رواية أحببت من لايبالي الفصل الثاني عشر بقلم مجهول
بيت ماجد .
احلام : نور شفتي براء البارحه شلابسه بالسبعه وشلون مدندشه بالذهب
نور : اي شفتها حظها كاعد الله ياخذها
احلام : اي والله لا ومريم طايره بيها عبالك اول جنه ولا كان عدها ثنين غيرها
نور : بس لو اعرف اشاف بيها زين وخطبها شو تلعب النفس
احلام: شوفي نور صحيح اني اكرها هي وامها بس كلمه الحق تنكال هي حلوه تخبل
نور : هو انتو لو قرده وبيضه هم تكولون عليها حلوه اميلها جامده اشو توغف على الكلب
احلام : هو اني وياج ماعدنه حظ يا يمه هاي براء اخذتلها دكتور وزنكين بفلوسه يكدر يشتري دوله وحلوو وخلوق جا شيريد الواحد من الله مو مثلنا بعد وهي هم مبينه تحبه ما شفتيها شلون تباوعله تريد تاكله بعيونها
نور : طبعا تحبه اذا هو بس يوميته بالعياده مليونين مدري اكثر هذا غير راتبه الشهري
غسان : سلام .. هاا شبيجن كالبات الوجهه
نور : مااكو شي جاي نحجي على زين ابن عمو جهاد
غسان : اووو خرب يومه شكد مكروهه ... اربعه وعشرين ساعه معبس وخشمه براسه مدري عليمن هالغرور
نور : حقه غير دكتور
غسان : واذا دكتور هاي اخوانه هم مثله بس ما شايفين نفسهم والله خساره بي ياخذ وحده مثل براء
نور : ليش براء فد شي يعني همزين زعطوطه وتلعب النفس وحتى دراسه ما مكمله
غسان : قنعي نفسج براء زعطوطه ... لج بس جسمها يجيب اكبر راس
احلام : شبيكم راح تتعاركون كافي سدو الموضوع والله شنو يتعاركون على براء وزين فد نعال علساس همه
نور : والله مو اني ابنج جاي يدافع لحبيبت الكلب يا ريت لو تسوه
غسان : حبيبتي انتي تحجين هيج لان مضغوطه منها لان احلى منج وهم لان فضلها زين عليج وخطبها لا عبالج احنه اغبياء .. لا عزيزتي نعرف ونفتهم بس مغلسين ...
نور : بكلبها والله ماشي يا براء اني اعلمج اذا مااخذ زين وكدام عينج مو بت امي وابويه
_________________
زين : شفت براء حاضنه مريومه ونايمه ... ابتسمت على لطافه المنظر الكدامي ... رحت طفيت التلفزيون .. ورجعت جبت غطه وغطيتهن .. وجان اشوف دشداشه براء مرفوعه لحد فخذه .. غطيتها بسرعه هي ومريومه .. ونزلت
مريم : هاا يمه شو بعدك هنا عبالي طلعت
زين : راحت عليه نومه ... يمه سويلي جاي اريد اشرب واطلع
مريم : تدلل بس ثواني
نجمه : وليش عيني مرتك وين
زين : بحده نايمه هي ومريم .. ليش عندج مانع ست نجمه
نجمه : لا صدك جذب نوم الهنا
جميله : شوف سوده عليه تلكى مريم تعبتها فنامت والله راح تخبلني هالبنيه متكعد بكاع الله
زين : لا خويه بالعكس لا تعبتها ولا شي جانن كاعدات على التلفزيون ونامن بدون ميحسن ... صبتلي امي جاي شربته بسرعه .. وصعدت حتى ابدل واطلع تاخرت
براء : نايمه واحس بدفو .. باوعت لكيت روحي مغطايه اني ومريومه ... شفت الساعه .. بالاربعه ونص.. عززه زين كلي كعديني بتلاثه .. كمت ركض للغرفه .. مالكيته .. طلعت شفته كبالي ... والله اسفه نمت بدون ماادري
زين : بهدوء ... عادي ما صار شي
براء : يحجي وهو مدنك ... زين على شنو ادور مضيع شي
زين : نزلي دشداشتج
براء : باوعت لروحي ... ااا تمنيت الكاع تنشك وتبلعني ... الدشداشه مرفوعه لفوك فخذي .. بالمختصر كولشي طلع ... نزلتها بسرعه ... رجعت باوعتله منزل راسه
زين : ببرود .. انتبهي لنفسج رجاءا انتي ما كاعده وحدج بهاي الغرفه ... وعفتها ودخلت .... تعاي حضريلي ملابس
براء : باحراج .. اآ يـ ي جَايه... رحت ورى للغرفه لكيت نازع البدي مال التراك وجاي ياخذ اوراق ... طلعتله قاط كحلي وصلت لخانه الملابس الداخليه .. يا ربي اكثر شي اكرهه بتحضير ملابسه هو هالخانه الزفته... طلعتله شورت اسود طبعا هو ميلبس فانيله جوه القميص... وكفت على ميز التواليت طلعتله ساعه سوده .. كملت تحتاج شي ثاني
زين : لا شكرا ... رحت بدلت .. يله اني طالع .... محتاجه شي
براء : بابتسامه صغيره لا شكرا ... الله وياك
زين : طلعت ووصلت للعياده لكيتها مكلوبه كلاب بالناس زين اذا طلعت بال11اليوم ... دخلت لمكتبي .. وكلت للسكرتير يدخلي المراجعين ... وبده الشغل يتوالى عليه واحد وره الثانيه
__________________
براء : ما اعرف شلون اوصف شعوري بهالحظه .. بس كلمت زين هواي اثرت بيه( محتاجه شي) حسيت نفسي صدوك مزوجه .. ياالهي هالزين بحجايه يكدر يرفعني لسابع سمى وبحجايه يكدر ينزلني لسابع كاع والمشكله مااعرف ليش هيج احس ادري بنفسي مااحبه بس يجوز لان ساعدني احترمه واله بكلبي مكانه هو وعائلته لان ما تخلو عني ... هسه خلي اعوف هالسالفه المالها تفسير .. وانزل اكعد يم البنات حتى اضيع وقت .. غطيت مريومه عدل وبستها ونزلت شفتهن كالبات وجوهن عبالك كاعدات بعزه ... هاا شبيجن
نجمه : ضايجين نريد نطلع
براء : كعدت .. وين تردن تطلعن
جميله : اي مكان مطعم.. مول .. حتى اذا متنزهه .. بس خلي نغير جو اختنكنه من البيت
براء : اذا ضايجات خل نطلع نكعد بالحديقه حتى نغير جو
شمس : راح اركعج بالماعون ولج نريد نطلع طلعه بيها صرف
براء : ههه هااا كولن هيج ونستجن بالصرف
نجمه : ليش هو اكو احلى من الصرف
جميله وشمس : اي والله
جميله : انتي من جنتي تضوجين وين ترحين
براء : لو اطلع اكعد بالحديقه مالتنه لو اقره كتاب
نجمه : شهل الملل
شمس : هسه نحاجي الشباب نكللهم نطلع صار هواي ماطالعين
نجمه : اي فدوه كل وحده خل تحاجي رجلها ... واني اقنع سجاد وقصي
مريم : خير شو مجمعات
نجمه : اي يمه جاي نسوي خطه حتى نطلع
مريم : ما اريد اضوجن واخرب خططجن بس متكدرن تطلعن
البنات : ليش
مريم : بيت ماجد يردون يسيرون يمنه بالليل
نجمه : يبوووووو ... شعدهم جايين.. ادري مسوين اقامه يمنه
مريم : ولج شنو شعدهم جايين .. دير بالج يسمعج ابوج تره يطيح حظج
جميله : صراحه خاله ولتزعلين مني .. مينبلعون .. خاصه احلام ماحبيتها .. احسها مصنعه
مريم : تزوجت جهاد ولليوم احلام هي نفسها ماتغيرت
نجمه : لو هاي نور .. اكرهها .. شايفات شلون تحجي ويه زين ... زيوووني شلوونك . مشتاقيلك. ليش متجينه ... ام حلك الاعوج تريد زين يروحلهم هو بيت اهله كوه كاعد
البنات ما عدى براء : ههههه
جميله : لج حتى قصي الي نكول عليه ابو بنات ما مطيها مجال
قصي : شبي قصي
نجمه : جنه نحجي على نور وكلنه حتى قصي ابو البنات ما مطيها وجهه
قصي : ههه شهل السمعه ... بس خرب يومها شكد لزكه ولج تلزك .. وحجيها كله عن نفسها .. والله بابا اشترالي هاي الجنطه 100$ دولار وهاي الساعه ذهب صممتها خصيصا الي ... عبالها مندري ملابسها من الباله
براء : ضحكني كلام قصي ...هههه
قصي : شوف هاي الفطيره تضحك ... ولج هاي حاطه عينها على رجلج دير بالج
براء : اختفت ابتسامتها ... شلون يعني؟
براء : اختفت ابتسامتها ... شلون يعني؟
قصي : يعني جانت تريده ..
براء : بتفاجأء .. هاا
قصي : اي بس لا تخافين زين لابسها ما عليه بيها
لؤي : هاا شو مجمعين انشالله جمعه خير
شمس : لا والله جمعنه غيبه ونميمه
اجه سجاد وحسن : خير عليمن جنتو تحجون سمعونه
نجمه : على نور بت عمو ماجد
حسن : ولا هضمتها
سجاد :ههههه
مريم : كافي عيب تحجون هيج مهما يكن هذوله بيت عمكم ... وانتن سون شي للضيافه
براء : شنو رائيج اسوي كيكه
مريم : ياريت والله
سجاد : واني اساعدج
براء :
لعد تعال يله ... رحنه للمطبخ اني وسجاد ... اكولك بيا نكهه تحبوها انتو
سجاد : بالككو
براء : ماشي ... اذا عدكم ككو باودر ... طلعلي ياا .. واذا عدكم شوكلاته دارك هم طلعلي
سجاد : هذا وياا موجود بهذا الباب ... تفضلي
براء : شكرا ... وهسه وين الخافقه
سجاد : كبالج بهذا الكاونتر
براء : طلعتها ... وخليت اربع بيضات وكوبين طحين وكوب حليب سائل وكوب شكر و الككو والبيكنغ باودر والفانيلا ورشه ملح وخفقتهن ... سجاد تعال اخفق اريد اطلع القوالب
سجاد : انطيني ... راحت تطلع القوالب وهنه فوك متلوح ... كامت تكمز ومتوصل .. هو مو عالي بس هي كصيره ... هههههه
براء : بغيض .. ماكو داعي للضحك
سجاد : ههههه ماشفتي روحج تكمزين جنج فاره ... والله اذا يشوفج قصي يسويج تصنيف
براء : والله اذا تكله بعد ما احاجيك
سجاد : ههه ميخالف
براء : يله تعال انطيني القوالب ... نزلهن اخذت واحد على شكل ورده وكتله يرجع الباقي ... خليت الخليط مال الكيكه وخليتها بالفرن .. وكعدت اسولف ويه سجاد لبين متكمل
سجاد: شلونها علاقتج ويه زين انشالله مرتاحه
براء : الحمدلله
سجاد : انشالله دومكم ... متتصورين شكد فرحان بوجودج بيناتنه
براء : انت ليش هيج لطيف ويايه
سجاد : مااعرف بس كلبي يرتاحلج ..
براء : حتى بعد الي شفته وسمعته عني
سجاد : شوفي براء صحيح اني ما مزوج ولا عندي خبره بالنسوان مثل قصي .. بس اني كرجل اعرف شلون اميز بين الزينه والمزينه ... واني من شفتج ما حسيت بأي شي يجيب الشبه تجاهج .. وصدكي لو شما يصير تلكيني اول واحد واكف وياج ويدافعلج ... مو بس لان انتي مرت اخويه ... لا... لان انتي من دخلتي لهذا البيت صرتي اختي ... ومعزتج من معزه نجمه واكثر
براء : دموعي نزلت ... ابتسمت ... جدا اشكرك على هالكلام الحلو ... متتصور شكد اثر بيه
سجاد : بيج طبيعه تنرفز ... هواي تبجين
براء : مسحت دموعي .. شوف حكولك شغله محد يعرفها ... اني حساسه اكثر من اللازم .. اقل كلمه واقل شغله .. تجرحني ... حاولت شكد ابطل هالطبيعه المو حلوه بس مكدرت
سجاد : كتلج سابقا وارجع اكلج خليج قويه محد يستاهل تنزل دمعج على موده .. وهسه عوفي الموضوع وخلي نحجي بغير شي
براء : ههه اوك ...وكعدنه نسولف .. لحد ما سمعت جرس الفرن ... كمت طلعت الكيكه وعفتها تبرد ... رحنه نسوي الكريمه ... سجاد اذا تعرف تعال سوي الكريمه واني خلي اغسل المواعين صار المطبخ هوسه
سجاد : اي اعرف .. وكفت اسويها .. وبراء تغسل مواعين ونسولف اني وياهه ... دخيل الله شكد محبوبه هالبنيه ... هنيال زين عليها ... كملنه ... ورحنه زينه الكيكه ... وبراء قطعت الشوكولاته الدارك ولزكتها داير مداير الكيكه
براء : صفكت واخير كملت ... هاا شلونها
سجاد : يباوع بنظرات اعجاب ... تجنن ... يله كصيلي قطعه
براء : امشي ... ماكوو .. هاي لليل من يجون بيت خالو نقدمها وانطيك قطعه
سجاد : لا بله خاف متقبلين ... بس قطعه وحده .. لا متكفي .. احنه شركاء بالكيكه .. يعني نصها الج ونصها الي اخذي نصج وانطيني نصي
براء : عزززه تريد نص الكيكه
سجاد : جا شعبالج اخذ قطعه وحده واكلج انعم الله
براء : اخذتها وطلعت اركض للصاله وهو يركض ورايه ... شفت زين بوجهي ركضت ختلت وره
سجاد: يعني عبالج اذا خاتله وره رجلج مااكدر الزمج ... جيبي نصي يله
براء : باوعلي زين بنظرات تسال... حباب زين صيح بسجاد سويت كيكه ... يريد ياخذ نصها .. واني مسويتها للخطار
زين : كملت شغل وطلعت للبيت اول ما وصلت شفت براء ... تركض من المطبخ للصاله ... اجتي صارت ورايه .. وسولفتلي .... يا خطار هذوله ؟
براء : بيت خالو ماجد حيجون بالليل
زين : خزرتها ... وانتي شعليج تسويلهم كيك
براء : بارتباك مو خاله كلتلي
زين : ببرود ... درت وجهي على سجاد .... عوفها وباجر هي تسويلك وحده
سجاد : وعد
زين : باوعتلها ... وعد معليك انت .. اني كتلك باجر اخليها تسويلك وحده ... همستلها .. لحكيني
براء : يبوو اليوم شراح يسوي بيه .. رحت ورى ... الله يساعدك
زين : لا رد ... تعالي هنا .. اشرتلها كبالي
براء : وكفت كباله
زين : شنو معناتها تتمركضين بالبيت وجسمج يهتز وياج واكو شباب .. انتي تحبين تتعاقبين لو شنو فلمج
براء : هسه شسويت اني ... غير راد ياكل من كيكه بيت خالة ماجد
زين : بصوت عالي يطبهم مرض بيت خالج اكلو زقنبوت لو لا انتي شعليج ... هيج حنينه واني ماادري
براء : زين ليش تعاملني بهالاسلوب
زين : متعجبني تصرفاتج .. الف مره كتلج ثكلي ... وامشي عدل مااريد ا اذيج
براء : بأرتباك .. هسه شنو تريد
زين : تقربت منها ونزلت لمستواها ... اريد اعاقبج .. بس احتاج مساعده ... فكري ويايه بعقاب حلوو يناسبج
براء : هو يحجي وانفاسه تلفح وجهي ... ركزت على شفايفه شلون تتحرك يمكن شفايفه هي احلى شفايف شفتها بحياتي ... و حرام اذا سمعت شكال
براء : هو يحجي وانفاسه تلفح وجهي ... ركزت على شفايفه شلون تتحرك يمكن شفايفه هي احلى شفايف شفتها بحياتي ... و حرام اذا سمعت شكال
زين : وهسه يله
براء : بخدر ... هااا
زين : وجعا ...ويامن صار ساعه احجي
براء : عفوا تكدر تعيد شنو كلت ما سمعتك
زين : عقاب الج راح تضلين واكفه ساعه
براء : بس اني ما سويت شي
زين : اني الي اقرر هالشي مو انتي يله.... اوكفي هنا واشرتلها على مكان يم القنفه.... وممنوع تكعدين لمده ساعه... راح اروح ابدل واجي ... اذا انتي بطله كعدي
براء : يعني انت هستوك اجيت وهم بيك حيل تتامر وتعاقب شلون شايب ولا يتعب
زين : تقربت منها ... اني مو شايب ... انتي طفله فتشوفيني شايب
براء : عزززه سمعني .. بغيظ اني مو طفله
زين : وهو ينزع قميصه ... لا طفله... وعلى فكره اني لو متزوج صغير جان هسه عندي بنيه تقريبا بعمرج ... وعفتها
براء : راح يبدل بعد ما سممني بكلامه ... واجه كعد كدامي يشتغل على اوراق مااعرف شنو هي
زين : يله اوكفي عدل ولتهوسين اريد اشتغل بهدوء
براء : لوت حلكها .. اوك
زين : لتعوجين حلكج لا اكوم صدك اعوجه الج
بعد مرور نص ساعه
زين : عين بالاوراق وعين عليها... مبينه تعبت .. بس خليها تستاهل حتى تبطل تعصي اوامري
براء : زين والله تعبت كافي .. هاي اخر مره بعد ما اركض بالبيت
زين : ججج لا.... بقت نص ساعه خلي تخلص وكعدي
براء : بترجي ...حباب والله جسمي خدر بعد مااتحمل .. عوفني
زين : كام جرها عليه ... بحده لج انتي شنو هالالفاظ والمصطلحات التسخدمها متستحين شنو خدر.. شو عوفني اني شوكت لازمج حتى اعوفج
براء : باستغراب .. ليش شكلت اني ... جسمي خدر صدوك احس رجليه نملن من الوكفه وكتلك عوفني حتى اكعد
زين : دفعتها على القنفه ... كعدي بس خلصيني من لسانج الفالت
براء : دفعني على القنفه وكعد كبالي.. الحمدلله والشكر هذا شبي ... زين ... لا رد ... زين
زين : شكو شتردين
براء : صارت الساعه بالتسعه اريد اكوم ابدل حيجون الخطار
زين : كعدي وسكتي متنزل...... اندك الباب ... تفضل
نجمه : اجو بيت عمو ماجد تعالو نزلو ... براء امي تكول بدلي ونزلي بسرعه اخت خاله احلام وياها تريد تباركلكم
براء : باوعت لزين ... الي ضغط على ايده حتى بين بياضها من الضغط عليها
زين : روحي جايين وراج ... وانتي تعالي وراي
براء : كمت ورى ... فتح كنتوري ... دور بالملابس
زين : ببرود وين مخليه الصايات مالتج
براء : هنا... دخلت بينه وبين الكنتور... فتحته... دور بيهن طلع وحده سوده فصالهه عريضه
زين : لبسي هاي وذره مكياج متخلين
براء : بس عدنه خطار خو ماانزل وجهي شاحب
زين : دفعتها على الكنتور ... صارت محاصره بيني وبينه ... كلت ذره مكياج متخلين .. والا قسما بالله ما اخليج تنزلين
براء : دفعني على باب الكنتور وحاصرني .. يحجي ويضغط بجسمه على جسمي ... احس روحي معت ... صـ ار
زين : وجها صار احمر ..انتبهت على نفسي جاي اضغط بجسمي على جسمها .... وخرت عنها مرتبك .. يـﮯ يله بسرعه بدلي حتى ننزل ... وعفتها وطلعت للصاله
براء : عافني وطلع.... تمددت على الجربايه وغطيت وجهي بايدي ....... ياربي شجاي يصير ويايه ،... سمعت صوته
زين : يله وين صرتي
براء : كمت عدلت نفسي اجيت اجيت ... طلعت ... باوعلي
زين : يرادلج طلعه ... تبدلين بيها كل ملابسج
براء : هزيتله راسي ... نزلنا ودخلنا للاسقبال
براء وزين : سلام عليكم
الكل : وعليكم السلام
براء : راح زين سلم .. واني رحت سلمت على خاله احلام و اختها ونور الي سلمت من وره خشمها ... اشرلي زين اكعد يمه
احلام : اكلج مريم بشري شلونها براء خوش جنه لو لا
مريم : لا ورده بروئه بعد كلبي وين اكو مثلها
براء : ابتسمتلها ... طبعا لاحظت شغله بخاله مريم .. ابد متنطي بينه لا اني ولا جميله وشمس وتعاملنه عبالك بناتها .. احسها كسرت قاعده العداوه بين الحمايه والجنه
شمس : اشرت لبراء تكوم ويايه حتى نجيب الضيافه
براء : اجيت اكوم .. همسلي زين
زين : بحده وين
براء : اساعد شمس بالمطبخ
زين : روحي .. وياريت بوجهج تصعدين فوك ومترجعين
براء : فشله شلون اصعد واعوفهم وهمه جايين على مودنه
زين : خلص روحي
براء : كمت اريد اطلع ..
نور : بنبره حقد واضحه صار ساعه تتهامسون ..شجنتو تحجون
زين : وانتي شعليج ؟
نور : وجها كام ينطي الوان من الفشله
سجاد : شاورت قصي ... خرب شفت شلون فشلها
قصي : تستاهل حتى متدخل بشي ميخصها
براء : هاي شبيها البنيه شعليها هي شجنه نحجي ... بس والله فوخ كلبي زين من فشلها هيج حسيت ماي بارد ونزل على كلبي ... طلعت اضحك ... سولفت لشمس
شمس : هههه حييل تستاهل ... تعاي يله قطعي الكيك واني اجيب الببسي
براء : طلعت الكيكه ... لكيت مأخوذ منها قطعه ... بسيطه اني اعلمك ياسجاد الجذاب ... قطعتها ... وشمس جابت الببسي ... دخلنه للاستقبال قدمنه للكل ... شفت سجاد يضحك رحت انطيته ... اني اعلمك بسيطه
سجاد : شتردين تسوين سوي ... بس بالاكل لتناقشيني
براء : ما جاوبته .. رجعت كعدت يم زين .. يشرب بس جاي ما اكل شي حتى عشه ما تعشى حبسنه بالغرفه
امال ( اخت احلام) : اكول عيني ام لؤي جناينج شنو تحصيلاتهن
مريم : شمس اداره اعمال ..... وجميله فنون.... وبراء بعدها طالبه بالاعداديه
امال : براء مرت الدكتور مو
امال : براء مرت الدكتور مو
مريم : اي
امال : ياا واني عبالي دكتوره .. طلعت بعدها طالبه
زين : ببرود .... ليش شبيها الطالبه ... كلنه جنه طلاب ... ما طلعنه من بطن امهاتنا علماء .واطباء
امال : لا مو قصدي شي بس انت جبير وهي بعدها طفله ...ميصير تفاهم بيناتكم ما دام اكو فوارق ثقافيه وعمريه
جهاد : جا اهلنا قبل شلون تزوجو ... وعاشو اني ابويه الله يرحمه .. جان اكبر من امي بعشرين سنه ... وتفاهمو وجابتنه وعاشت وياا على الحلوه والمره ومن مات ولحد الان امي حزينه عليه .. العمر واختلاف الشهادات مياثر على الزواج
امال : يا خويه هاي جانت قبل وحدتنه عمرها 12 سنه تكنس وتطبخ وتخبز ومتفتح حلكها بحجايه كله صار مو مثل زمن هسه ... العمرها 30 متكدر تمشي بيت وعائله شلون تريد ام 15 تتفاهم وتكون عائله
زين : العمر ماله علاقه ... يمكن ام 15سنه عقلها اكبر وتكون اوعى من ام 30 سنه ... ومرات تلكين ام الشهادات العاليه متعرف تصرف والعكس ... واحب اوضحلج شغله ... الرجال متهمه الدارسه والشهادات بكد ميهمه الشرف الاخلاق
لؤي : لا عاب حلكك اي والله
براء : فاجأني زين متوقعت يدافع عني هالدفاع ويحجي كل هالحجي .. بس عجبني تفكيره والي برز منه خصله كولش حلوه انو هو انسان جدا مثقف وفاهم وتفكيره واعي جدا ... بعدها تطرقو لغير موضوع لان الجدال صار حاد
غسان : اكول بروئه ... على طاري الدراسه ما ناويه تكملين .. لان انتي شطاره حرام تعوفين الدراسه
زين : براء
غسان : شنو ؟
زين : اسمها براء مو بروئه
نور : بتموع ... شبيك زيوني تره براء وغسان من قبل لتتزوجون جانت علاقتهم قويه ... فعادي يدلعها
زين : ببرود ... انتي كليتها قبل لنزوج ... وبعدين اني جاي احجي ويه غسان
قصي : هههه وهااا قد طارت الجبهه مره اخرى
غسان : بحقد ... حقك مرتك ومتقبل عليها ... هسه ما كتيلي ترجعين حتى اذا اداومين عندي معارف اكدر اخليج اداومين بدون اجرائات وهوسه باعتبارج اتاخرتي على الدوام وهمه بدو يدرسون
زين :بحده اشكر جهودك .. اني رحت حاجيت المديره وشرحتلها الوضع بقه بس تباشر بالدوام .. واكيد هي اذا تحتاج شي زوجها موجود ماكو داعي تطلب مساعده من احد
براء : باوعت لزين متفاجاءه ... هاي شوكت رجعني للدوام مو علساس ... كلي بعد مااخليج داومين وتنسين شي اسمه دراسه
احلام : اي الله يوفقها ... بس كون تكدر توفق بين الشغل والدراسه
جهاد : لتخافين عليها بنيتي سبعه
احلام : شي اكيد بس كون توفق بالشغل والبيت لان خطيه البنات خو ميشتغلن وحدهن
جميله : احنه هواي ما شاءالله هي العليها تدرس واحنه بخدمتها شتطلب وشتريد
شمس : وحتى شغل منخليها تشتغل لان اكيد طالبه وتجي تعبانه
قصي : هله الله ربج براء شهل الدلال هذا عمي
مريم : غير جنتنه الصغيره لازم ندللها
براء : اذا جنت اتمنى شي بهاللحظه ... فهو انو الله يحفظ هالعائله من كل شر ... ماشاء الله عليهم واحد يحب الثاني ومتعاونين بيناتهم بكولشي ... خو خاله مريم دره مال الله ... ومن تزوجت ولليوم ما سمعت واحد حجه على الثاني لو تذمر
ماجد : يله خويه احنا نترخص
جهاد : بعد وكت خليكم باتو يمنه مو غربه انتو
ماجد : لاخويه ادري بيك متقصر بس عندي دوام والشباب باجر دوام ... يله كومونه
براء : طلعو ... وبيت خالو طشو كلمن راح لغرفته ... شفت زين يريد يصعد ... اكولك زين انت متعشيت اسويلك عشه
زين : لا مااشتهي تعشي انتي ... و وره متكملين سويلي كهوه وجيبها للمرسم
براء : اني شبعت لان اكلت كيك ... رحت للمطبخ اسويله كهوه ... بس هالمره حسويها على طريقتي ... طلعت الدله والكهوه ... وبديت اسويها ... كملتها وصعد ... دكيت باب المرسم ... لان اعرف اذا فتت جفت اترزل
زين : تعاي
براء : دخلت لكيته نازع كالعاده ومطلع الالوان حتى يرسم بس شفت شي فاجأني .. زين يدخن .. هاي اول مره اشوفه يدخن ... انطيته الكوب ... وضليت واكفه ... باوعلي بنظره معناهه شعندج واكفه يله روحي ... حباب والله ضايجه خلي اكعد اشوفك شدترسم
زين : لا
براء : بترجي حباب
زين : كعدي خلصيني بس مااريد اسمع صوتج تره اطلعج
براء : اوك
زين : اسمها صار او حاضر
براء : صار ... كعدت اباوعله شلون يرسم بدقه ويدخن ... عمري ما حبيت الاشخاص الي يدخنون ولا حتى الي يوشمون ... بس زين احسه حاله خاصه شيلبس وشيسوي يلوكله ...حتى وهو يدخن طالع شكله مغري من ينفخ الدخان من شفايفه ويصير مثل الضباب
زين : عفت الفرشه .. واخذت كوب الكهوه .. شربت منها ... كلش طيبه مدري شمخليه بيها طعم غريب بس عجبني ... شمخليه بيها
براء : بابتسامه عجبتك
زين : بنبره بارده ... يعني
براء : عبست .. لعد ليش تسال
زين : بيها طعم غريب .. شنو حاطه
براء : وصفتي السريه
زين : باوعتلها صفح ورجعت ارسم
براء : زين
زين :همهم كاجابه
براء : الي كلته اليوم كدام بيت خالو ماجد صحيح
زين : باستغراب مصطنع ... شكلت ؟
زين :همهم كاجابه
براء : الي كلته اليوم كدام بيت خالو ماجد صحيح
زين : باستغراب مصطنع ... شكلت ؟
براء : بخصوص دوامي صدوك حاجيت المديره لو بس هيج كلام حتى تضوج غسان
زين : بنبره حاده ... ليش منو هو غسان حتى افكر اضوجه
براء : بفرح يعني صدوك راح ارجع اداوم
زين : بعدني ما مقرر
براء : ززييييين حباب لتشلع كلبي .. كلي يله راح ترجعني لو لا
زين : ببرود ... لتتنعوصين
براء : خرب .. والله مداتنعوص بس انت متنطيني جواب اكيد
زين : اي راح ارجعج بس عندي قوانين اذا تفذيها باجر اخذج تشترين ملابس وقرطاسيه للمدرسه حتى تباشرين عكب باجر .. تكولين لا والله مااكدر ... كعدي وسكتي بالبيت
براء : موافقه والله
زين : هسه انتي سمعتي حتى تكولين موافقه
براء : اسمعك
زين : اولا... العبايه متنزع
براء : بسرعه موافقه
زين : بحده راح اضربج .. جم مره كتلج لتقاطعيني من احجي
براء : اسفه اسفه كمل
زين : واني اوديج واجيبج زائد.... اريد درجات عاليه حسبي حسابج اي درجه قليله تتحاسبين عليها ومن صدك احجي اعاقبج والله ......واي طالبه مو راحه تبتعدين عنها...... وبس
براء : موافقه
زين : خوش باجر ذكريني من ارجع حتى اخذج تشترين الي تحتاجي
براء : بابتسامه وامتنان ... شكرا
زين : عفوا ... وهسه سكتي اريد ارسم
براء : رجع يرسم ... واني اباوعله ... طبعا رسمه يجنن بحيث اذا تشوف لوحاته مستحيل تصدك رسم مبينه عبالك صوره ... رسمك كولش حلوو
زين : اعرف
براء : انت ليش هيج مغرور
زين : ببرود مو مغرور ... بس .. واثق من نفسي ومن امكانياتي
براء : زين ممكن اسالك سؤال
زين : شكد تحجين
براء: حباب بس هذا السؤال
زين : احجي خلصيني
براء : شوكت تعلمت ترسم
زين : من جان عمري 8 سنوات
براء : باوعت على اللوحات الي معلكها ... شنو هالقله الادب
زين : شكلتي ؟
براء : بارتباك ماكلت شي ... بس ليش اغلب رسماتك عيب
زين : ابتسمت على حجايتها... هاي الرسمات مو عيب كل لوحه بيها معنى اذا تركزين بيها راح تعرفين معناها
براء : اممم .. ضليت كاعده اباوعله شلون يرسم ذبيت حجابي باوعت ......المرسم مابي ضوه هواي زين يرسم على ضوه خافت يعني المرسم شبه اضلم كعدت على القنفه
وضليت فتره طويله على هالكعده وبعدها محسيت بشي
زين : جاي ارسم وحسيت بيها خنست باوعتلها نايمه عفت الفرشه .. ومسحت ايدي ... رحت كعدتها ... براء كومي نامي بالغرفه .. براء
براء : كايمه كايمه
زين : اخذت شالها .. لفيته عليها .. بس.. شلعت كلبي كوه تمشي .. لج امشي عدل شبيج
براء : ممممم نعسانه
زين : اعرف بس خلي نوصل للغرفه ونامي ... وصلت للغرفه .. فتحت الباب ودخلنا للغرفه ... نزعتها الحجاب ونيمتها على الجربايه رحت غسلت ورجعت تمددت بصفها اغطيها وترجع تذب الغطه اخر شي لزمت ايدها ... بحده كافي
براء : نايمه وشفت نفسي بالحلم اني و زين ... مشت اصابعها على وجهه ... زين انت ليش هيج حلوو ...
زين : يباوعلها بدون رد
براء : عيونك حلوات ... ولمست عيونه... وجسمك هم حلو ... مشت ايدها على صدره نزلت لعضلاته .... عندك عضلات سداسيه حلوه ... نزلت ايدها اكثر .. لزمها زين ...لتروح تتهور بلمساتها
زين : انخفض تنفسه من لمساتها اول مره يتاثر من تلمسه مره ... هاي لو شاربه شي لو حلمانه ... والا مستحيل تكون بهالجرائه ... دارت جسمها على الجهه الثانيه غطيتها ورجعت نمت وتغطيت ... ما اهتميت للصار ادري بيها ما جانت بوعيها ... نمت بدون ماافكر بالصار
***********************
