رواية الرجل الاخر الفصل السابع بقلم جوهرة
حلقت الاف السنين..
وما وصلت الى ذراك
وجلبت تيجان الملوك
وما حصلت على رضاك
وصعدت فوق الابجدية كي اراك
يامن تخيط قصائدي ثوبا لها
هل ممكن بين القصيدة..
والقصيدة ان اراك ؟؟
ــــــــــــــــــــ
منير /
كاعد عالكرسي بالممر اليودي لغرفة مكتب عصام افكر بكلام عصام ، من هذا انطاني فلوس وطلب مني اشتري ملابس واحلق لحيتي ..حك خده ..اي والله ضوجتني ممتعود عاللحية بس غير شغلي والظرف هذا يتطلب مني هيج اسوي يلا اتحمل بس يراد صبر
طلع عصام من المكتب باوع علية اني بسرعة وكفت من حجى وياي / ها منير اشوفك
صافن ؟!
رديت بكل احترام مديري هذا وأبو الشغل كله / استادي جاي افكر بالسالفة
الكلتها الي
عصام طبطب على جتفه / سهله ان شاء الله بس اريدك تتحضر بالليل عندك شغل مهم دير بالك ..غمزله بعينه بعدين صاحه / تعال خل افهمك على كم شغله
ــــــــــــــــــ
بوقت سابق ملاذ سالت اخوها بجرأة / اذا تريدني ازوج غير اعرف الرجال الراح ازوجه !!!
خزرها ونتر بيها /؛شنو هالكلام كله من وراج خبلتي الرجال تدرين بية شكد اكره الطلاك وانتي يوميه مطلكه .
عاطت مشمئزة من طاري عصام / اكرهه اكرهه
استغفر ربهورجغ يحاول يفهمها / راح يتزوجج منير وماريد سوالف ماصخه اسكتي لا تبقين تتحججين
عاتبته بهلع من تفكيره / ماجنت ادري بيك هلكد قاسي ، انت شلون تقبل تبيعيني بالشكل هذا لو ابويه عايش مجان خلاك هيج تسوي بية
طلال انقهر عليها ميريدها تتبهذل بالطلاك وعصام جاي يلح يريدها متخبل عليها وهو يخاف لا يروح ياذيها / ملاذ تدرين زين شنو موقفي ماريد الناس اجيب طاريج على هاي اطلكت وهاي كذا والله اعتبرها اهانه وعصام لوما اعرفه ذابح روحه عليج جان ولا ارجعج عليه ، ولج الرجال متخبل عليج اليوم قبل باجر يريد يرجع !!!
طلال / صح هو متهور بس انتي هواي تستفزينه
سكتت محجت شنو اكول واخوية كاعد يبررله !!! بس بسيطه ياعصام تريد ترجعني ومسوي روحك ميت علية وتحبني ، شلون ممثل يوهم طلال هو محتاجني ويحبني وهو ... اووف كل هذا حتى لا افضحك .....
ــــــــــــــــــــــــ
اليوم ما داومت بالمستشفى وصيت علا تاخذلي اجازة وبعدين من اشوفها افهمها اللي راح يصير
باوعت ساعتي صار شكد كاعده بسيارتي وانتظر لابسه كمامة وعيني على مدخل العمارة اراقب الداخل والخارج منها شفت عصام طلع اخيرا بعد ما مليت من الانتظار
يمشي ويا رجال ركزت نظري اول مرة ماعرفته بعدين ااهاااا مسويله تحديث ومرتبه طالع غير شكل هه حتى يخدع طلال ويقبل بالسالفه الغمه والله سالفتهم تفشل شلون زلم !!!؟ بسيطه عصام بسيطه الا اخليك تتندم
انتبهت على عصام صعد سيارته وراح نزلت راسي حذرا منه وبعدها لمحت منير بقى واكف يم باب العمارة البيها مكتب عصام.
حركت سيارتها وصفيتها قريب عالرصيف اشرتله بيدؤ من شافني اجى عالسريع.
نزلت الجامه وحجيت وياه / اصعد للسيارة
منير عرفها بسرعه من باوع بعيونها ، استغرب تصرفها بس ماحجى رأسا صعد ليكدام. ،، حركت سيارتها بسرعه التفت عليها / شنو هذه عملية اختطاف ؟!!!
ماردت بحرف لما وصلت لحديقه عامه تدري عصام ميمر لهيج مكان وكفت السيارة والتفتت عليه وجانت متعجبه على شكله يختلف ملابس انيقه وملامح وجهه تنضح رجولة ووسامه معقوله حلق اللحية هيج يغير الملامح مابينت اهتمامها بشكله شلها دخل بي جانت ملامحها جامده مقررة لازم تتحايل عليه حتى تخلص من عصام.
نزعت الكمامه وذبتها وسألته بهدوء عكس داخلها / انت الراح تتزوجني ؟!!
هز راسه وبكل برود / اي اني
نترت وطار البرود اللي متسلحة بي / شكد ساااافل لعد
رمش بعينه متفاجىء بكميه العنف بلهجتها وكوة سيطر على نفسه لا يأذيها .
ملاذ بتحذير / اسمعني زين راح اتفق وياك اذا كنت صادق وياي اغركك فلوس
دقق بعيونها المليانه غضب وحزن وحب يعرف شتريد منه لاحكته ؟!!! / سمعيني
متريد تباوع بوجههركزت عالستيرن واصابيعها تنقر
عليه..توعدني محد يعرف بالاتفاق الراح يكون بيناتنا
حتى لو هسة انت رفضت ماريدك تحجي لعصام او طلال.
دقق بعيونه عليها يشوفها ممنتبهة عليه بس يدري
عقله وحواسها ويا لان جاي يشوف ارتباكها .
_وشنو برأيج البيناتنا .
حجتله شتريد منه وسكتت تريد تسمع جوابه.
ردلها بكل هدوء..اتفقنا واني راح اسوي التردينه.
*******
_ نقيب نشوان الحذر الحذر مهمتك صعبه لان انت وحدك بيناتهم .
_سيدي ان شاء الله النصر النا رغم استجدت بعض
الظروف بس اكدر اتحكم واسيطر عليها.
حاوطه العقيد احمد بنظره تشجيع وردله..والله انت
من اكفأ الضباط العندي اتمنالك التوفيق دير بالك
على روحك ترى انت عزيز ماريد اخسرك.
نشوان دكله التحية وكف بجسمه الطويل الصلب ..سيدي.
طلع من مكتب العقيد البقى صافن هذا شلون بسوالفه يغامر بروحه كولشي اتوقع منه دومه يفاجئني.
اخذه على جهة من دخل لمكتبه ..تعال واحجيلي انت كل عقلك هيج تتصرف ومعقوله وافق على خططك العبقرية .
_اي اتمسخر انت اتمسخر عليه.
سحب الكرسي وكعد وعيونه على ماهر لبقى واكف
وصافن..نفس كل مرة حذرني بعدين قبل.
تقرب ماهر واشرله بيده ..اكو شي يلوح بالجو ادري
بيك وراك سالفة.
جتف نشوان ايديه على صدره ..وشنو هو اخ ماهر.
انحنى ماهر ودقق بعيون نشوان السودا ..ولك اعرفك تعلمني بيك.
_خل افهمك ترى اني مضطر هيج اتصرف لعد شلون
اخلي الخطة تنجح بعدين عليش مستعجل كولشي
بوكته حلو يجي اليوم التعرف بي لاتستعجل.
بعدين انت موتريد تاخذني تعشيني .
ابتسمله وجره من ايده..امشي يابه شعندي غيرك .
......
طلال قبل بسبب عصام ومحاولاته بالاقناع هو صديقه وتربطه ويا علاقات تجارية بس بداخله غمته
وحزن ملاذ اخته الصغيرة يريدها سعيده بس طبعها
حاد والعناد تارس راسها تغيرت هواي من تزوجت
جانت هادئة قبل والجاي يشوفة صايرة انسانه ثانيه
طلب من ثريا تقنعها وهذا الصار بس مستغرب شلون
وافقت بدون هوسه وعياط شك اكو شي حاول يغض النظر كلها جم يوم وتطلك وترجع لعصام
كعد عالكرسي بالاستقبال وحط ايده على راسه..يربي
والله الجاي اسوي اعتبره عيب بحقنا اوووف منك
عصام شلون وافقتك هسة انت اغم اني اجاني
وركضت وراك .
بهاي اللحظه حس بندم فضيع بس شيسوي الشيخ
كاعد وراح يعقدلهم ..همزين خليته يكتب تعهد اذا
رجعها مينفصلون بعد وحط شروط تعجيزيه والفاجئة بالموضوع عصام قبل على اي شي يحجي
بسيطه خل انطي درس هالاغم هذا.
تزجوا بحضور شهود جان عصام جايبهم وراح طلال
راقب منير متانق كأنما عريس من صدك عرسه
مبالغ باللبس والعطر طالع حيل كشخة يدري زواج
صوري عليش هالتمثيل..اكيد متفق ويه عصام
بقى ساكت ومن شاف ملاذ كعدت بهدوء وراسها محني كلبه انعصر وحس بندم فضيع هاي اسوى بأخته ..رسم ابتسامه كاذبه وكام كعد بصفها ..
_ملاذ اذا اكلج مبروك راح تستهزئين بس مشيها
للسالفه تدرين هذا الشاب مبين فيكه جاي متكشخ
واحوال ماادري ليش كلبي لاعب منه .
عضت شفتها بقوة وخزرت طلال..الله عليك ..
ترى هذا الفيكه عامل جوا ايد عصام يلا ميهم وميفيد الكلام بعد.
ثريا جانت قلقة وحاولت تحبس دموعها طلعت برى الاستقبال .
ورا مراح الشيخ والشهود منير طلب ياخذ العروس
لبيته.
طلال خزره وحجى بكل برود ..عليش مستعجل.
منير وضحله..زوجتي صارت واكيد اريدها ابيتي.
تنهد طلال واشرله ..بيها الخير يابه .
******
راسها تحسه ثكيل من التفكير دخلت سبحت بعد مطمنت على عبودي نيمته بالكاع تخاف يوكع من الجرباية فرشتله جوا ، فارس كال راح يجيبله سرير
اطفال ويحطه بالغرفة نفسها رتبت غراضها ملابسها
بالكنتور خلتهن بالجهة الثانية ماشاء الله ملابسه
ودشاديشه محتلات الكنتور وراحت للغرفه الثانية
رتبت ملابس عبودي الغرفه ببها كنتور تلث بوب
وجرباية نفر بس مرتبه .
بقت جوا الدوش والمي الدافي يجري على جسمها
حست روحها شوي احسن احداث اليوم تركض بدماغها كاعده من الفجر صلت وكعدت ترتب البيت
ويه بنات عمتها ماشاءالله اربعه وجهالهن كل وحدة مخلفه كومه وانوب عمتها عازمه الجوارين وتعاركت
وياها متريد تشوف احد وهاي عمتها اجيب وتسولف
على هذا حماها ويريد يربي ابن اخو وووو...
يبو سطرتها يامرة التجي نفس الحجي لعبت روحها.
البنات حبابات ساعدنها نظفت جسمها ولو هو نظيف
لان جسمها املس بس البنات مقبلن ...
هي وجها وحواجبها سوتهن بالصالون جانت رايحه تبلغ ام الصالون بعد متشتغل لان حتزوج...كالتلها لعد تعاي ارتبج وخطيه حارت اسوتلها طلعتها تضوي.
تنهدت بحصرة وطلعت من الحمام بصف الغرفه
لابسه دشداشه فانيله رصاصي طويله بس مكسمه عليهاوردانها طوال...
الجو بارد دخلت للغرفه عالسريع جانت دافية مشغل
تدفئة دورت بعيونها على فارس هذا وين راح من دخلوا والتهت ترتب الملابس بعد مشافته وهو هم متقرب عليها احسن ماريده يربي شلون حكضيها
ويا مبين كوي شايف روحه.
سرحت شعرها وجففته بالشسوار وعطرت روحها
كعدت عالجرباية تخلي مرطب لايديها ورجليها
جانت مدنكه رافعه دشداشتها وادلك برجلها محست الا واكف فوك راسها جمدت بدمها حجى بهدوء..اسم الله شبيج فزيتي.
بقت صافنه عليه وكلبها يدك سريع .
حل رباطه ونزع السترة حضريلي ملابس افوت اسبح..جانت عيونه عليها تريد تاكلها بلع ريك وكعد ينزع وعيونه تراقبها من تتحرك
طلعتله تراك رصاصي وداخليات التفتت عليه جان
تشهك..عزززا جاي اسوي .
وخرت على صفحه من شافته كام وخلت ملابسه
عالجربايه استحت منه باقي بس بالشورت .
عض شفته وتقربلها هي راسا طلعت جان يجرها
ولزكها بي جسمها قشعر ودكات كلبها تضرب بصدرها
دنك عليها وعيونه غيمت من كثر اللهفه وجسمه احتر
_ديما
فتحت شفايفها تريد تعترض حظنها بقوة واخذ شفايفها ومخله مكان يعتب على بوساته.......
جسمها خانها وبدا يستجيبله جاي يضغط عليها
ويحسسها بعاطفة جانت مفتقدتها ومن خلاها عالفراش انتبهت لروحها شافته فاقد عليها والرغبه
متملكته دفعته بصدره وفرت جسمها طلعت من جوا ذراعه احوالها مخربطه شعرها البندقي مكفش وشفايفها مورمه بقت تلهث مطككه عيونها فارس
من شاف منظرها هيج خبلته بالزايد هجم عليها ..وين تردين تنهزمين .
كوه طلعت الكلمه..عووفني عليك الله.
رجع يبوس بيها وهي تقاومه جان ينتر بيها..شبيج
تخبلتي .
نترت بي وجسمها يرجف تخاف يخونها ويستسلم
اللمساته وبوساته ..فاارس ماريدك ماريد تنام وياي.
طكك عيونه بيها وبدا يعصب ..ولج لاتشوفيني محترمج بالقران اعيشج بجحيم شنو ماتنام وياي
هي بكيفج انتي مرتي غصبا عليج اطيعيني
سحبها ..اشو تعاي اريد اشوف شلون تمنعيني .
خمشت ذراعه باظافرها جان يسحبها بقوة وضغطها
بحظنه اختنكت تريد تتنفس متكدر عاملها بقسوة
لان مجاي اطيعه جسمها جمد بحظنه زمخ بيها ..شكد عنودية وراسج يابس دغ راسها باصابيعه
ودفعها عالفراش من سمع بجي عبودي..جر حصرة وذبها ..طيرتي ابو المزاج بنت الكلب .
لملمت روحها وبدت تتنفس بقوة وجسمها يرجف
عاط بيها بعصبية ..كووومي شوفي الولد فغر من البجي كوومي.
راح جر المنشفه والملابس وطلع للحمام وهو يستغفر.
بقى جوا الدوش فتح المي البارد يريد يطفي الحرارة
والنار الشابة بجسمه ابد ماحس ببروده المي هلكد مجان مجمر عليها فرك وجها بقوة دخييييل الله
هاي شجاي تسوي بيه.
فترة يلا طلع من الحمام نشف جسمه ولبس تراك
مشط وخلا عطر نكع روحه بي سمع صوتهم بالغرفه
الثانيه دخل عليهم عبودي يفتر ويدردم وهي ضاربه
دالغه اشر لعبودي اجا يركض شاله وبقى يبوس بي
_اووف شلون خدود مال كرط يلا بابا مجوعان
تعال ناكل هميه .
التفت عليهاوحجى بنترة..علاليك العشا بالمطبخ
كومي حظري جوعانين.
رجع يسولف ويه عبودي ..يلا بابا نروح نتعشا.
حظرت الاكل عالميز بالمطبخ جان جايب كباب و
صاج ويه المقبلات محجت بقت ساكته تدري بي
عصبي يدور حجة عليها بعد السوته بي.
كعد عبودي بحظنه راحت تاخذه..تعال ماما يمي.
نتر بيها بدون ميباوع عليها..عوفي
عبودي عاجبه الوضع ومكيف على فارس لان يحجي ويا يشاقي رغم مو طبعه بس من شافه وعرف هو ابن اخو تغير وضعه.
دحك بوجه فارس ويأشر عالاكل..ببا ببا
ديما بقت فاتحه حلكها مصدومه .
فارس رغم ضوجته من سمع كلمه بابا فرحه ترست
كلبه عبودي رغم صغره بس من نطقها حسسه انو مسؤل عنه مسؤلية اب تجاه ابنه وان شاء الله ميقصر .
ديما كعدت عالكرسي وبداخلها غصه من شافت ابنها
منطلق وفرحان بحظن فارس المتونس عليه وكاعد
يوكله لكم صغيرة .
انتبهت ..بعده موهلكد بالأكل موزين توكله كباب
خزرها مضيك عيونه ومحجى رجع انطا قطعه من الصمونه وبدا عبودي يعلس بيها.
كامت تسويله حليب بالممه وكلبها يدك..يمممه شلون
يخزر والله خفت.
