رواية انت البارود وانا النار الفصل الثالث عشر بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ ﴾
🕊🕊🕊🕊🕊
تـلاكينا بـ هلا ودمعـة
وتفـارڪنا بلايـة اعـذار
امـوادع ومـوت
محـد يـدري شنـي الـصار
🕊🕊🕊🕊
طلـع أبوي وعاف العشه لمينه السفره ولكل ضل. كاعد واسعد ضايج ومقهور ويفكر بـ رنـا وسالم هم ضل كاعد طبعا خلال هاي فترت مرضي سالم كلش تغير وياي وصار نسخه من اسعد بالحق وكلش حبيت هذا التغير ضلينا كاعدين بالهول كل أحنه وفاتحين باب وفجاه نسمع صريخ ونـاس تركض تطلع من بيوتها
مافهمه اي شي طلع سالم بره واتصلو ع اسعد
اسعد: جاي يصير شنهي
ماعرف شنو رد علية ولااعرف منو اتصل علية رد علية اسعد
اسعد: ياهووو كتله ولك جاين جاينن هسه
اصوات شرطه وسيارات رد علية امي بخوف
خديجة: شني يمه يبست دمي كلي شنهي صايررر
اسعد: ابو معتز انق تل ومات
سالم: اسعد انقتل وسام امشييي نكلبت الامه بيتهم والدوانيه والشيوخ واهله
اسعد: يماا وين ابوي غيررر يوكف ويانـا غير نروح نشوف شنهي الوضوع
ردت عليه سعـاد
سعاد: جا ابوك طلع شي أكيد وصله الخبر تلكه هناك
سالم: امشي اسعد
طلعو واحنه ضلينه وحدنا من الخوف وكل وحده تحجي شكل شلون مات ومنو الي قتلة ويامن عدهم عداوه وشنـو راح يصير اذا صارت عركه عشائر راح تعلك ومحد يفضها ضليت بره بالحديقه واهز برجلي
معقوله كشفو ابوي معقوله عرفو شنو رد فعلهم احجي لو اسكت وضلينا على هاي كعده اكثر من ساعه ودخلو ابوي واسعد وسالم
كاظم: انقتل شنهييي مطوقين الشارع ويردون ياخذون عالم كلها
ركضت امي بس سمعت صوتهم وطلعنا نركض وانـا رجليه مايشيلني حته أمشي
خديجه: وين رحتووو شصاير ليش الشرطة بكل مكان خوفتونا ضل بالـنا يمكم ياهو قتله
اسعد: الوضع مو طبيعي المنطقة كلها متروسة شرطة ومـحد يعرف ياهو قتلة بس مبينه راح تعلك
سـالم: چا هوه وسام منيلة عداوه وي احد يعني منو يق تله بس اريد افـهممم
سـالم:دخلن جوااا بساع
دخلنا جوه وطفينه كلوبات البيت حته نفهم شرطه شتريد وامي تريد تموت دك وتلطم
خديجه: يمه شيردونننن من عدنا شيردون من ولـدي ليش دخلونـا
يمامه: يمه سگتي هسه نفـهم شني صاير بس على كيفج لاطيحين
خديجه: ولج هديني خلي اطلع ألهم شنهي داخلين بيتنا يدورن مجرم مثلا
عاطت بيها سعاد
سعاد: ااييي بسج كافي عاد خلينا نعرف شنهي يحجون
وسمعنا صوت معتز يجي مقابيل بيتنا ويصرخ
معتز: همه قتلو ابوي همماااااااا هذووول هذا اسعد والله اسعد
رعبتنا هـاي كلمه وطحنه بمصيبه مابيها أي طلعه
شرطه چانت واكفه وتريد تحقق ويـانا وي اسعد
معتز: حته ألشيخ جبته وياي هوه شاهدددد عليهم
والله سيدي دخلي بيتي ويريد يقتلني وهذا الشيخ يشهد
ضابط: ممكن واحد يفهمنييي چاي يصير اسعد انته ليش متشبه بيك
اسعد: سيدي ماعدكم أي دلليل انـا قاتله ومن انقتل انـا جنت بالبيت وخابروني يعني نمشي بشور جهال
معتز: سيدي اسئل الشيخ هوه شاهد راد يقتلني هذيج مره وهسه قتل أبوووووييي ولك اعفنك بالسجن يا اسعد اعفنك اخليك تبوس رجلي وماطلعك اخذ ثاري ابوي اخذه اقتلك اقتلك محد يدخل تنحل عشائريههههه مو قانون
يحجون هيچ وانـا دموعي تصب كلشي جاي يسوي ابوي من شر جاي تطلع بينا وبزره وهسه جريمه طاحت براس اسعد ماتحملنـا وامي ضلت تلطم ودك
كوه لازمينها ماتطلع
شيخ ضـرغام: سيدي صح جانت اكو بيناتهم سالفة بس مو قتل سالفه عائليه وحليناها بيناتنـا غير هيج انته ماتكدر تاخذ اسعد لان ماعندك اي دلليل علي لاملموس ولا شاهد وانـا چنت موجود وكت المشكله مالتهم وكتلك اسعد ماسحب اقسام جان مجرد خلاف بسيط وهمه الي غلطانين واحنه صابحين الحك
ضرغام يحجي واحس يلامس جرحي واهدء بس ياهو يهدء كلبي ع اخوي ابوي راح يدمرنا كلنه كلنه
معتز: جاي اكلك ثار ابوي اخذه وفاتحه ماسوي الة اخذ ثاري منك ياأ اسعد اخذووو والله تحققون ويا
عاط بيه ضـرغام
ضـرغام: انـااا ابوي انقتل وصار اكثر من20 سنـه
ولسه مالكيت قاتل ولسه ادور بلكي الكه طرف خيـط بألي سوه بايوي هيچ وقتله وماشكيت باحد ولاحجيت عبن هذا اتهمام مو سهل ادور شخص قتلة حتلو سنين صبري يضل حته ساعتها أقتل الشخص الصح
من حجه هيج ضـرغام زاد خوفي اكثر ورد عليهم
ضلو يحجون وشرطه تسمع وماكو اي دلليل يخلونهم ياخذون اسعد لكن معتز ابقة مصر اذا ماخذو يقتله وهوه مجرم حته ضـرغام حاجه وكله لاتستعجل بقاتل ابوك تلكه
لكن هوه ضل مصر اسعد وصاح بيهم ابوي وداهر وي شرطه
كاظم: امشي راويني عرض جتفاگ مو جاين بنص بيتي دورن مجرم وصدكون بزعطوط شلون شرطه ماتعرف تتشغل عدل
شـرطي: رجاءً التزم بالأدب هذا إجراء وهنه نحقق بأي شخص مشتبه بي
كاظم: ادب الأدب عرفو انتو جايين تهدوني بنص بيتي وتسوّون نفسكم أبطال وانتو تمشون بحجي زعطوط طلعو منا ديرو بالكم توصلون ولدي
شرطي: مو انته تعلمـنا شغلنا اذا نريد ناخذكم كلكم هسه
كاظم: تسوون نفسكم تعرفون قانون القانون نعرفه أكثر منكم اخذوا كلامكم واطلعو هذا بيتي مو شغلكم
بعد حجي وعركات وي ابوي وشرطه تعصب ابوي ودفعهم وكبت العركه وصاح شرطي اخذو اسعد
خديجه: ولككك ولدي كـاظم ولدييي اخذو اسعدددد شلون خليتهم ياخذونه شلونن
كضها سـالم ورد عليها
سالـم: يمـا ع كيفج لاطيحين والله يرجع ماكو اي شي بس لان عاندهم ابوي
كاظم: شنهي عاندتهم بالعباس اطيح حضهم
خديجه: كااافييي كاظم دمرتنا ضيعتنا شوف أول تالي اسعد يروح لسجون ولك سالم طلع أخوك ولك طلعهههه
ضرغام: عمـة وعد يطلع انـا ماعوف صاحبي بهيج وضع بس خلينا نهدء ولحد يعاندهم تره يشدونها ويانـا وبالاضافه معتز راح يقدم شكوه علية وتعلك
أباوعلهم وانـا ابجي وساكته ليش هيج كلشي خرب مالحك اخوي يفرح بطفله سجنو ومرته مريضة ليش كلشي ضده احس محد عده سر مثل اسرار بيتنـا ضليت ابجي ومابيدي اي شي ع اخوي اسعد بس من عرفت ضرغام وره سالفة اطمئن كلبي اعرفه يضحي بروحه علمود اسعد مايتركه باوعت مسره
وكتلهااا وانـا ابجي
سعاد: كافي تتعاركن انعل ابوجن لا ابو اسعد
يمامه: سعادددد ديري بالج جيبين طاري اخوي ع لسانج ترتاحن منه مو طبعاً بس اسـمه يصكرچن
سعاد: شقصدج ولج
يمـامه:فهمتن قصـدي كلش زين
راحو كلهم لمركز وضلينا ندعي بلكي يطلعون اسعد
ضلت امي بالهول وتلطم وتدعي بحركه
خديجه: ياريبييييي لاتفجعني بوليدي ياربي طلعه الي سالم غانب يالله
ضلينه ننتضر وننتضر لحد مارجعو بس كاظم وسالم
يمـامه: وين اسعد سالم وينه ليش ماطلع مو كلتو راح نجيبه ويانـاااا
خديجه: وين وليدييي ولك كـاظم تريد تفجعني بـي شلون طبيت لبيت وابنككككك موش وياك
ضلت امي تلطم وتشلع بشعرها الي يشوفها يكول تخبلت صارت مسودنه تصيح ب اسمع اسعد
سـالم: يمه فدوه رحتلچ دخلي لاطيحين المن اصير
خديجه: ولك تكلي دخلييييي ولك ادخل جوه واسعد بالسجن ولك كاظممم ماتحجييييي
أبوي بس مدنك راسه وكانـما خرجت الأمور عن السيطره ماجان حاسب معتز راح يشك ب أسعد وتورط كل ضنه راح تنسد سالفة مثل ماسوه جريمته أولئ ومحدد يـدري بي لو يدفع الثمن بس نسه عنده بزريه راح يدفـعون اغـلاطه
صار بيتـنا مثل فاتـحه مجرد شكوه من معتز وشك من شرطـه اسعد مشتبه بـي مايعرفون حقيقه
مايدرون مچرم ابوي واكف كبـالنا وخاطر بحياته أبنه
سالم: رافعين دعوة وصار من المتشبه بيهم
ردت أمي وتحجي لـ ابوي
ضليت ابجي وادعي الله يخلصنا من هاي مصيبه
كوه دخلنا امي جوه ونامت بدون ماتدري بنفسها وكالو نضل وره سالفه شي اكيد ماتضل هيج وضرغام راح يخلي محامي يسهل ألامر وأتفقو هيچ
صعدت فوك غرفتي ضليت محتاره بين أرسل ضرغام وبين لا مانطاني كلبي اعوف اسعد راسلت ايـه
يمامه:- ايـة ضرغام وين بالبيت
ايـه: أي راح يسودن على اسـعد جاي يحجي ويتصل ويخابر حته جان هذا مسودن يمنه ابو شرب معتز يمه وضرغام يحچي ويـا
يمامه:- اي شگال ماقبل يرفع شكوه عن اخوي
ايـه: لا بس صدكي لاتخافين ضرغام گال اطلعه مايضل هناك ارتاحي
يمامه: ايـه كلبي جمر مايبرد راح اموت
طفيت تلفون وماجاوبت اية بعد حركه بكلبي ع أسعد شلون يطلع خاف معتز يحقر اخاف ابوي يتخله ويضحي ب اسعد علمود سمعتنا وسمعت جدي بيت شيخ يعقوب شلون بـ رنًا اذا عرفت اسعد بالسجن تموت ماتتحمل هيج قهره
يمامه: چـا هذا اخوي انضلم عمت عيني هوه هناك بين ضلام وانـا كاعده خاف مايطلع فدوه لاتعوفه طلـعه الي
ضرغام: اسـعد ماينضلم وانـا موجود
يمامه: لاتعوفه فـدوه خلي يطلع اريد اخـوي منك
ضرغام: يطـلع
يمامه: والله والله كول والله
ضرغام: إذا ما طلع شاربي مو إلي مااكعد بين الزلم
اذا ماطلعته
يمامه: خايفة عليه راح امـوت ماتحمل انام واخوي هناك ماعرفت وين اروح محد يفكر ب اسعد مثلك
ضرغام: خلي الخوف الي انتي بس لا تبچين وتفكرين بشـي ونامي رغـد انـا وره سالفة
يمامه: رجعه اريده منك
ضـرغام: أرجّعه الچ لو أخلي الدنيا كلها تنگلب نـامي رغد ولاتفگرين
بعد ماحجيت وي ضـرغام حسيت بأمان وعرفت راح يطلع اسعد مستحيل يعوفة نمت وانـا فاقده شي مني ومن روحي ماكدر اتخيل غياب اسعد بالبيت
نزلت جوا يم مسره شعندي فوك واسعد ماموجود ورنـا ماموجوده نزلت ولكيت مسره مو بالغرفه
بس تلفونها ع جربايه شدني فضولي افتحه واشوف شنو اكو ولكيت جايه الها رساله من معتز
اعفنه بالسجن والله واخذ حق ابوي وحقچ
ماضل بيدي حيل بعد وانهدم حيلي احس رجليه مايشليني وانـا واكفه دخلت مسره وعطت بيها
يمامه: ولچجج مممسرهه شلون هيچ تسوين ولج تتعاونين وي شخص ألي سجن اخوج ضلم
رحت الها بدون ماخليها تحجي او تفك حلكها وجريتها من شعرها وكتلها راجديات ودفعات شبعتها كتل واصيح
شلون هيچ سوينننن ولج ياصلفه لج وين وصلت بيج حقاره اشرب من دمج اليوم مسره اليوم محدد يخلصجج منييي
دفعتني كانما اجتها لحظه ادراك مو مسره تسكت ندفعت بكل قوتي وكضيت ب الحايط
يمامه: لججج مسره اخوج هذاا ومرته ع وشك ولاده ولچ مسره تردين اسعد يضل بسجن ماخلتني اكمل كلامي
مسره: يمامه ثقي بالله اذا حجي طلع هذا ورساله طلعت صدكي ماتلومين اله نفسج خاف هذيج مره ماتخبلتي اطلعها روحج خليج انتي تموتين روحج بايدج.
اخذت تلفون وطلعت من الغرفه وانـا ضليت كاعده
ثاني يوم البيت گئيب والوضع متخربط حايرين نطلع أسعد ومعتز مايتنازل عن الشكوه وابوي مستمر
يعارك بشرطه كعدت الصبح رحت سالم
يمامه: سالم شنو اخبار اسعد والله تكطع كلبي خويه
سالم: صدكيني يطلع انـا وضرغام هم وره سالفة ابوي جاي يخرب شغل يروح يتعارك وياهم ويرجع
يمامه: تدري رنـا راسلتني ماجاوبتها چا شكلها تكلي لسه اسعد مايحجي وياي مايرد علية
سالم: ديري بالچ مو تكليها اسعد بالسجن
يمامه: لا شلون اكلها تبقه تفكر وطيح وهيه منا حامل
سالم: انـا اخوج هم يمامه بمكان اسعد يمكن ماجي بحنيته ويمكن ماتحبيني مثله
يمامه: انتَ اخوي شلون ماحبگ حب خوفك عليه هذيج مره تسوه الدنيا صدكني احبك انـا بس ماجنت تقبل نحجي وياك واسولف مثل اسعد دائما تحجي علية بس أسعد حنيته ماتنوصف احس ضايعه بدونه
سالم: يرجع اسعد لاتخافين
عفت سالم وطلعت شفت امي بعدهي بس تبجي وماتطلع من الغرفة وماتحجي وي احد سعاد مالها علاقه تنضف وتطبخ وتحجي عن أسعد ابوي مايلفي للبيت يروح يتعارك وي الشرطه ويرجع يطلع
ضلينه نتضر يوم يومين واسعد بالسجن
يوم الـه ٥ أسعد بالسچن
اتصلت عليه رنـا وانـا من انسجن اسعد لسه ماتواصلت وياها لان بس احاجيها ابچي وافكر بالطفل فتحت الخط عبن طكت روحي
يمامه: منين سمعتي منو گال لج
جاوبتني وهيه تبجي
رنـا: يعني صدك مو چذب اسعد بالسجن يمامه جاوبي شمسوي اسعد مستحيل ياذي احد لو يقتل احد
حتاريت شجاوبها وشلون اهديها وهيه بس تبجي
يمامه: اهدي والله راح يطلع مابقة شي صدكيني اسعد مابي شي بريء
رنـا: يعني محد كالي أنا آخر وحدة أعرف ليش هيچ ليش ضمون عليّ.
يمامه: رنا خيه لااا تسوين هيچ صدگيني الوضع مو سهل علينا كل احنه كلها متاذية
رنـا: يمامه أني كلبييي انكسر مقهوره أسعد بالسجن وأنا مادري شلون أتحمل عايفته وحده وانـا كاعده بيت اهلي سوده بوجهي
يمامه: ع كيفج وي روحچ خيه فدوه فكري بـ ابنج الي بطنج
رنـا: باجر اجي ماتغمضلي عين بـعد
يمامه: تخبلتي رنـا شسوين جايه اذا اجيتي شنو مثلا راح يطلع
رنـا: ماتغمض عينيييي يمامه باجر اخلي ابوي يجيبنـي
ردت اعرف رنـا منين عرفت ب اسعد واحنه كلنه مانكول الها
يمامه: منو الي كلج اسعد بالسجن
رنـا: مسره خابرتني كالت كاعده ورجلج بالسجن خلتني مسودنه ماعرف اتصرف
يمامه: مالج علاقة بحجي مسره
سدينه تلفون وضليت اهدي بيها.
طلعت من الغرفة جانت كلها نايمة طلعت اشوف واشم هوه وادعي بلكي اسعد يطلع ويرد النه سالم
وسمعت ابوي يحجي بتلفون بالبستان
كاظـم: انـا مشيت شغلك وكتلك وسام بس مال يطيح ابني بسالفه وانته ماتساعدني هاي واكفه
لاتخليني اسوددددن واطلع شري الك محسن
ماعرف شرد عليه محسن جاوبة ابوي
كاظـم: ماانطيكككك مهله ابني راح يصير الة أسبووووع بالسچن ومعتز يريد يكتله قاتل ابو ويكتله الك مهله يوم محسن اذا ابني ماطلع اروح واحجي كلشي عنك
رد عليه محسن وخله ابوي يرد عليه برد اقسى
كاظم: انته تعرفني انـا ماخاف ولا استحي مستعد اشك هدومي واكعد باب بيتك وبس تطلع اكتلك
جيب قاتل وخلي يم معتز وطلع ابني من سالفة
سد التلفون وانـا ركضت بكل قوتي رجعت لغرفه
وافكر شراح يصير ثاني يوم من الصبح
اجت رنـا جايبها ابوها وراجع كعدت لكيتها موجوده وضيم حالها وتبجي ومتاذية
يمامه: رنـا لاتبجين خاطر ابـنچ الي بطنج اسعد مايرضه بهمج
رنـا: مافرح ب ابنـااا رحت لدكتوره وكالتلي ولد مالحكت ابشر مالحكتت يفرح وسجنوووو
خديجه: سوده بوجهي يايمـة شوگت تفرح يايمه
ضلن يبجن وانا احاول اهديهن كل ضيمي وقهري جنت اطلعه يم ايـة لان رنـا حالتها بضيم
اتصلت علية ايـه وكتلها اجت رنـا وسئلتني عن حالي
ايـه: لاتضعفين انتي اخت اسعد يضل راسج مرفوع يطلع مابقه شي عيونج راحن من ابجي صارلج اسبوع كل ماحاجيج تبجين
يمامه: مو بيدي ايـه مو بيـدي ماكدر انـام ماابجي
ايـه: والله ضرغام وره سالفه
جاي تحجي واجه يمها ضرغام
ضـرغام: ياسالفه شبيج ايـه
ايـه: جاي احجي وي يمامه كطعت روحها من البجي ع اخوها اكلها اخوي وره سالفه ماتقنع
ضـرغام: اسعد يستاهل تبجيله وتنتضره العمر كله
من كال هيج ضليت ابجي بزايد اي صدك اسعد يستاهل عيوني ينمعن اله عزيز روحي هذا اخوي يستاهل انتضره العمر منا للمغرب ابوي اخذ سالم وكال
راح نجيب اسعد ونچي عرفت سوه تمثيل وخدعو الشرطـه ابوي ومحسـن ضلينه ننتضر ونبجي رنا تبجي وامي تدعي وتبجي مامصدكين منا لليل دخل اسعد ولحيته ماعرف بس شفته بجيت اكثر
ركضتله امي وتشم بي
خديجه: “يمه رجعت والله رجعت اسعد انته كدامي يمه وليدي
اسعد: يمه لا تبجين أنا بخير مابيـة شي عدت
خديجه: كلبي وعقلي كله يمك كل ليلة أدعي ما يصير شي الك ضليت مثله ميته يمه اسعد البيت ماريده بدونك
شبكها وضلت تبجي اجت رنـا ودموعها تصب وشكبته
رنـا: مشتاقتلك حبيبي هواييه صدك رجعت مامصدكه شتاقيتلك شتاقيتلك حبيبي ابو ابني شلون هيچ تـروح وانـا مو يمك
اسعد: على كيفج رنـاوتي اموت اذا صارلچ شي ماتحمـل اشوف دموعج هذا انـا يمج مابية شي
رنـا: “أنا مو قوية بدونك البيت بدونك مابي طعم
اسعد: انـا هسه رجعت واقويچ واصير الج كل قوه
ركضت اسعد بعد ماتحملت انتضر
يمامه: خويـه عمت عيني عليك
اسعد: يابعد اخوج عزيزتي ياروحي
يمامه: والله متت والله خوية هديت حيلي مالي غيرك بالدنيا
ضليت ابوس بيه وهوه يرد يشبكني
مسره سلمت عليه فقط الحمدلله على السلامة
كانما ماتريده يطلع ونصدمت شلون طلع وهيه ومعتز كايلها ماطلعه اعفنه بالسجن
اسعد: لسه انـا مافاهم شي بويه شنهي هذا صار
سالـم: مثل ماسمعت اسعد محسن لكه القاتل والقاتل اعترف كدامك هوه كتله
اسعد: ليش ماسجنووو
كاظم: عبن هـاي سوالف تنحل عشائريه مو قانون
ومادخل القانون بيها
سالـم: بلحالتين طلعته غلط معتز راح يكتله وين مايشوفة وهوه من غير عشيره يعـني اذا كتله راح تصير ثـار وعرك بين عشاير
كاظم: نارهم تاكل حطبهم مهم ابني يمي مالنا علاقة بـعد
سولفت النه رنـا هيه رايحه لدكتوره هناك وعرفت هيه بيها ولـد
طلع اسعد والحمدالله والشكر ارتاحينا بس مانعرف مضموم النه شنو تعب ضرغام هواي بخصوص اسعد
فتحت تلفون وراسلت ضـرغام يمكن مسئلت اسعد خلتني اتواصل وي ضرغام اكثر
هل مره ماكتله ضـرغام
يمامه: شكرا الك شـيخ اسـعد طلع
ضـرغام: على شنو ماسويت شي
حتاريت شنو اجاوب كتبت بعد صفنه طويله
يمـامه: مو بس انت تعبت لحاولت وخليت محامي ما عفتنا وحدنـا ماخليتنا نحس بغياب اسـعد شلت مكانه
ضـرغام: ما سويت شي چبـير أسعد قبل لايگون أخوج هوه اخوي وصاحبي
يمامه: “لهذا السبب أگلك شكراً نيابته عنه كل احـنه
ضـرغام: المهم هو رجع والباقي ما يهم انـا بعشوي امـر واشوفة
يمـامه: اخذ راحتك انـا اسفة خاف ازعجتك ردت اشكرك
ضـرغام: ماتجيني اذيـة منج بالخدمه تدللـون.
اجه ضـرغام بالهول كعد نفس اول مره اجانـه وانـا اباوعله هوه حته مايعرفني جان
ضـرغام:اي شلونك يخوي خوفتنا كل احنه
اسعد:عدت ع خير ياخوي والله ماعرف شني هسه راح يصير
جانو يحجون وانـا واكفه بالغرفه اسمعهم
ضـرغام: الولد الي كال انـا قتلت وسام موجود بس محد يعرف وين ضام روحه ومعتز بس يشوفه يكتله
اسعد: وهيج راح تعلك
ضـرغام: انـا خايف يطلع الولد بريئ وينكتل هيج شلون راح احلها انـا كَ شيخ عشيره شلون اتصرف كلها براسي اسعد ناس تجيني وتروح مابيدي شي
اسعد: شنو يضملك مو هوه قاتل ليش شاك بالولد
ضـرغام: انـا صارلي سنين ادور ع قاتل ابوي اسعد وانته تشهد شكد لكيت صعوبات ماخليت احد ماتواصلت وياهم بس مالكيت طرف خيط
نوب وسام شخص عـادي يطلع قاتله بسرعه
ضلو يحجون ويحجون عن عرك راح يصير ومصايب جايتنا بطريق ودع اسعد ضرغام وراح
رنـا
بعد مارجع اسعد من السجن بخير وسلامه
رغـم اسعد مامرتاح وكال ماتعبر ع خير
لان القاتل سلمو لعشايـر
أسـعد: يايمه شكد مشتاكلج ردت روحي والله
رنـا: انـا من عرفت اخبارك ردت اموت والله ماكدرت مارجع للبيت حسبالي زعلان علية لان رحت ل اهلي
ضلينه نايمين على جربايه وحاضنته حيل ونسولف
اسعد: انـا هم مشتاكتلج ياحبيبه كلبي انته
رنـا: امم شنو مقرر نسمي الطفل
اسعد: ادم
رنـا: ابو ادم انـا احبك هواي تدري
اسعد: انـا هم احبج ام شامه وداعت شهر رمضان راح يجي انـا هايب بيچ
شبكته بكل قوتي وحضنته ماريد اكوم من حضنه اخاف يطلع حلم وماموجود يمي
يمـامه
أجه شهر رمضان واول يوم رمضان المغرب
سمعنه صياح بالمنطقه وهوسه كانما بده جنه خايفين منه طلعو لولد كلهم وانـا ضاله اخاف من يطلع اسعد خاف يرجع ينسجن وهيج صار خفنه منه
معتز لكه الولد وقتـله ويصيح ويكول اخذت ثار ابـوي الكل طلع وانخبصو خبص بوكتها يريد معـتز هسه يسوي تشيع وفاتحـه ابو بس اجو عشيره الولد وضلو يحجون ويهدون بينـا انو الولد مضلوم وماعده عداوه وي وسام ولايعرفه وناخذ ثار ابـنه
رجعو الولد ومايتحاجون حجت امي
خديجه: هسه شنهي صار ولكم
اسعد: معتز قتل شخص بريئ وهسه عشيره الولد يكولون يطلع من عدكم بشارع لو نلمحه نقتله حتلو اي شخص كان لو جبيركم وهمه ناس كلش شرايين
سـالم: يعني ماكـو لاعطوه ولاشي حاولو يوصلن الحل بس صارت عرك وهسه شيخ ضـرغام خبر كل الولد محد يطلع من بيته
كاظم: ترا الولد هوه قاتل شنهي بعد يوكفون ضدنه ويهددون عشيرتنه يعني يكتلون واحد من عدنا نسكتتتت
اسعد: بـوية موضوع حدد الكل معتز شمرنه كل احنه بطركاعـة
-أي الي صـار هيچ ماكو عطوه وعشيره تفتر بكل ساعه بكل دقيقة تتمنى تلكه احد من عشيرتنـا
حتـة ترجع ثار ابنـهم خفت ع شيخ ضـرغام خفت
ينعاد زمن وينكتل ضـرغام مثل مانكتل الشيخ إيـهاب ٢٠يوم من رمضـان مرن ومحدد يطلع ضلت نسـوان هيه تروح لسوك ولكلشي ويريد يطلع مايخلونه اهله خوف عليه يطلع مايرجع عشيره تكتلـه رغم شكد راد يطلع اسعد وسالم الظهر
بس امي تمنعهم تكلهم اطلع وياكم وانكتل وياكم
الشيخ ضـرغام ناس تجي بس مابيده اي حل
حته هوه مايطلع وامـه ماتخلي حته خطار يجونه خوفن يغدرونـا دخلو شيوخ واسـطه بيناتهم
بعد حجي هـواي ومابقة ع العيد الـة
عشره اخيره من رمضـان انطـو عطوه لـمده٧ ايام
وشدوه رايـه العباس هم لگن هنا عرفنـا حته يحلف جذب وشدو رايتـه ب النك.. يبقه نكـ.... وحلفان مايشمله
اخواني يطلعون بس مو هواي ب عطوه حته ابوي مايخليهم حس انو چاي يصير شي مو سهل زلم ماجاي تطلع من بيوتها لمـده شهر كامل من رمضـان
بعض ناس تطلع تسوك وترجع مطمنه للانهم حلفو بـ العباس مايسون شي
اسعد: يمه انـا اروح اتسوك للفطور
خديجه: لو تموت اسعد ماتطلع رجلي ع رجلك تريد تموتنييي
اسعد: يـمه عطوه ترا عطوه وهسه جيرانه هذا
سيـف راح يروح لسوك وياخذ حته مرته لدكتوره
واروح ويا
خديجه: اسعد وحق الزهره يايمه رجلي ع رجلك خلي يكتلوني وياك
كملت امي الفطور ورنـا تعبانه وبشهر لـ٨ هيه وصلت ساعات قليل تغير كلشي وسمعنا اسعد ينزل من الغرفة ويصيح
اسعد: بووويهههه كتلووو صاحبي بويه سيفففففف كتلوووو شدو رايه العباس ضحكووو علينهههه
مجرد ماكال هيج كل البيت صرخ وضلت يبجي
اسعد راد يطلع وي. سيف لو رايح جان اسعد الي ميت هسه شدو رايه ابو فاضـل هذا يرهب شلون هيج كسرو الوعد
كاظم: شني ولك ياهووو كتله ولك شنهي يكتلونـا وهمه حالفين
اسعد: ضرغام خابرني هسههه امشي كلها هناك كتلوو الولد هوه ماخذ مرته لدكتوره وجهاله ثنين
نزلو عليه كتلوووو ومرته واكفه بصفه بشارع نزلو عليه وبقو يرمون وهوه حاضن مرته وجهاله ومرته
تحاميهم بعباته وكلهم ماتو بلشارع محد وصل الهم
راحو اخواني وابوي دم شخص راح بالكاع عبالك مو بشر شلون هيج عدهم ينزلون ع شخص ينهون حياته بطلقه شراح يكولون الله بـاجر شنو ذنب الاطفال الي ماتو شنو ذنب المره الي رايحه لدكتوره حتى تعرف شنو بيها حامل بأي ذنب قتلوهم
محد سوه فاتـحه لان هـمه كسرو الوعد وهسه صارت عركه بين الاثنين لاهمه يسكتون
ولا احـنه نسكت وين ماواحد يشوف ثاني يكتلـو
وياخذون ثـار سيف البريئ.
ضلو عشيـرتنا سلاحها وتفتر وطلق ورمي
بس ماكتلو احد اخر ليله من رمضـان تفطر ابوي
وطلع سالم واسعد ماطلعو لان وضع بره يـخوف
خابر ابوي
كاظم: يلاا تـعالووو على مدرسـة نكضهاااااا ناس تجمعت
سالم: شنهي بـوية شنهي
كاظم: جاي يرمون عليـنه ولكمممم جيبو سلاحاتكم وكلشي يكعد بالبيتتت يلبس شال ويكـعد
كامو الولد يطلعون المسدس وبندقيـه وگلشي
وامي تلطم وتصرخ عليهم
خديجه: ولك يمه تريد تروح تكتل رواحتكمممم تخبلت انتتههه فكر بمرتك ولك
اسعد: يمـه عوفينـي الله يخليچ تعدو عليـناااا شتريدنا نسوي نثيه ونكعد بلبيت
ضلت رنـا تبجي
رنـا: اسعد بداعت ادم لاتروح
اسعد: كل زلم طلعت مو عيب عليج تكليلي ابقه هـنا رنـاااا
سالم: اسعد خابرني ضرغام كال تاخرتووو
انـا تخبلت هنا حته ضرغام راح برجليه للموت
اعرف كسرو الوعد وكتلو شخص بريئ بس مو هيج
طلعو الولد سالم واسعد واحنه مااعرف شلون اوصف حالنا والمن اصير رنـا تبجي وتلطم وامي بره ماطبت
ساعات قليل والسـمه صارت عباره عن شي احمر
طلق ورمي يرمون عليـنه ونرمي عليـهم
ركضت بكل قوتي جوه ولزمت تلفون ايدي ترجف رجف ماعرف لمنو اروح كبل ايدي راحت ع اسم ضرغـام.
دكيت دكيت ومارد ضليت اتصل خايفه صار شي وايدي ترجف ادعي من كل كلبي ماصار شـي
رد علية باخر اتصال
ضـرغام: الـوو شتريد
عرفت اكو احد يمه وحاجاني باسم ولد
حاجيته وانـا ابجي
يمامه: ضـرغام ارجع فـدوه ضـرغام اسمع الاصوات
رجع اخواني وارجع
ضـرغام: مانرجـع بويـة مالك علاقة همه الي كـسرو الوعـد زلم احـنه مانخـاف
يمامه: ضـرغام الله يخليك لاتهد حيلييي أخواني ضـرغام
ضـرغام: الله ويـاك
بعده ماسد الخط وسمعنـا اصوت
ولك تصاوب ولك تصاووب لحكوووو
كال هيج الولد وصار صريخ ورمي اعله
وماسمعت بعد اي صوت لـ ضـرغام
ياتـرى منـو الي تصـاوب ضـرغام لو اخـوان يمـامه؟
شنـو راح يـصير بين عشايـر؟
وماسمعت بعد اي صوت لـ ضـرغام
ياتـرى منـو الي تصـاوب ضـرغام لو اخـوان يمـامه؟
