رواية هل للقدر رأي اخر الفصل السادس بقلم دارين أسامة
_كان في رساله فتحتها وانا هموت من الرعب
_[دي حاجه بسيطه،لو مرجعتيش لعقلك هتندمي علي اليوم اللي قررتي تمشي فيه ]
=وقفت مصدومه مش عارفه اعمل حاجه بالصور قررت اكلم يونس
= فضلت ارن على يونس لكن مفيش رد وده كان قلقني اوي،حتي طنط فاتن فضلت ترن على يونس او يوسف محدش كان بيرد خالص،فضلنا قاعدين طول اليوم حتى ندي طنط قالتلها متروحش الجامعه جه الليل ويوسف رن علي طنط
=ايوه يا أمي عامله ايه
_ايوه يا يوسف انتوا فين قلقتوني..هو يونس كويس هات اكلمه طمني عليه
=بصي يا فوفا عايزك تاخدي نفسك كده الموضوع بسيط
_موضوع ايه في ايه يا يوسف قلقتني
=يونس عمل حادثه
_ايه؟..بتقول ايه ...انتو فين في انهي مستشفى
=سعاد خدت التليفون من طنط فاتن
_في ايه يا يوسف مستشفى ايه وحادثه ايه
_عمل حادثه بالعربيه يعني الدكتور قال بقي كويس بس محتاج راحه
_طب طمني عليه هات اكلمه
_نايم يا سعاد انا هديكي اسم المستشفى بس تعاله بكره الصبح محدش يجي دلوقتي تمام؟
_بكره ايه.....
_سعاد مش هينفع تيجوا دلوقتي وانا لازم افضل مع يونس متقلقيش هو كده كده نايم تعالوا بكره الصبح
_سعاد قفلت مع يوسف وحاولت تطمن فاتن
=كانت دموعي على خدي ،حاسه ان انا السبب عشان دخل في الحوارات دي بسببي
=انا آسفه
قولتها وانا بعيط ،بصُلي كلهم
_فاتن اتنهدت وسعاد كانت مضايقه
_متقوليش كده يا حبيبتي انتِ مالك بس
=مالي ازاي يا ندي اكيد عمل حادثه بسببي
_كلك نظر يا حبيبتي
كانت جمله سعاد
=بصيتلها وانا بمسح دموعي
_انتِ من ساعه ما جيتي وهو مشغول معاكي مش كفايه شغله لا وكمان عمل حادثه ده غير الصور اللي الله يعلم بقي هي حقيقه ولا فيك
=بصيتلها بصدمه انها ممكن تصدق ان الصور حقيقه
_سعاد!!!!
قالتها فاتن بعصبية
_اسكتي يا سعاد ومسمعش صوتك انتي فاهمه ؟
_اسكت ازاي يا ماما وانا شايفه موقف حياته عليها خمس سنين مش كفايه راحت اتجوزت ومعملتش حساب لمشاعره لا وكمان لما فشلت في الجوازه جايه ترمي همها عليه وهو يعيني غلبان متمرمط معاها
_سعاد اسكتي ،وانتِ يا ندي خدي مريم وادخلوا جوا ارتاحوا عشان نروح لخوكي الصبح
_حاضر يا ماما
_انتِ عارفه بالكلام ده عملتي فيها؟
_انا معملتش حاجه انا بس قولت الحقيقه ،هي وعيلتها جُم هنا وكانت لسه عندها سبع سنين وهو ١٢سنه
لازقه فيه يوديها الدروس يسهروا سوا يذاكرلها كان بيشيل هما اكتر من نفسه
_وفي الاخر؟اتجوزت وبعدت عنه لان قال ايه جوزها بيغير وطلب منها كده وبعد كل السنين دي راجعه تاني تستنزف بقيت مشاعره
~~~~~~~~~~~~~~~~~~~~~~~~~~~
"في الاوضه"
=كنت قاعده سامعه كل كلامها بره
_احم ايه رأيك في اللبس ده تحبي تروحي ب ده ولا ده
=مردتش عليها وفضلت امسح في دموعي
_متزعليش منها يا مريم هي متقصدش هي بس خايفه على يونس دي يعُتبر هي اللي مربيه
=انا مش زعلانه منها هي عندها حق في كل كلمه انا مكنش لازم اوفق يونس يدخل
_وانتِ مالك بس جوزك ده واط*ي وكان لازم حد يوقفله
=فضلت اعيط
_متزعليش منها عشان خاطري ويلا يلا خلينا ننام عشان نصحى بدري
=معرفتش انام طول الليل كنت قلقانه عليه اوي ،قلبي واجعني ،حسيت اني عايزه اكلم ماما كنت متردده ارن ولا لا بس هي الوحيده اللي بطمن في وجودها
_الو؟
=ازيك يا ماما عامله ايه وحشتيني اوي يا ماما
_وانتِ اوي يا حبيبتي في ايه مال صوتك
=ها...لا مفيش بس ادعيلي ،ادعيلي ونبي يا ماما
_بدعيلك والله من غير ما تقولي
=حاولت اكتم دموعي
_مالك يا مريم في ايه الوضع عندك كويس ؟
=اه اه الحمدلله متقلقيش بس ادعيلي
_حاضر يا حبيبتي ،خدي بالك من نفسك وتبقي سلميلي علي يونس ده جدع اوي زي ابوه الله يرحمه
=مسحت دموعي حاضر يا ماما بس ادعيله وادعيلي
=الليل عدي عليا بوجع وانا الحيره والتفكير هيموتوني ،الصبح بدأ يطلع ف خدت قراري
~~~~~~~~~~~~~~~~~~~~~~~~~~~
_صباح الخير يا ماما
_صباح الخير يا حبيبتي اومال فين مريم هي لسه مصحيتش ولا ايه
_هي مش بره عندكوا؟انا افتكرتها خرجت من الاوضه صحيت ملقتهاش جمبي
_لا مخرجتش ازاي بس هتكون راحت فين ؟
_معرفش يا ماما بس لازم نلقيها دي متعرفش الطريق خالص
_اتنهدت الام بقله حيله وقلق لأنها متأكده ان كلام سعاد هو السبب
_الحقي ياماما
_في ايه يا ندي
_مريم سايبه الرساله دي
_رساله؟رساله ايه في فيها ايه
_[شكرا اوي انكوا اعتبرتوني واحده منكوا وقعدت معاكوا الاسبوع ده وانا اسفه اني دخلتكوا في الحوارات دي وشكرا يا ندي انك كنتي اختي واكتر واشكريلي فوفا وسعاد انا مشوفتش منهم غير كل خير ،واسفه اني خدت تشيرت وبنطلون من عندك بس هرجعهم على طول ،شكرا على وجودكوا]
_عاجبك كده يا ماما شوفتي كلام بنتك الكبيره العاقله عمل ايه؟
_اعمل ايه بس يا ندي لما يونس يسأل هقوله ايه
_لا دي كمان سايبه التليفون الي يونس جابه هنا يعني مش هنرجع نوصلها
_مش عارفه هنعمل ايه يا بنتي بس كان مستخبيلنا فين ده يارب
~~~~~~~~~~~~~~~~~~~~~~~~~~~
"صلى على النبي"
=كنت واقفه في الشارع تايهه مش عارفه اروح فين واجي منين،قررت اروح عند ماما ركبت اوي اتوبيس وفعلا بعد شويه لف وصلت
=اتنهدت بحزن ودخلت العماره
_الجرس بيرن هروح افتح
_مريم؟ انتِ ايه اللي جابك دلوقتي بس
=يعني ايه يا مايا؟
_اهلا اهلا هي الهانم وصلت....سايبه بيت جوزك وهربانه عند راجل غريب
كانت جمله عمي اللي قاعد وجمبه ادهم وكام راجل
معرفهومش بس أعتقد قريبنا
=بلعت ريقي برعب وتوتر
_ما تردي ولا اتخرستي...وفين البيه اللي ماشي وراكي
=جمعت شجاعتي وقولت يعني مش انتو اللي عملته فيه كده؟
_عملنا! عملنا ايه
=الحادثه بتاعت يونس
_ولو انا اللي عملت كده هتعملي ايه يا مريومه هتروحي تبلغي استاذه كاميليا بتاعتك؟
كانت جمله ادهم
=بصيتله بصدمه ان حتى دي عارفها
=دموعي نزلت وروحت قربت منه ،عشان خاطري يا ادهم متأذيش حد وانا هعملك كل اللي انت عايزه
_انتِ كده كده هتعملي اللي انا عايزه
=طيب عشان خاطري سيبهم في حالهم وانا هسمع الكلام
_انتي سكتاله ليه؟
=افتكرت جمله يونس ف بصيت ورايا لقيت عمر اخويا بيزعق
_انت بتعلي صوتك على مين يلا
=ادهم عشان خاطري خلاص خلينا نمشي
_هتروحي معاه فين ان شاء الله
=اسكت يا عمر قولي حاجه يا ماما
_وانا قولت هتسيب اختي
_بقي حته عيل صغير هيمشي كلامه ابعد احسن ما تزعل وترجع تعيط زي العيال
_عيال ؟تحب اوريك مين العيل بجد
=خلاااااااص بقي كفايه
ثانيه
اتنين
مستحملتش.....
واغمي عليا
~~~~~~~~~~~~~~~~~~~~~~~~~~~~
"في المستشفى"
يونس بدأ يفتح عينه ببطئ
_كانت فاتن ماسكه المصحف بتقرأ قرآن ،ويوسف قاعده على الكرسي ساند راسه على الحيطه نايم من سهر الليل
سعاد وندي قاعدين على الكنبه
_انت صحيت يا حبيبي
كلهم التفته ليونس من جمله سعاد
_اه الحمد لله انتوا ايه اللي جابكوا بس انا قولت ليوسف ميقولش لحد
_ميقولش لحد ازاي يعني انت مش عارف كنا قلقنين ازاي
_اومال فين مريم؟
كلهم بصوا لبعض
_في ايه اي جماعه هي كويسه؟.
_ارتاح بس دلوقتي ونتكلم بعدين
_نتكلم ايه في ايه متتكلمي يا ماما ،في ايه يا ندي؟
~~~~~~~~~~~~~~~~~~~~~~~~~~~
فتحت عيني كانت دماغي تقيله
=اااه....انا فين
_نورتي بيتك يا مريومه
كانت جمله ادهم
= خدت نفس بحزن لاني رجعت تاني
_اسمعي،انا هعتبر اللي حصل ده محصلش خالص بس دي اخر مره المره الجايه الزعل هيبقي وحش اوي فاهمه
=فاهمه
_حلو اوي ،جهزي نفسك بقي عشان راجعين السعوديه بكره
=ايه؟ بكره
_اه وياريت مسمعش كلمه زياده وده لمصلحتك
=هزيت راسي وانا خلاص أيقنت ان مفيش هروب
~~~~~~~~~~~~~~~~~~~~~~~~~
_يعني ايه؟انتِ ازاي تعملي حاجه زي كده
كان بيقول جملته بكل عصبيه
_اهدي بس يا حبيبي
_اهدي ازاي يا ماما انتِ ازاي تسمحيلها تقولها حاجه زي كده
_يعني اشوفك بتضيع قدام عيني واقف ساكته
_وهو انا اشتكيتلك يا سعاد
_انا مش فاهمه هي عملالك عمل ولا ايه
_سعاد ولاخر مره بقولك ملكيش دعوه
_رايح فين بس يا حبيبي انت تعبان ولازم ترتاح
_هروح الحق المصيبه دي
_طب استني اجي معاك
_لا يوسف خليك معاهم،خليهم يروحوا وانا لو احتاجتك هكلمك
_فضلت ارن عليها
_يونس استني
_في ايه يا ندي
_تليفونها.....
_ماله؟
_مديت ايدي بتليفونها اللي سابته هنا
_مسحت علي وشي بضيق
~~~~~~~~~~~~~~~~~~~~~~~~~~~~
"تاني يوم في المطار"
=كنت ماشيه جمب ادهم وانا نفسي اطلع اجري واهرب
فاجأه سمعت صوت عالي
_مريم!!!!
