رواية احببته فخذلني الفصل الحادي عشر بقلم ساره العبيدي
دائمآ هناك صديق يعني لقلبك الحياه ♥️
كيفَ لِي أنْ أقِف أمامَكَ مَكتُوفَةَ اللِّسان وابتسَامتُكَ تَغزو قَلبيّ كَـ سربِ فَراشَاتْ جَائِعة💜🥺
معرف ابقى افكر بس يجي يطلع الف عذر ويخليني اقتنع وانسى كل صاير
صدكت انه تعبان من دوام ومره يكول جاي أجهز لزواجنا ولازم البيت يحتاج أثاث بعد انطيته عذر
اجه عليه للدوام خابرني كتله بالحديقه اني واسمهان
اجه علينا واسمهان راحت للنادي تخاف تبقه من يجي ليث بعد صار
ليث: هلاو حبيبتي شلونج شخبارج
ليلى: هلاو حبي الحمدلله أنت شلونك
ليث: هسه صرت زين من شفتج حياتي
ليلى: هو اني ماماخذه منك غير الحجي الحلو بس مخليني غصب اقتنع واسكت
ليث: ليش ولج عوبه والله أحبج شعندي غيرج اجيت اكلج صدك باجر طالع للشمال فتره وأرجع عندي شغل
ليلى؛: ليث شنو سالفتك اتصالاتك قلت سؤالك قل جنت 24 ساعه تتصل وتسال ومهتم هسه احسك بردت تجاهي اذا مو عاجبك نكمل عادي كل واحد بطريق لا اول ناس ولا اخر ناس ليش تخليني افكر واتعلق أكثر بيك
ليث: انجبي ولج شنو هذا الكلام ليش اني لمنو اتعب واشتغل غير الج ولاطفالنا مستقبلا حتى جاي افكر ابني بيت جديد اخلي مفتاحه بيدج ماردت اكلج بس هسه خليتيني احجي
ليلى: منو كالك اريد بيت وشغل اني اريدك أحبك الك تعودت على وجودك يمي ومعي الله يخليك لا تهملني اموت والله دونك احبك افهمني ماريد شغل يبعدك عني حبيبي فدوه
ليث:: عمري ليش هيج تحجين والله العظيم ماابدلج بدنيا كلها والله العظيم ماتصير لي مريه غيرج بس صبرج عليه
بقئ يشاقي ويضاحك بيه بعدين ودعني وراح واحس اكو شي احس خسرته واني صرت مجنونه بي
اجت اسمهان حجيت لها صار كالت عوفي ضغط شغل ولا تسئين الظن بي هو يحبج يمعوده مايعوفج لاتفكرين
كملنا دوام ورجعت للبيت تغديت ونمت كعدت العصر نظفت البيت وحضرت العشه اجتمعنا على السفره
فهد يريد بعطلة نص السنه يتزوج بابا كاله أجل الموضوع لان أنت ماتكدر هسه
بس ماقبل لذلك قررت ماما تبيع من ذهبها وتساعده وبابا كذلك
اوف اوف اما اني صار فهد باليوم مره يتصل
بيوم جنت نايمه بوكت فزيت على صوت الجهاز يدك رقم غريب نطيته رفض وبقه يتصل واني انطي رفض
بلاخير دزلي مسج ليلى جاوبي اريدج بموضوع واني بنت لاتخافين
فتحت خط
البنت: الو ليلى حبيت انصحج في سبيل الله ابتعدي عن ليث ترا هو مايحبج وحتى اسمه الحقيقي مو ليث هذا لقب بس انا نصحتج لوجه الله
ليلى : شنو جاي تسولفين وشعرفج بي انتي منين تعرفي
سدت الخط رجعت اتصل مغلق نار بيه تغلي رحت اتصل عليه مشغول لل2 وهو مشغول وانا نار بيه خابرت اسمهان كعدت ابجي والطم ليش هيج يسوي بيه والله العظيم كل ذنبي حبيته ليش اذا مايحبني علقني بي
اسمهان: ليلى عمري مايصير هيج سوين بروحج يروح فدوه الج هو الخسران كافي بجي محد يستاهل
ليلى: قلبي يستاهل ابجي عليه ولج ليش هيج حجت لبنيه منين تعرفه نوب وين مشغول راسي راح ينفجر من تفكير اخ ولج قلبي
اسمهان:: كافي لخاطري روحي نامي والصبح الله كريم
سديت الخط بقيت ابجي الي ان معرف شلون غفيت ماداومت اليوم لان مالي خلك
كعدت الصبح هو يتصل
ليلى: بعد وكت ليش اتصلت جان باقي فدمره انت حقير واناني ولئيم ليش هيج تسوي بيه شنو ذنبي فهمني جاي اكولك اذا عندك غيري او مو عاجبك نكمل خلص كل واحد بطريق
ليث: كملتي حجي ياغبيه ياثوله ماعندي غيرج انتظار كنت احجي ويه الولد اصدقائي وكلهم مكالمه جماعيه ووخجلت اسد الخط شيكولون يخاف من خطيبته ولبنيه هاي خالتي رادت تسوي بيج مقلب تشوفج تحبيني لو لا اقتنعتي هسه تردين اخابر الولد حتى صدكين وياهم كنت
ليلى: اي كلش اقتنعت هو اني غبيه تضحك عليه بهاي السوالف مو
ليث: ياحياتي والله احبج ولج عوبه مشتاقلج
بقه يتغزل ويحجي وغير الموضوع وراح يكمل شغله
وخابرت اسمهان رزلتني ليش جاوبته واقتنعت بسرعه مو بيدي والله أحبه مو بيدي بسرعه اصدك بي
لتهيت هاي الفتره امتحانات الكورس الاول بس يتصل وانا بدوام يسأل عني وعن اجابتي بلامتحان ويروح
واني واسمهان وحده تراجع لثانيه وحده تذكر الثانيه بلمهمات
نزلت السعيات مالتنا مال امتحانات الشهريه تفاجأت بماده من المواد الاستاذ مخليلي درجه ناصيه اني بلامتحان درجاتي عاليه
رحت أني واسمهان تكاونت ويا كالي انطيني مجال اشيك اوراق امتحان ارجعلج خبر باجر
عفته وطلعنا للبيت شغل وتنظيف طبعاً ودراسه بالليل
مرت الامتحانات على خير وتفرغنا نجهز لعرس فهد
اما فيصل حبيبي جنت اني اساعده بدراسته وهو الحمدلله مستواه زين وحباب كلش قلبه طيب دائماً خطيه يذكرني بأبسط شيء يشتري
ابويه اشترئ غرفة النوم له وامي انطت فلوس الجهاز وهو اشتري الذهب
اما انا اشتريت فستان طويل👗 هذا لونه بس من أسفل صاير مموج بأسود ومستور بس على.جسم ضيق وحذاء اسود
واشتريت فستان وردي قصير للحنه لان بس نسوان
كلها بالحنه وطبعاً هاي بكل عرس منو هاي شكد عمرها وين تدرس ولا عبالج لابسه حلقه 🤦♀️😂
ليث اتصالاته كل مازال تقل واهمال فول تعبت من كد ما اعاتب وابجي وانقهر
صار العرس واني بقيت بالبيت لان ماعدنا احد وامي راحت ويه فهد 💃🏼💃🏼
بقيت مشغله اغاني واردح 😂😂 واسمهان وياي كلش وكفت وياي على الرغم من اني تعرفت عليها بجامعه مو من فتره طويله عكس اسماء لي من طفوله فجأة نسحبت وتغيرت بدون سبب
عماتي وبناتهم يردحن وياي خالاتي ما اجن لان بغير منطقه
عماتي سون هوسات
هذا لعب عماته على عناد خالاته 😂
هذا لعبنا ولا تكول استهتار 🙄
ابنا خوش ابن يستاهل الهوسه
كضت والله كضاها وعد ابو فهد عشاها 💃🏼
اجت الزفه وزفوا العرسان واني بس اردح 😂
ماكنت اعرف وراي تنظيف يكسر الظهر
كمل العرس وكل واحد راح لبيته وكع الشغل وتنظيف براسي تعرفون شنو تكسرت هيج حاسين بيه اكيد بنات خاصه لي وحدها ماتعرف على مطبخ لو على تنظيف البيت لو على الطرمه لو الملابس 🤦♀️🤦♀️
رحت سبحت غيرت ملابسي نظفت البيت وطلعت نظفت. خارج البيت بعدين نظفت المطبخ
باوعت للساعه ب3الفجر رحت غسلت الملابس وصليت الفجر ونمت
كعدت على هوسه وجاين اهل اسماء جايبين ريوك العرسان
والبيت هوسه ناس جايه. تبارك واصدقاء فهد
هلطبع مو حلو شكو من الصبح انتظروا للعصر
تعبانه مابيه اكوم بعد
بدلت ونزلت لان. امي هسه تنطي الصوت
طبيت على غرفة فهد وباركت لاسماء لي نجلبت معرف ليش ولا عبالك تعرفني
المهم باركت لها وطلعت حضرت ريوك تريكت وبقيت واكفه بلمطبخ
عصير كليجه كرزات
شاي مي
انسان لالي صرت هسه اني شنو ذنبي بقيت هيج للسبعه. والله يجوز نزلت كيلوين على شغل البيت 😂😂
اجت السبعه مال العرسان واجوي اهل اسماء عزمونا على الغده عدهم
راحت ماما وبابا واسماء وفهد اني وفيصل بقينا بالبيت تعبت مابيه اطلع اريد انام
صعدت لغرفتي انام. كلت خلي اخابر افندي ملتهي عني
ليلى:: الو ليث شلونك شخبارك
ليث: الحمدلله تمام وانتي شلونج شخبارج
ليلى: دومك الحمدلله بس ليش هلكد متصل عليه
جان بشغل ويمه رجال فجأة كام يصيح
ويحجي ويه رجال
ليث: عمي كلمن يزوج طايح حظ تعال وين تتصل وين تخابر ليش ماتسأل ماتكول حيوان. كاعد يشتغل ويتعب علمودي نوب تجي تعاتب ماتكولي ياعمي شنو اسوي
ليلى': فهد عيب عليك كدام الرجال هيج تحجي اني شنو كلت هسه
ليث: انجبي ماريد اسمع صوتج فهمتي ولا تتصلين الا انا اتصل يلا باي
سد. الخط واني بقيت ابجي والطم على حظي حقير لان. شافني كمت احبه هيج يسوي بيه يطبك. مرض ياليث والله بعد ولا اتصل بيك خليك. محد يعبرك بسيطه
عفته ولا اتصلت بي بعد حسبي الله ونعم الوكيل خلاني أحبه وهسه هيج كام يسوي
اسماء من زوجت لليوم بغرفتها ماتشتغل ولا تسوي شي
بس على وجبات تاكل وطب لغرفتها اوقات تطلب عشه. لها ولفهد بس من. مطعم
امي أكثر من مره تكاونت معها تكول مو بيتي حتى اساعد واشتغل حيه مو خيه طلعت
بعد مارجعنا للدوام والحمد لله نجحت خابرني ليث بالليل يكولي نهاية السنه بس اكمل الكورس الثاني زواجنا
مرت الأيام نفس بين دوامي واهلي واسمهان لي ماعافتني
جمعه وعطله محد طالع
كعدت وجاي احضر الريوك ومشغله فيروز سمعت امي تصيح لحكوني ولج ليلى لحكيني
