رواية ليتني واجهتك الفصل التاسع بقلم مريم الطائي
علي يكول
العشك مو ضحكات ...ومخازر عيون
العشك كون اشباك... وي اليحبون
عبدالله يكول
لاكادر اغير واقع حال
ولاكادر اصيرن لا وبالي
يكولون الوقت مقسوم نصين
نهار وليل.... شو كلهن ليالي
لؤي يكول
حلو الكتمان بس موكل وكت مرغوب
سدره اتكول
اتمنيت الفرح مايفارك ايامي
وتمنيت الندم ماياكل بيا ليالي
سدره؛: دكتوره اريد اتبرع بكبدي لخطيبي
اي بس بيها شروط
اي دكتور شنو هيا الشروط بس قبل كلشي دكتور نحن انسفر علي خارج العراق ع مود العمليه
اي نعم واني كتلكم الهند ونسبه النجاح بيها اعلى من اي دوله يسووا عمليه زرع الكبد
ان شاء الله دكتور بس اريد اعرف شنو هيا الشروط
اني راح اكولج ع بعض من الشروط وتكدرين تواصلين مع دكتور عبر النت وينطيج تقرير كامل بهذا الشي
ماشي دكتور
لازم تكون فصيلة دمج مناسبة لفصيلة استاذ علي
ما عندج أمراض خطيرة (مثل أمراض القلب أو السكري غير المسيطر عليه)
ما عندج أمراض بالكبد مثل التهاب الكبد الفيروسي
العمر المناسب
وزن مناسب
فحوصات دقيقة
يسوولج تحاليل وصور (أشعة) حتى يتأكدون إن كبدج سليم وحجمه مناسب
دكتور كل الشروط الي كلتها موجوده ان شاء الله
جيد بعد الفحوصات راح يبين انتي تكدرين تتبرعين لو لا
ماشي دكتور اشكرك تعبتك معايا
تدللين ربي يشافي استاذ علي
رب يحفظك دكتور
طلعت من عند الدكتور وطلعو علي لمستشفى الاهلي
محمد اتصل بيا
الو سدره شلونج
الحمدالله حمودي
وينكم انتو يامستشفى
نحنا هسا راح ينقلون علي ع مستشفى .....الاهلى
ماشي يعني نطلع من هناك نحنا لمستشفى
اي اطلعو هسا راح يطلعون علي انتو وين
نحنا وصلنا بغداد
تصلون بل سلامه
سديت من محمد
وطلعو علي من العنايه شفتو دا يدحك عليه ويبتسم ولؤي يبوس بي... صهيب وعمر يحجون معا وامي اتسلم علي
خليت ايدي ع حلكي وابجي واشهك اشر ومد ايدو يعني تعالي مابي حييل يحجي من اثر تعب الحادث والضربه
اتقربت علي وكعدت ع ركبي ومسكت ايدو وابوس بيها وابجي واحضنها واشمها
انت روحي انت عمرري علي انت صديق طفولتي وحبيبي انت تاج راسي جربت الفراك لمده ساعات متت والله والله متت اموت اذا يصير بيك شي لاتعوفني ياكلبي
عيونه غوركت ويمسد ع ر اسي ويهز براسو ويبتسم يعني ماعوفج
ادحك ع ماما ولؤي يبجون عليه
شوفي ماما شوفو مو كتلكم عمري كله مايعوفني هو وعدني مو علي وعدتني ماتعوفني
اي ..اي ..حبي
من سمعت صوتو كمت اشهك بل زايد
اتروحلك فدوه حبيتك
جا عمر كومني من مكاني
يالا سدوره حبيبي كومي تعبتي
اي من حبي وحلات روحي والله اسفه حبيبي تعبتك
ابتسم بوجهي ومسح دمعتي ع كيفو
واخذو وماعفت ايدو الى حد ماوصلنا لاسعاف
اروح معا اني
لؤي؛:روحي سدره
عمر؛روحي اختي بس لاتبجين خطيه موزين على القهر دا تقهري
اي هاي هيا بعد مابجي
ركبت معاهم بل اسعاف وهو شافني يبتسم ويدحك عليه ويتلمس ايدي بس احسو يصفن جثير
حبيبي متوجع
الممرض ؛رجاء لاتعبي
سدره؛اي اوكي
وصلنا المستشفى واخذو علي دخلو ع المستشفى ولكيت عمتي وعمي وبابا وابو عبدالله
عمتي وعمي ركضو ع علي يبوسون بي ويسلمون علي وعمتي تبجي وتحضن بي
ام علي؛ يعمر امك انت كون من عمري ع عمرك
ابوعلي؛ يول يانظر عيني اشجالك
علي بس لو يهز براسو لو يبتسم ويمسك ايد عمي لو عمتي
رحت سلمت ع بابا وابو عبدالله احضن ب بابا وهو يبوس بيا
بابا شفت علي رجعلي مايعوفوني
اي ياباباتي ان شاء الله ابد مايعوفج
ابو عبدالله؛:صيري سبعه عمو وادعيلو
سدره؛:ان شاء الله عمو
لؤي وصهيب مسكو عمي وعمتي وكعدوهم وعمر راح يكمل اجرائات الدخول
ام علي؛:ليش ابني ماعايحجي ليش
رحت كعدت يم عمي وعمتي اهدي بيهم
سدره؛:عمه علي اشويه مصدوم من الحادث وحييل مابي والدكتور كال لاتعبو الحمدالله عدت ع خير خلي انروح انشوفو
عمتي هدات وكمنا دخلنا ع غرفه عمتي كعدت يم راسو وتقراء علي ايات وهو يدحك ع الكل ويرجع يدحك عليه ويبتسم
صهيب ؛: سدره اماني اتريد تحجي معاج اتكول دا ادك عليها ماتجاوب
سدره؛ اي امخليه موبايلي ع صامت
اخذت الموبايل من ايد صهيب وطلعت بره
الو ها امونه شلونج
هلا سدوره الف الحمدالله ع سلامة علي ماتتوقعين هلكد فرحت من طلع عايش
الله يسلمج حياتي الف الحمدالله اسكتي وخليها امونه عبالك حلم اضحك وابجي سوى
حقج يروحي والله حجالي صهيب كمت ابجي عليج
الحمدالله الله لايقهرج كلبي دا اتروحين لكلية
اي هسا اني بل كلية هليوم جناات ماقبلت ادوام اتكول مالي وهس محد اكو بس اني دوامت وهسا حييل ضايجه بس اريد ارجع هليوم اخويا وصلني
اي حبي
دكتور فؤاد سال عليكم هليوم انتو الاربع وبل اخص انتي ولؤي
وشنو كتيلو
جان عدنا محاضرة ومن خلصت كالي تعالي ع مكتبي واخذت وحدة من الطالبات ورحت على سالني عليج كال صح سدره خطيبها استشهد كتلو هيجي سمعنا بعدين الحمدالله طلعو يدورن على لكو امسوي حادث هو هسا بل مستشفى ورجع سالني ع لؤي كتلو معاهم راح كال عجل ليش صهيب وجنات ليش مامداومين هليوم كتلو صهيب هم راح معاهم وجنات اتصير خطيبه لؤي وماكدرت اتعوفهم وكالي بمجرد سدره اداوم انطيها خبر كوليها دكتور فؤاد يريد يحجي معاج
شنو يريد مني
سالني ع علي كتلو صار فشل كبدي ومحتاجين زرع كبد
شعجب هلكد يسال دكتور فؤاد
لاتنسين انتي من اشطر الطالبات عندو وبعدين علي جثير ناس تعرفو واتوقع سمع من الطلاب اعلامي علي يصير خطيبج
يجوز
ديلا حبيبتي دير بالج ع نفسج وبعدين بس خلي لؤي يجاوب جنات خطيه ترى حييل ضل بالها
ماشي كلبي يالا باي
باي حب
دخلت لغرفه وكلهم منجمعين يم علي ويحجون وعمتي ماسكه ايدو واتبوس بيها
انطيت الموبايل لصهيب وكلت ل لؤي بلكي يخابر جنات خطيه هذيجه خبله اذا ماتسمع صوت لؤي ماتنام
خطيه ابو حسن جا وجايب معا كباب وجاي وكيمر
ابو حسن ؛:اعذورني من القصور امانه الله عليكم
عمر؛كول يالله شنو هذا ليش امكلف نفسك ابو حسن
ابو حسن؛:يمعود ماكافي الي سويتو بيكم
صهيب؛: كول يالله مصار شي المهم ابو حسوني رجعنلنا بل سلامه مانريد شي
علي ابتسم لصهيب اوف يمه لو ب يدو امسكو بوس وعض كدام العالم ههه من حبي اله
ابوحسن؛يالا ياجماعه اتفضلوو
الويلاد سووا مكان نكعد بل كاع وخلينا ريوك ع سريع هو ريوك هو غده خفنا لايجون يكومون يحجون علي مايكدر ياكل خطيه لؤي طلع يحجي مع جنات الى حد الان مارجع
دا اشرب ماي وسمعت واحد كال السلام عليكم عرفتو من صوتو غصيت بل جاي
صهيب؛:الله الله شبيج
سدره؛:غصيت
ام سدره؛:اسم الله امي
الكل رد السلام علي رفعت راسي لكيتو واكف بل باب وكام يبجي وراح ع علي ياربي اشهل مكر هذا والجذب
عبدالله ؛: انت ضلعي واخويا والله اذا صار بيك شي مااتحمل بعدك بس كولي منو هيجي سوى بيك
عبدلله حضن علي عمر كالو ع كيفك
ابتعد عنو عبدالله وسلم ع الكل ورجع سلم عليه
شلونج سدره
الحمدالله عبدالله وانت
تسلمين الحمدالله ع سلامة علي
الله يسلمك
والله ماتعرفون شنو الي صار بيا من سمعت بس حجزت وجيت كبل
صهيب؛ اكعد اتريك
عبدالله؛؛ماشتهي والله
ابو عبدالله؛:اكعد يابا
عبدالله؛؛ماكدر يابا
ابو علي ؛ سدوره عمو سوي لفة لاخوج
اخخخ يالله لوب يدي اسويلو سم واخليو كدامو لفة واخويا هم
اني هم اخذت خبز وشيش كباب وخليتها كدامو بدون كلشي
ام سدره؛:شبيج ماما اعصابج ترجف جيبي بنتي دقيقه
اخذت ماما الفه وخليت بيها خضروات وانطتو هيا اخذها
خلصنا ولمينا كلشي جا الدكتور كشف ع علي وكال الحمدالله الوضع مستقر بس لازم هاي الازدحام الي عندكم يخف لان المريض يتعب ويريد هدوء
صهيب؛:احسن شي كلكم ترجعون واني اضل يم علي
ام علي ؛:اني ماعوف ابني مستحيل
سدره؛:عمه اضل يمو
لؤي؛:ولااني ماعوف اخويا
كلها ماتقبل اتعوف علي اخر شي عمي
ابو علي ؛انروح نحجز بل فندق ويوميا اثنين يباتون يمو
ابو حسن؛: ماعيب عمي وبيوت بغداد كلها مفتوح الكم
ابو علي؛: الله يعمر بيتك وبيوت بغداد بس مانريد انكلفك ونتعبك معانا
ابو حسن؛:والله العظيم ماتنامون غير ب بيتي
ابو سدره:؛ماقصرت مشكور هاي هيا ب بيتك بيتك
ابوحسن؛:سويتو فضل ع راسي
الله يسلم راسك
ابو علي؛: لعد الشباب كلها ترجع لموصل واني وام محمد وسدره انضل هينا
لؤي؛:اني ماعوف اخويا
محمد؛:ولااني
عبدالله؛؛اني اضل معا
ابو علي؛:انتو عندكم دوامات والتزام روحو ومن هينا يومين ارجع علي بل اسعاف لموصل اني سالت الطيبب وكالي من هينا يومين ثلاثه تكدر عمي حجى معاهم موافقون بس عبدالله رفض يرجع
اني اضل معاكم مايصير انعوفكم وحدكم
سدره؛عمي موجود
عبدالله؛:واذا كان اني راح اضل ماعندي شي هينا
ابو علي؛: براحتك يابا
بكلبي هسا ناقصلي عبدالله اني اتحضرو كلهم حتي يرجعون بابا وماما وعمر وصهيب ولؤي ومحمد وابو عبدالله رجعو لموصل سلمو وراحو وابو حسن لح ع عمي وعمتي يرحون معا لان اجوي من طريق بعيد وكامو راحو وكالو قبل المغرب نجي عبدالله كال اني ماتعبان اضل معاهم روحي سدره انتي بس اني ماقبلت ماعرف كلبي نغزني اعوف علي وحدو مع عبدالله
راح عمي وعمتي وجيت كعدت يم علي جان نايم مسكت ايدو وبستها عبدالله طلع بره اتوقع راح يشرب جكاير
حس عليه وكعد
انتي .. يمي
اي ياروحي اني يمك ليش حجيك ثكيل
تعبان سدره
يروحي انت ماعاش الي يتعبك كلبي
ياشرلي ع صدرو
هينا سدره يوجعني
اعرف بي كبدو وتعبان ب سبب الفشل الكبدي بس علي الى حد الان ماعرف عندو فشل
بست مكان الوجع وهو يدحك عليه ويبتسم
اذا فكرت اتعوفني يوم من الايام اموتك فوك موتك
هههههه خبله
احبك والله اموت عليك
تعالي
وين
خلي راسج ع صدري
لاعبدالله يجي
معليج تعالي
خليت راسي ع صدرو وكام يشم بيا ويبوس براسي ودموعي تنزل مادا اصدك حبيبي رجعلي وهسا اني بحضنو شهكت وعرف بيا دا ابجي
دا تبجين سدره
اتعدلت مسحت دموعي
شلون ينطيك كلبي اتاذيني وتريد تروح
لاتبجين مسح دموعي
ليش ب يدي ياسدره اني يهون عليه اعوفج بس هذا حالنا
لاتعوفني بعد ولاتشتغل ب بغداد
صار تدللين بس لاتبجين بعد
مسحت ادموعي وضحكت سحب ايدي ويبوسها
اشوفك كمت تحجي ماضل بيك شي
ههه اخخ غير شفت وجهج الحلو تعالي اريد حلك
ههه علي انت مريض وادور هاي السوالف
اي مريض بس علاجي يمج تعالي كتلج
لااحد يجي
اخخ رجع الوجع عليه
حبيبي وين يوجعك
تعالي اشوفج وين يوجعني
والله تضحك عليه اتريد اتبوسني
هههه تعالي
قدمت شفتي وهو مسك حنجي وباسني من شفتي ولحظتها عبدالله فتح الباب كبل ابتعدت وعلي يبتسم
عبدالله؛:اسف
بكلبي اشكد مؤدب
علي؛: تعال ناقص فوت
عبدالله؛:ها ههه
عبدالله وجهو كام ينطي الوان من شافني اني وعلي بهذا المنظر
كمت من يم علي وعبدالله كعد يمو
علي؛: والقران عزرائيل جان واكف يم باب السياره
عبدالله؛: لاتخاف العار مايموت
علي ؛:هههه لاياعار مثلك
بكلبي ماكو عار اكثر منك وهو عود دا يتشاقه مع علي وجابها ضحك بس يصدك المثل من يكول نص الشقه جدياات
عبدالله؛:اتشاقه وياك يمعود والله ماتعرف اش صار بيا من سمعت بيك
سدره؛:نص الشقه جديات
علي وعبدالله ضحكو التفت عبدالله عليه وكالي
وتوقعين اني اتمنى لعلي يصير بي شي
علي؛:لا ياسدوره هذا عبود اخونا الي ماجابتو امي وصديق الطفوله
اش اكوله اش احجي علي يحجي وامخلي ايدو ع كتف عبدالله
سدره:: اي والله صديق الطفوله وبينا زاد وملح
عبدالله عرف شنو اقصد علي حس
علي؛: اشو هليوم صاير توم وجيري شبيكم
سدره::ها لا ماكو شي
علي؛: مدري هيجي حسيت
سدره؛: ها عبدالله يعرف نفسو اش امسوي
عبدالله كبل رفع راسو يدحك عليه ويبلع ب ريكو
علي ؛: ها قشمر
عبدالله؛: والله مادري
بل بدايه جنت صح ابسمرو لعبدالله بس بعدين دحكت ع روحي اش دا اكول اني
سدره؛:زعلانه من عندو ليش ماحضر خطوبتنا
عبدالله كبل ابتسم ونزل راسو مثل ارتاح
علي؛: بهاي حقها
عبدالله؛: مو كتلك بوكتها جان لازم اسافر مع جماعة لسوريه واشتغل هناك
علي؛: اي صحيح وشلون الشغل
عبدالله؛: ال حمدالله مرتاح
كعد اشويه حجو عبد الله وعلي بعدين عبدالله حس ع علي تعب وتركو ينام كال اطلع ادخن بره
راسي جان يوجعني حييل كلت اروح انزل اجيبلي حب مال وجع راس موبايل علي جان عندي خليتو يم راسو اخاف يكعد ومحد يمو
طلعت من الغرفه ورحت لصيدليه اخذت حب وجع الراس وطلعت دخلت المستشفى واحد مسكني من عكس ايدي
سدره
هاو شبيك هيجي تمسك ايدي كدام العالم
لاتحاولين تلعبين باعصابي وتستفزيني كدام علي واتشوفين اخاف لو لا ترى اني عبدالله ماخاف من اكبر واحد اخوف بس ماخاف
بلعت ريكي وحجيت
شتريد مني
كتلج احترمي نفسج ودير بالج ع روحج واني اعرف شنو جنت تقصدين من كلتي بينا زاد وملح
همزين افتهمت
ضحك ب طرف شفتو يعني مستهز
ترى ما تخوف جلبي
اني ودا امشي كالي
والدليل صارلج خمس سنوات ماكدرتي اتكولين لعلي عبدالله يسمعني حجي
ضليت جامده بمكاني غمضت عيوني وسحبت نفس عميق والتفتت
لو حتى رحتي وكلتي لعلي عبدالله هيجي وهيجي معايا ماراح يصدكج ولاحد راح يصدكج من العائله كلها شفتي هذا خطيبج الفطير شلون يحبني ويعزني معقول يصدك اني اسوي هيجي
اتقرب مني وحجى
بدقايق ادز جماعه عليج يجبوج ليمي واسوي معاج هذيجه الشغله واخليج مثل ماربج خلقج يم واحد واطكلج صور وادزها لعلي وهذاك الوكت راح يعرفون منو الصادك بينا
خليت ايدي ع حلكي وشهكت
ياحقير
ههههه دير بالج ع روحج حبيبي
كمت ارجف يسويها عبدالله بيا معقوله يسويها
انت انت شنو من شي ب شنو اذيتك اني
مو عبدالله الي ينكال كدامو لا وانتي كلتي كدامي لا وحسابج كتلج راح يكون عسير
انت عار وناقص
ههههه ناقص حضنج
انت مريض نفسي روحي عالج نفسك
رجع مسكني من ايدي قوي وصك ع اسنانو
احترمي نفسج لااكسرج هينا
شنو الي سويته الك وهيجي اتسوي؟
روحي حبيب كلبج ينتظرج
عاف ايدي ومشيت وجسمي كله يرجف دخلت ع الغرفه وارجف لكيت علي كاعد يلعب بل موبايل
ها حبيبي وين رحتي
ها اي رحت اجيب حب وجع راس
سدره شبيج ترجفين
مابيا شي علي ابتسمت وهو حس اكو شي
انت شنو اتحس حياتي
بخير حياتي
كعدت يمو وعبدالله جا المشكله علي يموت ع عبدالله مره سالتو عبدالله مو مثلك يصلي ويصوم وانت اتحبو حييل كالي سدره عبدالله عمري ماعتبرو ابن عمي عبدالله اخويا ولاتنسين هذا الشي بينو وبين رب العالمين اذا يصلي او لا الله يحاسب مونحنا علي جان اعز صديق عندو هو عبدالله جان علي اذا ياخذ رأي احد ياخذ رأي عبدالله جنت خايفه من تهدد عبدالله وجنت خايفه من رد فعل علي .....
