رواية غدر الأخت كاملة جميع الفصول بقلم مصطفى جابر
يا أهلاً يا أهلاً إيه يا ست ملك راجعة بشنطتك في نصاص الليالي ليه؟ هي الفلوس خلصت ولا معتز بيه زهق من وشك ده
ملك بحزن : ارحمي نفسك يا طنط كريمة أنا مش ناقصاكي البيت ده بيت أبويا وليّا فيه زي ما ليكي ومحدش ليه دعوة أنا رجعت ليه ولا جايه اعمل اي
كريمة قامت وقفت وقربت منها بغل : بيت أبوكي هههه البيت ده اللي بيصرف عليه هو اللي ليه كلمة فيه وإنتي دلوقت مجرد مطلقة يعني عبئ زيادة علينا قولي لي بقى عملتي إيه للبيه خلاه يرميكي الرمية دي بشنطة هدومك أكيد خيبتك هي السبب ما إنتي طول عمرك باردة ومنشفة ريقه
ملك رمت الشنطة من إيدها وزعقت بوجع : أنا خيبتي إني سمعت كلامك وكلامه أنا اتطلقت وفرحانه اووي فرحانة إني خلصت من القرف ده إنتي عارفة معتز اللي كنتي بتتحاكي بأصله ده عمل فيا إيه
كريمة ببرود : عمل إيه يعني هتلاقيه كان بيأدبك عشان صوتك اللي بيعلى كل دقيقة ده عمال علي بطال
ملك بدموع : كان بيضربني يا طنط كان بيذلني على اللقمة وكان بيخوني قدام عيني في بيتي ويقولي لو فتحتي بقك هرميكي في الشارع بشنطة هدومك ده اللي إنتي بعتيني ليه زمان عشان خاطر شوية الفلوس اللي قبضتيهم منه... بعتي بنتك لواحد مبيعرفش ربنا وجاية دلوقت تتريقي عليا
كريمة ببرود : بنت مين أنا مليش بنات غير نور وإنتي كنتي جوازة وخلصنا منها وبعدين الضرب مبيقتلش الست الشاطرة هي اللي تداري على بيتها وتحافظ عليه مش تلم هدومها وتيجي تشيلنا الهم إحنا ناقصين كلام الناس
ملك بصدمة من قسوتها : يعني إنتي شايفة إن ذلي وضربي ملوش قيمة وكمان زعلانة على كلام الناس ومش زعلانة على قلبي اللي اتكسر أنا ذنبي في رقبتك إنتي وهو أنا رجعت هنا عشان مليش مكان تاني بس قسماً بالله ما هسمح ليكي ولا لغيرك يكسرني أكتر من كدة
كريمة بضحكة مستفزة : هنشوف يا ملك الأيام بيننا وبكرة تعرفي إن الله حق وإن مكانك هنا مش هيكون ببلاش غوري علي اوضتك و مسمعش ليكي صوت
ملك سابتها ودخلت اوضة نور بحزن
نور بحزن : يا حبيبتي يا ملك كفاية عياط يا روحي قلبي وجعني عليكي أنا سمعت ماما كريمة وهي بتزعق معاكي برا متزعليش منها إنتي عارفاها لسانها طويل المهم إنك رجعتي لحضني تاني
ملك بدموع : يا نور إنتي الوحيدة اللي كنت محتاجة أشوفها... دلوقت أنا اتدمرت يا نور معتز طلع حقير ودمر حياتي
نور بحنان : فداكي كل حاجه المهم إنك خلصتي منه إنتي ست البنات وألف مين يتمناكي اهدي بس واغسلي وشك والبيت نور بيكي والله أنا كنت حاسة بملل رهيب من غيرك
ملك ابتسمت وسط دموعها : ربنا يخليكي ليا يا نور كلامك ده هو اللي هيخليني أقدر أقف على رجلي تاني
نور بإبتسامة : لولا اني تعبانة ومعايا دور برد مكسر عضمي كنت قومت عملتلك حاجه تاكليها بس اديكي شايفه الحال ده حتي الأوضة عندي تضرب تقلب وماما كريمة مش عايزة تساعدني في حاجة وحاسه اني دايخة ومش شايفه قدامي
ملك بحنان : لا يا حبيبتي ولا تشغلي بالك خالص انا مش جعانه.. وارتاحي إنتي وأنا هقوم دلوقت حالاً أنضف لك أوضتك وأخليها زي الفل ده أقل حاجة أعملها ليكي بعد ما جبرتي خاطري بكلامك العسل ده
نور بابتسامة : لا لا يملك كده انا بعتبك اكتر منتي تعبانة .. وأنا مكسوفة منك والله بس فعلاً مش قادرة أتحرك
ملك بابتسامة طيبة : مكسوفة من إيه يا هبلة إحنا أخوات ادخلي بس اوضتي جوا ارتاحي شوية و ربع ساعة وهتكون أوضتك بتلمع
نور خرجت من الأوضة وأول ما قفلت الباب ملامح الحنان اختفت تماماً واتحولت لنظرة شماتة وقرف
نور بهمس وفرحة لـ كريمة : شوفتي يا ماما لسه هبلة زي ما هي كلمتين حلوين خلوها تقوم تنضف لي الأوضة وهي بتبوس إيدي كمان دي فاكرة إني زعلانه عليها
كريمة بضحك خبيث : برافو عليكي يا بت يا نور خليها كدة خدامة تحت رجلك لغاية ما معتز يخلص أموره وييجي يطلبك رسمي وساعتها بقى نوريها مقامها بجد ونرميها الرمية اللي تستاهلها
نور بأبتسامة : لا لا يماما حرام عليكي ترميها ده اي بس... انا هخليها تخدمني في بيتي كمان .. لازم أدوقها الذل اللي كانت عايشة فيه مع معتز من جديد بس المرة دي وانا مراته
بعد شوي
ملك كانت بتلم الهدوم من على السرير في أوضة نور وفجأة تليفون نور رن برقم معتز.
ملك مسكت التليفون بأستغراب وفتحت
معتز بحب : يا روحي وحشتيني مبروك علينا يا نور أخيراً العقربة طفشت من البيت وبقيتي ليا لوحدك أنا هانت اهو فاضل عالحلو تكة وهاجي أتقدملك رسمي وأخطبك من كريمة ... أنا مبسوط ومرتاح بشكل مش قادره أوصفهولك بحبك يا نور عيني
ملك بصدمة : معتز إنت بتقول إيه
معتز بتوتر : ملك إنتي بتعملي إيه بتليفون نور وإيه اللي فتح الخط أصلاً
ملك بزعيق وهستيريا : أنا اللي بسألك يا واطي إيه القرف اللي أنا سمعته ده تتقدم لمين وتخطب مين نور أختي إنت وصلت بيك الدناءة للدرجة دي
معتز ببرود : أيوة يا ملك هخطب نور وفيها إيه ما إحنا اطلقنا خلاص وأنا بصراحة عمري ما حبيتك أنا كنت بكمل معاكي عشان أفضل قريب من نور وطلقتك مخصوص عشان أتجوزها هي دي الحقيقة اللي إنتي كنتي عامية عنها
ملك بدموع وقهر : إنت كداب إنت عايز توقع بيني وبين أختي... نور مستحيل تعمل فيا كدة مستحيل تخون ثقتي وتطعني في ضهري إنت واحد مريض وبتحاول تشوه صورتها عشان تكسرني أكتر
معتز بضحكة باردة : والله طيب اسأليها هي كانت فين وقت ما كنا متخانقين الأسبوع اللي فات واسأليها عن الخاتم اللي في درج مكتبها ملك فوقي نور هي اللي كانت بتترجاني عشان أطلقك وأخلص منك
ملك بزعيق وغضب : اخرس يا زبالة إنت شيطان وبتحاول تخرّب اللي فاضل لي غور من هنا ومش عايزة أسمع صوتك تاني وأختي بكرة تدوس عليك بالجززمة لما تعرف ألاعيبك دي
ملك قفلت السكة في وشه وهي بتنهج بوجع ورمت التليفون على السرير وهي بتترعش
نور دخلت الأوضة ببرود
ملك بشهقات ووجع : نور الحقيني يا نور الحيوان اللي اسمه معتز لسه مكلمني على تليفونك تخيلي بيقول إيه بيقول إنه جاي يخطبك إنتي شوفي الكداب الواطي واصل بيه الفجر لإيه عايز يوقعنا في بعض ويخليني أشك فيكي يا حبيبتي ردي عليه يا نور عرفيه إنك أختي وسندي ومستحيل تعملي كدة
نور بقرف : أيوة يا ملك معتز جاي يخطبني وعارفة إيه كمان أنا اللي قايلة له يكلمني وأنا اللي كنت مستنية اللحظة اللي يطلقك فيها عشان أعيش حياتي مع الراجل اللي اختاره قلبي بجد
ملك رجعت لورا بصدمة : إنتي بتقولي إيه إنتي واعية للكلام ده؟ ده طليقي ده الراجل اللي كان بيضربني ويهينني وإنتي كنتي بتمسحي دموعي وتهوني عليا إزاي قادرة تبصي في وشي وتقولي الكلام ده؟
نور بضحك : كان تمثيل يروحي وانتي كنتي غلطة في حياته يا ملك معتز طول عمره عينه عليا أنا لولا إنك البكرية وابويا الله يرحمه كان لازم يجوزك انتي الاول علشان انتي البكريه كان زماني انا اللي اتجوزته ... إنتي كنتي مجرد كوبري عشان معتز يدخل بيتنا ودلوقت الكوبري وقع خلاص واللعبة خلصت
ملك رفعت إيدها عشان تديها كف : يا خاينة يا رخيصة ده أنا كنت بقطع من لحمي وأديكي
نور مسكت إيد ملك : إيدك دي متترفعش عليا يا مطلقة إنتي هنا خدامة تحت رجلي تنضفي وتغسلي وانتي ساكتة فاهمة
في اللحظة دي كريمة دخلت على صوت الزعيق وبتمسك ملك من شعرها
كريمة بزعيق : بتمدي إيدك على بنتي يا زبالة
ملك بصريخ ودموع : بنتك اي دي خاينة دي سرقت جوزي من ورايا وإنتي يا طنط كنتي عارفة ومخبية عليا حرام عليكم أنا عملت فيكم إيه
كريمة ضربت ملك بالقلم ونور زقتها وقعتها على الأرض : عملك مهبب طول عمرك مكروهه مم الكل وتقيله علي قلبنا ..ودلوقتي معتز اختار اللي تملى عينه وتعرف تدلعه مش واحدة نكدية زيك وانا لو سمعت صوتك تاني هرميكي بالشنطة دي في الشارع وبالنسبة لأبوكي هو بقي ملوش لزمة ولا هيقدر يفتح بقه
نور بقرف : لمي نفسك يا شاطرة وبليل لما معتز ييجي تطلعي تعملي لنا شربات وإنتي مبسوطه وإلا وحياة دموعك دي لأخليكي تشوفي أيام أسود من اللي شوفتيها معاه
خرجوا هما الاتنين ورزعوا الباب وراهم بكل قسوة وسابوا ملك منهارة على الأرض
تاني يوم
دخل الشقة وهو شايل شنطه ولسه راجع من السفر
كريمة بزغروطة وفرحة : يا أهلاً يا أهلاً باللي نور مصر حمد لله على السلامة يا يوسف يا ابني البيت نور بيك يا زينة الرجال
نور بدلع : يوسف مش مصدقة إنك جيت دلوقت وحشتنا أوي يا ابن عمي السفر غيرك وبقيت مز خالص
يوسف بابتسامة : الله يسلمكم يا جماعة وحشتوني كلكم أمال فين ملك مش باينة يعني
في اللحظة دي ملك خرجت من الأوضة وشها كان دبلان عينيها حمرة ومنفوخة من العياط
يوسف بصدمة : ملك مال شكلك عامل كدة ليه إنتي عيانة حصل حاجة
كريمة بضحكة تريقة : عيانة إيه يا يوسف دي اتطلقت مكملتش سنة يا ضنايا والراجل طفش منها و رماها لينا تاني أصل اللي زي ملك لا بتعرف تفتح بيت ولا بتعرف تريح راجل
يوسف بصدمة: اييي اتطلقت؟!
هعمل معاك اتفاق... لو البارت ده جاب تفاعل هنزل واحد جديد الساعة 10.. مستعدين؟
