رواية أحببت من لايبالي الفصل العاشر بقلم مجهول
براء : لبست كل البدلات ومصوره القاعه اخذتلي صور كومه وبعدها كمت ويه البنات بدلت بدلتي الي كانت ذهبيه تلمع و طويله وبيها فتحه بالفخذ و لبست بدله العرس وجابن صينيه الحنه وبديت المله تحجي وتحنيني سمعنا البنات كالن حيدخل العريس كومتني المله حتى نستقبل العريس وجان يدخل زين لابس قاط جوزي يا ربي هذا الرجال شيلبس يطلع حلو بس مبين عليه روحه واصله لخشمه حتى من سلمو عليه ماابتسم واجه صعد على الستيج وشال البركع وباس راسي بدون اي مشاعر و بدن خالاته يهوسن ويركصن وهو عاكد حواجبه وضايج بعدين صاح لخاله مريم
زين: بعصبيه يله يمه فضنها اريد اطلع وقصي راح يجي ياخذكم لبيت عمتي حتى نطلع وراكم ناخذها من بيت اهلها ونولي للفندق
مريم : اي يمه هسه ... تعاي نجمه روحي لبسي مرت اخوج الكبوس
زين : وتلبس عبايه
مريم : يمه راح تلبس كبوس كلشي ميبين منها
زين : بنبره حاده .. كلت تلبس عبايه
مريم : خلص عبايه عبايه لتصير عصبي
زين : عفتهن وطلعت يم الشباب وره عشر دقايق طلعو من الباب الثاني اخذوها لبيت اهلها وطلعت الزفه لبيتهم حتى وراهه نطلع للفندق
براء : اجه علينه قصي وطلعنه
قصي : شاف الكل ساكت حاول يلطف الجو ...مبروك براء زواجج من صاك العائله
براء : بصوت ناصي .. الله يبارك بيك ... وصلنا للبيت ودخلت للاستقبال انتظر الزفه تجي ووره نص ساعه اجت الزفه البنات كالو يله حيجي ابوج يسلمج لرجلج .. دخل بابا شافني
غيث : باسها براسها وكلها الله يوفقج بنيتي ... وهمسلها ... خاف عبالج مسامحج او يمكن اسامحج لا بس هاي مجرد شكليات كدام الناس مااريد اي واحد يحجي عليه وهسه تعالي اسلمج لرجلج وبعد مااريد اشوف وجهج
براء : بدموع ..بس لو اعرف شنو هالقساوه الي يملكها ابويه يعني بدال ميكلي الله يوفقج ويحضني ويودعني يكلي مااريد اشوف وجهج بعد وهو هيج بعد ما اراوي وجهي ... طلعت وياا للطارمه شفت محمد واكف بالباب رحت حضنته مااريد اطلع واني وياا مزاعلين ... والفرحني هو هم حضني
محمد : مبروك اختي يا شمعت البيت
براء : همستله يعني مزعلان مني
محمد : اذا تردين اسامحج تغيري وانسي الي صار اعتبري نفسج انولدتي اليوم انسي براء القديمه ومن اشوفج سعيده واسمعهم يمدحوج باذني ساعتها اكول سامحتج
براء : بدموع اني مؤمنه الله عادل وحشاه من الظلم متاكده حيظهرلكم الحقيقه اذا مو اليوم فبيوم من الايام ... ودعت امير وماما وطلعت اجه زين اخذ ايدي
غيث : دير بالك عليها هاي امانه عندك
زين : بنبره بارده انشالله ... ويضغط على ايدي براء بكل قوته
براء : يمه احس ايدي راح تنكسر زين هواي ديضغط عليها احاول اجرها منه بس مااكدر دموعي نزلت احس اصابعي طكن من الضغط ... يمشي بسرعه واني ماالحك عليه لابسه كعب اخاف اوكع وجماله مغطيه وجهي يعني كولشي مااشوف وهو يجر بيه ياربي شبي هذا وصلنه لسيارته فتح الباب وساعدني اصعد طبك الباب وراح للجهه الثانيه صعد ومشه والزفه ورانه
: زين خل اوخر الكبوس خنكني
زين : لا
براء : حباب والله خنكني وسيارتك مضلله محد بشوفني
زين : بنبره حاده ... كتلج لا لتلحين بعددد
براء : عابت اي والله كولشي لا لا
زين : وصلنا للفندق نزلتها ودخلت اخذت مفتاح السويت ودخلتها هي وامي وامها وعمتها وطلعت للشباب سمعتهم بهوسون
الشباب : تونس خويه تونس سد الباب وسد البرده
الشباب : اليوم يومك يابطل
قصي : دير بالك خويه وعلى كيفك منريد يكولون علينه ماشايفين
الشباب : ههههه
زين : يهوسون ويضحكون واني بالي يم هذا الي رسلي الرساله التافهه هاي متاكد هذا حسين هاي اذا ماطلع عدها واحد ثاني بس اني منتظر يخلص اليوم حتى اتفرغ لهلسالفه وساعتها اذا عرفته منو اطلع كلب ابن
ا دخلت للغرفه شفتها بعدهه على كعدها
: شنو ما ناويه تبدلين
براء : هاا اي اي كايمه طلعت للصاله .... فتحت الجنطه ادور على السيت الابيض عززه هذا شلون يلبس كله كيبور وفوكه روب طويل يغطي رجعت دورت بالجنطه على شي مستور كله قمصان نوم يربي شلون بيه هسه اخذت السيت ورحت للحمام
زين : جنت كاعد بالغرفه دخلت ببدالتها كدامي للحمام .... مو تتاخرين اريد اسبح وراج
براء : اوك .. دخلت للحمام اريد انزع البدله مااكدر بس استحيت اكله حاولت هواي وياا وبعد معاناة ياله انفتحت ااف الحمدلله مالي خلك الاحراجات نزعتها وفليت شعري من الماشات ومسحت المكياج يا إلهي احس نفسي ارتاحيت رحت سبحت وطلعت جففت شعري على السريع لان زين يريد يدخل ورايه لبست السيت ولبست فوكه الروب صحيح ميستر هواي بس ماشي حاله يغطي طلعت شفته كاعد وفاتح قميصه
: كملت
زين : بدون ميجاوبها دخل للحمام
براء : اعتقد زين جان اخرس لان ميحجي نهائيا ... رحت كعدت على الجربايه منتظرته اريد احاجي على دراستي واتمنى يوافق بدون مشاكل ... وره فتره طلع بالمنشفه .. عززه هذا شلون يطلع هيج كدامي ... مر من يمي وراح فتح جنطته وطلع اله تراك اسود يربي شكد يلبس هاللون لفت نظري الوشوم الي على جسمه اشكالهن غريبه عنده وشم بصدره على شكل جناحات وبنصهن طبع مال شفه حمره وكاتب اسمه هم على صدره وهو جسمه اسمر يلمع و عنده عضلات والوشوم ضايفات جمال زياده على جسمه دار وجهه يريد يطلع من الغرفه شفت وشم على شكل طير مااعرف شنو اسمه بظهره فزيت على صوته
زين : ببرود لتضلين تباوعين هيج اذا تردين اخذي صوره دوملج اكثر
براء : هاا لا مو عليك جنت صافنه
زين : الصفنه مو الج
براء : خرب فشلني .. سكتت ما جاوبته ... راح للصاله يلبس .. وره شويه رجع
زين : رحت لبست ورجعت شفتها لابسه قميص نوم ابيض وكاعده مامنتبها الروب مفتوح وطالع صدرها الي مغطي القماش الكيبور غلست واجيت كعدت اكلب بموبايلي
براء : زين ممكن نحجي
زين : لا وعفتها واجيت اطلع لزمت ايدي
براء : حباب الله يخليك بس احجي وياك بموضوع واحد وانوب روح
زين: دفعت ايدها اسمعج
براء : اريد ارجع للمدرسه وحباب لترفض هذا مستقبلي مااكدر اعوفه
زين : عوفيني هسه بعدين نحجي بهالموضوع
براء : لا هسه اريد تنطيني جواب
زين : بعصبيه كتلج بعدين نحجي بصخامج وهسه روحي عن وجهي ولتسمعيني صوتج تره لازم اعصابي عنج كوه وعفتها وطلعت للصاله
براء : مااعرف منين اجتني الجرئه رحت ورى بالصاله جريته من ايده وصيحت كتلك هسه نحجي وتنطيني جووواب ليش تضل داير وجهك حاجيني ليش دتجاهلني
زين : جريتها من شعرها ..... بصوت حاد وغاضب كتلج كوه لازم روحي عنج مااريد اضربج وخري عن وجهي وبصياح لجججج انتي متفهمين كتلج عوفيني بحالي مااريد احجي وياج اكرهج تعرفين شنو يعني اكرهج ... اكرهه الساعه السوده الي انولدتي بيها بهالدنيا وابتليت بيج كاااافي حلي عني وهسه تردين جواب مو.. وشد ايده على شعرهاا دراسه ماكو وطلعه من البيت هم ماكو وهسه خلي اسمع صوتج وشوفي شسوي بيج ... ودفعها وطلع
براء : دموعي كامت تتسابق على وجناتي وحده وره الثانيه مداستوعب الي اسمعه ادري بي ميحبني بس متوقعت يكرهني لهدرجه ياربي شنو الجريمه الي ارتكتبها حتى استحق كل هالكرهه والقسوه منه .... اصلا هو اذا يكرهني ليش تزوجني ... بقيت فتره كاعده بالكاع ابجي
زين : ماردت اضربها بس جبرتني اتعامل وياها بهالاسلوب حاولت الزم نفسي عنها حتى مااذيها بس هي تلح واني غادي بارود من الرساله الي اجتني وهي تصيح وتعلي صوتها عليه خلتني اضربها واحجي وياها هيج طلعت كعدت بره اريد اهدئ نفسي تمنيت هالحسين يمي اريد اشرب من دمه هالسافل ضليت كاعد بره فتره ... كلت خل ارجع للغرفه... دخلت ماهي بالصاله دخلت للغرفه اباوع هم ماهي اجيت اروح للحمام شفتها كاعده بالكاع على الجهه الثانيه من الجربايه ونايمه فما مبينه رحت يمها كعدتها
: انتي كعدي ... براء ..
براء : هممممم
زين : ببرود ليش نايمه هنا تعاي نايمهنامي عالجربايه
براء : وهي مطفيه من النعاس شنووووو
زين : استغفر الله ... كومتها تعالي نامي على الجربايه ...نيمتها وغطيتها ... واني هم نزعت الفانيله ونمت يمها ....تغطيت غمضت عيوني حسيت بيها تكلبت فتحت عيوني شفتها صار وجهه مقابل لوجهي باوعت صدرها طالع ابيضض كطن بس ارجع واكو مستحيل اصدك هذا حجمه الطبيعي المهم استغفرت ربي ودرت وجهي عنها ونمت
________________
محمد : رجعت للبيت وصعدت لغرفتي سمعت صوت بجي بغرفه براء بسم الله الرحمن الرحيم شنو هالصوت ... فتحت الباب شفت امي كاعده بغرفه براء مبنده من البجي .... شبيج ماما ليش كاعده هنا و تبجين صاير شي ؟ ... شنو متعركه انتي وابويه ؟
ناديه : مسحت دموعها لا ابني مابيه شي بس مقهوره على روحه اختك وعلى الظروف الي راحت بسببها
محمد : صدك تحجين خرعتيني عبالي صاير شي يمعوده البنيه تزوجت وراحت مو ماتت حتى تبجين
ناديه : شلون تريدني ماابجي عليها هاي عزيزتي وجبيرتي وهسه تزوجت وعافتني وابوك ميقبل بعد تفوتلنه انتو متفهموم اني ام مااتحمل فراك واحد من جهألي
محمد : مسح دموعها وباس راسها ... كافي لتبجين واوعدج بس تمر فتره على زواجها اني اخلي ابويه يصالحها ويرجع وياها مثل قبل واحسن بس انتي لتضوجين
ناديه : بابتسامه انشالله
محمد : يله نزلي جوه ليفكدج ابويه واني رايح انام تصبحين على خير
ناديه : وانت من اهل الخير
______________
عند الشباب
سجاد : شتكولون زين شجاي يسوي هسه
قصي : يلعب هو وبراء غميضان هههه
لؤي : اني اكول هسه تلكاهم نايمين
حسن : اني اكول هسه براء بالمستشفى
الشباب : ليش
حسن : مو اكو فرق بالاحجام مااتوقع تتحمل تلكاها ودعت الحياة
سجاد : والله العضيم لو يسمعكم هسه يطيح حضكم ... تره ميقبل
لؤي : صدك حسن دير بالك تكله هجي باجر تره ميقبل واحد يجيب سيره مرته خاصه بهالموضوع يعتبره عيب
حسن : لا خويه جاي اشاقه
_____________
عند الشباب
سجاد : شتكولون زين شجاي يسوي هسه
قصي : يلعب هو وبراء غميضان هههه
لؤي : اني اكول هسه تلكاهم نايمين
حسن : اني اكول هسه براء بالمستشفى
الشباب : ليش
حسن : مو اكو فرق بالاحجام مااتوقع تتحمل تلكاها ودعت الحياة
سجاد : والله العضيم لو يسمعكم هسه يطيح حضكم ... تره ميقبل
لؤي : صدك حسن دير بالك تكله هجي باجر تره ميقبل واحد يجيب سيره مرته خاصه بهالموضوع يعتبره عيب
حسن : لا خويه جاي اشاقه
لؤي : اي جاي احذرك
سجاد : اكول شباب اني جعت انتو ما جعتو
قصي : بس كلي انت يا يوم شبعت حتى تجوع
سجاد : وانت هم يايوم شبعت نسوان
قصي : لك ابني النسوان الحياة
سجاد : بالنسبه الك اني الاكل حياتي
لؤي : كافي لتتنكرون كومو ولو نامو
قصي : يله تصبحون على خير
سجاد : اني رايح اشوف شي اكله
حسن : واني هم صاعد لتكعد مريم متلكاني وتكلبها مناحه
________________
براء : فتحت عيوني باوعت الدنيا صارت صبح ... شفت روحي على الجربايه هاي اني شجابني على الجربايه شنو صايره امشي واني نايمه ... اجت عيني على هالجسم النايم يمي اجيت اصرخ بس اداركت نفسي... هذا زين نايم يمي باوعت عليه وهو نايم شكله مسلام ضليت اتامل ملامحه وجهه صافي مابي ولا شائبه ولحيته وشواربه حلوات .... الله رموشه يجنن جنهن مكناسه من الطول والكثافه وشفايفه حلوات وانبتهتله البارحه هواي يعض عليهن اجيت المسهن وتذكرت الي صار البارحه رئسن انسحبت من يمه مرعوبه ... هذا يخوف خل ابتعد عنه احسن واصلا عيب الي داسوي اني فيستحسن اثكل واعقل شويه الرجال يكرهني واني هم مااحبه مالها داعي هالتصرفان ...رحت للحمام غسلت وجهي وطلعت للمطبخ ادور على شي اكله جوعانه من البارحه بس تريكت وبقيت اليوم كله بدون اكل ... شفت علاليك على ميز الطعام .. فتحتهن لكيت كباب ومقبلات ولحم بعجين وببسي معدتي كامت تطلع صوت ... اخذت قطعه وكعدت اكلها ... كملتها وبعدني جوعانه اخذت بعد قطعه
زين : كعدت مالكيتها يمي رحت غسلت وجهي وطلعت لكيتها كاعده بالصاله تاكل بشراهه مبين عليها جوعانه ... واني هم البارحه نسيت اكلها اكلي .. يله شسويلها ... كحيت حتى تحس بيه ... فزعت باوعتلي ونزلت القطعه
براء : داكل بنهم واستطعم الاكل وجان احس بصوت حمحمه باوعت هذا زين كعد .. نزلت القطعه شكد عيب هسه شيكول عليه ما شايفه اجيت اكوم
زين : بنبره حاده ... رجعي كملي اكلج حتى نطلع
براء : شبعت
زين : كلت رجعي كملي اكلج ادري بيج ماشبعتي...
براء : رجعت كعدت ومديتله قطعه ...تاكل؟
زين : ببرود شبعان اكلي انتي
براء : رجعت اكل على كيفي وهو يباوع تلفزيون كملت ولميت الهوسه ورحت طلعت بنطرون اسود وبدي ازرك وخليت مكياج خفيف باعتباري عروس وكذا يعني ... طلعت لكيته كاعد كتله كملت ... باوعلي
زين : طلعت لابسه بنطرون وبدي ... متروسه بس جسمها مرتب ... كمت وكفت كبالها ... هاي شلابسه انتي
براء : شلابسه ؟
زين : اباوعلها كلش كصيره توصل لبطني .... هذا اللبس ممنوع وانتي مو نحيفه حتى تلبسين هيج روحي لبسي صايه
براء : ضوجني كلامه واستهضمت يعني واذا سمينه ميحقلي البس الي يعجبني .... بس اني راح البس عبايه
زين : هذا شي اكيد ... بس لبسي صايه جواها
براء : اوك ... رحت دورت بالجنطه ملكيت صايه .. زين ماكو
زين : شنو ماكو ... شو وخري
براء : عزززه هاي الجنطه بيها ملابس تخزي سديتها... لا لتفتحها
زين : بخزره ليش شبيها
براء : هاا ما بيها شي بس لتفتحها والله مابيها اي صايه
وخري
براء : بس قاطعني وجرني على جهه وفتح الجنطه يبوووو
زين : فتحت الجنطه كلبتها شفتها مليانه قمصان نوم رفعت واحد كبالي ... مترديني افتح الجنط حتى مااشوف هذني
براء :وخدودها صارن حمر من الخجل... حباب سد الجنطه
زين : باوعتلها والله انتي ممثله رائعه احييج
براء : بدموع بشنو ممثله عليك
زين : بكلشي انتي انسانه متصنعه بس يجي يوم وقناعج ينزع ...وهسه يله لبسي عباتج ولحكيني راح اخذ الجنط
براء : لبست عباتي وحذائي وبقيت واكفه منتظرته يجي ... اجه طلع الجنط ... واني طلعت وراه ... دخلنه للمصعد وصعدو ويانه شباب ... زين جرني وراه حتى محد يشوفي
زين : اباوعلها مدنكه ومارفعت راسها وصلنا للريسبشن طلعو الولد ياله طلعتها ... يله تعالي
براء : مشيت وياا .. اباوعله الطول والشخصيه جان لابس قميص زيتوني وبنطرون اسود ونظارات شمسيه وساعه فضيه وهو يمشي عطره ترس المكان افييش عطره يجنن ... واني امشي بصفه طالعه اضحك لان مالابسه كعب باوعت لطولنه طلعت اوصل لبطنه ابتسمت من تذكرت امنيتي بالمستشفى انو اكوف بصفه حتى اشوف فارق الطول
زين : عليمن تضحكين
براء : بأرتباك هاا ماضحكت
زين : والابتسامات الي جاي توزعيها شيسموها ... لتضحكين وثكلي شويه
براء : ضجت من كلامه .. هذا شايفني حتى يكلي ثكلي ..
صعدنه بسيارته .. جانت عاليه ولونها اسود اعتقد اسمها لكزز ... حرك السياره وطول الطريق ماحجينه شي الصمت سيد المكان وصلنا لمنطقتهم اشر للحارس يفتحله الباب دخل السياره للكراج ونزلنا استقبلونا الكل بالهلال ... اجتي خاله مريم بوستنا
مريم : صباحيه مباركه حبايبي
جهاد : مبروك بروئه شلونك عريسنا
جهاد : مبروك بروئه شلونك عريسنا
براء : بابتسامنه شكرا خالو
زين : الحمدلله
قصي : هاا بشر عريسنا رفعت راسنه لو فشلتنا وما دبرتها وغمزله
زين : شي ميخصك
الشباب : طنننننن
جهاد : تستاهل حتى تبطل هالاسئله
براء : دخلت كعدت بالصاله اجن خالاتي وخالات زين سلمن علينا
خالده : مبروك حبيبتي انشالله الولد الصالح
براء : شكرا خاله
احلام مرت خالو ماجد : هااا براء شلونج خو ما متاذيه
براء : باوعت لزين الي باوعلي ورجع كمل كلامه ويه سجاد .... لا الحمدلله مابيه شي
مريم : بروئه صعدي بدلي وارتاحي بغرفتج حتى نتزلين من الناس تجي
براء : اوك .. اجيت اكوم بس مااندلها شفت جميله ... جميله فدوه تعالي اخذيني للغرفه اريد ابدل
جميله : اي تعالي
براء : صعدنه ومشينه بالممر الي بالطابق الثاني ووكفنه يم غرفه معزوله عن باقي الغرف صايره بنهايه الطابق ... دخلنا شفتها هي حلوه فخمه ومرتبه بس لونها ما عجبني اسود ورصاص يعني اكو واحد يشتري غرفه نوم بهالالوان
جميله : وهاي غرفتج المتواضعه هاا شلونها
براء : هاي متواضعه
جميله : ههه اني معليه هذا ذوق رجلج
براء : حسيت بشعور غريب من كالت رجلج
جميله : يله حبي اني راح اطلع
براء : براحتج حبيبتي .. طلعت ورجعت رددت كلام جميله .. رجلج ... زين رجلي اني ... مااعرف ليش من احجي هيج احس باحساس غريب مااكدر اوصفه ... ذبيت العبايه ونزعت الحجاب وفتحت شعري .. وفتريت بالغرفه او بالاحرى السويت لان هي غرفه جبيره وعلى جهه اكو صاله بيها تخم قنفات اسود ورصاصي وتلفيزيون وحمام بس مابيها مطبخ لان كلهم يتغدون سوه نفتحت الباب
زين : صعدت فوك اريد ارتاح فتحت الغرفه شفت براء نازعه الحجاب وشعرها نازل على طول ظهرها وتفتر بالغرفه ... براء تعالي
براء : رحت يمه هااا
زين : ببرود سمعيني اي واحد يسألج عن البارحه كليلهم كلشي تمام واذا سألو على النيشان كليلهم عد زين وميقبل اراوي لاحد مفهوم
براء : بخجل مفهوم
زين : اني راح انام
براء : واني وين انام
زين : بالغرفه يعني وين
براء : هااا اي ادري بس اقصد وين الفراش اريد انام
زين : باستهزاء ...تعالي نامي على الجربايه وعوفي سوالف المسلسلات مال البطله تستحي تنام يم رجلها وتروح تنام بالكاع ... هاي التصرفات مااحبها فتركيها ... وتعالي نامي تدرين بيه ماادنالج وزواجنه مجرد حبر على ورق ... ودنيت يمها ودنكت طخ خشمي بخشمهاا .... همست وعلى فكره لو اريد اخذج محد يمنعني ولا حتى انتي وحركت خشمي على خشمها وهسه صيري حبابه وتعالي نامي حتى متتعاقبين اعتقد جربتي عصبيتي اذا طلعت شتسوي
براء : احس نفسي انكطع... ا ي ا ي اي
زين : عفيه بالحبابه ... يله راح انام اني مااريد هوسه
