رواية هو لا يشبههم الفصل الثاني عشر بقلم تبارك الوائلي
"لا تسأل امرأةً لماذا تبكي.. لأنّها ما كانت لتبكي لو وجدت حضنًا أحنّ عليها من الدّموع."... 🤍🤍
جمانه : رجعنه و مرينه على اهلي وعمتي ويايه كالت .
_ ابقي عمه وعود صالح يجيبج بالليل من
يجي علينه .
جمانه : كلتلها ، ميخالف وراحت و كعدت اني وامي احجيلها على بسام كالت .
_ ميخالف تتعلمين حبيبتي ولبسي شال جوها هم تثبت على راسج وهم عيب زوجج بالسجن .
جمانه : اي البس يمه الله كريم .
اجه صالح وسوت سندس عشه لاحضت سندس ضايجه لان صالح يبات يمنه صراحة هم حقها
كلت الامي .
_ يمه كولي الصالح يوصلني ويرجع خطيه سندس .
_ شكو يمه على شنو خطيه .
_ يمه زوجها وتريده يمها حقها احجي ويا انتِ كليله ليبات يمنه بعد والله ماعلينه شي اشو عمتي من المغرب تقفل الباب ومتفتحه ابد .
_ لا يمه لا ، ابوج يقبل ولا هو يقبل معليه بي .
_ اي اجيت ياله مع السلامه .
سلمت عليهم وعلى ابويه كال .
_ الله وياج بابا .
جمانه : رجعت البيتنه وصدك شفت الفرحه بعيون عمتي من شافتني واخذت نور تبوس بيها نور
صارت تمشي وتحجي ولسانها عسل صاير فدوه لبنيتي راحت عمتي واشترت طلي واني اخاف منه ربطته بالطرمه وتنطي اكل ونور مكيفه بي وتخاف منه من بعيد تكعد وتباوع عليه هنا صار البسام شهرين من انسجن وعمتي فرحانه تنتضر طلعته وراحت مواجها اله ومكيفه تريد تعرف موعد طلعته علمود تذبح الذبيحه وتعزم عليها راحت تضحك
و اجتي تبجي وتلطم واني وطيبه مصدومين
_ شكو عمه يا ساتر بسام بي شي اكو شي .
_ ولج عمه ناقلي السجن بوكه اشلون بيه اني ياربي .
جمانه : فهمينه عمه فدوه اني شمعرفني بوكه هذا وين صاير .
ام بسام : يكولون بالبصره منو يوديني عليه واني ماندل ادزمن وراك يمه ادز ابوك ادز اخوتك اخ يمه اخ يوحيدي ضعت من اديه يا بعد امك .
طيبه : يمه فدوه على كيفج زين ماسالتي ليش نقلو مو على اساس يطلع وره شهرين .
ام بسام: جذب يمه ، يكلولي لو سنه ينسجن لو سنتين عقوبه السلاح والسجينه .
جمانه : اني من سمعت سنه وسنتين ماعرف
شصار بيه ما اعرف ابجي عليه لو على حضي الي صارلي 10اشهر من رجعت اله سبحان الله عبالك مامكتوب انعيش سوه الك بيه حكمه ربي بعدها كعدنه انسكت بعمتي مادري نبجي وياها حقها عمتي ابنها وحيدها ورحت فرحانه خطيه علمود تسمع خبر طلعته تالي ترجع بخبر حكمه ، كعدت عمتي ثاني يوم كالت .
جمانه : الله كريم عمه بكيفج انتِ ليش ماطالعه تلتهين بالسوك .
_ لا عمه مالي خلك راح اروح اشوف جيرانه بلكي يذبحه .
_ اي بكيفج .
رحت دكيت من المبايل على ام ميس واجتي امي وحجيت وياها على بسام نقلو للبصره نقهرت امي
كابلتني وصارت تبجي بقت شويه و راحت و راها اجه صالح خطيه كال .
صالح : شنو هل خبر جمانه .
_ اي والله عمه راحت للمواجه وكلولها ناقلي .
عمتي كامت تبجي وتحجي الصالح كال الها .
_ الله كريم عمه ان شاء لله تفرج وتفرحين بـ طلعته.
جمانه : بجيت وكتله ، لا صالح اشلون نحجي
اوففف يا بسام اسويت بروحك وشسويت بينه
بعدها بنته هسه كامت تحجي حتى ماعرفت ابوها زين .
صالح : كافي جمانه لشوفج عمتي كافي ماعلي
شي خلو بلكي يتعلم ويعقل ويصيرله درس .
طيبه : ان شاء لله صالح بس والله ابن خالك
ماتصور يعقل .
صالح : لا طيبه يعقل بعده مراهق هستوه
طب بـ 19 سنه .
_ الله يهدي شنريد منه احنه .
جمانه : راح صالح واجه جارنه بالليل وذبح
الخروف وضمته عمتي وكل ضنها يطلع وتفرح
بي ورحنه نمنه
النور ونلعب اني وياها واهلي اروح كل اسبوع اني وطيبه ونور نتمشه عليهم لان قريبين علينه هم بشارعين علينه ، فرح ولدت وشهد حامل رحت اني وعمتي وطيبه نبارك الفرح جابت ولد يخبل خدوده مورده كعدنه وسولفنه وغيرنه جو وعمت اخواتي اشلون مره خيره وصاحبت ملكه وحارت شجابت ضيافه النه وشالت فلوس انطته النور بيدها وكالت الها هاي مال قاط الج ونور تضحك وتكمز يمها كلتله.
_ ليش خاله كلفتي نفسج .
_ لا انتِ هم بنيتنه انتِ وبنتج .
سلمنه وطلعنه للبيت ومرت الاشهر علينه وعمتي قررت اتروح للبصره تسال على بسام وتشوفه
وصار موعد روحت عمتي للبصره واجتي امي تبقه يمنه وراحت عمتي باتت ابيت خالتي لان اتفقت هيه وحميد تروح للبصره وبقت 3 ايام هناك واني وطيبه وامي كضيناها سوالف اجتي عمتي
فرحانه لان شايفته وماخذه صوره هيه ويا وجايبه رساله منه ورقه راسم عليها شموع واسم نور وكايل اله يمه سوو عيد ميلاد نور ليش مامحتفلين بيه كايلتله يمه اني بيا حال احتفل بنور بس هو مصر انسويلها عيد ميلاد لان اول سنه الها واخذت الرساله
_ اي ادللو ليش لا
رحت كلت العمتي وكالت روحي اخذت نور ويايه
لان ماكدر اعوفها ورايه متصبر عليه وغسلت البيت وياهم وسعفت خيوط العنكبوت كله وهم يرشون بصونده واني اغسل الا ، ان نضف البيت ونشفنا بالماسحه وقفلو وصلوني البيتنه وراحو وره اسبوع نتقلو بالبيت ويعزلون واهلي راحو يسلمون عليهم وفرح وشهد وعمتهن هم اجوي يسلمون عليهم
ورحنه اني وعمتي وطيبه هم سلمنه ورحبنه
بنزلتهم يمنه ، عمتي قررت تسوي عيد ميلاد النور وسمعت كواكب وكالت اني اسوي الكيكه النور حبيبتي اشكرته وعزمتهم كالو منكدر نجي واجوي اهلي امي وسندس وفرح وشهد وصديقات طيبه جيرانه الي تروح يمهم وحتفلنه بالعيد ميلاد وجابت عمتي مصور يصور علمود تاخذهن اشوفهم البسام اذا راحت والكل جاب هدايه النور كمل العيد ميلاد وراحو الكل .
_ اني صديق بسام واريد اسال عليه اشوكت يطلع .
_ واني ليش تسالني ذيج امه تكعد العصر بالباب وروح اسالها ولتوكفني بعد بالشارع رجاءً .
_ زين العفو اختي بس ردت اسال عليه مو اكثر .
_ لا اخويه ما اقبل .
مد ايده طلع فلوس وكال النور.
_ هاج نور اخذي عمو اشتري .
_ رديت بعصبيه ، لا متاخذ بنتي من احد افلوس .
_ واذا اني عمها مابيها شي .
_ عفته ورايه يحجي ورجعت خايفه منه لان طيبه حاجيتلي كل اصدقاء بسام يشربون ومو خوش شباب رجعت للبيت ، اجتي عمتي وكلتلها .
جمانه : صار عمه .
ام بسام: أي بنتي لان هذوله مو خوش ولد اعرفهم هاي حجه يردوها ، اني بالباب يوميه شو ميجي يسال عليه .
جمانه : اني هم بعد مارحت اشتري النور لان عرفت كلام عمتي صح وهو مبين من نضراته اليه جان تفكيره وصخ .
ومرت الاشهر _
وصادف عيد واجني حمواتي على امهن وهنه متعلمات يبقن اسبوع ويرحن لان يتاخرن ياله
يجن علينه كل 3اشهر يجن خطار علينه واني
رحت يم اهلي كملت 3ايام العيد ورجعت يمهم وكعدن البنات بجن وذكرن بسام اجه العيد وهو
بالسجن بقن كم يوم ورجعن لبيوتهن ومرت الاشهر
وصار على سجنه سنه و10اشهر ، اني بقيت يم عمتي وطيبه وحياتي عاديه ماله معنى بس بنتي
نور وبس عندي وعمتي تخاف علينه حيل صالح اخويه بقى سنه يجي علينه ويبات يمنه كوه قنعنا ميجي يبات لان سندس زعلت وصارت مشكله واحنه
كلناله لتجي بعد احنه تعودنه وحدنه ومرات من انضوج اروح اني وطيبه البيت عمي ابو هدى وسوسن وحمودي مرات يجون يم اهلي واشوفهم وسمعت حسان خطب هدى وصدك فرحت الهم
هنا ابويه تكفل يصرف عليه اني نور من كل طلباتي وعمتي طلعت افلوس بسام اشترت النه ملابس والورق ضمته يم طيبه واني هم ماكلت شي ولا سالت عليهن لان طيبه بيها طبيعه اتحب اتخلي
كل شي يمها حتى عقد زواجي يمها ضامته متنطي اليه ،
مرت فتره
جمانه :- كاعده العصر اباوع على التلفزيون اندك الباب واجه ايهم وطبت عمتي كالت .
ام بسام: جمانه يمه وينج اجه ايهم كومي جيبي ماي شي .
جمانه :- اي عمه جايه ، طلعت رحت الاستقبال طبيت سلمت .
ايهم : اجيت حتى اعزمكم بعرسي هل اسبوع يمه واريدج حاضره بيها .
ام بسام: ها ماشاء الله .... ان شاءلله يمه الف مبروك تتهنه يارب .
جمانه :- الف مبروك ايهم تستاهل كل خير .
رد عليه وهو مدنك رأسه شكد يحجون عليه ويكولون نسونجي بس ما فد يوم شفته باوع بنضره مو حلوه على أي وحده بينه رد كال .
ايهم : تسلمين خيتي ام نور... واريد اعزم بيت
عمتي ام حميد وتعرفين ماندل وين سكنو كالو قريبين عليكم .
ام بسام : اي صح 3 افرع ورانه .
ايهم : اي زين تروحين ويايه يمه اعزمهم .
جمانه :- ها ... اي عمه صار.... هسه خلي اجيب جاي.
ام بسام : اي يمه ماكتلي منين هاي الي راح تزوجها.
أيهم : بت خالتي يمه .
ام بسام: ها اي زين اسوي منو من بنات خالتك .
أيهم : بت خالتي حسيبه .
ام بسام : شعجب اخذتها ابني شنو تحبها .
تنهد وكال .
أيهم : والله يمه هاي اختيار امي البنية يتيمه وصغيره.
ام بسام : هااا وانت رايدها يعني .
_ ان شاءلله يا ايهم الله يسعدك وياها هم خطيه يتيمه لتكسر خاطرها .
ابتسم وكال .
أيهم : الله يسلمج ان نور لا أن شاء الله اخلي الله بين عيوني بيها .
ام بسام : أي خطيه هاي هيه بعد اتقبلها .
جمانه : قدمت اله الجاي وكتله ربي يهنيكم .
رد ابتسم وكال بحسره .
أيهم : كلشي نصيب خيتي لو عليه ماريد هل زواج بس تعرفين اني ماكدر على زعل امي .
ام بسام : اي وليدي عفيه عليك هاي امك الله يسعدك.
أيهم : والله يمه تمنيت بسام موجود ويحضر عرسي بس شنسوي بعد الضروف حكمت وامي واهلها مستعجلين .
طلعنه اني ويا كايده نور وكال .
أيهم : زين مو بعيد عليكم .
_ اي قريب مرات انضوج اني وطيبه نروح عليهم .
أيهم : اي شكو بيها .
جمانه : طبيت من باب الثاني وايهم راح يم الولد تلكتني كواكب سلمنه وكعدت كالت .
كواكب : شنو اليوم ايهم شذكره بينه .
جمانه : جاي يعزمكم على عرسه.
كواكب : ها خطيه الله يوفقه ، نور شلونها.
جمانه : سكتي مرمرتني صايره وكحه .
كواكب : خليها ونيس وياج شنو نسيتي جنتي مكضيتها بجي ام دميعه .
ضحكت وحضنت نور ابوسها اجه عادل كال .
_ أيهم يكول يله .
كمت ترخصت منهم وسلمت وطلعت رجعني أيهم للبيت وصلني للباب وكال .
أيهم : عيني ام نور تعبتج ويايه .
جمانه : لا ادلل .
أيهم : مو متجون على العرس .
جمانه : لا اشلون مانجي .
بعدها سلم وراح اباوع عليه بكلبي كلت الله يحفظه الشبابه ولا عبالك بسام اخو اشكد يختلف منه بكل شي الله يسعده ... طبيت جوه عمتي كاعده كلتلها .
طيبه : ها اي اروح ليش لا اني احب الاعراس .
ضحكت على سوالفها ورحت انوم نور صارت تنعوص نعسانه واجه الخميس ودكت علينه كواكب وكالت
" انتضرو امي تروح وياكم "
واجتي خالتي واني بدلت ولبست تنوره وقميص زيتوني وبدلت النور ورحنه للعرس وطبينه ولكينه انهار وامها ( ام أيهم واخته ) كاعدات وخالاتي والبقيه مااعرفهن سلمنه وانهار كامت هيه وامها تعرف بينه على خالاته وبنات خالاته ...واجتي امه
تهلهل وطلع ايهم لابس القاط وكامن خالاته يطشن جكليت عليه ويهلهلن وامه حضنته وبجت صاح .
أيهم :- ها شكو تبجين مو ردتي تشوفيني عريس .
_ لا يمه اني مالي خلك هيج يبعد امك روح جيب عروستك واني هنا بالبيت انتضرك .
طلعنه ركبنه بالسياره وفرحانين ونصفك وهلاهل وطبينه بيت اخت العروس وشفته العروس حلوه والله بس حيل ناعمه وضعيفه وقصيره وزفوهم شويه ورجعنه للبيت مسوين عشه بس خالتي ام حميد كالت
_ تعبت يله نبارك ونرجع منبقه على العشه
جمانه : يله خاله بكيفج .
رحنه وباركنه الهم وطلعنه بلكوه ماقبلت امه وانهار رادو نبقه على العشه سلمنه ورجعنه لبيتنه وخالتي راحت البيتها واني ونور ونمنه من صوت الاغاني دخنه .
مرت الايام والاشهر
وهم اجه ايهم علينه .
أيهم : السلام عليكم اشلونكم اخبار بسام .
ام بسام : والله يم ربك ان شاءلله الله يفرج همه .
أيهم : محتاجه شي يمه امانه الله .
_ لا والله يمه تسلم متقصر .
_ اني هم ابنج والله كولي ولا تستحين .
_ لا يعيني تسلم متقصر لو محتاجه اكولك .
_ امي تسلم هواي عليج وتكول خلي تكثر بالدعاء وانتِ ام ربج يستجاب .
_ ان شاءلله يمه شلون مادعيله شعندي غيره تسلم انت وامك وهم سلملي عليها ها ماكتلي ماصار عندك شي .
ام بسام : الله يشفيها يارب .
مرت الايام
صرت كل ما افتح المجمده اشم ريحه مو طيبه عرفت ريحت الحم لان المجمده تشتغل بس على الوطنيه وتطفه هوايه حجيت العمتي وطيبه وعمتي كالت .
_ لا وين اكو ريحه .
طيبه كالت الامها.
_ يمه الخاطر ربج اشتمي الريحه لا طبختي وخليتينه ناكل منه حرامات هيج خاس اقتنعت عمتي وكامت اطلع منه وطبختلنه تشريب بس اني لعبت نفسي من ريحته وكلت الهم ماريد وماكلت منه ثاني يوم سوت المعلاك ومادري اشون قنعتني وسوتلي لفه واني اكلته وكمت اتقيئء ولعبت نفسي
_ محد وداها .
صالح : ليش مو يمها انتو مو جنتكم هيه موخادمتكم وقايمه بكل واجباتكم و رجلها
بالسجن صار سنتين وهيه يمكم ومداريتكم
ليش لعد من شفتوها مريضه متودوها .
جمانه : ضاج صالح وصار عصبي وحجه اشكال وكال.
_ كومي لبسي عبايتج علمود اوديج للدكتور .
جمانه : كمت بدلت واخذني لدكتور وكله خلي تسوي تحاليل وحللت وطلع عندي تيفؤيد والتهاب كال .
_ الدكتور بسبب اكله ماكلته مو نضيفه .
عرفت من لفه المعلاك الي اكلتها من عمتي صالح كال .
_ ا مشي ويايه للبيت الحد متصيرين زينه .
جمانه : والله ليلى عندي ابر كل يوم وحده ولازم ابقه علمود العلاج .
ليلى : اي من تصيرين زينه ارجعي يم اهلي .
جمانه : ان شاء لله .
طيبه : هو صوج امي من تتمرض متوديها لدكتور
لعد مو عيب يجون اهلها يودوها .
جمانه : لا طيبه اني مازعلانه منكم بس اريد اصير زينه والله كريم .
طيبه : لا والله امي بخيله تعبنه منها بس شنسوي .
جمانه : همزين عمتي مو هنا ضحكت على كلام طيبه.
اجتي عمتي كالت .
جمانه : ليش عمه شكو بيه اشو خالي ومات عليمن هل كره بعد .
_ لا ماكدر اروح عليها ابد مثل ماخذت خالج
_ بكيفج عمه براحتج
رجعت الاهلي وبعد كم شهر سمعنه اتوفت ام ايهم الله يرحمها ورحت اني وفرح وسندس عزينه انهار وطلعنه شفنه ايهم واكف بالباب خطيه شصاير بي اشكد متعلق بامه الله يرحمها اخذنه بخاطره
وطلعنه خطيه امه ماشافت خلفته ...
رجعت يم اهلي بقيت و مرات سندس تضوج من تصرف نور لان تتعارك ويا جهالها ومتعلمه على صالح اخويه تكله بابا وتفتر وراه وهيه تغار على صالح حتى من الجهال بس شسوي اني وين اروح قابل انجبر اسكت واخذ نور الهيها بالعب لو انيمها كمت عكس جهالها انيمها بس ابويه حبيبي حيل يهتم بيه وبنور وياخذها يلعبها ويطلعها بالشارع ويا ، ومرات فرح وشهد يجون عليه ويجيبون الحلويات النور ويرحون واني احس روحي مثل البيت الواكف ماله طعم حياتي ولا اعرف مصير بسام شنو يطلع او لا ما اعرف وهاي بعد كم يوم ويقبط سنتين اله ، كاعدين نشرب جاي وندكت بابنه حيل طلع صالح فتحه طلعت ام لميس .
جمان : الكل انصدم من فرحتنه بالخبر وكمنه كلنه قفلنه البيت ورحنه بسياره صالح ابويه وامي وصالح وسندس والجهال ورحنه طبينه والبيت مخبوص من الجيران كلها ملتمه ابيت عمتي وطبينه وراحو اهلي كلهم سلمو عليه ابويه وصالح وامي وسندس وجوي خطار من الجيران وطب واني واكفه بالطرمه طلع
بسام من الصاله وشافني ضحك واجه حضني وضمني الصدره حيل واني صدك بجيت من كل كلبي كال .
بسام : كافي بجي و روحي طبي جوه خلي اشوف العالم .
جمانه : مسحت وجهي وتحمدت اله بالسلامه وطبيت جوه لكيت كل كرايبنه جايه تبارك بطلعت بسام والبيت متروس ناس وعمتي ذبحت ذبيحه وطبخت عشه للناس والكل بقه لليل بعدها راحو الكل حتى اهلي بقت بس خالتي باتت يمنه وبسام كاعد يحجي النه على السجن وشلون جانو يعاملو وبقينه لل 1بليل بعدها كال .
جمانه : هو يحجي واني ساكته وخجلانه منه
بعدها نمنه و كعدنه الصبح سوينه ريوك تريكنه
وخالتي ام حميد تريكت ويانه وراحت البيتها
بعد ماراحت خالتي كعد بسام يحجي ويا عمتي وحاط نور بصفه وهي متقبل مستغربه منه راحت نور كعدت بحضن عمتي كال .
بسام : يمه جمانه منو يوديها لاهلها .
ام بسام : يمه مو سالتني من جنت بالسجن وكتلك البنيه خلفله عليها من طبيت للسجن سنتين ماعافتنه ابد وكل اسبوع تروح هيه وطيبه عصريه وترجع وبس من جانت تروح سندس لهله هاي كل شهرين هيه تبات يم اهلها تعرف بعمتك متكدر تطبخ تروح هيه تسوي الاهلها الطبخ .
رد بعصبية
بسام : اي بس اني مو كتلج لتخليها تروح هيه وطيبه وحدهن مو كتلج انتِ وديها بعد .
ام بسام : يمه شكو عليهن اني ماعندي قابليه للمشي تدري بيه ومايحتاج اني اخذهن زوجتك بنت اصل وفصل رغم ما هي صغيره بس محد شاف طولها
طول هل سنتين وانت بالسجن وحتى لبست حجاب وراك من تطلع وشعر وجه ماحفته وراك لان متربيه وكفيلك الله الناس كلها حاسدتك عليها شتريد بعد متكلي .
جمانه : خالتي تحجي واني مشلت راسي من الخجل هو باوع عليه و بتسم كال .
بسام : لا اني هاي ادري بيها من اخذتها وحاسديني عليها بس البارحه شو اجيتو كلكم حتى سندس شنو من جنتي يم اهلج مارايحه سندس لاهلها .
طيبه : اي وهم امك تعرفها متصرف و اهلها ماخذيها للدكتور .
بسام : لعد ليش مو انتِ ماخذتها يمه .
سكتت عمتي شويه واني كلت .
جمانه : ماكو فرق بينه احنه اهل بسام وعمتي
جانت تعبانه حيل وراك مالها خلك الكل شي .
بسام : ها زين والفلوس وين ملاتي الورق وين .
جمانه : اباوع طيبه وجها صار اصفر وصارت قلقه وجهلي الكلام وسألني كتله .
_ والله اني لا شفت افلوس ولا لزمت بيدي اصلن
من طلعتهن طيبه اني جنت يم اهلي بس من اجيت عمتي اشترت اليه والنور ملابس وكالت من افلوس بسام .
ام بسام : يمه ليش تبجين اسم الله احجي ولج .
طيبه : فدوه بسام اسمعني ولا تعصب اني صرفتهن افلوسك .
بسام : شلووووون ،، شنو صرفتيهن ولج 7 اوراق اشجبتي بيهن مو قليلات طيبه كولي .
صارت تاتء بالحجي وكالت .
طيبه : بب... بس ..ااا اسمع انت اول .
بسام : بصياح ، شسمععععع ولجججج احجييييي
ام بسام: يمه على كيفك لتعصب خلي نفهم شمسويه بيهن .
بسام : احجي احسن مافلش راسج احججججي
اباوع طيبه خايفه وبسام يعت بيها ويحجي بعصبيه كالت .
طيبه : بسام اوكف افتهم أول اني صرفتهن على لبس واكل وشرايه اليه .
ام بسام : شششششنو شششششنو ولج يمكموعه شكلتي هسه عيدي .
طيبه : اي يمه من وراج انتِ تضمين علينه ومتهونين تصرفين ، واني حقي ماشايفه هيج افلوس وانتِ حصره تنطين فلس لو تجيبين حاجه واني هم مثل البنات اريد ونجبرت اصرف منهن وكلت اني ماغلطانه افلوس اخويه ذني .
جمانه : اني اسمع ونزلن دموعي من كل كلبي قاطعت كلامها وكلتلها.
_ ليش طيبه بس انتِ شابه وعندج احتياجات
بيج اني مو وياج ونفس البيت عايشه وياكم
وكلشي احضر الكم اكلكم وملابسكم مغسوله ومامقصره وياكم بشي اشو مرات اتمرض افلاونزه اروح على اهلي يجيبولي علاج ليش هيج تسوين لعد ماكلتي افلوس زوجه خلي انطيها الها البنتها ليش هل انانيه ليش لما كدامج اتمرض واكلج امشي اروح على اهلي هسه يشوفوني مريضه ويشترولي علاج لان استحي اطلب منهم ليش هل انانيه وانتِ تشوفيني من احتاج اني ونور وانجبر اسكت وما اكول اريد وحضرتج اباوع عليج كل اسبوع دشداشه جدديده تلبسين وبكلبي اكول ليش هيج عمتي تنطي البتها واني يمها متجيبلي مثلها .
احجي ابجي لان فعلا تأذيت من جنت احتاج وما الكي اجتياجاتي .
ما اسمع غير الراشدي فر وجه طيبه وسحبه من شعره اني فزيت ورجعت ليوره من الخوف .
ام بسام : لا يمه ليش هيج اختك اكبر منك ليش هيج وياها خطيه لعد منين تجيب عوفها .
بسام : هاا منين تجيب مقتنعه انتِ بكل هذا
كلامها وليش لعد ماصرفت على جمانه وبنتي
هم الهم حق بالفلوس وبعدين شجبتي تره
ال 7 اوراق مو قليله .
طيبه : لا اني صرفتهن بسنتين اشويه اشويه وخلصن .
بسام: هاااا زين والله تفترين تصرفين وتتونسين واني جمعتهن بالكوه من راتبي واجيتي على الجاهز صرفتيهن .
بجت بصوت وكالت .
طيبه : شسوي لعد .
بسام : كافي بجي وماكو شي اسمه شسوين طيبه .
ام بسام : ياله كافي سدو السالفه .
بسام : وانتِ يمه هم مرات تصعبيها حيل .
ام بسام : واني شنو قابل منين اجيب اصرف عليهم
تريد ابذر مثل اختك الفايخه .
جمانه: اخر شي ختمته نور طشرت التمن وبسام
كفخ نور براشدي يمه اني اتهسترت نور مدلله محد ضاربها عمتي صاحت .
_ ليش ولك ليش هيج طفله متفتهم .
_ شنو تتعلم بسام طفله تره ليش هيج ضربتها .
بسام : كاااافي اسكتييي .
جمانه : اخذته وكمت ابجي رحت بالمطبخ وهيه
اجتي تمس بوجهي وتكلي بصوتها الطفولي.
_ ايش ابجين ماما هاده بابا مو حلو ماحبه .
جمانه : ابتسمت عليها وكلتلها .
_ كافي ولج ليسمعج وعيب هذا ابوج .
_ لا ماليده لا .
جمانه : لا لتبجين يروحي تعالي اكلي هنا اني وياج صاير متقي ويحجيلي بالدين عود ويعرف ربه ويطبقه عليج احجي بكلبي وكلت نور سكتتها وهيه
رجعت تشهك من ضربت ابوها اذاها سوده عليه شحجي ويا هذا بله طب للمطبخ باوع علينه وكال .
جمانه : يااا عزااا بسام تره نور طفله طفله متفتهم.
عفته وكمت وهو شالها هيه كامت تبجي متريده
اجت عمتي اخذتها تسكت بيها ونيمتها وهو راح
نام كعد العصر سبح وكال .
_ طلعيلي ملابس اريد اروح على ايهم اشوفه خطيه وره ما ماتت امه شصار بي حجتلي عليه امي ونقهرت .
ام بسام: أي هم رحت اني وفرح وسندس للفاتحه مالت امه .
طيبه : اي بسام وتريد تروح تشوفه .
بسام : ليش لا هو البارحه اجه عليه سامع واجه سلم عليه وكعد يمي وراح .
ام بسام : حقك يمه انت متعرف شسوه .
طيبه : مو بفاتحت امه رايحة عمتي ام حميد وامي وطاردهن من بيتهم .
بسام : هو ؟ .. لا لا مامعقوله ايهم اعرفه ميسويها
هاي مو اخلاقه ابد .
طيبه : لا والله اسال جمانه .
جمانه : اي صح هم سمعت من امي هو طاردهم .
اجتي عمتي كالت .
ام بسام : لا يمه مو هيج الحجي امه الله يرحمها تمرضت وبقت نايمه بالفراش 6اشهر اكثر ومره لكيت اخته وسلمت عليها وحجتلي وكالت امي مريضه واني مارحت عليها ابد ومره اني بالمحل
وهم اجتي اخته سلمت عليه وكالت امي تريدج تريد تشوفج وتحاللج وتواهبج واني كلتلها ان شاء لله
اجي عليها بس اني مارحت عليها ليش الجذب
تبقه ضره والضره مره مارحت عليها وهم عماتك تعرف بيهن مايروحن عليها اصلن وهم سامعات بمرضها وما رايحات عاد من ماتت رحنه وهو طلع مقهور على امه وكال عليمن يمه جايات هسه مثل الغرب بفاتحت امي شو من جانت مريضه بفراشها ماجيتن عليها هسه بالفاتحه جايات ، عافنه وطلع احنه صدك عاد اني وعمتك ام حميد نحرجنه كدام النسوان وطلعنه ورا .
ام بسام: ماكدرت يمه والله مو بيدي حسيتها اليوم اخذت ابوك مني وقبلت تزوج بواحد عنده زوجه وجهال .
بسام : يمه هاي سنه الحياة بعدين ابويه شبع
مي ورد وانتِ هسه تذكرتي .
بسام : جمانه وينج انطيني الملابس كتلج خلي اروح عليه واشوفه .
جمانه : وصدك بسام بدل وراح عليه واخذ نور ويا رجع بليل من يمه كال .
بسام : هاي شنو زوجه ايهم جنه بكه حيل ناعمه وقزمه وضعيفه حيل .
جمانه : بس حلوه بت خالته تصير ، فدوه تخبل حيل حلوه وعزمتها يمنه وكتله لتكطع بيه بعد تعال وخلي انشوفك .
بسام : و الله يا جمانه تردين الصدك اني احبه حيل
هو و انهار أيهم اخويه ومستحيل اتخله عنه .
طيبه اي هسه طلعو النه بالبخت اخواني .
حجت وفرت ايدها معاجبها .
_ ليش ولج هيج تححين .
طيبه : خصه هاي انهار ال......اق...ه اشكد اكرها.
جمانه : ماشوف اله الراجدي طيرت وجه طيبه وهيه صارت تبجي وتمسح بخدها عمتي ضاجت وكالتله.
عمتي : صدك بسام تضرب اختك علمودهم .
بسام : اضربها واكسر رأسها طبها مرض ماشفتيها اشلون تحجي كلها غل ونحاسه شمسوين الها انهار وايهم وهل كد تكرهم لان احسن منها تغار منهم والله العظيم .
طيبه : ياااا .. قحط اغار من شكولهم .
جمانه : لا طيبه اجتي مره و ومرت سلمت علينه وسالت عليك وايهم جان دائما يجينه بين فتره وفتره يسأل شمحتاجين ويروح ماكطعو ابد .
رد بعصبية وصياح
بسام : هاااااا وتكولللللين محدددد شاف ايهم ابد .
ام بسام : يا ولج طيبه انتِ متبطلين جذب .
طيبه : والله بخت عد انهار وايهم كلها تحبهم
ودافع الهم .
بسام : كافيييييييي طيببببه صمي حلكججججج .
جمانه : نور صارت تخاف من بسام لان تسمع صوته عالي وعصبي على طول كامت تنام بصف عمتي بالليل وهي متعلمه عليه بس شسوي تخاف من
ابوها بسام شويه عنده قساوه ويه نور ويعاملها معامله واحد جبير لهسه أتذكر من رحنه على اهلي
مره من المرات و اني معلمتها اشيلها هيه دبدوبه وهو ميقبل يكلي جبيره شنو تشيليه نزليها ويجبرني انزلها تمشي وهيه توكف بالشارع وتبقه تبجي وهو يمشي ويكلي امشي عوفيها هسه تجي ورانه صوجج انتِ مامعلمتها تمشي اني داخلي كلبي يعصرني عليها بس ما اكدر اعانده من عصبي ويصيح نور من شافت ابوها هيج راحت يم بيبيتها تنام وعمتي هم مكيفه فرشت اله بصفها وتكلي روحي خلفيلج واحد غير نور نيمي بصفج .
ومرت الاشهر والايام __
وبسام حيل زين ويايه ويحترمني ويكعد ويتعلل ويانه ويسولف وكل وكت يصلي بوكته وعاف كل اصدقائه صار من يجون يعوفهم ويطب وهمه هم ماجوي بعد عليه واني صدك فرحت وكلت بكلبي يجوز السجن طلع البسام گلب الله يهدي وجان كل يوم يروح بيت خالتي ام حميد يبقه يم ولدهم وياخذ نركيلته ويبقه يتعلل يمهم ويجي بالليل
مرت الايام وبيوم اجه حسان عزمنه على عرسه م خطب هدى بنت عمي وكلنه فرحنه بعرس حسان وحضرنه نفسنه و ساره حماتي زعلانه يمنه وراحت ويانه بعرس حسان وبسام شايل نور بحضنه ويركص بيها وكل اقربائنه حضرو العرس واسامه أخو اول الناس يركص ماكعد ابد اجه شافنه اني وبسام
وجه صار احمر ماعرف شبي ، سلم علينه واخذ نور مني يبوس بيها وراح يركصها ويا وهيه فرحانه وتضحك راح بسام وكف يركص ويا اسامه بقينه
على العشه يمهم بعدها باركنه الهم وطلعته هدى
اصرت تبقي يمها ساره خطيه هدى ماكو احد بالبيت بس عمي وحسان واسامه ومحمد وهيه اول جنه الهم وعمتي كالت الساره .
ام بسام : لا عمه اخاف ساعه الساعه ويجون اعيالها.
هدى : لا عمه فدوه خليها عاد للسبعه يمي فدوه .
بسام : ابقي ساره ، وياله جمانه الزمي بنتج ونزلو.
هدى : فدوه بسام تسلم .
_ ادللي عروستنه .
جمانه : رجعنه للبيت وبقت ساره يم هدى كم يوم ومن رحنه بالسبعه نبارك الهم واخذنه هدايه اجتي فرح وشهد وسندس رجعت ساره ويانه للبيت وهم زين رجعت لان ثاني يوم اجه زوجها وعيالها ورجعت البيته هاي ساره كل فتره تتعارك لو ويا زوحها لو ويا اعيالها عكس زينه من تزوجت لهسه ماجتي زعلانه يوم ابد عمتي هل فتره لحت علة الخلفه علينه وصدك صرت حامل وره ما طلع بسام من السجن
8 اشهر ياله صرت حامل وبسام فرحان بحملي يكلي
_ حملج بنور فكر جان ماشفتج ولا رحت وياج بولادتج .
جمانه: هزيت راسي نقهرت من كلامه بس مردت اخرب الكعده لان اشوفه مكيف بيه ويكلي .
بسام : لج جمانه انتِ منا حلوه ونوب سمنانه
زايدج السمن جمال فوك جمالج .
جمانه : هاي شنو صاير شاعر بسام والله عمي ماعرفتك ، حجيت بكلبي معقولة كبر بسام وعقل والله ما اعرف بعد هنا هو صار عمره 20سنه واني عمري 19سنه وعرف بيه ولد واصر يسمي على اسم ابوه وسما طارق على اسم خالي الله يرحمه وامي فرحت لان اسم اخوها نعاد من جديد وهنا بسام
اشتغل الصبح بالعلوه والعصر بشارع يبيع بانزين يجيبله اخويه صالح بسيارته وهو يبيع وجمع كم فلس ضمهن وبعد فتره جابتله عمتي هديه مبايل جان نازل جديد اسمه الدمعه غالي حيل وبعد كم يوم اجه بسام صفن و كال .
_ جمانه شتكولين ابيع المبايل مالتي وحطهم على افلوسي الي ضامهن وانتِ بيعي ذهبج وانطيهن اليه اشتري سياره هيه صح قديمه وتعبانه بس زينه اقلها اجيب بيها بانزين وابيع ليش اشتري من اخوج بنص القيمه وهيج يزود دخلي ها شتكولين وبلكي امي هم تساعدني بكم فلس واشتري .
جمانه : فرحت ومعترضت على الفكره وكتله .
_ اي ليش لا .. ادللل اخذه الذهب ماعزه عليك .
نطيته الذهب وصدك باع المبايل وذهبي وعمتي انطته كم فلس واشتره سياره سوبر رصاصي قديمه وفرحان بيها علمه صالح اخويه شلون يسوق
جابها قبل ولاتي بيومين واني جهزت ملابس الابني بس على كدنه استغربت عمتي ابد مافكرت تشتري كاروك او ملابس للطفل منها ابد رغم من جابت بته زينه جهزته من كل شي وجربايه وساره هم جهزتها بس اني ماجابتلي ابد وهنا صادف رمضان واحنه انام بالسطح لان ماعدهم يدفعون خط مولد ذهبي بس تصير بل 12يطفي ابو المولد ويشغل الذهبي واحنه نصعد فوك وبسام يبيع بانزين كام يحط بانزين بالمولده وكال .
_ انتِ متكدرين تصعدين درج .
اعرفه سوه هيج لان مره زلكت وهمزين جلبت
بدرج ايدي زركت ومن شافني هيج كال متصعدين فوك بعد وعمتي صارت تضوج لان اشوف بسام شلون يخاف عليه وميقبل اصعد ، تصرفاتها تغيرت و اصرت هيه تنام بالسطح وعلى صوت المولد عادي عدها واني انام جوه اني وبسام ونور بعد كم يوم سمعنه اختي فرح متعاركه ويا قصص ماي هوبس عمتها وعمتها طاردتهم هيه وزوجها ورايحين يدورون بيت لليجار سمع بسام وكال الهم تعالو يمنه عدنه فوك غرفتين فارغات وفعلا راحو يجمعون غراضهم وعمتي سمعت كلبت الدنيا وما قبلت صح هيه تحجي بس دئماً كلمه بسام هي التمشي على البيت كله واجتي فرح وكعدو عدنه وصارت ولادتي وجبت طارق فدوه العينه وبسام الفرحه ماسايعته ومكيف بيه وبالطفل وصار حتى بنور يهتم وهيه حيل تعلقت باابوها لان يطلع ويطب بسام ياخذها ويا هنا نور صارت بالسنه الرابعه و تفتر على راس طارق مكيفه بي واجه ابويه بارك اليه وامي ولكل اجه بارك
وبعد كم يوم قررت فرح تشيل من يمنه زوجه
شايف بيت لان صارت مترتاح عدنه بسبب عمتي وطيبه حيل يضايقوها ويضايقون زوجها قررت تشيل حتى ترتاح شالت قريب من عدنه وكل يوم
تجيني لحد ما صار اسبوع وكمت على حيلي وعلى البيت بعد ما اجتي فرح عافت مكانها خالي تعلمت عليها جانت مسليتني بالبيت وياي بقت 8 أشهر
ثاني يوم كعدنه على خبر كل احنه نقهرنه ونصدمنه بي ......
