رواية تسجيل خروج كاملة جميع الفصول بقلم جمانه السعيدي
طارق مواليد ٩٠ من عائله متوسطة الدخل
عندي خوات ثنيين اكبر مني وأخ ازغر
من عائله متوسطة الدخل عايشين اليوم بيومه
ماعدنا اي مدخرات تستاهل احجي عنها
معتمدين على راتب الولد واني اشتغل وقت الفراغ
ماعدنا مصدر دخل قوي
بس مستورين ولله الحمد
اهم شي القناعه عدنا قناعه بحياتنا
وعمرنا ما خلينا عينا على اي شي بيد غيرنا
امي الي علمتنا على هذا الشي
بلجامعه اتعرفت على بنيه اول حب بحياتي
اول مره اعرف الحب واجرب شعور العاشق
او على الاقل هذا الشعور الي جان مسيطر عله عقلي
البنيه حلوه وبشوشه وصاحبت ضحكه ملامحها تخبل
عدها جاذبيه مو معقوله
بديت اتقرب منها واحاول اخلق حديث حتلو بسيط
بس حتى تحجي وياي
المهم صار قبول بينا بديت اتعلق بيها بشكل مومعقول
انجنيت عليها
ماكان عندي اي نية لعب او تسليه بلعكس كنت احبها
ومقرر وياها زواج
منا لمن تطورت علاقتنا وصرنا اني وياها نخلص كل الوقت سوا
طبعا هيه نفس مستوانا المادي عائلتها متوسطه
يعني لا هيه احسن مني ولا اني احسن منها
بس كانت حيل معتنيه بشكلها ولبسها واناقتها
الي يشوف شكلها يتوقع من عائله راقيه
حبيت شكلها حبيت اهتمامها بنفسها حبيت ثقتها بنفسها
عقلي وقلبي يكولون اي هيه هاي الانسانه المناسبه اليه
جمانه السعيدي
بس اكو شي بين بفترة العلاقه بينا
عدها متطلبات هواي ودائما تقارن نفسها بغيرها
يعني شنو فلانه صاعده سياره حديثه
اني احلى منها المفروض هاي السياره اليه
شنو فلانه لابسه هلكد ذهب اني احلى منها ليش
هذا الذهب مايكون عندي
شنو فلانه لبسها كله ماركه المفروض هذا اللبس اليه
ماتريد اي وحده تلبس او يكون عدها شي احسن منها
تريد تكون هيه احلى واحسن وحده مو بس بلجامعه
لا بلكون كله طبعا هذا غرور والغرور من صفات الشيطان والعياذ بلله
كنت صابر عليها ومتحملها بس لان احبها ومااتخيل حياتي بدونها
كل مره احاول أقنعها ترضى بلشي الي مقسوم الها
وتقبل بلواقع لا تباوع الشي بيد غيرها بس ماكو فايده منها
طارق...بس انتي ملابسج حلوات وما ناقصج شي
اصلا انتي اذا تلبسبن باله تطلع عليج حلوه
نرجس....يااا شنو باله من كل عقلك اني المفروض
ملابس كلها اشياء راقيه
تناسب شكلي وجمالي
طارق...اصبري بس اتخرج واتعين شوفي شلون راح ادللج دلال ماصاير
نرجس...تتخرج وتتعيين واني انتظرك انت اجيبلي
ودللني
طارق....اني مراح اقصر وياج بشي انتي بس ااشرلي
نرجس....اني اصلا طموحي أعلى
طارق....اهم شي الحب بينا والتفاهم وباقي الاشياء ثانويه
نرجس...شنو الي ثانوي
البس الراقي السياره الحديثه العيشه الحلوه
هاي مو اشياء ثانويه هاي اشياء اساسيه بلحياة
لعد الانسان ليش عايش
طارق....عايش بس حتى يلبس ويصعد سياره حديثه
نرجس.... اي اني بلنسبه اليه العيشه الصح
السفر الوناسه السياره الحديثه
هاي الاشياء هيه الي تسعد الانسان
طارق....لا اكيد انتي فاهمه الدنيا غلط
اهم شي الانسان يكون مرتاح باله ويشتغل شغله يحبها
حتى يحقق ذاته
بعدين راح تجي الفلوس ويكدر يستمتع بيها
نرجس...اني مااريد اتعب اريد الفلوس تجيني على الجاهز
ليش هاي البنات العايشان مستويات راقيه بيش تعبانات
جايتهن الفلوس على الجاهز
بيش هنا احسن مني اصلا اني احلى وارقى منهن
بس ماعندي حظهن
طارق...بعدج مافهمت الحياة راح تغيرين رائيج
بلمستقبل اهم شي الانسان يحس بلامان ويا الانسان الي يحبه شنو فايدة الفلوس ولا نسان عايش مشاكل
او مايكدر يتأقلم ويا وضعه
تعرفين اكو ممثل امريكي تقدر ثروته عشره مليار دولار
لكو منتحر بغرفته
لمن رادو يتحققون من سبب الانتحار
طلع عنده كئابه وجاي يتعالج منها صار فتره وكل الفلوس الي يملكها ماكدرت تعالجه من هذا المرض
اخر شي انتحر لو الفلوس اجيب السعاده
جان كدر يكون سعيد وعاش حياته ويا هاي الفلوس
مو ينتحر ويعوف كلشي ورا
جان يملك كلشي الشهره والفلوس ومحبة الناس
والحياة المرفهه
بس بلاخير اختار ينتحر ويعوف كلشي ورا
نرجس...لان غبي مامقدر قيمة الاشياء الي عنده
طارق...الله يهديج
نرجس....كول الله يغنيج ويخلي الفلوس تنزل عليج
وتصيرين من أصحاب الاملاك والاموال الي مالها نهايه
طارق...أمين
جمانه السعيدي
طارق...كانت تطلب مني طلعات ومصاريف رغم هيه تدري اني على كد حالي
بس اني ابد مااكسر خاطرها
اي فلس احصله وتطلب مني شي
جنطه عطر ملابس طلعه حلوه كعده بمطعم
ابد ماابخل عليها
كنت أحاول أملي عينها
حتى تبقى وياي بس طلعت غبي مع الاسف
لان هيج نماذج ما تنملي عينهم ابد
عايشين بلدنيا حتى يستغلون الفرص
واي شخص كدامهم يكدرون يستغلو مراح يقصرون ابد
واني بسبب حبي الها وكعت بهذا الفخ
بوقتها ماجنت اشوف تصرفاتها هاي عيوب
بلعكس كنت اكول لازم اوفرلها كلشي تطلبه مني
لان هاي شريكة حياتي
اذا اني ما وفرتها كلشي تطلبه اكيد راح ادور غيري
واني مااكدر اتحمل افكر مجرد تفكير نرجس اصير الغيري
حبي الها عامي عيوني عن هواي حقائق
جانت واضحه كدامي بس اني الي جنت مغمض عيوني عنها
سنتين ونص حب وهدايا وطلعات واي شي تطلبه اجيبه
الحد ماوصل بيها الحال طلبات مستمره ما تخلص
طلبات فوك طاقتي
مرات كنت اتقرض من اصدقائي حتى ارضيها
مهم عندي تكون راضيه
حتى هذا الحب يستمر ويعيش
اخر سنه النا بلكليه بعد امتحانات نصف السنه
بدت تتغير عليه
بدت اتغيب عني وتتحجج بلدوام تختفي ابقى ادور عليها
او ما تجي اصلا
اتصل عليها ماترد
كتلني القلق ليش تتهرب مني اني بشنو قصرت
وياها ليش تتهرب مني
من اتصل ماترد او تكول اني مشغوله اتصل عليك بعدين
ابقى انتظر ما تتصل عليه ولا كأني موجود
مرات اطلع حجج لو امي مريضه
لو عندي شغل لو عدنا خطار واذا اجت للدوام
تتهرب مني تختفي حتى لا احجي وياها
ابد ماشكيت بيها انطيتها الف عذر
بينما هيه بهاي الفتره لكت خوش صيده
وواحد مريش عنده فلوس وسياره حديثه عدهم شركة استراد وتصدير
أحوال واموال وفخفخه
متعرفه علي بحلفة زواج صديقه من صديقاتها
وماخذه رقم تليفونه وباقيه تلاحقه وتطلعله بكل مكان يروح علي
لمن كدرت توكعه بشباكها
بقت بس تاخذ منه وعد بلزواج
لازم تكثف جهودها حتى تحصل هيج عريس
هو هذا عز الطلب
اني بعد ماتريدني اني فكر ماافيدها هيه تريد
بنك مركزي تزوجه
مو انسان يحبها ويخاف عليها
طارق...شكد حاولت افهم ليش تتهرب مني ماعرفت
ماجنت متوقع بعد كلشي سويته علمودها والفلوس الي صرفتها عليها
والتعب الي تعبته حتى ترتاح بعد كل هذا
تعوفني بكل سهوله
وتركض ورا واحد اصلا ماشايفها ولا يحبها
بس عنده فلوس
تريد تزوجه علمود الفلوس وهاي
