رواية بديلة اختي الفصل الثامن 8 بقلم خاتون الكعبي

تقى بحقد : اذا ما اندمك ع هل راجدي ما اطلع بت امي وابوي  

مسلم : تقى احجي عدل لا تخليني افرك حلكج اهنا ترة كوات متحملج وكول ما اقسي وياهة منكسرة علة وفات امهة بس مصختيهة زايد وهسة راح انزل خمس دقايق وشوفج ع السفرة وحك رب العرش ديقيقة زايدة اصعدلج واسحلج سحول مفهووم 

تقى : لا رد 

مسلم بصوت حاد : كلللت مفهووووم 

تقى : رجف جسمي من صوتة العالي رجعت خطوتين ليورة من الخوف وهزيت راسي بمعنة اي 

مسلم : انشوف كلت هيج وطلعت من الغرفة وركعت الباب وراي نزلت جوة وكعدت مقابيل الدرج منتظرهة وفعلاً دقايق ونزلت لابسة دشداشة سودة والوجه ايشع والخدود صايرات حمر من ورة البجي والعيون مورمة اتنهدت واشرتلهة تتقرب علة السفرة تقربت وكعدت بصف ابوهة الي صار شبه فاقد بسبب موت مرتة اباوعلهة صافنة علة الماعون لحضات وعيونهة كوركن دموع وبدت تبجي بشكل هستيري ادموعهة جانن مثل الجمر وتلهب بكلبي كلشي ولا شوف عيونهة الحلوة يبجن اتخبل افقد اخر ذرت عقل عندي ردت اكوم واحظنهة وخليهة بين اضلوعي بس وكفت ابمكاني واني اشوفهة خاتلة بصدر ابوهة نارر وشبت بية اغار اي اغار عليهة حتة من ابوهة احبهة واعشكهة من وكت ما اجت علة هل دنية الهذة يومي ما عمري فكرت بمرة غيرهة ما عمري حبيت وعشكت وحدة بكد عشكي الهة وانتظرتهة تكبر يوم بعد يوم حبيتهة بزيناتهة وشيناتهة ما يوم رفضتلهة طلب جانت طلباتهة متاحة بكل وكت رغم هية تكرهني وما اطيقني لأن حسب ما تكول اتحكم بيهة ورغم كرهة الي وتجاوزهة الدئم بحقي بقيت احبهة واعشكهة مثل حب الأبو البنتة واكثر بس بنيتي نكسرت وختفت ضحكتهة بموتت امهة صار كل وكتهة تكضي بالغرفة وحدهة ولا تحجي وية واحد ولا تريد واحد حتة حالة السب والغلط الجانت عدهة اختفت واشكد مجنت اكره هاي الحالة العدهة اشكد ما اشتاقيتلهة وردت ترجعلهة بس حتة اسمع صوتهة الفاكدة اباوعلهة هسة نطت بجي وعمي كام يبجي وياهة لا اكدر اروح اجرهة منة ولا اكدر اضل واكف اباوعلهة وهية بحظنهة ضليت حاير بين نارين الحد ما فكدت اخر ذرة عقل عندي ورحت جريتهة منة وكلت 

مسلم : كافي عمي ميجوز هيج اترحمولهة وانتي ابنيتي اهدي زينب زززينب 

زينب : ها خوية 

مسلم : تعالي اخذيهة غسلي وجهة وخليهة تتغذة 

زينب : حاضر خوية 

مسلم : انطيتهة تقى ورحت سندت عمي وكعدتة علة الكرويتة وجبتلة دوة الضغط مالتة شربتة يا وطلعت الشغلي واني افكر بالمعذبتني ومخربطة احوالي وصلت الشغلي واني كل ساعة ادك علة اختي واسئل علة رويحتي بس نفس الحالة لا تاكل ولا تشرب بس تبجي تنهدت بقهر ع الحالة الوصلتلهة بنيتي و...........

_____________

اوتار

محمد بعصبية مكتومة : السلام عليكم خير منو حضرتك 

رعد : وعليكم السلام خوية اني رعد اخو صديقتهة الوتار وستوني شفتهة وحبيت اسلم عليهة اعذرني اذا سببتلكم ازعاج 

اوتار: اباوعلة كام يباوع علة الولد بنظرات استصغار وغرور وهذة اكثر طبع بي اكرهة واموت منة عندة غرور مو طبيعي علة خلك الله ما بيوم شفتة اتواضع او حجة بأسلوب حلو وية الناس كلامة كولة وهوة رافع خشمة عبالك يتأمر والناس عبيد عندة ورجع وسئل نفسي اني شلي خلاني احب واحد مثلة وغم روحي الف مرة بعد كلبي النعل حبة شسوي اتحمحمت بحراج واني ارد علة رعد لأن اعرفة محيرد علي ويحرجة وكلت 

اوتار بحراج : احمم لا خوية ازعاجيش احنة اهل ويلة اترخص خوية ومو تنسة اسلملي علة فاطمة 

رعد ببتسامة : مرخوصة خيتي ويصل ان شألله 

اوتار : بادلتة الأبتسامة واول ما اجة كرار لزمت ايدة وردت ادخل للفرع بس صاح علينة محمد حتة نركب كتلة ماشي وصعدت ورة وكروري ليكدام وصلنة للبيت نزلت من السيارة ودخلت بسرعة واول مردت ادخل الغرفتي اجاني كرار وهوة يركض وكال 

كرار : اااوتارر محمد يريدج بالحديقة ومبين علي عصبي 

اوتار : ليش عصبي 

كرار : والله معرف 

اوتار : هزيتلة راسي بتعب وطلعت بالحديقة شفتة واكف يدخن تنهدت ورحت وكفت يمة وكلت

اوتار : تفضل اشرايد

محمد : منو هذاك الولد

محمد : منو هذاك الولد

اوتار بستفهام : منو تقصد رعد 

محمد بعصبية : اي نعل 

اوتار برود : اتوقع كلك انة يصير اخو صديقتي 

محمد بحدة : ودام انه اخو صديقتج شكو واكفة داكة ويا  فج والأبتسامة شاكة حلكج 

اوتار بستهزاء : اصدك لو معرفك زين جان كلت هذة يغار علية ههه

محمد وهوة يذب كطف الجكارة ويطفيهة بحذاتة : المهم اليوم حعديلج ياهة بمزاجي بس اذا تنعاد متلومين الة نفسج  

اوتار : وعلة شنو تعديهة ترة اني مسويت شي غلط مجرد س.. اباوعلة عافني وطلع حتة قبل لا اكمل كلامي فعلاً مغرور الحقير ضربت رجلي بالكاع بغيض من تصرفاتة ودخلت جوة و.................

_______________

مرسلين

شاهين برود : قصدي ليش ما عندج رقمهة حتة تحاجيهة لو الة اتروحين البيتهة

مرسلين : لا عندي بس ضروري اشوفهة واحجي وياهة اباوعلة ضل ساكت واني منتظرة جوابة علة احر من الجمر الحد ممليت وكلت بنفاذ صبر 

مرسلين : هسة تقبل لو لا 

شاهين برود : حضري نفسج بالربعة اوديج الهة 

مرسلين بفرح : لا مشكورة ماكو داعي اكول الأخواني ايوصلوني 

شاهين بجمود : كلت اني اوديج يعني اني اوديج مفهوم 

مرسلين برود : ماشي ورجعت درت علة الجامة دقايق وصف سيارتة كدام بيتنة اخذت جنطتي وكلت 

مرسلين : شكراً ع التوصيلة تعبت نفسك كلت هيج وعفتة ونزلت من السيارة دكيت بابنة وطلعلي اخوية وابنة علوش ابصفة استوة بدة يمشي شفتة والأبستامة شكت حلكي تقرب علية بخطوات بطيئة شلتة وكلت 

مرسلين ببتسامة : اووي فدوة منتظر عمتة هوة ديستقبلهة يعمرري كلت هيج واني اكرص بخدودة واول مردت ابوسة عاط شاهين وكال 

شاهين بحدة : اددخلللي للبيت وحظنييي بيي مو كدامم الباااب 

مرسلين : اباوعلة يحجي وهوة راص علة سنونة عبالك مدري شنو كلبت عيوني بملل واخوية وكف ايسلم علي واني اخذت علوشي ودخلت للبيت سلمت وحطيت علوشي يم امي وصعدت بدلت ملابسي الدشداشة قصيرة باردة ونزلت صبيت غدة وية نسوان اخوتي وصحت ابوي واخواني علة الغدة التمينة علة السفرة وتغدينة وكتلهم حروح التقى العصر وقبل لا يرفضون كتلهم كلت الشاهين وهوة الي حيوصلني الهة اباوعلهم سكتو وبعد محد حجة شي لمن جبت سيرة شاهين كملت غداي ورحت غسلت وخدرت الجاي وصبيتة الهم واخذتلي كوب وصعدت فوك دخلت الغرفتي وطلعت كتبي وبديت احضر واجباتي منة لتلاثة ونص يلة خلصت بس بقتلي مراجعة بسيطة باوعت علة الساعة بتعب ودخلت سبحت ولبست اتراك عادي ونزلت جوة اشوية واندك الباب باوعت من شباك المطبخ اجة شاهين ودخل للستقبال ما شألله دقيق بمواعيدة كلت هيج وركضت فوك طلعت جبتي لبستهة ولبست وياهة شال اسود وحذاء صندل عادية وحطيت حمرة خفيفة ونزلت جوة دخلت للستقبال وسلمت علة شاهين الي حتة مرد السلام بس ضل ايباوعلي من فوك اليجوة جنة يتفحصني الحد ما كال بكل برود 

شاهين برود : بدلي جبتج 

مرسلين : هاا 

شاهين : بددلي جبتجج 

مرسلين : وليش بلة

شاهين بجمود : ضيكة عليج

مرسلين : لا والله صدوك تحجي لو تشاقة

شاهين برود : ليش مشاقي وياج قبل 

مرسلين : اجيت ارد علي ووكفة عد حدة بس بابة قاطعني وهوة يكول 

ابو مرسلين : بنيتي سوي مثل مكال رجلج وروحي بدليهة 

مرسلين بسخرية : ههه بابة عود صدوك تحجون ومن اشوكت حضرتة صار رجلي اعرفة يعرفني حتة سويتو رجلي

ابو مرسلين بحدة : مررسلين انجبي واصعدي الغرفتج ماكو روحة 

شاهين برود : عوفهة عمي بعدهي جاهل وما تعرف شتحجي ويلة بوية راح انتظرج بالسيارة كملي ولحكيني 

مرسلين : اباوعلة الحقير عافني وطلع بكول برود من بعد ما حرك ابوية واخواني علية درت ع ابوي لكيتة خازرني هوة وخواني ابتسمت بوجوهم وصعدت فوك غيرت جبتي ونزلت جوة طلعت من البيت وشفتة راكب ابسيارتة صعدت بصفة واول ما حرك السيارة سحب الكلانكس وقربة علية وكال 

شاهين : هاج مسحي الحمرة 

مرسلين برود : ماكو داعي امسحهة  خفيفة 

شاهين بحدة : ااامحسيهة

مرسلين : جريت منة الأكلينكس ومسحت اشفايفي بقوة ودرت علي وكلت 

مرسلين : ها هسة ارتاحيت 

شاهين : باوعتلة صفح ورجعت التفتت علة الطريق

مرسلين : درت عيني علة الجامة وضليت ساكتة الحد ما وصلنة البيت تقى وكف السيارة وكال 

شاهين : ساعة واجي اخذج مو تبطين 

مرسلين : اوكي كلت هيج وعفتة ونزلت من السيارة دكيت الجرس وطلعتلي بت عمهة سلمت عليهة ودخلتني للبيت كعدت بصالة اشوية ونزلتلي تقى عيونهة حمر وحالتهة مبينة صايرة اسوء حظنتني وكامت تبجي كعدت اهدي بيهة وعمتهة فوك راسهة تقرة ايات الحد ما هدت وراهة بديت احجي وياهة علة المدرسة وهية رافضة الفكرة وحتة عمتهة كعدت وياي وتحاول تقنعهة اشوية حسيتهة مثل القتنعت بس فضلت السكوت عفتهة براحتة مرد اصر عليهة اكثر من الازم وسولفت وياهة اشوية الحد ما سمعت صوت هورن برة عرفتة شاهين بس حتة الساعة مخلصت اتأففت وكمت ودعت تقى وحظنتهة وطلعت برة ركبت ويا ورجعني للبيت وكل عادة الطريق كولة ساكت ومحد حجة بس تليفونة ما سكت بين ديقيقة والثانية ودك واحد علي وهوة بكول برود يرفضة الحد ما قفلة يلة ارتاحيت واول ممرينة من بيت جدو شفت رجل اختي هدى حيدر واكف ابابهم وشايل نونة وهدى طلعت ورة لابسة جبتهة واجو بتجاه بيتنة مبينين جايينة اخذني الفظول حتة اعرف شنو شكل شاهين هسة درت علي اباوعلة يسوق بكول برود  بس شرايين ايدة الي علة الستيرن ناطات من كثر العصبية ابتسمت بسخرية ورجعت نظري علة الجامة واول ما وكف السيارة اكبال بيتنة نزلت وابتسمت بوجه ابن اختي سامر الي كام يركض اول مشافني شلتة ودكيت الباب لحظات وشاهين شخط سيارتة وساقهة بكول سرعة اباوع علة اختي هدى ضلت مركزة علة سيارتة الحد ما طلعت من الفرع هزيت ايدي ودخلت للبيت من بعد ما فتح الباب ابوي وكعدت بصالة وحطيت سامر بحظني وامي طلعت تستقبل هدى الي دخلت ومبين علة ملامحهة النزعاج وقبل حتة لسلم علية كالت بكول وقاحة 

هدى بعصبية : ليش جنتي صاعدة بسيارة شاهين وين جنتو طالعين انتي ويا 

مرسلين : معرف ابوكتهة اصرلي بس سؤالهة ضوجني فردت احرك اعصابهة مثل ما سوت فكلت برود واضح

مرسلين : عفواً بس اشدخلج قابل طالعة وية رجال غريب غير زوجي مو مامة كلت هيج وامي البتسامة صارتلهة من الطول للطول معرف بس يمكن عبالهة توالمنة او كمت احبة وايدت رئيي وكفت وياي ههه حتة استغربت اول مرة توافق علة شي اكولة برة اشوية جرت اختي هدى ودخلن للمطبخ ما ادري ليش بس الفضول كام يقرة الف عندي حطيت سامر علة الكرويتة ورحت وكفت اباب المطبخ اسمعلهن بس جان صوتهن اشبه بالهمس مكدريت افهم شي منة غير انو اختي هدى كامت تبجي وامي تعاتبهة مدري تواسيهة قربت اذني اكثر علة باب المطبخ وسمعت امي تكول الهدى 

ام مرسلين : تستاهلين وابو زايد من ايدج كتلج ازوجي شاهين حافظي علة شاهين بس انتي ركضتيلي ورة اسوالف الحب وصرتي قشمر طبج مرض ومن هسة اكلج شيلي فكرت الطلاك من راسج وخلي ابالج حتة لو اطلكتي فا اختج هية الصارت بحسبت مرتة يعني من سابع المستحيلات يرجعلج مفهوم 

هدى بدموع : ندمت يوم وربي ندمت ومتسحيل اكدر اعيش ويا دا اكولج ديخوني وكدام اعيوني اشون ترديني اضل ساكتة ومتحملتة وبعدين اني وياج نعرف انو لا هية توالم شاهين ولا شاهين يوالمهة فعلة شنو هل حجي وهسة فددوة بداعت اغلة شي عندج حاجي بابة خل ايطلكني من عندة 

ام مرسلين : ماشي احجي ويا وشوف 

مرسلين : فتحت عيوني بصدمة علة كلامهن وبنفس الوقت ضجت لمن وصلن الموضوع شاهين يلة هسة علة اساس انتي الميتة علي كلت هيج وعفتهن وصعدت فوك نزعت جبتي وصليت وغسلت ملابس المدرسة ونزلت حضرت العشة وية مرت اخوي واتعشت هدى عدنة هية ورجلهة ورة العشة ترخصو وراح صعدت فوك اول مراحو ولعبت بتليفوني اشوية الحد ما صارت بثنعش يلة طفيت من كثر النعس ونمت و............

_____________

اوتار

كاعدة بالقاعة واحس وجهي حيطك من العصبية الحيوان هذة ثالث تقرير اسويلة يا ويرفضة وربي لو ما اعرفة حقير ويرسبني جان ركعت التقرير بوجهة اشوية وجتني صديقتي فجر تركض شفتهة وتأففت اعرفهة حتصرع راسي بحبيب الكلب مالتهة اجت كعدت ابصفي وسحبت الفايل وكالت 

فجر : لا بس لا هم رفضة 

اوتار بعصبية : اي الكلب ايكلي بي نقص لج وربي  ضليت لتلاثة الفجر اكتب بي انكسر ظهري وتاليتهة يكلي بي نقص من خررب حظي هوة اني حظي ويامن كعد حتة يكعد ويا 

فجر : ههههه لازم بعدة الدكتور محمد شال حالج 

اوتار بنرفزة : بلة ما اسكتين لا انعلج انتي ويا 

فجر : ههه لج صدوك ما كتلج غير شفت علياء ورغد راحن المكتبة 

اوتار بصدمة : لا والله صدوك 

فجر : اي وربي 

اوتار : الف الحمد لله وشكر خاف جانت عايزة التمت علية 

فجر : هههه تستاهلين شكو تحبين واحد مثل هذة 

اوتار : خاب ما تسكتين هسة علة اساس اشونج انتي 

فجر : حب لا تقارنين روحج بية اني هوة يركض وراي اما انتي 

اوتار : اي شبية 

فجر بهدؤ : او ازعلين مني بس حيل ذالة نفسج الة وتعرفيني اني اعزج ومصادقتج من ايام المدرسة ويشهد علية ربي اعتبرج اكثر من اخت بنسة الي لهيج اكولج ميفيدج عوفي وين انتي وين هوة 

اوتار بقهر : هه دتقصدين انو مستحيل ايباوع بوجه وحدة مثلي مو 

فجر : لا والله مو هيج قصدي شوفي انتي وحدة صادقة تعرفين شنو يعني صادقة صادقة بكلامج وبمشاعرج وبعمرج ما تكبرتي ع احد ولا نغريتي ولا باوعتي للناس بطبقية وكلبج ماكو ابيض منة وهوة بصراحة يعني اشوية مغرور وبارد بل مو اشوية اهواي واكثر من اهواي هم لهيج اكولج ميفيدج ولا راح يسعدج ويحبج مثل ما انتي تحبي 

اوتار : هزيت راسي وسكت شكولهة مثلاً باوعت علة الساعة صار وكت الخروج ودعتهة وكمت طلعت من القاعة ورحت انتظرتة بالكراج اشوية واجة فتح السيارة وركب ركبت بصفة وبدة يسوق تنهدت بتعب ودرت عيني علة الجامة اشوية وسئل 

محمد : اشبيج اليوم واحد مضوجج 

اوتار برود : لا 

محمد : ها زين اذكر كلتيلي البارحة عدج تقرير صح كملتي لا

اوتار : اي بس رفضة الدكتور قاسم وحطر اعيدة 

محمد : اذا تردين احجي ويا 

اوتار : لا مشكورة  اباوعلة سكت ورجع كال 

محمد : بيج شي اليوم

اوتار : لا مبية كلت هيج ورجعت عيني علة الجامة ضليت صافنة علة الطريق الحد ما كلت 

اوتار : عادي اسئلك سؤال 

محمد : اسئلي 

اوتار : ليش حبيتك 

محمد :...............

_______________

مرسلين 

راجعة من المدرسة واحس الشمس تركع براسي وجهي كاب نار من ورة هل حر احتركت حرك وقبل لا اوصل البيتنة شفت ابن اختي هدى سامر واكف بالباب ونونة كاعدة علة الدجة بصفة رحت شلتهة وكلت

مرسلين : ولكم شمطلعكم بهل حر ما ادخلون جوة 

سامر برائة: ئمو تلعنة ولاح يشتلينة 

مرسلين : خررب وشون يعوفكم وحدكم بنص الظهرية وشمس تركع براسكم حبيبي اخذ اخت.. قاطع كلامي صوت الغثة عمهم وهوة يكول 

عماد : يابة السلام عليكم مرسلين يمنة عاش من شافج 

مرسلين برود : وعليكم السلام خوية بس من رخصتك دخلهم للبيت خطية مطلعهم بهل حر وشمس تضرب براسهم مو زين عليهم 

عماد : هههه عمي تدللين من عيوني لو هيج الخالات يو لا

مرسلين : ابتسمت ابتسامة مجاملة  بوجهة واول ما درت ظهري حتة  اروح البيتنة طلع بوجهي جدو اتوقع راجع من الجامع خررب حظي اباوعلة اول مشافني خزرني خزرة معدلة وسلم علة عماد وفتح الباب واشرلي ادخل كتلة برتباك لا العصر امرلكم وحصلتلي خزرة ثانية بمعنة دخلي هزيت راسي بيأس شكلهة الرزالة اليوم وراي وراي دخلت وجدو سد الباب ودخل قبلي للستقبال وصاح بأمر لحكيني نزلت راسي بتعب وربي ما بية حيل رزايلة ودخلت ورة للستقبال وشفت شاهين كاعدة وبصفة جدو وعمو ابو محمد هي هي كملت السبحة لا وشاهين عبالك شيخ زمانة بالدشداشة والسبحة اليفرهة بيدة معرف ليش بس خفت من نظراتة الي صارت علية اول مشافني بلعت ريكي بخوف وجدو بدة برزايلة وشاهين عاكد حواجبة مستغرب من كلام جدو الحد ما سئلة 

شاهين بستغراب : ليش جدي اشسوت

الجد بعصبية :...........