رواية دمار ضالم الفصل السابع بقلم ام علوش
#دمار_ظالم.. #رفقا_ايها_الزمان.. فقد ضاق. الكون.. بي.. #كانما اصبحت كعادته علينا ولد ريحانه او لعنه الحرب مع هاله الي حتى رغم مكانتها الاجتماعيه وشكلها كان مقبول محد خطبها لانه غرور وانفه مبالغ بيها وخلق زفر.... ريحانه اصعب ايام مرت عليه خصوصا اخواني وتشددهم اهنا والدي تعارك وياهم واخذني اني وامي ورجعنا للبيت القديم بالمنطقه القديمه جماره صارت يوميه وياي بتلفون وشيهانه اغلب وقتها عدنا لانه زوجها عسكري هي واطفالها هن بلسم لجروحي والدي السند الما تركني هو وامي مرت ثلاث شهور وابويه يوميه يدعي تطلع الحقيقه... لكن.... هناك امور هي بيد الرحمان وهو اعلم بها... مرت الايام علكم عليه وعلى اطفالي خصوصا بعد ماعرف تواصلي معاهم وهذا ثار حفيظه واثق ورجع لحقارته وطبعه النكس شرب سهر وهو شمرهم عند الحيايه والعكارب بوكر الثعالب.. كان جهاد بقائهم صعب.. ملاك... كنت امر باسوء فتره بحياتي او كنت اعتقد ما جنت اعرف الاسوء مضموم وشلون ضمه 💔هاله غلط وتشمر وامكم امكم بنت ابو القواطي هذا العار بالنسبه الهم وكذلك حتى والدي هم غلط وخصوصا غيث وليث جوع كطع ضرب طيف هذا تموته رشى بالشافعات اخلصها منها وحالته تسوء اكثر واكثر فدك وكحه وتضرب بنات رشى.. غيث وليث يطلعون يشتغلون عتيك علايك سكته ويجيبون لفات النه كدام ابوي ملاك وبعده شيطان... بيبي كانت مريضه ما تقبل علينا من تضرب هاله ورشى اصلن محد بحالها بعدها تمرضت هي رشى تعدل وترتب وابوي رافضها ونشوف كم مره بليل تصعدله للفوك يطردها احنه بعد هذا الوضع رجع الباب الداخلي للطابق الثاني ولاغى الباب الخارجي مرت الايام وسنيه العجوز اشوفها تعدل بروحها وساعه مي ماخذه ساعه اكل واهتمام زايد لحد ما ابوي نهرها ونزل للحجيه بغرفتها وحذرها.... وهنا بديت افهم لعبتهن لكن منو يصدك وهن اساسا لعبنها صح بادله وحلف وتوثيق واضطر، والدي يسكت وما يواجهه امجد واهله. لااسباب امجد مسافر واهله مالهم ذنب ويفضح امي ومهما كانت زوجته وام والده والستر حلو... والاصعب فضيحته بين الناس تكتم على الموضوع وامه ايدت كلامه وكذلك هاله ورغد.. اما ام شمخي اشوفها تمادت حتى على بيبي مرات وسنيه حاولت بكل الطرق تسحب والدي وكذلك حربهن بينها وبين رشى على واثق شي مضحك مبكي واني اشوف والدي ما زال متعلق بامي صورها ملابسها اغلب الاحيان على جرباته عتبه تالي ليل يغني ومعاتب الها من يسكر كانت ايام كسرت روحي واشعل فتين نار قلبي على والدي وامي.. بعدها اشتدت الحرب بين غيث وليث وهاله ورشى.. وما يخافون يضربوهن ابوي تعب مشاكل وطلايب وخصوصا يوميه بينهم وامي وتواصلها وتوسلها الدائم بس ترجع لخاطرنا كلشي ما تريد منه واخير من حركتني هاله بمي الحار... هنا والدي انصدم يعرفني هادئه هاله علساس ماتدري وهي طلبت مني افور المي وامسح الارضيه رغم سنيه موجوده لكن كانت غيره مني وحقد على امي بعدها اجت بحجه تشغل الطباخ وشمره الموت وصار على ظهري وانصلخ ظهري اتصلوا بوالدي واخذني للمستشفى هناك كانت روحي تنازع اشوف ابوي وتعبه وامي واحتياجي الها اجت للمستشفى تركض وهنا كان لقاءيهضم الاثنين غرباء واحد يتجنب الثاني بعد ما كانوا روح وحده بجسدين الله على الظالم... بقيت للعصر وامي وجدي يمي.. ابوي اجا اتصال وراح ساعه وجاب هاله محتركه.. غيث وليث حاركيهن بدهن اخاف محتاجه قباحه تشوه وجها وصدرها... اهنا والدي كان معصب ومنهار ونزل كلام وغلط على امي وتربيتها لغيث وليث كانوا حاركين هاله.. نايمه بغرفتها الحقيره ارتاحت من حركتني داخلين عليها وشامرين الدهن يفور عليها وشاردين ابوي خطيه يتصل يدور عليهم وهاي تلغي وتعيط. ورغد وياهن وامي الله ذب عليها ضحك رغم تعبها وقهرها تضوي وابوي فوك منها لمي عباتك عليمن تضحكين اكعدي اني اروح اجيب الدواء لا طلعين... ليش.. عساها بحظجن وبختجن.... كسرتن ماما وبابا... مرت يومين وطلعت هنا قرر ابوي يرجع امي بعد توسلها بيه لخاطر جهالي وشاف وضعنا تعبان بدونها وتمرد غيث وليث ووضع طيف وبعد توسل جدي قبل لكن بيتنا القديم بيت جدي بيت تعبان متهالك بالمنطقه القديمه وكذلك قريب على بيت جدي وبيبي صفيه.. وفعلا انتقلنا لكن بشروط والدي الحقيرهايها.. الزمان رفقا... فقد تهالكت ضعفا... انها لم تكن حربا... بل معركتنا الاخيره... انتقلنا للبيت كامرات مدارس اهليه ماكو حكومي طلعه امي ماكو لو تموت... مسواك بيد عمال المحلات... وهنا حرب الجوع والاحتياج تقبلت امي كان حضور والدي اسبوعي يجي شارب ومعصب وامي رغم اذيته تضع الاعذار اله تلبس وتتانق وتحضر العشاء.. رغم شارب ويهذي يتجاوز عليها ويمارس حقوقه بابشع طريقه اشوف امي تاذت حيل تكعد بليل تبجي بالحديقه مرت شهرين نفس الوضع كل خميس مسواك وشىرب وممارسه طقوسه على امي والصبح من يطلع اهانه ويشمر مبلغ لا يكاد يسد رمق شي تقبلت امي لخاطرنا لكن غيث وليث كانو يغلون غلي وامي حقه ابوكم ماما يعزكم مصيره يندم عماتكم زن وترس اذنه سم عليكم اسكتوا لا يحرمني منكم
طيف وضعه ساء تتصل تتوسل بالشافعات يمر عليه ياخذه للدكتور هي وجع راسها زاد... لحد اخير مره كان حاضر والدي والصبح شمر عليها الفلوس اقرف منك استبيح جسدك لانه بدون كرامه انتي مو كتلج انتي بنت ابو القواطي تذلين نفسك على الفلس كانت اهانه بحضورنا.... طلع بابا.. وامي انهارت.. تعبت ثلاث تيام نايمه ووجع براسها اجت خالتي جماره وشيهانه عليها توسلن تطلع رفضت خافت علينا ننحرم منها اخذت علاج ومسكنات.. بعدها حضر والدي وسحب امي كالمعتاد لكن اهنا امي رجعت ريحانه ااقديمه دفعته وضربها وقسى عليها رفضت ترضخ اله ولاسلوبه السادي وصلت بيها هددته تنتحر اذا لمسها... واثق ترفضيني اكيد مواعدته لاامجد ما تردين منو غيره.. ويامن جلبتي اعرفك جلبه ضابع ما ترهمين بدون جنس... ولج من يا مله اتورطت بيج وانوب خلفت منك كلهم مثلك جيفه وتربيه قذره.... ريحانه اني طاهره وربي شاهد صدكت ما صدكت اصلن بعد ماتهمني واني مو رخيصه.. الرخيصه تعرفها منو... واخواتك وامك نار جهنم دنيا اخره اخذ حقي منهن.... واياك تعتقد من وافقت تلمسني حتى ارضي شهوتي لا جنت ارضيك واريدك تعرف لهفتي وحبي الك وانه اني بريئة بس انت زدت ما نقصت وعبالك ارضى ذاتي خلص انتهى اي شي بيني وبينك وحتى مصرفك اكطعه هو شنو نشوف منك حاقد على والدك وبناتك وربي محد لامسني غيرك ذوله ولدك من ظهرك.. امي لطم بوجه وضرب على روحها كانت منفعله وتعبانه لحد ما انهارت... تركها بابا وطلع بسيارته.. وبعدها تواجده قل او اختفى بعدها اجن عمات ابوي واستقبلتهن امي.... ام جواد.. يمه ام غيث انتي كدها وترى واثق مريض سكر وضغط وامه تفتر فوك منه وهنه حرب بينهن وتعبان..واثق..ترى..لعبنهن.. صح.. يايمه نعرفك مظلومه وحقك ما يضيع... بين فتره زياره ولاحظن وضعنا وامورنا ام جواد كانت خياطه جابت مكينه بحكم قرب بيتها علينه وامي تعلمت كامت تجيب قطع نزلات ووجهه مخاط وتغيرت حالتنا شويه... المكينه من دخلت للبيت ابوي العصر عدنا هاي شنو.. درب جديد للجدواه بنت ابو القواطي اكثر كلمه تهضم امي.... اي بنت ابو القواطي مكينه اخيط بيها لجهالي من عمتي ام جواد.. اي مو فكر ما تكدرين... ريحانه.. واثق انت تعرف روحك مقصر وبنات شابه ملاك علمي ومدرسين وليث وغيث ثالث وطيف مريض انت موفر غير العلاكه وكلها نقص ومسواك شبه العزاله تحارب اطفالي على لكمتهم ليش.. وترفض غيث وليث يشتغلون عيب ابوهم تاجر ليش واثق هيج كلبك كله حقد... تركها والدي وطلع... استمرت امي تخيط وصارت امورنا احسن لبسنا اكلنا وخصوصا ام جواد معاميلها وهي تسوك لوازم الخياط وقطع اقماش تفصلبها وتبيعها كانت امي تتعب وذبلت عيونها وبين بيها التعب خمسه الحمل مو قليل والدي حضوره رسمي امي نهائي ما تلتقي بيه وظلت حبيسه البيت اي شي نحتاج احنه خالاتي يتكفلن اكثر من مره تتصل تطلب تطلع يرفض ويقفل ويسوي مشكله اخواني خالي وفر الهم شغل بالعطله رتبنا بالبيت جابت سبلت امي لانه كانت مبرده تفور.. وثلاجه عاطله.. احنه بيت العز والدلال لبسنا ماركات ارقى مكان بيتنا وارقى اثاث هسه هذا حالنا ورغم تعب امي وازدياد وجع راسها كانت تفرح بلمتنا بكعدتنا.. زاد مرض طيف ولابد عمليه توسلت رادت رفض يموت طبه مرض هذا كلام والدي الي انترس كلبه غل وقسوى حتى علينا... بعدها نشر والدي ستوري طهور ابنه الي عمره ست اشهر وحفله ختانه وهو بحضنه فرحان بيه من رشى طفل انابيب صار هنا بيومها امي شبعت بجي.. ريحانه.. شفت الاستوري وكانما انغشى عليه يعني صاير عندك ولد وفرحان وهولاء ثلاثه ما مهتم الهم بس هذا ابن الانابيب... عذراء للوصف بنات... وطيف اتوسل بيك ترفض ليش هيج.... دزيت رساله الف مبروك يتربى بعزك... يا رفيق دربي... رد عليها اي يتربى بعزي ودلالي ابن الشريفه مو الرخيصه... اسهام كطعت نياط كلبي.. بعدها اغمى عليه واخذوني المستشفى اجت جماره وشيهانه وموسى اخذوني كوه موسى اتصل بيه وهدده.. وهو اتصل بجماره.... اخذوها ورجعوها بديكم عساها لا رجعت.. يوم بعد يوم يطغى واثق ويتجبر عليه وعلى والدي.. غيث وليث حملوا ضغينه وحقد على واثق وكذلك فدك وملاك طيف تعبان.... بعدها رجعنا للبيت ومسكنات هدات... شيهانه وجماره شفت بعيونهن كلام... وقلق وتعب...... اي تحدي... يا ريحانه..... ينتظرك... اختكم ام علوش
