رواية خاطف مجهول كامله جميع الفصول بقلم تقى محمد
_يا فندم دة الطفل الخامس اللي يختفي الاسبوع دة !
_والطفل دة اختفى امتى ومنين هو كمان؟
_الساعة ١٢بليل زي اللي قبله واختفى من أوضة نومه.
_طب و الخاطف مسابش اي دليل برضو؟
_ولا الهوا،فص ملح و داب.
قبل ما يرد الباب خبط
_ادخل.
_مامت وبابا الطفل الاخير اللي اختفى برة يا فندم بعد ما قدموا الشكوة.
كان صوت العسكري بعد ما دخل وقطع حبل الأفكار بيني وبين القائد بتاعي
♡♡
_يمنى مالك يا بنتي عمالة اكلمك بقالي ساعه.
_ها لا معلش سرحت شويه،كنتي بتقولي ايه؟
_بقولك مش هتخرجي معانا ولا ايه؟
_لا يا مريم مش هخرج معاكي مشغولة شوية.
_مشغوله في ايه،ليكون الحب كلمك وانا معرفش.
ونهت كلامها بغمزة الحيوانة
حدفتها بالمخدة بغيظ ورديت عليها بعصبية
_مريم اطلعي برة يا حيوانة عشان مش فايقالك دلوقتي.
_قوليلي بس ايه اللي شاغلك يمكن اعرف اساعدك.
_مفيش يا مريم عادي حوارات الشغل بس.
_قولي بس انتي خسرانة اي.
_قضية اختفاء الأطفال اللي في المنطقه.
قعدت جنبي وبصتلي باهتمام وربعت ايديها
_طب وايه مفيش اخبار؟
_تؤ مفيش حاجة بس في طفل خامس اختفى انهاردة.
_اكيد باباه و مامته جم قدمو شكوة صح؟
هزيت راسي ليها بمعنى "اه" ومرديتش
_طب و مقالوش حاجة تساعدكم ازاي؟
سكتت كام ثانية وبعدين قامت تتنطط حواليا كإنها لقت كنز
_بقولك اي احكيلي كدة مامته قالت ايه وانا هساعدك.
اتنهدت وانا بفتكر عشان احكيلها
Flash Back
_______________
_ادخل.
_مامت وبابا الطفل الاخير اللي اختفى برة يا فندم بعد ما قدموا الشكوة.
_طب دخلهم بسرعه.
دخلو ومكانش في اي حاجه مختلفه عن اللي حصل في الطفل اللي قبله مامته داخله منهارة من العياط
وباباه بيحاول يبقى متماسك جنبها
_حضرتك متعرفيش ايه اللي حصل بليل بعد الساعه ١٢ بليل الولد مقامش مثلا راح في اي حتة؟
جاوبت الام وهي منهارة
_لا مراحش في حتة انا متأكدة.
رفعت حاجبي وسألتها
_طب ايه اللي مخليكي متأكدة اوي كدة؟
_انا دخلته سريره بنفسي وكمان مخرجتش غير لما نام.
_طب مش ممكن خرج من اوضته وانتي نايمة و مخدتيش بالك؟
هزت رأسها بالنفي بسرعه وردت بعد ما مسحت دموعها
_لا انا متأكدة آسر عمره ما قام وهو نايم.
______________________
Back
_وبعدين؟
رفعت كتفي باللامبالاة وانا برد عليها
_ولا قبلين.
_يعني مقالتش اي حاجه تانية؟
_تؤ هو دة اللي قالته.
سكتت شوية وهي بتفكر وبعدين قامت تتنطط تاني مسكتها قعدتها
_يا بنتي استهدي بقى كل شوية تتنططي.
_اسفة والله بس جاتلي فكره.
_ايه هي خلصي.
_هو الطفل دة ساكن في بيت رقم كام؟
_55 ليه بتسألي؟
ربعت ايديها و رفت حواجبها وقالت بصوت عالي
_طب و دة ملفتش بال حضرتك لحاجة؟
سكتت لثواني و برّقت جامد لما استوعبت هي قصدها اي وقولت بصويت انا كمان
_قصدك ان الخاطف بيخطف الأطفال بترتيب البيوت عشان اللي قبل دة كان في بيت رقم54!!
سقفت لي بفخر وقامت ناحية الدولاب عشان تلبس وهي بتقول
_برافو عليكي اخيرا شغلتي مخك.
قومت وراها وانا بقولها
_يعني كدة الطفل اللي جاي اللي عليه الدور في البيت رقم56!!
حركت كتفها بسلاسة وهي بتطلع الجيبة من الدولاب
_المفروض،العقل بيقول كدة اصل اللي قبله كان 54 واللي قبله كان53 ودة55 يعني كل حاجه بتوضح ان اللي جاي56.
بصيتلها بانبهار من ذكائها وانا بقولها
_يا بنت الذكية،لا دماغ متكلفة جامد.
هندمت هدومها وهي بتقول بثقة
_طبعا يا بنتي انتي فكراني شبهك ولا ايه.
_مريم اطلعي برة عشان مضربكيش بالقفا دلوقتي.
____♡♡
مريم خدت هدومها ومشت وانا دخلت عملت لي كوباية نسكافيه وطلعت افكر هعمل ايه في القضية دي بعد م فكيت شفرتها يعتبر انا ومريم
بعد ما تعبت من التفكير دخلت انام عشان الشغل تاني يوم
_____________
تاني يوم
طق طق طق
جالي الصوت من جوة بالاذن بالدخول
_خير يا حضرت الضابط عرفت انك عايزة تقوليلي حاجه مهمة بخصوص القضية؟
_ايوة يا فندم انا تقريبا عرفت افك شفرة الخاطف دة.
بصلي باستغراب
_ايوة وايه هي بقى الشفرة دي؟
_ان الخاطف بيخطف الأطفال بترتيب البيوت.
_بمعنى؟
_بمعنى ان الطفل اللي فات كان ساكن في بيت رقم 55 واللي قبله كان 54 واللي قبله كان 53 يعني كدة ان الطفل اللي جاي هيبقى ساكن في البيت رقم56.
بصلي بانبهار و بعدين رجع ضهره على الكرسي ورد عليا
_طب و بعد ما كشفنا خطته هنعمل اي؟
_ممكن نركب كاميرا مراقبة في أوضة نوم الطفل ومش هنحط الطفل في اوضته لإن لو حطيناه كدة هيختفي زي اللي قبله.
قعد كام دقيقة كدة يستوعب اللي قلته و بعدين بصلي بصدمة وقال بصوت مسموع للناس اللي برة المكتب اظن
_ثواني مش بيت رقم56 دة بيت اللواء أدهم!
_ايوة هو،احنا لازم نروح للواء دلوقتي.
عمل مكالمة سريعة و بعدها نزلنا روحنا مكتب اللواء
اللي اول ما شفنا استغرب طبعا من شكلنا القلقان
_يعني ايه يعني الطفل الجاي المفروض هيكون ابني انا!!
دة كان رد فعل اللواء أدهم لما حكينا ليه اللي وصلنا ليه انا وزميلي يونس في الشغل
بصينا لبعض انا و يونس وبعدين يونس بص للواء بأسف ورد عليه
_للأسف اه يا فندم على حسب اللي وصلنا ليه.
_طب والعمل ايه،اكيد مش هسيب ابني يختفي زي اللي قبله يعني!
_انا عندي الحل.
شاورلي اني اتكلم ف اخدت نفس كبير و بدأت احكيله كل حاجه فكرت فيها
لحد ما خلصت كل حاجه بصلي كام ثانية كدة و مداش اي ردة فعل و دة قلقني جدا طبعا
لحد ما قطع هو الصمت دة
_طيب و الخاطف بقى بالغباء دة عشان ميعرفش ان السرير فاضي؟!
_لا معرفش مجاش في دماغي بصراحة السؤال دة يا حضرت اللواء.
قلت الجمله دي بإحراج واضح و يونس كان بيحاول يكتم ضحكتة عشان اللواء قاعد
_احنا لازم نحط كل الاحتياطات لكل حاجه هتحصل و خاطف بالذكاء دة لدرجة أنه يخطف الأطفال من غير اي أثر وراه اكيد مش هتدخل عليه الخدعة دي وهيكتشف.
لحظة صمت فضلت بينا وكل واحد سرحان في أفكاره كأننا بنستوعب الكلام انا ويونس لسة لأول مرة
_ طب احنا ممكن نجيب طفل من الملجأ.
قطع الصمت جملة يونس الغبية الواد دة ميفكرش تاني
بصله اللواء بقرف كدة من فوق لتحت وراح رد عليه باستياء
_ما هو طفل برضو وهيختفي انا مش عارف انت بتفكر ازاي!
حك يونس راسه بإحراج و انا بصيت للأرض و ضحكت
_طب انا عندي فكرة تانية.
اللواء رد عليه وهو بيبصله بقرف
_قول يا يونس ولو فكرة غبية زي اللي فاتت خليهالك.
_احم،احنا ممكن نجيب قطة أو كلب بدل الأطفال.
اللواء سكت وانا بصتله و رفعت حاجبي بسخرية بمعنى"فعلا"
_فكرة مش وحشة اوي يا يونس ممكن ننفذها.
هنا انا اتصدمت بجد و فضلت مبرقة شوية كدة لحد ما اللواء اتكلم
_يمنى ايه رأيك؟
_رأيي في ايه يا سيادة اللواء؟
_في فكرة يونس،انتي مسمعتيهاش؟
_لا سمعتها.
_طيب وايه رأيك فيها؟
_يا فندم يعني الخاطف مش هياخد باله ان السرير عليه قطة أو كلب بدل الطفل؟!
رد عليا يونس بهدوء وهو بيرفع كتفه باللامبالاة
_لا طبعا مش هيعرف ما هو الطفل حجمه صغير و احنا هنجيب كلب حجمه زي الطفل بالظبط.
_فعلا،لو سيادتك شايف ان هي خطة كويسة ممكن تنفذها لكن انا برضو مش مقتنعة.
_مفيش حل تاني قدامنا غير دة،بس احنا هنعرف منين ان الخاطف هيجي يوم ايه؟
بصيت للواء واتكلمت
_هو على حسب المعلومات اللي عندنا ان بين كل طفل اختفى واللي وراه تقريبا مدة يومين.
_طيب يعني كدة قدامنا مهلة يومين نظبط فيهم انتو الاتنين هتكونو معايا واحنا بننفذها و هطلب كام ظابط معاكم كمان.
هزينا راسنا بمعنى مفهوم انا ويونس وقمنا طلعنا من عند اللواء
♡♡
بعد مرور يومين
بعد يومين كنا ظبطنا كل حاجه و ركبنا الكاميرا في الأوضة و حطينا الكلب على السرير على حسب فكرة حظابط يونس
_يلا يا يمنى المفروض نطلع برة.
كان صوت يونس عشان اللواء عايزنا
بصيت في ساعة موبايلي لقيت فاضل عشر دقايق على الساعة ١٢
طلعنا في الريسبشن و شغلنا الكاميرا على شاشات موبايلاتنا كلنا عشان نبقى متابعين
الساعه جت ١٢ بالظبط وكلنا مستنين نشوف ايه اللي هيحصل الفضول كان هيقتلني بجد
_طب ما هو كل حاجه طبيعية اهو لحد دلوقتي.
قالها يونس وهو بيبص للواء باستغراب
مفيش كام ثانية ولقينا الكهرباء قطعت بصينا كلنا لموبايلاتنا بس فجأه...........
