رواية بيت الطاعة ( كاملة جميع الفصول ) بقلم مجهول

وكفت ابوجه ابوي وكتله مااتزوجهه لو يظل اخر يوم بعمري ظربني ابوي كف ع وجهي.. 

ظليت اصرخ بوجهه بويه تضربني علمود وحده زعطوطه عمرهه عشر سنوات الاب الزعطوطه هاي بت عمك دمك ولحمك.. وعمرهه 15 نخطبهه وبعد سنه نتزوجهه

الابن مااتزوجهه لو ع كص رگبتي واعلى مابخيلك اركبه

الاب وسفه عليك وسفه ع تربيتي الضاعت بيك فنيت عمري وشبابي حتى اشوفك مهندس جبير بالتالي تكبر عليه تكبر ع ابوك ..حسبي الله ونعم الوكيل عليك ياجاسر حسبي الله ونعم الوكيل

ابوي يدعي عليه بسبب وحده زعطوطه

. لا فهم ولا علم قررت اطلع من البيت وبعد ماارجع

طلعت واسمع صرخات امي واختي ..الحك علينا جاسر ابوك وكع…

وامي تصرخ ولك اشسويت بأبوك  ولك جاسر ابوك مااات

رجعت اركض دخلت ع ابويه لكيت وجهه ازرق والنفس شبه  مقطوع.. اخذته وركضت بيه للمستشفى للطواري 

بابا طلعت عنده ذبحه صدريه.. وبقى كم يوم بالعنايه المشدده ..

ابوي يريدني اتزوج بت عمي.. واني عمري ماشايفهه ولا حتى شايف عمي.. 

عمي بالسابق جان طالب ..حب وحده وياه بالجامعه تركمانيه.. ماقبل جدي ياخذهه… 

وعمي جاسم اتزوجهه بدون رضا جدي واخذهه وسافر الغير محافظه.. اهل زوجة عمي جانو واصلين وفروله معيشه وسكن ..وبمرور السنوات عمي صعدت بيده بس گلبه بقى يم اهله ..يم جدي.. 

جدي جان عنيد مثل ابوي وازيد .. اهواي ناس حاولت تتدخل وتصلح بس جدي بقي ع موقفه.. 

ومرت السنين عمي ..خابر على ابوي

جاسم ..اشلونك خويه حسن

حسن.. هلا بيك خويه جاسم والله اشتاقيت الصوتك واشتاقيت الشوفتك.. 

جاسم اني اكثر ياخوي والله الغربه زرفت كلبي.. شنو الاخبار يمك. .الحجي مالان گلبه عليه ..

حسن والله ياخويه شگلك الحجي يتخبل من طاريك ..ويكول غضبان عليه اليوم الدين.. 

جاسم اني باجر جاي عليكم.. واني ادخل عليه واطيح ع رجليه بعدماا اصبر ع فراق ابوي ..صارلي عشر اسنين ماشايف شيبته ..

حسن خويه جاسم لاتجي جيتك مابيهه فايده

جاسم خويه حسن اني حلمت بأمي الحجيه اجت خذتني من البيت وكالت عوف ابوك وتعال وياي.. ابوك بعدين يتندم ..وصحيت مرعوب من الحلم.. اخاف المنيه وصلت واني ماشايفكم.. 

حسن خويه هاي مجرد احلام بس ..لا يظل بالك عمرك طويل.. 

وبالفعل ثاني يوم اجه عمي جاسم وبالطريق اندعمت سيارته بتريله واخذوه للمستشفي ظل يومين وتوفى وقبل وفاته ..اجه جدي وابوي ..

وعمي جاسم اول ماشاف ابوه نزلت دمعته وكاله اريد رضاك قبلما اموووت ..

جدي حظنه وبقى يبجي اني راضي عنك ورضيت من سنين بس خذتني العزه بالنفس ..والغرور ركب راسي

ابتسم عمي ..ومد ايده ع ابوي 

اوصيكم ببنيتي ..غسق ..لاتخلوهه اتعيش بعيده عنكم مثلما انا بعدت.. 

مات عمي.. وبعد كم شهر اتوفى جدي.. وهمين كانت الوصيه ..لابوي.. 

بنت اخوك من دمنا ولحمناا ..لاتخليهه عند الغرب.. 

اني جاسر ابوي سماني جاسر ع اسم عمي بس امي اعترضت الاسم قديم   وبدلت الاسم واستقروا اخيرا ع جاسر عمري ٣٥ شعري اسود،وعيوني سود كبار..شعري ناعم صاحب شخصيه حيل قويه .... مهندس كهربائي ..جنت حلم كل بنات  الجامعه.. وطبعا عندي علاقه ..واحب بنت والبنت مطلقه.. اسمها ريم 

ردت  اخطبهه بس الوالد ماقبل حاولت مره ومرتين ودزيت اهواي جماعه على ابوي ..

وابوي مثل جدي ميحب العلاقات والغراميات جان رافض ..وبعدين الطامه الكبرى من سمع بيهه مطلقه.. جن اجنونه بالزايد.. 

وكلساع يسمعني كلام تالي عمرك تاخذلك مطلقه.. 

الوالد جان مخطط غير تخطيط جان منتظر بنت اخوه تكبر واني اخذهه.. 

تحت مبدا نارنه الخبزتنه.. 

بنت اخوه عشر سنوات عمرهه واني عمري ٣٠سنه 

وريم اوف ياريم ..

عمرهه ٢٨ سنه طويله ورشيقه وشعرهه اشقر بيه رده ودايما مسويته بيرمن والمكياج اويلي عبالك فنانه..

جاسر من جان عمري 30 واني احاول اقنع ابوي بريم بس ابوي رافض.. وقافل عليها.. 

رحت الريم ولج ريم اشلون ابوي قافل عليج شسوي انطيني الحل.. 

ريم الحل بسيط كولش كولش

جاسر كولي شنو عندج 

ريم نتزوج بالسر 

جاسر وابوي

ريم ابوك وين يدري بابا دااكولك بالسر تعرف يعني شنو بالسر.. 

جاسر اهلج يقبلون

ريم معليك باهلي شغلتهم يمي ..اجر النه شقه واثثهه

وخلينا نتزوج وبهيج نرتاح ونريح 

جاسر يعني اشلون

ريم هههههههه اي وضحكتهه المميزه يعني اني وياك نرتاح ..اريحك وتريحني ..وعلاقتك وي ابوك جيده ويصرف علينا.. 

خطبت ريم اهلها طبعا افريي اوفر افريي انطيتهم الحاضر واجرنا بيت واثثته ..وصار يوم الزواج طبعا اني متقرب الريم قبل الزواج ..ريم جريئه وتعرف اشلون تريحني باستمرار تلبس حلو وترقص مثل الراقصات وتحضر المزه وتشرب وياي كاس حياتنا كانت طربگه لعب وونسه ريم حتي جهال متريد ادكول جسمي يخرب.

 ... وبالمقابل اني ممخليه محتاجه شي الفلوس بالهبل تاخذ وتصرف.. ريم حبهه معشعش،بگلبي.. استمر زواجنا ٥ سنوات

 ..وبنت عمي صار عمرهه ١٥سنه.. وبابا بده يفتر وراي علمود اتزوج غسق 

..واني بمجرد،ماافكر بزوجه غير ريم گلبي ينعصر..

بعدما ابوي طلع من المستشفى ارتاح يومين بعدهه رجع فتح وياي الموضوع.. اني ماكدرت ارفض ولا كدرت اقبل بقيت ساكت .

.كتله ان شالله يصير خير بس اجل هالموضوع كم شهر.. 

علما تكبر البنيه اكثر اخذهه من يصير عمرهه ١٦سنه.. 

ابوي كالي بس خل نخطبهه ومن اتصير ١٦سنه نزوجك ..

كتله اني مااروح ..اذا اتريد انت سافر واخطبهه وكمل وياهم ..

بس بقيت احس بالذنب ع حبي ريووومتي ..اشلون راح تستوعب الصدمه جنت خايف.. من رده فعلها جنت خايف لا تسوي بروحهه شي اتروح تنتحر.. لو تاخذ حبوب.. 

والله رحت الريم وقبل لا اروح مريت ع الصايغ واخذتلها محبس.. واول ماطلعت الها المحبس حطت ايديهه ع ركبتي

واحنا نايمين ..وريم بحظني العب بشعرهه وهي تباوع ع الخاتم اللي بيدهه وفرحانه بيه ..كلت خل احجيلهه

جاسر..ريم اني واكع بمشكله 

ريم ياستارشنو المشكله حبي

جاسر ابوي رجع فتح موضوع بنت عمي جاسم

ريم غلس وعوفه ظربه ابره بنج

جاسر ريم هالمره مصر كلش ..وراح عليهم حتي يخطبهه والزواج بعد كم شهر

ريم بقت ساكته.. وشعلت جكاره وظلت تفتر بالغرفه واتروح وتجي.. وهي لو سوت هيج اكيد ابالها فكره

جاسر كولي شنو عندج

ريم باوعت عليه اتزوجهه

جاسر شبيج ريم اتخبلتي

ريم لا عقلت

جاسر ريم جاي تتشاقين

ريم لا احجي الصدك

جاسر اشلون اتزوجهه

ريم مثل كل المتزوجين ..بس اكو فرق النومه وياي اني هي متتقرب الها تبقيهه مثل البيت الواقف

جاسر اشلون يعني 

ريم هي زعطوطه ومتعرف شي بالحياه الجنسيه تلكاهه احماره بهيج مجال.. يعني اذا مانمت وياهه متهتم.. 

جاسر كملي.. 

ريم استخدم وياهه اسلوب الحب المزيف والمشاعر الكذابه وهي مراهقه راح اتصدق.. واشويه اشويه اسحب منها الذهب وعقود البيوت والمزرعه

جاسر اي وبعدين

ريم طلكها وديحهه لامهه ..اهل امها واصلين اتشوفلها واحد من يمهم وتنطيهه.. وبعدين بتهم راح تجيهم عذراء.. امهه اتبوس ايدك وجه وڰفا.. 

جاسر ظل يفكر ..وابوي ..

ريم العمو شغلته سهله بذاك الوقت اكولك شنسوي ونخليه هو يكلك عوفهه الغسق ..

جاسر ..وهسه.. شسوي 

ريم هسه ياحبيبي تعال ع السرير واكولك شنسوي ههههههههاااااي.. 

جاسر متوقعتج اتفرحين بزواجي هالكد

ريم الخير راح يجينا من كل جانب حبي راح نغرك بالفلوووووووس ههههههههاااااي.. 

وبعد كم يوم سافر البابا البيت عمي جاسم وخطب بنته من امها والام فرحت لان هاي جانت امنيه عمي جاسم ..

رجع ابوي وكال الجماعه موافقين ..ومن شافني 

ولك جاسر امريتك اتخببببل من شفتهه كلت عليك بالعافيه جاسر

جاسر ابرووود الله يعافيك يابه.. خو ماشفت بيدهه مولهي ودتمص بيهه

الاب ابني حقك تحجي هيج لان مشايفهه والله انت الزعطوط كدام جمالها.. اصلن خساره بوجهك هذا المعبس. 

وامها اشلون مره محترمه طارت بينه من شافتنه واتذكرت المرحوم واني همين هاجت بييه المواجع

جاسر بابا اذا عجبتك الام اخذهه

الاب سمعي لميعه سمعي ابنج وطياح حظه يريدني اتزوج عليج

لميعه انت صدك ماتستحي وغيره ماعندك اتريد ابوك يتزوج عليه ..

جاسر اي شكو بيهه اني اتزوج بنت المرحوم وبابا يتزوج مرت المرحومممممم هههههههه 

لميعه هذا عقلك ملفوفه بيه جواريب لو جايبه صخله ولا جايبتك ..

جاسر  ميييييييييع ميييييييع ويدغدغ بأمه

الام اسكت عوفني ولك ..

الاب جاسر نسيت اكولك ام غسق شرطت عليه شرط واني كتلها موافق

جاسر ..شنو شرطت ام انعال.. 

الاب استحي ع وجهك مايلفظ النعال الا النعال.. 

جاسر من هسه ظلينا ننهان علمود غسق خانم

وهي بعيده اني صرت انعال ..لعد من تجي شصير بصطال.. 

الاب احترم تحترم.. الانسان هو يجيب الاحترام الروحه

ام غسق شرطت عليه