رواية دخيله الشيخ زين العابدين الفصل السبعون بقلم أوتار حزينه
گلبي يدك بسرعه وزادت دكاته من سمعت هوسه
الشباب ام الزين اجت ليمي حظتني وكامت تگهد بالبجي دمعتي حدرت وياها وخرت وخواته اجن باركن رهيفه نفس،،،،الطبع
ماتغير بها شي
لجن امنه مو مثل قبل
هاجر جانت جايبه جديد وماكدرت تجي
امي باركت لي ،،، هي وخواتي عمه حظنتها
وحده تبارك للخ فرحه جبيره وطشت بدارنا جده مدت يدها لي كمت حظنتها كالت لي
مبروك يبنت العرب واجعله زواج الدهر والله لايفركم ابدا
بگلبي كلت
امين
كعدت اداري بعيوني عنهم خواتي قدمن الشربت والكيك اسمع ضحگهن وياهن لان وحده وره اللخ عقدنا عمه كالت لامي
بضحك
ام هيله بخري بناتج راح ينصابن بالعين الناس راح تتكلم وادكول وحده وره اللخ مشت
الله الحافظ شيخه هو يحفظهن من كل عين
حاسد
امين يارب
الهنوف ردت وغمزت لي وكملت
اول مره اشوف عروس تلبس ماروني بمهرها
خدودي اشتعلت نار
ريمه ردت
مو ماعدها شي ابيض
ههه غير اخويه استعجل جابنا ركض من بيوتنا حتى بس يعقد بهالساعه على هيله اكله يابه باجر نعقد كلشي مامسوين لها ماكو حلف الا الكل يجي بهالحزه
هههه خاف تگلب علي
ساريه ردت بضحك والكل ضحك معها
وره مشوار الزلم راحت هو دش علينا مع الهنوف
تهلهل له هي وخواتها
امه حبته تبارك له دحك لي مبتسم وفرحان كلش نزلت راسي وانهزمت من نظراته
اجه كعد حدي مال عليه وكال
مبروك يبعد حي وحياني
جن گضب گلبي من كال هالكلام سكتت مااعرف شنو ارد
ههه زين لو ولدك هينه جان ظلو بس صافنين
ويفرون براسهم
صدك هم وينهم
نامو يمه
امي ردت علي مال عليه وهمس
حضري روحج خلي نسري مع الاهل
حالي تخربط من كال هالكلام كام وكال
يالله يله ياب خلي نسري لدارنا
يله يمه جيبي ولدج تاروح تاخر الوكت
امه كالت هالكلام صفنت على امي تبجي اجت ليمي كالت
يله يمه كومي وي زلمتج
خنگت دموعي جن اول مره راح اطلع من يمها هي وخواتي كمت الزين طلع لبره رحت للغرفه لبست عباتي هن يحورن يمي ويبجن
راح تعوفينا ياهيله
بجيت وياهن اجني لحظني كلت
مااعوفجن اروح واجي عليكم
ساريه شهكت وكالت
خاف ماتجين
لا اجي
امي اجت ليمي وحظنتني ختلت بحظنها دعت لي
الله يسعد بختج يمه ويعوضج عن الشفتي ويجعل هالزواج زواج الدهر ويحفظلج الزين من كل شر ويرده لج سالم غانم
امين يمه
رديت بغصه ودمعتي تحدر مسحتهن تبتسم وتردد
اش يمه افرحي كافي حزن تعبتتي يبعد امج وان شاء الله يعوضج الزين عن كلشي شفتي
هزيت راسي وشهكت
يله هيله
الهنوف دشت وياها امنه مسحت دموعي ورحت شلت يمان وهي شالت شعلان نايمين وذابين روحهم ماحسو من شلناهم
طلعنا لبره امي معي هي وخواتي
ساريه
واكفه يم هيله ودمعتي تنزل ماامسحها
سياره اجت وكفت وره السيارات نزل منها شاب اجه يصيح بضحك
عبااالك اجيت متاخر
ولكم هذا الزين ولك شوكت وصلت
ههه قبل شويه وسمعت الخال تايعرس واجيتكم
جان ولد الهنوف الجبير سمعنا به كاعد يدرس بغداد صيدله ومايلفي للديره الا قليل راح حظن الزين وبارك له
ادحك له يشبهه بالشكل
هم اشكر والعيون صفر متغير كلش عن الاول وكبران وصاير ضخم
راح سلم على امه وجدته نزل يم رجل جده مزنه وحب ايدها وكال بضحك
سويتيها ياااشيخه
ماسويت شي ولك الله سواه
علينننا شيخه موو اعرفج من تخلين شي براسج الا تسوي
ضحكت له وكالت
سوينا خير يبعد جدتك
مايجي منج غير كل الخير
رد عليها وكام سلم على امي وخواتي انا صرت وراه الزين كال له
يول جيب الجنطه من ساريه
ااي بس من ساريه
انا
اندار عليه مديت ايدي به بخجل دحك لي وضحك كال
انتي متاكده انتي ساريه خاف مبدليج يولي
ياا ليش هالكلام يازين
امه ردت علي كال
مو اعرفها گصيره كلش وجنها ولد بصغرها هاي غير عن الي اعرفها
دحك لي وكمل بضحك
بعدج تطردين وره الدجاج يولي
مارديت علي ضجت من كام يصنف عليه
سريت ليم امي وكفت ردت علي هي
لا يمه كبرت ماعاد تطرد وراهن
سكت يدحك لي مبتسم درت وجهي منه وانا ادردم علي بگلبي.......
