رواية الطالبة والعصبي الفصل العاشر بقلم مجهول
ابو سيف : وليدي قررت ازوجك
سيف وهوة ايغص با الجاي : كح كح سنوو
ابو سيف ببتسامة: اشبيك انشحطت هل كد مستعجل علة الزواج
سيف بصدمة : صدك يابة تحجي لو تشاقة
ابو سيف : طبعاً صدك لعد مشاقي وياك
سيف : بس اني كايلك من قبل ما اريد ازوج
ابو سيف بعصبية : شنو ما اتريد تزوج راح تدخل با الثلاثين وانتة لا مزوج ولا شي وانتة هس البعمرك ابنة ابطوله المهم اصلاً اليوم راحت امك وخطبتلك البنية
سيف بصدمة : شنو خطبتلي صدك تحجون وهوة ايباوع علة امة
ابو سيف بحدة : لعد ان انجذب عليك لو شنو وبعدين دراسة وكملت وظيفة وعدك وبيت وشقة وموجود يعني بعد ما كو اي عذر
سيف بستهزاء: ومنو سعيدت الحظ يلي خطبتلي ياهة
ابو سيف : بنت صديقي علاء خوش ابنية ومئدبة وطالبت جامعة مرحلة اولى
سيف بستفهام : مرحلة اولى لعد اجكد عمرهة
ام سيف : عمرهة ١٩سنة
سيف بصدمة : لا اليوم اكيد بيكم شي شنو ١٩ سنة يعني طفلة بعني بعدهي عقلهة عقل مراهقة وتردوني ازوجهة
ابو سيف : وشكو بيهة هاي اني وامك فرق بيناتنة ١٥ومتفاهمين وما بيناتنة اي خلاف
سيف : يابة هذة الكلام ابزمنكم مو ابزمنة يعني وين نسوان قبل وين نسوان هسة
ابو سيف : لا زمنكم ولا زمنة كلة نفس الشي وبس ينطون الموافقة اهل البنية كبل اخطبهة لا تشاوفون ولا شي لأن اعرفك اذا شفتهة اطلع الف عيب بيهة وهذة اخر كلام عندي وعاف سيف بصدمتة وراح دخل الغرفتة
سيف ايباوع الأمة ابصدمة وكال : عود صدك
ام سيف وتحاول اتبين الصرامة : اي صدك وعافتة وراحت ورة ابو الغرفتهم
وبقة سيف ايباوع الهم بصدمة وكال : لا شكل العائلة اتخبلت واني راح اتخبل وياهم وصعد الغرفتة وحاول اينام بس ما كدر اينام من التفكيو الى ان صار الفجر يلا غفة ...............
___________________
في بيت نارين والساعة ١٠:٣٠ليلاً
تحديدن بغرفه ابو وام نارين
ام نارين : لو اكلك اليوم منو اجتني ما اصدك
ابو نارين وهوة ايباوع ابتليفونة : منو
ام نارين : اجت ام رائد (تقصد ام سيف لأن اخو رئد الجبير فيكولولهة ام رائد )
ابو نارين :وشنو الغريب با الموضوع ما هية المرة كل مرة تجي ازورج
ام نارين : لا بس هل مرة غير
ابو نارين : شون غير بلا
ام نارين : اني اكلك اشلون لأن هل مرة اجت وطلبت ايد نارين لأبنهة سيف
ابو نارين بصدمة : صدك تحجين
ام نارين بفرحة : اي والله بس ما كتلي شنو رئيك
ابو نارين : والله يوم المنى الي اناسب بي احمد (يقصد ابو سيف ) وهم ابنة متعلم ودارس برة وهسة هوة استاذ جامعي بعد شريد بس
ام نارين : بس شنو
ابو نارين : بس خاف نارين ما توافق وهية اصغيرة واني سامع ابنة ابدايت التلاثين
ام نارين : لا وين جبير ومن ناحية نارين اطمن اني احاجيهة با الموضوع وقنعهة
ونشأ الله اتوافق
ابو نارين : انشأ الله .....
في غرفة ثانية من غرف البيت وهية غرفت نارين وايه كعدت نارين من النوم وشافت الساعة وكالت
نارين : اوف هل كد اني نايمة وكامت سبحت ولبست تراك بيتي سمائي ونزلت جوة وراحت للمطبخ حمتلهة الكل وسوتلهة لفة وصبتلهة ببسي وراحت للستقبال وكل عادة لكت ايه تقرة كيمية يلي ما تدري اشحببهة با الكيمية هيج ولكت علي يلعب ابلي فراحت كعدت علة الكرويتة وتأكل الحد ما كملت ولعبت كيم طوبة هية وعلاوي با البلي انوب صعدت اتصلت بهدى وسولفت هية وياهة وشاقت وياهة وكلتلهة باجر اتغيب ودعتهة وكامت تلعب با التليفون وتكلب با الأنستا الى ان نعست ونامت .............
_____________________
سيف
كعت الصبح الساعة با السبعة الة ربع فأ بسرعة كمت سبحت وصليت ولبست قاط رسمي لون رصاصي والقميص اسود وحطيت عطر ورتبت شعري وخذت التليفون والجنطة ونزلت صبحت علة الوالد والوالدة بس لشو ما ردو السلام وحتة ما باوعولي اني اعرفهم ايسوون هل تصرفات علة مود ما اقبل با الزواج فعفتهم وطلعت بلة ريوك لأن اني اصلن متأخر وكل عادة طلعت السيارة من الكراج وسديت الباب ورحت للجامعة وصلت وصفيت السيارة با الكراج ورحت للدارة ومن سؤ حظي صادفت سارة وكل عادة ضلت ترغي ساعة وتدلع الى ان اجة محمد وخلصني منهة وسئلني محمد : شبيك سيف شو اليوم مو علة بعضك
سيف : هسة عندي محاضرة ورة المحاضرة احجيلك
محمد : اوكي
ورحت للمحاضرة البقاعة واحد يلي كل عادة ما خلصت من ميوعة البنات وصلافتهن ( يقصد علة ايه وشلتهة ) بس مدري ليش شفت مكان نارين فارغ وضجت انوب انتبهت علة روحي وخرت هاي الفكار من بالي وخلصت المحاضرة وطلعت ودخلت المكتبي يلي لكيت محمد موجود قبلي وكال
محمد : هسة احجيلي كلشي لأن امبين الموضوع جبير
سيف : حجيتل كل الموضوع المحمد وهوة ضل صافن انوبة كال
محمد : بس بعيدن عن الموضوع وان البنية اصغيرة بس اهلك من حقهم ايفرحون بيك ويزوجوك وجتدراك جوز الصغيرة تفهمك اكثر من الجبيرة
سيف : والله ما ادري واصلاً دايخ خلي الموضوع علة الله وهوة اشكاتب الله ايصير
محمد : ونعم بالله
سيف وهوة يكوم من كرسية : هسة تعال خل نتريك با الكفتيرية لأن ما متريك
محمد : اي والله حتة اني كعدت متأخر وما اتريكت وراحو للكفتيرية وطلبو كهوة واكل وكعدو ياكلون الى ان اجن سرى وهدى وبنين وكعدن يم طاولة محمد وسيف فأ محمد شافهن وبتسم وكال
محمد : وين العنصر الرابع البفريقجن
هدى بيتسامة : نارين غايبة اليوم
محمد بستفهام : ليش
هدى : ادكول مريضة
محمد : ها الله يشافيهة وكليلهة ايكول دكتور محمد اليوم الكلية موملة بدونج
هدى : يوصل دكتور
دار كل هل حديث كدام سيف يلي ما اطة اي ردت فعل بس ابداخلة استغرب ليش غايبة وكملو ريوك وكل واحد راح المحاضراتة الى ان خلص سيف كل المحاضرات وركب سيارتة ورجع للبيت وصل ودخل السيارة للكراج وسد الباب ودخل سلم وكل عادة محد رد علي وصعد فوك وهوة صاير عصبي من تجاهلهم الة وغسل وبدل ملابسة وصلة ونزل جوة اتغدة وياهم وكعدو با الصالة ايشربون جاي الى ان كال
ابو سيف : شقررت اوليدي علة سالفة الزواج
سيف وهوة يعرف بعد ما عندة مهرب فكال : موافق وكلشي ولا انتة تزعل مني وكام باس راس ابو وامة
ام سيف بفرحة : انشأ الله زواج الدهر وليدي
ابو سيف ببتسامة : نشأ الله بس ايردونة الموافقة انسوي الخطوبة
سيف : انشاالله ( عساهم لا وافقو ) انوب كام وترخص وصعد الغرفتة اينام لأن البارحة ما نام زين .......
_________________
نارين
كعدت الصبح الساعة ٩:٢٠ وكمت سبحت وصليت ونزلت صبحت علة مامة كعدت اتريك الى ان سئلتني مامة
ام نارين : لعد اليوم ليش ماداومتي
نارين: لأن جنت تعبانة واليوم اصلن ما عدنة شي
ام نارين:بعد الحسن لأن اريد احجي وياج مضوع
نارين : شنوة
ام نارين : اجت البارحة ام قائد وطلبتج لأبنهة
نارين بصدمة : شنوووو......
