رواية بديلة اختي الفصل السادس بقلم خاتون الكعبي
تذكير
محمد : وعليكم السلام ابن العم اجابك اهنا
شاهين : والله استوني طلعت من المركز وجان عندي شغل بهاي المنطقة وشفتكم بدربي كلت انزل اسلم عليكم وخيركم خو ماكو شي
محمد : لا سلامتك بس وديت مرسلين للدكتور علة ايدهة
شاهين بعصبية مكتومة : لعد ومحسن وينة مو كال اني اخذهة
محمد : طلع عندة شغل وكلي اني اخذهة
شاهين : اها زين اشكال الدكتور ان شألله ما بيهة شي
محمد : لا الحمد لله مبيهة شي بس كال اشوية ملتهبة وفركلهة الجلد الميت وكال الأسبوع الجاي هم اوديهة الة
شاهين بحدة : الحمد لله يلة لعد نترخص
مرسلين: اباوعلة اخذ جنطتي من علة الطاولة وسحبني من زندي وكام يمشي بسرعة صار محمد كدامة بس معرف شنو همس ابذنة حتة خلا يوخر بكل بساطة وكمل طريقة بسرعة واني ورا احاول اتخلص من ايدة بس ماكو فايدة كمت امشي وتعفر من سرعتة الحد موصلنة للسيارة وفتح الباب وشمرني بيهة ورجع قفل الباب وركب بصفي وكام يسوق السيارة بسرعة عطت ردت بس ماكو ميرد بس يسوق بكل سرعة انبح صوتي من كثر العياط ما سكتت الحد مدخلنة الفرعنة وكف السيارة بابنة وكال بكل برود
شاهين : نزلي
مرسلين بحدة : لااا والله يعني مجرجرني مناك اليجاي كدام الناس مو عيب شي.. قاطع كلام وهوة يعيط بصوت عالي ويكول
شاهين بعصبية : اااانززززلي
مرسلين : شلت جنطتي وفتحت باب السيارة ونزلت وركعت الباب وراي بكل قوتي ودكيت الباب والتفتت علي اباوعلة طفة السيارة ونزل شنو حيدخل وياي رفعت حاجبي ودكيت الباب بشكل اقوة فتحلي الباب ابوية اباوعلة عقد حاجبة لمن شاف شاهين وراح سلم علي ولا كلبني عبالك غير مرئية هزيت ايدي ودخلت للبيت وبوجهي الغرفتي دخلت ونعلت الساعة الرحت بيهة للمستشفة وبدلت ملابسي وكعدت العب بتليفوني اشوية وسمعت صوت اعياط جوة اسغربت ونزلت جوة وسمعت ابوية يعيط علة امي ويكولهة ليش مرايحة وياهة استغربت اكثر من كلامة ودخلت للصالة وسكتو اباوع علة ابوي عيونة حمر من كثر العصبية باوعلي وكال
ابو مرسلين : بعد ممنوع اطلعين الي مكان بلة ما تأخذين اذن رجلج مفهووم
مرسلين : هههه شنوو لا والله واني من اشوكت ماخذة اذن من حضرتة حتة هسة اخذ وانتو اهلي واخذ الأذن منكم بطلعتي ومحد غيركم الة الحق بطلعتي وطبتي
ابو مرسلين : هذة الحجي قبل هسة عسة ما ترحين للمدرسة لازم تخابري وتاخذين اذنة هوة رجلج والة الحق عليج بكلشي مفهووم
مرسلين : بابة عو. اباوعلة عافني وطلع من غير حتة ما اكمل كلامي درت علة امي كاعدة علة الكرويتة وتباوعلنة بكل برود باوعتلهة بعيون مدمعة وكلت
مرسلين : قابلة بكلامة
ام مرسلين: وليش ما اقبل ان رضيتي او لا هوة رجلج والة حكم عليج
مرسلين : ومن اشوكت هذة الحجي اشو من وكت العقد علية مشايفة جهرتة فجئة هيج بين يوم وليلة ايصير هوة رجلي ولازم اخذ اذنة واستشيرة قبل لا اطلع
ام مرسلين : لا ادوخيني هذاك ابوج وروحي حاجي
مرسلين : ماشي سهلة كلت هيج وعفتهة وصعدت فوك دخلت بغرفتي وعطت بصوت عالي طلعت كل قهرري بي امووت وعرف اشكلباهم علية كلة من ورة الحقير مدري اشحجة وية بابة لا ويردوني اخذ اذنة لمن اطلع علة اساس ميدرون حتة رقمة معندي واشوف بلة ياهي التاخذ اذنك حيوان كلت هيج وشمرت روحي علة الجرباية بتعب و...............
_______________
ملاك
كاعدة اقرة بالطرمة وعيني علة الباب هسة يدخل هسة يرجع بس ماكو صار المغرب وهوة مختفي الحد ما ايست انة يجي يلة كمت وشلت ملازمي واول مردت ادخل للبيت شفتة فتح الباب ودخل البتسامة شكت حلكي من الفرح بس لا ارادين اختفت ابتسامتي لمن شفتة مثل الضايج او العصبي باوعلي برود وتخطاني ودخل ولا عبرني بس رغم هيج احبة واعشقة وما بيوم حيقل هذة الحب بداخلي الحد ما اخلي يحبني مثل ما اني احبة واتمنة رضى هههه هسة اكيد حتكولون علية خبلة وفعلاً خبلة حبة خبلني خلاني بلية عقل اول شي خلي اعرفكم بنفسي اني ملاك اخر العنقود بالعائلة والدي متوفي من ايام الطائفية وعايشين من الزغر ابيت جدي اهل امي عندي اخ واحد اسمة عادل واخت وحدة اسمهة سارة واني الأخيرة عشت طفولة كأيبة نوعن ما جنت بطفولتي معتزلة عن الكل جانت وفات والدي جداً مأثرة علية لأن جنت ازغيرتة والمدللة عدة والحد الأن جزء بداخلي متحطم بسبب هذة الشي بس احاول انسة او اتنسى عمري تسعطعش سنة مرحلة اولى كلية تحليلات طبية وهسة احجيلكم علة المأخذ عقلي وكلبي من الزغر الي هوة ابن خالي محمد محمد جان بنسة الي شي مستحيل بيوم احصل علي او انة يكون ملكي بس رغم هيج حبيتة واعترفتلة واني بعمر الخمسطعش سنة بهذة الشي اذكر بوكتهة كام يضحك علية وكال انو بعدني مراهقة وبس اكبر واعقل حفهم الي سويتة غلط بس كبرت وزاد جنوني وتعلقي بي وكمت كل يومية قبل لا يطلع ويطب وينام اكلة كلمة احبك وهوة مستمر بتجاهلي الحد ما عرفت من اختي سارة انو هوة يحب بت خالي مرسلين نزل هذة الخبر علية مثل الصاقعة وضليت ايام وشهور واني ما اكل وهاملة نفسي ودراستي اعتزلت عن العالم كلة وكمت كل ما تجي مرسلين اضل اركز بنظرات محمد عليهة الحد ما ايقنت انو هوة فعلاً يبحهة ورغم هيج بقيت احبة وكمت احاول بكل يوم وليلة يمر ابينلة حبي اكثر وهوة ولا يمة وتخرجت من المدرسة ودخلت نفس الكلية الي يداوم بيهة هوة جنت كل ما اروح للكلية ارجع واني ميتة قهر من ورة حجي اطالبات وشون هنة معجبات بي جان دكتور جامعي حلو واعي ورزن واي ابنية تتمنى بحيث جنت اموت الف موتة واني اشوف نظرات البنات علي وهوة اصلاً ممعترف بية بت عمتة بالجامعة حالي حال الغريبة بس مجرد ياخذني ويرجعني ويا واليوم سمعت بي حيودي مرسلين للطبيب علة مود ايدهة لو احس نار وكبت بكلبي اشكد ما مرسلين حبابة وياي واحبهة كرهتهة بوكتهة وجنت وما زلت اسئل روحي هل سؤال شنو البيهة وما بية حتة محمد حبهة ومحباني برغم هية ممعبرتة اصلاً بس مبعمري لكيت جواب الهذة سؤالي اتنهدت بقهر علة موجت الذكريات الجتاحتني ودخلت ورا للبيت حطيت ملازمي بالغرفة ورحت سويت عشة وية البنات صبينة العشة وراحت اخت محمد اصيحة علة العشة اشوية ونزلت وكالت محمد ميريد عشة بس جاي نطيت من مكاني وكلتلهة انتي اتعشي اني حسويلة ودخلت بسرعة للمطبخ سويتلة جاي وصبيتلة يا وصعدت فوك دكيت الباب ودخلت شفتة نايم علة الجرباية وحاط ايدة علة عيونة حطيت الجاي علة ميز الجرباية وكلت
ملاك : تعبان ادلكلك راسك
محمد برود : لا مشكور بس اطلعي وسدي الباب وراج
ملاك : هزيت راسي بخيبة امل وقبل لا اطلع من الغرفة درت علي وكلت
ملاك : محمد
محمد : همم
ملاك : احبك
محمد برود: اعرف
ملاك : ابتسمت بسخرية علة جوابة المعتاد وعفتة وطلعت من الغرفة ونزلت جوة دخلت الغرفتي و..........
_______________
مرسلين
مر اكثر من اسبوع والجو متوتر بالبيت ليش معرف بس حتة ابوية علة اعصابة والغريبة تقى ادك عليهة اريد ماكو مختفية وكلت الأمي اكثر من مرة حتة اروحلهة بس متقبل الة اخذ اذن السيد شاهين واني لو اموت متسحيل ادك علي واخذ اذنة فضليت هيج بقلق بس كلبي يلوب عليهة صديقتي وعرفهة بيهة شي متأكدة ومرة من المرات جنت فوك بسطح باوعت من الستارة علة جهت بيتهة وشفت سيارات كومة صافة ابابهم وناس اطب وناس تطلع استغربت ونزلت سئلت امي كلتلي معرف سكتت عنهة اعرفهة عدهة شي بس متريد اتكولي للصبح سمعنة صوت اعياط مال نسوان رج المنطقة كولهة ودخل اخوية يركض وكال ام تقى توفت وكع هل خبر علية مثل الصدمة ضليت واكفة لا اخذ ولا انطي بس ادموعي ينزلن اشون اشوكت معرف وشنو سبب وفاتهة هم محد كال بس حيست شي بكلبي اشتعل مثل النار لأن ام تقى مجانت فقط جوارينة او ام صديقتي جنت اقدرهة واعزهة اكثر من اي شي بهل دنية جانت خوش مرة صايمة مصلية والحنان العدهة اتحدة وحدة ومن ظمنهن امي عدهة نفس حنيتهة وطيبت كلبهة بس خطية جانت مريضة من وكت الي تعرفت عليهة وحالتهة اسوء يوم بعد يوم كل الي اجة بالي هسة هوة تقى اصاير بيهة هسة اعرفهة مخبلة ومتعلقة كولش بأمهة وممكن تموت وراهة لزمت كلبي بيدي من الخوف ومسحت دموعي حاولت اشكد ما اكدر ابين قوية وصعدت ركض فوك ولبست صاية سودة وشال اسود ونزلت ركض ورحنة اني وامي البيت تقى جان الشارع مملي ملي ناس وسيارات وستوهم بدو ينصبون بالجادر دخلنة بسرعة البيتهم وشفت النسوان كومة منجمعات وكلهن لابسات اسود ويعيطن بصوت عالي ويلطمن خوب اكو مرة جبيرة بالعمر شكت ثوبهة بنص جان منظر مرعب بنسبة الي امشي وتلفت بعيوني ادور علة تقى بس ماكو مختفية وامي عزت النسوان وكعدت بالستقبال واني رحت للمطبخ عزيت البنات وشفت بت عم تقى سحبتهة من ايدهة المكان فارغ وكلت
مرسلين بخوف : لج وين تقى
زينب ( بت عم تقى) بدموع: عمو لمن شاف حالت ام تقى بدت تتأزم كال الخوية مسلم ياخذهة المحافظة *** بحجة تتعالج من حالتهة حتة لشوف امهة وهية بهل حالة وحتة تليفونهة اخذة منهة ولو اشوفينهة اشون كامت تبجي وتبوس ابمهة قبل لتروح مجانت تريد تروح بس جبررهة واخذو تليفونهة منهة خاف تعرف وقبل اشوية عمو خابر علة اخوية مسلم وكلة اجيب تقى لازم تحضر فاتحة امهة
مرسلين : هية تحجي واني دموعي علة علة خدي ما اكول غير الله ايساعدهة ويصبرهة ورجعت كعدت بصف امي وللظهر يلة صاحو النسوان جابو الجنازة وحيشيعوهة ودخلو التابوت للبيت اول محطو بالكاع التمت انسوان علي هاي التعيط وهاي التشك ثوبهة وية عيطتهن دخلت تقى اباوعلهة شبه فاقدة والدمعة ناشفة علة خدهة وجهة كلة خراميش شافت اتابوت وابتسمت بكل قهر وحدة من النسوان صاحت سون درب البت المرحومة خل تودعهة هية كالت هيج وانسوان وخرن وكامن يباوعن علة تقى الي قربت علة التابوت وخرت خشبتة وشالت الجفن عن راس امهة هل حركة خلتني لا اردين اغمض عيوني بقوة وربي العدويني ما اتمنة هل موقف لعد اشون الأخيتي ختلت ورة امي واني اسمع بتقى تعاتب بمهة وتبوس بوجهة مكمت اكدر اسيطر علة دموعي والنسوان وكفن ينعن فوك راسهة ودخلو الزلم حتة ايشيلون التابوت بس مخلتهم وضلت حاظنة راس امهة ونايمة علة التابوت جانت تقى الوحيدة الأمهة والمدللة بنفس الوقت لهيج لو اشكد ما اوصفلكم بهل لحضة ما اكدر اعبر عن الحالة الجانت بيهة وموخرت عن التابوت الحد مأجة ابوهة وجراهة منة وحظنهة بقوة ختلت بصدرة وكامت تبجي بقوة وشالو التابوت الزلم وتقى كامت تصرخ بجنون وتحاول تفلت من ايد ابوهة وتلحك التابوت وابوهة لازمهة بقوة ويمسد علة راسهة وبس اجتافة التهتز عرفتة كام يبجي وباوعلي واشرلي اجي اخذ تقى منة لأن حيرحون ايدفنوهة بنجف هزيت راسي بدموع وقربت علة تقى وخرتهة منة وهوة طلع من البيت بسرعة اباوع علة تقى رايحة منتهية من البجي والصريخ حظنتهة بقوة وكمت اواسيهة مع اني اعرف انو كلامي لا حيقدم ولا يأخر الخسرتة تقى شي غالي ومو بكلمة وكلمتين تتواسة او اطيب وتهدة سكتت من البجي بس شهكاتهة كامت تعلة سندناهة اني وبت عمهة ودخلناهة للبيت وصعدناهة الغرفتهة حتة ترتاح كعدناهة علة الجرباية وشربتهة مي وجريت راسهة بحظني ضليت امسد علة شعرهة وصوت الملاية جاي الغرفتهة الملاية تنعي ودموع تقى تنزل وياهة وبدت تحجيلي اشون خلوهة تروح غصب عنهة وما خلوهة تبقة وية امهة بيامهة الأخيرة تحجي وتبجي بقوة ما سكتت الحد ما بت عمهة دخلت وضربتهة ابرة خلتهة اتنام بساعتة كتلهة شنو هاي كالت هاي ابرة مهدئة تخليهة ترتاح هزيت راسي وطلعت من الغرفة ومرن ايام الفاتحة واني يم تقى الي ازيد حالتهة انهيار ما تنقص واشكم مرة ومرة تفقد وعيهة من كثر العياط والبجي ويودوهة للمشتشفة الحد مكامو يستخدمون وياهة الأبر المهدئة بس اخر يوم الفاتحة كولش انتهت انسحنت روحهة من كثر العياط ونسوان يزيدن عليهة بنعيهن للمغرب يلة امي اشرتلي بعيونهة ابمعنة يلة اروح كتلهة ما اكدر تقى منهارة بس ما قبلت ورحت ودعت تقى وكلت البت عمهة اصعدهة فوك لأن اذا بقت يم النسوان تتخبل وعدلت شالي وطلعت ورة امي من البيت اباوع للشارع متروس ترس زلم مالج محط رجل واول مجاي نعبر الشارع صارت سيارت شاهين اكبالنة خررب هذة اجابة باوعلي بخزرة وسلم علة امي وكلهة اني اوصلكم كلتة امي ماكو داعي فرق فرعين ونوصل بس ما قبل وركبنة ويا وصلنة للبيت وبقة يحجي وية امي واني دخلت رسئتن للبيت وشمرت روحي علة الكروتية من التعب ودخلت امي وبدت برزيالهة وكالت بعد ممنوع اطلعين اذا متكولين الشاهين باوعتلهة برود وصعدت فوك دخلت سبحت ونمت كبل من التعب وصارت السبعة ورحنالهم وطبعاً تقى زايدة بجيهة مناقصة وخلصن اسبوعين فصلي ورجعت للمدرسة وخابرت تقى طلعتلي بت عمهة سئلتهة علة تقى وشوكت ترجع اداوم كلتلي مشربيهة مهدئ ونايمة وكالت حتترك المدرسة هل سنة كتلهة بس تكعد خليهة ادك علية مستحيل اخليهة تترك هل سنة حرامات مبقالهة شي وتخلص كالتلي ماشي وسديت التليفون منهة وكمت اخابرهة كل يوم واحاول اقنعهة انو ترجع بس ماكو قافلة الحد ما صارت اربعينية امهة خابرتي بوكتهة قبل يوم وتسولت بية حتة اروح وياهم للنجف كتلهة ما اعرف اسئل اهلي وردلج خبر ونزلت ركض الأهلي شفت امي وابوي كاعدن بالتسقبال دخلت وحجيتلهم علة طلب تقى واني اريد اروح وياهة للنجف وكل عادة رفضو ضليت اقنع بيهم فوك الساعة واتوسل بيهم يلة قبلو بس بابة كلي متروحين اذا متاخذين اذن رجلج كتلة ما اخذة منطول انتة موافق فهاهية محد الة حق علية غيرك اشو كتلة هيج لو كب بوجهي وكال هوة رجلج والة الحكم عليج من بعدي وامي دخلت ويا علة الواهس وبدت برزالتهة وربي خلوني ابجي من صدوك وعفتهم وصعدت فوك ضليت الوب بالغرفة اروح منة واجي منة وتقى كل ساع ادك علية تريد جواب تنهدت بقلة حيلة ورحت اخذت رقمة من مرت اخوية محسن الي هية اختة وسجلتة عندي ورجعت الغرفتي ضليت فوك النص ساعة مترددة ادك لو ما لا الحد ما زفرت انفاسي بتوتر وكلت يلة انضحي علة مود تقى ودست اتصال لحضات قليلة واجاني صوتة الخشن وهوة يكول
شاهين : الووو تفضل
مرسلين : احمم السلام عليكم
شاهين : وعليكم السلام تفضلي منو
مرسلين :.................
______________
ملاك
كاعدة بالحديقة اني وصديقتي اراجع بالأمتحان ومر من يمنة محمد وكل عادة ولا عبرني ودخل المكتبة بكول برود اباوع علة كروب مال بنات اكبالنة اكلنة بعيونهن وسمعت وحدة تكول للبصفهة لج شوفي يخبل والثاني ترد عليهة وتكول لج ما اسكتين اذا ما اوكعة ما اسمة بسمي اسمع كلامهن وافور من العصبية والغيرة وربي لو ما عيب جان كمت وسحلتهة من كفشتهة كدام كل الطلبة الدبسزز توكعة هية ام الكمل الكلبة سحبت صديقتي وكمت بسرعة من يمهن قبل لا ارتكب بيهن جريمة ودخلت المحاضرتي وكملت كل محاضراتي بشكل روتيني وعادي الحد ما خلص الدوام ودعت صديقتي ورحت انتظرتة بكراج الكلية يم سيارتة دقايق واجة فتح السيارة بكول برود وركب الكلب حتة مسلم علية ركبت ويا وركعت باب السيارة بعصبية شغل التبريد وبدة يسوق السيارة وعينة علة الطريق انتظرتة يحجي او ينطق بشي بس عبث الحد ما طكت روحي وكلت بصوت حاولت اشكد ما اكدر ابينة طبيعي
ملاك ببتسامة : ما شألله معجباتك كثرانات هل ايام
محمد برود:..............
