رواية انت البارود وانا النار الفصل الثاني عشر بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
وطلعـو مـن وراي بصـورتي يشوهـون
وانـا بڪل الصـور ويـاي أخليـهم
الصحـبه تروح اذا بـعد العتـاب اعتـاب
مو صحبـانك المـا تـعرف شبيـهم
وڪلشي اتـوقع من الغـربة مامصـدوم
الهضيمـه تطيـحك النـاس المسويـهم!
يمـامه: بعد ماكلي ضرغام ابچي حته ماتعيدها قفلت التلفون وضلت ابچي ومقهوره واحس كلبي يوجعني انـا ضرغام حته من يجيبون اسـمه احسه الـي كلبي يضحك ابتسامتي تطلع ع وجهي مجرد مايجيبون اسمه لحد يلوم الاشخاص الي تحب لان كلب مايعرف منو يهوه الحب اعمـى هذا اصدق شي ينكال ماتدري اله طحت بـحب انسان من مستحيل يصير الـك
مادري شلون نمت بس حضنت روحي وضليت ابجي
كعدت الصبح فتحت غرفه رنـا لكيته ماموجوده
نزلت لكيته جوه غمزتلي وانا بكلبي كتلها ياريت لو تعرفين الي صـار رحت وراها لمطبخ بعد ماجاي تغسل مواعيـن ريوك
رنـا: ها بشري شنهي ولچ كليلييي شني صاررر
يمامه: رنـا امشي فوك احجيلج انا راح اصعد قبلج اسبح لان جسمي تعبان ومقهورة
رنـا: أسم الله لاتبين نفسج وتجبين شك لنفسچ اسعد هنا صعدي سبحي وانـا هسه اجي وراج.
صعدت اسبح وخلصت ورنا اجتني
رنـا: ها شكلج كليلي
يمامه: حجيت الها كلشي صار بيني وبين ضرغام وحدتت شلون كلي ابـجي حته ماتعيدين غلط احاجيها ومقهوره
رنـا: يمكـن خايف عليج مو اكثر
يمامه: خايف لو يريد يكـلي انـا ماريدچ ولا اهتم الج وهم صح على شنو يهتم
رنـا: يمـامه يمكن هوه راد يخلي حدود الج هم حته لاتكـولين غدر ب اخوچ واجاج انا جنت اعرف هيج رده
يمامه: بس مو هيج رنـا والله عصب وكتله كافي فهمت يكلي ابجي يعني راد يڪلي يطبچ مرض بس مستحي
رنـا: اي شويه أسلوبه قاسي وياج صار بس صدگيني يمكن مو قصده يجرحچ
يمامه: هوه غاضب شايف روحه
رنـا: شراح سوين هسه بعد لاتراسـلي أبداً
يمامه: طبعاً مارسله
وأحنه جاي نحجي اجتني رساله برقم غريب
يمامه: هذا رقم غريب راسلنيي ولچ رنـا
رنـا: ياهو ولج هذا شكيلج
فتحت تلفون وقريت رسالة
انـا اية يمامه اخت ضرغام وهذا رقمي واخوي كالي راسليها وافهمچ
انصدمت ليش راسلتني أيـه رغم والله حبيتها من اول مره وكلش حبـابة
رنـا: ردي وشوفيها شتريـد
يمامه: هلابيج ايـة شلونج
ايـة: الحمدلله زيـنه عادي اتصل عليج اذا محد يمج
رنـا: تصلي ولج خلي نعرف شنو السالفه حته اكمل احضر الغده
يمامه: تمام ثواني
كمت قفلت ألباب وتاكدت محد يسمع لو يصنت اتصلت عليها واجاني مرح
ايـه: ها يمام شلونج ولج
يمامه: نكول زينه
ايـه: خاف مو زينه بعد مابجاج اخوي البارحه
يمامه: شنو مافهمت شلون يعني
ايه: لاتستحين حبيبي ادري كلشي بعد الصار البارحة
اجه وسولفلي وكلي اتصل عليج حتى افهمج
ولايضل بالج
يمامه: تدرين بكلشي يعني حجه الج تدرين بي بجاني البارحه وشكد كرهت روحي
ادري غلطانه شلون اسوي هيج
ايه:لا حبيبي لاتكولين هيج بلعكس والله بس هوه
حجه هيج علمودج
يمامه:انـا ثوله ماعرف ستعجلت بقراري وهاي يمي رنـا هم لان كلشي تدري مااضم عليها
ايه: حشاج گلبي
يمامه: بس جان يكدر يحجي وياي عدل مو بعصبيه
ايـة: صح وياچ الحق بس صدكيني اخوي مو ضدچ هوه بس خايف يصير شي يضرچ او يضر سمعتچ صدكيني كساع وكلي سمعتها من سمعتي وتدرين من عرفت مراسله اخوي ماتفاجأت
يمامه: هـا؟
ايـه: اي والله بالعكس عچبني تصـرفچ حسيتج واضحه وماعندج لف ودوران
يمامه: أتمنى يضل بيناتنا ماتطلع سالفه
ايـه: سرج بير وصدكيني اتمنى اعرف منين الكه وحده مثلچ من صديقات هسه هاي الايام قليل تلكين هيچ بنيه
يمامه: هذا من ذوقج كلبي تسلمين
حجيت وياها رنـا وسلمنا واخذت رقم رنـا هم
رنـا: شفتي موقف مو حلو طلع بي شي حلو وتعرفنا ع ايـة وضرغام بـين موقفه
يمامه: اي مرات الخير يچي بطريقه غريبـة
وانـا اسولف وي رنـا حسيت عيونها تعبانه وكامت بس رادت دوخ ركضت الها كضيتها
يمامه: رنـا انتي تعبانه كعدي عوفي شغل ألبيت
رنـا: لا والله مابية شي بـس دخت عادي خلي انزل
يمامه: رنـا ترا اكو غيرج بالبيت يطبخ
رنـا: منو يمامه مسره لو خليني ساگتـه خية خلي انزل اگمل شغلي
يمامه: رنـا خاف انتي حـامل
رنـا: صـراحه ماعرف يايمامه انـا هل جاي احسب صار هواي بس ساكته لان دائمـا تتاخر
يمامه: شلون سكتينننن لازم تحللين امشي نكل أسـعد
رنـا: لا ماريد افرحه ويجوز اطـلع مو حامل
يمامه: باعي اذا صار عندج وجع او بطنچ لاسكتين
نزلت رنا تكمل الغده وكلشي تمام لحد العصر اسعد طلع وي شيخ ضرغام بشداشه السوده والسبحه ويطلع وي ألشيخ بكل وقت
رنـا نزلت شفناها كلش متاذية
رنـا: عـمه انا كلش متاذيه بطني راح اموت واتصل ع اسعد مايرد
خديـچه: خاف حبله ولچ امشي اخذچ لدكتوره
رنـا: عـمه چا شلون أطلع بدون مايعرف اسعد
يمامه: رنـا انا اكله من يجي مالج علاقه شلون يعني تموتين
كوه اقتنعت رنـا تروح لدكتوره ماتقبل تخاف من أسعد تطلع وهوه مو بالبيت لو بدون علمه
وره ساعه هيچ رجعن وقت المغرب وبشرتني امي باجمل بشاره
خديجة: حبلـة حبله مرت اسعد اجانهه الحفيدد
ماصدكتت من سمعت الخبر شبكتها وفرحت
يمامه: يمههه مامصدكه راح أصير عـمه يمهه اكو بطنچ هسة كرش صغير ههههه
خليت ايدي ع بطنها واضحك
رنـا: لحد يكل أسعد لحد م انـا اكله من يجي وبعدين أبشر عمي هم
صعدت رنـا فوك وصار اذان المغرب صليت بالهول وقبل لا اخلص صلاتي بركعه اخيره اجه اسعد
وباسني براسي تقبل الله يمامتي
فرحت وذكرت رنـا حامل كمت وبسته وشبكته
رنـا:
بعد مارحت لدكتوره واجأني أجمل خبر انـا حامل وبشهري الاول فرحت من كل كلبي واخيرا راح يجمعني بشي اقوه وي اسعد هوه ثمره حبـنا.
چان من زمان مشتريه حذاء صغير مال أطفال وضامته وي غراض عرسي حالي حال اي بنيه تتمنى يصير عدها طفل
خليت وره ضهري وفتح أسعد الباب
اسـعد: يمه ام شامه شكد تعبـان هسه نزاح تعب مني من شفتچ
رنـا: احبككك هوواي انـا تدري
اسعد: شبيچ تعاليلي خلي احضنچ واكفه عبالك شبح
رنـا: تقدمت اله خطوه خطوه وطلعت أيدي من وره ظهري
اسعد: شنـو هذا؟
رنـا:أسعد انـا حامل
اسعد: ججججذااااابة كوليييييي والله راح أصير اب اناااا
شبكني وضل يبجي
رنـا: انت راح اصير احلا اب انـا حامل وثمره حبنا راح تصير
اسعد: اريد كل عالم تعرف بحبـناا الله يقدرنـي واسعدج واسعد بنتـي
رنـا: منو يكول بنيه يـجوز ولد
اسعد: ماكو فـرق بس اذا بنيه تاخذ كل معزتچ ترا
رنـا: يااا أسعد انـا وحيده أهلي ترا متعوده ع حب ألي وحـدي ترا أروح لَ اهلي
اسعد: الله وياج نطيني بنتي وروحي
رجع شبكني وباسني مره ثانيه واخذ ايدي وباسها
بست انا هم أيده وكتله
رنـا: الله يخليك ألي ياابو بيتـي
اسعد: حبيبتي وام چهالي رناوتـي
ديري بالج تعبين روحج رنـا سمعيني لاتخليني اسوي مشاكل بالبيت
رنـا: انشالله حبيبي
نزلت رنـا وباركنـا أسعـد
يمامه: بالخير خويـة نشالله تخلي بين احضانك
اسـعد: صرتي عمه والله
يمامه: كون بنيه وتطلع تشبهنـي يالله اسعد وتركض وراي تكلي عـمه اغديلها فدوه انـا.
مرت الايام طبيعي بين حمل رنـا جان كلش متعب وحاولت اشتغل عنها ماخليها تتاذه مسره ماتهتم حته فراشها وملابسها ماتسوي بيهن أي شي.
اسعد رچع شغله بـ شركه ويبات وينزل ايـة علاقتنا قوت بينا گلش هواي وفرحت رنـا بحملها ودائما نحچي ونسولف اتصال بس بعد مافتحنه موضوع ضرغـام ولا أي شي.
ايـه
اخـوي أليوم ماطلع ڪال جايني بعض شباب يشوفوني حضري الگهوه النـه.
اول مره تصير عدنا لمه شباب او اصدقاء ضرغام منهم صحبانه ومنهم مايعرفونـه عن عرف صديقه ثاني وضـرغام طبعا بيتا مفتوح لـكل قريب غريب
أي شي مانرده.
حضرت الگهوه وامي راحت لغرفتها تنام لان تعبانه چانت حوالي ب٩ بليـل قصص ماي هوبس
رحت وانـا امشي بين الصاله تفصل عن الدوانيـه الجبيره مالتنـا حته اصيح ادك الباب ويجي ضرغام ياخذ گهوه من المطبخ واسمع اصواتهم كلش عالية
وسـمعت واحد يحچي
الولـد: والله بنات هذا الوڪت عرضهن بضيم ماكو ولد مايحجن ويا شرفهن....
نصدمت انـا شلون كاعد بيتنا وكدام ضرغام يحجي هيج وطبعا اجه الرد من اخوي
ضـرغام: بناتتتت الناس لعبه ولگ وكاعد تحجي بيهن وب اعراضهم ماتستحي انتَ محد معلمك الرجوله
الولـد: ليش شيـخنا اذا بنيه أرخص من رخيصه وتنزل روحها انـا احفض سمعتها ليش
ضـرغام: اعراض الناس مو لعبه وانت كاعد تحجي عبالك سلعه عندك خوات والشرف غالي
الولـد: انت لو تعرفها ماتكول هيچ شيخ اكيد
تعرفهم بت
ماخلاه ضرغام يكمل كلامه كدام الكاعدين
اخذه واجه على صاله ماكدرت اطلع ركضت
جوه الدرج لبدت بسرعه واسمعه يكله
ضرغام: ولك بتمن هاي الجاي تحجي عليها وبنص
بيتي وبين الكاعدين
الولـد: بت يعقوب شيخ
يكولون سمعتها صارت بالگاع رخيصه وسهله
بتهم چبيره
هوه يحجيي وانا نصدمت نصدمتتتت من موضوع يقصد يمامه يمه دخيلك ربي جاي يصير
الولـد: وحته صورتها عندي اوكف أراويك يـاها
ضـرغام: امشييييي اطلع من بيـتي ناقص الغيره والرجوله تحچي على شرف بنيه غايبه
لو عندك كلمة رجـوله ماتحجي عن بنيه ماتعرفها
ضـرغام: هذا بيتي واللي ما يعرف حدوده لا يكعد بيه ومامرحب بي بـعد
ضرغام: رجع دخل عليهم وبقى هوه واكف بصاله انتو كاعدين هنا شنو جابين هيچ واحد ناقص رجولة بيتي معكدينه
يمكن محد. حجه مااسمع اي صوت طلع ضرغام وركع باب بكل قوته واخذه للحديقه ركضت وراهم
على كيفي ولبدت وره بردت مطبخ حتى محد يشوفني
ضرغام: تحچي على شرف بنيه وتكلي عادي ولک تعرف شعمل بيك أليوم وانت بنص بيتييييي
الولـد: شيخ شيخ والله مو انـا حجيت والله نقل ألي وحجيته
ضـرغام: وين تعرفها شلون تعرف هالسوالف وشلون وصلتك صورتهااااا احچي الصدك لا اسويك عبره لكل بشر يحجي عن شرف بنيه
الولد: اخـت يمامه هيه طلبت مني أسوي هيچ ودزيت صورتها الي وگالت احجي عنها يم مجموعه زلم وانا اليوم اجيت يمك وكلت أفتح موضوع وحته فلوس كالت أنطيك
ضـرغام: طلعلي تلفونك وامسحححح صورتها كدامي يلاااا
ضـرغام: اسمعني زين الرجال ما يقيس شرف البنات بصور ولا بحچي ناس.وإذا مرة ثانية سمعتك حتى تجيب اسمها ع لسانك مو بس صور تنمسح انت تنمسح من هالدنيا واسويلك عبره لكل بشر يحجي بعرض الناس
الولـد: الله يخليك شيخ لاتفضحني والله انتهت اسفه انـا وهسه اعتذر من الكل قصص ماي هوبس
ضـرغام: غلطتك مو بس بالحچي غلطتك صدكت وحده تبيع أخته بهيچ موقف
طلع الولد بعد هواي حديث منه هوه وضرغام رجعت بساع قبل لايشوفني وسد الموضوع ضرغام ونبه الكل انو الولد جان غلطان ومحد يفتح موضوع والكل جانو وي ضرغام
صعدت فوك غرفتي وانـا اتصل ع يمامه بس أريد ترددد
يمامه: ضليت چوا يم رنـا واسعد واحنه نشوف رنـا يوم عن يوم تكبر بطنها بالنسبه الي انـا بعدني أنام بغرفه سالم وهم رنـا حامل جنت اشووفها اذا تحتاج شي ومسره الي ماتحجي وياي ولاتقلدني
صعدت فوك بعد تعب ولكيت تلفوني محترك من اتصال من ايـه نصدمت شبيها تتصل عليه بهذا وگت وشبيها ورساله وره رساله
ايـه: رديييي وينجججججج صارت طركاعه عليج اتصلييييي لاتراسلينننن
اتصلت عليها وانا قلقه كل ضني متعاركه وي خطيبها او ضرغام تصلت وهيه صدمتني بالكلام ألي كالته الي
ايـه: حجو حجو عليج ممجموعه شباب وعدهم صورتچ ولج ضرغام موته لزلمه وسد الموضوع واختج ولج اختججج طلبت منه هيج يسوووي
-تحجي بس ماجاي افهم كل كلامها نزلت عليه شي وره شي صدمه وره صدمه كل ماتحجي شي تصدمني بالشي اقوه.
حجتليي كلشييي وانـا مانطقت حرف واحد
ع شنو انطق ع صخام وجهي لو على حجي نحجه عليه يم ضـرغام هسه شيحجي يصدكني لا لو بس دافع عني اسعد اذا دره هيج شراح يسوي راح تقوم القيامه وابوي مستحيل يصدك مسره تسوي هيج
مسره هاي درجه وصلت بيج الكره دزي صورتي لشباب ويحجون ع شرفي وين وصلت بيچ حقاره
وانا صافنه ودموعي تنزل ع خدي وطب ضـرغام بصياح ع ايـة
ضـرغام: لچ ايـه كاعده توصلين أخبـار الهاااا
ايـه: خويه والله بس ردت اكلها والله
ضـرغام: سكتتتييييييي طلعين اسرار بيتناااا
نخلست انـا من يمي وبس ابجي واجاني صوته
ضرغام: وانتيي انـا الي احجي وياچ عندي وياج حجي ماخلص
سد تلفون ونسدالخط كعدت ابجي الطممم ع روحييي شحجي شكول اسعد موجود ياريت اكدر اروح رنـا نهد حيلي بعد ماكدرت اوكف ع حيلي
ضـرغام: اذا تكدرين اتصـلي
يمامه: جانت ساعه ب١١ ونص فتحت الباب الكل نايم واسعد هم قفلت الباب غرفه وانـا ارجف من الخوف فتحت الخط وسمعت صوت ضـرغام
ضـرغام: شنو اللي چاي يصيررر شنو هالسوالف اللي طالعة عليج
ماحجيت اي شي بس ارجف وصوتي يرجف وانشاغ وابجي من الخوف والقهره
يمامه: والله والله ما سويت شي مو انـا والله ماعرف اي رجال ماحاجيه وي اي احد هسه غيرك صدكني والله ضليت احجي واحلف
ضـرغام: يمامه سمعيني
رديت عليه وانـا ابجي
يمامه: ههـا
ضـرغام: إذا أكو أحد يأذيچ گوليلي أختچ هيه اللي داخلة بالموضوع
يمامه: والله راح اموت صدكنيي اذا سمع اسعد يموت مسره والله
واذا خبر وصل لابوي يموتني مايرفله جفن والله والله احجي وابجي
ضـرغام: يمامه لا تخليني أسمع منج كلام ضعف والي سوه هيج يستحق گلشي أختچ لعبت لعبة مو مالها وأنا ما أقبل أحد بهذا الشـي
يمامه: واسعد والله يموت نفسه قبل لايكتل مسره
ضـرغام: أسعد اذا عرف بالموضوع قبل الحقيقه
ما راح أگدر أضمن شنو يصير بعدين وشنوي يسوي كلشي يمي محد يجيب أسمچ مره ثانيه
ضرغام: صورتچ شلون اخذتها مسره شبيج انـا احجيييي وانتيييي ساكتهه وتبجين شنو هذا احترام مو احاچيج انـا
يمامه: چا شنو اكول بيا تفشيل وجه احجي ماعندي رد وعصبيتك تزيد خوفي اكثر
ضـرغام: وانا حذرتهم كلهم بموضوع صوره وصورتج انمسحت
يمامه: ماعرف شلون اشكرك لان صدكتني
ضـرغام:ألبشر اعرفه زين ومـو زيـن واعرفچ انتي ماتسوين هيج وراسچ مرفوع
يمامه: اشكرك
ضـرغام: كلفتي نفسچ انتبهي هاي فترة من اختج لاتخلينها تلزم تلفونج وديري بالج لا صورج
يمامه: صـار.
_____يمامه______
سد خط ضرغام وراح بس انا حيل ماضل عندي
شلون صداكني ماجذبني شسوي المن اكول المن
احجي هل شي صار ماينسكت عنه اذا اكل لاسعد
هسه يكلي وين دريتي اواجه مسره تنكر وتبقى
تألف وتصيح حتى الكل يلتم علينه بقيت الطم
وخنه بصدري شلون هيج تسوي بيه شلون وانا اختها
تشوه سمعتي بقيت الطم على صدري لحد ماختنكت بعد ماكدرت اتنفس احس اريد اموت بقيت ادعي ربي اخذ عمري وريحني ربي اخذ روحي تعبت
شنو ذنبي وانا افكر الف تفكير اذا سمع ابوي شراح
يسوي بيه اي راح يموتني هذا كاضم الي يمشي
وره مسره هذا كاضم ابوي الي يتمنى اموت ويخلص مني اخخخخخخخ ليش ربي ماحسيت على روحي بعد اله على صوت امي
خديجة: شمالج نايمه بلكاع مو احجي وياج شنهي
هم تردين تردين لسوالفج
يمامه: هلا يمه لا بـس دخـت ومادري بروحـي بعـد
خديـجه: بـسج هل عياره بطـليهن كـومي البـيت
هـوسه رنـا بعد حبلـه شيلي الشـغل عنـها
يمامه: لـيش تجين بـس عليـه شنهـي مسره مدللـه
البيت محـد يكلـها على راسـج ريـشه
خديـجه: شنهـي ولج تراددين وطالـعلج لسـان كل
الصـار حتى هذا الگـره من وراج تسـتاهلين اكـثر
واكثـر هذا كله قليـل بحقج
يمامه: نزل دموعي وهيه تحجي ليش يمه ليش
انا هم بتج ليـش شسـويت كلكم ضدي
عافتنـي ونزلـت كمت غسلـت وجهـي وكلت اروح
اول شي اشـوف رنا بدلت كملـت رحت على رنا
لگيـتها بلكاع متمدده وانا صرخت يمه الزهره ولج
رنا شبيج ردي عليه ماكو لاتحـرك لاايـد ولارجل
صرخت على امي وهاي اول مره اصيح عليهـا بسمها
اسعد: يمامه ولج يمامه شبيها
يحجي وصافن ماكدر اوصف الموقـف الي هـوه بي
خديـجه: شـو كومـي بسـرعه جيبـي طماطـه ورشـيها
ملـح
اسعد: بسررررررعه يمامه بسرررعه
نزلت ركض مسره كاعده ولايمها عفتها لان مو بحالهـا
اخذت طماطـه ترستـها ملـح صعدت هاج يمـه
بقت امـي تخليـها بحلكها وهيه نايـمه تفتح حلگـها وتعصر بي ماي الطـماطه لحد ماشـركت كحت
طفر عليهـا اسعد
اسعد: شبكـها وصرخ ولج يمه رديتـي روحي الي
خديـجه: يمه مابيـها شي هاي صايـر عدها هبوط
اسعد: يمامه
يمامه: ها خويـه
اسعد: بدليلها بسرعه اجيب سياره واجي ناخذها
لدكتوره
يمامه: صـار خويـه
خديـجه: جيبـي ملابسـها بسرعه كومـي يمه خلي
ابدلـج
هنا رنا بجت من امـي كالت الها هيج
يمامه: يلا حبيبـه كومـي اسعد ينتضرنا بدلتـها وكملـت اجه اسعد
اروح وياك ماعوفهـا
خديـجه: انا رايحـه انتي وين موليـه
يمامه: ماعوفـها اسعد
رنا: اسعد اريد يمامه فدوة
حجت هيج بصوت ناصي واني لازمتهـا قبل
اخذت عبايه من رنـا وطلعـنه نامـت بحضني وبقت
تتقيئ واسعد مسودن ويمشـي على كيفـه
وصلـنه لدكتوره دخلت وياها امي وانا واسعد بقيـنه
ننتـضر على نار بعد تحاليل طوليه وسونار لهناك وطلعـو
اسعد: ها يمه بشري شنو شبيـها
خديـجه: يمه كالت جاره متقدمـه ماتتحـرك ابد
وضغطـها نازل ودمها 9
راد يطيـح اسعد سندته بكـل قوتي
لا خويه لاتضـعف شغلات بسيطه وتنحل بحيل الله
بعد ماخلصـت رنا مغذي طلعت ورجعنه للبيت
وصلنـه وصاح اسعد على مسره
مسرررره صخااااااام
اجت تركـض هاخويه
اسعد: حضري جربايه لرنا بسرعه
مسره: شنو جا يمامه وين خلي تسوي جاي انضـف
اسعد: شكتلج سوي ولاوحك هوه علي هنا ادفنـج
حضرت الها من وره خشمهـا دخلت بسرعه عدلتها
ونيمتـها بعدهي ماكعدت كالت اريد اتقيئ
جبت يمـها سطل وخليت بي علاكـه وعلى هل حاله
بقـت لااكل لاشرب ماي ماتكـدر تتقيئ
يوم عن يوم تدهور حالتها وانا ماعفتـها ولاثانيـه كاعدين واجت امهـا وابوهـا
رحب بيهم اسعد وامي تلكيتهم دخلت امهـا شافتهـا
متغيره كبل بجت رنا ضلت تبجـي
خديـجه: ياخيه ام رنا شنو سالفـه مايجوز خيه سمله
مابيـها شي بعد هاي حبله تعرفين
سلوئ: الحمدلله اخذها وياي خيه ماخليها على ماتصيـر زينه
خديـجه: يا طريق بعيد موزين عليها
_مانشي حيـل ماكدر اروح واعوفـها
انا كاعده يمها وبقت تبجـي
يمامه: شبيج حبيـبه عليمن تبجـين
رنا: اريـد اروح وي امـي
يمـامه: ترحيـن والله ترحيـن بس سكـتي كطعتـي گلبي
رنـا: حبابـه قنعـي اسعـد اروح اريـد اروح
اجه اسعد وحجت ويا خاله ام رنا وماقبـل
اسعد: خالـه طريق بعـيد شلون تروح وتعرفـين وضع
ماكدر اخـاطر بيها والله خلـها تصيـر زينه وانا اجيـبها
رنا: اسعـد اروح وي امي فدوه
عافهـا اسعـد وطلع وهيـه بس تبـجي
سلوئ: يمه لاتبجين انا راح اكل لابوج وابـقى هنـا يمج يروح امـج اروحلـج فدوه كـون الوجـع بيه
ينـدار يمه
يمامه: اشوف خالـه سلوئ هيـج تحجـي وي رنـا
وتبـجي وتبـوس ايدها وراسـها واني نقهـرت ليـش
ماعنـدي ام مثلـها نزلت دموعـي لاارادي من شفتـهم
راحت خاله سلوئ وكلت زوجهـا تبقـى كم يوم يم
رنا وهوه قبـل بقـى يمنـه على غده وراح
تشكر منه اسعد على جيتـه وخله امها يمها
رنا: كم يوم وراجعـه شبيـج تبجين لاتخـليني ما
اروح يوميـه اتصـل عليـج
واعـرف اخبارج
يمامه: لا هاي هيـه سكتت نشاء الله حبيبه اهم شي راحتـج توصلون بسلامه
سلمـنه عليـهم وطـلعو شمـرت ماي وراهـم
دخلنه رحت للمطبـخ احضر العشـه على وكـت
كملتـه وكعـدنه على السفـره نفس كل عاداتنـا بالعشه او بڪل اكل مانحجي اي شي فقط اصوات مواعين موجود ورنـا مكانها خالي وطبعا مهم راحتها نريدها ترتاح وفچاه اتصل تلفون ابوي اكثر من مره
كاظم: يمامه كومي جيبلي تلفوني ع الشحنه بالغرفه
كمت من عشاي رحت لغرفة اخذت تلفون ورجع اتصل مره ثانيه الشيخ محسن عم ضرغام
رجع بيه الزمن ليوره وانـا طفله وشهدت ع كلام محـسن وابوي شلون سوه جريمه سوه واعرف كلش زين محسن مايتصل ع ابوي اله وقت مشاكل لو مصيبه چبيره لان كايله من قبل
انت واحد شراني ماتعوف ثارك بالنص وعرفت راح يامره بشي مره ثانيه يدهور احوالنـا
نطيت جهاز ابوي وكتله شيخ محسن اباوع لَ ابوي وكانما جان منتضر اتصـاله اخذ تلفون وطلع بـره
حاولت أسحب روحي من العشه بحجه خلصت وطلعت ع كيف وره ابـوي
