رواية احببته فخذلني الفصل العاشر بقلم ساره العبيدي
لقد انتهت رغبتي بك؛شيء بداخلي انطفأ نحوك،اقتنعت اخيرا اننا لن نلتقي ابدا.🌹🌺
فتحت الباب لكت امي وعمتي
عمتي: شبيج لونج مخطوف ليلى صاير شي
ليلى: لا عمه ماكو شي سلامتج
امي: أمشي جيبي مي لعمتج
طبو جوه بصاله اني قلبي يدك ياربي شسوي المصيبه لفلوك شلون راح يطلع
انطيتهم مي وصعدت فوك لكته مدد على لفراش ولا همه شي
ليلئ: عزه ليث صدك تحجي كوم لخاطر الله هسه احد يصعد ويشوفك
ليث: عمري خلي شويه ظلم. دنيا هسه وين اروح يشوفوني ثاني شي منو يصعد اهنا كلهم جوه
ليلى: ابوس إيدك ليث دبر نفسك كوم اطلع قلبي راح يوكف والله اذا تحبني كوم اطلع
صاحت أمي عليه نزلت ركض وسديت باب الغرفه عليه
ليلى: ها يمه محتاجه شي
أمي: اي حضري عشه عمتج يمنا وشبيج خايفه صاير وياج ماتحجين بيج شي من طلعت أحد اجه
ليلى: لا يمه ما صاير شي بس هيج تعبانه شنو اسوي عشه
أمي: ماشي سوي عشه صعدي ارتاحي اكو كباب وسوي ويا مقبلات وكلي بتيته وطماطه
ليلى: ماشي يمه رايحه احضر العشه
رحت طلعت الكباب من المجمده وقشرت البتيته وغسلت طماطه والخيار بالي يمه راح لو لا
رحت صعدت راح يجلطني
لكته بعده
ليلى: ليث صدك تحجي قسم بالله هسه اصيح والم النااس عليك امشي اطلع اعبر من سطح من سياج يلا دبر نفسك
ليث:: ماشي حبيبي هسه راح اروح بس بلاول اهنا يلا خلي علامه حتى اروح
ليلى:: فدوه الكلبك يلا امشي عفيه حبيبي امووواح يلا روح
انطيته بوسه بخده حظني وباسني من صدري وطلعته على سطح حتى يعبر ونزلت اكمل العشه
بديت اكلي بلكباب خابرني ليث ههههههه
ليلى: هلو ليوثي وين صرت
ليث: ولج لحكيني فرده من حذائي وكعت ورا البيت امشي ذبيها لي من ورا السياج بسرعه
ليلى: ماشي ماشي باي
متت من الضحك طلعت انطيته حذاء من ورا السياج وراح واني ميته ضحك معرف ليش احس أحبه
كملت العشه واجه بابا وفهد وأهل اسماء موافقين اتفقوا على عقد السيد شوكت يرحون
نظفت المطبخ وصعدت خابرت ليث
حجيتله عن خطوبة فهد واسماء
ليث: حبيبتي عمري ليش ما اجي اخطبج هسه من تتخرجين نزوج
ليلى: معرف حبي بكيفك بس خلي تكمل خطوبة فهد
ليث: ماشي عمري براحتج يلا روحي اني اروح لان تعبان باجر نتخابر
ليلى: ماشي حبيبي تصبح على خير 🙂
لتهينا هاي الفتره بتجهيز خطوبة فهد واسماء صار يوم عقد السيد
عزمنا الكل رحت اني لصالون سويت شعري برم ومكياج خفيف لبست فستان زيتوني طوخ قصير وحذاء عالي ذهبي فدشي
رحنا لاهل اسماء وبدت مراسيم الخطوبه وركصنا وتمت على خير وطبعاً اسماء عبالك ماتعرفني سبحان لمغير الأحوال
رجعنا للبيت ميته تعب سبحت ونمت حتى ليث ماتصلت بي ولا هو اتصل
ثاني يوم حتى ما كال لي داز أخته وزوجة اخو يخطبوني
فتحت امي الباب وكعدوا بصاله اني جنت نايمه العصر
صعدت امي كعدتني واني نزلت مثل ثوله كفشه وتراك لابسه مبهذله عبالج جنت بحرب دائما هيج من نكون مرتبين محد يوصل لنا من نتبهذل كلها تجي🤦♀️🤦♀️
أخته ليث :: هلا بنتنا هاي ليلى مو
امي: اي عيوني هاي ليلى
اخته ليث:: ما شاء الله تبارك الرحمن ورده مال الله
بصراحه احنا جاين نخطب ليلى ل اخويه ليث وشنو تطلبون احنا حاضرين
أمي: على عيني وراسي بلاخير كلها قسمه ونصيب يجي أبوها وانطي خبر وان شاء الله مايصير غير الخير
اخته ليث: أن شاء الله حبيبتي اخذي راحتكم بسؤال اخويه الحمدلله ما ناقصه شي بيته وحد و دكتور واي شئ تردوا هو موصيني حاضر لاي طلب
أمي: نتشرف بيكم واذا هيه نصيبه ياخذها
اني رحت غسلت وجبت عصير لهم.
قدمته ورحت للمطبخ خجلت شدعيلك ليث ماتكول راح ادز اهلي
راحوا واني طفرت خابرته
ليلى: ليث ليش ماكتلي راح ادز أهلك اليوم مكروه على اقل ارتب نفسي نزلت عليهم شعر كفشه ولبس يخزي
ليث: فدوه للكفشه حبيبي اني أحبج واريدج ماعليج بيهم عمري
ليلى: ماشي عيوني بس معرف رد أهلي شنو يجوز ما يوافقون
ليث: ليش شبيه حتى ما يوافقون لا متأكد يوافقون
بقي يحجي ويتغزل ويرسم حياتنا بعد زواج واسماء اطفالنا
بعد ماخلص رصيد يلا سده وراح اني نزلت مثل العاده للمطبخ
اجه أبويه وفهد وامي فتحت الموضوع معهم.كال لها نسأل ونشوف
بقينا هاي الفتره هدوء سالؤا ليث وابويه موافق بس فهد.رافض معرف ليش بس أبويه موجود مادير بال
رجعت امي موافقه لهم واتفقوا على خطوبتي الفرحه فرحتين فهد واني راح اطلع من البيت تجيهم جنه بمكاني همزين حتى تساعد امي
بنفس الاسبوع صارت محكمه وسيد
بعقد سيد ليث جابلي فستان اسود بي ذهبي خط على صدر وسويت مكياج وشعري هم طلعت فد شي طكوك وخابرت اسمهان عزمتها خطيه ماقصرت كانت صدك اخت لي ماخلتني وحدي راحت وياي للصالون وباتت يمي ساعدتني بتنظيف البيت ربي يسعدها
لبسني كلاده وسوارات وخاتم وتراجي ولحلقه لان مرتب ومشتري كلشي
بلمحكمه لبست تنوره سوده وستره تركوازي وسترابلس 😊
جانوا اصدقائه وياه يخبل طالع هو فدوه لاسمه رغم فرق العمر بينا بس ولا مبين لان هو كلش انيق ومرتب صدك حبيته صار هو كلشي بحياتي
هاي الأيام احلى أيام عمري
خلصت العطله ورجعنا للدوام وليث كل اسبوع يجيني للدوام مايكعد راحه
بس صار شي خلاني مو مرتاحه ابد
بيوم كنا نتخابر باليل اني ويا وسمعت صوت مريه يمه متاكده من جمله سمتعها
المريه: ماشبعت من لكحاب مالتك لو ليل ونهار
هو كبل سد الخط ودز مسج حبيبي هاي اختي تشاقه بس اني مامصدكه ولا مقتنعه
خايفه من هذا الشي
شكد لحيت عليه حتى اعرف منو مايفيد نفس الكلام يعيده عليهس كل ما اسأله
مشكله صارت مخابراته لي بالليل قليله واكثر شي مسجات يكولي اتعب بدوام مكدر احجي هواي بس مامقتنعه لعد ليش قبل يتصل دائما ويحجي شنو لتغير خلاني بدوامه ماتخلص من تفكير
