رواية أحببت من لايبالي الفصل الثالث عشر بقلم مجهول
بيت غيث... كاعدين يتريكون
امير : اكول ماما خل روح نشوف براء والله مشتاقلها من تزوجت لليوم ما شفناها
ناديه : باوعت لغيث بقهر .... اذا ابوك يقبل نعزمها باجر هي ورجلها يمنه لو روحلها نشوفها
امير: بابا حباب خل براء تجي يمنه
ناديه : باوعت لغيث بقهر .... اذا ابوك يقبل نعزمها باجر هي ورجلها يمنه لو روحلها نشوفها
امير: بابا حباب خل براء تجي يمنه
غيث : لا تجي ولا احد يروحلها كعدو وسكتو
ناديه : بتوسل الله يخليك والله كلبي نار عليها صار عشر تيام ما سامعه صوتها
غيث : كلت محد يروحلها ومحد يحاجيها ... كلت لاخوج سابقا بس تاخذها من بيتي بعد لتراويني وجهها
ناديه : مايصير هيج ... انت سامحت ابن اخوك .. وذاك يطب ويطلع ويسير علينه ولا كأن صار شي ... بس كلبك يتحجر تجاه بنتك القطعه منك ... شنو من كلب كلبك يااخي
غيث : طبعا اقسي عليها .. الرجال مو مثل المره شما يسوي محد يكدر يحاسبه ولا يتعيب ... بس المره باقل تصرف تجيب وصمه عار لبيت اهلها
ناديه : بدموع ما اكول غير حسب يالله ونعم الوكيل على كل واحد ضلم بنتي واذاها ... عافتهم وكامت
محمد : بابا خطيه خل اخذها تشوفها وارجعها
غيث : كلت لا يعني لا
محمد : بكيفك بعد ... يله من رخصتك ... اني رايح للكليه
غيث : الله وياك وليدي ... شبيك لك ليش تباوعلي هيج كوم اخذلك راشدي
امير : بغيض .. العفو بابا ... كام وعافه
روان : بكلبها... شلون يعني منخلص من الزفته براء ... هسه مو عرست المن كل ساعه جايبين سيرتها ...
امير: دخلت لغرفه ماما .... كافي لتبجين ماما انشالله بابا يقبل يخلينه نشوفها
ناديه : مسحت دموعها ...اني مو على مود ميخلينه نشوف براء ... بس القاهرني وره كل الي صار هو رجعت علاقته طبيعه ويه بيت عمك ولا كأن ابن اخو سوه شي غلط باعتباره مصدك اكو شي بينه وبين اختك .... لا ويطب ويطلع ويسير عليهم .... بس من توصل السالفه يم بنته .... يرفض يشوفها لو يسامحها
امير : صدكي ماما يجي يوم والله يبين الحقيقه ويندم بابا على الي سوى ببراء .... وكولي امير كال
ناديه : مسحت على راسه ... حبيبي رغم عمرك صغير بس تفتهم اكثر من الكبار
امير : بضوجه ... اني مو صغير راح يصير عمري عشر سنوات
ناديه : ضحكت وباسته .... فدوه ... رجال وليدي
امير : حضنتها ... اني احبج ماما
ناديه : بعد كلبي ... اني اموت عليكم كلكم
____________________
براء : كعدت الساعه بالتسعه بس شنو ... عندي نشاط فضيع ... ما اعرف ليش ... كمت غسلت ونزلت جوه واخذت حجابي وياي خاف يجي احد على ساعه ... لكيت بس خاله مريم كاعده ... صباح الخير خاله
مريم : صباح النور حبيبتي
براء : شو كاعده وحدج
مريم : هو كل يوم اكعد ويه الولد اسويلهم ريوك ومن يطلعون لو ارجع انام لو ابقه كاعده
براء : لعد ليش متكعدينه وياج
مريم : شعدجن كاعدات
براء : غير حتى نساعدج
مريم : عليمن تساعدني هو ريوك ... يله تعالي تريكي
براء : اوك ... بس تتريكين ويايه
مريم: ما اشتهي والله
براء : لا فدوه والله اضوج اكل وحدي
مريم : ههه ماشي
براء : طلعت بيض .. طكيته بالطاوه ... وصبيت جاي ... يله تعالي خاله ... كعدنه بالمطبخ نتريك ... ونسولف ... اكولج خاله شعجب قبلتي تسافرين ويه خالو لبريطانيا وتعوفين اهلج ومكانج
مريم : بعد زوجي وين ميروح اني وياا
براء : انتو من تزوجتو مباشرا سافرتو
مريم : لا وين صار عندي لؤي وزين وقصي يله سافرنا ... لؤي جان عمره اربع سنين من سافرنا
براء : هاا بس شو الشباب لغتهم العربيه كولش زينه ولا عبالك معاشو طفولتهم هنا
مريم : مو خالج جان ميقبل واحد يحجي انكليزي بالبيت يلعب جوله بيهم ... اذكر زين جانت عربيته كلش ضعيفه .... فجهاد من شافه هيج ... دخله دورات تقويه ... وحتى قران علم الشباب ... لتشوفين خالج هسه تره انشلع كلبه وياهم ... جانت اذا صير الساعه بالعشره بالليل و همه بعدهم طالعين يتعارك وياهم ... حتى نجمه جان كلش حريص على لبسها وتصرفاتها وميقبل تصادق اي وحده اذا متجي تكله جان صارم وياهم ... بس بنفس الوقت جان مصادقهم
براء : شكد حلو ... لعد البنات وين تعرفتو عليهم
مريم : قصدج جميله وشمس
براء : اي
مريم : شمس جانت موظفه وياهم بالشركه تعرف عليها لؤي عجبته وتقدملها ... وجميله صديقه حسن وسجاد بالجامعه ... اذكر اجوني طايرين من الفرح لان لكو وحده عراقيه بالجامعه مالتهم ووره فتره كلي حسن يريد يزوج ويريد جميله ... واني هم من شفتهن خوش بنات ما ترددت وخطبتهن
براء : لعد ليش كاعدات بالبيت ميشتغلن
مريم : رجولتهن ميقبلون ... همه من جنه هناك شرطو عليهن بس يتزوجون يعوفن الشغل وهنه هم ما رفضن
براء : حلوو
مريم : مثلج ... هسه تعالي كليلي شنسوي غده اليوم شكل البنات مطولات بالنومه ... خو نجمه تمبل مال نوم من جبتها ولليوم هي نايمه
نجمه : هاي منو كاعد يشيل غيبتي من الصبح
مريم : اني شنو خايفه منج ... مربخه اربعه وعشرين ساعه لو نايمه لو كاعده على الموبايل وعايفه الشغل على البنات
نجمه : اريد اعرف انتي امي لو مرت ابويه
مريم : خلي اكوم اجيب الماسحه وانتي ساعتها تعرفين اني شنو
نجمه : يبوووو لحكولي راح تكتلني مرت ابويه الظالمه
براء : ههههههه .... نزلت جميله وشمس يركضن على صوت نجمه
جميله : شكو شبيكم
شمس : منو مات
نجمه : بابتسامه ... صباح الخير شلونجن ... حبيت اجرب صوتي يشتغل لو لا
شمس : شالت شعرها ... شكد سخيفه دخيل محمد
جميله : الله ياخذج ... من وراج كعدت مريم تصرخ
نجمه : هو يا يوم بنتج ما كعدت تصرخ صوتها يلعلع
مريم : دمغتها ... عليمن طالعه
نجمه : عليه وافتخر
___________________
زين : طلعت من العمليه الحمدلله تمت على خير دخلت لغرفتي ... طبعا بمستشفيات العراق ماكو مكاتب خاصه للدكاتره كل غرفه يكعدون بيها دكتورين لو تلاثه ... واني صارت غرفتي ... مشتركه بين دكتور ودكتوره
اسراء ( دكتوره) عاشت ايدك دكتور ... ماشاءالله عليك تشتغل بكل سلاسه
زين : برسميه ... شكرا
اسراء : دكتور ممكن اسالك سؤال بس لتفهمني غلط رجاءا
زين : تفضلي
اسراء : انت متزوج ؟
زين : بدون مااجاوبها .... رفعت ايدي حتى تشوف الحلقه
اسراء : دكتوره ؟
زين : لا
اسراء : ابتسمت.. زين عندك اطفال
زين : ببرود ... لا
اسراء : شعجب
زين : بكلبه استغفر الله هاي شبالعه من الصبح ما سكتت ... حتى براء متحجي مثلها .... ماصارلي هواي من متزوج
اسراء : يعني كم سنه
زين : بنفاذ صبر لا اله الا الله ..... عشر تيام
اسراء : يااا بعدك عريس لعد ليش مداوم
زين : عفوا منج ... اني مااحب احجي عن حياتي الخاصه كدام احد
اسراء : باحراج اسفه على تدخلي ... بس حبيت اتعرف عليك باعتبارنه صرنه زملاء
زين : عادي ما مصار شي
علاء ( دكتور) : صباح الخير
ردو عليه
اسراء : تعال علاء اعرفك على الدكتور زين ... زميلنه الجديد
علاء: اهلا وسهلا دكتور زين ... تشرفت بمعرفتك ... رحت اصافحه
زين : صافحته اهلا بيك ... الي الشرف ... كعدنه نكمل شغل ... والدكتور علاء ... جدا محترم ... حتى اسلوبه حلو ويه المراجعين متواضع ويشاقه ويضحك وياهم ... عكس هالاسراء ... نافخه روحها ... وبس تلغي راسي راح ينفجر من وراها ... كمت اريد اروح اشرب جاي حتى احضر نفسي عندي عمليه بعد نص ساعه ... طلعت اخذت جاي وكعدت افكر بحياتي الي ادهورت باخر فتره ... خابرت ادم ... هاا ادم شلونك
ادم : هلا زين الحمدلله انت شلونك
زين : تمام ... اكلك شسويت بالشغله الي كتلك عليها
ادم : انشالله اقل الشهر يكون كلشي واضح كدامك
زين : خوش ... بس دير بالك تحجي بهالموضوع كدام احد حتى ابويه ... ما اريد واحد يدري لحد ما تصير الشغله
ادم : صار
زين : رحم الله والديك ... يله اترخص
ادم : الله وياك زيون
زين : غلقته ... ورجعت اشرب جايي علما يصير الوقت مااريد ارجع للمكتب وتضل هاي تلغي ... اجت ابالي براء .. والي صار البارحه ... ااااخ هاي البنيه راح تخبلني ساعات احسها بريئه وثوله ... وساعات جريئه وقليله ادب ... والي اريده حاليا تكمل دراستها حتى تامن مستقبلها ...لان مستحيل افكر بيوم من الايام اخليها زوجه فعليه الي ... باوعت لساعتي صار الوقت دخلت بدلت ودخلت لغرفه العمليات
براء : عفت البنات وصعدت انظف الغرفه واعزلها ... رفعت تراكي للفخذ وشلت شعري كبايه عاليه حتى ميضوجني ....وجبت المكناسه الكهربائيه ... لان غرفتي مفروشه ... كنست الصاله بعد معناه ويه القنفات لان ثكال كوه حركتهن ... ورحت للغرفه نظفتها ... ورجعت اعزل لملمت الغرفه وغيرت الفرشه وطلعت وحده ثانيه ... فرشتها ... اجيت اطلع لكيت قميص زين واكع بالكاع ... شلته ... ايدي رفعته لخشمي شميت عطره... يا ربي ريحته تجنن ... رجعت علكته بالشمعه وسديت الكنتور ... وطلعت للصاله اعزلها ... ندكت الباب ... رحت افتحها ... لكيت مريومه وايفان ... دخلتهم ... هلا هلا تعالو انطوني بوسه ...
ايفان : عادي نكعد يمج
براء : اكيد حبيبي..... طبعا ايفان يمكن عمره اربع سنوات ... بس كولش لبق وهادئ صوته مينسمع ... حتى مرات مااحس بي موجود كد ما هادئ عكس مريومه عمرها سنتين ونص بس وكحه ولسان ....يله تعالو... كعدو بالصاله ... علكت الهم التلفزيون على الكارتون... عندي ثلاجه صغيره طلعت كيكات وعصير انطيته الهم
ايفان : بابتسامه شكرا
براء : عفوا حبيبي ... وانتي مريومه ماكو شكرا
مريومه : وهي تفتح الكيكه ... رفعت راسها ... ثكرا
براء : هههه عفوا .... رجعت اعزل الصاله وهمه كاعدين ... اف كملت واخيرا .... صحت لنجمه تكعد يمهم خاف يتعورون كلشي يصير
نجمه : هاا براء صحتيلي
براء : اي فدوه تعالي كعدي يم ايفان ومريم علما اسبح بسرعه
نجمه : ميخالف
براء : طلعت دشداشه بنفسجيه غامقه .. وياهاا شال بنفسجي ... دخلت للحمام فتحت الماي الدافي وخليت غسول الجسم .. ودخلت ... اوو تاوهت مسترخيه بقيت دقايق وطلعت غسلت شعري وجسمي وطلعت بالبرنص
نجمه : نعيما
براء : بابتسامه الله ينعم عليج
نجمه : هاي انتي اطلعين كدام اخويه هيج
براء : اكيد لا
نجمه : بس ولج رجليج يخبلن شتخليلهن
براء : باوعت لرجليه ... ما اخليهن شي ...
نجمه : ديله روحي بدلي حتى ناخذ هالمخابيل وننزل
مريومه : انتي مخبله
ايفان : عيب هيج تحجين على عمه
مريومه : هتولي حكيره (ختولي حقيره)
نجمه : ولجج لتغلطين لا اكوم ابسطج ادبسززز
مريومه : برطمت وبجت
براء : لا لا نجمه ليش هيج حرام عليج ... شلتها بوستها ... كافي حبيبتي لتبجين هسه من يجي عمو زين اخلي يبسطها
مريومه : يدربها لاجدي ( يضربها راشدي )
براء : اي واخلي يكسر راسها اكو واحد يبجي مريومتنه الحلوه
نجمه : لا هاي العايزه انضرب على مود هاي ام شبر ونص ... شو اني ماخذه ابن اخويه ونازله خلي مريم تفيدج
براء : هههه طاحض عقلج ... اخذت مريومه يمي بدلت بسرعه ومشطت شعري وضفرته وضفرت شعر مريومه واخذت حجابي ونزلنه اني ومريومه ... دخلنه للمطبخ
جميله : يمه بتي هاي شطالعه
مريومه : هلوه
جميله : تخبلين روح امج
براء : انطيت مريومه لامها ورحت اساعد البقيه ... شحتسون غده
شمس : داوود باشا
براء : كولش احب هالاكله
شمس : حتى لؤي يحبها
براء : خوش لعد انطيني التمن حتى الكطه واطبخه وانتي سويها
شمس : خوش عاشت ايدج
براء : اخذته منها وكعدت الكطه .. كملته .. اذن رحت صليت ونزلت
جميله : تقبل الله
براء : بابتسلمه منا ومنكم ....... اكول خاله عادي اطلع بالحديقه شويه ... ضايجه
مريم : بنتي هذا صار بيتج وين ميعجبج روحي بس لتوصلين لمكان الحرس ... تره ميقبلون الولد وخاصه رجلج
براء : ماشي ... اخذت كتابي وطلعت اكمل روايه مغامرات الس كعدت .... بمكان بي مثل المسقف ... فتحت الكتاب وبديت اقره وين متوقفت ... وره ساعه كمت دخلت جوه ... باوعت للساعه .. بالوحده ونص هاي شبسرعه مشه الوقت
جميله : براء فدوه تعالي ساعديني نعزل الصاله قبل لا يجون الشباب واذا كعدو بعد ميكومون للعصر
براء : اجيت ... رحت عزلت الصاله اني وجميله غيرنه الديكور شويه وفتحنا الشبابيك حتى يتهوى البيت من الحديقه لان الحديقه صايره ... داير مداير البيت ... كملنا ورحت طبخت التمن وعفته بتهدر ... رجعنا كعدنه بالصاله خاله مريم تقره قران واحنه نسولف لان ما عدنا شي كملنا طبخ ... سمعت الجرس يندك
نجمه : كومي براء فتحي الباب
براء : ليش اني خو كومي انتي
نجمه : اصغر القوم خادمهم ... يله كومي
براء : باوعتلها صفح وكمت فتحت الباب ... صار زين بوجهي .... الله يساعدك
زين : خزرها ... ويساعدج
البنات: الله يساعدك
زين : ويساعدكم ...
براء : راح باس راس خاله مريم ... وصعد ... صعدت ورى
زين : بعصبيه ... ليش انتي تفتحين الباب وفوكاهه مالابسه حجاب افرضي واحد غريب لو واحد من الولد شافج بدون حجاب
براء : غير اندك الجرس .. وراح عن بالي البس الحجاب
زين : بحده بعد لتفتحيها انتي ... مفهموم
براء : مفهوم
زين : يله تعالي طلعيلي ملابس لبين ما اسبح
براء : اي ... رحت طلعتله بجامه سوده وبدي ابيض خليتهن على الجربايه وطلعت كعدت بالصاله ...
زين : سبحت وطلعت لبست واجيت صليت
براء : حلوو شكله وهو يصلي بخشوع .. وصوته من يقره السور ياخذ العقل ... خليت ايدي على خدي وكعدت اباوعله شلون يصلي ... يطول بالصلاه
زين : كملت وكعدت اسبح ... اباوعلها صافنه هاا شبيج
براء : فزيت لا ما بيه شي ... اكول زين
زين : كولي
براء : كلت تاخذني اشتري ملابس للمدرسه
زين : اي
براء : فاذا عندك مجال خلي نطلع اليوم واذا ماعندك عادي نطلع بغير وقت
زين : لا ماعندي شي من اطلع من العياده اخابرج تتحضرين حتى نطلع
براء : بس اني ماعندي رقمك
زين : وين موبايلج
براء : هذا رحت جبته اله
زين : فتحته ماخالتله رمز .. دخلت سجلت رقمي ودكيت ... هاج سجلته
براء : اوك... شكرا
زين : ببرود عفوا ... يله تعالي ننزل ... نزلنه لكيناهم جايين ... سلام عليكم
الكل : وعليكم
جهاد : هاا شو اليوم من وكت جاي
زين : لا نفس كل مره انتو متاخرين
لؤي : اي اليوم هواي شغل عدنه لان اجه وفد من بره
قصي : شلون وفد هو فول صكوك
حسن : انت ضل حاير بهالسوالف وشوف الله شلون راح يطيح حضك
سجاد : ولكم مااكدر اتنفس جوعان
زين : باستهزاء شهالغباء شجاب التنفس على الجوع
سجاد : هو اني اذا جعت مااكدر اتنفس ... انت ما عليك
زين : غبي
سجاد : براء تعالي اخذي رجلج من يمي اختنكت
براء : باوعت لزين .... اني معليه
قصي : طبعا عيني هذا حبيب الكلب تكدر توكف ضده
زين : تادب ...
براء : رحت اساعد البنات ... صبينه الغده ... تغدينا ... وكلمن راح لغرفته ... واني وكفت اغسل المواعين .... كملتهن وصعدت فوك .... دخلت للغرفه شفت زين متمدد عبالي نايم ... رحت غطيته فتح عيونه
زين : شتردين
براء : مااريد شي بس غطيتك
زين : همهم ورجع نام
براء : طلعت كعدت بالصاله .. اكلب بالتلفزيون ... ملل ... مللل ... يربي وين اروح ... اجتي ابالي شغله ... نزلت للمطبخ اريد اضيع وقت كعدت اسوي داطلي بديت اسوي ... وره فتره كملته رتبتهن بماعون مال تقديم وخليته بالصاله وطلعت للحديقه ... اخذت الساقيه ... سقيت الورد .. ونظفت الحديقه ... وصعدت للغرفه ... شفت الساعه صارت بتلاثه ... رحت اكعد زين ... كعد خطيه مبين عليه نعسان كوه كعد ... بدل وطلع واني طبكت الباب ورى ورحت نمت ....
زين : دخلت للعياده لكيت المراجعين منتظريني ... دخلت لمكتبي وبده السكرتير يدخلهم ... وراحد وره الثاني ... بعدين دخلتلي مره جبيره بالعمر ووياها ولدها ... تفضلو استريحو .. شنو ياذيج حجيه
الحجيه : ما اعرف دكتور جسمي كله يوجعني
زين : لبست نظارتي ... حجيه غير اعرف وين الالم بالضبط
الحجيه : دكتور جسمي كله ما اكدر اتحرك
زين : ماشي ... بالبدايه لازم تسوين رنين وبعدها من نشخص حالتج نكدر نعالجج وانشالله مابيج غير العافيه
ابنها : زين دكتور شوكت نسوي
زين : تكدرون هسه تسوو هاي البنايه مال السونار يم العياده روحو سوو هسه وتعالو ... تفضلو هاي الورقه ... راحو ووره ساعه اجو
ابنها : تفضل دكتور
زين : عدلت نظارتي واخذت السونار منه ... الوالده عدها انزلاق بالفقره الرابعه والخامسه ... لهسبب متكدر تتحرك بصوره طبيعيه وتتعب بسرعه... كتبتلها ادويه ولازم تسوي هالتمارين حتى يتحسن وضعها ... لان العلاج الطبيعي يكون افضل لمثل هالحالات
ابنها : يعني تصير زينه
زين : اذا تستمر على العلاج انشالله يرجع وضعها الطبيعي مثل ما كان واحسن
الحجيه : رحم الله والديك دكتور
زين : ووالديج حجيه
ابنها : شتامر دكتور
زين: .......
ابنها : شنو السالفه ادري بوك علني
زين : بحده ... محد جابرك تجي لهلعياده .. المكان متروس اطباء... تكدر تروح لغير دكتور
ابنها : لا دكتور بس هواي طلبت ... يعني الماعنده شيسوي
زين : ببرود : لو كايل ماعندك محد ياخذ منك ربع دينار ... وهسه تفضل اطلع
الحجيه : واتعابك دكتور
زين : ببرود ما اخذ فلوس الكشفيه ... اعتبرها صدقه ... تكدرون تروحون ... واذا ماعدكم فلوس الادويه اني ادفهن
الحجيه : لا رحم الله والديك دكتور ... الله يحفظك لشبابك
زين : ويحفظج حجيه ... طلعو ... خرب شكد ناس متستحي ... يجون ويخلوك تفحص وتسوي سونار وتشخص وتاليتها يكلولك ما عدنه .... اصلا اني ما ضجت لان ما عدهم بالعكس ما عندي اي اشكال اشتغل بلاش بدون مااخذ فلوس ... بس اكره الناس التتحايل مالها داعي هالتصرفات ... اكول من البدايه ماعندي فلوس ... صارت بالسبعه خلي اخابر بلوتي ...
براء :كاعده اشوف فلم .. ودك موبايلي شفته زين ...بهدوء الووو
زين : الوو اكلج ... براء يله كومي تحضري راح اجي حتى نطلع
براء : ماشي منتضرتك ... باي
زين : باي ... كمت اخذت محفظتي ومفاتيحي وقفلت العياده وطلعت
براء : ركضت طلعت بنطرون كابوي ... وقميص زيتوني وشال اسود وزيتوني وجنطه زيتونيه وحذاء سوده ركضت رحت صليت وبدلت خليت مكياج خفيف كولش لان وجهي شاحب وكعدت انتظره
زين : وصلت وعفت السياره بره ... دخلت سلمت عليهم ... وصعدت اصلي حتى نطلع ... دخلت للغرفه لكيتها مبدله
براء : بابتسامه الله يساعدك
زين : ويساعدج ... اباوعلها هي بيضه ولابسه زيتوني واسود طالعه تضوي ... ليش مالابسه صايه
براء : مو راح اقيس الملابس واذا لابسه صايه اتبهذل مو مثل القميص بس البس فوكه
زين : صحيح كلامها ... حضريلي ملابس لبين ما اسبح بسرعه واصلي
براء : شكد يسبح ... اي صار ... رحت فتحت كنتوره مدري ليش عجبني يلبس مثلي اليوم ... طلعتله قميص زيتوني .. وبنطرون اسود وساعه فضيه ومحبس بس شذره زيتونيه غامقه ... دخل هو للغرفه ...
زين : اباوعلها طلعتلي نفس ملابسها... ما اعترضت اخذتهن ... طلعي
براء : ليش ؟
زين : اريد ابدل ... بس اذا تحبين تشوفين ماعندي مانع البس كدامج
براء : وجهه احتقن ... اسفه .. طالعه طالعه ... ياربي شكد فشله ... يعني اله بكولشي تسالين ضربت روحي
زين : طلعت اصلي ... كملت يله براء لبسي عباتج ...
براء : اي اجيت ... لبست عباتي طلعت ... ياا نسيت
زين : رجعت ... هاي شبيها .. اجت
براء : زين البس هذا المحبس حباب
زين : باوعتلها ... انطيني ياا لبسته ... يله عندج شي بعد لو نطلع
براء : اي بس خلي اكل لخاله وخالو حتى نطلع
زين : باوعتلها متفاجاءه ... ليش؟
براء : غير همه الكبار ميصير نطلع بلا منكللهم ... رحت دكيت باب غرفتهم
مريم : تفضل
براء : هلوو
مريم وجهاد : هلوو بيج
براء : اني وزين راح نطلع اجيت اكوللكم
جهاد : براحتكم بنتي ماكو داعي تكليلنه انتي طالعه ويه رجلج
براء : ميخالف حتى اذا ... يله من رخصتكم باي
جهاد : الله وياج بنتي
مريم : باعجاب والله هالبراء ورده
جهاد : الله يحفظها
زين : عجبني كلام براء حبيت احترامها لاهلي ... اجتي مبتسمه
براء : يله نروح ... صعدنا بالسياره باوعت زين اخذ كلينس ولزم وجهي ... شكو
زين : مسحت الحمره ... عبالج ما الكفج
براء : ااف هسه شخاله اني
زين : واف افه بله حجي زايد شحاجي وياج اني مو كايلج مكياج ممنوع
براء : لارد
زين : طلعنه... و وصلنا للمول دخلنا يله تعالي شوفي شنو الي يعجبج
براء :
نزلنا اني وياا ودخلنا لقسم ملابس المدرسه ... عجبتني صدريه فصالها حلو ساده وبيها فيونكه .. هاا حلوه
زين : شوو...لا مو حلوه ظهرها مفتوح وزيكها شبيج
براء : غير راح البس جواها قميص
زين : ببرود حتى اذا ... متاخذيها
براء : بضوجه ... لعد اختار انت
زين : بعد احسن ... يله تعاي
براء : اخذ صدريه فصالهه بسيط بس كولش حلوه ... واخذ وحده ثانيه هم حلوه
زين : هاج اخذي ذني قيسيهن اذا ما عجبنج كليلي حتى نروح لغير محل
براء : اخذتهن قستهن حلوات يخبلن ... طلعت
زين : هاا عجبنج
براء : اي حلوات
زين : يله تعاي اختاري قمصان اني هالمره ماراح ادخل اختاري الي يعجبج
براء : عجبني واحد ... رحت اقيسه
زين : وين ؟
براء : اقيسه غير
زين : شو اخذتي بس واحد
براء : اي كافي
زين : لا اخذي بعد واحد او اثنين بكيفج
براء : ماكو داعي ... خزرني ...بدون نقاش رحت اخذت واحد ثاني ودخلت قستهن
زين : طلعت هاا كملتي
براء : اي ... رحنا وكفنه حتى نحاسب ... طلعت فلوسي حتى ادفع .. مااشوف زين باوعلي ...
زين : بحده هامس ... رجعيهن لا اكسر ايدج
براء : ليش غير ادفع
زين : احد كلج ماعندي حتى ادفعين ... رجعيهن يله .... دفعت وطلعنا
براء : وين حروح
زين : نشتريلج جنطه وقرطاسيه واحذيه
براء : دخلنا للمكتبه ... اخذت سجلات .. زين يا هو الاحلى النيلي لو الوردي
زين : النيلي
براء : تمام راح اخذه ...وزين اخذ علبه اقلام جاف .. واقلام رصاص ومساحات ومقطاطات ومسطره ومحفظه ... شتسوي بيهن
زين : الج مو الي
براء : عندي ملات العام كومه ماله داعي
زين : لا اله داعي يله تعاي ناخذ جنطه
براء : رحنا اخذنه جنطه نيليه بيها ورد وردي ... راح زين يحاسب وطلعنا ... رحنه لقسم الاحذيه .. اخذلي حذائين وحده سوده وحده بيضه والله مالها داعي هالمصاريف ... كملنا واخيرا ... طبعا اثناء منمشي اشوف البنات شلون يباوعله كبر ولا يستحن بس الفرحني هو مينطي مجال ... زين وين حروح هسه
زين : نتعشه ونرجع للبيت ... دخلنا للمطعم اجه النادل جاب المينو ... شتحبين تاكلين
براء : بكيفك
زين : باوعت للمينو ... ماعدهم اكله اسمها بكيفك... يله طلبي
براء : ضحكت ..بيتزا
زين : انطيت الطلب .. شتشربين
براء : ببسي ... وره فتره جابو الطلب ... زين طلب همبركر واني بيتزا
زين : اباوعلها شلون تاكل ... استغفر الله ...بحده براء من تستطعمين الاكل لتسوين هالحركات
براء : ليش شسويت
زين : لتتاوهين من تاكلين تحسسيني جاي ت... استغفر الله اخ منك يلساني
براء : مفهمت عليه هذا شبي ... رجعت اكمل اكلي ... كملنا وطلعنا للبيت ... بالسياره ... شكرا زين مااعرف شلون اشكرك ولا شلون اجازيك
زين : ماكو داعي للشكر هذا واجبي
براء : ابتسمتله
