رواية الرجل الاخر الفصل الثامن بقلم جوهرة
ماذا اقول له لو جاء يسألني..
ان كنت اكرهه او كنت اهواه؟
ماذا اقول اذا راحت اصابعه
تلملم الليل عن شعري وترعاه؟
وكيف اسمح ان يدنو بمقعده؟
وان تنام على خصري ذراعاه
ــــــــــــــــــــ
ملاذ /
طلعنا من بيت اهلي واني ساكتة ماحجيت
ضليت مدنگه ما رفعت ࢪأسي وجان يباوع بكل حذر على كل تفاصيل بيه .
منير / كاعد احجي ليش متريدين ؟!!
رديت بكل برود / متهمني هاي الشكليات وسبق واتفقنا.
ردد ويه نفسه بصوت ناصي / اي اي اتفقنا.
منير /
مبهور بجمالها واناقتها رغم مكياجها جان بسيط بس اشوفها احلى وحدة فستانها بلون السما وحجابها حلو لايكلها كولش انيقه وعجبتني ، اني ما اريد ينشغل عقلي
بيها عندي امور هواي يرادلها تركيز بس وجودها وياية يشتت تركيزي غصبا علية وذاتا
بعدما صارت بذمتي واسمها ارتبط بأسمي هذا يخليني افكر بيها ، هدوئها ونعومتها وطولها اليوصل الكتفي يخفي
وراه مرة عنوديه عدها اصرار قوي يخليها تخطط مترجع لزوجها
يووو زوجها شنو اني زوجها
صارت بأسمي خل اماشيها
هالفترة واشوف وين توصل وياها ، على أساس مطلقة أكثر من مرة واختارني عصام اكون محلل هه !!!!! بس اتفاقي وياها يحتاج تفكير خاص من جهتي تحديدا !!
ملاذ /
طول الطريق ساكتين بعدما حجينا ،،
قاربت الساعه خمسه العصر من دخلنا للبيت مثل ماكال صح صغير بس مرتب واثاثه بسيط وهذا العجبني مليت من فخفخة عصام وفيكاته يحتاجلي ارتاح بوسك هيج بساطة وهدوء ،، حديقته للبيت
صغيرة بيها شجرة وحده برتقال وشجرتين صغار ورد ،
منير /
قفلت الباب بعدما دخلت الجنطة.
اباوع عليها صافنه حجيت وياها بهدوء / البيت تحت تصرفج اكو غرفتين نوم اختاري وحده
التفتت وجها انخطف / شنو تريد تبقى هنا ؟!!!
تقرب عليها وحست قربه يهددها فأرتبكت حجى وبكل برود / هذا بيتي وين اروح مثلا.
رجعت خطوة للورا ورفعت اصبعها بوجهه / تفقنا تنفذ الاريده وجاي اشوفك ماتنفذ من هسة
حط ايده على كصته وفركها وجهه جامد مكدرت تفسر ملامحه خافت منه وجودها وحدها ويا خوفها ، تهورها بهذا الزواج يوصلها لطرق مظلمة ، هيج فكرت وحست استعجلت وتصرفها ضرب من الجنون !!!
شافته مركز نظراته عليها حست عراها
من كلشي شمدريها شراح يسوي بيها شتعرف عنه انتبهت من حاجاها..
منير / ماعندي اي نيه اخل بالشروط
الاتفقنا عليها بس مراح اعوفج وحدج بالبيت .
عافها ودخل غرفه وسد الباب بقوة ، تنهدت
و سحبت جنطتها للغرفه الثانية وتحجي وتلوم بروحها / شورطت روحي ..ياااارب بس انت تساعدني محتاجتك ياالله.
صار الليل وطلعت من الغرفه بعدما رتبت ملابسي بالكنتور جان صغير بابين بس شسوي ادبر حالي اني ماجبت كل الملابس بس اللي احتاجهن ، دخلت للمطبخ من سمعت حركة اكيد هو ، صوت معدتي ينادي لأن ميته جوع شفته واكف عالطباخ يگلي مدري شنو ؟!! و محضر الميز ومخلي كبة وزلاطة خس كمل شرائح المارتدلا وخلاها عالميز من شافني ابتسم وكال / شنو رايج ترا اعرف اطبخ بس مو ذاك الطبخ طبخ ا..
سكت بسرعه جان توا يريد يكول طبخ امي اضبط بس تلاحك لسانه ..
اكعدي اكيد جوعانه اعذريني مطلعت اجيب عشا من برا .
كعدت مرتبكه لأن وحيده ويا ، كعد كبالي بعد ماحط علبتبن سفن .
منير /
اشوفها لاطشه بالكرسي متتحرك حبيت احجي وياها / انتي بخير محتاجه شي ؟!!
رفعت عينها علية / تسلم ممحتاجه شي.
كعد يتعشى بدون ميراقبها يدري بيها مرتبكه شوي كمل وكام بسرعة / الحمدلله ، انتي خلصي عشاج .
طلع من المطبخ جان يرن موبايله رفع تك حاجب / هلا استادي
عصام اللي ما تحمل اتصل عليه يريد يعرف شسوى وياها !!!! / اسمع منير دير بالك تتقرب لملاذ افتهمت.
غامت عيونه السود وضيكها وحجى من بين سنونه / ماكو داعي تذكرني .
تنهد عصام / اييي زين تعرف شغلك بس حبيت اذكرك واحذرك هماتين
منير بكل برود / صدكني اعرف شلون اتصرف
سده والتفت لجهة المطبخ وبريق لمع بعيونه
،،،
شغلت روحي بغسل المواعين ونظفت الطباخ طلعت للغرفه وبداخلي تسائل هذا وين راح ؟؟ دخلت الغرفه وقفلتها بالمفتاح يلا تطمنت
كعدت عالسرير خشب ومرتب مفروش جرجف وفوكاه لحاف مددت وبقيت صافنه بالسكف ، شوكت اخلص ،، ساعات مجاي اتحمل شلون يربي فرجها علية خاف هذا ينكت بيه ؟!! لااا بس هو حلف يساعدني زين معقوله عصام يعوفه بحاله اكيد راح
ينتقم منه ، ما ادري ليش بداخلي احساس ممصدكه تصرفه ، حتى شكله يختلف عن اول مرة شفته بيها ؟! شنو اللي تغير بي ، يشع نظافه وملابسه طريقه لبسه بترتيب ما ادري احس شي غريب بتصرفاته ؟!! اوووف اني راح ابقى افكر ، شو طلبت يساعدني وهو وافق خلاص عليش اكبر السالفه !!!!
بس الصبح جان مليء بالاحداث والسالفة مبقت مجرد يساعدها وخلاص !!!!!!
صادفته طلع من الحمام يجفف بايديه لابس تي شيرت ابيض ضاب على جسمه وبارز عضلات زنده وذراعه وبنطرون اسود ، حجيت بصوت جان حاده /ممكن اتكلم وياك.
منير عينه بعينها / الناس تسلم من الصبح
فشلت والله فعلا. كلامه / صباح الخير اا اسفه بس اريد احجي وياك.
ماهتم الي راح علك الخاولي عالباب واشرلي عالصاله كعدت عالقنفة جان نص تخم وطبلتين خشب صغار وشاشه بلازما
معلكه بالحايط كعد مقابيلي عالكرسي وفتح رجليه ومدهن وثنى ايده عليهن ظهره انحني باتجاهي وانتباهه الي / شنو من الصباحيات
شعندج فوتي تريكي بالاول
ملاذ / ماريد...اتفقنا تنفذ كلامي.
ضيك عينه واستعدل بكعدته بس رجليه بعدهم ممدودات باتجاهي / شتردين ، البارحه تزوجنا ...وبقى نظره عليها .
بلعت ريك وردت / اذا طلب عصام اطلكني لاتقبل ارفض.
منير بتساؤل / وانتي قابله تعيشين وياية ؟!
بداخله استغرب احتمال متحب عصام رغم معيشها بترف ، لعد ليش قبلت بهذا الزواج ؟!
رفع تك حاجب ورد / تفضلين الفقير والبسيط على اللي يكح فلوس.
ملاذ نترت بي / لاتغتر بروحك مبين انت متختلف عنه مو تشتغل وياه اكيد ماخذ من تصرفاته.
اشرلها بيده / شتردين بالضبط.
خزرته بنظرة بارده / نبقى سوا عالاقل هالفترة هاي لحدما يحس بالياس ويتركني بحالي اذا شافك متمسك بيه اكيد راح ينسحب
اشرلها بيده / شتردين بالضبط.
..جرت حسرة وذبتها ، وكملت / ادري راح تخسر شغلك ويا بس راح اعوضك شتريد اني حاضرة ومراح انسى وكفتك هذه
بقى ساكت وعيونه عليها لحظات و ردلها /
التردي اني حاضر اسوي وراح اوكف وياج ما اتخلى عنج.
رمشت بعيونها ممتوقعه هالثخن ويتخلى عن شغله / راح يأذيك
ردلها واثق من حاله وشبه ابتسامه انرسمت على خده / لاتخافين علية
ملاذ بلا وعي / واني شكو على شنو اخاف عليك
رفع حاجبه وركز بيها ، بسرعة نزلت راسها
كام واخذ السترة عالكرسي لبسها ومسح على شعره بيده.، سألها / خافين اذا بقيتي هذه الليلة بوحدج ؟!
سالته ممتوقعه يعوفها لان البارحه مقبل يعوفها شعجب هسة يعوفها / ليش انت مو شغلك نهاري
وضحلها بهدوء / عندي شغلات لازم اكضيها.
ردتله تحاول متبين خوفها لان هذه المنطقة غريبه عليها صح تعودت مرات تبات وحدها بس منطقتهم امينه وهسة متعرف شي هنا / عادي ما اخاف انت مأمن البيت اكيد .
ابتسم بهدوء يطمنها / حيل امين وكله قفاله لاتخافين.
تركها وطلع ، اخذت نفس وذبته ودخلت للغرفه تبدل لتروح للمستشفى.
فارس جاب سرير اطفال ونصبه بغرفة عبودي رتبته بدون حجي لأن من البارحه بايع بوزة علية ، كضاها ويه عبودي بس المغرب من رجع حاجاني وهو ينطيني موبايل ايفون كفره وردي /
هاج رتبته موجود رقمي وجيبي جهازج خل اتلف الرقم.
اعترضت / ليش تتلفه .
رفع تك حاجب / ماكو داعي لرقم ثاني .
عرفته يريد يتحكم بية بداخلي استغفرت ربي ورحت جبت جهازي وانطيته ماريد اسوي مشكله ،
ما اعرفه واخاف يسوي تصرف يأذيني
طلع السيم كارت وكسره ورجعلي الجهاز.
طككت عيوني معترضه / يمعود بس اخذ رقم عمتي لو سعد.
تقرب علية وخزرني / شسوين برقمهم بالله
تخوصرت وعيني بعينه / شنو بالله ترى اهلي تريد تحرمني منهم يعني ؟!!!
رفع طرف شفته بابتسامة معاجبه الكلام / والنعم
تلفت بعدها بالصاله / وين عبودي.
جاوبته بدون خلك / يلعب بالغرفه
محبيت اسلوبه حسيت جاي يهزء بية متحملت نترت / شنو احس ماعاجبك.
فارس /
دققت بشكلها واشوفها بدت تعصب يالله شكد احب شكلها البياض والشعر اللون البندقي يجنن عليها نسيت نفسي والجانت تحجي وياية ومديت ايدي افتح شعرها وشمرت القراصه ..و بصوت ناصي / هذا لونه الاصلي لو صابغته ؟!!
عكدت حاجبها وحاولت ترجع خطوة بس حظنتها وحطيت راسي برگبتها شميتها بقوة. / احب لونه واحب هذه النعومه ، متحملت عضيتها خفيف من رگبتها شو هذه تنهدت بحظني
ايدية حاوطت راسها ورفعته وعيوني سبلتهن انفاسي تضرب وجهها بعد ما اكدر اسيطر على روحي لثمتها بلهفة وشفايفي اخذت حقها ، اريد اطفي ناري الشعلتها من البارحه .
ديمه /
ما انكر لحظات اجتني ردت اندمج وياه بس حاولت ادفعه وگلبي يرجف وجسمي حسيته راح يخضعله واضح يريدني يشبع
رغبته بية لان نظراته ساحت نظراته كلها جراة وشهوانيه يحسسني
ملابسه شي كثر ميدقق بجسمها وضحتله ماريده بس وين عيونه التريد تلتهمني والشهوة واضحه بنظراته.
ماريد يتقرب بس وين يفيد مبين الشي اليريده ياخذه .
حاولت ما اتجاوب ويا بس هو جان فاقد علية شالني بحظنه ومن استوعبت كمت ارفس برجلية واضرب صدره وكتفه
فارس /
قافل عليها اليوم ومقرر بالغصب اخذها
لان ادري بعنادها ما اعرف على شنو هالعناد ،
زواج وصار شنو هذه الفعاليات اللي تسويها والله يا الله !!!؛ دفعت الباب برجلي وتقربت ذبيتا عالجربايه هي بسرعة عدلت دشداشتها اللي انرفعت وسحبت شعرها الطويل ورجعته ليورا ونفسها قوي وصدرها يصعد وينزل انوب خبلتني أكثر ، رحت قفلت الباب وتقدمت عليها دفعتها بصدرها عالفراش
وزمخت بيها من اجت تنهزم / وووين
بلعت ريكها متوترة متحججة بابنها / عبودي وحده.
فارس ونفسه ثكل / معليه شي ملتهي يلعب بالغرفه
سحبت رجليها ورفعت دشداشتها هي
تخبلت عاطت بقوة / لاااا عوفني
بنت الذين رفستني برجلها على بطني بقوة ضوجتني
ديمه /
مجنت متقصده بس هو فهمها عناد وشراسه.
ذب كل ثكل جسمه علية ولزم فكي وعصره بيده وزمخ بية ماريد عناد شبيج راسج يابس ،
بس والله اليوم ولا افوتها الج متعمده ادفريني مووو ؟!!!
كامت تشهك والدمعه بعينها وعيونهامطككتهن علية
فارس / متعمدة الحركة مووو اريد احس بهذه الوكاحة العندج هنا بالفراش
غمزلها بعينه ورفعلها حاجبه وكمل /
متردين تنطيني حقي ترى صابرلج بمزاجي
يحجي ويلهث وعيونه التهمتها يشوف صدرها يصعد وينزل وهذا الشي هيج بي رغبة جامحه يريد يمتلكها بهذه اللحظات
من حسته رخى ايده ضربته بصدره بقوة بديها الاثنين ابتعد شوي بس جان حاصرها برجليه عفست الفراش جواها تريد تحرر روحها متكدر شكد انقهرت على روحها بهذه اللحظه جان تبجي بحركه ودموعها تجري حاولت تتوسله يعوفها لان ممستعده
روحها متتقبله متريده ينام وياها شه وة ويعوفها.
وبصوت مخنوك والعبرة واضحه بي /
دخيل الله ..دخييييل الله عوفني
بقت تبجي وميلت راسها على جهه وجسمها يهتز بشهكه وبجي.
كام من فو كاها وبدا يمسح بوجهه ويمسد بشعره يفتر بالغرفه ،
رفع راسه للسكف وتنهد جر حسرة وذبها رجع عليها وكف يمها يشوفها تبجي بحرفة ضامه وجهها بايديها جرها بقوة وكعدها وكعد بصفها
وكزكز على سنونه وهو ينتظر بيها / ولج ليش ليش هيج اسوين ؟!!!!
متكدر ترد عليه جسمها يرجف والشهكه من تطلع اشك صدرها جر ايديها عن وجها شاف وجها احمر والدموع تنزل / فهميني الخاطر الله ليش هاللعناد العندج ديما اني رجلج ليش تحسسيني جاي اغتصبج
بلعت ريكها وعبرتها وكامت تريد تطلع وصلت للباب عاط بيها بعصبية / مو ويااااج ليش ما تردين ؟!!!
مسحت دموعها وتنهدت بحسرة / ما اكدر ما اكدر اتقبلك
كمزلها والشيطان تربع براسه حجايتها خلته يتخبل عليها نتر بحدة ولج ترا جاي صبري يخلص انتي ماتعرفين تحجين شنو ما اتقبلك هااا ؟؟؟
دغها على راسها بقوة خلتها ترجع خطوة للورا. وعاط بيها / خلي كلامي براسج هذاا انتي هسة زوجتي وغصبا عليج اطيعيني منو انتي حتى تحجين وياي بهذا الاسلوب .
جانت خايفة من قربه وعصبيته يربي شلون خليت روحي بهيج موقف رفعت راسها لفارس الجان عصبي ودمارات ركبته ناطه طوله وضخامته وهو واكف ومعصب خلاها تنكمش على روحها وردتله بغباء خلاها بعدين تندم / والله اكره الساعه القبلت اتزوجك
جرها من ذراعها وعصره بقوة خلاها تتوجع وزمخ بيها / والله الحلفتي بي لا اخليج تكرهينها من صدك يا كلبه فوك مادللتج وفرتلج كولشي انتي وابنح بكل عين صلفه توكفين بوجهي وترادديني
عاطت وهي اجر بذراعها / لك عوفني عوفني
فارس وطكت خبالاته شمرها عالفراش وماسمع لصراخها وبجيها اخذها بقوة بدون ميحسب للالم والقهر الي انتشر بجسمها وروحها جان فاقد ويريد ياذيها ، شبع رغبته بيها وهاي الرغبه خلته عصبي مفكر
بالسوا بيها الا بعد ما ابتعد عنها .......شافها ترجف ،، وفتح عينه متخبل على منظرها
مسح على راسه ، لاااا ياربي شلون هيج سويت بيها اغلب جسمها محمر لان محس على نفسه وضربها جان يريدها اطيعه وهي تعاند وياه
ديمه على وضعها ابد مفتحت عينها
وهو عافها وراح طلع ملابس وفات يسبح.
شكد تخيلت نوع العلاقه ويا بس مجانت تتصور الراح يسوي بيها ويضربها وياخذها بهالقسوة هذه ، كرهته لفارس لأن حيل اذاها
غمضت عينها متريد تشوفه وگلبها مجمر عليه
سمعته يفتح باب الكنتور بعدها طلع من الغرفه
عدلت شعرها وسترت روحها بالغطا دورت على دشداشتها متدري وين شمرها اخر شي لكتها حاولت تلبسها تألمت جسمها يون عليها شالت الجرجف وغيرته رتبت الجربايه مشت على كيفها وتحس روحها مسحونه ماعدها طاقه بعد الصار ، طلعت ملابس وداخليات واخذت المنشفه شافت روحها بالمرايه الكحل سايل من البجي وجها احمر وشفتها مورمه ................................
..لاكاها باب الحمام لابس دشداشه بيجي شتويه والخاولي على راسه ينشف بي صفن بوجها محجى دخل للغرفه.
تأخرت بالحمام بقت جوا المي تنظف جسمها تحس بقهر والم لان الصار غصبا عليها متريده يعاملها بقسوة متريده ياخذها ليشبع شهوته وبس ...ليش يربي ممكتوبلي انسعد عمر محصلت من ورا اهله بس الاذيه حتى هو رغم جان گلبه طيب بس مجان
يهتملي اهم شي يرضي اهله مايوم حسيت وياه بالحب والاهتمام جان عبالك واجب ويكضي وهسه فارس يريدني بس يفرغ شهوته متفضل عليه حضرته بكم قطعة ذهب وقطعة ملابس عباله متحسرة عليهن كل اليريده جسمي لو حتى يضربني
طلعت لافه المنشفه على راسها والتراك الاحمر مفصل جسمها سمعت صوته هو وعبودي بالصاله ....
فارس ورا الصار محجى وياها ميعرف يبدي وياها وهو اذاها شافها دخلت تسبح وهو مشط وخلا عطر ، طلع لغرفه عبودي شاله وراحوا كعدوا بالصاله
فتح البلازما الجانت محتله نص المعرض وكعد عالقنفة وحط عبودي بحظنه بوسه بخدوده وعبودي يضحكله / اوووف شلون تفاحه عبيدان .
عبودي بفرحه / بباا بباا ..ويأشرله عالمطبخ .
جر روحه يريد ينزل ..هممم بباا
افتهم عليه وكام فات للمطبخ وهو يحاجي وعبودي يفتر وراه. / جوعان بابا هااا حبيبي تريد هممية .
فتحله العلاكه جان جايب مشاوي ومقبلات
قطعله من الصمونه وانطا / هسه ماما اسويلك ممه تشرب حليب عبودي .
عبودي يطلع اصوات يريد اكل / ننه ننه
فات للصاله كعد وجر عبودي بحظنه ..
انتبه عليها فاتت للمطبخ التراكسود مقسم جسمها والشعر شامرته على ظهرها مسويته ذيل والعطر يفع من فاتت جر حسره وذبها / اووووف يعبود شلون بامك
عبودي مدله قطعه صمونه معلوسه يخليها بحلك فارس الي من شافه ضحك وباس راسه .
ديما حظرت العشا وخلته بالصينية وجابتها يم فارس بالصالة وسوت حليب لعبودي لان وكت نومته ..
ديمه / تعال حبيبي اشرب الممه
مدت ايدها واخذته صارت قريبه من فارس الاخذ نفس منها وشمها عينه راحت على سحاب الفانيله جان صفحة من صدرها مبينه والخاتون ممنتبها
وانوب هي بيضه واللون اللابسته احمر سوا عنده تغماء كوة كاعد يسيطر على روحه وياها بعد الصار بينهم عشعشت بدماغه وتملكته ابد ممجرب هيج مشاعر وي اي من زوجاته الطلكهن حتى نساهن بس ديما شاعله بداخله نار يمكن لان ادك عناد وياه وتستفزه
ميدري كل اليعرفه يريدها يريدها بكل لحظه.
كمل عبودي الممه وغفى هدهدتلا على كيفها وكامت اخذته نيمته بسريره طفت الضوة وخلت الباب مردود ليدخل ضوة خفيف من الصاله
فاتت للمطبخ خلت القوري عالنار وحظرت كوب الجاي صاح عليها بصوته الخشن / ديماااا
سمعته بس مردت عليه .
طلعت وكعدت على جهة عينها عالشاشة بس باله مو يمها .
ضاج من تصرفها / ليش متتعشين
ردت بكل برود بدون متلتفت /ممشتهية
يدري بيها زعلانه لأن ضربها وأخذها بقسوة ،، بس ميصالحها خليها هاي تتعلم وهي ماشاء الله مبينه اطنكر
فارس / ميصير اني كاعد اكل وانتي لا ، اكيد جوعانه
وكمل بخباثه قاصدها..تعشي بابا لان تعبتي هواي
مردتله بالبدايه لان مفهمت قصده بعدين يلا فكت حلكها التفتت وخزرته جان ياكل وعينه عليها سوالها لفه واشرلها /تعاي
اوكلي هاي لاتتصرفين مثل المزعطه
محجت كامت للمطبخ وطفت الطباخ صبت لروحها جاي وطلعت كعك وكعدت عالميز تغمس كعك بالجاي وتاكل ، متريد تتقرب عليه ولا تاكل ويا يكفي السواه بيها حتى ما اعتذر منها ، جان كبريائها شغال وكل شوي تتذكرلها سالفه وتعصب زايد عليه.
كمل عشا وجاب الصينيه حطها عالكاونتر ضاج من شافها تاكل كعكايه وتغمسها بالجاي .
فارس / استغفر الله ترى الاكل خيرات من الله والجاي تسوي سوالف جهال ليش ازعلين عالاكل هاي نعمه الله.
خزرته ورفعت تك حاجب / باجر تعيرني باللكمه ، مو انت متفضل عليه مو اني الكلبة الوفرتلها كولشي و ممغزر بعيني.
طكك عينه عليها / شكد حاقده دخيل محمد حجايه كلتها بساعه غضب مجنت متقصدها .
وكفت وراحت تعزل الاكل خلته بالثلاجه ورجعت الصمون بالعلاكه ضمته بالفرن غسلت المواعين وصبتله جاي بالكوب كل هذا بدون متنطق حرف وفارس واكف يراقبها تقربت انطته الكوب رفعلها حاجبه وعض شفته بقهر على حظه هاي راح تشلع گلبه ابد ممتعود على هالتصرفات والعناد جان من يزوج يركضنله ركض كدامه والدلال والدلع ويحيرن
شيسون في سبيل يرضى وجان معاجبه يتبطر عليهن وكل فترة طاك وحدة بزواج لو طلاك متفق وياهن ميحب دوخة الراس بس الجاي يشوفه
وجع راس وجع گلب .........
ــــــــــــــ
منير /
خابره عصام يجي ضروري لان صار تلث ايام مشايفه
دك الباب ودخل جان عصام معصب ومن شافه نتر بي / ووووين غاط صارلك ايام جاي تتهرب مني فهمني شنو سالفتك.
رد بكة برود / ابدا بس جنت مشغول
عصام بعد ميتحمل والشيطان يوسوسله زمخ بي / نمت وياهااا ؟!! بالقرأن اذا
صدك لاخلي طلقه براسك .
منير ردله بهدوء ضوج عصام لان يحس عنده شي / اتفقنا ما المسها وهذا الصار.
هدأ عصام شوي وطبطب على جتف منير / عفية عليك هسة العليك اطلكها.
عصام / ايا كلب يا ساقط اليوم ادفنك هنا
هجم على منير وجره من ياخته يريد يخنكه مكدر لان منير طويل ومعضل دفعه بقوة وكعه عالقنفه وعصام رجعله
يهدد ويأشر بيده ويتوعدله / نذل والله لخليك تندم ولك اني السويتك رجال ونظفتك راح اخليك تندم.
منير سيطر على اعصابه / ماكو مجال للندم.
رمش عصام وممصدك منير يخونه / منير طلكها شتفقت وياك ليش هيج تسوي بية.
قرر يحاجي بهدوء لان العصبية تهدم البناه لازم مينسى منير يعرف كولشي عن شغله صوجه سواه رجال ورتبه تالي يغدر بي يربي شكد غبي من امنت بي شلون ياخذ ملاذ تقرب منه / منير اتفقت وياك
لاتخوني .
عاط بي بقهر / ولي من وجهي لاترجع الا وعقلك براسك.
من طلع منير هو راسا اتصل على طلال / طلال لازم التقي بيك.
طلال / هلا عصام خير بيك شي ليش عصبي.
عصام / هذا الكلب السافل ميقبل يطلك ملاذ
صرخ طلال بي وعيونه صارت بكصته / ولك شتكووول ،، طاح حظك اي والله هذا الجان ناقصني ولك صوجي اني الطاوعتك مو هي مبينه من كاعها سالفه فطيرة
وغبيه
عصام اضايق من كلام طلال / لازم نحجي طلال لازم.
