رواية الرجل الاخر الفصل السادس بقلم جوهرة
انتي عيونك والعتيم سبحان ربي الخالقه
قصيدة لشاعر قديم عاشق ومحد صدقه
من كثر ماغبتي عليه جمع قصيده وشككه
انتي عيونك هالمدى بحر وطيور مهاجرة
ــــــــــــــــــــ
ديمه لطمت خدها / عزززا العزاااج ديمه
فارس زمخ بيها / اششششش صوتج ولج.
سكتت بعدها وصفنت بوجهه لان
ممعقوله ما اتذكر اسمه معقوله ناسيه لااااا ماسامعه عدهم اخ اسمه فارس !!!!
فارس بغيض والوضع مخلي محتار / اني اخوهم الجبير من غير أم ماعايش يمهم
علاقتي مو ذاك الزود بيهم بس ويه عمر الله يرحمه جان بيناتنا اتصال بالموبايل وهم قليل اشوفه ادري تزوج وعزمني بعرسه بس اني جنت بعمان بقيت اربع اشهر هناك وحتى خبر وفاته مابلغوني بي
ديمه /
ميلت راسي مصدومة ومرعوبه من فكرة انو فارس جان حماية وهسة هو زوجي / لاااا لاااا مستحيل لاتكولها اااني اااني اريد انسى ذيج العائلة النبذتني اني وابني ومحد منهم سأل علينا ارجع هسة تربطني بيهم
شهكت وبجيت مقهورة عالجاي يصير بية
ماحب يكللها عن العداوة والكره الزرعته امهم بكلوبهم عليه وكمية الحقد بينهم
تلت ذراعها وصكت سنونها وبعصبية ردت / ميهمني علاقتك بيهم اكرهكم كلكم ماريد اي شي يربطني بهذه العائله .
فارس التفت على عبودي نايم ورجع باوع عليها / وابنج اللي دمنا يجري بعروكه تكدرين تنكرين هذا ، احجي تكدررين ؟
رفعت اصبعها بوجهه بتهديد / طلكني افتهمت لاتكلي دمنا وعروكنا انعل ابوكم لابو دمكم ابني هذا مو ....
صفكها بجف ايده سطرة دارت راسها بقوة لزمت خدها بألم وحست صفحة خدها انشلعت بجت ومتحملت اليصير بيها ليش هيج الدنيا تذل بيها خلت ايدها على حلكها تكتم صوتها متريد عبودي يفز على صوتها
فارس من ضربها استغفر ربه وفرك وجهه بقى يفتر بالغرفه ماجان يريد يأذيها بس من سمع غلطها متحمل واكفه جدامه وتهينه شافها كعدت عالكرسي ودنكت راسها راح كعد بصفها حجى بهدوء وياها / فكري بأبنج لاتتوقعين بعدما عرفت عبدالله ابن اخويه وانوب طفل يتيم راح اتركه متوهمه ، عمر الله يرحمه الوحيد الجان يحبني ويريد خاطري ترديني هسه اعوف ابنه
تحلمين والله ، عبودي من هذه اللحظه صار مسؤليتي وامانه بركبتي وطلاك ماطلكج تردين اديحين ولج لارقيب ولاحسيب موو ؟!!!
ديمه /
هذا شبي شنو طريقه كلامه وأسلوبه
التفتت عليه وحجيت من بين سنوني وكوة مسيطرة على اعصابي / احترم نفسك اشايفني هااا ، اني محد يكلي على عينج حاجب شنووو اديح شكاعد تخربط انت
رفع اصبعه ودغ راسها / افهمي الحجيته طلاك ماكو تحلمين بعد
رجعت راسها ليورى ضايجه منه ومن تصرفه .
انتبهوا على دخول الممرضه سلمت وراحت قاست حرارة عبودي اللي بدا يصحى تحمدتله بالسلامه
التفتت الممرضة لفارس / الحمدلله ابنك عال العال تكدرون تسووله خروج هسة.
شكرها وگلبه فز من كالتله ابنك ، التفت عليه شافه شلون يبتسم لأمه الحظنته تبوس وتشم بخدوده المربربه تقرب عليهم وحس بحنيه ممتوقعها ، هذا ابن عمر ايباااه شلون الدنيا دواره من يصدك اللي يصير بي ، انقهر عليهم لان فعلا اهله نابذيهم ميسألون عليهم مايوم سمع عمر عنده ولد ههه هو اني وين سائل عليهم اشو مكضيها شغل وسفر وماادري اليتسمون خوان وين صفى بيهم الوكت ، لا فارس لا هذا الطفل شنو ذنبه لا مراح اتخلى عنه مستحيل
دنك عليه وباس خده ومد ايده يمسح على شعره الناعم وبصوت مليان حنية / هاا بابا جنت اووا
عبودي ختل راسه بصدر امه يستحي
فارس مبتسم على حركته السواها / تعال بابا يلا نروح باي
ماعندي خلك للجهال حتى من اروح لبيت خالي معلية بجهالهم وهسة احس نفسي مسؤل عن عبدالله هذا دمي ولحمي ما اكدر اعوفه ، شلون گلبهم انطاهم يعوفونه معقولة وصلت بيهم يتنكرون لأبن عمر ؟!!! ما ادري شو احسها تبالغ و اجذب علية لازم اسألها اتأكد واعرف بعد وفاة عمر شلون دبرتها شلون كدرت تهتم بابنها وهي تكول محد يتواصل وياية
طلعنا للسيارة عبودي مقبل اشيله ، عيني عليهم لحد ما صعدت وخلت ابنها بحظنها شغلت السيارة وبعدها سألتها / ليش محد سأل عليكم من عمامه ؟!!!!
حجت بحقد واضح بنبرة صوتها / لاتكول عمامه ماريد اسمع عنهم شي ٣ اسهر عشت وياهم بجحيم ، غيرة وحقد عمري مشايفه هيج ، الوحيد الجان مصبرني عمر الله يرحمه جان كلبه طيب ماعنده حقد وطمع.
هز فارس راسه / اي اي الله يرحمه
زين محاولتي تتواصلين وياهم تدرين عمر عنده ورث يم اخوته هم يديرون الاملاك .
ديمه بقهر / على اساس راح احصل منهم شي من يوم العدة محد سأل علية ، رفل الوحيدة جانت تتصل بعدها كطعت وياي من ازوجت بأربيل .
فارس / اني مو ذيج العلاقه بيهم بس رفل وسعاد اتصل بيهن مرات على كد السلام واسأل عن احوالهن نهائي ممطرقين لزواج عمر
بنبرة استهزاء واضحه / اي والنعم شلون عائلة
والله عيب تحجي بيهم ذول وجودهم مثل عدمهم.
مارد عليها حقها من تحجي عليهم صخم الله وجهك يا سرمد انت ومحمود ومازن يعرف بحقارتهم اهم شي نفسهم وبس من جانوا صغار امهم ربتهم عالانانية والحقد
انتبه لعبودي يأشر عالسيارات ويدردم ديما ساكته بعدها مصدومة بسالفه فارس طلع حماها !!!
طبك السيارة بالباب والتفت عليها / حظري روحج باجر اجي اخذج للبيت بعد شعندج باقية هنا
فكت حلكها متفاجئة نتر بيها / حلكج لخاطر محمد
غمض عيونه وتنهد هاي متحس على روحها متعرف شسوي بي من تفتح شفايفها بفهاوة كله كله يحتر والله لوما ابنها بحظنها والناس البرا ليهجم عليها ويطلع حيفه بيها ماينكر هي تجذبه وكولش معجب بيها انسان صريح ليش يكذب ويعافر لا والله اني اريدها وبقوة
بگلبي لهفة عليها اريد اطفي نار الشعلتها
الظهر كوة صبرت روحي لأن ابنها مريض وحقها بس من اشوفها هيج كل جسمي يخدر عليها وتنفعل كل حواسي
اعترضت ديمه اللي مستغربه كلامه / فارس بعدني مصممه اطلك يااخي ماريد زواج بطلت عوفني الله يخليك
نتر بيها / حجيتها قبل ، طلاك تحلمين ، بعدين شنو اخي هاي ؟!!! عدلي حجيج ترا اني رجلج افتهمتي لو افهمج بكل الطرق اللي اعرفها
رفعلها تك حاجب وغمز بعينه وهي تخبلت منه
ديمه بقهر / لعد تحلم اجي وياك شنو قابل غصب اكرهكم اكره طاريكم ليش متفهم انت
فتح عيونه ورفع اصبعه وتوعدها / امرلج باجر العصر الكاج جاهزة انتي وعبودي لا والله العظيم وهذا يمين طلع من راسي اخذ عبودي وتحلمين تشوفينه بعد ، كافي ترى مصختيها ، فكري بمصلحة ابنج ويلاااا انزلي وراي كومه شغل
ديمه ضرب عرك العناد براسها / هذا ابني اني متدخل افتهمت ، تحلم اتخلى عنه
عصب من صدك نزل من السيارة وافتر فتح الباب وجرها نزلها بعد ما اخذ عبودي بحظنه
من شافت تصرفه تخبلت عبالها صدك راح ياخذ عبودي جرت ابنها / جيبه وين تريد تاخذه
حاضن الولد بذراعه وذراعه الثانيه دفعها هو طويل وجسمه مليان بس مرتب مكدرتله زمخ بيها / شبيج تخبلتي خوفتي الولد
عبودي من شافها عصبية برطم يريد يبجي ، فارس همسله بأذنه يهدي وبوسه بخده بقى مطكك عيونه بوجه فارس اللي ضحكله يهدي / هااا بابا
عبودي مد ايده يجر بلحية فارس اللي اخذ ايده وباسها يحجي ويا بهدوء / عبودي البطل يلا يابابا تعال نشوف بيبي .
عبودي فرح / بيبي بيبي ..
عبدالله متعود على عمة ديما وهي رغم سوالفها وطمعها بس ادير بالها عليه من ديما تروح للشغل ،، هي طبعها هيح متتغير مصلحجيه موبيدها
فارس عاف ديما ادردم وراه ودك الجرس شوي وفتحتله العمة من شافته ابتسمت / ها يمه بشر شلونه عبيد
دخل للكراج / الحمدلله زين.
التفت على ديمه النترت / جيب ابني واتوكل ترى طوختها
انطاها عبدالله ورفعلها تك حاجب سكت ما رد عليها ،، عمتها نترت بيها / ديمااا وجع اي والله تخبلتي تحجين ويه رجلج هيج
طككت عينها على عمتها / اي تخبلت عوفوني بحالي تراها وصلت لهنا ،، واشرت على خشمها
فارس مسح وجهه واستغفر حجى ويه ام سعد / ممكن اكلمج
ام سعد / تفضل عيني تفضل
دخل للأستقبال وكعد وام سعد كعدت كباله عالكرسي....
وبدا يسولفلها على الصار بالمستشفى شافها فتحت عيونها مستغربه ومتفاجئة المهم حجى اليريده
ام سعد / هاي هي بعد احسن اشو انت عمه وراح ادير بالك عليه بعد عليش هالمكسورة الركبة راكبه راسها اااخ من عنادها هذا طبعها على امها الله يرحمها .
فارس / الله يرحمها ، هسة الاريده تحضر نفسها باجر اجي اخذها لبيتي اني جهزتها واذا عدها نواقص بعدين اكملهن الها وبالنسبه للعقد راح اصدقه بالمحكمة لو بعدين اخذها
ونعقد بالمحكمة اللي تريده اني موافق عليه
ام سعد / ياااا عليش مستعجل خلها للخميس بعد اربع تيام.
فارس / لاا ام سعد مثل ماكتلج يلا اني اترخص.
إم سعد / وين ابقى عالعشا هسه سعودي على جية
فارس / ممنون منج يلا اني راح انزل الغراض بعدهن بالسيارة.
نزل العلاليك وام سعد فاتحه حلكها شكد مشتريلها غراض .
ورا ماطلع راحت عليها للغرفه كاعده يم عبودي اللي يلعب بملاعيبه
إم سعد / وين ابقى عالعشا هسه سعودي على جية
ام سعد / ديما حضري نفسج ورتبي الجنطه وهاج هاي الغراض ..ذبتهن بالغرفه وصفنت عليها ..هاي كل عقلج بالعباس اذا متكومين اجهزين حالج افرج عليج الجوارين ، الرجال يدور رضاج وبعد طلع عم عبيد ، موزين حتى يربي ولو عمامه جلاب مابيهم غزرا بس هذا يكول مارابي وياهم وماعنده علاقه بيهم
راح اخابر عالبنات اشوف ياهي الماعدها شغل تجي تساعدج يرادلج تنظيف وحفافه ولو عيني انتي ملسا مابيج شعر بس لزوم تهتمين بروحج
حاطه راسي بين ايدية وصافنه وگلبي مليان
قهر مااهتميت لحجي عمتي شكد بطرانه تخيط وتخربط ، عافتني وطلعت وبقيت افكر بالصار وية فارس توني يلا استوعب من اخذني لبيته عزا بعينه شكد جريء !!!!!
ــــــــــــــــــــ
فارس يسولف لصاحبه /
نشوان شغله توكف العقل لعد اني الجنت ناوي اتزوجها فترة واذا متوالمت وياها اعوفها وانطيها حقها تاليها تطلع ارملة اخويه الله يرحمه ،وابنه اول مرة اعرف عنده ولد لو تشوفه فدوه لله شلون خلقه
ينكرط كرط.
جان صافن بكلام صديقه يدري بي ضايج واتصل عليه يجي للبستان يريح باله شوي كاعدين على كراسي سعف مخليهن جوا اشجار النخل ومعمرين نراكيل وترمز الجاي يمهم عالطبله السعف.
نشوان / مو على أساس عندك تواصل وية اختك لعد ما كالتلك
فارس / تدري كل فترة يلا اتصل عليهن ، وبعدين وين اعرف هي نفسها أرملة عبدالله
نشوان / سبحان الله شلون صدفة ، فارس تذكر من كلتلك استقر ترا زودتها يخوي
يوميه بنت شكل وتكت بفلوسك عليهن اني اشوف هذا اختبار الك واذا ربيت هاليتيم تكسب بي اجر ، وبعد طلع ابن اخوك خاف الله بيهم فارس ادري بيك تمل وتكوم ادور نسوان ههههههه.
رفعله حواجبه / هاااا على اساس انت متحب النسوان.
نشوان / هههه والله انت محد يلحكك مخلصهن ممخلي.
فارس / لاتبالغ هن اربع خمس مرات تزوجت بيهن .
كام نشوان وعاف النركيله ودفره برجله خفيف / نسونجي متنحزر والله خايف عليها منك
رفع راسه لنشوان الواكف متخوصر ويضحك / ولك هذه خبلتني بالقرأن كوة لازم روحي
لا اكفخها بس انتظر تصير ابيتي وبين اديه واني اشوفها منو فارس.
نشوان بصدق / لااا فارس خطيه خاف الله بيها .
فارس / لو تشوفها شكد عنودية وتحجي وتتعارك جان انت من يمك هفيتها بوكس فلشت وجها ، ماادري شلون عمر جان يعاملها وهو طبعه هادىء هاي يرادلها رجال سبع .
نشوان بضحك وغمزله/ ههههههه هاااا شايل هم يلااا حباب دير بالك لا تتكفخ.
كمز فارس ولزمه من ركبته يعت بي / منو اليتكفخ منو هااا ؟!! هذا انت مرتك تكفخك .
نشوان يدفع بي وخربان ضحك عليه لان معصب من هاي الحجاية يدري بي يتخبل ولا احد يهين رجولته / عمي اسفين هههه ولك خنكتني خبل انت ههههههه
عافه وراح كعد جر النركيله ينركل ونشوان فتح الترمز وصب بالكوب جاي وكعد يشرب ركز عليه وحك لحيته جان يبتسم وهو مقرر يعصبه / ماحجيتلي شلونها اكيد صاكه لان انت تخرب عالحلوات والصاكات هههه.
خزره فارس وهو يدفع دخان النركيله بشفايفه / لاتخليني اكوم اجفص ابطنك تراني ضجت نشوان جديات ماريد تحجي بيها تحديدا ام عبودي لا اجيب طاريها
نشوان / فارس انت تحبها وتخاف عليها ومتريد احد يحجي بيها لان هاي بوادر الغيرة يخوي
فارس مارد عليه لان هو نفسه ميدري ممتأكد بس المتأكد منه من نشوان جاب طاريها حس بالغيرة عليها
بقوا للمغرب بالبستان وافتروا بي بعدها فارس وصى الفلاح على جم شغله وطلعوا كلمن بسيارته على اساس يرحون يتعشون بمطعم بس نشوان اعتذر لأن يريد يكعد ويه امه باجر وراه طلعه الفجر لبغداد .
ـــــــــــــــــ
منير /
طرق عالباب فسمع عصام يأذنله يدخل..عصام بقى صافن عليه وفاتح حلكه / ههههه هذا انت ؟!!!
ابتسم / ها استادي شنو رأيك .
عصام بقى مضيك عيونه وركز بشكله / شنو هالوسامه خف علينا يمعود ..كام من مكتبه وتقربله..ممتاز ممتاز ، هسه تعال اكعد واحجيلي شسويت.
كعدوا عالقنفة ومنير حجاله شسوا من انطا عصام فلوس وراح اشترى ملابس وراها راح للحلاق
عصام / عفية عليك وهسة اسمع مني شراح تسوي وانتبه على كلامي.
شرحله عصام اليريده منه ومنير جان واعي لكل كلمه يكولها عصام.
ــــــــــــــــــ
ملاذ /
خلصت خفارتي الصبح ومن اريد اطلع للبيت صاحتني علا / شبيج ملاذ ليش حزينه
ملاذ / هااا لا ماكو شي .
علا / علية ، افهمج زين هذه النظرة دليل اكو مشاكل.
رجعت ملاذ حطت جنطتها عالميز بالغرفه / عصام يريد يرجعني وهذا مستحيل.
علا محجت خلتها تكمل وصافنه بيها
ملاذ / علا ذابح روحه يريد يرجعني وميجوز حرام لان طلكني بالثلاث ، اووف علا تدرين اكو حثالات بحياتنا ماادري ليش ربي بلانه بيهم وبما انو ميجوز شرعا ارجعله جايبلي رجال حتى اتزوجه مختار واحد من جماعته مدري من موظفينه ، مدري شيسمونه محلل يعني حتى يطلكني ويرجعني عصام شفتي شلون مهزله ، اللي يصير وياي شي قذر مجاي اتحمله .
تنهدت بحسرة وعينها على صديقتها
علا مصدومه / هذا خبل شلون يفكر هيج زين طلال شيكول .
ملاذ / طلال ميريدني مطلقة يكول ما اتحمل اختي مطلقه ، وعصام هماتين صديقه ميريد يخسره.
علا هدأتها / ميخالف عيوني اهدي وفكري شلون تتصرفين.
ملاذ صفنت وعيونها مليانه حزن / راح اسوي المستحيل حتى ما ارجعله ، علا اني عقلي حاليا مو مثل عقل قبل لا ، وما راح اخلي أحد يتحكم بية حتى لو كان طلال
علا بتحذير / ديري بالج اتصرفي بحذر.
ملاذ بإصرار / عندي خطه راح انفذها لو شيصير لازم انجح بيها.
