عبالي هي
ظل هينه راح اروح اكمل العقد الي اجيت وخربته بخبالاتك واعگب لك
سرى من يمي وراح
ريمه
حالي صار فد مره من ورة السمعته الصار بفزاع وما ردت لي روحي الا من كالت لي هيله
لگوه وهو بخير
ظليت ايام ادور اخباره واسمع من امي من تسأل عنه الحرس هو بخير وجاي يتحسن
هيله تكلمت معي وجنت قابله بدون ماتتكلم اي شي لان عرفت بروحي انا احبه حبا جبير
شفت خوفي علي وش سوه بي خلاني انام بالمستشفى وابجي عليه
التهينا بعقد هاله وجنا فرحانين لها جثير لان اخذت واحد يشبه ابويه
بالدين والاخلاق
واكفه يمها بالكوشه وادحك لها بعيون مغوركه اتخيل روحي مع فزاع وشلون راح
اكدر اخلي عيوني بعيونه هو بالي ومااسمع غير
صوتو يرج البيت رج
فكيت عيوني ودحكت لهيله حالها مثل حالي وعيون النسوان صارت عليه خجلت من نظراتهن وطلعت بسرعه من يمهن رحت لغرفه هيله كعدت هناك ارجف من الصار لحكتني كلت لها بدموع
شفتي وش سوه عباله انا الي جاي يعقدون لي
اي اظن هيج
الهنوف دشت مبتسمه وكالت
شلون وياجن تعبتن گلوب ولدنا
خنست من خجلي كعدت يمي وكملت
يولي فزاع مايعيبه شي نشمي واخو خيته وزلمه حگ حرامات يروح من ايدج
اختي رضت به يام زين
صددك
صاحت بفرح من هيله كالت هالكلام وكملت
عجل خلي اروح ابشره
هو وينو
بره كاعد بالممر
كامت من يمنا
ساريه صاحت هيله وطلعت من يمنا كمت وراهن رحت للشباج دحكت للممر ماهو سريت ورحت لغرفتنا سديت الباب ورايه
وكفت يم الشباج وخرت البرده شويه گلبي يدك
بسرعه دحكت شفته كاعد
وكاضب جرحه كام من اجته الهنوف تكلمت معه مااسمع وش يكولون وجهه ضحك والفرح بين بملامحه
يهز راسه بأي سرت من يمه يدحك لها فرحان دمعتي حدرت من شفته كعد گاضب جرحه والالم بين
عليه
سند ظهره على الكرسي وخرت البرده بعد شويه صافنه علي ودمعتي تحدر ماامسحها
تكلم بجهازه وسده وره مشوار دار وجهه ختلت وره البرده
طلعت وره لحظه عيوني صارت بعيونه خليتها جدامي بسرعه وختلت وراها گلبي حسيته راد يوكف من الخجل وخدودي
حسيتهن اشتعلن نار
دكه على الشباج خلتني افز بمچاني دكه مرة اللخ درت روحي وخرت البرده بهدوء معدتي مدري شصار بيها من شفته واكف يم الشباج ومبتسم
نزلت راسي بسرعه وگضبت البرده بقوه ارجف وهي معي دك مرتين
دحكت له اشر افتحي الشباج مديت ايدي فتحته
كال
هلا يبعد عيوني وبعد الراحو من هلي
دمعتي حدرت ماكدرت اتكلم بشي كمل
يويل گلبي منج تعلل جثير يل سمع جلمه اي
اي كلام ماعندي بس الدموع سكت رفعت عيوني له صافن عليه ومبتسم
كلت بغصه
الحمد لله على سلامتك
مارد نظراته مدري شسوت بيه نزلت راسي خجلانه منه ومن نظراته كلت
اروح
ريمه
وكفت دحكت له كال
هالاسبوع اخطبج واعقد
خدودي اشتعلت بعد اكثر ضحك وكال
حضري روحج راح اطلع بيج قهر گلبي بس تگضبج ايدي وتصيرين حلالي
طبكت الشباج بوجهه من سمعت هالكلام وجريت البرده بقوه ومااحس غير تكع هي والبوري عليه انثولت وخرتها مني واشوفه
خربان ضحك وگاضب جرحه عضيت شفتي من
خجلي وفشلتي منه سريت بسرعه وطلعت من الغرفه اسمع الهلال والاغاني بالهول
هاله
عقدنا انا ومله محمد والنسوان كامن يهلهن
ويطشن جكليت عليه امه اجت باركتلي هي واخته
فرحانات بي والدموع بعيونهن وره مشوار كمت وكعدت بالمجلس لان الكوشه هناك خليناها
كعدت خجلانه ومرتبكه من عيون النسوان اسمع الكل يكولون عني طالعه حلوه واخبل
جنت اول مره احف واروح صالون شعري مسرح على طوله انا حنطاويه وعيوني سود وكبار شعري اسود وطويل لان مانكص منه
بس الاطراف
ابويه الله يرحمه ماجان يقبل نگصه لا هو ولا امي لابسه قفطان مغربي لونه
ابيض وخاله على شعري
شال بلونه
المغرب النسوان طلعت من يمنا عمي اجه وعقد لي لجن خالتي مااجت رغم امي
خابرتها وكالت لها تعالي
انا جالسه بالكوشه هيله اجت وكالت
راح يدش مله محمد حتى تلبسون الحلقات
جسمي كله كام يرجف وخفت كلش لان راح اشوفه والموقف كله جان جبير
عليه عرفت دش من الهلاهل مال امه
ولا رفعت راسي ولا دحكت له اجه وكعد يمي وخرت مسافه عنه وعدلت شالي
والفستان عيوني راحت لأيده سمره ولابس محبس
عقيق
مبروك يمه وشايفين كل الخير
امه كالت هالكلام كام بوجهها رفعت عيوني له حبها من راسها ومن ايدها رد
مشكوره يمه والخير رضاج عليه
راضيه يبعد امك وفرحانه بيك جثير
ابتسم الها كالت
اكعد يم عروستك وشوفها صلاوات على النبي خلقه واخلاق
دحك لي بسرعه نزلت راسي رجع كعد حدي كال
مبروك يبنت المله
مارديت معدتي كامت توجعني والخوف والخجل گضب لساني اخته باركت له وحبته اله واليه وطلعت الحلقه وكالت
يله لبسها الحلقه
دحكت لهيله مبتسمه وحدها ريمه وامي اجت ليمي عدلت الشال وكالت
يم اذني
يمه هذا زلمتج صار عش هالخجل مدي ايدج له
مارديت وخرت مني مديت ايدي له ترجف لان راح يگضبها مد ايده سحبتها بسرعه اخته ضحكت وامه معها وخواتي الصغار خدودي اشتعلت نار وارتبكت بعد اكثر
الخجل حلو ويلوك لج
سمعته كال هالكلام رفعت راسي له صافن عليه ومبتسم
مد ايده بالحلقه صفنت عليها كمل
انتي حلالي صرتي وحلال لج تگضبين ايدي
مديتها هم ترجف گضبها وخله الحلقه باصبعي
اخته كالت بضحك
فضينا هاله بقيت انت
انطتني الحلقه وكضبت ايدي وخلتها بايده خليت الحلقه باصبعه الوسط من ارتباكي اريدها اطب ماكو خربو ضحك وهو كال بضحك
يابه مو هينه راح تعصى وشيطلعها بعد
سحبت ايدي بسرعه فشلانه ومااعرف وين اضم روحي طلعها وخلاها
بالاصبع اللخ
الهلاهل اشتغلت وطشو علينا جكليت
امي باركت له وخواتي هم اخذنا صور بجهاز اخته وطلع من يمنا وره دقائق
وره ساعه اخذ اهله وراحو كال لامي اعكب واريد
اكعد مع هاله
وره مشوار اجه وكعد وي امي بالمجلس هيله
اخذتني له دشيت ماادحك له كعدت يم امي وهيله معي سمعته تكلم
ان شاء الله اكون عند حسن ظنكم وماتشوفون غير كل الخير مني وهاله
راح اخليها بعيوني ومااقصر معها بشي
بارك الله بيك هاي هگوتي بيك وانا اعرفك من زمان واعرف بيك تخاف الله وامنت عليها يمك
تسلمين عمه بنت عم حميد الله يرحمو ومعزتها من معزته
ويرحم ابوك الطيب ويعز غاليك يمه
امي ردت له
سكت كامت كمت معها
خزرتني وكالت
اكعدي يم زلمتج
كملت ويا
اخذ راحتك الدار دارك مله
تسلمين عمه
سرت هي وهيله وطلعن من يمنا كعدت منزله راسي اسمع دگات گلبي ادك
بسرعه
اسمعيني هاله
اي
رديت كوه
كمل
انا من زمان ردت وحده منجن وجنت اتمنى وحده من بنات عم حميد تصير من نصيبي والله ساك لي هالشي وصرتي انتي من نصيبي
رفعت عيوني له صفن عليه ابتسم وكمل
صدگ من كالت امي خلقه واخلاق
نزلت راسي كمل
انا ماراح اقصر معج بشي لو تريدين عيوني انطيها لج وراح الايام تثبت هالشي
تسلم
رديت بصوت گوه طلع كام كمت معه كمل
عندج جهاز موو
هزيت راسي بأي
اريد رقمج حتى اتصل عليج عسى من اتصل عليج وما تشوفيني تنفك عگده
لسانج وااكدر اتكلم معج
رفعت عيوني له مبتسم كلت
مو حافظه رقمي
طلع قلم من جيبه واخذ كلينسه كتب رقمه بها وانطاها لي كمل بضحك
ماظلج عذر يبنت المله
اخذتها منه امي دشت كالت
وين مله ابقى على العشه
لا عمه اروح لان هساع راح يجوني ولد تايفزعون لي بجم شغله بالدار
ها براحتك يمه
ترخص وطلع من يمنا
زين العابدين
صعدت بسياره فزاع وعگبته لدارهم مبتسم وبغير عالم كلت له
يول انت شبيك شلون ادش علينا بهالشكل خليت الكل تصفن عليك وهم مذهولين
عبالي هي ياشيخ
طاح حظك ماتسال ماتخابر
خابرتك مرتين مارديت
طلعت جهازي صدك متصل مرتين وجهازي سويتو صامت من وره العقد
ياشيخ اريد اخطب هالاسبوع واعقد
اي تلايمو عليه منا ذوله اركض وراهم بكل زاغور ووادي ومنا اريد ادير ربع صگبان واخذ الديه منهم ومنا روحتي للموصل الي
اجلتها من ورة هالسوالف
ياشيخ واگع دخيل عليك بس فضلي هالسالفه مااريد اجلها كلشي يصير خاف
تروح من ايدي
ولك من تروح غير هي ماتت وراك
هاا
اسم الله عليك يابه،،، غير انا ماتكلمت معك لان
جنت بغير عالم وبسك تون ولك ياخايب هي من سمعت بك انفكدت وهي طب وكعت على حرمتي واهلها وجانت نايمه معك بنفس المستشفى وحالها حال
سكت مبتسم وراح بغير عالم فريت ايدي وكملت
هاي اخطب لهذا ولذاك وانا معلگ من خرب حظي اي والله
ها تكلمت بشي ياشيخ
لا سلامتك يابه ماتكلمت بشي
شكلت هساع هالاسبوع نعقد موو
ادلل فزاع راح اعقدلك هالاسبوع بس انت طيب
مابي شي شيخ طبت من سمعت وبشرتني الهنوف هي موافقه عليه
ضحكت وكلت
عساك طيب دوم يابو صگر هاهي ابشر هالاسبوع
نعقدلك على ريمه بس انت دز اهلك عليهم وخلي النسوان تتكلم بالجهاز والمهر
اي هو هم هيج
🌿🌿🌿🌿🌿🌿
ليان
السويته بمالك قهرني كلش وظليت عايشه بالندم لان شفت شصار بي من وره
كلامي وشلون عزل روحه عن الكل
احجي ويا يسكت توسلت
بدموع ماكو ظل نفس
وضعه ساكت والوجه مطعون
يوم وره يوم من القهر وحرگة الدم صار عندي وجع بطني وظهري صار عندي نزف وهم مادرت بال ولا اهتميت لروحي
بابا ووسيم انتبهو اله سالو شبي ماكدرت احجي الصار من وره اخويه ووضع بابا كلت من وره الشغل
وسيم گال
يا شغل ليان مو اني ويا بالشركه وامورنا بخير والحمد لله صاير شي بينكم
ماصاير شي امور مضوجته ومااعرف شنو هي
هسه كلتي شغل
كمت من مكاني وصحت بي باعصاب
اااني السبب
وكملت بدموع
ااني افتهمت اني كلت اله كلام جرحته بي
اذيته وسيم وعيرته بمرته الماتت عرفت البيه عرفت شسووويت بي
كاافي ليان
نزل من الدرج واجه ليمي وكف
ليش هيج حاجيه ويا شنو السبب
ماكو اي سبب وسيم اني غلطت بحقها وحجت هيج
مالك كال هالكلام وصفنت علي باوع عليه
هزيت راسي بلااا وكلت
بشهگه
انت ماغلطت بحقي اني الغلطت ااني
مالك سمعتك كلام جرحك وخلاك هيج تصير
وج كافي انتي حامل راح يصير بيج شي
ماما اجت ليمي تسكت بيه بابا يباوع علية وعليه
مالك رد
عمي ماكو شي لايظل بالك سوالف عاديه تصير بين اي مره ورجال
سكتت ماكدرت احجي شي كعدت اشهك كيان يمي وتوته يبجون وتيم يم نوار هم يبجي
تعالي وياي
مالك لزم ايدي كمت ويا الجهال لحكونا كال لهم
ظلو يم عمه نوار وجدو وجده
تعالو يمنا
ماما اخذتهم صعدت بصعوبه احس بألم بطني يروح ويجي رحنا للغرفه
طبينا سوه سد الباب
انداريت علي وكلت
مالك
حاله الگآبه الي صارت بيه من ماتت لميس رجعت اليه وخلتني هم انعزل عن العالم واريد اظل بس وحدي واكف اسمع ليان تكرر اعتذراها اليه وهي تبجي
بعد مااكدر مالك تعبت من زعلك تعبت من الكلام الي كلته الك كلي شاسوي
الك حتى تكدر تسامحني
اني مو زعلان منج
لاااااتجذب مالك
سكتت ووجهها انطعن وگضبت بطنها انهارت رحت بسرعه گضبتها صحت بخوف
شبيج ليان
بطني ماادري شبيها
اخذتها للجربايه تمددت وجهها صار بلحظه اصفر كركم كلت
يولي شبيج شجاج
ماردت ظلت تلوب كمت من يمها وطلعت بسرعه صحت
نوار عمه تعالو علينا
رجعت عليها فكيت عيوني من شفت جواها دم وهي تلوب صحت
ووج هااي شنو
نوار طبت وراها عمه شافوها فزن وراحن عليها
وسيم طب وسأل
ششكوو مالك
ولك ماادري كامت تنزف
رحت الها تبجي وتلوب
كتلج ااسكتي كافي بجي وحرگ دم
امها تحجي وكومتها وي نوار اخذنها للحمام وكفت بره وسيم نزل لجوه من
سمع بجي الجهال
اروح واجي يم الحمام روحي لابت كلت راح يصير بيها شي من القهر
نوار طلعت كالت بخوف
خلي نوديها للمستشفى لان كاعده تنزف هوايه
بسرعه بدلي الها
اي
اخذت هدوم وطبت للحمام طلعوها وره مشوار گاضبه بطنها وتبجي
كافي بجي رحمه لاهلج كافي يولي تره گلبي خلص من القهر
كلت هالكلام واخذتها من عدهن يم الدرج ماكدرت تنزل شلتها ونزلت بيها خليتها بالسياره طلعوا ويايه وسيم وامها
للمستشفى وصلنا
گبل لصاله الولاده دخلوها
ووياها امها
وره مشوار طلعت كالت
الحمد لله الطفل ماراح بس الجاره متقدمه ومن وراها صار هالنزف
هي شلونها عمه طمنيني عليها
مابيها شي ضربوها ابره نزف وان شاء الله يوكف النزف
يالله
رديت ورحت سندت ظهري على الحايط
وسيم اجه ليمي سال
مالك شصاير انت وليان ماعدكم مشاكل يعني ماجاي افهم السبب الي
يخليها هيج تصير
ذبيت حسره وكلت
بعدين اكلك
سكت ماحجه شي ظلينا واكفين بره نوار اتصلت عليه وراح يحجي وياها بالممر
وره ساعه طلعت ليان بكرسي تعبانه وصايره فد مره دحكت عليه ودمعتها نزلت ماحجيت شي اخذنها
للبيت وصلنا
رادت تنزل ماخليتها اجيت شلتها وطبيت بيها للغرفه الجوه تمددت نوار جابت
عمي بالكرسي المتحرك اشر النا خايف عليها وصاير
فد مره
وسيم كال
مابيها شي بابا هي زينه والطفل هم
اشر لفوك
كعدت يمها غمضت عيونها
امها كالت
خلها تنام وترتاح
كلت هالكلام توته يمي ادحك عليها وتبجي
مابيها شي بابا لاتظلين تبجين
كله منك بابا انت زعلتها وخليتها بس تبجي
كالت هالكلام وطلعت من يمي
استغفر الله ياربي
كلت هالكلام وسكتت
وسيم كال
خل نطلع ونخليها ترتاح
اني ظال يمها روحو انتو
اي شي يصير صيحنا
عمه كالت هالكلام
وهزيت راسي بأي
طلعو من يمي وظليت وحدي وياها صفنت عليها فتحت عيونها دمعتها نزلت مسحتها بايدي كلت
بس كافي بجي جاي تاذيني يولي بهالدموع
اذيتك مالك
ردت بشهگه وانهارت بالبجي اخذتها لحظني ختلت بي تشهگ بصوت قوي ذبيت حسره
شلون يعني ماراح نسكت
ظلت تبجي بحظني وخرتها مني ماادحك عليه منزله راسها مسحت دموعها
وكلت
اذا تحبيني اسكتي
رفعت عيونها اليه وردت بشهكه
اسكت بس انت سامحني وارجع وياي مثل قبل
ابتسمت وكلت
وج بابا شنو اسامحج الشغله مو يمج اني تعبان من هالموضوع وضامه بگلبي انتي ماخصج بي
مالك جرحتك وذكرتك بي
اني مو ناسي ليان صح ما احجي بي بس ضامه بگلبي
سكتت صافنه علي سالت بدموع
شاسوي الك كلي مالك شلون اخليك ترتاح
انتي ارتاحي هساع واستري عليه واني ارتاح
ظل يمي لاتروح
مارايح يابه كاعد يمج بس اهدائي ونامي
انام بس ماتعوفني
مااعوفج بس نامي
اجت لحظني لميتها بي كلت
ارتاحي يولي واركدي
اي
ردت عليه تمددت گاضبه ايدي تغمض وتفتح
🌿🌿🌿🌿🌿
ريمه
ام فزاع وخواته الاثنين ونسوان اخوته اجوي وخطبوني اله وحجن بالجهاز والمقدم والموخر تفاجأت من عرفت المقدم عشرين والمؤخر خمسين وكالن هو راد هيج
امي سكتت ماتكلمت شي هو مااجه بالجهاز
راد يجي بس اهله ماخلوه من وره وضعه
اخو واصف قام بالواجب وماقصر
جان يخابر على امي ويسالها عن الي نريده
اجه الخميس بسرعه العصر كاعده بالهول ولابسه فستان مقسم ابيض شعري سوته ام الصالون مكسر وخلت ورد بصفحه
سمعت العقد مالتنا وهوسه الشباب من عقدنا
والهلاهل اشتغلت يمي وطش الجكليت
اهله باركو اليه اشوف امي تبجي خنگت الدمعه بصعوبه خواتي يمي واكفات هاله كاعده يم عمتها ادحك الها وفرحانه بيها هيله واكفه يم امي مبتسمه
والدمعه بعيونها
وره مشوار كالو راح يجي نلبس الحلقات طلع من المجلس عيوني صارت علي لابس قاط اسود والقميص هم مو هو ،،، واحد ثاني شفته وخله گلبي يدگ
بجنون ابتسم اليه نزلت راسي ولهيت روحي اعدل
بثوبي
اسمع الكل يبارك اله اجه ليمي كعد حدي مال وهمس
مبروك ام لسان
دحكت اله صفن عليه بنظرات خربطت كل وضعي نزلت راسي
مرة اخوه كالت
يله البسو الحلقات
كمنا انا ويا بعدت شوي مد ايده وجابني بصفه كلش دحكت له بذهول كال مبتسم
حلالي يابه منو يكدر بعد يحجي وياي
الكل ضحك متت من خجلي اخذت الحلقه من ايد اخته مد ايده اليه
انطيت ايدي وخله الحلقه بها
انطوني حلقته وخليتها باصبعه رفعت عيوني له صافن لي ومبتسم ماتكلم شي
ماظل طلع من يمنا وره نص ساعه من عكبو اهله والخطار انا بعدني بالكوشه
اطك صور مع خواتي امي دشت وكالت
فزاع يريد يشوفج
خواتي طلعن من يمي راحت للباب وكالت
تفضل يمه
دش عيونه عليه ومبتسم نزلت راسي اجه ليمي كعد
امي ترخصت وكالت
اخذو راحتكم
طلعت عيوني عليها سدت الباب وراها
فزيت من سمعت صوته يم اذني وكال
شطالعه يولي تخبلين ووريتني ور
كمت وكفت مسافه عنه يدحگ لي بنظرات وكحه ومو راحه گام لحيله
كلت
فزاع شتريد
مااريد شي شبيج خايفه مني بس كلام وداعتج الفعل بعدين من صيرين بغرفتي
گلبي هبط من سمعت كلامه وتذكرت يم الشباج شكال
اروح
اريد افتح الباب ومااحس
غير جارني من خصري لصدره
ردت اتكلم ومااحس
غير دايرني علي بسرعه وكاتم صوتي بوسه قويه
